Mahendra Kruta Mahalakshmi Stotram
Mahendra Kruta Mahalakshmi Stotram
mahendra kRta mahAlakSmI stotraM
mahendra uvAca
namaH kamalavAsinyai nArAyaNyai namo namaH |
kRSNapriyAyai sArAyai padmAyai ca namo namaH || 1 ||
padmapatrekSaNAyai ca padmAsyAyai namo namaH |
padmAsanAyai padminyai vaiSNavyai ca namo namaH || 2 ||
sarvasampatsvarUpAyai sarvadAtryai namo namaH |
sukhadAyai mokSadAyai siddhidAyai namo namaH || 3 ||
haribhaktipradAtryai ca harSadAtryai namo namaH |
kRSNavakSaHsthitAyai ca kRSNezAyai namo namaH || 4 ||
kRSNazobhAsvarUpAyai ratnADhyAyai namo namaH |
sampatyadhiSThAtRdevyai mahAdevyai namo namaH || 5 ||
sasyAdhiSThAtRdevyai ca sasyalakSmyai namo namaH |
namo buddhisvarUpAyai buddhidAyai namo namaH || 6 ||
vaikuNThe ca mahAlakSmIrlakSmIH kSIrodasAgare |
svargalakSmIrindragehe rAjalakSmIrnRpAlaye || 7 ||
gRhalakSmIzca gRhiNAM gehe ca gRhadevatA |
surabhiH sA gavAM mAtA dakSiNA yajJakAminI || 8 ||
aditirdevamAtA tvaM kamalA kamalAlaye |
svAhA tvaM ca havirdAne kavyadAne svadhA smRtA || 9 ||
tvaM hi viSNusvarUpA ca sarvAdhArA vasundharA |
zuddhasattvasvarUpA tvaM nArAyaNaparAyANA || 10 ||
krodhahiMsAvarjitA ca varadA ca zubhAnanA |
paramArthapradA tvaM ca haridAsyapradA parA || 11 ||
yayA vinA jagatsarvaM bhasmIbhUtamasArakam |
jIvanmRtaM ca vizvaM ca zavatulyaM yayA vinA || 12 ||
sarveSAM ca parA tvaM hi sarvabAndhavarUpiNI |
yayA vinA na sambhASyo bAndhavairbAndhavaH sadA || 13 ||
tvayA hIno bandhuhInastvayA yuktaH sabAndhavaH |
dharmArthakAmamokSANAM tvaM ca kAraNarUpiNI || 14 ||
stanandhayAnAM tvaM mAtA zizUnAM zaizave yathA |
tathA tvaM sarvadA mAtA sarveSAM sarvavizvataH || 15 ||
tyaktastano mAtRhInaH sa cejjIvati daivataH |
tvayA hIno janaH ko'pi na jIvatyeva nizcitam || 16 ||
suprasannasvarUpA tvaM me prasannA bhavAmbike |
vairigrastaM ca viSayaM dehi mahyaM sanAtani || 17 ||
vayaM yAvattvayA hInA bandhuhInAzca bhikSukAH |
sarvasampadvihInAzca tAvadeva haripriye || 18 ||
rAjyaM dehi zriyaM dehi balaM dehi surezvari |
kIrtiM dehi dhanaM dehi putrAnmahyaM ca dehi vai || 19 ||
kAmaM dehi matiM dehi bhogAn dehi haripriye |
jJAnaM dehi ca dharmaM ca sarvasaubhAgyamIpsitam || 20 ||
sarvAdhikAramevaM vai prabhAvAM ca pratApakam |
jayaM parAkramaM yuddhe paramaizvaryamaiva ca || 21 ||
ityuktvA tu mahendrazca sarvaiH suragaNaiH saha |
nanAma sAzrunetro'yaM mUrdhnA caiva punaH punaH || 22 ||
brahmA ca zaGkarazcaiva zeSo dharmazca kezavaH |
sarve cakruH parIhAraM surArthe ca punaH punaH || 23 ||
devebhyazca varaM dattvA puSpamAlAM manoharAm |
kezavAya dadau lakSmIH santuSTA surasaMsadi || 24 ||
yayurdaivAzca santuSTAH svaM svaM sthAnaM ca nArada |
devI yayau hareH kroDaM hRSTA kSIrodazAyinaH || 25 ||
yayatustau svasvagRhaM brahmezAnau ca nArada |
dattvA zubhAziSaM tau ca devebhyaH prItipUrvakam || 26 ||
idaM stotraM mahApuNyaM trisandhyaM yaH paThennaraH |
kuberatulyaH sa bhavedrAjarAjezvaro mahAn || 27 ||
siddhastotraM yadi paThet so'pi kalpatarurnaraH |
paJcalakSajapenaiva stotrasiddhirbhavennRNAm || 28 ||
siddhastotraM yadi paThenmAsamekaM ca saMyataH |
mahAsukhI ca rAjendro bhaviSyati na saMzayaH || 29 ||
iti zrIbrahmavaivarte mahApurANe dvitIye prakRtikhaNDe nAradanArAyaNasaMvAde ekonacatvAriMzattamo'dhyAye mahendra kRta zrI mahAlakSmI stotram |
Related Scriptures
अगस्त्य कृत श्री लक्ष्मी स्तोत्रं
33 verses
अन्नमय्य कीर्तन जय लक्ष्मि वर लक्ष्मि
0 verses
अष्ट लक्ष्मी स्तोत्रम्
8 verses
भाग्यदा लक्ष्मी बारम्मा
0 verses
1000 Names of Goddess Lakshmi
1000 verses
108 Names of Goddess Lakshmi
108 verses
About This Stotram
Overview
Mahendra Kruta Mahalakshmi Stotram is a 29-verse Sanskrit hymn dedicated to Goddess Mahalakshmi, the deity of wealth, fortune, and auspiciousness. It is attributed by tradition to Mahendra (Indra), king of the Devas. The verses praise Mahalakshmi through epithets connecting her to Lord Vishnu and to the lotus.
What are the benefits of chanting Mahendra Kruta Mahalakshmi Stotram?
- Invocation of Mahalakshmi's grace for material and spiritual prosperity
- Removal of financial difficulties and obstacles
- Granting of auspiciousness and fulfillment of desires
- Protection from negative influences
When is the best time to recite this?
Mornings and evenings are auspicious times for this stotram. Fridays, which are traditionally associated with Goddess Lakshmi, are especially suitable. It is also recited during Diwali, Navaratri, and Varalakshmi Vratam.
Historical and traditional background
The stotram is attributed to Mahendra (Indra), though this attribution is not definitively confirmed in classical Sanskrit literature. It is a standalone devotional hymn that draws on the Puranic tradition of Lakshmi worship. The text gained circulation within devotional communities through its collection in compilations of Sanskrit stotrams. Its language and style are consistent with post-Puranic Sanskrit devotional literature.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector to read it in your preferred script.
Related Texts
- Sri Mahalakshmi Ashtakam — an eight-verse hymn widely recited in Lakshmi worship
- Kanaka Dhara Stotram — a hymn to Lakshmi attributed to Adi Shankaracharya
- Sri Suktam — a Rigvedic hymn that is the oldest known text dedicated to Goddess Lakshmi