Mahanyasam
శ్రీ మహాన్యాసమ్
Mahanyasam
శ్రీ మహాన్యాసమ్
శ్లోక 1
కలశ ప్రతిష్ఠాపన మన్త్రాః
బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివః॑ ।
నాకే॑ సుప॒ర్ణ ముప॒య-త్పత॑న్తగ్ం హృ॒దా వేన॑న్తో అ॒భ్యచ॑క్ష-తత్వా ।
హిర॑ణ్యపక్షం॒-వఁరు॑ణస్య దూ॒తం-యఁ॒మస్య॒ యోనౌ॑ శకు॒న-మ్భు॑ర॒ణ్యుమ్ ।
ఆప్యా॑యస్వ॒ సమే॑తు తే వి॒శ్వతః॑ సోమ॒ వృష్ణి॑యమ్ । భవా॒ వాజ॑స్య సఙ్గ॒థే ।
యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒
భువ॑నా-ఽఽవి॒వేశ॒ తస్మై॑ రు॒ద్రాయ॒ నమో॑ అస్తు । 1 (అప ఉపస్పృశ్య)
ఇ॒దం-విఁష్ణు॒ ర్విచ॑క్రమే త్రే॒ధా నిద॑ధే ప॒దమ్ । సమూ॑ఢమస్య పాగ్ం సు॒రే ।
ఇన్ద్రం॒-విఁశ్వా॑ అవీవృధన్-థ్సము॒ద్రవ్య॑చస॒-ఙ్గిరః॑ ।
ర॒థీత॑మగ్ం రథీ॒నాం-వాఁజా॑నా॒గ్ం॒ సత్ప॑తి॒-మ్పతి᳚మ్ ।
ఆపో॒ వా ఇ॒దంగ్ం సర్వం॒-విఁశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపో-ఽన్న॒మాపో-ఽమృ॑త॒మాప॑-స్స॒మ్రాడాపో॑ వి॒రాడాప॑-స్స్వ॒రాడాప॒-శ్ఛన్దా॒గ్॒శ్యాపో॒ జ్యోతీ॒గ్॒ష్యాపో॒ యజూ॒గ్॒ష్యాప॑-స్స॒త్యమాప॒-స్సర్వా॑ దే॒వతా॒ ఆపో॒ భూర్భువ॒స్సువ॒రాప॒ ఓమ్ । 2
అ॒పః ప్రణ॑యతి । శ్ర॒ద్ధా వా ఆపః॑ । శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి ।
అ॒పః ప్రణ॑యతి ।
య॒జ్ఞో వా ఆపః॑ । య॒జ్ఞమే॒వారభ్య॑ ప్ర॒ణీయ॒ ప్రచ॑రతి । అ॒పః ప్రణ॑యతి ।
వజ్రో॒ వా ఆపః॑ । వజ్ర॑మే॒వ భ్రాతృ॑వ్యేభ్యః ప్ర॒హృత్య॑ ప్ర॒ణీయ॒ ప్రచ॑రతి ।
అ॒పః ప్రణ॑యతి ।
ఆపో॒ వై ర॑క్షో॒ఘ్నీః । రక్ష॑సా॒మప॑హత్యై । అ॒పః ప్రణ॑యతి ।
ఆపో॒ వై దే॒వానా᳚-మ్ప్రి॒య-న్ధామ॑ । దే॒వానా॑మే॒వ ప్రి॒య-న్ధామ॑ ప్ర॒ణీయ॒ ప్రచ॑రతి । అ॒పః ప్రణ॑యతి ।
ఆపో॒ వై సర్వా॑ దే॒వతాః᳚ । దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి ।
అ॒పః ప్రణ॑యతి ।
ఆపో॒ వై శా॒న్తాః । శా॒న్తాభి॑రే॒వాస్య॒ శుచగ్ం॑ శమయతి । దే॒వో వః॑
సవి॒తో-త్పు॑నా॒త్వ-చ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ॥ 3
కూర్చాగ్రై ర్రాక్షసా-న్ఘోరాన్ ఛిన్ధి కర్మవిఘాతినః ।
త్వామర్పయామి కుమ్భే-ఽస్మిన్ సాఫల్య-ఙ్కురు కర్మణి ।
వృక్షరాజ సముద్భూతా-శ్శాఖాయాః పల్లవత్వ చః ।
యుష్మాన్ కుమ్భేష్వర్పయామి సర్వపాపాపనుత్తయే ।
నాలికేర-సముద్భూత త్రినేత్ర హర సమ్మిత ।
శిఖయా దురితం సర్వ-మ్పాప-మ్పీడా-ఞ్చ మే నుద ।
స॒ హి రత్నా॑ని దా॒శుషే॑ సు॒వాతి॑ సవి॒తా భగః॑ ।
త-మ్భా॒గ-ఞ్చి॒త్రమీ॑మహే । (ఋగ్వేద మన్త్రః)
తత్వా॑ యామి॒ బ్రహ్మ॑ణా॒ వన్ద॑మాన॒-స్తదాశా᳚స్తే॒ యజ॑మానో హ॒విర్భిః॑ ।
అహే॑డమానో వరుణే॒హ బో॒ద్ధ్యురు॑శగ్ంస॒ మా న॒ ఆయుః॒ ప్రమో॑షీః ॥
ఓ-మ్భూర్భువ॒స్సువ॒రోమ్ । అస్మిన్ కుమ్భే వరుణమావాహయామి ।
వరుణస్య ఇదమాసనమ్ । వరుణాయ నమః । సకలారాధనై-స్స్వర్చితమ్ ।
రత్నసింహాసనం సమర్పయామి । పాద్యం సమర్పయామి ।
అర్ఘ్యం సమర్పయామి । ఆచమనీయం సమర్పయామి ।
మధుపర్క్కం సమర్పయామి । స్నానం సమర్పయామి ।
స్నానానన్తరం ఆచమనీయం సమర్పయామి ।
వస్త్రోత్తరీయం సమర్పయామి । ఉపవీతం సమర్పయామి ।
గన్ధా-న్ధారయామి । అక్షతాన్ సమర్పయామి ।
పుష్పాణి సమర్పయామి ।
ఓం-వఁరుణాయ నమః
ఓ-మ్ప్రచేతసే నమః
ఓం సురూపిణే నమః
ఓం అపామ్పతయే నమః
ఓ-మ్మకరవాహనాయ నమః
జలాధిపతయే నమః
ఓ-మ్పాశహస్తాయ నమః
ఓ-న్తీర్థరాజాయ నమః
ఓం-వఁరుణాయ నమః । నానావిధ పరిమల పత్ర పుష్పాణి సమర్పయామి ।
ధూపం ఆఘ్రాపయామి । దీప-న్దర్శయామి ।
ధూపదీపానన్తరం ఆచమనీయం సమర్పయామి ।
ఓ-మ్భూర్భువస్సువః । తథ్స॑వి॒తుర్వరే᳚ణ్య॒-మ్భర్గో॑ దే॒వస్య॑ ధీమహి ।
ధియో॒ యోన॑ ప్రచో॒దయా᳚త్ ।
దేవ సవితః ప్రసువః । సత్య-న్త్వర్తేన పరిషిఞ్చామి ।
(రాత్రౌ - ఋత-న్త్వా సత్యేన పరిషిఞ్చామి) ।
ఓం-వఁరుణాయ నమః । అమృత-మ్భవతు । అమృతోపస్తరణమసి ।
ఓ-మ్ప్రాణాయ స్వాహా । ఓం అపానాయ స్వాహా । ఓం-వ్యాఁనాయ స్వాహా ।
ఓం ఉదానాయ స్వాహా । ఓం సమానాయ స్వాహా । ఓ-మ్బ్రహ్మణే స్వాహా ।
కదలీఫల-న్నివేదయామి । మద్ధ్యేమద్ధ్యే అమృతపానీయం సమర్పయామి । అమృతాపిధానమసి । నైవేద్యానన్తరం ఆచమనీయం సమర్పయామి ।
తామ్బూలం సమర్పయామి । కర్పూర నీరాజన-మ్ప్రదర్శయామి ।
నీరాజనానన్తరం ఆచమనీయం సమర్పయామి । మన్త్ర పుష్పం సమర్పయామి ।
సువర్ణ పుష్పం సమర్పయామి । సమస్తోపచారాన్ సమర్పయామి ॥
- పఞ్చాఙ్గ రుద్రన్యాసః
అథాతః పఞ్చాఙ్గరుద్రాణాం
న్యాసపూర్వక-ఞ్జప-హోమా-ర్చనా-భిషేక-విధిం-వ్యాఁ᳚ఖ్యాస్యామః ।
అథాతః పఞ్చాఙ్గరుద్రాణాం
న్యాసపూర్వక-ఞ్జప-హోమా-ర్చనాభిషేక-ఙ్కరిష్యమాణః ।
హరిః ఓం అథాతః పఞ్చాఙ్గ రుద్రాణామ్ ॥
ఓఙ్కారమన్త్ర సంయుఁక్త-న్నిత్య-న్ధ్యాయన్తి యోగినః ।
కామద-మ్మోక్షద-న్తస్మై ఓఙ్కారాయ నమో నమః ॥
నమస్తే దేవ దేవేశ నమస్తే పరమేశ్వర ।
నమస్తే వృషభారూఢ నకారాయ నమో నమః ॥
ఓ-న్నమో భగవతే॑ రుద్రా॒య ॥ ఓ-మ్భూర్భువ॒స్సువః॑ ॥ ఓ-న్నమ్ ॥
నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమః॑ ।
నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమః॑ ॥
యా త॒ ఇషుః॑ శి॒వత॑మా శి॒వ-మ్బ॒భూవ॑ తే॒ ధనుః॑ ।
శి॒వా శ॑ర॒వ్యా॑ యా తవ॒ తయా॑ నో రుద్ర మృడయ ।
ఓ-న్నమో భగవతే॑ రుద్రా॒య ॥ నం ఓమ్ । పూర్వాఙ్గ రుద్రాయ॒ నమః ॥ (ప్రాచ్యై దిశ, East)
మహాదేవ-మ్మహాత్మాన-మ్మహాపాతకనాశనమ్ ।
మహాపాపహరం-వఁన్దే మకారాయ నమో నమః ॥
ఓ-మ్భూర్భువ॒స్సువః॒ ॥ ఓ-మ్మమ్ ॥
ఓ-న్నిధ॑నపతయే॒ నమః । నిధనపతాన్తికాయ॒ నమః ।
ఊర్ధ్వాయ॒ నమః । ఊర్ధ్వలిఙ్గాయ॒ నమః ।
హిరణ్యాయ॒ నమః । హిరణ్యలిఙ్గాయ॒ నమః ।
సువర్ణాయ॒ నమః । సువర్ణలిఙ్గాయ॒ నమః ।
దివ్యాయ॒ నమః । దివ్యలిఙ్గాయ॒ నమః ।
భవాయః॒ నమః । భవలిఙ్గాయ॒ నమః ।
శర్వాయ॒ నమః । శర్వలిఙ్గాయ॒ నమః ।
శివాయ॒ నమః । శివలిఙ్గాయ॒ నమః ।
జ్వలాయ॒ నమః । జ్వలలిఙ్గాయ॒ నమః ।
ఆత్మాయ॒ నమః । ఆత్మలిఙ్గాయ॒ నమః ।
పరమాయ॒ నమః । పరమలిఙ్గాయ॒ నమః ।
ఏతథ్సోమస్య॑ సూర్య॒స్య సర్వలిఙ్గగ్గ్॑ స్థాప॒య॒తి॒ పాణిమన్త్ర-మ్పవి॒త్రమ్ ॥
ఓ-న్నమో భగవతే॑ రుద్రా॒య ॥ మం ఓమ్ ॥
దక్షిణాఙ్గ రుద్రాయ॒ నమః ॥ (దక్షిణ దిశ, South)
శివం శాన్త-ఞ్జగన్నాథం-లోఁకానుగ్రహకారణమ్ ।
శివమేక-మ్పరం-వఁన్దే శికారాయ నమో నమః ॥
ఓ-మ్భూర్భువ॒స్సువః॒ ॥ ఓం శిమ్ ॥
అపై॑తుమృ॒త్యురమృత॑-న్న॒ ఆగ॑న్ వైవస్వ॒తో నో॒ అ॑భయ-ఙ్కృణోతు । ప॒ర్ణం-వఁన॒స్పతేరివా॒భినశ్శీయతాగ్ం ర॒యిస్సచ॑తా-న్న॒శ్శచీ॒పతిః॑ ॥
ఓ-న్నమో భగవతే॑ రుద్రా॒య ॥ శిం ఓమ్ ॥ పశ్చిమాఙ్గ రుద్రాయ॒ నమః ॥ (పశ్చిమ దిశ, West)
వాహనం-వృఁషభో యస్య వాసుకీ కణ్ఠభూషణమ్ ।
వామే శక్తిధరం-వఁన్దే వకారాయ నమో నమః ॥
ఓ-మ్భూర్భువ॒స్సువః॒ ॥ ఓం-వాఁమ్ ॥
ప్రాణానా-ఙ్గ్రన్థిరసి రుద్రో మా॑ విశా॒న్తకః । తేనాన్నేనా᳚ప్యాయ॒స్వ ॥ ఓ-న్నమో భగవతే రుద్రాయ విష్ణవే మృత్యు॑ర్మే పా॒హి ॥
ఓ-న్నమో భగవతే॑ రుద్రా॒య ॥ వాం ఓమ్ ॥ ఉత్తరాఙ్గ రుద్రాయ॒ నమః ॥ (ఉత్తర దిశ, North)
యత్ర కుత్ర స్థిత-న్దేవం సర్వవ్యాపినమీశ్వరమ్ ।
యల్లిఙ్గ-మ్పూజయేన్నిత్యం-యఁకారాయ నమో నమః ॥
ఓ-మ్భూర్భువ॒స్సువః॒ ॥ ఓం-యఁమ్ ॥
యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నా వి॒వేశ॒ తస్మై॑ రు॒ద్రాయ॒ నమో॑ అస్తు ॥
ఓ-న్నమో భగవతే॑ రుద్రా॒య ॥ యం ఓమ్ ॥ ఊర్ధ్వాఙ్గ రుద్రాయ॒ నమః ॥ (ఊర్ధ్వ దిశ, Up)
- పఞ్చముఖ ధ్యానమ్
ఓ-న్నమ్ ॥ తత్పురు॒షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచోదయా᳚త్ ॥
సంవఁర్తాగ్ని తటిత్ప్రదీప్త కనక ప్రస్పర్థి తేజోమయమ్ ।
గమ్భీరధ్వని సామవేదజనక-న్తామ్రాధరం సున్దరమ్ ।
అర్ధేన్దుద్యుతి లోలపిఙ్గల జటాభారప్రబద్ధోరగమ్ ।
వన్దే సిద్ధ సురాసురేన్ద్రనమిత-మ్పూర్వ-మ్ముఖం శూలినః ॥
ఓ-న్నమో భగవతే॑ రుద్రా॒య ॥ ఓ-న్నమ్ ॥ పూర్వ ముఖాయ॒ నమః ॥
అ॒ఘోరే᳚భ్యో-ఽథఘో॒రే᳚భ్యో॒ ఘోర॒ఘోర॑తరేభ్యః ॥ సర్వే᳚భ్యస్సర్వ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥
కాలాభ్రభ్రమరాఞ్జనద్యుతినిభం-వ్యాఁవృత్త పిఙ్గేక్షణమ్
కర్ణోద్భాసిత భోగిమస్తక మణిప్రోద్గీర్ణ దంష్ట్రాఙ్కురమ్ ।
సర్పప్రోత కపాల శుక్తి శకల వ్యాకీర్ణ సచ్ఛేఖరమ్
వన్దే దక్షిణమీశ్వరస్య కుటిల భ్రూభఙ్గ రౌద్ర-మ్ముఖమ్ ॥
ఓ-న్నమో భగవతే॑ రుద్రా॒య ॥ ఓ-మ్మమ్ ॥ దక్షిణ ముఖాయ॒ నమః ॥
స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒ నాతి॑ భవే భవస్వ॒ మామ్ । భ॒వో-ద్భ॑వాయ॒ నమః॑ ॥
ప్రాలేయాచలమిన్దుకున్ద ధవల-ఙ్గోక్షీరఫేనప్రభమ్
భస్మాభ్యక్తమనఙ్గ దేహ దహన జ్వాలావలీ లోచనమ్ ।
బ్రహ్మేన్ద్రాది మరుద్గణైస్పుతిపదై రభ్యర్చితం-యోఁగిభిః
వన్దే-ఽహం సకల-ఙ్కలఙ్కరహితం స్థాణోర్ముఖ-మ్పశ్చిమమ్ ॥
ఓ-న్నమో భగవతే॑ రుద్రా॒య ॥ ఓం శిమ్ ॥ పశ్చిమ ముఖాయ॒ నమః ॥
వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ॥
గౌర-ఙ్కుఙ్కుమ పఙ్కిలం స్తిలకం-వ్యాఁపాణ్డు గణ్డస్థలమ్
భ్రూవిక్షేప కటాక్ష లసత్సంసక్త కర్ణోత్ఫలమ్ ।
స్నిగ్ధ-మ్బిమ్బఫలాధర-మ్ప్రహసిత-న్నీలాలకాల-ఙ్కృతమ్
వన్దే పూర్ణ శశాఙ్క మణ్డలనిభం-వఁక్త్రం హరస్యోత్తరమ్ ॥
ఓ-న్నమో భగవతే॑ రుద్రా॒య ॥ ఓం-వాఁమ్ ॥ ఉత్తర ముఖాయ॒ నమః ॥
ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నా॒-మ్బ్రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥ (కనిష్ఠికాభ్యా-న్నమః)
వ్యక్తావ్యక్త గుణేతర-మ్పరతరం షట్త్రింశతత్త్వాత్మకమ్
తస్మాదుత్తమ తత్త్వమక్షరమిద-న్ధ్యేయం సదా యోగిభిః ।
ఓఙ్కారాది సమస్త మన్త్రజనకం సూక్ష్మాది సూక్ష్మ-మ్పరం
శాన్త-మ్పఞ్చమమీశ్వరస్య వదన-ఙ్ఖంవ్యాఁప్తి తేజోమయమ్ ॥
ఓ-న్నమో భగవతే॑ రుద్రా॒య ॥ ఓం-వాఁమ్ ॥ ఊర్ధ్వ ముఖాయ॒ నమః ॥
దిఙ్నమస్కారః
పూర్వే పశుపతిః పాతు । దక్షిణే పాతు శఙ్కరః ।
పశ్చిమే పాతు విశ్వేశః । నీలకణ్ఠస్తదోత్తరే ॥
ఈశాన్యా-మ్పాతు మే శర్వః । ఆగ్నేయా-మ్పార్వతీపతిః ।
నైఋత్యా-మ్పాతు మే రుద్రః । వాయవ్యా-న్నీలలోహితః ॥
ఊర్ధ్వే త్రిలోచనః పాతు । అధరాయా-మ్మహేశ్వరః ।
ఏతాభ్యో దశ దిగ్భ్యస్తు । సర్వతః పాతు శఙ్కరః ॥
(నా రుద్రో రుద్రమర్చయే᳚త్ ।
న్యాసపూర్వక-ఞ్జపహోమార్చనా-ఽభిషేకవిధి వ్యాఖ్యాస్యామః ।)
- అఙ్గన్యాసః
యా తే॑ రుద్ర శి॒వా త॒నూరఘో॒రా-ఽపా॑పకాశినీ ।
తయా॑ న స్త॒నువా॒ శన్త॑మయా॒ గిరి॑శన్తా॒భి చా॑కశీహి ।
శిఖాయై నమః । 1
అ॒స్మి-న్మ॑హ॒త్య॑ర్ణ॒వే᳚-ఽన్తరి॑క్షే భ॒వా అధి॑ ।
తేషాగ్ం॑ సహస్రయోజ॒నే-ఽవ॒ధన్వా॑ని తన్మసి ।
శిరసే నమః । 2
స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ ।
తేషాగ్ం॑ సహస్ర-యోజ॒నే-ఽవ॒ధన్వా॑ని తన్మసి ।
లలాటాయ నమః । 3
హ॒గ్ం॒స-శ్శు॑చి॒ష-ద్వసు॑రన్తరిక్ష॒సద్ధోతా॑ వేది॒షదతి॑థి-ర్దురోణ॒సత్ ।
నృ॒షద్వ॑ర॒-సదృ॑త॒-సద్వ్యో॑మ॒ సద॒బ్జా గో॒జా ఋ॑త॒జా అ॑ద్రి॒జా ఋ॒త-మ్బృ॒హత్ ।
భ్రువోర్మద్ధ్యాయ నమః । 4
త్ర్య॑బఙ్కం-యఁజామహే సుగ॒న్ధి-మ్పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నాన్
మృ॒త్యో-ర్ము॑క్షీయ॒ మా-ఽమృతా᳚త్ ।
నేత్రాభ్యా-న్నమః । 5
నమ॒-స్స్రుత్యా॑య చ॒ పథ్యా॑య చ॒ నమః॑ కా॒ట్యా॑య చ నీ॒ప్యా॑య చ ।
కర్ణాభ్యా-న్నమః । 6
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మానో॑ రుద్ర భామి॒తో వ॑ధీర్-హ॒విష్మ॑న్తో॒ నమ॑సా విధేమ తే ।
నాసికాభ్యా-న్నమః । 7
అ॒వ॒తత్య॒ ధను॒స్త్వగ్ం సహ॑స్రాక్ష॒ శతే॑షుధే ।
ని॒శీర్య॑ శ॒ల్యానా॒-మ్ముఖా॑ శి॒వో నః॑ సు॒మనా॑ భవ ।
ముఖాయ నమః । 8
నీల॑గ్రీవా శ్శితి॒కణ్ఠా᳚-శ్శ॒ర్వా అ॒ధః, క్ష॑మాచ॒రాః ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
కణ్ఠాయ నమః । 9.1
నీల॑గ్రీవా-శ్శితి॒కణ్ఠా॒ దివగ్ం॑ రు॒ద్రా ఉప॑శ్రితాః ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
ఉపకణ్ఠాయ నమః । 9.2
నమ॑స్తే అ॒స్త్వాయు॑ధా॒యా-నా॑తతాయ ధృ॒ష్ణవే᳚ ।
ఉ॒భాభ్యా॑ము॒త తే॒ నమో॑ బా॒హుభ్యా॒-న్తవ॒ ధన్వ॑నే ।
బాహుభ్యా-న్నమః । 10
యా తే॑ హే॒తి-ర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ ।
తయా॒-ఽస్మాన్ వి॒శ్వత॒స్త్వ-మ॑య॒క్ష్మయా॒ పరి॑బ్భుజ ।
ఉపబాహుభ్యా-న్నమః । 11
పరి॑ణో రు॒ద్రస్య॑ హే॒తి-ర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః ।
అవ॑ స్థి॒రా మ॒ఘవ॑ద్భ్యః తనుష్వ॒ మీఢ్వ॑స్తో॒కాయ॒ తన॑యాయ మృడయ ।
మణిబన్ధాభ్యా-న్నమః । 12
యే తీ॒ర్థాని॑ ప్ర॒చర॑న్తి సృ॒కావ॑న్తో నిష॒ఙ్గిణః॑ ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
హస్తాభ్యా-న్నమః । 13
స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ ।
భ॒వే భ॑వే॒ నాతి॑ భవే భవస్వ॒ మామ్ । భ॒వో-ద్భ॑వాయ॒ నమః॑ ॥
అగుంష్ఠాభ్యా-న్నమః । 14.1
వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ।
తర్జనీభ్యా-న్నమః । 14.2
అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్ర రూ॑పేభ్యః ॥
మద్ధ్యమాభ్యా-న్నమః । 14.3
తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
అనామికాభ్యా-న్నమః । 14.4
ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నాం॒
రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥
కనిష్ఠికాభ్యా-న్నమః । 14.5
నమో॑ వః కిరి॒కేభ్యో॑ దే॒వానా॒గ్ం॒ హృద॑యేభ్యః ।
హృదయాయ నమః । 15
నమో॑ గ॒ణేభ్యో॑ గ॒ణప॑తిభ్యశ్చ వో॒ నమః॑ ।
పృష్ఠాయ నమః । 16
నమో॒ హిర॑ణ్యబాహవే సేనా॒న్యే॑ ది॒శాఞ్చ॒ పత॑యే॒ నమః॑ ।
పార్శ్వాభ్యా-న్నమః । 17
విజ్య॒-న్ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త ।
అనే॑శన్న॒స్యేష॑వ ఆ॒భుర॑స్య నిష॒ఙ్గథిః॑ ।
జఠరాయ నమః । 18
హి॒ర॒ణ్య॒గ॒ర్భ స్సమ॑వర్త॒తాగ్రే॑ భూ॒తస్య॑ జా॒తః పతి॒రేక॑ ఆసీత్ ।
సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ ।
నాభ్యై నమః । 19
మీఢు॑ష్టమ॒ శివ॑తమ శి॒వో న॑స్సు॒మనా॑ భవ ।
ప॒ర॒మే వృ॒క్ష ఆయు॑ధ-న్ని॒ధాయ॒ కృత్తిం॒-వఁసా॑న॒ ఆచ॑ర॒ పినా॑క॒-మ్బిభ్ర॒దాగ॑హి ।
కఠ్యై నమః । 20
యే భూ॒తానా॒-మధి॑పతయో విశి॒ఖాసః॑ కప॒ర్ది॑నః ।
తేషాగ్ం॑ సహస్రయోజ॒నే ఽవ॒ధన్వా॑ని తన్మసి ।
గుహ్యాయ నమః । 21
యే అన్నే॑షు వి॒విద్ధ్య॑న్తి॒ పాత్రే॑షు॒ పిబ॑తో॒ జనాన్॑ ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
అణ్డాభ్యా-న్నమః । 22
స॒ శి॒రా జా॒తవే॑దా అ॒క్షర॑-మ్పర॒మ-మ్ప॒దమ్ ।
వేదా॑నా॒గ్ం॒ శిర॑సి మా॒తా॒ ఆ॒యు॒ష్మన్త॑-ఙ్కరోతు॒ మామ్ ।
అపానాయ నమః । 23
మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉక్ష॑న్తము॒త మా న॑ ఉక్షి॒తమ్ ।
మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిషః ।
ఊరుభ్యా-న్నమః । 24
ఏ॒ష తే॑ రుద్రభా॒గ-స్తఞ్జు॑షస్వ॒ తేనా॑వ॒సేన॑ ప॒రో
మూజ॑వ॒తో-ఽతీ॒హ్యవ॑తత-ధన్వా॒ పినా॑కహస్తః॒ కృత్తి॑వాసాః ।
జానుభ్యా-న్నమః । 25
స॒గ్ం॒ సృ॒ష్ట॒జిథ్సో॑మ॒పా బా॑హు-శ॒ర్ధ్యూ᳚ర్ధ్వ ధ॑న్వా॒ ప్రతి॑హితా-భి॒రస్తా᳚ ।
బృహ॑స్పతే॒ పరి॑దీయా॒ రథే॑న రక్షో॒హా-ఽమిత్రాగ్ం॑ అప॒బాధ॑మానః ।
జఙ్ఘాభ్యా-న్నమః । 26
విశ్వ॑-మ్భూ॒త-మ్భువ॑న-ఞ్చి॒త్ర-మ్బ॑హు॒ధా జా॒త-ఞ్జాయ॑మాన-ఞ్చ॒ యత్ ।
సర్వో॒ హ్యే॑ష రు॒ద్ర-స్తస్మై॑ రు॒ద్రాయ॒ నమో॑ అస్తు ॥
గుల్ఫాభ్యా-న్నమః । 27
యే ప॒థా-మ్ప॑థి॒రక్ష॑య ఐలబృ॒దా య॒వ్యుధః॑ ।
తేషాగ్ం॑ సహస్రయోజ॒నే ఽవ॒ధన్వా॑ని తన్మసి ।
పాదాభ్యా-న్నమః । 28
అద్ధ్య॑వోచ-దధివ॒క్తా ప్ర॑థ॒మో దైవ్యో॑ భి॒షక్ ।
అహీగ్॑శ్చ॒ సర్వా᳚న్ జ॒భంయఁ॒-న్థ్సర్వా᳚శ్చ యాతు ధా॒న్యః॑ ।
కవచాయ హుమ్ । 29
నమో॑ బి॒ల్మినే॑ చ కవ॒చినే॑ చ॒
నమః॑ శ్రు॒తాయ॑ చ శ్రుతసే॒నాయ॑ చ ।
ఉపకవచాయ హుమ్ । 30
నమో॑ అస్తు॒ నీల॑గ్రీవాయ సహస్రా॒క్షాయ॑ మీ॒ఢుషే᳚ ।
అథో॒ యే అ॑స్య॒ సత్వా॑నో॒-ఽహ-న్తేభ్యో॑-ఽకర॒న్నమః॑ ।
తృతీయ నేత్రాయ నమః । 31
ప్రము॑ఞ్చ॒ ధన్వ॑న॒స్త్వ-ము॒భయో॒-రార్త్ని॑యో॒ర్జ్యామ్ ।
యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప ।
అస్త్రాయ ఫట్ । 32
య ఏ॒తావ॑న్తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే ।
తేషాగ్ం॑॑ సహస్రయోజ॒నే ఽవ॒ధన్వా॑ని తన్మసి ।
ఇతి దిగ్బన్ధః । 33
-----------ఇతి ప్రథమ న్యాసః------------
(శిఖాది అస్త్రపర్యన్తం ఏకత్రింశదఙ్గన్యాసః దిగ్బన్ధ సహితః ప్రథమః)
- దశాఙ్గ న్యాసః
ఓ-న్నమో భగవతే॑ రుద్రా॒య । ఇతి నమస్కారా-న్న్యసే᳚త్ ॥
ఓం ఓ-మ్మూర్థ్నే నమః (మూర్ధ్ని) ।
ఓ-న్న-న్నాసికాయై నమః (నాసికాగ్రః) ।
ఓ-మ్మోం-లఁలటాయ నమః (లలాటః) ।
ఓ-మ్భ-మ్ముఖాయ నమః (ముఖామ్) ।
ఓ-ఙ్గ-ఙ్కణ్ఠాయ నమః (కణ్ఠః) ।
ఓం-వంఁ హృదయాయ నమః (హృదయః) ।
ఓ-న్తే-న్దక్షిణ హస్తాయ నమః (దక్షిణ హస్తః) ।
ఓం రుం-వాఁమ హస్తాయ నమః (వామ హస్తః) ।
ఓ-న్ద్రా-న్నాభ్యై నమః (నాభ్హీ) ।
ఓం-యఁ-మ్పాదాభ్యా-న్నమః (పాదౌ) ॥
-----------ఇతి ద్వితీయ న్యాసః----------
మూర్ధాది పాదాన్త-న్దశాఙ్గ న్యాసః ద్వితీయః
- పఞ్చాఙ్గ న్యాసః
స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ ।
భ॒వే భ॑వే॒ నాతి॑భవే భవస్వ॒ మామ్ । భ॒వో-ద్భ॑వాయ॒ నమః॑ ॥
పాదాభ్యా-న్నమః । 1
వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒
కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒
బల॑ప్రమథనాయ॒ నమ॒ స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ।
ఊరుమధ్యమాభ్యా-న్నమః । 2
అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥
హృదయాయ నమః । 3
తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
ముఖాయ నమః । 4
ఈశాన-స్సర్వ॑విద్యా॒నా॒-మీశ్వరసర్వ॑ భూతా॒నాం॒
బ్రహ్మాధి॑పతి॒-ర్బ్రహ్మ॒ణో-ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥
మూర్ధ్నే నమః । 5
5.1 హంస గాయత్రీ
అస్య శ్రీ హంసగాయత్రీ మహామన్త్రస్య, అవ్యక్త పరబ్రహ్మ ఋషిః,
అనుష్టు-ప్ఛన్దః, పరమహంసో దేవతా ।
హంసా-మ్బీజమ్, హంసీం శక్తిః । హంసూ-ఙ్కీలకమ్ ।
పరమహంస ప్రసాద సిద్ధ్యర్థే జపే వినియోగః ॥ 1
కరన్యాసః -
హంసాం అగుంష్ఠాభ్యా-న్నమః । హంసీ-న్తర్జనీభ్యా-న్నమః ।
హంసూం - మద్ధ్యమాభ్యా-న్నమః । హంసైం - అనామికాభ్యా-న్నమః ।
హంసౌం - కనిష్ఠికాభ్యా-న్నమః । హంసః-కరతల కరపృష్ఠాభ్యా-న్నమః । 2
హృదయాది న్యాసః -
హంసాం - హృదయాయ నమః । హంసీం - శిరసే స్వాహా ।
హంసూం - శిఖాయై వషట్ । హంసైం - కవచాయ హుమ్ ।
హంసౌం - నేత్రత్రయాయ వౌషట్ । హంసః - అస్త్రాయ ఫట్ ॥
ఓ-మ్భూర్భువ॒స్సువ॒రోమితి దిగ్బన్ధః । 3
ధ్యానం -
గమాగమస్థ-ఙ్గమనాదిశూన్య-ఞ్చి-ద్రూపదీప-న్తిమిరాపహారమ్ ।
పశ్యామి తే సర్వజనాన్తరస్థ-న్నమామి హంస-మ్పరమాత్మరూపమ్ ॥ 4
దేహో దేవాలయః ప్రోక్తో జీవో దేవ-స్సనాతనః ।
త్యజేదజ్ఞాననిర్మాల్యం సో-ఽహమ్భావేన పూజయేత్ ॥
హం॒స హం॒సాయ॑ వి॒ద్మహే॑ పరమహం॒సాయ॑ ధీమహి ।
తన్నో॑ హంసః ప్రచో॒దయా᳚త్ ॥ 5
(ఇతి త్రివార-ఞ్జపిత్వా)
హంస హం॒సేతి యో బ్రూయా-ధంసో (బ్రూయాద్ధంసో) నామ సదాశివః ।
ఏవ-న్న్యాస విధి-ఙ్కృత్వా తత-స్సమ్పుటమారభేత్ ॥ 6
5.2 దిక్ సమ్పుటన్యాసః (సమ్పుటీకరణమ్)
ఇన్ద్రాదీ-న్దిక్షువిన్యస్య ।
ఓ-మ్భూర్భువ॒స్సువః॑ । ఓం ఓమ్ ।
త్రా॒తార॒మిన్ద్ర॑ మవి॒తార॒మిన్ద్ర॒గ్ం॒ హవే॑ హవే సు॒హవ॒గ్ం॒ శూర॒మిన్ద్ర᳚మ్ ।
హు॒వే ను శ॒క్ర-మ్పు॑రుహూ॒తమిన్ద్రగ్గ్॑ స్వ॒స్తి నో॑ మ॒ఘవా॑ ధా॒త్విన్ద్రః॑ ॥
ఓ-న్నమో భగవతే॑ రుద్రా॒య । ఓం ఓమ్ ।
పూర్వదిగ్భాగే ఇన్ద్రాయ నమః ॥ 1 (తై.సం.1-6-12-50)
ఓ-మ్భూర్భువ॒స్సువః॑ । ఓ-న్నమ్ ।
త్వ-న్నో॑ అగ్నే॒ వరు॑ణస్య వి॒ద్వాన్దే॒వస్య॒ హేడో-ఽవ॑ యాసిసీష్ఠాః ।
యజి॑ష్ఠో॒ వహ్ని॑తమ॒-శ్శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ॥
ఓ-న్నమో భగవతే॑ రుద్రా॒య । నం ఓమ్ ।
ఆగ్నేయదిగ్భాగే అగ్నయే నమః ॥ 2 (తై.సం.2-5-12-72)
ఓ-మ్భూర్భువ॒స్సువః॑ । ఓ-మ్మోమ్ ।
సు॒గ-న్నః॒ పన్థా॒మభ॑య-ఙ్కృణోతు । యస్మి॒న్నక్ష॑త్రే య॒మ ఏతి॒ రాజా᳚ ।
యస్మి॑న్నేనమ॒భ్యషి॑ఞ్చన్త దే॒వాః । తద॑స్య చి॒త్రగ్ం హ॒విషా॑ యజామ ॥
ఓ-న్నమో భగవతే॑ రుద్రా॒య । మోం ఓమ్ ।
దక్షిణదిగ్భాగే యమాయ నమః ॥ 3 (తై.బ్రా.3-1-2-11-23)
ఓ-మ్భూర్భువ॒స్సువః॑ । ఓ-మ్భమ్ ।
అసు॑న్వన్త॒మయ॑జమానమిచ్ఛ స్తే॒నస్యే॒త్యాన్తస్క॑ర॒స్యాన్వే॑షి ।
అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ॥
ఓ-న్నమో భగవతే॑ రుద్రా॒య । భం ఓమ్ ।
నిర్-ఋతిదిగ్భాగే నిర్-ఋతయే నమః ॥ 4 (తై.సం.4-2-5-21)
ఓ-మ్భూర్భువ॒స్సువః॑ । ఓ-ఙ్గమ్ ।
తత్త్వా॑ యామి॒ బ్రహ్మ॑ణా॒ వన్ద॑మాన॒స్తదా శా᳚స్తే॒ యజ॑మానో హ॒విర్భిః॑ ।
అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ॥
ఓ-న్నమో భగవతే॑ రుద్రా॒య । గం ఓమ్ ।
పశ్చిమదిగ్భాగే వరుణాయ నమః ॥ 5 (తై.సం.2-1-11-65)
ఓ-మ్భూర్భువ॒స్సువః॑ । ఓం-వఁమ్ ।
ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ । స॑హ॒స్రిణీ॑భి॒రుప॑ యాహి య॒జ్ఞమ్ ।
వాయో॑ అ॒స్మిన్ హ॒విషి॑ మాదయస్వ । యూ॒య-మ్పా॑త స్వ॒స్తిభి॒-స్సదా॑ నః ॥
ఓ-న్నమో భగవతే॑ రుద్రా॒య । వం ఓమ్ ।
వాయవ్యదిగ్భాగే వాయవే నమః ॥ 6 (తై.బ్రా.2-8-1-2)
ఓ-మ్భూర్భువ॒స్సువః॑ । ఓ-న్తేమ్ ।
వ॒యగ్ం సో॑మ వ్ర॒తే తవ॑ । మన॑స్త॒నూషు॒ బిభ్ర॑తః ।
ప్ర॒జావ॑న్తో అశీమహి । ఇ॒న్ద్రా॒ణీ దే॒వీ సు॒భగా॑ సు॒పత్నీ᳚ ॥
ఓ-న్నమో భగవతే॑ రుద్రా॒య । తేం ఓమ్ ।
ఉత్తరదిగ్భాగే కుబేరాయ నమః ॥ 7 (తై.బ్రా.2-4-2-7-18)
ఓ-మ్భూర్భువ॒స్సువః॑ । ఓం రుమ్ ।
తమీశా᳚న॒-ఞ్జగ॑తస్త॒స్థుష॒స్పతి᳚-న్ధియ-ఞ్జి॒న్వమవ॑సే హూమహే వ॒యమ్ ।
పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధ-స్స్వ॒స్తయే᳚ ॥
ఓ-న్నమో భగవతే॑ రుద్రా॒య । రుం ఓమ్ ।
ఈశాన్యదిగ్భాగే ఈశానాయ నమః ॥ 8
ఓ-మ్భూర్భువ॒స్సువః॑ । ఓ-న్ద్రామ్ ।
అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ ।
య-శ్శంస॑తే స్తువ॒తే ధాయి॑ ప॒జ్ర ఇన్ద్ర॑జ్యేష్ఠా అ॒స్మాం అ॑వన్తు దే॒వాః ॥
ఓ-న్నమో భగవతే॑ రుద్రా॒య । ద్రాం ఓమ్ ।
ఊర్ధ్వదిగ్భాగే ఆకాశాయ నమః ॥ 9
ఓ-మ్భూర్భువ॒స్సువః॑ । ఓం-యఁమ్ ।
స్యో॒నా పృ॑థివి॒ భవా॑నృక్ష॒రా ని॒వేశ॑నీ ।
యచ్ఛా॑ న॒-శ్శర్మ॑ స॒ప్రథాః᳚ ॥
ఓ-న్నమో భగవతే॑ రుద్రా॒య । యం ఓమ్ ।
అధోదిగ్భాగే పృథివ్యై నమః ॥ 10
5.3 దశాఙ్గ రౌద్రీకరణమ్
ఓ-మ్భూర్భువ॒స్సువః॑ । ఓం ఓమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
త్రా॒తార॒మిన్ద్ర॑ మవి॒తార॒మిన్ద్ర॒గ్ం॒ హవే॑ హవే సు॒హవ॒గ్ం॒ శూర॒మిన్ద్ర᳚మ్ ।
హు॒వే ను శ॒క్ర-మ్పు॑రుహూ॒తమిన్ద్రగ్గ్॑ స్వ॒స్తి నో॑ మ॒ఘవా॑ ధా॒త్విన్ద్రః॑ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఓం ఓమ్ ।
పూర్వదిగ్భాగే లలాటస్థానే ఇన్ద్రాయ నమః
శ్లోక 2
॥ 1 ॥ (తై.సం.1-6-12-50)
ఓ-మ్భూర్భువ॒స్సువః॑ । ఓ-న్నమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
త్వ-న్నో॑ అగ్నే॒ వరు॑ణస్య వి॒ద్వాన్దే॒వస్య॒ హేడో-ఽవ॑ యాసిసీష్ఠాః ।
యజి॑ష్ఠో॒ వహ్ని॑తమ॒-శ్శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । నం ఓమ్ ।
ఆగ్నేయదిగ్భాగే నేత్రయోస్థానే అగ్నయే నమః
శ్లోక 3
॥ 2 ॥ (తై.సం.2-5-12-72)
ఓ-మ్భూర్భువ॒స్సువః॑ । ఓ-మ్మోమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
సు॒గ-న్నః॒ పన్థా॒మభ॑య-ఙ్కృణోతు । యస్మి॒న్నక్ష॑త్రే య॒మ ఏతి॒ రాజా᳚ ।
యస్మి॑న్నేనమ॒భ్యషి॑ఞ్చన్త దే॒వాః । తద॑స్య చి॒త్రగ్ం హ॒విషా॑ యజామ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । మోం ఓమ్ ।
దక్షిణదిగ్భాగే కర్ణయోస్థానే యమాయ నమః
శ్లోక 4
॥ 3 ॥ (తై.బ్రా.3-1-2-11-23)
ఓ-మ్భూర్భువ॒స్సువః॑ । ఓ-మ్భమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అసు॑న్వన్త॒ మయ॑జమానమిచ్ఛస్తే॒నస్యే॒త్యాన్తస్క॑ర॒స్యాన్వే॑షి ।
అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । భం ఓమ్ ।
నిర్.ఋతిదిగ్భాగే ముఖస్థానే నిర్.ఋతయే నమః
శ్లోక 5
॥ 4 ॥ (తై.సం.4-2-5-21)
ఓ-మ్భూర్భువ॒స్సువః॑ । ఓ-ఙ్గమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
తత్త్వా॑యామి॒ బ్రహ్మ॑ణా॒ వన్ద॑మాన॒స్తదా శా᳚స్తే॒ యజ॑మానో హ॒విర్భిః॑ ।
అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । గం ఓమ్ ।
పశ్చిమదిగ్భాగే బాహ్వోస్థానే వరుణాయ నమః
శ్లోక 6
॥ 5 ॥ (తై.సం.2-1-11-65)
ఓ-మ్భూర్భువ॒స్సువః॑ । ఓం-వఁమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ । స॑హ॒స్రిణీ॑భి॒రుప॑ యాహి య॒జ్ఞమ్ ।
వాయో॑ అ॒స్మిన్ హ॒విషి॑ మాదయస్వ । యూ॒య-మ్పా॑త స్వ॒స్తిభి॒-స్సదా॑ నః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । వం ఓమ్ ।
వాయవ్యదిగ్భాగే నాసికాస్థానే వాయవే నమః
శ్లోక 7
॥ 6 ॥ (తై.బ్రా.2-8-1-2)
ఓ-మ్భూర్భువ॒స్సువః॑ । ఓ-న్తేమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
వ॒యగ్ం సో॑మ వ్ర॒తే తవ॑ । మన॑స్త॒నూషు॒బిభ్ర॑తః ।
ప్ర॒జావ॑న్తో అశీమహి । ఇ॒న్ద్రా॒ణీ దే॒వీ సు॒భగా॑ సు॒పత్నీ᳚ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । తేం ఓమ్ ।
ఉత్తరదిగ్భాగే జఠరస్థానే కుబేరాయ నమః
శ్లోక 8
॥ 7 ॥ (తై.బ్రా.2-4-2-7-18)
ఓ-మ్భూర్భువ॒స్సువః॑ । ఓం రుమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
తమీశా᳚న॒-ఞ్జగ॑తస్త॒స్థుష॒స్పతి᳚-న్ధియ-ఞ్జి॒న్వమవ॑సే హూమహే వ॒యమ్ ।
పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధ-స్స్వ॒స్తయే᳚ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । రుం ఓమ్ ।
ఈశాన్యదిగ్భాగే నాభిస్థానే ఈశానాయ నమః
శ్లోక 9
ఓ-మ్భూర్భువ॒స్సువః॑ । ఓ-న్ద్రామ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ ।
య-శ్శంస॑తే స్తువ॒తే ధాయి॑ ప॒జ్ర ఇన్ద్ర॑జ్యేష్ఠా అ॒స్మాఁ అ॑వన్తు దే॒వాః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ద్రాం ఓమ్ ।
ఊర్ధ్వదిగ్భాగే మూర్ధ్నిస్థానే ఆకాశాయ నమః
॥ 8 ॥
శ్లోక 10
ఓ-మ్భూర్భువ॒స్సువః॑ । ఓం-యఁమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
స్యో॒నా పృ॑థివి॒ భవా॑నృక్ష॒రా ని॒వేశ॑నీ ।
యచ్ఛా॑ న॒-శ్శర్మ॑ స॒ప్రథాః᳚ ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । యం ఓమ్ ।
అధోదిగ్భాగే పాదస్థానే పృథివ్యై నమః
॥ 9 ॥
శ్లోక 11
5.4 షోడశాఙ్గ రౌద్రీకరణం
ఓ-మ్భూర్భువ॒స్సువః॑ । ఓం అమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
వి॒భూర॑సి ప్ర॒వాహ॑ణో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । అం ఓమ్ ।
శిఖాస్థానే రుద్రాయ నమః
॥ 10 ॥
శ్లోక 12
॥ 1 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఆమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
వహ్ని॑రసి హవ్య॒వాహ॑నో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఆం ఓమ్ ।
శిరస్థానే రుద్రాయ నమః
శ్లోక 13
॥ 2 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఇమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
శ్వా॒త్రో॑సి॒ ప్రచే॑తా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఇం ఓమ్ ।
మూర్ధ్నిస్థానే రుద్రాయ నమః
శ్లోక 14
॥ 3 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఈమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
తు॒థో॑సి వి॒శ్వవే॑దా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఈం ఓమ్ ।
లలాటస్థానే రుద్రాయ నమః
శ్లోక 15
॥ 4 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఉమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఉ॒శిగ॑సిక॒వీ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఉం ఓమ్ ।
నేత్రయోస్థానే రుద్రాయ నమః
శ్లోక 16
॥ 5 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఊమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అఙ్ఘా॑రిరసి॒ బమ్భా॑రీ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఊం ఓమ్ ।
కర్ణయోస్థానే రుద్రాయ నమః
శ్లోక 17
॥ 6 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఋమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అ॒వ॒స్యుర॑సి॒ దువ॑స్వా॒-న్రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఋం ఓమ్ ।
ముఖస్థానే రుద్రాయ నమః
శ్లోక 18
॥ 7 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ౠమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
శు॒న్ధ్యూర॑సి మార్జా॒లీయో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ౠం ఓమ్ ।
కణ్ఠస్థానే రుద్రాయ నమః
శ్లోక 19
॥ 8 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఌమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
స॒మ్రాడ॑సి కృ॒శానూ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఌం ఓమ్ ।
బాహ్వోస్థానే రుద్రాయ నమః
శ్లోక 20
॥ 9 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ౡమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ప॒రి॒షద్యో॑సి॒ పవ॑మానో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ౡం ఓమ్ ।
హృదిస్థానే రుద్రాయ నమః
శ్లోక 21
॥ 10 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఏమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ప్ర॒తక్వా॑-ఽసి॒ నభ॑స్వా॒-న్రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఏం ఓమ్ ।
నాభిస్థానే రుద్రాయ నమః
శ్లోక 22
॥ 11 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఐమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అస॑మ్మృష్టోసి హవ్య॒సూదో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఐం ఓమ్ ।
కటిస్థానే రుద్రాయ నమః
శ్లోక 23
॥ 12 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఓమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఋ॒తధా॑మా-ఽసి॒ సువ॑ర్జ్యోతీ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఓం ఓమ్ ।
ఊరుస్థానే రుద్రాయ నమః
శ్లోక 24
॥ 13 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం ఔమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
బ్రహ్మ॑జ్యోతిరసి॒ సువ॑ర్ధామా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । ఔం ఓమ్ ।
జానుస్థానే రుద్రాయ నమః
శ్లోక 25
॥ 14 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం అమ్ ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అ॒జో᳚-ఽస్యేక॑పా॒త్ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । అం ఓమ్ ।
జఙ్ఘాస్థానే రుద్రాయ నమః
శ్లోక 26
॥ 15 ॥ (తై.సం.1-3-3-5)
ఓ-మ్భూర్భువ॒స్సువః॑ । ఓం అః ।
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
అహి॑రసి బు॒ధ్నియో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥
నమః॑ శ॒మ్భవే॑ చ మయో॒భవే॑ చ॒ నమః॑ శఙ్క॒రాయ॑ చ
మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥
ఓ-న్నమో భగవతే॑ రుద్రా॒య । అః ఓమ్ ।
పాదయో-స్స్థానే రుద్రాయ నమః
శ్లోక 27
॥ 16 ॥ (తై.సం.1-3-3-5)
త్వగస్థిగతై-స్సర్వపాపైః ప్రముచ్యతే । సర్వభూతేష్వపరాజితో భవతి । తతో భూతప్రేత పిశాచ బద్ధ బ్రహ్మరాక్షస యక్ష యమదూత శాకినీ డాకినీ హాకినీ శత్రు సర్ప శ్వాపద తస్కర జ్వరాద్యుపద్రవజోపఘాతా-స్సర్వే జ్వలన్త-మ్పశ్యన్తు ।
[కర్తస్య వచనమ్] మాం రక్షన్తు ॥
[పురోహిత వచనమ్] యజమానగ్ం రక్షన్తు ॥
-----------ఇతి తృతీయః న్యాసః------------
పాదాతి మూర్ధాన్త-మ్పఞ్చాఙ్గ న్యాసః
- ఆత్మరక్షా
6.1 మనో జ్యోతిః
మనో॒ జ్యోతి॑ ర్జుషతా॒-మాజ్యం॒-విఁచ్ఛి॑న్నం-యఁ॒జ్ఞగ్ం సమి॒మ-న్ద॑ధాతు ।
యా ఇ॒ష్టా ఉ॒షసో॑ ని॒మ్రుచ॑శ్చ॒ తాస్సన్ద॑ధామి హ॒విషా॑ ఘృ॒తేన॑ ।
(గుహ్యాయ నమః) । 1 (తై. సం. 1.5.10.2)
అబో᳚ద్ధ్య॒గ్ని-స్స॒మిధా॒ జనా॑నా॒-మ్ప్రతి॑ధే॒ను-మి॑వాయ॒తీ ము॒షాస᳚మ్ ।
య॒హ్వా ఇ॑వ॒ ప్రవ॒యా-ము॒జ్జిహా॑నాః॒ ప్రభా॒నవః॑ సిస్రతే॒ నాక॒మచ్ఛ॑ ।
(నాభ్యై నమః) । 2 (తై. సం. 4.4.4.2)
అ॒గ్ని ర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ ।
అ॒పాగ్ం రేతాగ్ం॑సి జిన్వతి । (హృదయాయ నమః) । 3 (తై. సం. 1.5.5.1)
మూ॒ర్ధాన॑-న్ది॒వో అ॑ర॒తి-మ్పృ॑థి॒వ్యా వై᳚శ్వాన॒ర-మృ॒తాయ॑ జా॒తమ॒గ్నిమ్ ।
క॒విగ్ం స॒మ్రాజ॒-మతి॑థి॒-ఞ్జనా॑నా-మా॒సన్నా పాత్ర॑-ఞ్జనయన్త దే॒వాః । (కణ్ఠాయ నమః) । 4 (తై. సం. 1.4.13.1)
మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒-ఽమృ॑తే నా॒భివ॑స్తామ్ ।
ఉ॒రో ర్వరీ॑యో॒ వరి॑వస్తే అస్తు॒ జ॑యన్త॒-న్త్వా మను॑మదన్తు దే॒వాః ।
(ముఖాయ నమః) । 5 (తై. సం. 4.6.4.5)
జా॒తవే॑దా॒ యది॑ వా పావ॒కో-ఽసి॑ । వై॒శ్వా॒న॒రో యది॑ వా వైద్యు॒తో-ఽసి॑ ।
శ-మ్ప్ర॒జాభ్యో॒ యజ॑మానాయ లో॒కమ్ । ఊర్జ॒-మ్పుష్టి॒-న్దద॑ ద॒భ్యావ॑ వృథ్స్వ ॥ (శిరసే నమః) ॥ 6 (తై. బ్రా. 3.10.5.1)
6.2 ఆత్మరక్షా
(తై. బ్రా. 2.3.11.1 - తై. బ్రా. 2.3.11.4)
బ్రహ్మా᳚త్మ॒న్ వద॑సృజత । తద॑కామయత । సమా॒త్మనా॑ పద్యే॒యేతి॑ ।
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ దశ॒మగ్ం హూ॒తః ప్రత్య॑శృణోత్ ।
స దశ॑హూతో-ఽభవత్ । దశ॑హూతో హ॒వై నామై॒షః । తం-వాఁ ఏ॒త-న్దశ॑హూత॒గ్ం॒ సన్త᳚మ్ ।
దశ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 1
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ సప్త॒మగ్ం హూ॒తః ప్రత్య॑శృణోత్ ।
స స॒ప్తహూ॑తో-ఽభవత్ । స॒ప్తహూ॑తో హ॒వై నామై॒షః । తం-వాఁ ఏ॒తగ్ం స॒ప్తహూ॑త॒గ్ం॒ సన్త᳚మ్ । స॒ప్తహో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 2
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ ష॒ష్ఠగ్ం హూ॒తః ప్రత్య॑శృణోత్ ।
స షడ్ఢూ॑తో-ఽభవత్ । షడ్ఢూ॑తో హ॒వై నామై॒షః । తం-వాఁ ఏ॒తగ్ం షడ్ఢూ॑త॒గ్ం॒ సన్త᳚మ్ ।
షడ్ఢో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 3
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ పఞ్చ॒మగ్ం హూ॒తః ప్రత్య॑శృణోత్ ।
స పఞ్చ॑హూతో-ఽభవత్ । పఞ్చ॑హూతో హ॒వై నామై॒షః । తం-వాఁ ఏ॒త-మ్పఞ్చ॑హూత॒గ్ం॒ సన్త᳚మ్ । పఞ్చ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 4
ఆత్మ॒న్నా-త్మ॒న్నిత్యా-మ॑న్త్రయత । తస్మై॑ చతు॒ర్థగ్ం హూ॒తః ప్రత్య॑శృణోత్ ।
స చతు॑ర్హూతో-ఽభవత్ । చతు॑ర్హూతో హ॒వై నామై॒షః । తం-వాఁ ఏ॒త-ఞ్చతు॑ర్హూత॒గ్ం॒
సన్త᳚మ్ । చతు॑ర్హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 5
తమ॑బ్రవీత్ । త్వం-వైఁ మే॒ నేది॑ష్ఠగ్ం హూ॒తః ప్రత్య॑శ్రౌషీః ।
త్వయై॑ నానాఖ్యా॒తార॒ ఇతి॑ । తస్మా॒న్నుహై॑నా॒గ్॒-శ్చ॑తు ర్హోతార॒ ఇత్యాచ॑క్షతే ।
తస్మా᳚చ్ఛుశ్రూ॒షుః పు॒త్రాణా॒గ్ం॒ హృద్య॑తమః । నేది॑ష్ఠో॒ హృద్య॑తమః ।
నేది॑ష్ఠో॒ బ్రహ్మ॑ణో భవతి । య ఏ॒వం-వేఁద॑ ॥ 6 (ఆత్మనే॒ నమః॑)
------------ఇతి చతుర్థ న్యాసః------------
గుహ్యాది మస్తకాన్త షడఙ్గన్యాస-శ్చతుర్థః
- శివసఙ్కల్పాః
(ఋగ్ వేద ఖిల కాణ్డం 4.11 9.1)
యేనే॒ద-మ్భూ॒త-మ్భువ॑న-మ్భవి॒ష్య-త్పరి॑గృహీత-మ॒మృతే॑న॒ సర్వ᳚మ్ । యేన॑ య॒జ్ఞస్తా॑యతే
(య॒జ్ఞస్త్రా॑యతే) స॒ప్తహో॑తా॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 1
యేన॒ కర్మా॑ణి ప్ర॒చర॑న్తి॒ ధీరా॒ యతో॑ వా॒చా మన॑సా॒ చారు॒యన్తి॑ ।
య-థ్స॒మ్మిత॒మను॑ సం॒యఁన్తి॑ ప్రా॒ణిన॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 2
యేన॒ కర్మా᳚ణ్య॒పసో॑ మనీ॒షిణో॑ య॒జ్ఞే కృ॑ణ్వన్తి వి॒దథే॑షు॒ ధీరాః᳚ ।
యద॑పూ॒ర్వం-యఁ॒క్ష్మమ॒న్తః ప్ర॒జానా॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 3
యత్ప్ర॒జ్ఞాన॑-ము॒త చేతో॒ ధృతి॑శ్చ॒ యజ్జ్యోతి॑ ర॒న్తర॒మృత॑-మ్ప్ర॒జాసు॑ ।
యస్మా॒న్న ఋ॒తే కిఞ్చ॒న కర్మ॑ క్రి॒యతే॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 4
సు॒షా॒ర॒థి-రశ్వా॑నివ॒ యన్మ॑ను॒ష్యా᳚న్నే నీ॒యతే॑-ఽభీ॒శు॑భి ర్వా॒జిన॑ ఇవ ।
హృత్ప్ర॑తిష్ఠం॒-యఁద॑జిర॒-ఞ్జవి॑ష్ఠ॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 5
యస్మి॒న్ ఋచ॒స్సామ॒-యజూగ్ం॑షి॒ యస్మి॑-న్ప్రతిష్ఠి॒తా ర॑థ॒నాభా॑ వి॒వారాః᳚ ।
యస్మిగ్గ్॑శ్చి॒త్తగ్ం సర్వ॒మోత॑-మ్ప్ర॒జానా॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 6
యదత్ర॑ ష॒ష్ఠ-న్త్రి॒శతగ్ం॑ సు॒వీరం॑-యఁ॒జ్ఞస్య॑ గు॒హ్య-న్నవ॑ నావ॒మాయ్య᳚మ్ ।
దశ॒ పఞ్చ॑ త్రి॒గ్ం॒శతం॒-యఁత్పర॑-ఞ్చ॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 7
యజ్జాగ్ర॑తో దూ॒రము॒దైతి॒ దైవ॒-న్తదు॑ సు॒ప్తస్య॒ తథై॒వైతి॑ ।
దూ॒ర॒గ॒మ్మ-ఞ్జ్యోతి॑షా॒-ఞ్జ్యోతి॒రేక॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 8
యేనే॒దం-విఁశ్వ॒-ఞ్జగ॑తో బ॒భూవ॒ యే దే॒వాపి॑ మహ॒తో జా॒తవే॑దాః ।
తదే॒వాగ్ని-స్తమ॑సో॒ జ్యోతి॒రేక॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 9
యేన॒ ద్యౌః పృ॑థి॒వీ చా॒న్తరి॑క్ష-ఞ్చ॒ యే పర్వ॑తాః ప్ర॒దిశో॒ దిశ॑శ్చ ।
యేనే॒ద-ఞ్జగ॒-ద్వ్యాప్త॑-మ్ప్ర॒జానా॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 10
యే మ॑నో॒ హృద॑యం॒-యేఁ చ॑ దే॒వా యే ది॒వ్యా ఆపో॒ యే సూర్య॑రశ్మిః ।
తే శ్రోత్రే॒ చక్షు॑షీ స॒ఞ్చర॑న్త॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 11
అచి॑న్త్య॒-ఞ్చా ప్ర॑మేయ॒-ఞ్చ వ్య॒క్తా-వ్యక్త॑ పర॒-ఞ్చ య॑త్ ।
సూక్ష్మా᳚-థ్సూక్ష్మత॑ర-ఞ్జ్ఞే॒య॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 12
ఏకా॑ చ ద॒శ శ॒త-ఞ్చ॑ స॒హస్ర॑-ఞ్చా॒యుత॑-ఞ్చ ని॒యుత॑-ఞ్చ ప్ర॒యుతం॒
చార్బు॑ద-ఞ్చ॒ న్య॑ర్బుద-ఞ్చ సము॒ద్రశ్చ॒ మద్ధ్య॒-ఞ్చాన్త॑శ్చ పరా॒ర్ధశ్చ॒ తన్మే॒ మనః॑
శి॒వస॑ఙ్క॒ల్పమ॑స్తు ॥ 13
యే ప॑ఞ్చ॒ పఞ్చ॑ దశ శ॒తగ్ం స॒హస్ర॑-మ॒యుత॒-న్న్య॑ర్బుద-ఞ్చ ।
తే అ॑గ్ని-చి॒త్యేష్ట॑కా॒స్తగ్ం శరీ॑ర॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 14
వేదా॒హమే॒త-మ్పు॑రుష-మ్మ॒హాన్త॑-మాది॒త్య-వ॑ర్ణ॒-న్తమ॑సః॒ పర॑స్తాత్ ।
యస్య॒ యోని॒-మ్పరి॒పశ్య॑న్తి॒ ధీరా॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 15
యస్యే॒ద-న్ధీరాః᳚ పు॒నన్తి॑ క॒వయో᳚ బ్ర॒హ్మాణ॑మే॒త-న్త్వా॑ వృణత॒ ఇన్దు᳚మ్ ।
స్థా॒వ॒ర-ఞ్జఙ్గ॑మం॒-ద్యౌ॑రాకా॒శ-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 16
పరా᳚-త్ప॒రత॑ర-ఞ్చై॒వ॒ య॒-త్పరా᳚శ్చైవ॒ యత్ప॑రమ్ ।
య॒త్పరా᳚-త్పర॑తో జ్ఞే॒య॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 17
పరా᳚-త్పరత॑రో బ్ర॒హ్మా॒ త॒త్పరా᳚-త్పర॒తో హ॑రిః ।
త॒త్పరా᳚-త్పర॑తో ఽధీ॒శ॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 18
యా వే॑దా॒దిషు॑ గాయ॒త్రీ॒ స॒ర్వ॒వ్యాపి॑ మహే॒శ్వరీ ।
ఋగ్ య॑జు-స్సామా-థర్వై॒శ్చ॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 19
యో వై॑ దే॒వ-మ్మ॑హాదే॒వ॒-మ్ప్ర॒ణవ॑-మ్పర॒మేశ్వ॑రమ్ ।
య-స్సర్వే॑ సర్వ॑ వేదై॒శ్చ॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 20
ప్రయ॑తః॒ ప్రణ॑వోఙ్కా॒ర॒-మ్ప్ర॒ణవ॑-మ్పురు॒షోత్త॑మమ్ ।
ఓకాం॑ర॒-మ్ప్రణ॑వాత్మా॒న॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 21
యో-ఽసౌ॑ స॒ర్వేషు॑ వేదే॒షు॒ ప॒ఠ్యతే᳚ హ్యజ॒ ఈశ్వ॑రః । అ॒కాయో॑ నిర్గు॑ణో హ్యా॒త్మా॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 22
గోభి॒ ర్జుష్ట॒-న్ధనే॑న॒ హ్యాయు॑షా చ॒ బలే॑న చ । ప్ర॒జయా॑ ప॒శుభిః॑ పుష్కరా॒క్ష॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 23
కైలా॑స॒ శిఖ॑రే ర॒మ్యే॒ శ॒ఙ్కర॑స్య శి॒వాల॑యే ।
దే॒వతా᳚స్తత్ర॑ మోద॒న్తే॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 24
త్ర్య॑బఙ్కం-యఁజామహే సుగ॒న్ధి-మ్పు॑ష్టి॒వర్ధ॑నమ్ । ఉ॒ర్వా॒రు॒కమి॑వ॒ బన్ధ॑నా-న్మృ॒త్యో-ర్ము॑క్షీయ॒ మా-ఽమృతా॒-త్తన్మే॒ మనః॑ శి॒వస॑ఙ్క॒ల్పమ॑స్తు ॥ 25
వి॒శ్వత॑-శ్చక్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ ।
సమ్బా॒హుభ్యాం॒-నమ॑తి॒ సమ్ప॑తత్రై॒ ర్ద్యావా॑ పృథి॒వీ జ॒నయ॑-న్దే॒వ ఏక॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 26
చ॒తురో॑ వే॒దాన॑ధీయీ॒త॒ స॒ర్వ శా᳚స్త్రమ॒యం-విఁ॑దుః । ఇ॒తి॒హా॒స॒ పు॒రా॒ణా॒నా॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 27
మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉక్ష॑న్తము॒త మా న॑ ఉక్షి॒తమ్ । మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిష॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 28
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మానో॑ రుద్ర భామి॒తోవ॑ధీ ర్హ॒విష్మ॑న్తో॒ నమ॑సా విధేమ తే॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 29
ఋ॒తగ్ం స॒త్య-మ్ప॑ర-మ్బ్ర॒హ్మ॒ పు॒రుష॑-ఙ్కృష్ణ॒పిఙ్గ॑లమ్ ।
ఊ॒ర్ధ్వరే॑తం-విఁ॑రూపా॒క్షం॒-విఁ॒శ్వరూ॑పాయ॒ వై నమో॒ నమ॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 30
క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శన్త॑మగ్ం హృ॒దే ।
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 31
బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివ॒స్తన్మే॒ మనః॑ శి॒వస॑ఙ్క॒ల్పమ॑స్తు ॥ 32
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ । య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 33
య ఆ᳚త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిషం॒-యఁస్య॑ దే॒వాః ।
యస్య॑ ఛా॒యా-ఽమృతం॒-యఁస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 34
యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒ భువ॑నా-ఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 35
గ॒న్ధ॒ద్వా॒రా-న్దు॑రాధ॒ర్షా॒-న్ని॒త్యపు॑ష్టా-ఙ్కరీ॒షిణీ᳚మ్ । ఈ॒శ్వరీగ్ం॑ సర్వ॑ భూతా॒నా॒-న్తామి॒హోప॑హ్వయే॒ శ్రియ॒-న్తన్మే॒ మనః॑ శి॒వస॑ఙ్క॒ల్పమ॑స్తు ॥ 36
య ఇదగ్ం॑ శివ॑సఙ్క॒ల్ప॒గ్ం॒ స॒దా ధ్యా॑యన్తి॒ బ్రాహ్మ॑ణాః । తే ప॑ర-మ్మోక్ష॑-ఙ్గమిష్య॒న్తి॒ తన్మే॒ మనః॑ శి॒వస॑ఙ్క॒ల్పమ॑స్తు ॥ 37
ఓ-న్నమో భగవతే॑ రుద్రా॒య ॥ శివసఙ్కల్పగ్ం హృదయాయ నమః॑ ॥
7.2 పురుష సూక్తం
(తై. అర. 3.12.1 - తై. అర. 3.12.7)
స॒హస్ర॑శీర్షా॒ పురు॑షః । స॒హ॒స్రా॒క్ష-స్స॒హస్ర॑పాత్ । స భూమిం॑-విఁ॒శ్వతో॑ వృ॒త్వా । అత్య॑తిష్ఠ-ద్దశాఙ్గు॒లమ్ । పురు॑ష ఏ॒వేదగ్ం సర్వ᳚మ్ । య-ద్భూ॒తం-యఁచ్చ॒ భవ్య᳚మ్ ।
ఉ॒తామృ॑త॒త్వస్యేశా॑నః । యదన్నే॑నా-తి॒రోహ॑తి ।
ఏ॒తావా॑నస్య మహి॒మా । అతో॒ జ్యాయాగ్॑శ్చ॒ పూరు॑షః ॥ 1
పాదో᳚-ఽస్య॒ విశ్వా॑ భూ॒తాని॑ । త్రి॒పాద॑స్యా॒-మృత॑-న్ది॒వి । త్రి॒పాదూ॒ర్ధ్వ ఉదై॒-త్పురు॑షః । పాదో᳚ ఽస్యే॒హా-ఽఽభ॑వా॒-త్పునః॑ ।
తతో॒ విష్వం॒-వ్యఁ॑క్రామత్ । సా॒శ॒నా॒న॒శ॒నే అ॒భి ॥ తస్మా᳚-ద్వి॒రాడ॑జాయత । వి॒రాజో॒ అధి॒ పూరు॑షః । స జా॒తో అత్య॑రిచ్యత । ప॒శ్చా-ద్భూమి॒మథో॑ పు॒రః ॥ 2
యత్పురు॑షేణ హ॒విషా᳚ । దే॒వా య॒జ్ఞమత॑న్వత । వ॒స॒న్తో అ॑స్యాసీ॒దాజ్య᳚మ్ । గ్రీ॒ష్మ ఇ॒ద్ధ్మ శ్శ॒రద్ధ॒విః । స॒ప్తాస్యా॑స-న్పరి॒ధయః॑ । త్రి-స్స॒ప్త స॒మిధః॑ కృ॒తాః । దే॒వాయ-ద్య॒జ్ఞ-న్త॑న్వా॒నాః । అబ॑ధ్న॒-న్పురు॑ష-మ్ప॒శుమ్ ॥
తం-యఁ॒జ్ఞ-మ్బ॒ర్హిషి॒ ప్రౌక్షన్న్॑ । పురు॑ష-ఞ్జా॒తమ॑గ్ర॒తః ॥ 3
తేన॑ దే॒వా అయ॑జన్త । సా॒ద్ధ్యా ఋష॑యశ్చ॒ యే ।
తస్మా᳚-ద్య॒జ్ఞా-థ్స॑ర్వ॒హుతః॑ । సమ్భృ॑త-మ్పృషదా॒జ్యమ్ । ప॒శూగ్స్తాగ్శ్చ॑క్రే వాయ॒వ్యాన్॑ । ఆ॒ర॒ణ్యా-న్గ్రా॒మ్యాశ్చ॒ యే । తస్మా᳚-ద్య॒జ్ఞా-థ్స॑ర్వ॒హుతః॑ । ఋచ॒-స్సామా॑ని జజ్ఞిరే ।
ఛన్దాగ్ం॑సి జజ్ఞిరే॒ తస్మా᳚త్ । యజు॒స్తస్మా॑-దజాయత ॥ 4
తస్మా॒దశ్వా॑ అజాయన్త । యే కే చో॑భ॒యాద॑తః ।
గావో॑ హ జజ్ఞిరే॒ తస్మా᳚త్ । తస్మా᳚జ్జా॒తా అ॑జా॒వయః॑ ।
యత్పురు॑షం॒-వ్యఁ॑దధుః । క॒తి॒ధా వ్య॑కల్పయన్న్ ।
ముఖ॒-ఙ్కిమ॑స్య॒ కౌ బా॒హూ । కావూ॒రూ పాదా॑వుచ్యేతే । బ్రా॒హ్మ॒ణో᳚-ఽస్య॒ ముఖ॑మాసీత్ । బా॒హూ రా॑జ॒న్యః॑ కృ॒తః ॥ 5
ఊ॒రూ తద॑స్య॒ య-ద్వైశ్యః॑ । ప॒ద్భ్యాగ్ం శూ॒ద్రో అ॑జాయత । చ॒న్ద్రమా॒ మన॑సో జా॒తః । చక్షో॒-స్సూర్యో॑ అజాయత । ముఖా॒-దిన్ద్ర॑శ్చా॒గ్నిశ్చ॑ ।
ప్రా॒ణా-ద్వా॒యుర॑జాయత । నాభ్యా॑ ఆసీద॒న్తరి॑క్షమ్ । శీ॒ర్ష్ణో ద్యౌ-స్సమ॑వర్తత । ప॒ద్భ్యా-మ్భూమి॒ ర్దిశ॒-శ్శ్రోత్రా᳚త్ । తథా॑ లో॒కాగ్ం అ॑కల్పయన్న్ ॥ 6
వేదా॒హమే॒త-మ్పురు॑ష-మ్మ॒హాన్త᳚మ్ । ఆ॒ది॒త్యవ॑ర్ణ॒-న్తమ॑స॒స్తు పా॒రే ।
సర్వా॑ణి రూ॒పాణి॑ వి॒చిత్య॒ ధీరః॑ । నామా॑ని కృ॒త్వాభి॒వద॒న్ యదాస్తే᳚ । ధా॒తా పు॒రస్తా॒-ద్యము॑దాజ॒హార॑ । శ॒క్రః ప్రవి॒ద్వా-న్ప్ర॒దిశ॒శ్చత॑స్రః । తమే॒వం-విఁ॒ద్వాన॒మృత॑ ఇ॒హ భ॑వతి । నాన్యః పన్థా॒ అయ॑నాయ విద్యతే ।
య॒జ్ఞేన॑ య॒జ్ఞమ॑యజన్త దే॒వాః । తాని॒ ధర్మా॑ణి ప్రథ॒మాన్యా॑సన్న్ । తే హ॒ నాక॑-మ్మహి॒మాన॑-స్సచన్తే । యత్ర॒ పూర్వే॑ సా॒ద్ధ్యా-స్సన్తి॑ దే॒వాః ॥ 7
ఓ-న్నమో భగవతే॑ రుద్రా॒య ॥ పురుషసూక్తగ్ం శిరసే స్వాహా ॥
7.3 ఉత్తర నారాయణం
(తై. అర. 3.13.1 - తై. అర. 3.13.2)
అ॒ద్భ్య-స్సమ్భూ॑తః పృథి॒వ్యై రసా᳚చ్చ । వి॒శ్వక॑ర్మణ॒-స్సమ॑వర్త॒తాధి॑ ।
తస్య॒ త్వష్టా॑ వి॒దధ॑-ద్రూ॒పమే॑తి । తత్పురు॑షస్య॒ విశ్వ॒మాజా॑న॒మగ్రే᳚ ।
వేదా॒హమే॒త-మ్పురు॑ష-మ్మ॒హాన్త᳚మ్ । ఆ॒ది॒త్యవ॑ర్ణ॒-న్తమ॑సః॒ పర॑స్తాత్ ।
తమే॒వం-విఁ॒ద్వాన॒మృత॑ ఇ॒హ భ॑వతి । నాన్యః పన్థా॑ విద్య॒తే-ఽయ॑నాయ । ప్ర॒జాప॑తిశ్చరతి॒ గర్భే॑ అ॒న్తః । అ॒జాయ॑మానో బహు॒ధా విజా॑యతే ।
తస్య॒ ధీరాః॒ పరి॑జానన్తి॒ యోని᳚మ్ । మరీ॑చీనా-మ్ప॒దమి॑చ్ఛన్తి వే॒ధసః॑ ॥ 1
యో దే॒వేభ్య॒ ఆత॑పతి । యో దే॒వానా᳚-మ్పు॒రోహి॑తః ।
పూర్వో॒ యో దే॒వేభ్యో॑ జా॒తః । నమో॑ రు॒చాయ॒ బ్రాహ్మ॑యే । రుచ॑-మ్బ్రా॒హ్మ-ఞ్జ॒నయ॑న్తః । దే॒వా అగ్రే॒ తద॑బ్రువన్న్ । యస్త్వై॒వ-మ్బ్రా᳚హ్మ॒ణో వి॒ద్యాత్ । తస్య॑ దే॒వా అస॒న్ వశే᳚ । హ్రీశ్చ॑ తే ల॒క్ష్మీశ్చ॒ పత్న్యౌ᳚ । అ॒హో॒రా॒త్రే పా॒ర్శ్వే । నక్ష॑త్రాణి రూ॒పమ్ । అ॒శ్వినౌ॒ వ్యాత్త᳚మ్ । ఇ॒ష్ట-మ్మ॑నిషాణ ।
అ॒ము-మ్మ॑నిషాణ । సర్వ॑-మ్మనిషాణ ॥ 2
ఓ-న్నమో భగవతే॑ రుద్రా॒య ॥ ఉత్తర నారాయణగ్ం శిఖాయై వషట్ ॥
7.4 అప్రతిరథం
(తై. సం. 4.6.4.1 - తై. సం. 4.6.4.5)
ఆ॒శు-శ్శిశా॑నో వృష॒భో న యు॒ధ్మో ఘ॑నాఘ॒నః, క్షోభ॑ణ-శ్చర్షణీ॒నామ్ ।
స॒॒ఙ్క్రన్ద॑నో-ఽనిమి॒ష ఏ॑క వీ॒రశ్శ॒తగ్ం సేనా॑ అజయథ్సా॒-కమిన్ద్రః॑ ।
స॒ఙ్క్రన్ద॑నేనా నిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా᳚ ।
తదిన్ద్రే॑ణ జయత॒ తథ్స॑హధ్వం॒-యుఁధో॑ నర॒ ఇషు॑ హస్తేన॒ వృష్ణా᳚ ।
స ఇషు॑హస్తై॒-స్స ని॑ష॒ఙ్గిభి॑ ర్వ॒శీ సగ్గ్స్ర॑ష్టా॒ సయుధ॒ ఇన్ద్రో॑ గ॒ణేన॑ ।
స॒గ్ం॒సృ॒ష్ట॒-జిథ్సో॑మ॒పా బా॑హు శ॒ర్ధ్యూ᳚ర్ధ్వ-ధ॑న్వా॒ ప్రతి॑హితా-భి॒రస్తా᳚ ।
బృహ॑స్పతే॒ పరి॑దీయా॒ రథే॑న రక్షో॒హా-ఽమిత్రాగ్ం॑ అప॒ బాధ॑మానః । 1
ప్ర॒భ॒ఞ్జ-న్థ్సేనాః᳚ ప్రమృ॒ణో యు॒ధా జయ॑న్న॒స్మాక॑-మేద్ధ్యవి॒తా రథా॑నామ్ ।
గో॒త్ర॒భిద॑-ఙ్గో॒విదం॒-వఁజ్ర॑బాహు॒-ఞ్జయ॑న్త॒మజ్మ॑ ప్రమృ॒ణన్త॒-మోజ॑సా ।
ఇ॒మగ్ం స॑జాతా॒ అను॑వీర-యధ్వ॒మిన్ద్రగ్ం॑ సఖా॒యో-ఽను॒ సర॑భధ్వమ్ ।
బ॒ల॒వి॒జ్ఞా॒య-స్స్థవి॑రః॒ ప్రవీ॑ర॒-స్సహ॑స్వాన్ వా॒జీ సహ॑మాన ఉ॒గ్రః ।
అ॒భివీ॑రో అ॒భిస॑త్వా సహో॒జా జైత్ర॑మిన్ద్ర॒ రథ॒మాతి॑ష్ఠ గో॒విత్ । 2
అ॒భి గో॒త్రాణి॒ సహ॑సా॒ గాహ॑మానో-ఽదా॒యో వీ॒ర శ్శ॒త-మ॑న్యు॒రిన్ద్రః॑ ।
దు॒శ్చ్య॒వ॒నః పృ॑తనా॒షాడ॑ యు॒ద్ధ్యో᳚-ఽస్మాక॒గ్ం॒ సేనా॑ అవతు॒ ప్రయు॒థ్సు ।
ఇన్ద్ర॑ ఆసా-న్నే॒తా బృహ॒స్పతి॒ ర్దక్షి॑ణా య॒జ్ఞః పు॒ర ఏ॑తు॒ సోమః॑ ।
దే॒వ॒సే॒నానా॑-మభిభ-ఞ్జతీ॒నా-ఞ్జయ॑న్తీనా-మ్మ॒రుతో॑ య॒న్త్వగ్రే᳚ ।
ఇన్ద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానా᳚-మ్మ॒రుతా॒గ్ం॒ శర్ధ॑ ఉ॒గ్రమ్ ।
మ॒హామ॑నసా-మ్భువనచ్య॒వానా॒-ఙ్ఘోషో॑ దే॒వానా॒-ఞ్జయ॑తా॒ ముద॑స్థాత్ ।
అ॒స్మాక॒-మిన్ద్రః॒-సమృ॑తేషు-ధ్వ॒జే-ష్వ॒స్మాకం॒-యాఁ ఇష॑వ॒స్తా జ॑యన్తు । 3
అ॒స్మాకం॑-వీఁ॒రా ఉత్త॑రే భవన్త్వ॒స్మాను॑ దేవా అవతా॒ హవే॑షు । ఉద్ధ॑ర్షయ మఘవ॒న్నా-యు॑ధా॒-న్యుథ్సత్వ॑నా-మ్మామ॒కానా॒-మ్మహాగ్ం॑సి ।
ఉద్వృ॑త్రహన్ వా॒జినాం॒-వాఁజి॑నా॒-న్యుద్రథా॑నా॒-ఞ్జయ॑తామేతు॒ ఘోషః॑ ।
ఉప॒ప్రేత॒ జయ॑తా నర-స్స్థి॒రా వః॑ సన్తు బా॒హవః॑ । ఇన్ద్రో॑ వ॒-శ్శర్మ॑ యచ్ఛత్వనా-ధృ॒ష్యా యథా-ఽస॑థ । అవ॑సృష్టా॒ పరా॑పత॒ శర॑వ్యే॒ బ్రహ్మ॑ సగ్ంశితా । గచ్ఛా॒మిత్రా॒-న్ప్రవి॑శ॒ మైషా॒-ఙ్కఞ్చ॒నోచ్ఛి॑షః ।
మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒-ఽమృతే॑నా॒-భివ॑స్తామ్ । ఉ॒రో ర్వరీ॑యో॒ వరి॑వస్తే అస్తు॒ జయ॑న్త॒-న్త్వామను॑ మదన్తు దే॒వాః । యత్ర॑ బా॒ణా-స్స॒మ్పత॑న్తి కుమా॒రా వి॑శి॒ఖా ఇ॑వ ।
ఇన్ద్రో॑ న॒స్తత్ర॑ వృత్ర॒హా వి॑శ్వా॒హా శర్మ॑ యచ్ఛతు
శ్లోక 28
ఓ-న్నమో భగవతే॑ రుద్రా॒య ॥ ఆశుశ్శిశానో-ఽప్రతిరథ-ఙ్కవచాయ హుమ్ ।
7.5 ప్రతి పూరుషం
(తై. సం. 1.8.6.1 - తై. సం. 1.8.6.2)
(తై. బ్రా. 1.6.10.1 - తై. బ్రా. 1.6.10.5)
ప్ర॒తి॒పూ॒రు॒ష మేక॑కపాలా॒-న్నిర్వ॑ప॒త్యే-క॒మతి॑రిక్తం॒-యాఁవ॑న్తో గృ॒హ్యా᳚-స్స్మస్తేభ్యః॒ కమ॑కర-మ్పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే
య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్త-ఞ్జు॑షస్వై॒ష తే॑ రుద్ర భా॒గ-స్స॒హ స్వస్రాం-ఽబి॑కయా॒ తఞ్జు॑షస్వ భేష॒జ-ఙ్గవే-ఽశ్వా॑య॒
పురు॑షాయ భేష॒జమథో॑ అ॒స్మభ్య॑-మ్భేష॒జగ్ం సుభే॑షజం॒-యఁథా-ఽస॑తి । 1
సు॒గ-మ్మే॒షాయ॑ మే॒ష్యా॑ అవా᳚బం రు॒ద్రమ॑ది-మ॒హ్యవ॑ దే॒వ-న్త్ర్య॑బఙ్కమ్ ।
యథా॑ న॒-శ్శ్రేయ॑సః॒ కర॒ద్యథా॑ నో॒ వస్య॑ సః॒ కర॒ద్యథా॑ నః పశు॒మతః॒
కర॒ద్యథా॑ నో వ్యవసా॒యయా᳚త్ । త్ర్య॑బఙ్కం-యఁజామహే సుగ॒న్ధి-మ్పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నా-న్మృ॒త్యో ర్ము॑క్షీయ॒ మా-ఽమృతా᳚త్ । ఏ॒షతే॑ రుద్ర భా॒గ స్తఞ్జు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్యవ॑తత
ధన్వా॒ పినా॑కహస్తః॒ కృత్తి॑వాసాః ॥ 2
ప్ర॒తి॒పూ॒రు॒ష-మేక॑కపాలా॒-న్నిర్వ॑పతి । జా॒తా ఏ॒వ ప్ర॒జా రు॒ద్రా-న్ని॒రవ॑దయతే । ఏక॒మతి॑రిక్తమ్ । జ॒ని॒ష్యమా॑ణా ఏ॒వ ప్ర॒జా రు॒ద్రా-న్ని॒రవ॑దయతే । ఏక॑కపాలా భవన్తి । ఏ॒క॒ధైవ రు॒ద్ర-న్ని॒రవ॑దయతే । నాభిఘా॑రయతి । యద॑భిఘా॒రయే᳚త్ । అ॒న్త॒ర॒వ॒-చా॒రిణగ్ం॑ రు॒ద్ర-ఙ్కు॑ర్యాత్ ।
ఏ॒కో॒ల్ము॒కేన॑ యన్తి । 3
తద్ధి రు॒ద్రస్య॑ భాగ॒ధేయ᳚మ్ । ఇ॒మా-న్దిశం॑-యఁన్తి । ఏ॒షా వై రు॒ద్రస్య॒ దిక్ । స్వాయా॑ మే॒వ ది॒శి రు॒ద్ర-న్ని॒రవ॑దయతే । రు॒ద్రో వా అ॑ప॒శుకా॑యా॒ ఆహు॑త్యై॒ నాతి॑ష్ఠత । అ॒సౌ తే॑ ప॒శురితి॒ నిర్ది॑శే॒ద్య-న్ద్వి॒ష్యాత్ । యమే॒వ ద్వేష్టి॑ ।
తమ॑స్మై ప॒శు-న్నిర్ది॑శతి । యది॒ న ద్వి॒ష్యాత్ ।
ఆ॒ఖుస్తే॑ ప॒శురితి॑ బ్రూయాత్ । 4
న గ్రా॒మ్యా-న్ప॒శూన్ హి॒నస్తి॑ । నార॒ణ్యాన్ । చ॒తు॒ష్ప॒థే జు॑హోతి । ఏ॒ష వా అ॑గ్నీ॒నా-మ్పడ్బీ॑శో॒ నామ॑ । అ॒గ్ని॒వత్యే॒వ జు॑హోతి ।
మ॒ద్ధ్య॒మేన॑ ప॒ర్ణేన॑ జుహోతి । స్రుగ్ఘ్యే॑షా । అథో॒ ఖలు॑ । అ॒న్త॒మేనై॒వ హో॑త॒వ్య᳚మ్ । అ॒న్త॒త ఏ॒వ రు॒ద్ర-న్ని॒రవ॑దయతే । 5
ఏష॒ తే॑ రుద్రభా॒గ-స్స॒హస్వస్రాం-ఽబి॑క॒యేత్యా॑హ । శ॒రద్వా అ॒స్యామ్బి॑కా॒ స్వసా᳚ ।
తయా॒ వా ఏ॒ష హి॑నస్తి । యగ్ం హి॒నస్తి॑ । తయై॒వైనగ్ం॑ స॒హ శ॑మయతి ।
భే॒ష॒జఙ్గవ॒ ఇత్యా॑హ । యావ॑న్త ఏ॒వ గ్రా॒మ్యాః ప॒శవః॑ । తేభ్యో॑ భేష॒జ-ఙ్క॑రోతి । అవా᳚బం రు॒ద్రమ॑ది మ॒హీత్యా॑హ । ఆ॒శిష॑మే॒వై-తామా శా᳚స్తే । 6
త్ర్య॑బఙ్కం-యఁజామహ॒ ఇత్యా॑హ । మృ॒త్యో ర్ము॑క్షీయ॒ మా-ఽమృతా॒-దితి॒ వా వై తదా॑హ ।
ఉత్కి॑రన్తి । భగ॑స్య లీఫ్సన్తే । మూతే॑ కృ॒త్వా స॑జన్తి ।
యథా॒ జనం॑-యఁ॒తే॑-ఽవ॒స-ఙ్క॒రోతి॑ । తా॒దృగే॒వ తత్ । ఏ॒ష తే॑ రుద్రభా॒గ ఇత్యా॑హ ని॒రవ॑త్యై । అప్ర॑తీక్ష॒-మాయ॑న్తి । అ॒పః పరి॑షిఞ్చతి । రు॒ద్రస్యా॒న్త ర్హి॑త్యై । ప్రవా ఏ॒తే᳚-ఽస్మా-ల్లో॒కా-చ్చ్య॑వన్తే । యే త్ర్య॑బఙ్కై॒-శ్చర॑న్తి । ఆ॒ది॒త్య-ఞ్చ॒రు-మ్పున॒రేత్య॒ నిర్వ॑పతి । ఇ॒యం-వాఁ అది॑తిః । అ॒స్యామే॒వ ప్రతి॑తిష్ఠన్తి ॥ 7
ఓ-న్నమో భగవతే॑ రుద్రా॒య ॥ ప్రతిపూరుషం-విఁభాడితి నేత్రత్రయా॑య వౌ॒షట్ ॥
7.6 శత రుద్రీయం (త్వమగ్నే రుద్రో-ఽనువాకః)
తై. బ్రా. 3.11.2.1 - తై. బ్రా. 3.11.2.4
త్వమ॑గ్నే రు॒ద్రో అసు॑రో మ॒హో ది॒వః । త్వగ్ం శర్ధో॒ మారు॑త-మ్పృ॒క్ష ఈ॑శిషే ।
త్వం-వాఁతై॑రరు॒ణై ర్యా॑సి శఙ్గ॒యః । త్వ-మ్పూ॒షా వి॑ధ॒తః పా॑సి॒ నుత్మనాః᳚ ।
దేవా॑ దే॒వేషు॑ శ్రయద్ధ్వమ్ । ప్రథ॑మా ద్వి॒తీయే॑షు శ్రయద్ధ్వమ్ ।
ద్వితీ॑యా-స్తృ॒తీయే॑షు శ్రయద్ధ్వమ్ । తృతీ॑యా-శ్చతు॒ర్థేషు॑ శ్రయద్ధ్వమ్ ।
చ॒తు॒ర్థాః ప॑ఞ్చ॒మేషు॑ శ్రయద్ధ్వమ్ । ప॒ఞ్చ॒మా-ష్ష॒ష్ఠేషు॑ శ్రయద్ధ్వమ్ । 1
ష॒ష్ఠా-స్స॑ప్త॒మేషు॑ శ్రయద్ధ్వమ్ । స॒ప్త॒మా అ॑ష్ట॒మేషు॑ శ్రయద్ధ్వమ్ ।
అ॒ష్ట॒మా న॑వ॒మేషు॑ శ్రయద్ధ్వమ్ । న॒వ॒మా ద॑శ॒మేషు॑ శ్రయద్ధ్వమ్ ।
ద॒శ॒మా ఏ॑కాద॒శేషు॑ శ్రయద్ధ్వమ్ । ఏ॒క॒ద॒శా ద్వా॑ద॒శేషు॑ శ్రయద్ధ్వమ్ ।
ద్వా॒ద॒శా-స్త్ర॑యోద॒శేషు॑ శ్రయద్ధ్వమ్ । త్ర॒యో॒ద॒శా-శ్చ॑తు ర్దే॒శేషు॑ శ్రయద్ధ్వమ్ ।
చ॒తు॒ర్ద॒శాః ప॑ఞ్చద॒శేషు॑ శ్రయద్ధ్వమ్ । ప॒ఞ్చ॒ద॒శా-ష్షో॑డ॒శేషు॑ శ్రయద్ధ్వమ్ । 2
షో॒డ॒శా-స్స॑ప్తద॒శేషు॑ శ్రయద్ధ్వమ్ । స॒ప్త॒ద॒శా అ॑ష్టాద॒శేషు॑ శ్రయద్ధ్వమ్ ।
అ॒ష్టా॒ద॒శా ఏ॑కాన్నవి॒గ్ం॒శేషు॑ శ్రయద్ధ్వమ్ ।
ఏ॒కా॒న్న॒వి॒గ్ం॒శా వి॒గ్ం॒శేషు॑ శ్రయద్ధ్వమ్ ।
వి॒గ్ం॒శా ఏ॑కవి॒గ్ం॒శేషు॑ శ్రయద్ధ్వమ్ ।
ఏ॒క॒వి॒గ్ం॒శా ద్వా॑వి॒గ్ం॒శేషు॑ శ్రయద్ధ్వమ్ ।
ద్వా॒వి॒గ్ం॒శా స్త్ర॑యోవి॒గ్ం॒శేషు॑ శ్రయద్ధ్వమ్ ।
త్ర॒యో॒వి॒గ్ం॒శా శ్చ॑తుర్వి॒గ్ం॒శేషు॑ శ్రయద్ధ్వమ్ । చ॒తు॒ర్వి॒గ్ం॒శాః ప॑ఞ్చవి॒గ్ం॒శేషు॑ శ్రయద్ధ్వమ్ ।
ప॒ఞ్చ॒వి॒గ్ం॒శా-ష్ష॑డ్వి॒గ్ం॒శేషు॑ శ్రయద్ధ్వమ్ । 3
ష॒డ్వి॒గ్ం॒శా స్స॑ప్తవి॒గ్ం॒శేషు॑ శ్రయద్ధ్వమ్ । స॒ప్త॒వి॒గ్ం॒శా అ॑ష్టావి॒గ్ం॒శేషు॑ శ్రయద్ధ్వమ్ । అ॒ష్టా॒వి॒గ్ం॒శా ఏ॑కాన్నత్రి॒గ్ం॒శేషు॑ శ్రయద్ధ్వమ్ । ఏ॒కా॒న్న॒త్రి॒గ్ం॒శా స్త్రి॒గ్ం॒శేషు॑ శ్రయద్ధ్వమ్ । త్రి॒గ్ం॒శా ఏ॑కత్రి॒గ్ం॒శేషు॑ శ్రయద్ధ్వమ్ । ఏ॒క॒త్రి॒గ్ం॒శా ద్వా᳚త్రి॒గ్ం॒శేషు॑ శ్రయద్ధ్వమ్ । ద్వా॒త్రి॒గ్ం॒శా త్ర॑యస్త్రి॒గ్ం॒శేషు॑ శ్రయద్ధ్వమ్ । దేవా᳚స్త్రిరేకాదశా॒ స్త్రిస్త్ర॑యస్త్రిగ్ంశాః । ఉత్త॑రే భవత । ఉత్త॑ర వర్త్మాన॒ ఉత్త॑ర సత్వానః । యత్కా॑మ ఇ॒ద-ఞ్జు॒హోమి॑ । తన్మే॒ సమృ॑ద్ధ్యతామ్ । వ॒యగ్గ్స్యా॑మ॒ పత॑యో రయీ॒ణామ్ । భూర్భువ॒స్వ॑స్స్వాహా᳚ । 4
ఓ-న్నమో భగవతే॑ రుద్రా॒య ॥ త్వమగ్నే త్వమగ్నే శతరుద్రీయమిత్యస్త్రాయ ఫట్ ॥
7.7 పఞ్చాఙ్గ జపః
అథ పఞ్చాఙ్గజపః ॥
స॒ద్యోజా॒త-మ్ప్ర॑పద్యా॒మి॒ స॒ద్యోజా॒తాయ॒ వై నమో॒ నమః॑ ।
భ॒వే భ॑వే॒ నాతి॑భవే భవస్వ॒ మామ్ ।
భ॒వోద్భ॑వాయ॒ నమః॑ ॥ 1
వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ॥ 2
అ॒ఘోరే᳚భ్యో-ఽథ॒ ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ 3
తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥ 4
ఈశాన-స్సర్వ॑విద్యా॒నా॒మీశ్వర-స్సర్వ॑భూతా॒నాం॒
బ్రహ్మాధి॑పతి॒ర్బ్రహ్మ॒ణో-ఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ॥ 5
7.8 అష్టాఙ్గ ప్రణామః
హి॒ర॒ణ్య॒గ॒ర్భ-స్సమ॑వర్త॒-తాగ్రే॑ భూ॒తస్య॑ జా॒తః పతి॒రేక॑ ఆసీత్ ।
సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ ॥
ఉరసా నమః ॥ 1 (తై. సం. 4.1.8.3)
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ ।
య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ ॥
శిరసా నమః ॥ 2 (తై. సం. 4.1.8.4)
బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒మ-స॑తశ్చ॒ వివః॑ । (
దృష్యా నమః । 3 (తై. సం. 4.2.8.2.)
మ॒హీ ద్యౌః పృ॑థి॒వీ చ॑ న ఇ॒మం-యఁ॒జ్ఞ-మ్మి॑మిక్షతామ్ ।
పి॒పృ॒తాన్నో॒ భరీ॑మభిః ।
మనసా నమః ॥ 4 (తై. సం. 3.3.10.2)
ఉప॑శ్వాసయ పృథి॒వీ-ము॒త ద్యా-మ్పు॑రు॒త్రా తే॑ మనుతాం॒-విఁష్ఠి॑త॒-ఞ్జగ॑త్ ।
స దు॑న్దుభే స॒జూరిన్ద్రే॑ణ దే॒వై-ర్దూ॒రాద్దవీ॑యో॒ అప॑సేధ॒ శత్రూన్॑ ।
వచసా నమః ॥ 5 (తై. సం. 4.6.6.6)
అగ్నే॒ నయ॑ సు॒పథా॑ రా॒యే అ॒స్మాన్ విశ్వా॑ని దేవ వ॒యునా॑ని వి॒ద్వాన్ ।
యు॒యో॒ద్ధ్య॑స్మ-జ్జు॑హురా॒ణ-మేనో॒ భూయి॑ష్ఠాన్తే॒ నమ॑ ఉక్తిం-విఁధేమ ॥
పధ్భ్యా-న్నమః ॥ 6 (తై. సం. 1.1.14.3)
యా తే॑ అగ్నే॒ రుద్రి॑యా త॒నూస్తయా॑ నః పాహి॒ తస్యా᳚స్తే॒ స్వాహా᳚ ।
యా తే॑ అగ్నే-ఽయాశ॒యా ర॑జాశ॒యా హ॑రాశ॒యా త॒నూర్వర్షి॑ష్ఠా గహ్వరే॒ష్ఠోగ్రం-వఁచో॒ అపా॑వధీ-న్త్వే॒షం-వఁచో॒ అపా॑వధీ॒గ్ం॒ స్వాహా᳚ ॥
కరాభ్యా-న్నమః ॥ 7 (తై. సం. 1.2.11.2)
ఇ॒మం-యఁ॑మప్రస్త॒రమాహి సీదాఙ్గి॑రోభిః పి॒తృభిః॑ సంవిఁదా॒నః ।
ఆత్వా॒ మన్త్రాః॑ కవిశ॒స్తా వ॑హన్త్వే॒నా రా॑జన్ హ॒విషా॑ మాదయస్వ ॥
కర్ణాభ్యా-న్నమః ॥ 8 (తై. సం. 2.6.12.6)
ఉరసా శిరసా దృష్ట్యా మన॑సా వచసా త॒థా ।
పద్భ్యా-ఙ్కరాభ్యా-ఙ్కర్ణాభ్యా-మ్ప్రణామో-ఽష్టాఙ్గ॑ ఉచ్యతే ॥
ఉమామహేశ్వరాభ్యా-న్నమః ॥