મહેન્દ્ર કૃત મહાલક્ષ્મી સ્તોત્રં

મહેન્દ્ર કૃત મહાલક્ષ્મી સ્તોત્રં

શ્લોક 1

મહેન્દ્ર ઉવાચ

નમઃ કમલવાસિન્યૈ નારાયણ્યૈ નમો નમઃ ।

કૃષ્ણપ્રિયાયૈ સારાયૈ પદ્માયૈ ચ નમો નમઃ

શ્લોક 2

પદ્મપત્રેક્ષણાયૈ ચ પદ્માસ્યાયૈ નમો નમઃ ।

પદ્માસનાયૈ પદ્મિન્યૈ વૈષ્ણવ્યૈ ચ નમો નમઃ

॥ 1 ॥

શ્લોક 3

સર્વસમ્પત્સ્વરૂપાયૈ સર્વદાત્ર્યૈ નમો નમઃ ।

સુખદાયૈ મોક્ષદાયૈ સિદ્ધિદાયૈ નમો નમઃ

॥ 2 ॥

શ્લોક 4

હરિભક્તિપ્રદાત્ર્યૈ ચ હર્ષદાત્ર્યૈ નમો નમઃ ।

કૃષ્ણવક્ષઃસ્થિતાયૈ ચ કૃષ્ણેશાયૈ નમો નમઃ

॥ 3 ॥

શ્લોક 5

કૃષ્ણશોભાસ્વરૂપાયૈ રત્નાઢ્યાયૈ નમો નમઃ ।

સમ્પત્યધિષ્ઠાતૃદેવ્યૈ મહાદેવ્યૈ નમો નમઃ

॥ 4 ॥

શ્લોક 6

સસ્યાધિષ્ઠાતૃદેવ્યૈ ચ સસ્યલક્ષ્મ્યૈ નમો નમઃ ।

નમો બુદ્ધિસ્વરૂપાયૈ બુદ્ધિદાયૈ નમો નમઃ

॥ 5 ॥

શ્લોક 7

વૈકુણ્ઠે ચ મહાલક્ષ્મીર્લક્ષ્મીઃ ક્ષીરોદસાગરે ।

સ્વર્ગલક્ષ્મીરિન્દ્રગેહે રાજલક્ષ્મીર્નૃપાલયે

॥ 6 ॥

શ્લોક 8

ગૃહલક્ષ્મીશ્ચ ગૃહિણાં ગેહે ચ ગૃહદેવતા ।

સુરભિઃ સા ગવાં માતા દક્ષિણા યજ્ઞકામિની

॥ 7 ॥

શ્લોક 9

અદિતિર્દેવમાતા ત્વં કમલા કમલાલયે ।

સ્વાહા ત્વં ચ હવિર્દાને કવ્યદાને સ્વધા સ્મૃતા

॥ 8 ॥

શ્લોક 10

ત્વં હિ વિષ્ણુસ્વરૂપા ચ સર્વાધારા વસુન્ધરા ।

શુદ્ધસત્ત્વસ્વરૂપા ત્વં નારાયણપરાયાણા

॥ 9 ॥

શ્લોક 11

ક્રોધહિંસાવર્જિતા ચ વરદા ચ શુભાનના ।

પરમાર્થપ્રદા ત્વં ચ હરિદાસ્યપ્રદા પરા

॥ 10 ॥

શ્લોક 12

યયા વિના જગત્સર્વં ભસ્મીભૂતમસારકમ્ ।

જીવન્મૃતં ચ વિશ્વં ચ શવતુલ્યં યયા વિના

॥ 11 ॥

શ્લોક 13

સર્વેષાં ચ પરા ત્વં હિ સર્વબાન્ધવરૂપિણી ।

યયા વિના ન સમ્ભાષ્યો બાન્ધવૈર્બાન્ધવઃ સદા

॥ 12 ॥

શ્લોક 14

ત્વયા હીનો બન્ધુહીનસ્ત્વયા યુક્તઃ સબાન્ધવઃ ।

ધર્માર્થકામમોક્ષાણાં ત્વં ચ કારણરૂપિણી

॥ 13 ॥

શ્લોક 15

સ્તનન્ધયાનાં ત્વં માતા શિશૂનાં શૈશવે યથા ।

તથા ત્વં સર્વદા માતા સર્વેષાં સર્વવિશ્વતઃ

॥ 14 ॥

શ્લોક 16

ત્યક્તસ્તનો માતૃહીનઃ સ ચેજ્જીવતિ દૈવતઃ ।

ત્વયા હીનો જનઃ કોઽપિ ન જીવત્યેવ નિશ્ચિતમ્

॥ 15 ॥

શ્લોક 17

સુપ્રસન્નસ્વરૂપા ત્વં મે પ્રસન્ના ભવામ્બિકે ।

વૈરિગ્રસ્તં ચ વિષયં દેહિ મહ્યં સનાતનિ

॥ 16 ॥

શ્લોક 18

વયં યાવત્ત્વયા હીના બન્ધુહીનાશ્ચ ભિક્ષુકાઃ ।

સર્વસમ્પદ્વિહીનાશ્ચ તાવદેવ હરિપ્રિયે

॥ 17 ॥

શ્લોક 19

રાજ્યં દેહિ શ્રિયં દેહિ બલં દેહિ સુરેશ્વરિ ।

કીર્તિં દેહિ ધનં દેહિ પુત્રાન્મહ્યં ચ દેહિ વૈ

॥ 18 ॥

શ્લોક 20

કામં દેહિ મતિં દેહિ ભોગાન્ દેહિ હરિપ્રિયે ।

જ્ઞાનં દેહિ ચ ધર્મં ચ સર્વસૌભાગ્યમીપ્સિતમ્

॥ 19 ॥

શ્લોક 21

સર્વાધિકારમેવં વૈ પ્રભાવાં ચ પ્રતાપકમ્ ।

જયં પરાક્રમં યુદ્ધે પરમૈશ્વર્યમૈવ ચ

॥ 20 ॥

શ્લોક 22

ઇત્યુક્ત્વા તુ મહેન્દ્રશ્ચ સર્વૈઃ સુરગણૈઃ સહ ।

નનામ સાશ્રુનેત્રોઽયં મૂર્ધ્ના ચૈવ પુનઃ પુનઃ

॥ 21 ॥

શ્લોક 23

બ્રહ્મા ચ શઙ્કરશ્ચૈવ શેષો ધર્મશ્ચ કેશવઃ ।

સર્વે ચક્રુઃ પરીહારં સુરાર્થે ચ પુનઃ પુનઃ

॥ 22 ॥

શ્લોક 24

દેવેભ્યશ્ચ વરં દત્ત્વા પુષ્પમાલાં મનોહરામ્ ।

કેશવાય દદૌ લક્ષ્મીઃ સન્તુષ્ટા સુરસંસદિ

॥ 23 ॥

શ્લોક 25

યયુર્દૈવાશ્ચ સન્તુષ્ટાઃ સ્વં સ્વં સ્થાનં ચ નારદ ।

દેવી યયૌ હરેઃ ક્રોડં હૃષ્ટા ક્ષીરોદશાયિનઃ

॥ 24 ॥

શ્લોક 26

યયતુસ્તૌ સ્વસ્વગૃહં બ્રહ્મેશાનૌ ચ નારદ ।

દત્ત્વા શુભાશિષં તૌ ચ દેવેભ્યઃ પ્રીતિપૂર્વકમ્

॥ 25 ॥

શ્લોક 27

ઇદં સ્તોત્રં મહાપુણ્યં ત્રિસન્ધ્યં યઃ પઠેન્નરઃ ।

કુબેરતુલ્યઃ સ ભવેદ્રાજરાજેશ્વરો મહાન્

॥ 26 ॥

શ્લોક 28

સિદ્ધસ્તોત્રં યદિ પઠેત્ સોઽપિ કલ્પતરુર્નરઃ ।

પઞ્ચલક્ષજપેનૈવ સ્તોત્રસિદ્ધિર્ભવેન્નૃણામ્

॥ 27 ॥

શ્લોક 29

સિદ્ધસ્તોત્રં યદિ પઠેન્માસમેકં ચ સંયતઃ ।

મહાસુખી ચ રાજેન્દ્રો ભવિષ્યતિ ન સંશયઃ

॥ 28 ॥

શ્લોક 30

ઇતિ શ્રીબ્રહ્મવૈવર્તે મહાપુરાણે દ્વિતીયે પ્રકૃતિખણ્ડે નારદનારાયણસંવાદે એકોનચત્વારિંશત્તમોઽધ્યાયે મહેન્દ્ર કૃત શ્રી મહાલક્ષ્મી સ્તોત્રમ્ ।