Mahendra Kruta Mahalakshmi Stotram

mahendra kRRita mahAlakShmI stotraM

shloka 1

mahendra uvAcha

namaH kamalavAsinyai nArAyaNyai namo namaH |

kRRiShNapriyAyai sArAyai padmAyai cha namo namaH || 1 ||

padmapatrekShaNAyai cha padmAsyAyai namo namaH |

padmAsanAyai padminyai vaiShNavyai cha namo namaH || 2 ||

sarvasampatsvarUpAyai sarvadAtryai namo namaH |

sukhadAyai mokShadAyai siddhidAyai namo namaH || 3 ||

haribhaktipradAtryai cha harShadAtryai namo namaH |

kRRiShNavakShaHsthitAyai cha kRRiShNeshAyai namo namaH || 4 ||

kRRiShNashobhAsvarUpAyai ratnADhyAyai namo namaH |

sampatyadhiShThAtRRidevyai mahAdevyai namo namaH || 5 ||

sasyAdhiShThAtRRidevyai cha sasyalakShmyai namo namaH |

namo buddhisvarUpAyai buddhidAyai namo namaH || 6 ||

vaikuNThe cha mahAlakShmIrlakShmIH kShIrodasAgare |

svargalakShmIrindragehe rAjalakShmIrnRRipAlaye || 7 ||

gRRihalakShmIshcha gRRihiNAM gehe cha gRRihadevatA |

surabhiH sA gavAM mAtA dakShiNA yaj~nakAminI || 8 ||

aditirdevamAtA tvaM kamalA kamalAlaye |

svAhA tvaM cha havirdAne kavyadAne svadhA smRRitA || 9 ||

tvaM hi viShNusvarUpA cha sarvAdhArA vasundharA |

shuddhasattvasvarUpA tvaM nArAyaNaparAyANA || 10 ||

krodhahiMsAvarjitA cha varadA cha shubhAnanA |

paramArthapradA tvaM cha haridAsyapradA parA || 11 ||

yayA vinA jagatsarvaM bhasmIbhUtamasArakam |

jIvanmRRitaM cha vishvaM cha shavatulyaM yayA vinA || 12 ||

sarveShAM cha parA tvaM hi sarvabAndhavarUpiNI |

yayA vinA na sambhAShyo bAndhavairbAndhavaH sadA || 13 ||

tvayA hIno bandhuhInastvayA yuktaH sabAndhavaH |

dharmArthakAmamokShANAM tvaM cha kAraNarUpiNI || 14 ||

stanandhayAnAM tvaM mAtA shishUnAM shaishave yathA |

tathA tvaM sarvadA mAtA sarveShAM sarvavishvataH || 15 ||

tyaktastano mAtRRihInaH sa chejjIvati daivataH |

tvayA hIno janaH ko.api na jIvatyeva nishchitam || 16 ||

suprasannasvarUpA tvaM me prasannA bhavAmbike |

vairigrastaM cha viShayaM dehi mahyaM sanAtani || 17 ||

vayaM yAvattvayA hInA bandhuhInAshcha bhikShukAH |

sarvasampadvihInAshcha tAvadeva haripriye || 18 ||

rAjyaM dehi shriyaM dehi balaM dehi sureshvari |

kIrtiM dehi dhanaM dehi putrAnmahyaM cha dehi vai || 19 ||

kAmaM dehi matiM dehi bhogAn dehi haripriye |

j~nAnaM dehi cha dharmaM cha sarvasaubhAgyamIpsitam || 20 ||

sarvAdhikAramevaM vai prabhAvAM cha pratApakam |

jayaM parAkramaM yuddhe paramaishvaryamaiva cha || 21 ||

ityuktvA tu mahendrashcha sarvaiH suragaNaiH saha |

nanAma sAshrunetro.ayaM mUrdhnA chaiva punaH punaH || 22 ||

brahmA cha sha~Nkarashchaiva sheSho dharmashcha keshavaH |

sarve chakruH parIhAraM surArthe cha punaH punaH || 23 ||

devebhyashcha varaM dattvA puShpamAlAM manoharAm |

keshavAya dadau lakShmIH santuShTA surasaMsadi || 24 ||

yayurdaivAshcha santuShTAH svaM svaM sthAnaM cha nArada |

devI yayau hareH kroDaM hRRiShTA kShIrodashAyinaH || 25 ||

yayatustau svasvagRRihaM brahmeshAnau cha nArada |

dattvA shubhAshiShaM tau cha devebhyaH prItipUrvakam || 26 ||

idaM stotraM mahApuNyaM trisandhyaM yaH paThennaraH |

kuberatulyaH sa bhavedrAjarAjeshvaro mahAn || 27 ||

siddhastotraM yadi paThet so.api kalpatarurnaraH |

pa~nchalakShajapenaiva stotrasiddhirbhavennRRiNAm || 28 ||

siddhastotraM yadi paThenmAsamekaM cha saMyataH |

mahAsukhI cha rAjendro bhaviShyati na saMshayaH || 29 ||

iti shrIbrahmavaivarte mahApurANe dvitIye prakRRitikhaNDe nAradanArAyaNasaMvAde ekonachatvAriMshattamo.adhyAye mahendra kRRita shrI mahAlakShmI stotram |