Mahanyasam

ශ්රී මහාන්යාසම්

ශ්ලොක 1

කලශ ප්රතිෂ්ඨාපන මන්ත්රාඃ

බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ .

ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒-මස॑තශ්ච॒ විවඃ॑ .

නාකේ॑ සුප॒ර්ණ මුප॒ය-ත්පත॑න්තග්ං හෘ॒දා වේන॑න්තෝ අ॒භ්යච॑ක්ෂ-තත්වා .

හිර॑ණ්යපක්ෂං॒-වँරු॑ණස්ය දූ॒තං-යँ॒මස්ය॒ යෝනෞ॑ ශකු॒න-ම්භු॑ර॒ණ්යුම් .

ආප්යා॑යස්ව॒ සමේ॑තු තේ වි॒ශ්වතඃ॑ සෝම॒ වෘෂ්ණි॑යම් . භවා॒ වාජ॑ස්ය සඞ්ග॒ථේ .

යෝ රු॒ද්රෝ අ॒ග්නෞ යෝ අ॒ඵ්සු ය ඕෂ॑ධීෂු॒ යෝ රු॒ද්රෝ විශ්වා॒

භුව॑නා-(අ)(අ)වි॒වේශ॒ තස්මෛ॑ රු॒ද්රාය॒ නමෝ॑ අස්තු . 1 (අප උපස්පෘශ්ය)

ඉ॒දං-විँෂ්ණු॒ ර්විච॑ක්රමේ ත්රේ॒ධා නිද॑ධේ ප॒දම් . සමූ॑ඪමස්ය පාග්ං සු॒රේ .

ඉන්ද්රං॒-විँශ්වා॑ අවීවෘධන්-ථ්සමු॒ද්රව්ය॑චස॒-ඞ්ගිරඃ॑ .

ර॒ථීත॑මග්ං රථී॒නාං-වාँජා॑නා॒ග්ං॒ සත්ප॑ති॒-ම්පති᳚ම් .

ආපෝ॒ වා ඉ॒දංග්ං සර්වං॒-විँශ්වා॑ භූ॒තාන්යාපඃ॑ ප්රා॒ණා වා ආපඃ॑ ප॒ශව॒ ආපෝ-(අ)න්න॒මාපෝ-(අ)මෘ॑ත॒මාප॑-ස්ස॒ම්රාඩාපෝ॑ වි॒රාඩාප॑-ස්ස්ව॒රාඩාප॒-ශ්ඡන්දා॒ග්॒ශ්යාපෝ॒ ජ්යෝතී॒ග්॒ෂ්යාපෝ॒ යජූ॒ග්॒ෂ්යාප॑-ස්ස॒ත්යමාප॒-ස්සර්වා॑ දේ॒වතා॒ ආපෝ॒ භූර්භුව॒ස්සුව॒රාප॒ ඕම් . 2

අ॒පඃ ප්රණ॑යති . ශ්ර॒ද්ධා වා ආපඃ॑ . ශ්ර॒ද්ධාමේ॒වාරභ්ය॑ ප්ර॒ණීය॒ ප්රච॑රති .

අ॒පඃ ප්රණ॑යති .

ය॒ජ්ඤෝ වා ආපඃ॑ . ය॒ජ්ඤමේ॒වාරභ්ය॑ ප්ර॒ණීය॒ ප්රච॑රති . අ॒පඃ ප්රණ॑යති .

වජ්රෝ॒ වා ආපඃ॑ . වජ්ර॑මේ॒ව භ්රාතෘ॑ව්යේභ්යඃ ප්ර॒හෘත්ය॑ ප්ර॒ණීය॒ ප්රච॑රති .

අ॒පඃ ප්රණ॑යති .

ආපෝ॒ වෛ ර॑ක්ෂෝ॒ඝ්නීඃ . රක්ෂ॑සා॒මප॑හත්යෛ . අ॒පඃ ප්රණ॑යති .

ආපෝ॒ වෛ දේ॒වානා᳚-ම්ප්රි॒ය-න්ධාම॑ . දේ॒වානා॑මේ॒ව ප්රි॒ය-න්ධාම॑ ප්ර॒ණීය॒ ප්රච॑රති . අ॒පඃ ප්රණ॑යති .

ආපෝ॒ වෛ සර්වා॑ දේ॒වතාඃ᳚ . දේ॒වතා॑ ඒ॒වාරභ්ය॑ ප්ර॒ණීය॒ ප්රච॑රති .

අ॒පඃ ප්රණ॑යති .

ආපෝ॒ වෛ ශා॒න්තාඃ . ශා॒න්තාභි॑රේ॒වාස්ය॒ ශුචග්ං॑ ශමයති . දේ॒වෝ වඃ॑

සවි॒තෝ-ත්පු॑නා॒ත්ව-ච්ඡි॑ද්රේණ ප॒විත්රේ॑ණ॒ වසෝ॒ස්සූර්ය॑ස්ය ර॒ශ්මිභිඃ॑ .. 3

කූර්චාග්රෛ ර්රාක්ෂසා-න්ඝෝරාන් ඡින්ධි කර්මවිඝාතිනඃ .

ත්වාමර්පයාමි කුම්භේ-(අ)ස්මින් සාඵල්ය-ඞ්කුරු කර්මණි .

වෘක්ෂරාජ සමුද්භූතා-ශ්ශාඛායාඃ පල්ලවත්ව චඃ .

යුෂ්මාන් කුම්භේෂ්වර්පයාමි සර්වපාපාපනුත්තයේ .

නාලිකේර-සමුද්භූත ත්රිනේත්ර හර සම්මිත .

ශිඛයා දුරිතං සර්ව-ම්පාප-ම්පීඩා-ඤ්ච මේ නුද .

ස॒ හි රත්නා॑නි දා॒ශුෂේ॑ සු॒වාති॑ සවි॒තා භගඃ॑ .

ත-ම්භා॒ග-ඤ්චි॒ත්රමී॑මහේ . (ඍග්වේද මන්ත්රඃ)

තත්වා॑ යාමි॒ බ්රහ්ම॑ණා॒ වන්ද॑මාන॒-ස්තදාශා᳚ස්තේ॒ යජ॑මානෝ හ॒විර්භිඃ॑ .

අහේ॑ඩමානෝ වරුණේ॒හ බෝ॒ද්ධ්යුරු॑ශග්ංස॒ මා න॒ ආයුඃ॒ ප්රමෝ॑ෂීඃ ..

ඕ-ම්භූර්භුව॒ස්සුව॒රෝම් . අස්මින් කුම්භේ වරුණමාවාහයාමි .

වරුණස්ය ඉදමාසනම් . වරුණාය නමඃ . සකලාරාධනෛ-ස්ස්වර්චිතම් .

රත්නසිංහාසනං සමර්පයාමි . පාද්යං සමර්පයාමි .

අර්ඝ්යං සමර්පයාමි . ආචමනීයං සමර්පයාමි .

මධුපර්ක්කං සමර්පයාමි . ස්නානං සමර්පයාමි .

ස්නානානන්තරං ආචමනීයං සමර්පයාමි .

වස්ත්රෝත්තරීයං සමර්පයාමි . උපවීතං සමර්පයාමි .

ගන්ධා-න්ධාරයාමි . අක්ෂතාන් සමර්පයාමි .

පුෂ්පාණි සමර්පයාමි .

1. ඕං-වँරුණාය නමඃ

2. ඕ-ම්ප්රචේතසේ නමඃ

3. ඕං සුරූපිණේ නමඃ

4. ඕං අපාම්පතයේ නමඃ

5. ඕ-ම්මකරවාහනාය නමඃ

6. ජලාධිපතයේ නමඃ

7. ඕ-ම්පාශහස්තාය නමඃ

8. ඕ-න්තීර්ථරාජාය නමඃ

ඕං-වँරුණාය නමඃ . නානාවිධ පරිමල පත්ර පුෂ්පාණි සමර්පයාමි .

ධූපං ආඝ්රාපයාමි . දීප-න්දර්​ශයාමි .

ධූපදීපානන්තරං ආචමනීයං සමර්පයාමි .

ඕ-ම්භූර්භුවස්සුවඃ . තථ්ස॑වි॒තුර්වරේ᳚ණ්ය॒-ම්භර්ගෝ॑ දේ॒වස්ය॑ ධීමහි .

ධියෝ॒ යෝන॑ ප්රචෝ॒දයා᳚ත් .

දේව සවිතඃ ප්රසුවඃ . සත්ය-න්ත්වර්තේන පරිෂිඤ්චාමි .

(රාත්රෞ - ඍත-න්ත්වා සත්යේන පරිෂිඤ්චාමි) .

ඕං-වँරුණාය නමඃ . අමෘත-ම්භවතු . අමෘතෝපස්තරණමසි .

ඕ-ම්ප්රාණාය ස්වාහා . ඕං අපානාය ස්වාහා . ඕං-ව්යාँනාය ස්වාහා .

ඕං උදානාය ස්වාහා . ඕං සමානාය ස්වාහා . ඕ-ම්බ්රහ්මණේ ස්වාහා .

කදලීඵල-න්නිවේදයාමි . මද්ධ්යේමද්ධ්යේ අමෘතපානීයං සමර්පයාමි . අමෘතාපිධානමසි . නෛවේද්යානන්තරං ආචමනීයං සමර්පයාමි .

තාම්බූලං සමර්පයාමි . කර්පූර නීරාජන-ම්ප්රදර්​ශයාමි .

නීරාජනානන්තරං ආචමනීයං සමර්පයාමි . මන්ත්ර පුෂ්පං සමර්පයාමි .

සුවර්ණ පුෂ්පං සමර්පයාමි . සමස්තෝපචාරාන් සමර්පයාමි ..

1. පඤ්චාඞ්ග රුද්රන්යාසඃ

අථාතඃ පඤ්චාඞ්ගරුද්රාණාං

න්යාසපූර්වක-ඤ්ජප-හෝමා-ර්චනා-භිෂේක-විධිං-ව්යාँ᳚ඛ්යාස්යාමඃ .

අථාතඃ පඤ්චාඞ්ගරුද්රාණාං

න්යාසපූර්වක-ඤ්ජප-හෝමා-ර්චනාභිෂේක-ඞ්කරිෂ්යමාණඃ .

හරිඃ ඕං අථාතඃ පඤ්චාඞ්ග රුද්රාණාම් ..

ඕඞ්කාරමන්ත්ර සං​යුँක්ත-න්නිත්ය-න්ධ්යායන්ති යෝගිනඃ .

කාමද-ම්මෝක්ෂද-න්තස්මෛ ඕඞ්කාරාය නමෝ නමඃ ..

නමස්තේ දේව දේවේශ නමස්තේ පරමේශ්වර .

නමස්තේ වෘෂභාරූඪ නකාරාය නමෝ නමඃ ..

ඕ-න්නමෝ භගවතේ॑ රුද්රා॒ය .. ඕ-ම්භූර්භුව॒ස්සුවඃ॑ .. ඕ-න්නම් ..

නම॑ස්තේ රුද්ර ම॒න්යව॑ උ॒තෝත॒ ඉෂ॑වේ॒ නමඃ॑ .

නම॑ස්තේ අස්තු॒ ධන්ව॑නේ බා॒හුභ්යා॑මු॒ත තේ॒ නමඃ॑ ..

යා ත॒ ඉෂුඃ॑ ශි॒වත॑මා ශි॒ව-ම්බ॒භූව॑ තේ॒ ධනුඃ॑ .

ශි॒වා ශ॑ර॒ව්යා॑ යා තව॒ තයා॑ නෝ රුද්ර මෘඩය .

ඕ-න්නමෝ භගවතේ॑ රුද්රා॒ය .. නං ඕම් . පූර්වාඞ්ග රුද්රාය॒ නමඃ .. (ප්රාච්යෛ දිශ, East)

මහාදේව-ම්මහාත්මාන-ම්මහාපාතකනාශනම් .

මහාපාපහරං-වँන්දේ මකාරාය නමෝ නමඃ ..

ඕ-ම්භූර්භුව॒ස්සුවඃ॒ .. ඕ-ම්මම් ..

ඕ-න්නිධ॑නපතයේ॒ නමඃ . නිධනපතාන්තිකාය॒ නමඃ .

ඌර්ධ්වාය॒ නමඃ . ඌර්ධ්වලිඞ්ගාය॒ නමඃ .

හිරණ්යාය॒ නමඃ . හිරණ්යලිඞ්ගාය॒ නමඃ .

සුවර්ණාය॒ නමඃ . සුවර්ණලිඞ්ගාය॒ නමඃ .

දිව්යාය॒ නමඃ . දිව්යලිඞ්ගාය॒ නමඃ .

භවායඃ॒ නමඃ . භවලිඞ්ගාය॒ නමඃ .

ශර්වාය॒ නමඃ . ශර්වලිඞ්ගාය॒ නමඃ .

ශිවාය॒ නමඃ . ශිවලිඞ්ගාය॒ නමඃ .

ජ්වලාය॒ නමඃ . ජ්වලලිඞ්ගාය॒ නමඃ .

ආත්මාය॒ නමඃ . ආත්මලිඞ්ගාය॒ නමඃ .

පරමාය॒ නමඃ . පරමලිඞ්ගාය॒ නමඃ .

ඒතථ්සෝමස්ය॑ සූර්ය॒ස්ය සර්වලිඞ්ගග්ග්॑ ස්ථාප॒ය॒ති॒ පාණිමන්ත්ර-ම්පවි॒ත්රම් ..

ඕ-න්නමෝ භගවතේ॑ රුද්රා॒ය .. මං ඕම් ..

දක්ෂිණාඞ්ග රුද්රාය॒ නමඃ .. (දක්ෂිණ දිශ, South)

ශිවං ශාන්ත-ඤ්ජගන්නාථං-ලෝँකානුග්රහකාරණම් .

ශිවමේක-ම්පරං-වँන්දේ ශිකාරාය නමෝ නමඃ ..

ඕ-ම්භූර්භුව॒ස්සුවඃ॒ .. ඕං ශිම් ..

අපෛ॑තුමෘ॒ත්යුරමෘත॑-න්න॒ ආග॑න් වෛවස්ව॒තෝ නෝ॒ අ॑භය-ඞ්කෘණෝතු . ප॒ර්ණං-වँන॒ස්පතේරිවා॒භිනශ්ශීයතාග්ං ර॒යිස්සච॑තා-න්න॒ශ්ශචී॒පතිඃ॑ ..

ඕ-න්නමෝ භගවතේ॑ රුද්රා॒ය .. ශිං ඕම් .. පශ්චිමාඞ්ග රුද්රාය॒ නමඃ .. (පශ්චිම දිශ, West)

වාහනං-වෘँෂභෝ යස්ය වාසුකී කණ්ඨභූෂණම් .

වාමේ ශක්තිධරං-වँන්දේ වකාරාය නමෝ නමඃ ..

ඕ-ම්භූර්භුව॒ස්සුවඃ॒ .. ඕං-වාँම් ..

ප්රාණානා-ඞ්ග්රන්ථිරසි රුද්රෝ මා॑ විශා॒න්තකඃ . තේනාන්නේනා᳚ප්යාය॒ස්ව .. ඕ-න්නමෝ භගවතේ රුද්රාය විෂ්ණවේ මෘත්යු॑ර්මේ පා॒හි ..

ඕ-න්නමෝ භගවතේ॑ රුද්රා॒ය .. වාං ඕම් .. උත්තරාඞ්ග රුද්රාය॒ නමඃ .. (උත්තර දිශ, North)

යත්ර කුත්ර ස්ථිත-න්දේවං සර්වව්යාපිනමීශ්වරම් .

යල්ලිඞ්ග-ම්පූජයේන්නිත්යං-යँකාරාය නමෝ නමඃ ..

ඕ-ම්භූර්භුව॒ස්සුවඃ॒ .. ඕං-යँම් ..

යෝ රු॒ද්රෝ අ॒ග්නෞ යෝ අ॒ප්සු ය ඕෂ॑ධීෂු॒ යෝ රු॒ද්රෝ විශ්වා॒ භුව॑නා වි॒වේශ॒ තස්මෛ॑ රු॒ද්රාය॒ නමෝ॑ අස්තු ..

ඕ-න්නමෝ භගවතේ॑ රුද්රා॒ය .. යං ඕම් .. ඌර්ධ්වාඞ්ග රුද්රාය॒ නමඃ .. (ඌර්ධ්ව දිශ, Up)

2. පඤ්චමුඛ ධ්යානම්

ඕ-න්නම් .. තත්පුරු॒ෂාය වි॒ද්මහේ॑ මහාදේ॒වාය॑ ධීමහි . තන්නෝ॑ රුද්රඃ ප්රචෝදයා᳚ත් ..

සං​වँර්තාග්නි තටිත්ප්රදීප්ත කනක ප්රස්පර්ථි තේජෝමයම් .

ගම්භීරධ්වනි සාමවේදජනක-න්තාම්රාධරං සුන්දරම් .

අර්ධේන්දුද්යුති ලෝලපිඞ්ගල ජටාභාරප්රබද්ධෝරගම් .

වන්දේ සිද්ධ සුරාසුරේන්ද්රනමිත-ම්පූර්ව-ම්මුඛං ශූලිනඃ ..

ඕ-න්නමෝ භගවතේ॑ රුද්රා॒ය .. ඕ-න්නම් .. පූර්ව මුඛාය॒ නමඃ ..

අ॒ඝෝරේ᳚භ්යෝ-(අ)ථඝෝ॒රේ᳚භ්යෝ॒ ඝෝර॒ඝෝර॑තරේභ්යඃ .. සර්වේ᳚භ්යස්සර්ව ශර්වේ᳚භ්යෝ॒ නම॑ස්තේ අස්තු රු॒ද්රරූ॑පේභ්යඃ ..

කාලාභ්රභ්රමරාඤ්ජනද්යුතිනිභං-ව්යාँවෘත්ත පිඞ්ගේක්ෂණම්

කර්ණෝද්භාසිත භෝගිමස්තක මණිප්රෝද්ගීර්ණ දංෂ්ට්රාඞ්කුරම් .

සර්පප්රෝත කපාල ශුක්ති ශකල ව්යාකීර්ණ සච්ඡේඛරම්

වන්දේ දක්ෂිණමීශ්වරස්ය කුටිල භ්රූභඞ්ග රෞද්ර-ම්මුඛම් ..

ඕ-න්නමෝ භගවතේ॑ රුද්රා॒ය .. ඕ-ම්මම් .. දක්ෂිණ මුඛාය॒ නමඃ ..

ස॒ද්යෝ ජා॒ත-ම්ප්ර॑පද්යා॒මි॒ ස॒ද්යෝ ජා॒තාය॒ වෛ නමෝ॒ නමඃ॑ . භ॒වේ භ॑වේ॒ නාති॑ භවේ භවස්ව॒ මාම් . භ॒වෝ-ද්භ॑වාය॒ නමඃ॑ ..

ප්රාලේයාචලමින්දුකුන්ද ධවල-ඞ්ගෝක්ෂීරඵේනප්රභම්

භස්මාභ්යක්තමනඞ්ග දේහ දහන ජ්වාලාවලී ලෝචනම් .

බ්රහ්මේන්ද්රාදි මරුද්ගණෛස්පුතිපදෛ රභ්යර්චිතං-යෝँගිභිඃ

වන්දේ-(අ)හං සකල-ඞ්කලඞ්කරහිතං ස්ථාණෝර්මුඛ-ම්පශ්චිමම් ..

ඕ-න්නමෝ භගවතේ॑ රුද්රා॒ය .. ඕං ශිම් .. පශ්චිම මුඛාය॒ නමඃ ..

වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒ කාලා॑ය॒ නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒ බල॑ප්රමථනාය॒ නම॒-ස්සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ ..

ගෞර-ඞ්කුඞ්කුම පඞ්කිලං ස්තිලකං-ව්යාँපාණ්ඩු ගණ්ඩස්ථලම්

භ්රූවික්ෂේප කටාක්ෂ ලසත්සංසක්ත කර්ණෝත්ඵලම් .

ස්නිග්ධ-ම්බිම්බඵලාධර-ම්ප්රහසිත-න්නීලාලකාල-ඞ්කෘතම්

වන්දේ පූර්ණ ශශාඞ්ක මණ්ඩලනිභං-වँක්ත්රං හරස්යෝත්තරම් ..

ඕ-න්නමෝ භගවතේ॑ රුද්රා॒ය .. ඕං-වාँම් .. උත්තර මුඛාය॒ නමඃ ..

ඊශාන-ස්සර්ව॑විද්යා॒නා॒-මීශ්වර-ස්සර්ව॑භූතා॒නා॒-ම්බ්රහ්මාධි॑පති॒-ර්බ්රහ්ම॒ණෝ (අ)ධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් .. (කනිෂ්ඨිකාභ්යා-න්නමඃ)

ව්යක්තාව්යක්ත ගුණේතර-ම්පරතරං ෂට්ත්රිංශතත්ත්වාත්මකම්

තස්මාදුත්තම තත්ත්වමක්ෂරමිද-න්ධ්යේයං සදා යෝගිභිඃ .

ඕඞ්කාරාදි සමස්ත මන්ත්රජනකං සූක්ෂ්මාදි සූක්ෂ්ම-ම්පරං

ශාන්ත-ම්පඤ්චමමීශ්වරස්ය වදන-ඞ්ඛං​ව්යාँප්ති තේජෝමයම් ..

ඕ-න්නමෝ භගවතේ॑ රුද්රා॒ය .. ඕං-වාँම් .. ඌර්ධ්ව මුඛාය॒ නමඃ ..

දිඞ්නමස්කාරඃ

පූර්වේ පශුපතිඃ පාතු . දක්ෂිණේ පාතු ශඞ්කරඃ .

පශ්චිමේ පාතු විශ්වේශඃ . නීලකණ්ඨස්තදෝත්තරේ ..

ඊශාන්යා-ම්පාතු මේ ශර්වඃ . ආග්නේයා-ම්පාර්වතීපතිඃ .

නෛඍත්යා-ම්පාතු මේ රුද්රඃ . වායව්යා-න්නීලලෝහිතඃ ..

ඌර්ධ්වේ ත්රිලෝචනඃ පාතු . අධරායා-ම්මහේශ්වරඃ .

ඒතාභ්යෝ දශ දිග්භ්යස්තු . සර්වතඃ පාතු ශඞ්කරඃ ..

(නා රුද්රෝ රුද්රමර්චයේ᳚ත් .

න්යාසපූර්වක-ඤ්ජපහෝමාර්චනා-(අ)භිෂේකවිධි ව්යාඛ්යාස්යාමඃ .)

3. අඞ්ගන්යාසඃ

යා තේ॑ රුද්ර ශි॒වා ත॒නූරඝෝ॒රා-(අ)පා॑පකාශිනී .

තයා॑ න ස්ත॒නුවා॒ ශන්ත॑මයා॒ ගිරි॑ශන්තා॒භි චා॑කශීහි .

ශිඛායෛ නමඃ . 1

අ॒ස්මි-න්ම॑හ॒ත්ය॑ර්ණ॒වේ᳚-(අ)න්තරි॑ක්ෂේ භ॒වා අධි॑ .

තේෂාග්ං॑ සහස්රයෝජ॒නේ-(අ)ව॒ධන්වා॑නි තන්මසි .

ශිරසේ නමඃ . 2

ස॒හස්රා॑ණි සහස්ර॒ශෝ යේ රු॒ද්රා අධි॒ භූම්යා᳚ම් .

තේෂාග්ං॑ සහස්ර-යෝජ॒නේ-(අ)ව॒ධන්වා॑නි තන්මසි .

ලලාටාය නමඃ . 3

හ॒ග්ං॒ස-ශ්ශු॑චි॒ෂ-ද්වසු॑රන්තරික්ෂ॒සද්ධෝතා॑ වේදි॒ෂදති॑ථි-ර්දුරෝණ॒සත් .

නෘ॒ෂද්ව॑ර॒-සදෘ॑ත॒-සද්ව්යෝ॑ම॒ සද॒බ්ජා ගෝ॒ජා ඍ॑ත॒ජා අ॑ද්රි॒ජා ඍ॒ත-ම්බෘ॒හත් .

භ්රුවෝර්මද්ධ්යාය නමඃ . 4

ත්ර්ය॑බඞ්කං-යँජාමහේ සුග॒න්ධි-ම්පු॑ෂ්ටි॒වර්ධ॑නම් .

උ॒ර්වා॒රු॒කමි॑ව॒ බන්ධ॑නාන්

මෘ॒ත්යෝ-ර්මු॑ක්ෂීය॒ මා-(අ)මෘතා᳚ත් .

නේත්රාභ්යා-න්නමඃ . 5

නම॒-ස්ස්රුත්යා॑ය ච॒ පථ්යා॑ය ච॒ නමඃ॑ කා॒ට්යා॑ය ච නී॒ප්යා॑ය ච .

කර්ණාභ්යා-න්නමඃ . 6

මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ .

වී॒රාන්මානෝ॑ රුද්ර භාමි॒තෝ ව॑ධීර්-හ॒විෂ්ම॑න්තෝ॒ නම॑සා විධේම තේ .

නාසිකාභ්යා-න්නමඃ . 7

අ॒ව॒තත්ය॒ ධනු॒ස්ත්වග්ං සහ॑ස්රාක්ෂ॒ ශතේ॑ෂුධේ .

නි॒ශීර්ය॑ ශ॒ල්යානා॒-ම්මුඛා॑ ශි॒වෝ නඃ॑ සු॒මනා॑ භව .

මුඛාය නමඃ . 8

නීල॑ග්රීවා ශ්ශිති॒කණ්ඨා᳚-ශ්ශ॒ර්වා අ॒ධඃ, ක්ෂ॑මාච॒රාඃ .

තේෂාග්ං॑ සහස්රයෝජ॒නේ-(අ) ව॒ධන්වා॑නි තන්මසි .

කණ්ඨාය නමඃ . 9.1

නීල॑ග්රීවා-ශ්ශිති॒කණ්ඨා॒ දිවග්ං॑ රු॒ද්රා උප॑ශ්රිතාඃ .

තේෂාග්ං॑ සහස්රයෝජ॒නේ-(අ) ව॒ධන්වා॑නි තන්මසි .

උපකණ්ඨාය නමඃ . 9.2

නම॑ස්තේ අ॒ස්ත්වායු॑ධා॒යා-නා॑තතාය ධෘ॒ෂ්ණවේ᳚ .

උ॒භාභ්යා॑මු॒ත තේ॒ නමෝ॑ බා॒හුභ්යා॒-න්තව॒ ධන්ව॑නේ .

බාහුභ්යා-න්නමඃ . 10

යා තේ॑ හේ॒ති-ර්මී॑ඪුෂ්ටම॒ හස්තේ॑ බ॒භූව॑ තේ॒ ධනුඃ॑ .

තයා॒-(අ)ස්මාන් වි॒ශ්වත॒ස්ත්ව-ම॑ය॒ක්ෂ්මයා॒ පරි॑බ්භුජ .

උපබාහුභ්යා-න්නමඃ . 11

පරි॑ණෝ රු॒ද්රස්ය॑ හේ॒ති-ර්වෘ॑ණක්තු॒ පරි॑ත්වේ॒ෂස්ය॑ දුර්ම॒තිර॑ඝා॒යෝඃ .

අව॑ ස්ථි॒රා ම॒ඝව॑ද්භ්යඃ තනුෂ්ව॒ මීඪ්ව॑ස්තෝ॒කාය॒ තන॑යාය මෘඩය .

මණිබන්ධාභ්යා-න්නමඃ . 12

යේ තී॒ර්ථානි॑ ප්ර॒චර॑න්ති සෘ॒කාව॑න්තෝ නිෂ॒ඞ්ගිණඃ॑ .

තේෂාග්ං॑ සහස්රයෝජ॒නේ-(අ) ව॒ධන්වා॑නි තන්මසි .

හස්තාභ්යා-න්නමඃ . 13

ස॒ද්යෝ ජා॒ත-ම්ප්ර॑පද්යා॒මි॒ ස॒ද්යෝ ජා॒තාය॒ වෛ නමෝ॒ නමඃ॑ .

භ॒වේ භ॑වේ॒ නාති॑ භවේ භවස්ව॒ මාම් . භ॒වෝ-ද්භ॑වාය॒ නමඃ॑ ..

අගුංෂ්ඨාභ්යා-න්නමඃ . 14.1

වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒ කාලා॑ය॒ නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒ බල॑ප්රමථනාය॒ නම॒-ස්සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ .

තර්ජනීභ්යා-න්නමඃ . 14.2

අ॒ඝෝරේ᳚භ්යෝ (අ)ථ॒ඝෝරේ᳚භ්යෝ॒ ඝෝර॒ඝෝර॑තරේභ්යඃ .

සර්වේ᳚භ්ය-ස්සර්ව॒ ශර්වේ᳚භ්යෝ॒ නම॑ස්තේ අස්තු රු॒ද්ර රූ॑පේභ්යඃ ..

මද්ධ්යමාභ්යා-න්නමඃ . 14.3

තත්පුරු॑ෂාය වි॒ද්මහේ॑ මහාදේ॒වාය॑ ධීමහි .

තන්නෝ॑ රුද්රඃ ප්රචෝ॒දයා᳚ත් ..

අනාමිකාභ්යා-න්නමඃ . 14.4

ඊශාන-ස්සර්ව॑විද්යා॒නා॒-මීශ්වර-ස්සර්ව॑භූතා॒නාං॒

රහ්මාධි॑පති॒-ර්බ්රහ්ම॒ණෝ (අ)ධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් ..

කනිෂ්ඨිකාභ්යා-න්නමඃ . 14.5

නමෝ॑ වඃ කිරි॒කේභ්යෝ॑ දේ॒වානා॒ග්ං॒ හෘද॑යේභ්යඃ .

හෘදයාය නමඃ . 15

නමෝ॑ ග॒ණේභ්යෝ॑ ග॒ණප॑තිභ්යශ්ච වෝ॒ නමඃ॑ .

පෘෂ්ඨාය නමඃ . 16

නමෝ॒ හිර॑ණ්යබාහවේ සේනා॒න්යේ॑ දි॒ශාඤ්ච॒ පත॑යේ॒ නමඃ॑ .

පාර්​ශ්වාභ්යා-න්නමඃ . 17

විජ්ය॒-න්ධනුඃ॑ කප॒ර්දිනෝ॒ විශ॑ල්යෝ॒ බාණ॑වාග්ං උ॒ත .

අනේ॑ශන්න॒ස්යේෂ॑ව ආ॒භුර॑ස්ය නිෂ॒ඞ්ගථිඃ॑ .

ජඨරාය නමඃ . 18

හි॒ර॒ණ්ය॒ග॒ර්භ ස්සම॑වර්ත॒තාග්රේ॑ භූ॒තස්ය॑ ජා॒තඃ පති॒රේක॑ ආසීත් .

සදා॑ධාර පෘථි॒වී-න්ද්යාමු॒තේමා-ඞ්කස්මෛ॑ දේ॒වාය॑ හ॒විෂා॑ විධේම .

නාභ්යෛ නමඃ . 19

මීඪු॑ෂ්ටම॒ ශිව॑තම ශි॒වෝ න॑ස්සු॒මනා॑ භව .

ප॒ර॒මේ වෘ॒ක්ෂ ආයු॑ධ-න්නි॒ධාය॒ කෘත්තිං॒-වँසා॑න॒ ආච॑ර॒ පිනා॑ක॒-ම්බිභ්ර॒දාග॑හි .

කඨ්යෛ නමඃ . 20

යේ භූ॒තානා॒-මධි॑පතයෝ විශි॒ඛාසඃ॑ කප॒ර්දි॑නඃ .

තේෂාග්ං॑ සහස්රයෝජ॒නේ (අ)ව॒ධන්වා॑නි තන්මසි .

ගුහ්යාය නමඃ . 21

යේ අන්නේ॑ෂු වි॒විද්ධ්ය॑න්ති॒ පාත්රේ॑ෂු॒ පිබ॑තෝ॒ ජනාන්॑ .

තේෂාග්ං॑ සහස්රයෝජ॒නේ-(අ) ව॒ධන්වා॑නි තන්මසි .

අණ්ඩාභ්යා-න්නමඃ . 22

ස॒ ශි॒රා ජා॒තවේ॑දා අ॒ක්ෂර॑-ම්පර॒ම-ම්ප॒දම් .

වේදා॑නා॒ග්ං॒ ශිර॑සි මා॒තා॒ ආ॒යු॒ෂ්මන්ත॑-ඞ්කරෝතු॒ මාම් .

අපානාය නමඃ . 23

මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් .

මා නෝ॑ වධීඃ පි॒තර॒-ම්මෝත මා॒තර॑-ම්ප්රි॒යා මා න॑ස්ත॒නුවෝ॑ රුද්ර රීරිෂඃ .

ඌරුභ්යා-න්නමඃ . 24

ඒ॒ෂ තේ॑ රුද්රභා॒ග-ස්තඤ්ජු॑ෂස්ව॒ තේනා॑ව॒සේන॑ ප॒රෝ

මූජ॑ව॒තෝ-(අ)තී॒හ්යව॑තත-ධන්වා॒ පිනා॑කහස්තඃ॒ කෘත්ති॑වාසාඃ .

ජානුභ්යා-න්නමඃ . 25

ස॒ග්ං॒ සෘ॒ෂ්ට॒ජිථ්සෝ॑ම॒පා බා॑හු-ශ॒ර්ධ්යූ᳚ර්ධ්ව ධ॑න්වා॒ ප්රති॑හිතා-භි॒රස්තා᳚ .

බෘහ॑ස්පතේ॒ පරි॑දීයා॒ රථේ॑න රක්ෂෝ॒හා-(අ)මිත්රාග්ං॑ අප॒බාධ॑මානඃ .

ජඞ්ඝාභ්යා-න්නමඃ . 26

විශ්ව॑-ම්භූ॒ත-ම්භුව॑න-ඤ්චි॒ත්ර-ම්බ॑හු॒ධා ජා॒ත-ඤ්ජාය॑මාන-ඤ්ච॒ යත් .

සර්වෝ॒ හ්යේ॑ෂ රු॒ද්ර-ස්තස්මෛ॑ රු॒ද්රාය॒ නමෝ॑ අස්තු ..

ගුල්ඵාභ්යා-න්නමඃ . 27

යේ ප॒ථා-ම්ප॑ථි॒රක්ෂ॑ය ඓලබෘ॒දා ය॒ව්යුධඃ॑ .

තේෂාග්ං॑ සහස්රයෝජ॒නේ (අ)ව॒ධන්වා॑නි තන්මසි .

පාදාභ්යා-න්නමඃ . 28

අද්ධ්ය॑වෝච-දධිව॒ක්තා ප්ර॑ථ॒මෝ දෛව්යෝ॑ භි॒ෂක් .

අහීග්॑ශ්ච॒ සර්වා᳚න් ජ॒භං​යँ॒-න්ථ්සර්වා᳚ශ්ච යාතු ධා॒න්යඃ॑ .

කවචාය හුම් . 29

නමෝ॑ බි॒ල්මිනේ॑ ච කව॒චිනේ॑ ච॒

නමඃ॑ ශ්රු॒තාය॑ ච ශ්රුතසේ॒නාය॑ ච .

උපකවචාය හුම් . 30

නමෝ॑ අස්තු॒ නීල॑ග්රීවාය සහස්රා॒ක්ෂාය॑ මී॒ඪුෂේ᳚ .

අථෝ॒ යේ අ॑ස්ය॒ සත්වා॑නෝ॒-(අ)හ-න්තේභ්යෝ॑-(අ)කර॒න්නමඃ॑ .

තෘතීය නේත්රාය නමඃ . 31

ප්රමු॑ඤ්ච॒ ධන්ව॑න॒ස්ත්ව-මු॒භයෝ॒-රාර්ත්නි॑යෝ॒ර්ජ්යාම් .

යාශ්ච॑ තේ॒ හස්ත॒ ඉෂ॑වඃ॒ පරා॒ තා භ॑ගවෝ වප .

අස්ත්රාය ඵට් . 32

ය ඒ॒තාව॑න්තශ්ච॒ භූයාග්ං॑සශ්ච॒ දිශෝ॑ රු॒ද්රා වි॑තස්ථි॒රේ .

තේෂාග්ං॑॑ සහස්රයෝජ॒නේ (අ)ව॒ධන්වා॑නි තන්මසි .

ඉති දිග්බන්ධඃ . 33

-----------ඉති ප්රථම න්යාසඃ------------

(ශිඛාදි අස්ත්රපර්යන්තං ඒකත්රිංශදඞ්ගන්යාසඃ දිග්බන්ධ සහිතඃ ප්රථමඃ)

4. දශාඞ්ග න්යාසඃ

ඕ-න්නමෝ භගවතේ॑ රුද්රා॒ය . ඉති නමස්කාරා-න්න්යසේ᳚ත් ..

ඕං ඕ-ම්මූර්ථ්නේ නමඃ (මූර්ධ්නි) .

ඕ-න්න-න්නාසිකායෛ නමඃ (නාසිකාග්රඃ) .

ඕ-ම්මෝං-ලँලටාය නමඃ (ලලාටඃ) .

ඕ-ම්භ-ම්මුඛාය නමඃ (මුඛාම්) .

ඕ-ඞ්ග-ඞ්කණ්ඨාය නමඃ (කණ්ඨඃ) .

ඕං-වංँ හෘදයාය නමඃ (හෘදයඃ) .

ඕ-න්තේ-න්දක්ෂිණ හස්තාය නමඃ (දක්ෂිණ හස්තඃ) .

ඕං රුං-වාँම හස්තාය නමඃ (වාම හස්තඃ) .

ඕ-න්ද්රා-න්නාභ්යෛ නමඃ (නාභ්හී) .

ඕං-යँ-ම්පාදාභ්යා-න්නමඃ (පාදෞ) ..

-----------ඉති ද්විතීය න්යාසඃ----------

මූර්ධාදි පාදාන්ත-න්දශාඞ්ග න්යාසඃ ද්විතීයඃ

5. පඤ්චාඞ්ග න්යාසඃ

ස॒ද්යෝ ජා॒ත-ම්ප්ර॑පද්යා॒මි॒ ස॒ද්යෝ ජා॒තාය॒ වෛ නමෝ॒ නමඃ॑ .

භ॒වේ භ॑වේ॒ නාති॑භවේ භවස්ව॒ මාම් . භ॒වෝ-ද්භ॑වාය॒ නමඃ॑ ..

පාදාභ්යා-න්නමඃ . 1

වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒

කාලා॑ය॒ නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒

බල॑ප්රමථනාය॒ නම॒ ස්සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ .

ඌරුමධ්යමාභ්යා-න්නමඃ . 2

අ॒ඝෝරේ᳚භ්යෝ (අ)ථ॒ඝෝරේ᳚භ්යෝ॒ ඝෝර॒ඝෝර॑තරේභ්යඃ .

සර්වේ᳚භ්ය-ස්සර්ව॒ ශර්වේ᳚භ්යෝ॒ නම॑ස්තේ අස්තු රු॒ද්රරූ॑පේභ්යඃ ..

හෘදයාය නමඃ . 3

තත්පුරු॑ෂාය වි॒ද්මහේ॑ මහාදේ॒වාය॑ ධීමහි .

තන්නෝ॑ රුද්රඃ ප්රචෝ॒දයා᳚ත් ..

මුඛාය නමඃ . 4

ඊශාන-ස්සර්ව॑විද්යා॒නා॒-මීශ්වරසර්ව॑ භූතා॒නාං॒

බ්රහ්මාධි॑පති॒-ර්බ්රහ්ම॒ණෝ-(අ)ධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් ..

මූර්ධ්නේ නමඃ . 5

5.1 හංස ගායත්රී

අස්ය ශ්රී හංසගායත්රී මහාමන්ත්රස්ය, අව්යක්ත පරබ්රහ්ම ඍෂිඃ,

අනුෂ්ටු-ප්ඡන්දඃ, පරමහංසෝ දේවතා .

හංසා-ම්බීජම්, හංසීං ශක්තිඃ . හංසූ-ඞ්කීලකම් .

පරමහංස ප්රසාද සිද්ධ්යර්ථේ ජපේ විනියෝගඃ .. 1

කරන්යාසඃ -

හංසාං අගුංෂ්ඨාභ්යා-න්නමඃ . හංසී-න්තර්ජනීභ්යා-න්නමඃ .

හංසූං - මද්ධ්යමාභ්යා-න්නමඃ . හංසෛං - අනාමිකාභ්යා-න්නමඃ .

හංසෞං - කනිෂ්ඨිකාභ්යා-න්නමඃ . හංසඃ-කරතල කරපෘෂ්ඨාභ්යා-න්නමඃ . 2

හෘදයාදි න්යාසඃ -

හංසාං - හෘදයාය නමඃ . හංසීං - ශිරසේ ස්වාහා .

හංසූං - ශිඛායෛ වෂට් . හංසෛං - කවචාය හුම් .

හංසෞං - නේත්රත්රයාය වෞෂට් . හංසඃ - අස්ත්රාය ඵට් ..

ඕ-ම්භූර්භුව॒ස්සුව॒රෝමිති දිග්බන්ධඃ . 3

ධ්යානං -

ගමාගමස්ථ-ඞ්ගමනාදිශූන්ය-ඤ්චි-ද්රූපදීප-න්තිමිරාපහාරම් .

පශ්යාමි තේ සර්වජනාන්තරස්ථ-න්නමාමි හංස-ම්පරමාත්මරූපම් .. 4

දේහෝ දේවාලයඃ ප්රෝක්තෝ ජීවෝ දේව-ස්සනාතනඃ .

ත්යජේදජ්ඤානනිර්මාල්යං සෝ-(අ)හම්භාවේන පූජයේත් ..

හං॒ස හං॒සාය॑ වි॒ද්මහේ॑ පරමහං॒සාය॑ ධීමහි .

තන්නෝ॑ හංසඃ ප්රචෝ॒දයා᳚ත් .. 5

(ඉති ත්රිවාර-ඤ්ජපිත්වා)

හංස හං॒සේති යෝ බ්රූයා-ධංසෝ (බ්රූයාද්ධංසෝ) නාම සදාශිවඃ .

ඒව-න්න්යාස විධි-ඞ්කෘත්වා තත-ස්සම්පුටමාරභේත් .. 6

5.2 දික් සම්පුටන්යාසඃ (සම්පුටීකරණම්)

ඉන්ද්රාදී-න්දික්ෂුවින්යස්ය .

ඕ-ම්භූර්භුව॒ස්සුවඃ॑ . ඕං ඕම් .

ත්රා॒තාර॒මින්ද්ර॑ මවි॒තාර॒මින්ද්ර॒ග්ං॒ හවේ॑ හවේ සු॒හව॒ග්ං॒ ශූර॒මින්ද්ර᳚ම් .

හු॒වේ නු ශ॒ක්ර-ම්පු॑රුහූ॒තමින්ද්රග්ග්॑ ස්ව॒ස්ති නෝ॑ ම॒ඝවා॑ ධා॒ත්වින්ද්රඃ॑ ..

ඕ-න්නමෝ භගවතේ॑ රුද්රා॒ය . ඕං ඕම් .

පූර්වදිග්භාගේ ඉන්ද්රාය නමඃ .. 1 (තෛ.සං.1-6-12-50)

ඕ-ම්භූර්භුව॒ස්සුවඃ॑ . ඕ-න්නම් .

ත්ව-න්නෝ॑ අග්නේ॒ වරු॑ණස්ය වි॒ද්වාන්දේ॒වස්ය॒ හේඩෝ-(අ)ව॑ යාසිසීෂ්ඨාඃ .

යජි॑ෂ්ඨෝ॒ වහ්නි॑තම॒-ශ්ශෝශු॑චානෝ॒ විශ්වා॒ ද්වේෂාග්ං॑සි॒ ප්රමු॑මුග්ධ්ය॒ස්මත් ..

ඕ-න්නමෝ භගවතේ॑ රුද්රා॒ය . නං ඕම් .

ආග්නේයදිග්භාගේ අග්නයේ නමඃ .. 2 (තෛ.සං.2-5-12-72)

ඕ-ම්භූර්භුව॒ස්සුවඃ॑ . ඕ-ම්මෝම් .

සු॒ග-න්නඃ॒ පන්ථා॒මභ॑ය-ඞ්කෘණෝතු . යස්මි॒න්නක්ෂ॑ත්රේ ය॒ම ඒති॒ රාජා᳚ .

යස්මි॑න්නේනම॒භ්යෂි॑ඤ්චන්ත දේ॒වාඃ . තද॑ස්ය චි॒ත්රග්ං හ॒විෂා॑ යජාම ..

ඕ-න්නමෝ භගවතේ॑ රුද්රා॒ය . මෝං ඕම් .

දක්ෂිණදිග්භාගේ යමාය නමඃ .. 3 (තෛ.බ්රා.3-1-2-11-23)

ඕ-ම්භූර්භුව॒ස්සුවඃ॑ . ඕ-ම්භම් .

අසු॑න්වන්ත॒මය॑ජමානමිච්ඡ ස්තේ॒නස්යේ॒ත්යාන්තස්ක॑ර॒ස්යාන්වේ॑ෂි .

අ॒න්යම॒ස්මදි॑ච්ඡ॒ සා ත॑ ඉ॒ත්යා නමෝ॑ දේවි නිර්.ඍතේ॒ තුභ්ය॑මස්තු ..

ඕ-න්නමෝ භගවතේ॑ රුද්රා॒ය . භං ඕම් .

නිර්-ඍතිදිග්භාගේ නිර්-ඍතයේ නමඃ .. 4 (තෛ.සං.4-2-5-21)

ඕ-ම්භූර්භුව॒ස්සුවඃ॑ . ඕ-ඞ්ගම් .

තත්ත්වා॑ යාමි॒ බ්රහ්ම॑ණා॒ වන්ද॑මාන॒ස්තදා ශා᳚ස්තේ॒ යජ॑මානෝ හ॒විර්භිඃ॑ .

අහේ॑ඩමානෝ වරුණේ॒හ බෝ॒ධ්යුරු॑ශග්ංස॒ මා න॒ ආයුඃ॒ ප්රමෝ॑ෂීඃ ..

ඕ-න්නමෝ භගවතේ॑ රුද්රා॒ය . ගං ඕම් .

පශ්චිමදිග්භාගේ වරුණාය නමඃ .. 5 (තෛ.සං.2-1-11-65)

ඕ-ම්භූර්භුව॒ස්සුවඃ॑ . ඕං-වँම් .

ආ නෝ॑ නි॒යුද්භිඃ॑ ශ॒තිනී॑භිරධ්ව॒රග්ම් . ස॑හ॒ස්රිණී॑භි॒රුප॑ යාහි ය॒ජ්ඤම් .

වායෝ॑ අ॒ස්මින් හ॒විෂි॑ මාදයස්ව . යූ॒ය-ම්පා॑ත ස්ව॒ස්තිභි॒-ස්සදා॑ නඃ ..

ඕ-න්නමෝ භගවතේ॑ රුද්රා॒ය . වං ඕම් .

වායව්යදිග්භාගේ වායවේ නමඃ .. 6 (තෛ.බ්රා.2-8-1-2)

ඕ-ම්භූර්භුව॒ස්සුවඃ॑ . ඕ-න්තේම් .

ව॒යග්ං සෝ॑ම ව්ර॒තේ තව॑ . මන॑ස්ත॒නූෂු॒ බිභ්ර॑තඃ .

ප්ර॒ජාව॑න්තෝ අශීමහි . ඉ॒න්ද්රා॒ණී දේ॒වී සු॒භගා॑ සු॒පත්නී᳚ ..

ඕ-න්නමෝ භගවතේ॑ රුද්රා॒ය . තේං ඕම් .

උත්තරදිග්භාගේ කුබේරාය නමඃ .. 7 (තෛ.බ්රා.2-4-2-7-18)

ඕ-ම්භූර්භුව॒ස්සුවඃ॑ . ඕං රුම් .

තමීශා᳚න॒-ඤ්ජග॑තස්ත॒ස්ථුෂ॒ස්පති᳚-න්ධිය-ඤ්ජි॒න්වමව॑සේ හූමහේ ව॒යම් .

පූ॒ෂා නෝ॒ යථා॒ වේද॑සා॒මස॑ද්වෘ॒ධේ ර॑ක්ෂි॒තා පා॒යුරද॑බ්ධ-ස්ස්ව॒ස්තයේ᳚ ..

ඕ-න්නමෝ භගවතේ॑ රුද්රා॒ය . රුං ඕම් .

ඊශාන්යදිග්භාගේ ඊශානාය නමඃ .. 8

ඕ-ම්භූර්භුව॒ස්සුවඃ॑ . ඕ-න්ද්රාම් .

අ॒ස්මේ රු॒ද්රා මේ॒හනා॒ පර්ව॑තාසෝ වෘත්ර॒හත්යේ॒ භර॑හූතෞ ස॒ජෝෂාඃ᳚ .

ය-ශ්ශංස॑තේ ස්තුව॒තේ ධායි॑ ප॒ජ්ර ඉන්ද්ර॑ජ්යේෂ්ඨා අ॒ස්මාං අ॑වන්තු දේ॒වාඃ ..

ඕ-න්නමෝ භගවතේ॑ රුද්රා॒ය . ද්රාං ඕම් .

ඌර්ධ්වදිග්භාගේ ආකාශාය නමඃ .. 9

ඕ-ම්භූර්භුව॒ස්සුවඃ॑ . ඕං-යँම් .

ස්යෝ॒නා පෘ॑ථිවි॒ භවා॑නෘක්ෂ॒රා නි॒වේශ॑නී .

යච්ඡා॑ න॒-ශ්ශර්ම॑ ස॒ප්රථාඃ᳚ ..

ඕ-න්නමෝ භගවතේ॑ රුද්රා॒ය . යං ඕම් .

අධෝදිග්භාගේ පෘථිව්යෛ නමඃ .. 10

5.3 දශාඞ්ග රෞද්රීකරණම්

ඕ-ම්භූර්භුව॒ස්සුවඃ॑ . ඕං ඕම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ත්රා॒තාර॒මින්ද්ර॑ මවි॒තාර॒මින්ද්ර॒ග්ං॒ හවේ॑ හවේ සු॒හව॒ග්ං॒ ශූර॒මින්ද්ර᳚ම් .

හු॒වේ නු ශ॒ක්ර-ම්පු॑රුහූ॒තමින්ද්රග්ග්॑ ස්ව॒ස්ති නෝ॑ ම॒ඝවා॑ ධා॒ත්වින්ද්රඃ॑ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඕං ඕම් .

පූර්වදිග්භාගේ ලලාටස්ථානේ ඉන්ද්රාය නමඃ .. 1 .. (තෛ.සං.1-6-12-50)

ඕ-ම්භූර්භුව॒ස්සුවඃ॑ . ඕ-න්නම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ත්ව-න්නෝ॑ අග්නේ॒ වරු॑ණස්ය වි॒ද්වාන්දේ॒වස්ය॒ හේඩෝ-(අ)ව॑ යාසිසීෂ්ඨාඃ .

යජි॑ෂ්ඨෝ॒ වහ්නි॑තම॒-ශ්ශෝශු॑චානෝ॒ විශ්වා॒ ද්වේෂාග්ං॑සි॒ ප්රමු॑මුග්ධ්ය॒ස්මත් ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . නං ඕම් .

ආග්නේයදිග්භාගේ නේත්රයෝස්ථානේ අග්නයේ නමඃ .. 2 .. (තෛ.සං.2-5-12-72)

ඕ-ම්භූර්භුව॒ස්සුවඃ॑ . ඕ-ම්මෝම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

සු॒ග-න්නඃ॒ පන්ථා॒මභ॑ය-ඞ්කෘණෝතු . යස්මි॒න්නක්ෂ॑ත්රේ ය॒ම ඒති॒ රාජා᳚ .

යස්මි॑න්නේනම॒භ්යෂි॑ඤ්චන්ත දේ॒වාඃ . තද॑ස්ය චි॒ත්රග්ං හ॒විෂා॑ යජාම ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . මෝං ඕම් .

දක්ෂිණදිග්භාගේ කර්ණයෝස්ථානේ යමාය නමඃ .. 3 .. (තෛ.බ්රා.3-1-2-11-23)

ඕ-ම්භූර්භුව॒ස්සුවඃ॑ . ඕ-ම්භම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අසු॑න්වන්ත॒ මය॑ජමානමිච්ඡස්තේ॒නස්යේ॒ත්යාන්තස්ක॑ර॒ස්යාන්වේ॑ෂි .

අ॒න්යම॒ස්මදි॑ච්ඡ॒ සා ත॑ ඉ॒ත්යා නමෝ॑ දේවි නිර්.ඍතේ॒ තුභ්ය॑මස්තු ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . භං ඕම් .

නිර්.ඍතිදිග්භාගේ මුඛස්ථානේ නිර්.ඍතයේ නමඃ .. 4 .. (තෛ.සං.4-2-5-21)

ඕ-ම්භූර්භුව॒ස්සුවඃ॑ . ඕ-ඞ්ගම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

තත්ත්වා॑යාමි॒ බ්රහ්ම॑ණා॒ වන්ද॑මාන॒ස්තදා ශා᳚ස්තේ॒ යජ॑මානෝ හ॒විර්භිඃ॑ .

අහේ॑ඩමානෝ වරුණේ॒හ බෝ॒ධ්යුරු॑ශග්ංස॒ මා න॒ ආයුඃ॒ ප්රමෝ॑ෂීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ගං ඕම් .

පශ්චිමදිග්භාගේ බාහ්වෝස්ථානේ වරුණාය නමඃ .. 5 .. (තෛ.සං.2-1-11-65)

ඕ-ම්භූර්භුව॒ස්සුවඃ॑ . ඕං-වँම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ආ නෝ॑ නි॒යුද්භිඃ॑ ශ॒තිනී॑භිරධ්ව॒රග්ම් . ස॑හ॒ස්රිණී॑භි॒රුප॑ යාහි ය॒ජ්ඤම් .

වායෝ॑ අ॒ස්මින් හ॒විෂි॑ මාදයස්ව . යූ॒ය-ම්පා॑ත ස්ව॒ස්තිභි॒-ස්සදා॑ නඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . වං ඕම් .

වායව්යදිග්භාගේ නාසිකාස්ථානේ වායවේ නමඃ .. 6 .. (තෛ.බ්රා.2-8-1-2)

ඕ-ම්භූර්භුව॒ස්සුවඃ॑ . ඕ-න්තේම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ව॒යග්ං සෝ॑ම ව්ර॒තේ තව॑ . මන॑ස්ත॒නූෂු॒බිභ්ර॑තඃ .

ප්ර॒ජාව॑න්තෝ අශීමහි . ඉ॒න්ද්රා॒ණී දේ॒වී සු॒භගා॑ සු॒පත්නී᳚ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . තේං ඕම් .

උත්තරදිග්භාගේ ජඨරස්ථානේ කුබේරාය නමඃ .. 7 .. (තෛ.බ්රා.2-4-2-7-18)

ඕ-ම්භූර්භුව॒ස්සුවඃ॑ . ඕං රුම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

තමීශා᳚න॒-ඤ්ජග॑තස්ත॒ස්ථුෂ॒ස්පති᳚-න්ධිය-ඤ්ජි॒න්වමව॑සේ හූමහේ ව॒යම් .

පූ॒ෂා නෝ॒ යථා॒ වේද॑සා॒මස॑ද්වෘ॒ධේ ර॑ක්ෂි॒තා පා॒යුරද॑බ්ධ-ස්ස්ව॒ස්තයේ᳚ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . රුං ඕම් .

ඊශාන්යදිග්භාගේ නාභිස්ථානේ ඊශානාය නමඃ .. 8 ..

ඕ-ම්භූර්භුව॒ස්සුවඃ॑ . ඕ-න්ද්රාම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අ॒ස්මේ රු॒ද්රා මේ॒හනා॒ පර්ව॑තාසෝ වෘත්ර॒හත්යේ॒ භර॑හූතෞ ස॒ජෝෂාඃ᳚ .

ය-ශ්ශංස॑තේ ස්තුව॒තේ ධායි॑ ප॒ජ්ර ඉන්ද්ර॑ජ්යේෂ්ඨා අ॒ස්මාँ අ॑වන්තු දේ॒වාඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ද්රාං ඕම් .

ඌර්ධ්වදිග්භාගේ මූර්ධ්නිස්ථානේ ආකාශාය නමඃ .. 9 ..

ඕ-ම්භූර්භුව॒ස්සුවඃ॑ . ඕං-යँම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ස්යෝ॒නා පෘ॑ථිවි॒ භවා॑නෘක්ෂ॒රා නි॒වේශ॑නී .

යච්ඡා॑ න॒-ශ්ශර්ම॑ ස॒ප්රථාඃ᳚ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . යං ඕම් .

අධෝදිග්භාගේ පාදස්ථානේ පෘථිව්යෛ නමඃ .. 10 ..

5.4 ෂෝඩශාඞ්ග රෞද්රීකරණං

ඕ-ම්භූර්භුව॒ස්සුවඃ॑ . ඕං අම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

වි॒භූර॑සි ප්ර॒වාහ॑ණෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . අං ඕම් .

ශිඛාස්ථානේ රුද්රාය නමඃ .. 1 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ආම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

වහ්නි॑රසි හව්ය॒වාහ॑නෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ආං ඕම් .

ශිරස්ථානේ රුද්රාය නමඃ .. 2 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඉම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ශ්වා॒ත්රෝ॑සි॒ ප්රචේ॑තා॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඉං ඕම් .

මූර්ධ්නිස්ථානේ රුද්රාය නමඃ .. 3 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඊම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

තු॒ථෝ॑සි වි॒ශ්වවේ॑දා॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඊං ඕම් .

ලලාටස්ථානේ රුද්රාය නමඃ .. 4 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං උම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

උ॒ශිග॑සික॒වී රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . උං ඕම් .

නේත්රයෝස්ථානේ රුද්රාය නමඃ .. 5 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඌම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අඞ්ඝා॑රිරසි॒ බම්භා॑රී॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඌං ඕම් .

කර්ණයෝස්ථානේ රුද්රාය නමඃ .. 6 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඍම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අ॒ව॒ස්යුර॑සි॒ දුව॑ස්වා॒-න්රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඍං ඕම් .

මුඛස්ථානේ රුද්රාය නමඃ .. 7 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඎම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ශු॒න්ධ්යූර॑සි මාර්ජා॒ලීයෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඎං ඕම් .

කණ්ඨස්ථානේ රුද්රාය නමඃ .. 8 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඏම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ස॒ම්රාඩ॑සි කෘ॒ශානූ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඏං ඕම් .

බාහ්වෝස්ථානේ රුද්රාය නමඃ .. 9 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඐම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ප॒රි॒ෂද්යෝ॑සි॒ පව॑මානෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඐං ඕම් .

හෘදිස්ථානේ රුද්රාය නමඃ .. 10 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඒම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ප්ර॒තක්වා॑-(අ)සි॒ නභ॑ස්වා॒-න්රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඒං ඕම් .

නාභිස්ථානේ රුද්රාය නමඃ .. 11 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඓම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අස॑ම්මෘෂ්ටෝසි හව්ය॒සූදෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඓං ඕම් .

කටිස්ථානේ රුද්රාය නමඃ .. 12 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඕම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඍ॒තධා॑මා-(අ)සි॒ සුව॑ර්ජ්යෝතී॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඕං ඕම් .

ඌරුස්ථානේ රුද්රාය නමඃ .. 13 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං ඖම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

බ්රහ්ම॑ජ්යෝතිරසි॒ සුව॑ර්ධාමා॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . ඖං ඕම් .

ජානුස්ථානේ රුද්රාය නමඃ .. 14 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං අම් .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අ॒ජෝ᳚-(අ)ස්යේක॑පා॒ත් රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . අං ඕම් .

ජඞ්ඝාස්ථානේ රුද්රාය නමඃ .. 15 .. (තෛ.සං.1-3-3-5)

ඕ-ම්භූර්භුව॒ස්සුවඃ॑ . ඕං අඃ .

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

අහි॑රසි බු॒ධ්නියෝ॒ රෞද්රේ॒ණානී॑කේන පා॒හි මා᳚-(අ)ග්නේ පිපෘ॒හි මා॒ මා මා॑ හිග්ංසීඃ ..

නමඃ॑ ශ॒ම්භවේ॑ ච මයෝ॒භවේ॑ ච॒ නමඃ॑ ශඞ්ක॒රාය॑ ච

මයස්ක॒රාය॑ ච॒ නමඃ॑ ශි॒වාය॑ ච ශි॒වත॑රාය ච॒ ..

ඕ-න්නමෝ භගවතේ॑ රුද්රා॒ය . අඃ ඕම් .

පාදයෝ-ස්ස්ථානේ රුද්රාය නමඃ .. 16 .. (තෛ.සං.1-3-3-5)

ත්වගස්ථිගතෛ-ස්සර්වපාපෛඃ ප්රමුච්යතේ . සර්වභූතේෂ්වපරාජිතෝ භවති . තතෝ භූතප්රේත පිශාච බද්ධ බ්රහ්මරාක්ෂස යක්ෂ යමදූත ශාකිනී ඩාකිනී හාකිනී ශත්රු සර්ප ශ්වාපද තස්කර ජ්වරාද්යුපද්රවජෝපඝාතා-ස්සර්වේ ජ්වලන්ත-ම්පශ්යන්තු .

[කර්තස්ය වචනම්] මාං රක්ෂන්තු ..

[පුරෝහිත වචනම්] යජමානග්ං රක්ෂන්තු ..

-----------ඉති තෘතීයඃ න්යාසඃ------------

පාදාති මූර්ධාන්ත-ම්පඤ්චාඞ්ග න්යාසඃ

6. ආත්මරක්ෂා

6.1 මනෝ ජ්යෝතිඃ

මනෝ॒ ජ්යෝති॑ ර්ජුෂතා॒-මාජ්යං॒-විँච්ඡි॑න්නං-යँ॒ජ්ඤග්ං සමි॒ම-න්ද॑ධාතු .

යා ඉ॒ෂ්ටා උ॒ෂසෝ॑ නි॒ම්රුච॑ශ්ච॒ තාස්සන්ද॑ධාමි හ॒විෂා॑ ඝෘ॒තේන॑ .

(ගුහ්යාය නමඃ) . 1 (තෛ. සං. 1.5.10.2)

අබෝ᳚ද්ධ්ය॒ග්නි-ස්ස॒මිධා॒ ජනා॑නා॒-ම්ප්රති॑ධේ॒නු-මි॑වාය॒තී මු॒ෂාස᳚ම් .

ය॒හ්වා ඉ॑ව॒ ප්රව॒යා-මු॒ජ්ජිහා॑නාඃ॒ ප්රභා॒නවඃ॑ සිස්රතේ॒ නාක॒මච්ඡ॑ .

(නාභ්යෛ නමඃ) . 2 (තෛ. සං. 4.4.4.2)

අ॒ග්නි ර්මූ॒ර්ධා දි॒වඃ ක॒කුත්පතිඃ॑ පෘථි॒ව්යා අ॒යම් .

අ॒පාග්ං රේතාග්ං॑සි ජින්වති . (හෘදයාය නමඃ) . 3 (තෛ. සං. 1.5.5.1)

මූ॒ර්ධාන॑-න්දි॒වෝ අ॑ර॒ති-ම්පෘ॑ථි॒ව්යා වෛ᳚ශ්වාන॒ර-මෘ॒තාය॑ ජා॒තම॒ග්නිම් .

ක॒විග්ං ස॒ම්රාජ॒-මති॑ථි॒-ඤ්ජනා॑නා-මා॒සන්නා පාත්ර॑-ඤ්ජනයන්ත දේ॒වාඃ . (කණ්ඨාය නමඃ) . 4 (තෛ. සං. 1.4.13.1)

මර්මා॑ණි තේ॒ වර්ම॑භිශ්ඡා-දයාමි॒ සෝම॑ස්ත්වා॒ රාජා॒-(අ)මෘ॑තේ නා॒භිව॑ස්තාම් .

උ॒රෝ ර්වරී॑යෝ॒ වරි॑වස්තේ අස්තු॒ ජ॑යන්ත॒-න්ත්වා මනු॑මදන්තු දේ॒වාඃ .

(මුඛාය නමඃ) . 5 (තෛ. සං. 4.6.4.5)

ජා॒තවේ॑දා॒ යදි॑ වා පාව॒කෝ-(අ)සි॑ . වෛ॒ශ්වා॒න॒රෝ යදි॑ වා වෛද්යු॒තෝ-(අ)සි॑ .

ශ-ම්ප්ර॒ජාභ්යෝ॒ යජ॑මානාය ලෝ॒කම් . ඌර්ජ॒-ම්පුෂ්ටි॒-න්දද॑ ද॒භ්යාව॑ වෘථ්ස්ව .. (ශිරසේ නමඃ) .. 6 (තෛ. බ්රා. 3.10.5.1)

6.2 ආත්මරක්ෂා

(තෛ. බ්රා. 2.3.11.1 - තෛ. බ්රා. 2.3.11.4)

බ්රහ්මා᳚ත්ම॒න් වද॑සෘජත . තද॑කාමයත . සමා॒ත්මනා॑ පද්යේ॒යේති॑ .

ආත්ම॒න්නා-ත්ම॒න්නිත්යා-ම॑න්ත්රයත . තස්මෛ॑ දශ॒මග්ං හූ॒තඃ ප්රත්ය॑ශෘණෝත් .

ස දශ॑හූතෝ-(අ)භවත් . දශ॑හූතෝ හ॒වෛ නාමෛ॒ෂඃ . තං-වාँ ඒ॒ත-න්දශ॑හූත॒ග්ං॒ සන්ත᳚ම් .

දශ॑හෝ॒තේත්යා ච॑ක්ෂතේ ප॒රෝක්ෂේ॑ණ . ප॒රෝක්ෂ॑ප්රියා ඉව॒ හි දේ॒වාඃ .. 1

ආත්ම॒න්නා-ත්ම॒න්නිත්යා-ම॑න්ත්රයත . තස්මෛ॑ සප්ත॒මග්ං හූ॒තඃ ප්රත්ය॑ශෘණෝත් .

ස ස॒ප්තහූ॑තෝ-(අ)භවත් . ස॒ප්තහූ॑තෝ හ॒වෛ නාමෛ॒ෂඃ . තං-වාँ ඒ॒තග්ං ස॒ප්තහූ॑ත॒ග්ං॒ සන්ත᳚ම් . ස॒ප්තහෝ॒තේත්යා ච॑ක්ෂතේ ප॒රෝක්ෂේ॑ණ . ප॒රෝක්ෂ॑ප්රියා ඉව॒ හි දේ॒වාඃ .. 2

ආත්ම॒න්නා-ත්ම॒න්නිත්යා-ම॑න්ත්රයත . තස්මෛ॑ ෂ॒ෂ්ඨග්ං හූ॒තඃ ප්රත්ය॑ශෘණෝත් .

ස ෂඩ්ඪූ॑තෝ-(අ)භවත් . ෂඩ්ඪූ॑තෝ හ॒වෛ නාමෛ॒ෂඃ . තං-වාँ ඒ॒තග්ං ෂඩ්ඪූ॑ත॒ග්ං॒ සන්ත᳚ම් .

ෂඩ්ඪෝ॒තේත්යා ච॑ක්ෂතේ ප॒රෝක්ෂේ॑ණ . ප॒රෝක්ෂ॑ප්රියා ඉව॒ හි දේ॒වාඃ .. 3

ආත්ම॒න්නා-ත්ම॒න්නිත්යා-ම॑න්ත්රයත . තස්මෛ॑ පඤ්ච॒මග්ං හූ॒තඃ ප්රත්ය॑ශෘණෝත් .

ස පඤ්ච॑හූතෝ-(අ)භවත් . පඤ්ච॑හූතෝ හ॒වෛ නාමෛ॒ෂඃ . තං-වාँ ඒ॒ත-ම්පඤ්ච॑හූත॒ග්ං॒ සන්ත᳚ම් . පඤ්ච॑හෝ॒තේත්යා ච॑ක්ෂතේ ප॒රෝක්ෂේ॑ණ . ප॒රෝක්ෂ॑ප්රියා ඉව॒ හි දේ॒වාඃ .. 4

ආත්ම॒න්නා-ත්ම॒න්නිත්යා-ම॑න්ත්රයත . තස්මෛ॑ චතු॒ර්ථග්ං හූ॒තඃ ප්රත්ය॑ශෘණෝත් .

ස චතු॑ර්​හූතෝ-(අ)භවත් . චතු॑ර්​හූතෝ හ॒වෛ නාමෛ॒ෂඃ . තං-වාँ ඒ॒ත-ඤ්චතු॑ර්​හූත॒ග්ං॒

සන්ත᳚ම් . චතු॑ර්​හෝ॒තේත්යා ච॑ක්ෂතේ ප॒රෝක්ෂේ॑ණ . ප॒රෝක්ෂ॑ප්රියා ඉව॒ හි දේ॒වාඃ .. 5

තම॑බ්රවීත් . ත්වං-වෛँ මේ॒ නේදි॑ෂ්ඨග්ං හූ॒තඃ ප්රත්ය॑ශ්රෞෂීඃ .

ත්වයෛ॑ නානාඛ්යා॒තාර॒ ඉති॑ . තස්මා॒න්නුහෛ॑නා॒ග්॒-ශ්ච॑තු ර්​හෝතාර॒ ඉත්යාච॑ක්ෂතේ .

තස්මා᳚ච්ඡුශ්රූ॒ෂුඃ පු॒ත්රාණා॒ග්ං॒ හෘද්ය॑තමඃ . නේදි॑ෂ්ඨෝ॒ හෘද්ය॑තමඃ .

නේදි॑ෂ්ඨෝ॒ බ්රහ්ම॑ණෝ භවති . ය ඒ॒වං-වේँද॑ .. 6 (ආත්මනේ॒ නමඃ॑)

------------ඉති චතුර්ථ න්යාසඃ------------

ගුහ්යාදි මස්තකාන්ත ෂඩඞ්ගන්යාස-ශ්චතුර්ථඃ

7. ශිවසඞ්කල්පාඃ

(ඍග් වේද ඛිල කාණ්ඩං 4.11 9.1)

යේනේ॒ද-ම්භූ॒ත-ම්භුව॑න-ම්භවි॒ෂ්ය-ත්පරි॑ගෘහීත-ම॒මෘතේ॑න॒ සර්ව᳚ම් . යේන॑ ය॒ජ්ඤස්තා॑යතේ

(ය॒ජ්ඤස්ත්රා॑යතේ) ස॒ප්තහෝ॑තා॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 1

යේන॒ කර්මා॑ණි ප්ර॒චර॑න්ති॒ ධීරා॒ යතෝ॑ වා॒චා මන॑සා॒ චාරු॒යන්ති॑ .

ය-ථ්ස॒ම්මිත॒මනු॑ සං॒​යँන්ති॑ ප්රා॒ණින॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 2

යේන॒ කර්මා᳚ණ්ය॒පසෝ॑ මනී॒ෂිණෝ॑ ය॒ජ්ඤේ කෘ॑ණ්වන්ති වි॒දථේ॑ෂු॒ ධීරාඃ᳚ .

යද॑පූ॒ර්වං-යँ॒ක්ෂ්මම॒න්තඃ ප්ර॒ජානා॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 3

යත්ප්ර॒ජ්ඤාන॑-මු॒ත චේතෝ॒ ධෘති॑ශ්ච॒ යජ්ජ්යෝති॑ ර॒න්තර॒මෘත॑-ම්ප්ර॒ජාසු॑ .

යස්මා॒න්න ඍ॒තේ කිඤ්ච॒න කර්ම॑ ක්රි॒යතේ॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 4

සු॒ෂා॒ර॒ථි-රශ්වා॑නිව॒ යන්ම॑නු॒ෂ්යා᳚න්නේ නී॒යතේ॑-(අ)භී॒ශු॑භි ර්වා॒ජින॑ ඉව .

හෘත්ප්ර॑තිෂ්ඨං॒-යँද॑ජිර॒-ඤ්ජවි॑ෂ්ඨ॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 5

යස්මි॒න් ඍච॒ස්සාම॒-යජූග්ං॑ෂි॒ යස්මි॑-න්ප්රතිෂ්ඨි॒තා ර॑ථ॒නාභා॑ වි॒වාරාඃ᳚ .

යස්මිග්ග්॑ශ්චි॒ත්තග්ං සර්ව॒මෝත॑-ම්ප්ර॒ජානා॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 6

යදත්ර॑ ෂ॒ෂ්ඨ-න්ත්රි॒ශතග්ං॑ සු॒වීරං॑-යँ॒ජ්ඤස්ය॑ ගු॒හ්ය-න්නව॑ නාව॒මාය්ය᳚ම් .

දශ॒ පඤ්ච॑ ත්රි॒ග්ං॒ශතං॒-යँත්පර॑-ඤ්ච॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 7

යජ්ජාග්ර॑තෝ දූ॒රමු॒දෛති॒ දෛව॒-න්තදු॑ සු॒ප්තස්ය॒ තථෛ॒වෛති॑ .

දූ॒ර॒ග॒ම්ම-ඤ්ජ්යෝති॑ෂා॒-ඤ්ජ්යෝති॒රේක॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 8

යේනේ॒දං-විँශ්ව॒-ඤ්ජග॑තෝ බ॒භූව॒ යේ දේ॒වාපි॑ මහ॒තෝ ජා॒තවේ॑දාඃ .

තදේ॒වාග්නි-ස්තම॑සෝ॒ ජ්යෝති॒රේක॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 9

යේන॒ ද්යෞඃ පෘ॑ථි॒වී චා॒න්තරි॑ක්ෂ-ඤ්ච॒ යේ පර්ව॑තාඃ ප්ර॒දිශෝ॒ දිශ॑ශ්ච .

යේනේ॒ද-ඤ්ජග॒-ද්ව්යාප්ත॑-ම්ප්ර॒ජානා॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 10

යේ ම॑නෝ॒ හෘද॑යං॒-යේँ ච॑ දේ॒වා යේ දි॒ව්යා ආපෝ॒ යේ සූර්ය॑රශ්මිඃ .

තේ ශ්රෝත්රේ॒ චක්ෂු॑ෂී ස॒ඤ්චර॑න්ත॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 11

අචි॑න්ත්ය॒-ඤ්චා ප්ර॑මේය॒-ඤ්ච ව්ය॒ක්තා-ව්යක්ත॑ පර॒-ඤ්ච ය॑ත් .

සූක්ෂ්මා᳚-ථ්සූක්ෂ්මත॑ර-ඤ්ජ්ඤේ॒ය॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 12

ඒකා॑ ච ද॒ශ ශ॒ත-ඤ්ච॑ ස॒හස්ර॑-ඤ්චා॒යුත॑-ඤ්ච නි॒යුත॑-ඤ්ච ප්ර॒යුතං॒

චාර්බු॑ද-ඤ්ච॒ න්ය॑ර්බුද-ඤ්ච සමු॒ද්රශ්ච॒ මද්ධ්ය॒-ඤ්චාන්ත॑ශ්ච පරා॒ර්ධශ්ච॒ තන්මේ॒ මනඃ॑

ශි॒වස॑ඞ්ක॒ල්පම॑ස්තු .. 13

යේ ප॑ඤ්ච॒ පඤ්ච॑ දශ ශ॒තග්ං ස॒හස්ර॑-ම॒යුත॒-න්න්ය॑ර්බුද-ඤ්ච .

තේ අ॑ග්නි-චි॒ත්යේෂ්ට॑කා॒ස්තග්ං ශරී॑ර॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 14

වේදා॒හමේ॒ත-ම්පු॑රුෂ-ම්ම॒හාන්ත॑-මාදි॒ත්ය-ව॑ර්ණ॒-න්තම॑සඃ॒ පර॑ස්තාත් .

යස්ය॒ යෝනි॒-ම්පරි॒පශ්ය॑න්ති॒ ධීරා॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 15

යස්යේ॒ද-න්ධීරාඃ᳚ පු॒නන්ති॑ ක॒වයෝ᳚ බ්ර॒හ්මාණ॑මේ॒ත-න්ත්වා॑ වෘණත॒ ඉන්දු᳚ම් .

ස්ථා॒ව॒ර-ඤ්ජඞ්ග॑මං॒-ද්යෞ॑රාකා॒ශ-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 16

පරා᳚-ත්ප॒රත॑ර-ඤ්චෛ॒ව॒ ය॒-ත්පරා᳚ශ්චෛව॒ යත්ප॑රම් .

ය॒ත්පරා᳚-ත්පර॑තෝ ජ්ඤේ॒ය॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 17

පරා᳚-ත්පරත॑රෝ බ්ර॒හ්මා॒ ත॒ත්පරා᳚-ත්පර॒තෝ හ॑රිඃ .

ත॒ත්පරා᳚-ත්පර॑තෝ (අ)ධී॒ශ॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 18

යා වේ॑දා॒දිෂු॑ ගාය॒ත්රී॒ ස॒ර්ව॒ව්යාපි॑ මහේ॒ශ්වරී .

ඍග් ය॑ජු-ස්සාමා-ථර්වෛ॒ශ්ච॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 19

යෝ වෛ॑ දේ॒ව-ම්ම॑හාදේ॒ව॒-ම්ප්ර॒ණව॑-ම්පර॒මේශ්ව॑රම් .

ය-ස්සර්වේ॑ සර්ව॑ වේදෛ॒ශ්ච॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 20

ප්රය॑තඃ॒ ප්රණ॑වෝඞ්කා॒ර॒-ම්ප්ර॒ණව॑-ම්පුරු॒ෂෝත්ත॑මම් .

ඕකාං॑ර॒-ම්ප්රණ॑වාත්මා॒න॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 21

යෝ-(අ)සෞ॑ ස॒ර්වේෂු॑ වේදේ॒ෂු॒ ප॒ඨ්යතේ᳚ හ්යජ॒ ඊශ්ව॑රඃ . අ॒කායෝ॑ නිර්ගු॑ණෝ හ්යා॒ත්මා॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 22

ගෝභි॒ ර්ජුෂ්ට॒-න්ධනේ॑න॒ හ්යායු॑ෂා ච॒ බලේ॑න ච . ප්ර॒ජයා॑ ප॒ශුභිඃ॑ පුෂ්කරා॒ක්ෂ॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 23

කෛලා॑ස॒ ශිඛ॑රේ ර॒ම්යේ॒ ශ॒ඞ්කර॑ස්ය ශි॒වාල॑යේ .

දේ॒වතා᳚ස්තත්ර॑ මෝද॒න්තේ॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 24

ත්ර්ය॑බඞ්කං-යँජාමහේ සුග॒න්ධි-ම්පු॑ෂ්ටි॒වර්ධ॑නම් . උ॒ර්වා॒රු॒කමි॑ව॒ බන්ධ॑නා-න්මෘ॒ත්යෝ-ර්මු॑ක්ෂීය॒ මා-(අ)මෘතා॒-ත්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 25

වි॒ශ්වත॑-ශ්චක්ෂුරු॒ත වි॒ශ්වතෝ॑ මුඛෝ වි॒ශ්වතෝ॑ හස්ත උ॒ත වි॒ශ්වත॑ස්පාත් .

සම්බා॒හුභ්යාං॒-නම॑ති॒ සම්ප॑තත්රෛ॒ ර්ද්යාවා॑ පෘථි॒වී ජ॒නය॑-න්දේ॒ව ඒක॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 26

ච॒තුරෝ॑ වේ॒දාන॑ධීයී॒ත॒ ස॒ර්ව ශා᳚ස්ත්රම॒යං-විँ॑දුඃ . ඉ॒ති॒හා॒ස॒ පු॒රා॒ණා॒නා॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 27

මා නෝ॑ ම॒හාන්ත॑මු॒ත මා නෝ॑ අර්භ॒ක-ම්මා න॒ උක්ෂ॑න්තමු॒ත මා න॑ උක්ෂි॒තම් . මා නෝ॑ වධීඃ පි॒තර॒-ම්මෝත මා॒තර॑-ම්ප්රි॒යා මා න॑ස්ත॒නුවෝ॑ රුද්ර රීරිෂ॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 28

මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ .

වී॒රාන්මානෝ॑ රුද්ර භාමි॒තෝව॑ධී ර්​හ॒විෂ්ම॑න්තෝ॒ නම॑සා විධේම තේ॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 29

ඍ॒තග්ං ස॒ත්ය-ම්ප॑ර-ම්බ්ර॒හ්ම॒ පු॒රුෂ॑-ඞ්කෘෂ්ණ॒පිඞ්ග॑ලම් .

ඌ॒ර්ධ්වරේ॑තං-විँ॑රූපා॒ක්ෂං॒-විँ॒ශ්වරූ॑පාය॒ වෛ නමෝ॒ නම॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 30

ක-ද්රු॒ද්රාය॒ ප්රචේ॑තසේ මී॒ඪුෂ්ට॑මාය॒ තව්ය॑සේ . වෝ॒චේම॒ ශන්ත॑මග්ං හෘ॒දේ .

සර්වෝ॒ හ්යේ॑ෂ රු॒ද්රස්තස්මෛ॑ රු॒ද්රාය॒ නමෝ॑ අස්තු॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 31

බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ .

ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒-මස॑තශ්ච॒ විව॒ස්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 32

යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ . ය ඊශේ॑ අ॒ස්ය ද්වි॒පද॒-ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 33

ය ආ᳚ත්ම॒දා බ॑ල॒දා යස්ය॒ විශ්ව॑ උ॒පාස॑තේ ප්ර॒ශිෂං॒-යँස්ය॑ දේ॒වාඃ .

යස්ය॑ ඡා॒යා-(අ)මෘතං॒-යँස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 34

යෝ රු॒ද්රෝ අ॒ග්නෞ යෝ අ॒ඵ්සු ය ඕෂ॑ධීෂු॒ යෝ රු॒ද්රෝ විශ්වා॒ භුව॑නා-(අ)(අ)වි॒වේශ॒ තස්මෛ॑ රු॒ද්රාය॒ නමෝ॑ අස්තු॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 35

ග॒න්ධ॒ද්වා॒රා-න්දු॑රාධ॒ර්​ෂා॒-න්නි॒ත්යපු॑ෂ්ටා-ඞ්කරී॒ෂිණී᳚ම් . ඊ॒ශ්වරීග්ං॑ සර්ව॑ භූතා॒නා॒-න්තාමි॒හෝප॑හ්වයේ॒ ශ්රිය॒-න්තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 36

ය ඉදග්ං॑ ශිව॑සඞ්ක॒ල්ප॒ග්ං॒ ස॒දා ධ්යා॑යන්ති॒ බ්රාහ්ම॑ණාඃ . තේ ප॑ර-ම්මෝක්ෂ॑-ඞ්ගමිෂ්ය॒න්ති॒ තන්මේ॒ මනඃ॑ ශි॒වස॑ඞ්ක॒ල්පම॑ස්තු .. 37

ඕ-න්නමෝ භගවතේ॑ රුද්රා॒ය .. ශිවසඞ්කල්පග්ං හෘදයාය නමඃ॑ ..

7.2 පුරුෂ සූක්තං

(තෛ. අර. 3.12.1 - තෛ. අර. 3.12.7)

ස॒හස්ර॑ශීර්​ෂා॒ පුරු॑ෂඃ . ස॒හ॒ස්රා॒ක්ෂ-ස්ස॒හස්ර॑පාත් . ස භූමිං॑-විँ॒ශ්වතෝ॑ වෘ॒ත්වා . අත්ය॑තිෂ්ඨ-ද්දශාඞ්ගු॒ලම් . පුරු॑ෂ ඒ॒වේදග්ං සර්ව᳚ම් . ය-ද්භූ॒තං-යँච්ච॒ භව්ය᳚ම් .

උ॒තාමෘ॑ත॒ත්වස්යේශා॑නඃ . යදන්නේ॑නා-ති॒රෝහ॑ති .

ඒ॒තාවා॑නස්ය මහි॒මා . අතෝ॒ ජ්යායාග්॑ශ්ච॒ පූරු॑ෂඃ .. 1

පාදෝ᳚-(අ)ස්ය॒ විශ්වා॑ භූ॒තානි॑ . ත්රි॒පාද॑ස්යා॒-මෘත॑-න්දි॒වි . ත්රි॒පාදූ॒ර්ධ්ව උදෛ॒-ත්පුරු॑ෂඃ . පාදෝ᳚ (අ)ස්යේ॒හා-(අ)(අ)භ॑වා॒-ත්පුනඃ॑ .

තතෝ॒ විෂ්වං॒-ව්යँ॑ක්රාමත් . සා॒ශ॒නා॒න॒ශ॒නේ අ॒භි .. තස්මා᳚-ද්වි॒රාඩ॑ජායත . වි॒රාජෝ॒ අධි॒ පූරු॑ෂඃ . ස ජා॒තෝ අත්ය॑රිච්යත . ප॒ශ්චා-ද්භූමි॒මථෝ॑ පු॒රඃ .. 2

යත්පුරු॑ෂේණ හ॒විෂා᳚ . දේ॒වා ය॒ජ්ඤමත॑න්වත . ව॒ස॒න්තෝ අ॑ස්යාසී॒දාජ්ය᳚ම් . ග්රී॒ෂ්ම ඉ॒ද්ධ්ම ශ්ශ॒රද්ධ॒විඃ . ස॒ප්තාස්යා॑ස-න්පරි॒ධයඃ॑ . ත්රි-ස්ස॒ප්ත ස॒මිධඃ॑ කෘ॒තාඃ . දේ॒වාය-ද්ය॒ජ්ඤ-න්ත॑න්වා॒නාඃ . අබ॑ධ්න॒-න්පුරු॑ෂ-ම්ප॒ශුම් ..

තං-යँ॒ජ්ඤ-ම්බ॒ර්​හිෂි॒ ප්රෞක්ෂන්න්॑ . පුරු॑ෂ-ඤ්ජා॒තම॑ග්ර॒තඃ .. 3

තේන॑ දේ॒වා අය॑ජන්ත . සා॒ද්ධ්යා ඍෂ॑යශ්ච॒ යේ .

තස්මා᳚-ද්ය॒ජ්ඤා-ථ්ස॑ර්ව॒හුතඃ॑ . සම්භෘ॑ත-ම්පෘෂදා॒ජ්යම් . ප॒ශූග්​ස්තාග්​ශ්ච॑ක්රේ වාය॒ව්යාන්॑ . ආ॒ර॒ණ්යා-න්ග්රා॒ම්යාශ්ච॒ යේ . තස්මා᳚-ද්ය॒ජ්ඤා-ථ්ස॑ර්ව॒හුතඃ॑ . ඍච॒-ස්සාමා॑නි ජජ්ඤිරේ .

ඡන්දාග්ං॑සි ජජ්ඤිරේ॒ තස්මා᳚ත් . යජු॒ස්තස්මා॑-දජායත .. 4

තස්මා॒දශ්වා॑ අජායන්ත . යේ කේ චෝ॑භ॒යාද॑තඃ .

ගාවෝ॑ හ ජජ්ඤිරේ॒ තස්මා᳚ත් . තස්මා᳚ජ්ජා॒තා අ॑ජා॒වයඃ॑ .

යත්පුරු॑ෂං॒-ව්යँ॑දධුඃ . ක॒ති॒ධා ව්ය॑කල්පයන්න් .

මුඛ॒-ඞ්කිම॑ස්ය॒ කෞ බා॒හූ . කාවූ॒රූ පාදා॑වුච්යේතේ . බ්රා॒හ්ම॒ණෝ᳚-(අ)ස්ය॒ මුඛ॑මාසීත් . බා॒හූ රා॑ජ॒න්යඃ॑ කෘ॒තඃ .. 5

ඌ॒රූ තද॑ස්ය॒ ය-ද්වෛශ්යඃ॑ . ප॒ද්භ්යාග්ං ශූ॒ද්රෝ අ॑ජායත . ච॒න්ද්රමා॒ මන॑සෝ ජා॒තඃ . චක්ෂෝ॒-ස්සූර්යෝ॑ අජායත . මුඛා॒-දින්ද්ර॑ශ්චා॒ග්නිශ්ච॑ .

ප්රා॒ණා-ද්වා॒යුර॑ජායත . නාභ්යා॑ ආසීද॒න්තරි॑ක්ෂම් . ශී॒ර්​ෂ්ණෝ ද්යෞ-ස්සම॑වර්තත . ප॒ද්භ්යා-ම්භූමි॒ ර්දිශ॒-ශ්ශ්රෝත්රා᳚ත් . තථා॑ ලෝ॒කාග්ං අ॑කල්පයන්න් .. 6

වේදා॒හමේ॒ත-ම්පුරු॑ෂ-ම්ම॒හාන්ත᳚ම් . ආ॒දි॒ත්යව॑ර්ණ॒-න්තම॑ස॒ස්තු පා॒රේ .

සර්වා॑ණි රූ॒පාණි॑ වි॒චිත්ය॒ ධීරඃ॑ . නාමා॑නි කෘ॒ත්වාභි॒වද॒න් යදාස්තේ᳚ . ධා॒තා පු॒රස්තා॒-ද්යමු॑දාජ॒හාර॑ . ශ॒ක්රඃ ප්රවි॒ද්වා-න්ප්ර॒දිශ॒ශ්චත॑ස්රඃ . තමේ॒වං-විँ॒ද්වාන॒මෘත॑ ඉ॒හ භ॑වති . නාන්යඃ පන්ථා॒ අය॑නාය විද්යතේ .

ය॒ජ්ඤේන॑ ය॒ජ්ඤම॑යජන්ත දේ॒වාඃ . තානි॒ ධර්මා॑ණි ප්රථ॒මාන්යා॑සන්න් . තේ හ॒ නාක॑-ම්මහි॒මාන॑-ස්සචන්තේ . යත්ර॒ පූර්වේ॑ සා॒ද්ධ්යා-ස්සන්ති॑ දේ॒වාඃ .. 7

ඕ-න්නමෝ භගවතේ॑ රුද්රා॒ය .. පුරුෂසූක්තග්ං ශිරසේ ස්වාහා ..

7.3 උත්තර නාරායණං

(තෛ. අර. 3.13.1 - තෛ. අර. 3.13.2)

අ॒ද්භ්ය-ස්සම්භූ॑තඃ පෘථි॒ව්යෛ රසා᳚ච්ච . වි॒ශ්වක॑ර්මණ॒-ස්සම॑වර්ත॒තාධි॑ .

තස්ය॒ ත්වෂ්ටා॑ වි॒දධ॑-ද්රූ॒පමේ॑ති . තත්පුරු॑ෂස්ය॒ විශ්ව॒මාජා॑න॒මග්රේ᳚ .

වේදා॒හමේ॒ත-ම්පුරු॑ෂ-ම්ම॒හාන්ත᳚ම් . ආ॒දි॒ත්යව॑ර්ණ॒-න්තම॑සඃ॒ පර॑ස්තාත් .

තමේ॒වං-විँ॒ද්වාන॒මෘත॑ ඉ॒හ භ॑වති . නාන්යඃ පන්ථා॑ විද්ය॒තේ-(අ)ය॑නාය . ප්ර॒ජාප॑තිශ්චරති॒ ගර්භේ॑ අ॒න්තඃ . අ॒ජාය॑මානෝ බහු॒ධා විජා॑යතේ .

තස්ය॒ ධීරාඃ॒ පරි॑ජානන්ති॒ යෝනි᳚ම් . මරී॑චීනා-ම්ප॒දමි॑ච්ඡන්ති වේ॒ධසඃ॑ .. 1

යෝ දේ॒වේභ්ය॒ ආත॑පති . යෝ දේ॒වානා᳚-ම්පු॒රෝහි॑තඃ .

පූර්වෝ॒ යෝ දේ॒වේභ්යෝ॑ ජා॒තඃ . නමෝ॑ රු॒චාය॒ බ්රාහ්ම॑යේ . රුච॑-ම්බ්රා॒හ්ම-ඤ්ජ॒නය॑න්තඃ . දේ॒වා අග්රේ॒ තද॑බ්රුවන්න් . යස්ත්වෛ॒ව-ම්බ්රා᳚හ්ම॒ණෝ වි॒ද්යාත් . තස්ය॑ දේ॒වා අස॒න් වශේ᳚ . හ්රීශ්ච॑ තේ ල॒ක්ෂ්මීශ්ච॒ පත්න්යෞ᳚ . අ॒හෝ॒රා॒ත්රේ පා॒ර්​ශ්වේ . නක්ෂ॑ත්රාණි රූ॒පම් . අ॒ශ්විනෞ॒ ව්යාත්ත᳚ම් . ඉ॒ෂ්ට-ම්ම॑නිෂාණ .

අ॒මු-ම්ම॑නිෂාණ . සර්ව॑-ම්මනිෂාණ .. 2

ඕ-න්නමෝ භගවතේ॑ රුද්රා॒ය .. උත්තර නාරායණග්ං ශිඛායෛ වෂට් ..

7.4 අප්රතිරථං

(තෛ. සං. 4.6.4.1 - තෛ. සං. 4.6.4.5)

ආ॒ශු-ශ්ශිශා॑නෝ වෘෂ॒භෝ න යු॒ධ්මෝ ඝ॑නාඝ॒නඃ, ක්ෂෝභ॑ණ-ශ්චර්​ෂණී॒නාම් .

ස॒॒ඞ්ක්රන්ද॑නෝ-(අ)නිමි॒ෂ ඒ॑ක වී॒රශ්ශ॒තග්ං සේනා॑ අජයථ්සා॒-කමින්ද්රඃ॑ .

ස॒ඞ්ක්රන්ද॑නේනා නිමි॒ෂේණ॑ ජි॒ෂ්ණුනා॑ යුත්කා॒රේණ॑ දුශ්ච්යව॒නේන॑ ධෘ॒ෂ්ණුනා᳚ .

තදින්ද්රේ॑ණ ජයත॒ තථ්ස॑හධ්වං॒-යුँධෝ॑ නර॒ ඉෂු॑ හස්තේන॒ වෘෂ්ණා᳚ .

ස ඉෂු॑හස්තෛ॒-ස්ස නි॑ෂ॒ඞ්ගිභි॑ ර්ව॒ශී සග්ග්​ස්ර॑ෂ්ටා॒ සයුධ॒ ඉන්ද්රෝ॑ ග॒ණේන॑ .

ස॒ග්ං॒සෘ॒ෂ්ට॒-ජිථ්සෝ॑ම॒පා බා॑හු ශ॒ර්ධ්යූ᳚ර්ධ්ව-ධ॑න්වා॒ ප්රති॑හිතා-භි॒රස්තා᳚ .

බෘහ॑ස්පතේ॒ පරි॑දීයා॒ රථේ॑න රක්ෂෝ॒හා-(අ)මිත්රාග්ං॑ අප॒ බාධ॑මානඃ . 1

ප්ර॒භ॒ඤ්ජ-න්ථ්සේනාඃ᳚ ප්රමෘ॒ණෝ යු॒ධා ජය॑න්න॒ස්මාක॑-මේද්ධ්යවි॒තා රථා॑නාම් .

ගෝ॒ත්ර॒භිද॑-ඞ්ගෝ॒විදං॒-වँජ්ර॑බාහු॒-ඤ්ජය॑න්ත॒මජ්ම॑ ප්රමෘ॒ණන්ත॒-මෝජ॑සා .

ඉ॒මග්ං ස॑ජාතා॒ අනු॑වීර-යධ්ව॒මින්ද්රග්ං॑ සඛා॒යෝ-(අ)නු॒ සර॑භධ්වම් .

බ॒ල॒වි॒ජ්ඤා॒ය-ස්ස්ථවි॑රඃ॒ ප්රවී॑ර॒-ස්සහ॑ස්වාන් වා॒ජී සහ॑මාන උ॒ග්රඃ .

අ॒භිවී॑රෝ අ॒භිස॑ත්වා සහෝ॒ජා ජෛත්ර॑මින්ද්ර॒ රථ॒මාති॑ෂ්ඨ ගෝ॒විත් . 2

අ॒භි ගෝ॒ත්රාණි॒ සහ॑සා॒ ගාහ॑මානෝ-(අ)දා॒යෝ වී॒ර ශ්ශ॒ත-ම॑න්යු॒රින්ද්රඃ॑ .

දු॒ශ්ච්ය॒ව॒නඃ පෘ॑තනා॒ෂාඩ॑ යු॒ද්ධ්යෝ᳚-(අ)ස්මාක॒ග්ං॒ සේනා॑ අවතු॒ ප්රයු॒ථ්සු .

ඉන්ද්ර॑ ආසා-න්නේ॒තා බෘහ॒ස්පති॒ ර්දක්ෂි॑ණා ය॒ජ්ඤඃ පු॒ර ඒ॑තු॒ සෝමඃ॑ .

දේ॒ව॒සේ॒නානා॑-මභිභ-ඤ්ජතී॒නා-ඤ්ජය॑න්තීනා-ම්ම॒රුතෝ॑ ය॒න්ත්වග්රේ᳚ .

ඉන්ද්ර॑ස්ය॒ වෘෂ්ණෝ॒ වරු॑ණස්ය॒ රාජ්ඤ॑ ආදි॒ත්යානා᳚-ම්ම॒රුතා॒ග්ං॒ ශර්ධ॑ උ॒ග්රම් .

ම॒හාම॑නසා-ම්භුවනච්ය॒වානා॒-ඞ්ඝෝෂෝ॑ දේ॒වානා॒-ඤ්ජය॑තා॒ මුද॑ස්ථාත් .

අ॒ස්මාක॒-මින්ද්රඃ॒-සමෘ॑තේෂු-ධ්ව॒ජේ-ෂ්ව॒ස්මාකං॒-යාँ ඉෂ॑ව॒ස්තා ජ॑යන්තු . 3

අ॒ස්මාකං॑-වීँ॒රා උත්ත॑රේ භවන්ත්ව॒ස්මානු॑ දේවා අවතා॒ හවේ॑ෂු . උද්ධ॑ර්​ෂය මඝව॒න්නා-යු॑ධා॒-න්යුථ්සත්ව॑නා-ම්මාම॒කානා॒-ම්මහාග්ං॑සි .

උද්වෘ॑ත්රහන් වා॒ජිනාං॒-වාँජි॑නා॒-න්යුද්රථා॑නා॒-ඤ්ජය॑තාමේතු॒ ඝෝෂඃ॑ .

උප॒ප්රේත॒ ජය॑තා නර-ස්ස්ථි॒රා වඃ॑ සන්තු බා॒හවඃ॑ . ඉන්ද්රෝ॑ ව॒-ශ්ශර්ම॑ යච්ඡත්වනා-ධෘ॒ෂ්යා යථා-(අ)ස॑ථ . අව॑සෘෂ්ටා॒ පරා॑පත॒ ශර॑ව්යේ॒ බ්රහ්ම॑ සග්ංශිතා . ගච්ඡා॒මිත්රා॒-න්ප්රවි॑ශ॒ මෛෂා॒-ඞ්කඤ්ච॒නෝච්ඡි॑ෂඃ .

මර්මා॑ණි තේ॒ වර්ම॑භිශ්ඡා-දයාමි॒ සෝම॑ස්ත්වා॒ රාජා॒-(අ)මෘතේ॑නා॒-භිව॑ස්තාම් . උ॒රෝ ර්වරී॑යෝ॒ වරි॑වස්තේ අස්තු॒ ජය॑න්ත॒-න්ත්වාමනු॑ මදන්තු දේ॒වාඃ . යත්ර॑ බා॒ණා-ස්ස॒ම්පත॑න්ති කුමා॒රා වි॑ශි॒ඛා ඉ॑ව .

ඉන්ද්රෝ॑ න॒ස්තත්ර॑ වෘත්ර॒හා වි॑ශ්වා॒හා ශර්ම॑ යච්ඡතු .. 4 ..

ඕ-න්නමෝ භගවතේ॑ රුද්රා॒ය .. ආශුශ්ශිශානෝ-(අ)ප්රතිරථ-ඞ්කවචාය හුම් .

7.5 ප්රති පූරුෂං

(තෛ. සං. 1.8.6.1 - තෛ. සං. 1.8.6.2)

(තෛ. බ්රා. 1.6.10.1 - තෛ. බ්රා. 1.6.10.5)

ප්ර॒ති॒පූ॒රු॒ෂ මේක॑කපාලා॒-න්නිර්ව॑ප॒ත්යේ-ක॒මති॑රික්තං॒-යාँව॑න්තෝ ගෘ॒හ්යා᳚-ස්ස්මස්තේභ්යඃ॒ කම॑කර-ම්පශූ॒නාග්ං ශර්මා॑සි॒ ශර්ම॒ යජ॑මානස්ය॒ ශර්ම॑ මේ

ය॒ච්ඡෛක॑ ඒ॒ව රු॒ද්රෝ න ද්වි॒තීයා॑ය තස්ථ ආ॒ඛුස්තේ॑ රුද්ර ප॒ශුස්ත-ඤ්ජු॑ෂස්වෛ॒ෂ තේ॑ රුද්ර භා॒ග-ස්ස॒හ ස්වස්රාං-(අ)බි॑කයා॒ තඤ්ජු॑ෂස්ව භේෂ॒ජ-ඞ්ගවේ-(අ)ශ්වා॑ය॒

පුරු॑ෂාය භේෂ॒ජමථෝ॑ අ॒ස්මභ්ය॑-ම්භේෂ॒ජග්ං සුභේ॑ෂජං॒-යँථා-(අ)ස॑ති . 1

සු॒ග-ම්මේ॒ෂාය॑ මේ॒ෂ්යා॑ අවා᳚බං රු॒ද්රම॑දි-ම॒හ්යව॑ දේ॒ව-න්ත්ර්ය॑බඞ්කම් .

යථා॑ න॒-ශ්ශ්රේය॑සඃ॒ කර॒ද්යථා॑ නෝ॒ වස්ය॑ සඃ॒ කර॒ද්යථා॑ නඃ පශු॒මතඃ॒

කර॒ද්යථා॑ නෝ ව්යවසා॒යයා᳚ත් . ත්ර්ය॑බඞ්කං-යँජාමහේ සුග॒න්ධි-ම්පු॑ෂ්ටි॒වර්ධ॑නම් .

උ॒ර්වා॒රු॒කමි॑ව॒ බන්ධ॑නා-න්මෘ॒ත්යෝ ර්මු॑ක්ෂීය॒ මා-(අ)මෘතා᳚ත් . ඒ॒ෂතේ॑ රුද්ර භා॒ග ස්තඤ්ජු॑ෂස්ව॒ තේනා॑ව॒සේන॑ ප॒රෝ මූජ॑ව॒තෝ-(අ)තී॒හ්යව॑තත

ධන්වා॒ පිනා॑කහස්තඃ॒ කෘත්ති॑වාසාඃ .. 2

ප්ර॒ති॒පූ॒රු॒ෂ-මේක॑කපාලා॒-න්නිර්ව॑පති . ජා॒තා ඒ॒ව ප්ර॒ජා රු॒ද්රා-න්නි॒රව॑දයතේ . ඒක॒මති॑රික්තම් . ජ॒නි॒ෂ්යමා॑ණා ඒ॒ව ප්ර॒ජා රු॒ද්රා-න්නි॒රව॑දයතේ . ඒක॑කපාලා භවන්ති . ඒ॒ක॒ධෛව රු॒ද්ර-න්නි॒රව॑දයතේ . නාභිඝා॑රයති . යද॑භිඝා॒රයේ᳚ත් . අ॒න්ත॒ර॒ව॒-චා॒රිණග්ං॑ රු॒ද්ර-ඞ්කු॑ර්යාත් .

ඒ॒කෝ॒ල්මු॒කේන॑ යන්ති . 3

තද්ධි රු॒ද්රස්ය॑ භාග॒ධේය᳚ම් . ඉ॒මා-න්දිශං॑-යँන්ති . ඒ॒ෂා වෛ රු॒ද්රස්ය॒ දික් . ස්වායා॑ මේ॒ව දි॒ශි රු॒ද්ර-න්නි॒රව॑දයතේ . රු॒ද්රෝ වා අ॑ප॒ශුකා॑යා॒ ආහු॑ත්යෛ॒ නාති॑ෂ්ඨත . අ॒සෞ තේ॑ ප॒ශුරිති॒ නිර්දි॑ශේ॒ද්ය-න්ද්වි॒ෂ්යාත් . යමේ॒ව ද්වේෂ්ටි॑ .

තම॑ස්මෛ ප॒ශු-න්නිර්දි॑ශති . යදි॒ න ද්වි॒ෂ්යාත් .

ආ॒ඛුස්තේ॑ ප॒ශුරිති॑ බ්රූයාත් . 4

න ග්රා॒ම්යා-න්ප॒ශූන් හි॒නස්ති॑ . නාර॒ණ්යාන් . ච॒තු॒ෂ්ප॒ථේ ජු॑හෝති . ඒ॒ෂ වා අ॑ග්නී॒නා-ම්පඩ්බී॑ශෝ॒ නාම॑ . අ॒ග්නි॒වත්යේ॒ව ජු॑හෝති .

ම॒ද්ධ්ය॒මේන॑ ප॒ර්ණේන॑ ජුහෝති . ස්රුග්ඝ්යේ॑ෂා . අථෝ॒ ඛලු॑ . අ॒න්ත॒මේනෛ॒ව හෝ॑ත॒ව්ය᳚ම් . අ॒න්ත॒ත ඒ॒ව රු॒ද්ර-න්නි॒රව॑දයතේ . 5

ඒෂ॒ තේ॑ රුද්රභා॒ග-ස්ස॒හස්වස්රාං-(අ)බි॑ක॒යේත්යා॑හ . ශ॒රද්වා අ॒ස්යාම්බි॑කා॒ ස්වසා᳚ .

තයා॒ වා ඒ॒ෂ හි॑නස්ති . යග්ං හි॒නස්ති॑ . තයෛ॒වෛනග්ං॑ ස॒හ ශ॑මයති .

භේ॒ෂ॒ජඞ්ගව॒ ඉත්යා॑හ . යාව॑න්ත ඒ॒ව ග්රා॒ම්යාඃ ප॒ශවඃ॑ . තේභ්යෝ॑ භේෂ॒ජ-ඞ්ක॑රෝති . අවා᳚බං රු॒ද්රම॑දි ම॒හීත්යා॑හ . ආ॒ශිෂ॑මේ॒වෛ-තාමා ශා᳚ස්තේ . 6

ත්ර්ය॑බඞ්කං-යँජාමහ॒ ඉත්යා॑හ . මෘ॒ත්යෝ ර්මු॑ක්ෂීය॒ මා-(අ)මෘතා॒-දිති॒ වා වෛ තදා॑හ .

උත්කි॑රන්ති . භග॑ස්ය ලීඵ්සන්තේ . මූතේ॑ කෘ॒ත්වා ස॑ජන්ති .

යථා॒ ජනං॑-යँ॒තේ॑-(අ)ව॒ස-ඞ්ක॒රෝති॑ . තා॒දෘගේ॒ව තත් . ඒ॒ෂ තේ॑ රුද්රභා॒ග ඉත්යා॑හ නි॒රව॑ත්යෛ . අප්ර॑තීක්ෂ॒-මාය॑න්ති . අ॒පඃ පරි॑ෂිඤ්චති . රු॒ද්රස්යා॒න්ත ර්​හි॑ත්යෛ . ප්රවා ඒ॒තේ᳚-(අ)ස්මා-ල්ලෝ॒කා-ච්ච්ය॑වන්තේ . යේ ත්ර්ය॑බඞ්කෛ॒-ශ්චර॑න්ති . ආ॒දි॒ත්ය-ඤ්ච॒රු-ම්පුන॒රේත්ය॒ නිර්ව॑පති . ඉ॒යං-වාँ අදි॑තිඃ . අ॒ස්යාමේ॒ව ප්රති॑තිෂ්ඨන්ති .. 7

ඕ-න්නමෝ භගවතේ॑ රුද්රා॒ය .. ප්රතිපූරුෂං-විँභාඩිති නේත්රත්රයා॑ය වෞ॒ෂට් ..

7.6 ශත රුද්රීයං (ත්වමග්නේ රුද්රෝ-(අ)නුවාකඃ)

තෛ. බ්රා. 3.11.2.1 - තෛ. බ්රා. 3.11.2.4

ත්වම॑ග්නේ රු॒ද්රෝ අසු॑රෝ ම॒හෝ දි॒වඃ . ත්වග්ං ශර්ධෝ॒ මාරු॑ත-ම්පෘ॒ක්ෂ ඊ॑ශිෂේ .

ත්වං-වාँතෛ॑රරු॒ණෛ ර්යා॑සි ශඞ්ග॒යඃ . ත්ව-ම්පූ॒ෂා වි॑ධ॒තඃ පා॑සි॒ නුත්මනාඃ᳚ .

දේවා॑ දේ॒වේෂු॑ ශ්රයද්ධ්වම් . ප්රථ॑මා ද්වි॒තීයේ॑ෂු ශ්රයද්ධ්වම් .

ද්විතී॑යා-ස්තෘ॒තීයේ॑ෂු ශ්රයද්ධ්වම් . තෘතී॑යා-ශ්චතු॒ර්ථේෂු॑ ශ්රයද්ධ්වම් .

ච॒තු॒ර්ථාඃ ප॑ඤ්ච॒මේෂු॑ ශ්රයද්ධ්වම් . ප॒ඤ්ච॒මා-ෂ්ෂ॒ෂ්ඨේෂු॑ ශ්රයද්ධ්වම් . 1

ෂ॒ෂ්ඨා-ස්ස॑ප්ත॒මේෂු॑ ශ්රයද්ධ්වම් . ස॒ප්ත॒මා අ॑ෂ්ට॒මේෂු॑ ශ්රයද්ධ්වම් .

අ॒ෂ්ට॒මා න॑ව॒මේෂු॑ ශ්රයද්ධ්වම් . න॒ව॒මා ද॑ශ॒මේෂු॑ ශ්රයද්ධ්වම් .

ද॒ශ॒මා ඒ॑කාද॒ශේෂු॑ ශ්රයද්ධ්වම් . ඒ॒ක॒ද॒ශා ද්වා॑ද॒ශේෂු॑ ශ්රයද්ධ්වම් .

ද්වා॒ද॒ශා-ස්ත්ර॑යෝද॒ශේෂු॑ ශ්රයද්ධ්වම් . ත්ර॒යෝ॒ද॒ශා-ශ්ච॑තු ර්දේ॒ශේෂු॑ ශ්රයද්ධ්වම් .

ච॒තු॒ර්ද॒ශාඃ ප॑ඤ්චද॒ශේෂු॑ ශ්රයද්ධ්වම් . ප॒ඤ්ච॒ද॒ශා-ෂ්ෂෝ॑ඩ॒ශේෂු॑ ශ්රයද්ධ්වම් . 2

ෂෝ॒ඩ॒ශා-ස්ස॑ප්තද॒ශේෂු॑ ශ්රයද්ධ්වම් . ස॒ප්ත॒ද॒ශා අ॑ෂ්ටාද॒ශේෂු॑ ශ්රයද්ධ්වම් .

අ॒ෂ්ටා॒ද॒ශා ඒ॑කාන්නවි॒ග්ං॒ශේෂු॑ ශ්රයද්ධ්වම් .

ඒ॒කා॒න්න॒වි॒ග්ං॒ශා වි॒ග්ං॒ශේෂු॑ ශ්රයද්ධ්වම් .

වි॒ග්ං॒ශා ඒ॑කවි॒ග්ං॒ශේෂු॑ ශ්රයද්ධ්වම් .

ඒ॒ක॒වි॒ග්ං॒ශා ද්වා॑වි॒ග්ං॒ශේෂු॑ ශ්රයද්ධ්වම් .

ද්වා॒වි॒ග්ං॒ශා ස්ත්ර॑යෝවි॒ග්ං॒ශේෂු॑ ශ්රයද්ධ්වම් .

ත්ර॒යෝ॒වි॒ග්ං॒ශා ශ්ච॑තුර්වි॒ග්ං॒ශේෂු॑ ශ්රයද්ධ්වම් . ච॒තු॒ර්වි॒ග්ං॒ශාඃ ප॑ඤ්චවි॒ග්ං॒ශේෂු॑ ශ්රයද්ධ්වම් .

ප॒ඤ්ච॒වි॒ග්ං॒ශා-ෂ්ෂ॑ඩ්වි॒ග්ං॒ශේෂු॑ ශ්රයද්ධ්වම් . 3

ෂ॒ඩ්වි॒ග්ං॒ශා ස්ස॑ප්තවි॒ග්ං॒ශේෂු॑ ශ්රයද්ධ්වම් . ස॒ප්ත॒වි॒ග්ං॒ශා අ॑ෂ්ටාවි॒ග්ං॒ශේෂු॑ ශ්රයද්ධ්වම් . අ॒ෂ්ටා॒වි॒ග්ං॒ශා ඒ॑කාන්නත්රි॒ග්ං॒ශේෂු॑ ශ්රයද්ධ්වම් . ඒ॒කා॒න්න॒ත්රි॒ග්ං॒ශා ස්ත්රි॒ග්ං॒ශේෂු॑ ශ්රයද්ධ්වම් . ත්රි॒ග්ං॒ශා ඒ॑කත්රි॒ග්ං॒ශේෂු॑ ශ්රයද්ධ්වම් . ඒ॒ක॒ත්රි॒ග්ං॒ශා ද්වා᳚ත්රි॒ග්ං॒ශේෂු॑ ශ්රයද්ධ්වම් . ද්වා॒ත්රි॒ග්ං॒ශා ත්ර॑යස්ත්රි॒ග්ං॒ශේෂු॑ ශ්රයද්ධ්වම් . දේවා᳚ස්ත්රිරේකාදශා॒ ස්ත්රිස්ත්ර॑යස්ත්රිග්ංශාඃ . උත්ත॑රේ භවත . උත්ත॑ර වර්ත්මාන॒ උත්ත॑ර සත්වානඃ . යත්කා॑ම ඉ॒ද-ඤ්ජු॒හෝමි॑ . තන්මේ॒ සමෘ॑ද්ධ්යතාම් . ව॒යග්ග්​ස්යා॑ම॒ පත॑යෝ රයී॒ණාම් . භූර්භුව॒ස්ව॑ස්ස්වාහා᳚ . 4

ඕ-න්නමෝ භගවතේ॑ රුද්රා॒ය .. ත්වමග්නේ ත්වමග්නේ ශතරුද්රීයමිත්යස්ත්රාය ඵට් ..

7.7 පඤ්චාඞ්ග ජපඃ

අථ පඤ්චාඞ්ගජපඃ ..

ස॒ද්යෝජා॒ත-ම්ප්ර॑පද්යා॒මි॒ ස॒ද්යෝජා॒තාය॒ වෛ නමෝ॒ නමඃ॑ .

භ॒වේ භ॑වේ॒ නාති॑භවේ භවස්ව॒ මාම් .

භ॒වෝද්භ॑වාය॒ නමඃ॑ .. 1

වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒ කාලා॑ය॒ නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒ බල॑ප්රමථනාය॒ නම॒-ස්සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ .. 2

අ॒ඝෝරේ᳚භ්යෝ-(අ)ථ॒ ඝෝරේ᳚භ්යෝ॒ ඝෝර॒ඝෝර॑තරේභ්යඃ .

සර්වේ᳚භ්ය-ස්සර්ව॒ශර්වේ᳚භ්යෝ॒ නම॑ස්තේ අස්තු රු॒ද්රරූ॑පේභ්යඃ .. 3

තත්පුරු॑ෂාය වි॒ද්මහේ॑ මහාදේ॒වාය॑ ධීමහි .

තන්නෝ॑ රුද්රඃ ප්රචෝ॒දයා᳚ත් .. 4

ඊශාන-ස්සර්ව॑විද්යා॒නා॒මීශ්වර-ස්සර්ව॑භූතා॒නාං॒

බ්රහ්මාධි॑පති॒ර්බ්රහ්ම॒ණෝ-(අ)ධි॑පති॒ර්බ්රහ්මා॑ ශි॒වෝ මේ॑ අස්තු සදාශි॒වෝම් .. 5

7.8 අෂ්ටාඞ්ග ප්රණාමඃ

හි॒ර॒ණ්ය॒ග॒ර්භ-ස්සම॑වර්ත॒-තාග්රේ॑ භූ॒තස්ය॑ ජා॒තඃ පති॒රේක॑ ආසීත් .

සදා॑ධාර පෘථි॒වී-න්ද්යාමු॒තේමා-ඞ්කස්මෛ॑ දේ॒වාය॑ හ॒විෂා॑ විධේම ..

උරසා නමඃ .. 1 (තෛ. සං. 4.1.8.3)

යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ .

ය ඊශේ॑ අ॒ස්ය ද්වි॒පද॒-ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම ..

ශිරසා නමඃ .. 2 (තෛ. සං. 4.1.8.4)

බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ .

ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒ම-ස॑තශ්ච॒ විවඃ॑ . (

දෘෂ්යා නමඃ . 3 (තෛ. සං. 4.2.8.2.)

ම॒හී ද්යෞඃ පෘ॑ථි॒වී ච॑ න ඉ॒මං-යँ॒ජ්ඤ-ම්මි॑මික්ෂතාම් .

පි॒පෘ॒තාන්නෝ॒ භරී॑මභිඃ .

මනසා නමඃ .. 4 (තෛ. සං. 3.3.10.2)

උප॑ශ්වාසය පෘථි॒වී-මු॒ත ද්යා-ම්පු॑රු॒ත්රා තේ॑ මනුතාං॒-විँෂ්ඨි॑ත॒-ඤ්ජග॑ත් .

ස දු॑න්දුභේ ස॒ජූරින්ද්රේ॑ණ දේ॒වෛ-ර්දූ॒රාද්දවී॑යෝ॒ අප॑සේධ॒ ශත්රූන්॑ .

වචසා නමඃ .. 5 (තෛ. සං. 4.6.6.6)

අග්නේ॒ නය॑ සු॒පථා॑ රා॒යේ අ॒ස්මාන් විශ්වා॑නි දේව ව॒යුනා॑නි වි॒ද්වාන් .

යු॒යෝ॒ද්ධ්ය॑ස්ම-ජ්ජු॑හුරා॒ණ-මේනෝ॒ භූයි॑ෂ්ඨාන්තේ॒ නම॑ උක්තිං-විँධේම ..

පධ්භ්යා-න්නමඃ .. 6 (තෛ. සං. 1.1.14.3)

යා තේ॑ අග්නේ॒ රුද්රි॑යා ත॒නූස්තයා॑ නඃ පාහි॒ තස්යා᳚ස්තේ॒ ස්වාහා᳚ .

යා තේ॑ අග්නේ-(අ)යාශ॒යා ර॑ජාශ॒යා හ॑රාශ॒යා ත॒නූර්වර්​ෂි॑ෂ්ඨා ගහ්වරේ॒ෂ්ඨෝග්රං-වँචෝ॒ අපා॑වධී-න්ත්වේ॒ෂං-වँචෝ॒ අපා॑වධී॒ග්ං॒ ස්වාහා᳚ ..

කරාභ්යා-න්නමඃ .. 7 (තෛ. සං. 1.2.11.2)

ඉ॒මං-යँ॑මප්රස්ත॒රමාහි සීදාඞ්ගි॑රෝභිඃ පි॒තෘභිඃ॑ සං​විँදා॒නඃ .

ආත්වා॒ මන්ත්රාඃ॑ කවිශ॒ස්තා ව॑හන්ත්වේ॒නා රා॑ජන් හ॒විෂා॑ මාදයස්ව ..

කර්ණාභ්යා-න්නමඃ .. 8 (තෛ. සං. 2.6.12.6)

උරසා ශිරසා දෘෂ්ට්යා මන॑සා වචසා ත॒ථා .

පද්භ්යා-ඞ්කරාභ්යා-ඞ්කර්ණාභ්යා-ම්ප්රණාමෝ-(අ)ෂ්ටාඞ්ග॑ උච්යතේ ..

උමාමහේශ්වරාභ්යා-න්නමඃ ..