Mahendra Kruta Mahalakshmi Stotram
Mahendra Kruta Mahalakshmi Stotram
মহেন্দ্র কৃত মহালক্ষ্মী স্তোত্রং
শ্লোক 1
মহেন্দ্র উবাচ
নমঃ কমলবাসিন্যৈ নারাযণ্যৈ নমো নমঃ ।
কৃষ্ণপ্রিযাযৈ সারাযৈ পদ্মাযৈ চ নমো নমঃ
শ্লোক 2
পদ্মপত্রেক্ষণাযৈ চ পদ্মাস্যাযৈ নমো নমঃ ।
পদ্মাসনাযৈ পদ্মিন্যৈ বৈষ্ণব্যৈ চ নমো নমঃ
॥ 1 ॥
শ্লোক 3
সর্বসম্পত্স্বরূপাযৈ সর্বদাত্র্যৈ নমো নমঃ ।
সুখদাযৈ মোক্ষদাযৈ সিদ্ধিদাযৈ নমো নমঃ
॥ 2 ॥
শ্লোক 4
হরিভক্তিপ্রদাত্র্যৈ চ হর্ষদাত্র্যৈ নমো নমঃ ।
কৃষ্ণবক্ষঃস্থিতাযৈ চ কৃষ্ণেশাযৈ নমো নমঃ
॥ 3 ॥
শ্লোক 5
কৃষ্ণশোভাস্বরূপাযৈ রত্নাঢ্যাযৈ নমো নমঃ ।
সম্পত্যধিষ্ঠাতৃদেব্যৈ মহাদেব্যৈ নমো নমঃ
॥ 4 ॥
শ্লোক 6
সস্যাধিষ্ঠাতৃদেব্যৈ চ সস্যলক্ষ্ম্যৈ নমো নমঃ ।
নমো বুদ্ধিস্বরূপাযৈ বুদ্ধিদাযৈ নমো নমঃ
॥ 5 ॥
শ্লোক 7
বৈকুণ্ঠে চ মহালক্ষ্মীর্লক্ষ্মীঃ ক্ষীরোদসাগরে ।
স্বর্গলক্ষ্মীরিন্দ্রগেহে রাজলক্ষ্মীর্নৃপালযে
॥ 6 ॥
শ্লোক 8
গৃহলক্ষ্মীশ্চ গৃহিণাং গেহে চ গৃহদেবতা ।
সুরভিঃ সা গবাং মাতা দক্ষিণা যজ্ঞকামিনী
॥ 7 ॥
শ্লোক 9
অদিতির্দেবমাতা ত্বং কমলা কমলালযে ।
স্বাহা ত্বং চ হবির্দানে কব্যদানে স্বধা স্মৃতা
॥ 8 ॥
শ্লোক 10
ত্বং হি বিষ্ণুস্বরূপা চ সর্বাধারা বসুন্ধরা ।
শুদ্ধসত্ত্বস্বরূপা ত্বং নারাযণপরাযাণা
॥ 9 ॥
শ্লোক 11
ক্রোধহিংসাবর্জিতা চ বরদা চ শুভাননা ।
পরমার্থপ্রদা ত্বং চ হরিদাস্যপ্রদা পরা
॥ 10 ॥
শ্লোক 12
যযা বিনা জগত্সর্বং ভস্মীভূতমসারকম্ ।
জীবন্মৃতং চ বিশ্বং চ শবতুল্যং যযা বিনা
॥ 11 ॥
শ্লোক 13
সর্বেষাং চ পরা ত্বং হি সর্ববান্ধবরূপিণী ।
যযা বিনা ন সম্ভাষ্যো বান্ধবৈর্বান্ধবঃ সদা
॥ 12 ॥
শ্লোক 14
ত্বযা হীনো বন্ধুহীনস্ত্বযা যুক্তঃ সবান্ধবঃ ।
ধর্মার্থকামমোক্ষাণাং ত্বং চ কারণরূপিণী
॥ 13 ॥
শ্লোক 15
স্তনন্ধযানাং ত্বং মাতা শিশূনাং শৈশবে যথা ।
তথা ত্বং সর্বদা মাতা সর্বেষাং সর্ববিশ্বতঃ
॥ 14 ॥
শ্লোক 16
ত্যক্তস্তনো মাতৃহীনঃ স চেজ্জীবতি দৈবতঃ ।
ত্বযা হীনো জনঃ কোঽপি ন জীবত্যেব নিশ্চিতম্
॥ 15 ॥
শ্লোক 17
সুপ্রসন্নস্বরূপা ত্বং মে প্রসন্না ভবাম্বিকে ।
বৈরিগ্রস্তং চ বিষযং দেহি মহ্যং সনাতনি
॥ 16 ॥
শ্লোক 18
বযং যাবত্ত্বযা হীনা বন্ধুহীনাশ্চ ভিক্ষুকাঃ ।
সর্বসম্পদ্বিহীনাশ্চ তাবদেব হরিপ্রিযে
॥ 17 ॥
শ্লোক 19
রাজ্যং দেহি শ্রিযং দেহি বলং দেহি সুরেশ্বরি ।
কীর্তিং দেহি ধনং দেহি পুত্রান্মহ্যং চ দেহি বৈ
॥ 18 ॥
শ্লোক 20
কামং দেহি মতিং দেহি ভোগান্ দেহি হরিপ্রিযে ।
জ্ঞানং দেহি চ ধর্মং চ সর্বসৌভাগ্যমীপ্সিতম্
॥ 19 ॥
শ্লোক 21
সর্বাধিকারমেবং বৈ প্রভাবাং চ প্রতাপকম্ ।
জযং পরাক্রমং যুদ্ধে পরমৈশ্বর্যমৈব চ
॥ 20 ॥
শ্লোক 22
ইত্যুক্ত্বা তু মহেন্দ্রশ্চ সর্বৈঃ সুরগণৈঃ সহ ।
ননাম সাশ্রুনেত্রোঽযং মূর্ধ্না চৈব পুনঃ পুনঃ
॥ 21 ॥
শ্লোক 23
ব্রহ্মা চ শঙ্করশ্চৈব শেষো ধর্মশ্চ কেশবঃ ।
সর্বে চক্রুঃ পরীহারং সুরার্থে চ পুনঃ পুনঃ
॥ 22 ॥
শ্লোক 24
দেবেভ্যশ্চ বরং দত্ত্বা পুষ্পমালাং মনোহরাম্ ।
কেশবায দদৌ লক্ষ্মীঃ সন্তুষ্টা সুরসংসদি
॥ 23 ॥
শ্লোক 25
যযুর্দৈবাশ্চ সন্তুষ্টাঃ স্বং স্বং স্থানং চ নারদ ।
দেবী যযৌ হরেঃ ক্রোডং হৃষ্টা ক্ষীরোদশাযিনঃ
॥ 24 ॥
শ্লোক 26
যযতুস্তৌ স্বস্বগৃহং ব্রহ্মেশানৌ চ নারদ ।
দত্ত্বা শুভাশিষং তৌ চ দেবেভ্যঃ প্রীতিপূর্বকম্
॥ 25 ॥
শ্লোক 27
ইদং স্তোত্রং মহাপুণ্যং ত্রিসন্ধ্যং যঃ পঠেন্নরঃ ।
কুবেরতুল্যঃ স ভবেদ্রাজরাজেশ্বরো মহান্
॥ 26 ॥
শ্লোক 28
সিদ্ধস্তোত্রং যদি পঠেত্ সোঽপি কল্পতরুর্নরঃ ।
পঞ্চলক্ষজপেনৈব স্তোত্রসিদ্ধির্ভবেন্নৃণাম্
॥ 27 ॥
শ্লোক 29
সিদ্ধস্তোত্রং যদি পঠেন্মাসমেকং চ সংযতঃ ।
মহাসুখী চ রাজেন্দ্রো ভবিষ্যতি ন সংশযঃ
॥ 28 ॥
শ্লোক 30
ইতি শ্রীব্রহ্মবৈবর্তে মহাপুরাণে দ্বিতীযে প্রকৃতিখণ্ডে নারদনারাযণসংবাদে একোনচত্বারিংশত্তমোঽধ্যাযে মহেন্দ্র কৃত শ্রী মহালক্ষ্মী স্তোত্রম্ ।
Related Scriptures
अगस्त्य कृत श्री लक्ष्मी स्तोत्रं
33 verses
अन्नमय्य कीर्तन जय लक्ष्मि वर लक्ष्मि
0 verses
अष्ट लक्ष्मी स्तोत्रम्
8 verses
भाग्यदा लक्ष्मी बारम्मा
0 verses
1000 Names of Goddess Lakshmi
1000 verses
108 Names of Goddess Lakshmi
108 verses