Maha Narayana Upanishad
Maha Narayana Upanishad
ମହାନାରାଯଣ ଉପନିଷଦ୍
ଶ୍ଲୋକ 1
ତୈତ୍ତିରୀଯ ଅରଣ୍ଯକ - ଚତୁର୍ଥଃ ପ୍ରଶ୍ନଃ
ଓଁ ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ ।
ସ॒ହ ଵୀ॒ର୍ଯ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
ଅମ୍ଭସ୍ଯପାରେ (4.1)
ଅମ୍ଭ॑ସ୍ଯ ପା॒ରେ ଭୁଵ॑ନସ୍ଯ॒ ମଦ୍ଧ୍ଯେ॒ ନାକ॑ସ୍ଯ ପୃ॒ଷ୍ଠେ ମ॑ହ॒ତୋ ମହୀ॑ଯାନ୍ ।
ଶୁ॒କ୍ରେଣ॒ ଜ୍ଯୋତୀଗ୍ଂ॑ଷି ସମନୁ॒ପ୍ରଵି॑ଷ୍ଟଃ ପ୍ର॒ଜାପ॑ତିଶ୍ଚରତି॒ ଗର୍ଭେ॑ ଅ॒ନ୍ତଃ ।
ଯସ୍ମି॑ନ୍ନି॒ଦଗ୍ଂ ସଞ୍ଚ॒ ଵିଚୈତି॒ ସର୍ଵଂ॒-ଯଁସ୍ମି॑-ନ୍ଦେ॒ଵା ଅଧି॒ ଵିଶ୍ଵେ॑ ନିଷେ॒ଦୁଃ ।
ତଦେ॒ଵ ଭୂ॒ତ-ନ୍ତଦୁ॒ ଭଵ୍ଯ॑ମା ଇ॒ଦ-ନ୍ତଦ॒କ୍ଷରେ॑ ପର॒ମେ ଵ୍ଯୋ॑ମନ୍ନ୍ ।
ଯେନା॑ ଵୃ॒ତ-ଙ୍ଖଞ୍ଚ॒ ଦିଵ॑-ମ୍ମ॒ହୀଞ୍ଚ॒ ଯେନା॑ଦି॒ତ୍ଯ-ସ୍ତପ॑ତି॒ ତେଜ॑ସା॒ ଭ୍ରାଜ॑ସା ଚ ।
ଯମ॒ନ୍ତ-ସ୍ସ॑ମୁ॒ଦ୍ରେ କ॒ଵଯୋ॒ ଵଯ॑ନ୍ତି॒ ଯଦ॒କ୍ଷରେ॑ ପର॒ମେ ପ୍ର॒ଜାଃ ।
ଯତଃ॑ ପ୍ରସୂ॒ତା ଜ॒ଗତଃ॑ ପ୍ରସୂତୀ॒ ତୋଯେ॑ନ ଜୀ॒ଵାନ୍ ଵ୍ଯଚ॑ସର୍ଜ॒ (ଵ୍ଯସ॑ସର୍ଜ॒) ଭୂମ୍ଯା᳚ମ୍ ।
ଯଦୋଷ॑ଧୀଭିଃ ପୁ॒ରୁଷା᳚-ନ୍ପ॒ଶୂଗ୍ଶ୍ଚ॒ ଵିଵେ॑ଶ ଭୂ॒ତାନି॑ ଚରାଚ॒ରାଣି॑ ।
ଅତଃ॑ ପର॒-ନ୍ନାନ୍ଯ॒-ଦଣୀ॑ଯସହି॒ ପରା᳚-ତ୍ପରଂ॒-ଯଁ-ନ୍ମହ॑ତୋ ମ॒ହାନ୍ତ᳚ମ୍ ।
ଯଦେ॑କ-ମ॒ଵ୍ଯକ୍ତ॒-ମନ॑ନ୍ତରୂପଂ॒-ଵିଁଶ୍ଵ॑-ମ୍ପୁରା॒ଣ-ନ୍ତମ॑ସଃ॒ ପର॑ସ୍ତାତ୍ ॥ 1.5 (ତୈ. ଅର. 6.1.1)
ତଦେ॒ଵର୍ତ-ନ୍ତଦୁ॑ ସ॒ତ୍ଯମା॑ହୁ॒-ସ୍ତଦେ॒ଵ ବ୍ରହ୍ମ॑ ପର॒ମ-ଙ୍କ॑ଵୀ॒ନାମ୍ ।
ଇ॒ଷ୍ଟା॒ପୂ॒ର୍ତ-ମ୍ବ॑ହୁ॒ଧା ଜା॒ତ-ଞ୍ଜାଯ॑ମାନଂ-ଵିଁ॒ଶ୍ଵ-ମ୍ବି॑ଭର୍ତି॒ ଭୁଵ॑ନସ୍ଯ॒ ନାଭିଃ॑ ।
ତଦେ॒ଵାଗ୍ନି-ସ୍ତଦ୍ଵା॒ଯୁ-ସ୍ତଥ୍ସୂର୍ଯ॒ସ୍ତଦୁ॑ ଚ॒ନ୍ଦ୍ରମାଃ᳚ ।
ତଦେ॒ଵ ଶୁ॒କ୍ରମ॒ମୃତ॒-ନ୍ତଦ୍ବ୍ରହ୍ମ॒ ତଦାପ॒-ସ୍ସ ପ୍ର॒ଜାପ॑ତିଃ ।
ସର୍ଵେ॑ ନିମେ॒ଷା ଜ॒ଜ୍ଞିରେ॑ ଵି॒ଦ୍ଯୁତଃ॒ ପୁରୁ॑ଷା॒ଦଧି॑ ।
କ॒ଲା ମୁ॑ହୂ॒ର୍ତାଃ କାଷ୍ଠା᳚ଶ୍ଚାହୋ-ରା॒ତ୍ରାଶ୍ଚ॑ ସର୍ଵ॒ଶଃ ।
ଅ॒ର୍ଧ॒ମା॒ସା ମାସା॑ ଋ॒ତଵଃ॑ ସଂଵଁଥ୍ସ॒ରଶ୍ଚ॑ କଲ୍ପନ୍ତାମ୍ ।
ସ ଆପଃ॑ ପ୍ରଦୁ॒ଘେ ଉ॒ଭେ ଇ॒ମେ ଅ॒ନ୍ତରି॑କ୍ଷ॒-ମଥୋ॒ ସୁଵଃ॑ ।
ନୈନ॑-ମୂ॒ର୍ଧ୍ଵ-ନ୍ନ ତି॒ର୍ଯ-ଞ୍ଚ॒ ନ ମଦ୍ଧ୍ଯେ॒ ପରି॑ଜଗ୍ରଭତ୍ ।
ନ ତସ୍ଯେ॑ଶେ॒ କଶ୍ଚ॒ନ ତସ୍ଯ॑ ନାମ ମ॒ହଦ୍ଯଶଃ॑ ॥ 1.10 (ତୈ. ଅର. 6.1.2)
ନ ସ॒ଦୃଂଶେ॑ ତିଷ୍ଠତି॒ ରୂପ॑ମସ୍ଯ॒ ନ ଚକ୍ଷୁ॑ଷା ପଶ୍ଯତି॒ କଶ୍ଚ॒ନୈନ᳚ମ୍ ।
ହୃ॒ଦା ମ॑ନୀ॒ଷା ମନ॑ସା॒-ଽଭି କ୍ଲୃ॑ପ୍ତୋ॒ ଯ ଏ॑ନଂ-ଵିଁ॒ଦୁ-ରମୃ॑ତା॒ସ୍ତେ ଭ॑ଵନ୍ତି ।
ଅ॒ଦ୍ଭ୍ଯ-ସ୍ସମ୍ଭୂ॑ତୋ ହିରଣ୍ଯଗ॒ର୍ଭ ଇତ୍ଯ॒ଷ୍ଟୌ ।
ଏ॒ଷ ହି ଦେ॒ଵଃ ପ୍ର॒ଦିଶୋ-ଽନୁ॒ ସର୍ଵାଃ॒ ପୂର୍ଵୋ॑ ହି ଜା॒ତ-ସ୍ସ ଉ॒ ଗର୍ଭେ॑ ଅ॒ନ୍ତଃ ।
ସ ଵି॒ଜାଯ॑ମାନ-ସ୍ସଜନି॒ଷ୍ଯମା॑ଣଃ ପ୍ର॒ତ୍ଯଂ-ମୁଖା᳚ ସ୍ତିଷ୍ଠତି ଵି॒ଶ୍ଵତୋ॑ମୁଖଃ ।
ଵି॒ଶ୍ଵତ॑ଶ୍ଚ-କ୍ଷୁରୁ॒ତ ଵି॒ଶ୍ଵତୋ॑ ମୁଖୋ ଵି॒ଶ୍ଵତୋ॑ ହସ୍ତ ଉ॒ତ ଵି॒ଶ୍ଵତ॑ସ୍ପାତ୍ ।
ସ-ମ୍ବା॒ହୁଭ୍ଯା॒-ନ୍ନମ॑ତି॒ ସ-ମ୍ପତ॑ତ୍ରୈ॒-ର୍ଦ୍ଯାଵା॑ ପୃଥି॒ଵୀ ଜ॒ନଯ॑-ନ୍ଦେ॒ଵ ଏକଃ॑ ।
ଵେ॒ନସ୍ତ-ତ୍ପଶ୍ଯ॒ନ୍. ଵିଶ୍ଵା॒ ଭୁଵ॑ନାନି ଵି॒ଦ୍ଵାନ୍. ଯତ୍ର॒ ଵିଶ୍ଵ॒-ମ୍ଭଵ॒ତ୍ଯେକ॑-ନୀଲମ୍ ।
ଯସ୍ମି॑ନ୍ନି॒ଦଗ୍ଂ ସଞ୍ଚ॒ ଵିଚୈକ॒ଗ୍ଂ॒ ସ ଓତଃ॒ ପ୍ରୋତ॑ଶ୍ଚ ଵି॒ଭୁଃ ପ୍ର॒ଜାସୁ॑ ।
ପ୍ରତଦ୍ଵୋ॑ଚେ ଅ॒ମୃତ॒ନ୍ନୁ ଵି॒ଦ୍ଵା-ନ୍ଗ॑ନ୍ଧ॒ର୍ଵୋ ନାମ॒ ନିହି॑ତ॒-ଙ୍ଗୁହା॑ସୁ ॥ 1.15 (ତୈ. ଅର. 6.1.3)
ତ୍ରୀଣି॑ ପ॒ଦା ନିହି॑ତା॒ ଗୁହା॑ସୁ॒ ଯସ୍ତଦ୍ଵେଦ॑ ସଵି॒ତୁଃ ପି॒ତା-ଽସ॑ତ୍ ।
ସ ନୋ॒ ବନ୍ଧୁ॑-ର୍ଜନି॒ତା ସ ଵି॑ଧା॒ତା ଧାମା॑ନି॒ ଵେଦ॒ ଭୁଵ॑ନାନି॒ ଵିଶ୍ଵା᳚ ।
ଯତ୍ର॑ ଦେ॒ଵା ଅ॒ମୃତ॑ମାନ-ଶା॒ନାସ୍ତୃ॒ତୀଯେ॒ ଧାମା᳚ନ୍ଯ॒-ଭ୍ଯୈର॑ଯନ୍ତ ।
ପରି॒ ଦ୍ଯାଵା॑ପୃଥି॒ଵୀ ଯ॑ନ୍ତି ସ॒ଦ୍ଯଃ ପରି॑ ଲୋ॒କା-ନ୍ପରି॒ ଦିଶଃ॒ ପରି॒ ସୁଵଃ॑ ।
ଋ॒ତସ୍ଯ॒ ତନ୍ତୁଂ॑-ଵିଁତତଂ-ଵିଁ॒ଚୃତ୍ଯ॒ ତଦ॑ପଶ୍ଯ॒-ତ୍ତଦ॑ଭଵ-ତ୍ପ୍ର॒ଜାସୁ॑ ।
ପ॒ରୀତ୍ଯ॑ ଲୋ॒କା-ନ୍ପ॒ରୀତ୍ଯ॑ ଭୂ॒ତାନି॑ ପ॒ରୀତ୍ଯ॒ ସର୍ଵାଃ᳚ ପ୍ର॒ଦିଶୋ॒ ଦିଶ॑ଶ୍ଚ ।
ପ୍ର॒ଜାପ॑ତିଃ ପ୍ରଥମ॒ଜା ଋ॒ତସ୍ଯା॒ତ୍ମନା॒-ଽଽତ୍ମାନ॑-ମ॒ଭି-ସମ୍ବ॑ଭୂଵ ।
ସଦ॑ସ॒ସ୍ପତି॒-ମଦ୍ଭୁ॑ତ-ମ୍ପ୍ରି॒ଯମିନ୍ଦ୍ର॑ସ୍ଯ॒ କାମ୍ଯ᳚ମ୍ ।
ସନି॑-ମ୍ମେ॒ଧା ମ॑ଯାସିଷମ୍ ।
ଉଦ୍ଦୀ᳚ପ୍ଯସ୍ଵ ଜାତଵେଦୋ ଽପ॒ଘ୍ନନ୍ନିର୍-ଋ॑ତି॒-ମ୍ମମ॑ ॥ 1.19 (ତୈ. ଅର. 6.1.4)
ପ॒ଶୂଗ୍ଶ୍ଚ॒ ମହ୍ଯ॒ମାଵ॑ହ॒ ଜୀଵ॑ନଞ୍ଚ॒ ଦିଶୋ॑ ଦିଶ ।
ମାନୋ॑ ହିଗ୍ଂସୀ ଜ୍ଜାତଵେଦୋ॒ ଗାମଶ୍ଵ॒-ମ୍ପୁରୁ॑ଷ॒-ଞ୍ଜଗ॑ତ୍ ।
ଅବି॑ଭ୍ର॒ଦଗ୍ନ॒ ଆଗ॑ହି ଶ୍ରି॒ଯା ମା॒ ପରି॑ପାତଯ ॥ 1.21 (ତୈ. ଅର. 6.1.5)
ଗାଯତ୍ରୀ ମନ୍ତ୍ରାଃ (4.2)
ପୁରୁ॑ଷସ୍ଯ ଵିଦ୍ମ ସହସ୍ରା॒କ୍ଷସ୍ଯ॑ ମହାଦେ॒ଵସ୍ଯ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋ॒ଦଯା᳚ତ୍ ॥
ତତ୍ପୁରୁ॑ଷାଯ ଵି॒ଦ୍ମହେ॑ ମହାଦେ॒ଵାଯ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋ॒ଦଯା᳚ତ୍ ॥
ତତ୍ପୁରୁ॑ଷାଯ ଵି॒ଦ୍ମହେ॑ ଵକ୍ରତୁ॒ଣ୍ଡାଯ॑ ଧୀମହି । ତନ୍ନୋ॑ ଦନ୍ତିଃ ପ୍ରଚୋ॒ଦଯା᳚ତ୍ ॥
ତତ୍ପୁରୁ॑ଷାଯ ଵି॒ଦ୍ମହେ॑ ଚକ୍ରତୁ॒ଣ୍ଡାଯ॑ ଧୀମହି । ତନ୍ନୋ॑ ନନ୍ଦିଃ ପ୍ରଚୋ॒ଦଯା᳚ତ୍ ॥
ତତ୍ପୁରୁ॑ଷାଯ ଵି॒ଦ୍ମହେ॑ ମହାସେ॒ନାଯ॑ ଧୀମହି । ତନ୍ନଃ॑ ଷଣ୍ମୁଖଃ ପ୍ରଚୋ॒ଦଯା᳚ତ୍ ॥
ତତ୍ପୁରୁ॑ଷାଯ ଵି॒ଦ୍ମହେ॑ ସୁଵର୍ଣପ॒କ୍ଷାଯ॑ ଧୀମହି । ତନ୍ନୋ॑ ଗରୁଡଃ ପ୍ରଚୋ॒ଦଯା᳚ତ୍ ॥
ଵେ॒ଦା॒ତ୍ମ॒ନାଯ॑ ଵି॒ଦ୍ମହେ॑ ହିରଣ୍ଯଗ॒ର୍ଭାଯ॑ ଧୀମହି । ତନ୍ନୋ᳚ ବ୍ରହ୍ମ ପ୍ରଚୋ॒ଦଯା᳚ତ୍ ॥
ନା॒ରା॒ଯ॒ଣାଯ॑ ଵି॒ଦ୍ମହେ॑ ଵାସୁଦେ॒ଵାଯ॑ ଧୀମହି । ତନ୍ନୋ॑ ଵିଷ୍ଣୁଃ ପ୍ରଚୋ॒ଦଯା᳚ତ୍ ॥
ଵ॒ଜ୍ର॒ନ॒ଖାଯ॑ ଵି॒ଦ୍ମହେ॑ ତୀକ୍ଷ୍ଣ-ଦ॒ଗ୍ଗ୍॒ଷ୍ଟ୍ରାଯ॑ ଧୀମହି । ତନ୍ନୋ॑ ନାରସିଗ୍ଂହଃ ପ୍ରଚୋ॒ଦଯା᳚ତ୍ ॥
ଭା॒ସ୍କ॒ରାଯ॑ ଵି॒ଦ୍ମହେ॑ ମହଦ୍ଦ୍ଯୁତିକ॒ରାଯ॑ ଧୀମହି । ତନ୍ନୋ॑ ଆଦିତ୍ଯଃ ପ୍ରଚୋ॒ଦଯା᳚ତ୍ ॥
ଵୈ॒ଶ୍ଵା॒ନ॒ରାଯ॑ ଵି॒ଦ୍ମହେ॑ ଲାଲୀ॒ଲାଯ॑ ଧୀମହି । ତନ୍ନୋ॑ ଅଗ୍ନିଃ ପ୍ରଚୋ॒ଦଯା᳚ତ୍ ॥
କା॒ତ୍ଯା॒ଯ॒ନାଯ॑ ଵି॒ଦ୍ମହେ॑ କନ୍ଯକୁ॒ମାରି॑ ଧୀମହି । ତନ୍ନୋ॑ ଦୁର୍ଗିଃ ପ୍ରଚୋ॒ଦଯା᳚ତ୍ ॥ 1.33 (ତୈ. ଅର. 6.1.5-7)
ଦୂର୍ଵା ସୂକ୍ତଂ (4.3)
ସ॒ହ॒ସ୍ର॒ପର॑ମା ଦେ॒ଵୀ॒ ଶ॒ତମୂ॑ଲା ଶ॒ତାଙ୍କୁ॑ରା ।
ସର୍ଵଗ୍ଂ॑ ହରତୁ॑ ମେ ପା॒ପ॒-ନ୍ଦୂ॒ର୍ଵା ଦୁଃ॑ସ୍ଵପ୍ନ॒ ନାଶ॑ନୀ ।
କାଣ୍ଡା᳚-ତ୍କାଣ୍ଡା-ତ୍ପ୍ର॒ରୋହ॑ନ୍ତୀ॒ ପରୁ॑ଷଃ ପରୁଷଃ॒ ପରି॑ ।
ଏ॒ଵା ନୋ॑ ଦୂର୍ଵେ॒ ପ୍ରତ॑ନୁ ସ॒ହସ୍ରେ॑ଣ ଶ॒ତେନ॑ ଚ ।
ଯା ଶ॒ତେନ॑ ପ୍ରତ॒ନୋଷି॑ ସ॒ହସ୍ରେ॑ଣ ଵି॒ରୋହ॑ସି ।
ତସ୍ଯା᳚ସ୍ତେ ଦେଵୀଷ୍ଟକେ ଵି॒ଧେମ॑ ହ॒ଵିଷା॑ ଵ॒ଯମ୍ ।
ଅଶ୍ଵ॑କ୍ରା॒ନ୍ତେ ର॑ଥକ୍ରା॒ନ୍ତେ॒ ଵି॒ଷ୍ଣୁକ୍ରା᳚ନ୍ତେ ଵ॒ସୁନ୍ଧ॑ରା ।
ଶିରସା॑ ଧାର॑ଯିଷ୍ଯା॒ମି॒ ର॒କ୍ଷ॒ସ୍ଵ ମା᳚-ମ୍ପଦେ॒ ପଦେ ॥ 1.37 (ତୈ. ଅର. 6.1.8)
ମୃତ୍ତିକା ସୂକ୍ତମ୍ (4.4)
ଭୂମି-ର୍ଧେନୁ-ର୍ଧରଣୀ ଲୋ॑କଧା॒ରିଣୀ ।
ଉ॒ଧୃତା॑-ଽସି ଵ॑ରାହେ॒ଣ॒ କୃ॒ଷ୍ଣେ॒ନ ଶ॑ତ ବା॒ହୁନା ।
ମୃ॒ତ୍ତିକେ॑ ହନ॑ ମେ ପା॒ପଂ॒-ଯଁ॒ନ୍ମ॒ଯା ଦୁ॑ଷ୍କୃତ॒-ଙ୍କୃତମ୍ ।
ମୃ॒ତ୍ତିକେ᳚ ବ୍ରହ୍ମ॑ଦତ୍ତା॒-ଽସି॒ କା॒ଶ୍ଯପେ॑ନାଭି॒ମନ୍ତ୍ରି॑ତା ।
ମୃ॒ତ୍ତିକେ॑ ଦେହି॑ ମେ ପୁ॒ଷ୍ଟି॒-ନ୍ତ୍ଵ॒ଯି ସ॑ର୍ଵ-ମ୍ପ୍ର॒ତିଷ୍ଠି॑ତମ୍ ॥ 1.39
ମୃ॒ତ୍ତିକେ᳚ ପ୍ରତିଷ୍ଠି॑ତେ ସ॒ର୍ଵ॒-ନ୍ତ॒ନ୍ମେ ନି॑ର୍ଣୁଦ॒ ମୃତ୍ତି॑କେ ।
ତଯା॑ ହ॒ତେନ॑ ପାପେ॒ନ॒ ଗ॒ଚ୍ଛା॒ମି ପ॑ରମା॒-ଙ୍ଗତିମ୍ ॥ 1.40 (ତୈ. ଅର. 6.1.9)
ଶତ୍ରୁଜଯ ମନ୍ତ୍ରାଃ (4.5)
ଯତ॑ ଇନ୍ଦ୍ର॒ ଭଯା॑ମହେ॒ ତତୋ॑ ନୋ॒ ଅଭ॑ଯ-ଙ୍କୃଧି ।
ମଘ॑ଵନ୍ ଛ॒ଗ୍ଧି ତଵ॒ ତନ୍ନ॑ ଊ॒ତଯେ॒ ଵିଦ୍ଵିଷୋ॒ ଵିମୃଧୋ॑ ଜହି ।
ସ୍ଵ॒ସ୍ତି॒ଦା ଵି॒ଶସ୍ପତି॑-ର୍ଵୃତ୍ର॒ହା ଵିମୃଧୋ॑ ଵ॒ଶୀ ।
ଵୃଷେନ୍ଦ୍ରଃ॑ ପୁ॒ର ଏ॑ତୁ ନ-ସ୍ସ୍ଵସ୍ତି॒ଦା ଅ॑ଭଯଙ୍କ॒ରଃ ।
ସ୍ଵ॒ସ୍ତି ନ॒ ଇନ୍ଦ୍ରୋ॑ ଵୃ॒ଦ୍ଧଶ୍ର॑ଵା-ସ୍ସ୍ଵ॒ସ୍ତି ନଃ॑ ପୂ॒ଷା ଵି॒ଶ୍ଵଵେ॑ଦାଃ ।
ସ୍ଵ॒ସ୍ତି ନ॒ସ୍ତାର୍କ୍ଷ୍ଯୋ॒ ଅରି॑ଷ୍ଟନେମି-ସ୍ସ୍ଵ॒ସ୍ତି ନୋ॒ ବୃହ॒ସ୍ପତି॑-ର୍ଦଧାତୁ ।
ଆପା᳚ନ୍ତ-ମନ୍ଯୁସ୍ତୃ॒ପଲ॑ପ୍ରଭର୍ମା॒ ଧୁନି॒-ଶ୍ଶିମୀ॑ଵାଂ॒-ଛରୁ॑ମାଗ୍ଂ ଋଜୀ॒ଷୀ ।
ସୋମୋ॒ ଵିଶ୍ଵା᳚ନ୍ଯତ॒ସା ଵନା॑ନି॒ ନାର୍ଵାଗିନ୍ଦ୍ର॑-ମ୍ପ୍ରତି॒ମାନା॑ନି ଦେଭୁଃ ॥ 1.44
ବ୍ରହ୍ମ॑ ଜଜ୍ଞା॒ନ-ମ୍ପ୍ର॑ଥ॒ମ-ମ୍ପୁ॒ରସ୍ତା॒-ଦ୍ଵିସୀ॑ମ॒ତ-ସ୍ସୁ॒ରୁଚୋ॑ ଵେ॒ନ ଆ॑ଵଃ ।
ସ ବୁ॒ଧ୍ନିଯା॑ ଉପ॒ମା ଅ॑ସ୍ଯ ଵି॒ଷ୍ଠା-ସ୍ସ॒ତଶ୍ଚ॒ ଯୋନି॒-ମସ॑ତଶ୍ଚ॒ ଵିଵଃ॑ ।
ସ୍ଯୋ॒ନା ପୃ॑ଥିଵି॒ ଭଵା॑ ନୃକ୍ଷ॒ରା ନି॒ଵେଶ॑ନୀ । ଯଚ୍ଛା॑ ନ॒-ଶ୍ଶର୍ମ॑ ସ॒ପ୍ରଥାଃ᳚ ।
ଗ॒ନ୍ଧ॒ଦ୍ଵା॒ରା-ନ୍ଦୁ॑ରାଧ॒ର୍ଷା॒-ନ୍ନି॒ତ୍ଯପୁ॑ଷ୍ଟା-ଙ୍କରୀ॒ଷିଣୀ᳚ମ୍ ।
ଈ॒ଶ୍ଵରୀଗ୍ଂ॑ ସର୍ଵ॑ଭୂତା॒ନା॒-ନ୍ତାମି॒ହୋପ॑ହ୍ଵଯେ॒ ଶ୍ରିଯମ୍ ।
ଶ୍ରୀ᳚ର୍ମେ ଭ॒ଜତୁ । ଅଲକ୍ଷ୍ମୀ᳚ର୍ମେ ନ॒ଶ୍ଯତୁ ।
ଵିଷ୍ଣୁ॑ମୁଖା॒ ଵୈ ଦେ॒ଵା-ଶ୍ଛନ୍ଦୋ॑-ଭିରି॒ମାଂଲ୍ଲୋଁ॒କା-ନ॑ନପଜ॒ଯ୍ଯ-ମ॒ଭ୍ଯ॑ଜଯନ୍ନ୍ ।
ମ॒ହାଗ୍ଂ ଇନ୍ଦ୍ରୋ॒ ଵଜ୍ର॑ବାହୁ-ଷ୍ଷୋଡ॒ଶୀ ଶର୍ମ॑ ଯଚ୍ଛତୁ ॥ 1.48 (ତୈ. ଅର. 6.1.10)
ସ୍ଵ॒ସ୍ତି ନୋ॑ ମ॒ଘଵା॑ କରୋତୁ॒ ହନ୍ତୁ॑ ପା॒ପ୍ମାନଂ॒-ଯୋଁ᳚-ଽସ୍ମା-ନ୍ଦ୍ଵେଷ୍ଟି॑ ।
ସୋ॒ମାନ॒ଗ୍ଗ୍॒ ସ୍ଵର॑ଣ-ଙ୍କୃଣୁ॒ହି ବ୍ର॑ହ୍ମଣସ୍ପତେ ।
କ॒କ୍ଷୀଵ॑ନ୍ତଂ॒-ଯଁ ଔ॑ଶି॒ଜମ୍ ।
ଶରୀ॑ରଂ-ଯଁଜ୍ଞଶମ॒ଲ-ଙ୍କୁସୀ॑ଦ॒-ନ୍ତସ୍ମି᳚-ନ୍ଥ୍ସୀଦତୁ॒ ଯୋ᳚-ଽସ୍ମା-ନ୍ଦ୍ଵେଷ୍ଟି॑ ।
ଚର॑ଣ-ମ୍ପ॒ଵିତ୍ରଂ॒-ଵିଁତ॑ତ-ମ୍ପୁରା॒ଣଂ-ଯେଁନ॑ ପୂ॒ତ-ସ୍ତର॑ତି ଦୁଷ୍କୃ॒ତାନି॑ ।
ତେନ॑ ପ॒ଵିତ୍ରେ॑ଣ ଶୁ॒ଦ୍ଧେନ॑ ପୂ॒ତା ଅତି॑ ପା॒ପ୍ମାନ॒-ମରା॑ତି-ନ୍ତରେମ ।
ସ॒ଜୋଷା॑ ଇନ୍ଦ୍ର॒ ସଗ॑ଣୋ ମ॒ରୁଦ୍ଭି॒-ସ୍ସୋମ॑-ମ୍ପିବ ଵୃତ୍ରହଞ୍ଛୂର ଵି॒ଦ୍ଵାନ୍ ।
ଜ॒ହି ଶତ୍ରୂ॒ଗ୍ଂ॒ ରପ॒ ମୃଧୋ॑ ନୁଦ॒ସ୍ଵାଥାଭ॑ଯ-ଙ୍କୃଣୁହି ଵି॒ଶ୍ଵତୋ॑ ନଃ ।
ସୁ॒ମି॒ତ୍ରା ନ॒ ଆପ॒ ଓଷ॑ଧଯ-ସ୍ସନ୍ତୁ ଦୁର୍ମି॒ତ୍ରାସ୍ତସ୍ମୈ॑ ଭୂଯାସୁ॒-ର୍ଯା᳚-ଽସ୍ମା-ନ୍ଦ୍ଵେଷ୍ଟି॒ ଯଞ୍ଚ॑ ଵ॒ଯ-ନ୍ଦ୍ଵି॒ଷ୍ମଃ । 1.53 (ତୈ. ଅର. 6.1.11)
ଆପୋ॒ ହିଷ୍ଠା ମ॑ଯୋ॒ ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ଯ॒ ଚକ୍ଷ॑ସେ ।
ଯୋ ଵଃ॑ ଶି॒ଵତ॑ମୋ॒ ରସ॒-ସ୍ତସ୍ଯ॑ ଭାଜଯତେ॒ ହ ନଃ॑ ।
ଉ॒ଶ॒ତୀ-ରି॑ଵ ମା॒ତରଃ॑ ।
ତସ୍ମା॒ ଅର॑ଙ୍ଗମାମଵୋ॒ ଯସ୍ଯ॒ କ୍ଷଯା॑ଯ॒ ଜିନ୍ଵ॑ଥ ।
ଆପୋ॑ ଜ॒ନଯ॑ଥା ଚ ନଃ ॥ 1.54 (ତୈ. ଅର. 6.1.12)
ଅଘମର୍ଷଣ ସୂକ୍ତମ୍ (4.6)
ହିର॑ଣ୍ଯଶୃଙ୍ଗଂ॒-ଵଁରୁ॑ଣ॒-ମ୍ପ୍ରପ॑ଦ୍ଯେ ତୀ॒ର୍ଥ-ମ୍ମେ॑ ଦେହି॒ ଯାଚି॑ତଃ ।
ଯ॒ନ୍ମଯା॑ ଭୁ॒କ୍ତ-ମ॒ସାଧୂ॑ନା-ମ୍ପା॒ପେଭ୍ଯ॑ଶ୍ଚ ପ୍ର॒ତିଗ୍ର॑ହଃ ।
ଯନ୍ମେ॒ ମନ॑ସା ଵା॒ଚା॒ କ॒ର୍ମ॒ଣା ଵା ଦୁ॑ଷ୍କୃତ॒-ଙ୍କୃତମ୍ ।
ତନ୍ନ॒ ଇନ୍ଦ୍ରୋ॒ ଵରୁ॑ଣୋ॒ ବୃହ॒ସ୍ପତିଃ॑ ସଵି॒ତା ଚ॑ ପୁନନ୍ତୁ॒ ପୁନଃ॑ ପୁନଃ ।
ନମୋ॒-ଽଗ୍ନଯେ᳚-ଽଫ୍ସୁ॒ମତେ॒ ନମ॒ ଇନ୍ଦ୍ରା॑ଯ॒ ନମୋ॒ ଵରୁ॑ଣାଯ॒ ନମୋ ଵାରୁଣ୍ଯୈ॑ ନମୋ॒-ଽଦ୍ଭ୍ଯଃ ॥ 1.57
ଯଦ॒ପା-ଙ୍କ୍ରୂ॒ରଂ-ଯଁଦ॑ମେ॒ଦ୍ଧ୍ଯଂ-ଯଁଦ॑ଶା॒ନ୍ତ-ନ୍ତଦପ॑ଗଚ୍ଛତାତ୍ ।
ଅ॒ତ୍ଯା॒ଶ॒ନା-ଦ॑ତୀପା॒ନା॒-ଦ୍ଯ॒ଚ୍ଚ ଉ॒ଗ୍ରା-ତ୍ପ୍ର॑ତି॒ଗ୍ରହା᳚ତ୍ ।
ତନ୍ନୋ॒ ଵରୁ॑ଣୋ ରା॒ଜା॒ ପା॒ଣିନା᳚ ହ୍ଯଵ॒ମର୍ଶ॑ତୁ ।
ସୋ॑-ଽହମ॑ପା॒ପୋ ଵି॒ରଜୋ॒ ନିର୍ମୁ॒କ୍ତୋ ମୁ॑କ୍ତକି॒ଲ୍ବିଷଃ ।
ନାକ॑ସ୍ଯ ପୃ॒ଷ୍ଠମାରୁ॑ହ୍ଯ॒ ଗଚ୍ଛେ॒-ଦ୍ବ୍ରହ୍ମ॑ସଲୋ॒କତାମ୍ ।
ଯଶ୍ଚା॒॑ଫ୍ସୁ ଵରୁ॑ଣ॒-ସ୍ସ ପୁ॒ନାତ୍ଵ॑ଘମର୍ଷ॒ଣଃ ।
ଇ॒ମ-ମ୍ମେ॑ ଗଙ୍ଗେ ଯମୁନେ ସରସ୍ଵତି॒ ଶୁତୁ॑ଦ୍ରି॒ ସ୍ତୋମଗ୍ଂ॑ ସଚତା॒ ପରୁ॒ଷ୍ଣିଯା ।
ଅ॒ସି॒କ୍ନି॒ଯା ମ॑ରୁଦ୍ଵୃଧେ ଵି॒ତସ୍ତ॒ଯା-ଽଽର୍ଜୀ॑କୀଯେ ଶୃଣୁ॒ହ୍ଯା ସୁ॒ଷୋମ॑ଯା ।
ଋ॒ତଞ୍ଚ॑ ସ॒ତ୍ଯଞ୍ଚା॒-ଭୀ᳚ଦ୍ଧା॒ ତ୍ତପ॒ସୋ-ଽଦ୍ଧ୍ଯ॑ଜାଯତ ।
ତତୋ॒ ରାତ୍ରି॑-ରଜାଯତ॒ ତତଃ॑ ସମୁ॒ଦ୍ରୋ ଅ॑ର୍ଣ॒ଵଃ ॥ 1.63 (ତୈ. ଅର. 6.1.13)
ସ॒ମୁ॒ଦ୍ରା-ଦ॑ର୍ଣ॒ଵା-ଦଧି॑ ସଂଵଁଥ୍ସ॒ରୋ ଅ॑ଜାଯତ ।
ଅ॒ହୋ॒ରା॒ତ୍ରାଣି॑ ଵି॒ଦଧ॒-ଦ୍(ମି॒ଦଧ॒ଦ୍) ଵିଶ୍ଵ॑ସ୍ଯ ମିଷ॒ତୋ ଵ॒ଶୀ ।
ଊ॒ର୍ଯା॒ଚ॒ନ୍ଦ୍ର॒ମସୌ॑ ଧା॒ତା ଯ॑ଥା ପୂ॒ର୍ଵ ମ॑କଲ୍ପଯତ୍ ।
ଦିଵ॑ଞ୍ଚ ପୃଥି॒ଵୀ-ଞ୍ଚା॒ନ୍ତରି॑କ୍ଷ॒ ମଥୋ॒ ସୁଵଃ॑ ।
ଯ-ତ୍ପୃ॑ଥି॒ଵ୍ଯାଗ୍ଂ ରଜ॑ସ୍ସ୍ଵ॒ ମାନ୍ତରି॑କ୍ଷେ ଵି॒ରୋଦ॑ସୀ ।
ଇ॒ମାଗ୍ ସ୍ତଦା॒ପୋ ଵ॑ରୁଣଃ ପୁ॒ନାତ୍ଵ॑ଘମର୍ଷ॒ଣଃ ।
ପୁ॒ନନ୍ତୁ॒ ଵସ॑ଵଃ ପୁ॒ନାତୁ॒ ଵରୁ॑ଣଃ ପୁ॒ନାତ୍ଵ॑ଘମର୍ଷ॒ଣଃ ।
ଏ॒ଷ ଭୂ॒ତସ୍ଯ॑ ମ॒ଦ୍ଧ୍ଯେ ଭୁଵ॑ନସ୍ଯ ଗୋ॒ପ୍ତା ।
ଏ॒ଷ ପୁ॒ଣ୍ଯକୃ॑ତାଂ-ଲୋଁ॒କା॒ନେ॒ଷ ମୃ॒ତ୍ଯୋର୍-ହି॑ର॒ଣ୍ମଯ᳚ମ୍ ।
ଦ୍ଯାଵା॑ପୃଥି॒ଵ୍ଯୋର୍-ହି॑ର॒ଣ୍ମଯ॒ଗ୍ଂ॒ ସଗ୍ଗ୍ଶ୍ରି॑ତ॒ଗ୍ଂ॒ ସୁଵଃ॑ । 1.66 (ତୈ. ଅର. 6.1.14)
ସ ନ॒-ସ୍ସୁଵ॒-ସ୍ସଗ୍ଂ ଶି॑ଶାଧି ।
ଆର୍ଦ୍ର॒-ଞ୍ଜ୍ଵଲ॑ତି॒ ଜ୍ଯୋତି॑-ର॒ହମ॑ସ୍ମି ।
ଜ୍ଯୋତି॒-ର୍ଜ୍ଵଲ॑ତି॒ ବ୍ରହ୍ମା॒ହମ॑ସ୍ମି ।
ଯୋ॑-ଽହମ॑ସ୍ମି॒ ବ୍ରହ୍ମା॒ହମ॑ସ୍ମି ।
ଅ॒ହମ॑ସ୍ମି॒ ବ୍ରହ୍ମା॒ହମ॑ସ୍ମି ।
ଅ॒ହମେ॒ଵାହ-ମ୍ମା-ଞ୍ଜୁ॑ହୋମି॒ ସ୍ଵାହା᳚ ।
ଅ॒କା॒ର୍ଯ॒-କା॒ର୍ଯ॑ଵ କୀ॒ର୍ଣୀ ସ୍ତେ॒ନୋ ଭ୍ରୂ॑ଣ॒ହା ଗୁ॑ରୁତ॒ଲ୍ପଗଃ ।
ଵରୁ॑ଣୋ॒-ଽପାମ॑ଘମର୍ଷ॒ଣ-ସ୍ତସ୍ମା᳚-ତ୍ପା॒ପା-ତ୍ପ୍ରମୁ॑ଚ୍ଯତେ ।
ର॒ଜୋଭୂମି॑ସ୍ତ୍ଵ॒ମାଗ୍ଂ ରୋଦ॑ଯସ୍ଵ॒ ପ୍ରଵ॑ଦନ୍ତି॒ ଧୀରାଃ᳚ ।
ଆକ୍ରା᳚ନ୍-ଥ୍ସମୁ॒ଦ୍ରଃ ପ୍ର॑ଥ॒ମେ ଵିଧ॑ର୍ମ-ଞ୍ଜ॒ନଯ॑-ନ୍ପ୍ର॒ଜା ଭୁଵ॑ନସ୍ଯ॒ ରାଜା᳚ ।
ଵୃଷା॑ ପ॒ଵିତ୍ରେ॒ ଅଧି॒ସାନୋ॒ ଅଵ୍ଯେ॑ ବୃ॒ହ-ଥ୍ସୋମୋ॑ ଵାଵୃଧେ ସୁଵା॒ନ ଇନ୍ଦୁଃ॑ ॥ 1.70
(ପୁର॑ସ୍ତା॒--ଦ୍ଯଶୋ॒ - ଗୁହା॑ସୁ॒ - ମମ॑ - ଚକ୍ରତୁ॒ଣ୍ଡାଯ॑ ଧୀମହି - ତୀକ୍ଷଦ॒ଗ୍ଗ୍॒ଷ୍ଠ୍ରାଯ॑ ଧୀମହି॒ - ପରି॑ - ପ୍ର॒ତିଷ୍ଠି॑ତଂ - ଦେଭୁ--ର୍ ଯଚ୍ଛତୁ - ଦଧାତନା॒- ଦ୍ଭ୍ଯୋ᳚ - ଽର୍ଣ॒ଵଃ - ସୁଵୋ॒ - ରାଜୈକ॑-ଞ୍ଚ) (ଆ1)
ଦୁର୍ଗା ସୂକ୍ତମ୍ (4.7)
ଜା॒ତଵେ॑ଦସେ ସୁନଵାମ॒ ସୋମ॑-ମରାତୀଯ॒ତୋ ନିଦ॑ହାତି॒ ଵେଦଃ॑ ।
ସ ନଃ॑ ପର୍ଷ॒ଦତି॑ ଦୁ॒ର୍ଗାଣି॒ ଵିଶ୍ଵା॑ ନା॒ଵେଵ॒ ସିନ୍ଧୁ॑-ନ୍ଦୁରି॒ତା-ଽତ୍ଯ॒ଗ୍ନିଃ ।
ତାମ॒ଗ୍ନିଵ॑ର୍ଣା॒-ନ୍ତପ॑ସା ଜ୍ଵଲ॒ନ୍ତୀଂ-ଵୈଁ॑ରୋଚ॒ନୀ-ଙ୍କ॑ର୍ମଫ॒ଲେଷୁ॒ ଜୁଷ୍ଟା᳚ମ୍ ।
ଦୁ॒ର୍ଗା-ନ୍ଦେ॒ଵୀଗ୍ଂ ଶର॑ଣମ॒ହ-ମ୍ପ୍ରପ॑ଦ୍ଯେ ସୁ॒ତର॑ସି ତରସେ॒ ନମଃ॑ ।
ଅଗ୍ନେ॒ ତ୍ଵ-ମ୍ପା॑ରଯା॒ ନଵ୍ଯୋ॑ ଅ॒ସ୍ମାନ୍-ଥ୍ସ୍ଵ॒ସ୍ତି-ଭି॒ରତି॑ ଦୁ॒ର୍ଗାଣି॒ ଵିଶ୍ଵା᳚ ।
ପୂଶ୍ଚ॑ ପୃ॒ଥ୍ଵୀ ବ॑ହୁ॒ଲା ନ॑ ଉ॒ର୍ଵୀ ଭଵା॑ ତୋ॒କାଯ॒ ତନ॑ଯାଯ॒ ଶଂଯୋଁଃ ।
ଵିଶ୍ଵା॑ନି ନୋ ଦୁ॒ର୍ଗହା॑ ଜାତଵେଦ॒-ସ୍ସିନ୍ଧୁ॒-ନ୍ନ ନା॒ଵା ଦୁ॑ରି॒ତା-ଽତି॑ପର୍ଷି ।
ଅଗ୍ନେ॑ ଅତ୍ରି॒ଵ-ନ୍ମନ॑ସା ଗୃଣା॒ନୋ᳚-ଽସ୍ମାକ॑-ମ୍ବୋଦ୍ଧ୍ଯଵି॒ତା ତ॒ନୂନା᳚ମ୍ ।
ପୃ॒ତ॒ନା॒ଜିତ॒ଗ୍ଂ॒ ସହ॑ମାନ-ମୁ॒ଗ୍ରମ॒ଗ୍ନିଗ୍ଂ ହୁ॑ଵେମ ପର॒ମା-ଥ୍ସ॒ଧସ୍ଥା᳚ତ୍ ।
ସ ନଃ॑ ପର୍ଷ॒ଦତି॑ ଦୁ॒ର୍ଗାଣି॒ ଵିଶ୍ଵା॒ କ୍ଷାମ॑ଦ୍ଦେ॒ଵୋ ଅତି॑ ଦୁରି॒ତା-ଽତ୍ଯ॒ଗ୍ନିଃ ।
ପ୍ର॒ତ୍ନୋଷି॑-କ॒ମୀଡ୍ଯୋ॑ ଅଦ୍ଧ୍ଵ॒ରେଷୁ॑ ସ॒ନାଚ୍ଚ॒ ହୋତା॒ ନଵ୍ଯ॑ଶ୍ଚ॒ ସଥ୍ସି॑ ।
ସ୍ଵାଞ୍ଚା᳚ଗ୍ନେ ତ॒ନୁଵ॑-ମ୍ପି॒ପ୍ରଯ॑ସ୍ଵା॒ସ୍ମଭ୍ଯ॑ଞ୍ଚ॒ ସୌଭ॑ଗ॒ମାଯ॑ଜସ୍ଵ ।
ଗୋଭି॒-ର୍ଜୁଷ୍ଟ॑ମ॒ଯୁଜୋ॒ ନିଷି॑କ୍ତ॒-ନ୍ତଵେ᳚ନ୍ଦ୍ର ଵିଷ୍ଣୋ॒-ରନୁ॒ସଞ୍ଚ॑ରେମ ।
ନାକ॑ସ୍ଯ ପୃ॒ଷ୍ଠମ॒ଭି ସଂ॒ଵଁସା॑ନୋ॒ ଵୈଷ୍ଣ॑ଵୀଂ-ଲୋଁ॒କ ଇ॒ହ ମା॑ଦଯନ୍ତାମ୍ ॥ 2.7 (ଦୁ॒ରି॒ତା-ଽତ୍ଯ॒ଗ୍ନିଶ୍ଚ॒ତ୍ଵାରି॑ ଚ) (ତୈ. ଅର. 6.2.1)
ଵ୍ଯାହୃତି ହୋମ ମନ୍ତ୍ରାଃ (4.8)
ଭୂ-ରନ୍ନ॑-ମ॒ଗ୍ନଯେ॑ ପୃଥି॒ଵ୍ଯୈ ସ୍ଵାହା॒, ଭୁଵୋ-ଽନ୍ନଂ॑-ଵାଁ॒ଯଵେ॒-ଽନ୍ତରି॑କ୍ଷାଯ॒ ସ୍ଵାହା॒, ସୁଵ॒ରନ୍ନ॑-ମାଦି॒ତ୍ଯାଯ॑ ଦି॒ଵେ ସ୍ଵାହା॒, ଭୂର୍ଭୁଵ॒ସ୍ସୁଵ॒-ରନ୍ନ॑-ଞ୍ଚ॒ନ୍ଦ୍ରମ॑ସେ ଦି॒ଗ୍ଭ୍ଯ-ସ୍ସ୍ଵାହା॒, ନମୋ॑ ଦେ॒ଵେଭ୍ଯଃ॑ ସ୍ଵ॒ଧା ପି॒ତୃଭ୍ଯୋ॒ ଭୂର୍ଭୁଵ॒ସ୍ସୁଵ॒-ରନ୍ନ॒ମୋମ୍ ॥ 3.1 (ତୈ. ଅର. 6.3.1)
ଭୂ-ର॒ଗ୍ନଯେ॑ ପୃଥି॒ଵ୍ଯୈ ସ୍ଵାହା॒, ଭୁଵୋ॑ ଵା॒ଯଵେ॒-ଽନ୍ତରି॑କ୍ଷାଯ॒ ସ୍ଵାହା॒ ,
ସୁଵ॑ରାଦି॒ତ୍ଯାଯ॑ ଦି॒ଵେ ସ୍ଵାହା॒, ଭୂ-ର୍ଭୁଵ॒ସ୍ସୁଵ॑-ଶ୍ଚ॒ନ୍ଦ୍ରମ॑ସେ ଦି॒ଗ୍ଭ୍ଯ-ସ୍ସ୍ଵାହା॒,
ନମୋ॑ ଦେ॒ଵେଭ୍ଯଃ॑ ସ୍ଵ॒ଧା ପି॒ତୃଭ୍ଯୋ॒ ଭୂର୍ଭୁଵ॒ସ୍ସୁଵ॒-ରଗ୍ନ॒ ଓମ୍ ॥ 4.1
ଭୂ-ର॒ଗ୍ନଯେ॑ ଚ ପୃଥି॒ଵ୍ଯୈ ଚ॑ ମହ॒ତେ ଚ॒ ସ୍ଵାହା॒,
ଭୁଵୋ॑ ଵା॒ଯଵେ॑ ଚା॒ନ୍ତରି॑କ୍ଷାଯ ଚ ମହ॒ତେ ଚ॒ ସ୍ଵାହା॒,
ସୁଵ॑ରାଦି॒ତ୍ଯାଯ॑ ଚ ଦି॒ଵେ ଚ॑ ମହ॒ତେ ଚ॒ ସ୍ଵାହା॒,
ଭୂ-ର୍ଭୁଵ॒ସ୍ସୁଵ॑-ଶ୍ଚ॒ନ୍ଦ୍ରମ॑ସେ ଚ॒ ନକ୍ଷ॑ତ୍ରେଭ୍ଯଶ୍ଚ ଦି॒ଗ୍ଭ୍ଯଶ୍ଚ॑ ମହ॒ତେ ଚ॒ ସ୍ଵାହା॒,
ନମୋ॑ ଦେ॒ଵେଭ୍ଯଃ॑ ସ୍ଵ॒ଧା ପି॒ତୃଭ୍ଯୋ॒ ଭୂର୍ଭୁଵ॒ସ୍ସୁଵ॒-ର୍ମହ॒ରୋମ୍ ॥ 5.1 (ତୈ. ଅର. 6.4.1)
ଜ୍ଞାନପ୍ରାପ୍ତ୍ଯର୍ଥା ହୋମମନ୍ତ୍ରାଃ (4.9)
ପାହି ନୋ ଅଗ୍ନ ଏନ॑ସେ ସ୍ଵା॒ହା ।
ପାହି ନୋ ଵିଶ୍ଵଵେଦ॑ସେ ସ୍ଵା॒ହା ।
ଯଜ୍ଞ-ମ୍ପାହି ଵିଭାଵ॑ସୋ ସ୍ଵା॒ହା ।
ସର୍ଵ-ମ୍ପାହି ଶତକ୍ର॑ତୋ ସ୍ଵା॒ହା ॥ 6.1 (ତୈ. ଅର. 6.7.1)
ପା॒ହି ନୋ॑ ଅଗ୍ନ॒ ଏକ॑ଯା ।
ପା॒ହ୍ଯୁ॑ତ ଦ୍ଵି॒ତୀଯ॑ଯା ।
ପା॒ହ୍ଯୂର୍ଜ॑-ନ୍ତୃ॒ତୀଯ॑ଯା ।
ପା॒ହି ଗୀ॒ର୍ଭି-ଶ୍ଚ॑ତ॒ସୃଭି॑-ର୍ଵସୋ॒ ସ୍ଵାହା᳚ ॥ 7.1 (ତୈ. ଅର. 6.6.1)
ଵେଦାଵିସ୍ମରଣାଯ ଜପମନ୍ତ୍ରାଃ (4.10)
ଯ-ଶ୍ଛନ୍ଦ॑ସା-ମୃଷ॒ଭୋ ଵି॒ଶ୍ଵରୂ॑ପ॒-ଶ୍ଛନ୍ଦୋ᳚ଭ୍ଯ॒-ଶ୍ଛନ୍ଦାଗ୍॑ସ୍ଯା ଵି॒ଵେଶ॑ ।
ସଚାଗ୍ଂ ଶିକ୍ଯଃ ପୁରୋ ଵାଚୋ॑ପନି॒ଷ-ଦିନ୍ଦ୍ରୋ᳚ ଜ୍ଯେ॒ଷ୍ଠ ଇ॑ନ୍ଦ୍ରି॒ଯାଯ॒ ଋଷି॑ଭ୍ଯୋ॒ ନମୋ॑ ଦେ॒ଵେଭ୍ଯଃ॑ ସ୍ଵ॒ଧା ପି॒ତୃଭ୍ଯୋ॒ ଭୂର୍ଭୁଵ॒ସ୍ସୁଵ॒-ଶ୍ଛନ୍ଦ॒ ଓମ୍ ॥ 8.1 (ତୈ. ଅର. 6.8.1)
ନମୋ॒ ବ୍ରହ୍ମ॑ଣେ ଧା॒ରଣ॑-ମ୍ମେ ଅ॒ସ୍ତ୍ଵ-ନି॑ରାକରଣଂ-ଧା॒ରଯି॑ତା ଭୂଯାସ॒-ଙ୍କର୍ଣ॑ଯୋ-ଶ୍ଶ୍ରୁ॒ତ-ମ୍ମାଚ୍ଯୋ᳚ଢ୍ଵ॒-ମ୍ମମା॒ମୁଷ୍ଯ॒ ଓମ୍ ॥ 9.1 (ତୈ. ଅର. 6.9.1)
ତପଃ ପ୍ରଶଂସା (4.11)
ଋ॒ତ-ନ୍ତପଃ॑ ସ॒ତ୍ଯ-ନ୍ତପଃ॑ ଶ୍ରୁ॒ତ-ନ୍ତପଃ॑ ଶା॒ନ୍ତ-ନ୍ତପୋ॒ ଦମ॒ ସ୍ତପ॒-ଶ୍ଶମ॒ସ୍ତପୋ॒ ଦାନ॒-ନ୍ତପୋ॒ ଯଜ୍ଞ॒-ନ୍ତପୋ॒ ଭୂର୍ଭୁଵ॒ସ୍ସୁଵ॒-ର୍ବ୍ରହ୍ମୈ॒-ତଦୁପା᳚ସ୍ଯୈ॒-ତତ୍ତପଃ॑ ॥ 10.1 (ତୈ. ଅର. 6.10.1)
ଵିହିତାଚରଣ ପ୍ରଶଂସା ନିଷିଦ୍ଧାଚରଣ ନିନ୍ଦା ଚ (4.12)
ଯଥା॑ ଵୃ॒କ୍ଷସ୍ଯ॑ ସ॒ପୁଂଷ୍ପି॑ତସ୍ଯ ଦୂ॒ରା-ଦ୍ଗ॒ନ୍ଧୋ ଵା᳚ତ୍ଯେ॒ଵ-ମ୍ପୁଣ୍ଯ॑ସ୍ଯ କ॒ର୍ମଣୋ॑ ଦୂ॒ରା-ଦ୍ଗ॒ନ୍ଧୋ ଵା॑ତି॒ ଯଥା॑-ଽସିଧା॒ରା-ଙ୍କ॒ର୍ତେ-ଽଵ॑ହିତା-ମଵ॒କ୍ରାମେ॒ ଯଦ୍ଯୁଵେ॒ ଯୁଵେ॒ ହଵା॑ ଵି॒ହ୍ଵଯି॑ଷ୍ଯାମି କ॒ର୍ତ-ମ୍ପ॑ତିଷ୍ଯା॒ମୀତ୍ଯେ॒ଵ-ମ॒ମୃତା॑-ଦା॒ତ୍ମାନ॑-ଞ୍ଜୁ॒ଗୁଫ୍ସେ᳚ତ୍ ॥ 11.1 (ତୈ. ଅର. 6.11.1)
ଦହର ଵିଦ୍ଯା (4.13)
ଅ॒ଣୋ-ରଣୀ॑ଯା-ନ୍ମହ॒ତୋ ମହୀ॑ଯା-ନା॒ତ୍ମା ଗୁହା॑ଯା॒-ନ୍ନିହି॑ତୋ-ଽସ୍ଯ ଜ॒ନ୍ତୋଃ ।
ତମ॑କ୍ରତୁ-ମ୍ପଶ୍ଯତି ଵୀତଶୋ॒କୋ ଧା॒ତୁଃ ପ୍ର॒ସାଦା᳚-ନ୍ମହି॒ମାନ॑ମୀଶମ୍ ।
ସ॒ପ୍ତ ପ୍ରା॒ଣାଃ ପ୍ର॒ଭଵ॑ନ୍ତି॒ ତସ୍ମା᳚-ଥ୍ସ॒ପ୍ତାର୍ଚିଷଃ॑ ସ॒ମିଧଃ॑ ସ॒ପ୍ତ ଜି॒ହ୍ଵାଃ ।
ସ॒ପ୍ତ ଇ॒ମେ ଲୋ॒କା ଯେଷୁ॒ ଚର॑ନ୍ତି ପ୍ରା॒ଣା ଗୁ॒ହାଶ॑ଯା॒-ନ୍ନିହି॑ତା-ସ୍ସ॒ପ୍ତ ସ॑ପ୍ତ ।
ଅତଃ॑ ସମୁ॒ଦ୍ରା ଗି॒ରଯ॑ଶ୍ଚ॒ ସର୍ଵେ॒-ଽସ୍ମା-ଥ୍ସ୍ଯନ୍ଦ॑ନ୍ତେ॒ ସିନ୍ଧ॑ଵ॒-ସ୍ସର୍ଵ॑ରୂପାଃ ।
ଅତ॑ଶ୍ଚ॒ ଵିଶ୍ଵା॒ ଓଷ॑ଧଯୋ॒ ରସା᳚ଚ୍ଚ॒ ଯେନୈ॑ଷ ଭୂ॒ତ-ସ୍ତି॑ଷ୍ଠତ୍ଯନ୍ତରା॒ତ୍ମା ।
ବ୍ର॒ହ୍ମା ଦେ॒ଵାନା᳚-ମ୍ପଦ॒ଵୀଃ କ॑ଵୀ॒ନା-ମୃଷି॒-ର୍ଵିପ୍ରା॑ଣା-ମ୍ମହି॒ଷୋ ମୃ॒ଗାଣା᳚ମ୍ ।
ଶ୍ଯେ॒ନୋ ଗୃଧ୍ରା॑ଣା॒ଗ୍॒ ସ୍ଵଧି॑ତି॒-ର୍ଵନା॑ନା॒ଗ୍ଂ॒ ସୋମଃ॑ ପ॒ଵିତ୍ର॒ ମତ୍ଯେ॑ତି॒ ରେଭନ୍ନ୍॑ ।
ଅ॒ଜା ମେକାଂ॒-ଲୋଁହି॑ତ-ଶୁକ୍ଲ-କୃ॒ଷ୍ଣା-ମ୍ବ॒ହ୍ଵୀ-ମ୍ପ୍ର॒ଜା-ଞ୍ଜ॒ନଯ॑ନ୍ତୀ॒ଗ୍ଂ॒ ସରୂ॑ପାମ୍ ।
ଅ॒ଜୋ ହ୍ଯେକୋ॑ ଜୁ॒ଷମା॑ଣୋ-ଽନୁ॒ଶେତେ॒ ଜହା᳚ତ୍ଯେନା-ମ୍ଭୁ॒କ୍ତ-ଭୋ॑ଗା॒ମଜୋ᳚-ଽନ୍ଯଃ ॥ 12.5 (ତୈ. ଅର. 6.12.1)
ହ॒ଗ୍ଂ॒ସ-ଶ୍ଶୁ॑ଚି॒ଷ-ଦ୍ଵସୁ॑-ରନ୍ତରିକ୍ଷ॒-ସଦ୍ଧୋତା॑ ଵେଦି॒ଷ-ଦତି॑ଥି-ର୍ଦୁରୋଣ॒ସତ୍ ।
ନୃ॒ଷ-ଦ୍ଵ॑ର॒ସ-ଦୃ॑ତ॒ସ-ଦ୍ଵ୍ଯୋ॑ମ॒ସ-ଦ॒ବ୍ଜା ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତ-ମ୍ବୃ॒ହତ୍ ।
ଘୃ॒ତ-ମ୍ମି॑ମିକ୍ଷିରେ ଘୃ॒ତମ॑ସ୍ଯ॒ ଯୋନି॑-ର୍ଘୃ॒ତେ ଶ୍ରି॒ତୋ ଘୃ॒ତମୁ॑ଵସ୍ଯ॒ ଧାମ॑ ।
ଅ॒ନୁ॒ଷ୍ଵ॒ଧମାଵ॑ହ ମା॒ଦଯ॑ସ୍ଵ॒ ସ୍ଵାହା॑ କୃତଂ-ଵୃଁଷଭ ଵକ୍ଷି ହ॒ଵ୍ଯମ୍ ।
ସ॒ମୁ॒ଦ୍ରା ଦୂ॒ର୍ମି-ର୍ମଧୁ॑ମା॒ଗ୍ଂ॒ ଉଦା॑ର-ଦୁପା॒ଗ୍ଂ॒ଶୁନା॒ ସମ॑ମୃତ॒ତ୍ଵ ମା॑ନଟ୍ ।
ଘୃ॒ତସ୍ଯ॒ ନାମ॒ ଗୁହ୍ଯଂ॒-ଯଁଦସ୍ତି॑ ଜି॒ହ୍ଵା ଦେ॒ଵାନା॑-ମ॒ମୃତ॑ସ୍ଯ॒ ନାଭିଃ॑ ।
ଵ॒ଯ-ନ୍ନାମ॒ ପ୍ରବ୍ର॑ଵାମା ଘୃ॒ତେନା॒ସ୍ମିନ୍. ଯ॒ଜ୍ଞେ ଧା॑ରଯାମା॒ ନମୋ॑ଭିଃ ।
ଉପ॑ ବ୍ର॒ହ୍ମା ଶୃ॑ଣଵଚ୍ଛ॒ସ୍ଯମା॑ନ॒-ଞ୍ଚତୁଃ॑ ଶୃଙ୍ଗୋ ଽଵମୀ-ଦ୍ଗୌ॒ର ଏ॒ତତ୍ ।
ଚ॒ତ୍ଵାରି॒ ଶୃଙ୍ଗା॒ ତ୍ରଯୋ॑ ଅସ୍ଯ॒ ପାଦା॒ ଦ୍ଵେ ଶୀ॒ର॒.ଷେ ସ॒ପ୍ତ ହସ୍ତା॑ସୋ ଅ॒ସ୍ଯ ।
ତ୍ରିଧା॑ ବ॒ଦ୍ଧୋ ଵୃ॑ଷ॒ଭୋ ରୋ॑ରଵୀତି ମ॒ହୋ ଦେ॒ଵୋ ମର୍ତ୍ଯା॒ଗ୍ଂ॒ ଆଵି॑ଵେଶ ॥ 12.10 (ତୈ. ଅର. 6.12.2)
ତ୍ରିଧା॑ ହି॒ତ-ମ୍ପ॒ଣିଭି॑-ର୍ଗୁ॒ହ୍ଯମା॑ନ॒-ଙ୍ଗଵି॑-ଦେ॒ଵାସୋ॑ ଘୃ॒ତମନ୍ଵ॑ଵିନ୍ଦନ୍ନ୍ ।
ଇନ୍ଦ୍ର॒ ଏକ॒ଗ୍ଂ॒ ସୂର୍ଯ॒ ଏକ॑-ଞ୍ଜଜାନ ଵେ॒ନା ଦେକଗ୍ଗ୍॑ ସ୍ଵ॒ଧଯା॒ ନିଷ୍ଟ॑ତକ୍ଷୁଃ ।
ଯୋ ଦେ॒ଵାନା᳚-ମ୍ପ୍ରଥ॒ମ-ମ୍ପୁ॒ରସ୍ତା॒-ଦ୍ଵିଶ୍ଵା॒ଧିଯୋ॑ ରୁ॒ଦ୍ରୋ ମ॒ହର୍ଷିଃ॑ ।
ହି॒ର॒ଣ୍ଯ॒ଗ॒ର୍ଭ-ମ୍ପ॑ଶ୍ଯତ॒ ଜାଯ॑ମାନ॒ଗ୍ଂ॒ ସନୋ॑ ଦେ॒ଵ-ଶ୍ଶୁ॒ଭଯା॒ ସ୍ମୃତ୍ଯା॒ ସଂଯୁଁ॑ନକ୍ତୁ ।
ଯସ୍ମା॒ତ୍ପର॒-ନ୍ନାପ॑ର॒ ମସ୍ତି॒ କିଞ୍ଚି॒ଦ୍ଯସ୍ମା॒-ନ୍ନାଣୀ॑ଯୋ॒ ନ ଜ୍ଯାଯୋ᳚-ଽସ୍ତି॒ କଶ୍ଚି॑ତ୍ ।
ଵୃ॒କ୍ଷ ଇ॑ଵ ସ୍ତବ୍ଧୋ ଦି॒ଵି ତି॑ଷ୍ଠ॒-ତ୍ଯେକ॒ସ୍ତେନେ॒ଦ-ମ୍ପୂ॒ର୍ଣ-ମ୍ପୁରୁ॑ଷେଣ॒ ସର୍ଵ᳚ମ୍ ॥ 12.13
(ସନ୍ଯାସ ସୂକ୍ତମ୍)
ନ କର୍ମ॑ଣା ନ ପ୍ର॒ଜଯା॒ ଧନେ॑ନ॒ ତ୍ଯାଗେ॑ନୈକେ ଅମୃତ॒ତ୍ଵ-ମା॑ନ॒ଶୁଃ ।
ପରେ॑ଣ॒ ନାକ॒-ନ୍ନିହି॑ତ॒-ଙ୍ଗୁହା॑ଯାଂ-ଵିଁ॒ଭ୍ରାଜ॑ଦେ॒ତ-ଦ୍ଯତ॑ଯୋ ଵି॒ଶନ୍ତି॑ ॥
ଵେ॒ଦା॒ନ୍ତ॒ ଵି॒ଜ୍ଞାନ॒-ସୁନି॑ଶ୍ଚିତା॒ର୍ଥା-ସ୍ସନ୍ଯା॑ସ ଯୋ॒ଗାଦ୍ଯତ॑ଯ-ଶ୍ଶୁଦ୍ଧ॒ ସତ୍ତ୍ଵାଃ᳚ ।
ତେ ବ୍ର॑ହ୍ମଲୋ॒କେ ତୁ॒ ପରା᳚ନ୍ତକାଲେ॒ ପରା॑ମୃତା॒-ତ୍ପରି॑ମୁଚ୍ଯନ୍ତି॒ ସର୍ଵେ᳚ ।
ଦ॒ହ୍ରଂ॒-ଵିଁ॒ପା॒ପ-ମ୍ପ॒ରମେ᳚ଶ୍ମ ଭୂତଂ॒-ଯଁ-ତ୍ପୁ॑ଣ୍ଡରୀ॒କ-ମ୍ପୁ॒ରମ॑ଦ୍ଧ୍ଯ ସ॒ଗ୍ଗ୍॒ସ୍ଥମ୍ ।
ତ॒ତ୍ରା॒ପି॒ ଦ॒ହ୍ର-ଙ୍ଗ॒ଗନଂ॑-ଵିଁଶୋକ॒-ସ୍ତସ୍ମି॑ନ୍. ଯଦ॒ନ୍ତସ୍ତ-ଦୁପା॑ସିତ॒ଵ୍ଯମ୍ ॥
ଯୋ ଵେଦାଦୌ ସ୍ଵ॑ରଃ ପ୍ରୋ॒କ୍ତୋ॒ ଵେ॒ଦାନ୍ତେ॑ ଚ ପ୍ର॒ତିଷ୍ଠି॑ତଃ ।
ତସ୍ଯ॑ ପ୍ର॒କୃତି॑-ଲୀନ॒ସ୍ଯ॒ ଯଃ॒ ପରଃ॑ ସ॒ ମ॒ହେଶ୍ଵ॑ରଃ ॥ 12.17 (ତୈ. ଅର. 6.12.3)
(ଅଜୋ᳚-ଽନ୍ଯ॒ - ଆଵି॑ଵେଶ॒ - ସର୍ଵେ॑ ଚ॒ତ୍ଵାରି॑ ଚ)
ନାରାଯଣ ସୂକ୍ତଂ (4.14)
ସ॒ହ॒ସ୍ର॒ଶୀର୍ଷ॑-ନ୍ଦେ॒ଵଂ॒-ଵିଁ॒ଶ୍ଵାକ୍ଷଂ॑-ଵିଁ॒ଶ୍ଵ ଶ॑-ମ୍ଭୁଵମ୍ ।
ଵିଶ୍ଵ॑-ନ୍ନା॒ରାଯ॑ଣ-ନ୍ଦେ॒ଵ॒ମ॒କ୍ଷର॑-ମ୍ପର॒ମ-ମ୍ପ॒ଦମ୍ ।
ଵି॒ଶ୍ଵତଃ॒ ପର॑ମାନ୍ନି॒ତ୍ଯଂ॒-ଵିଁ॒ଶ୍ଵ-ନ୍ନା॑ରାଯ॒ଣଗ୍ଂ ହ॑ରିମ୍ ।
ଵିଶ୍ଵ॑ମେ॒ଵେଦ-ମ୍ପୁରୁ॑ଷ॒-ସ୍ତ-ଦ୍ଵିଶ୍ଵ॒ମୁପ॑ଜୀଵତି ।
ପତିଂ॒-ଵିଁଶ୍ଵ॑ସ୍ଯା॒ତ୍ମେଶ୍ଵ॑ର॒ଗ୍ଂ॒ ଶାଶ୍ଵ॑ତଗ୍ଂ ଶି॒ଵମ॑ଚ୍ଯୁତମ୍ ।
ନା॒ରାଯ॒ଣ-ମ୍ମ॑ହାଜ୍ଞେ॒ଯଂ॒-ଵିଁ॒ଶ୍ଵାତ୍ମା॑ନ-ମ୍ପ॒ରାଯ॑ଣମ୍ ।
ନା॒ରାଯ॒ଣ ପ॑ରୋ ଜ୍ଯୋ॒ତି॒ରା॒ତ୍ମା ନା॑ରଯ॒ଣଃ ପ॑ରଃ ।
ନା॒ରାଯ॒ଣ ପ॑ର-ମ୍ବ୍ର॒ହ୍ମ॒ ତ॒ତ୍ତ୍ଵ-ନ୍ନା॑ରାଯ॒ଣଃ ପ॑ରଃ ।
ନା॒ରାଯ॒ଣ ପ॑ରୋ ଧ୍ଯା॒ତା॒ ଧ୍ଯା॒ନ-ନ୍ନା॑ରାଯ॒ଣଃ ପ॑ରଃ ।
ଯଚ୍ଚ॑ କି॒ଞ୍ଚିଜ୍-ଜ॑ଗ-ଥ୍ସ॒ର୍ଵ॒-ନ୍ଦୃ॒ଶ୍ଯତେ᳚ ଶ୍ରୂଯ॒ତେ-ଽପି॑ ଵା । 13.4 (ତୈ. ଅର. 6.13.1)
ଅନ୍ତ॑-ର୍ବ॒ହିଶ୍ଚ॑ ତ-ଥ୍ସ॒ର୍ଵଂ॒-ଵ୍ଯାଁ॒ପ୍ଯ ନା॑ରାଯ॒ଣ-ସ୍ସ୍ଥି॑ତଃ ।
ଅନ॑ନ୍ତ॒ ମଵ୍ଯ॑ଯ-ଙ୍କ॒ଵିଗ୍ଂ ସ॑ମୁ॒ଦ୍ରେ-ଽନ୍ତଂ॑-ଵିଁ॒ଶ୍ଵ ଶ॑ଭୁଂଵଁମ୍ ।
ପ॒ଦ୍ମ॒କୋ॒ଶ-ପ୍ର॑ତୀକା॒ଶ॒ଗ୍ଂ॒ ହୃ॒ଦଯ॑-ଞ୍ଚାପ୍ଯ॒ଧୋମୁ॑ଖମ୍ ।
ଅଧୋ॑ ନି॒ଷ୍ଟ୍ଯା ଵି॑ତସ୍ତ୍ଯା॒ନ୍ତେ॒ ନା॒ଭ୍ଯାମୁ॑ପରି॒ ତିଷ୍ଠ॑ତି ।
ଜ୍ଵା॒ଲ॒ମା॒ଲା କୁ॑ଲ-ମ୍ଭା॒ତୀ॒ ଵି॒ଶ୍ଵସ୍ଯା॑ଯତ॒ନ-ମ୍ମ॑ହତ୍ ।
ସନ୍ତ॑ତଗ୍ଂ ଶି॒ଲାଭି॑ସ୍ତୁ॒ ଲମ୍ବ॑ତ୍ଯା କୋଶ॒ସନ୍ନି॑ଭମ୍ ।
ତସ୍ଯାନ୍ତେ॑ ସୁଷି॒ରଗ୍ଂ ସୂ॒କ୍ଷ୍ମ-ନ୍ତସ୍ମି᳚ନ୍-ଥ୍ସ॒ର୍ଵ-ମ୍ପ୍ରତି॑ଷ୍ଠିତମ୍ ।
ତସ୍ଯ॒ ମଦ୍ଧ୍ଯେ॑ ମ॒ହାନ॑ଗ୍ନି-ର୍ଵି॒ଶ୍ଵାର୍ଚି॑-ର୍ଵି॒ଶ୍ଵତୋ॑ ମୁଖଃ ।
ସୋ-ଽଗ୍ର॑ଭୁ॒ଗ୍ ଵିଭ॑ଜ-ନ୍ତି॒ଷ୍ଠ॒-ନ୍ନାହା॑ର-ମଜ॒ରଃ କ॒ଵିଃ ।
ତି॒ର୍ଯ॒ଗୂ॒ର୍ଧ୍ଵ ମ॑ଧ-ଶ୍ଶା॒ଯୀ॒ ର॒ଶ୍ମଯ॑ସ୍ତସ୍ଯ॒ ସନ୍ତ॑ତା ।
ସ॒ନ୍ତା॒ପଯ॑ତି ସ୍ଵ-ନ୍ଦେ॒ହମାପା॑ଦତଲ॒ ମସ୍ତ॑କଃ ।
ତସ୍ଯ॒ ମଦ୍ଧ୍ଯେ॒ ଵହ୍ନି॑ଶିଖା ଅ॒ଣୀଯୋ᳚ର୍ଧ୍ଵା ଵ୍ଯ॒ଵସ୍ଥି॑ତଃ ।
ନୀ॒ଲତୋ॑ ଯଦ॑ ମଦ୍ଧ୍ଯ॒ସ୍ଥା॒-ଦ୍ଵି॒ଦ୍ଯୁଲ୍ଲେ॑ଖେଵ॒ ଭାସ୍ଵ॑ରା ।
ନୀ॒ଵାର॒ ଶୂକ॑ଵତ୍ତ॒ନ୍ଵୀ॒ ପୀ॒ତା ଭା᳚ସ୍ଵତ୍ଯ॒ଣୂପ॑ମା ।
ତସ୍ଯା᳚-ଶ୍ଶିଖା॒ଯା ମ॑ଦ୍ଧ୍ଯେ ପ॒ରମା᳚ତ୍ମା ଵ୍ଯ॒ଵସ୍ଥି॑ତଃ ।
ସ ବ୍ରହ୍ମ॒ ସ ଶିଵ॒-ସ୍ସ ହରି॒-ସ୍ସେନ୍ଦ୍ର॒-ସ୍ସୋ-ଽକ୍ଷ॑ରଃ ପର॒ମ-ସ୍ସ୍ଵ॒ରାଟ୍ ॥ 13.12 (ତୈ. ଅର. 6.13.2)
(ଅପି॑ ଵା॒ - ସନ୍ତ॑ତା॒ ଷଟ୍ ଚ॑)
ଆଦିତ୍ଯ ମଣ୍ଡଲେ ପରବ୍ରହ୍ମୋପାସନଂ (4.15)
ଆ॒ଦି॒ତ୍ଯୋ ଵା ଏ॒ଷ ଏ॒ତ-ନ୍ମ॒ଣ୍ଡଲ॒-ନ୍ତପ॑ତି॒ ତତ୍ର॒ ତା ଋଚ॒ସ୍ତଦୃ॒ଚା ମ॑ଣ୍ଡଲ॒ଗ୍ଂ॒ ସ ଋ॒ଚାଂ-ଲୋଁ॒କୋ-ଽଥ॒ଯ ଏ॒ଷ ଏ॒ତସ୍ମି॑-ନ୍ମ॒ଣ୍ଡଲେ॒-ଽର୍ଚି-ର୍ଦୀ॒ପ୍ଯତେ॒ ତାନି॒ ସାମା॑ନି॒ ସ ସା॒ମ୍ନାଂ-ଲୋଁ॒କୋ-ଽଥ॒ ଯ ଏ॒ଷ ଏ॒ତସ୍ମି॑-ନ୍ମ॒ଣ୍ଡଲେ॒-ଽର୍ଚିଷି॒ ପୁରୁ॑ଷ॒ସ୍ତାନି॒ ଯଜୂଗ୍ଂ॑ଷି॒ ସ ଯଜୁ॑ଷା ମଣ୍ଡଲ॒ଗ୍ଂ॒ ସ ଯଜୁ॑ଷାଂ-ଲୋଁ॒କ-ସ୍ସୈଷା ତ୍ର॒ଯ୍ଯେଵ॑ ଵି॒ଦ୍ଯା ତ॑ପତି॒ ଯ ଏ॒ଷୋ᳚-ଽନ୍ତ-ରା॑ଦି॒ତ୍ଯେ ହି॑ର॒ଣ୍ମଯଃ॒ ପୁରୁ॑ଷଃ ॥ 14.1 (ତୈ. ଅର. 6.14.1)
ଆଦିତ୍ଯପୁରୁଷସ୍ଯ ସର୍ଵାତ୍ମକତ୍ଵ ପ୍ରଦର୍ଶନଂ (4.16)
ଆ॒ଦି॒ତ୍ଯୋ ଵୈ ତେଜ॒ ଓଜୋ॒ ବଲଂ॒-ଯଁଶ॒-ଶ୍ଚକ୍ଷୁ॒-ଶ୍ଶ୍ରୋତ୍ର॑ମା॒ତ୍ମା ମନୋ॑ ମ॒ନ୍ଯୁ-ର୍ମନୁ॑-ର୍ମୃ॒ତ୍ଯୁ-ସ୍ସ॒ତ୍ଯୋ ମି॒ତ୍ରୋ ଵା॒ଯୁରା॑କା॒ଶଃ ପ୍ରା॒ଣୋ ଲୋ॑କପା॒ଲଃ କଃ କି-ଙ୍କ-ନ୍ତ-ଥ୍ସ॒ତ୍ଯମନ୍ନ॑-ମ॒ମୃତା॑ ଜୀ॒ଵୋ ଵିଶ୍ଵଃ॑ କତ॒ମ-ସ୍ସ୍ଵ॑ଯ॒ଭୁ-ମ୍ବ୍ରହ୍ମୈ॒ ତଦମୃ॑ତ ଏ॒ଷ ପୁରୁ॑ଷ ଏ॒ଷ ଭୂ॒ତାନା॒-ମଧି॑ପତି॒-ର୍ବ୍ରହ୍ମ॑ଣ॒-ସ୍ସାଯୁ॑ଜ୍ଯଗ୍ଂ ସଲୋ॒କତା॑-ମାପ୍ନୋ-ତ୍ଯେ॒ତାସା॑ମେ॒ଵ ଦେ॒ଵତା॑ନା॒ଗ୍ଂ॒ ସାଯୁ॑ଜ୍ଯଗ୍ଂ ସା॒ର୍ଷ୍ଟିତାଗ୍ଂ॑ ସମାନ ଲୋ॒କତା॑-ମାପ୍ନୋତି॒ ଯ ଏ॒ଵଂ-ଵେଁଦେ᳚ତ୍ଯୁପ॒ନିଷତ୍ ॥ 15.1 (ତୈ. ଅର. 6.15.1)
ଶିଵୋପାସନ ମନ୍ତ୍ରାଃ (4.17)
ନିଧ॑ନପତଯେ॒ ନମଃ । ନିଧ॑ନପତାନ୍ତିକାଯ॒ ନମଃ ।
ଊର୍ଧ୍ଵାଯ॒ ନମଃ । ଊର୍ଧ୍ଵଲିଙ୍ଗାଯ॒ ନମଃ ।
ହିରଣ୍ଯାଯ॒ ନମଃ । ହିରଣ୍ଯଲିଙ୍ଗାଯ॒ ନମଃ ।
ସୁଵର୍ଣାଯ॒ ନମଃ । ସୁଵର୍ଣଲିଙ୍ଗାଯ॒ ନମଃ ।
ଦିଵ୍ଯାଯ॒ ନମଃ । ଦିଵ୍ଯଲିଙ୍ଗାଯ॒ ନମଃ । 16.1 (ତୈ. ଅର. 6.16.1)
ଭଵାଯ॒ ନମଃ । ଭଵଲିଙ୍ଗାଯ॒ ନମଃ ।
ଶର୍ଵାଯ॒ ନମଃ । ଶର୍ଵଲିଙ୍ଗାଯ॒ ନମଃ ।
ଶିଵାଯ॒ ନମଃ । ଶିଵଲିଙ୍ଗାଯ॒ ନମଃ ।
ଜ୍ଵଲାଯ॒ ନମଃ । ଜ୍ଵଲଲିଙ୍ଗାଯ॒ ନମଃ ।
ଆତ୍ମାଯ॒ ନମଃ । ଆତ୍ମଲିଙ୍ଗାଯ॒ ନମଃ ।
ପରମାଯ॒ ନମଃ । ପରମଲିଙ୍ଗାଯ॒ ନମଃ ।
ଏତଥ୍ସୋମସ୍ଯ॑ ସୂର୍ଯ॒ସ୍ଯ॒ ସର୍ଵଲିଙ୍ଗଗ୍ଗ୍॑ ସ୍ଥାପ॒ଯ॒ତି॒ ପାଣିମନ୍ତ୍ର॑-ମ୍ପଵି॒ତ୍ରମ୍ ॥ 16.1 (ତୈ. ଅର. 6.16.2)
ପଶ୍ଚିମଵକ୍ତ୍ର ପ୍ରତିପାଦକ ମନ୍ତ୍ରଃ (4.18)
ତୈ. ଅର. 6.17.1
ସ॒ଦ୍ଯୋଜା॒ତ-ମ୍ପ୍ର॑ପଦ୍ଯା॒ମି॒ ସ॒ଦ୍ଯୋଜା॒ତାଯ॒ ଵୈ ନମୋ॒ ନମଃ॑ ।
ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ । ଭ॒ଵୋଦ୍ଭ॑ଵାଯ॒ ନମଃ॑ ॥ 17.1
ଉତ୍ତର ଵକ୍ତ୍ର ପ୍ରତିପାଦକ ମନ୍ତ୍ରଃ (4.19)
ଵା॒ମ॒ଦେ॒ଵାଯ॒ ନମୋ᳚ ଜ୍ଯେ॒ଷ୍ଠାଯ॒ ନମଃ॑ ଶ୍ରେ॒ଷ୍ଠାଯ॒ ନମୋ॑ ରୁ॒ଦ୍ରାଯ॒ ନମଃ॒ କାଲା॑ଯ॒ ନମଃ॒ କଲ॑ଵିକରଣାଯ॒ ନମୋ॒ ବଲ॑ଵିକରଣାଯ॒ ନମୋ॒ ବଲା॑ଯ॒ ନମୋ॒ ବଲ॑ପ୍ରମଥନାଯ॒ ନମ॒-ସ୍ସର୍ଵ॑ଭୂତଦମନାଯ॒ ନମୋ॑ ମ॒ନୋନ୍ମ॑ନାଯ॒ ନମଃ॑ ॥ 18.1 (ତୈ. ଅର. 6.18.1)
ଦକ୍ଷିଣ ଵକ୍ତ୍ର ପ୍ରତିପାଦକ ମନ୍ତ୍ରଃ (4.20)
ଅ॒ଘୋରେ᳚ଭ୍ଯୋ-ଽଥ॒ ଘୋରେ᳚ଭ୍ଯୋ॒ ଘୋର॒ଘୋର॑ତରେଭ୍ଯଃ ।
ସର୍ଵେ᳚ଭ୍ଯ-ସ୍ସର୍ଵ॒ ଶର୍ଵେ᳚ଭ୍ଯୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ଯଃ ॥ 19.1 (ତୈ. ଅର. 6.19.1)
ପ୍ରାଗ୍ଵକ୍ତ୍ର ପ୍ରତିପାଦକ ମନ୍ତ୍ରଃ (4.21)
ତତ୍ପୁରୁ॑ଷାଯ ଵି॒ଦ୍ମହେ॑ ମହାଦେ॒ଵାଯ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋ॒ଦଯା᳚ତ୍ ॥ 20.1 (ତୈ. ଅର. 6.20.1)
ଊର୍ଧ୍ଵ ଵକ୍ତ୍ର ପ୍ରତିପାଦକ ମନ୍ତ୍ରଃ (4.22)
ଈଶାନ-ସ୍ସର୍ଵ॑ଵିଦ୍ଯା॒ନା॒- ମୀଶ୍ଵର-ସ୍ସର୍ଵ॑ଭୂତା॒ନା॒-ମ୍ବ୍ରହ୍ମାଧି॑ପତି॒-ର୍ବ୍ରହ୍ମ॒ଣୋ-ଽଧି॑ପତି॒-ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥ 21.1 (ତୈ. ଅର. 6.21.1)
ନମସ୍କାରାର୍ଥ ମନ୍ତ୍ରାଃ (4.23)
ନମୋ ହିରଣ୍ଯବାହଵେ ହିରଣ୍ଯଵର୍ଣାଯ ହିରଣ୍ଯରୂପାଯ ହିରଣ୍ଯପତଯେ ଽବିଙ୍କାପତଯ ଉମାପତଯେ ପଶୁପତଯେ॑ ନମୋ॒ ନମଃ ॥ 22.1 (ତୈ. ଅର. 6.22.1)
ଋ॒ତଗ୍ଂ ସ॒ତ୍ଯ-ମ୍ପ॑ର-ମ୍ବ୍ର॒ହ୍ମ॒ ପୁ॒ରୁଷ॑-ଙ୍କୃଷ୍ଣ॒ପିଙ୍ଗ॑ଲମ୍ ।
ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାଯ॒ ଵୈ ନମୋ॒ ନମଃ॑ ॥ 23.1 (ତୈ. ଅର. 6.23.1)
ସର୍ଵୋ॒ ଵୈ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ ।
ପୁରୁ॑ଷୋ॒ ଵୈ ରୁ॒ଦ୍ର-ସ୍ସନ୍ମ॒ହୋ ନମୋ॒ ନମଃ॑ ।
ଵିଶ୍ଵ॑-ମ୍ଭୂ॒ତ-ମ୍ଭୁଵ॑ନ-ଞ୍ଚି॒ତ୍ର-ମ୍ବ॑ହୁ॒ଧା ଜା॒ତ-ଞ୍ଜାଯ॑ମାନ-ଞ୍ଚ॒ ଯତ୍ ।
ସର୍ଵୋ॒ ହ୍ଯେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ ॥ 24.1 (ତୈ. ଅର. 6.24.1)
କଦ୍ରୁ॒ଦ୍ରାଯ॒ ପ୍ରଚେ॑ତସେ ମୀ॒ଢୁଷ୍ଟ॑ମାଯ॒ ତଵ୍ଯ॑ସେ ।
ଵୋ॒ଚେମ॒ ଶନ୍ତ॑ମଗ୍ଂ ହୃ॒ଦେ ॥
ସର୍ଵୋ॒ହ୍ଯେ॑ଷ ରୁ॒ଦ୍ରସ୍ତସ୍ମୈ॑ ରୁ॒ଦ୍ରାଯ॒ ନମୋ॑ ଅସ୍ତୁ ॥ 25.1 (ତୈ. ଅର. 6.25.1)
ଅଗ୍ନିହୋତ୍ର ହଵଣ୍ଯାଃ ଉପଯୁକ୍ତସ୍ଯ ଵୃକ୍ଷ ଵିଶେଷ-ସ୍ଯାଭିଧାନମ୍ (4.24-25)
ଯସ୍ଯ॒ ଵୈ କ॑ଙ୍କତ୍ଯଗ୍ନି-ହୋତ୍ର॒ହଵ॑ଣୀ ଭଵତି॒ ପ୍ରତ୍ଯେ॒ଵା-ସ୍ଯାହୁ॑ତଯ-ସ୍ତିଷ୍ଠ॒ନ୍ତ୍ଯଥୋ॒ ପ୍ରତି॑ଷ୍ଠିତ୍ଯୈ ॥ 26.1 (ତୈ. ଅର. 6.26.1)
ଭୂଦେଵତାକ ମନ୍ତ୍ରଃ (4.26)
କ୍R॒ଣୁ॒ଷ୍ଵ ପାଜ॒ ଇତି॒ ପଞ୍ଚ॑ ।
ଅଦି॑ତି-ର୍ଦେ॒ଵା ଗ॑ନ୍ଧ॒ର୍ଵା ମ॑ନୁ॒ଷ୍ଯାଃ᳚ ପି॒ତରୋ-ଽସୁ॑ରା॒-ସ୍ତେଷାଗ୍ଂ॑ ସର୍ଵ ଭୂ॒ତାନା᳚-ମ୍ମା॒ତା ମେ॒ଦିନୀ॑ ମହ॒ତା ମ॒ହୀ ସା॑ଵି॒ତ୍ରୀ ଗା॑ଯ॒ତ୍ରୀ ଜଗ॑ତ୍ଯୁ॒ର୍ଵୀ ପୃ॒ଥ୍ଵୀ ବ॑ହୁ॒ଲା ଵିଶ୍ଵା॑ ଭୂ॒ତା କ॑ତ॒ମା କାଯା ସା ସ॒ତ୍ଯେ-ତ୍ଯ॒ମୃତେତି॑ ଵସି॒ଷ୍ଠଃ ॥ 28.1 (ତୈ. ଅର. 6.28.1)
ସର୍ଵା ଦେଵତା ଆପଃ (4.27)
ଆପୋ॒ ଵା ଇ॒ଦଗ୍ଂ ସର୍ଵଂ॒-ଵିଁଶ୍ଵା॑ ଭୂ॒ତାନ୍ଯାପଃ॑ ପ୍ରା॒ଣା ଵା ଆପଃ॑ ପ॒ଶଵ॒ ଆପୋ-ଽନ୍ନ॒ମାପୋ -ଽମୃ॑ତ॒ମାପଃ॑ ସ॒ମ୍ରାଡାପୋ॑ ଵି॒ରାଡାପଃ॑ ସ୍ଵ॒ରାଡାପଃ॒
ଛନ୍ଦା॒ଗ୍॒ସ୍ଯାପୋ॒ ଜ୍ଯୋତୀ॒ଗ୍॒ଷ୍ଯାପୋ॒ ଯଜୂ॒ଗ୍॒ଷ୍ଯାପଃ॑ ସ॒ତ୍ଯମାପ॒-ସ୍ସର୍ଵା॑ ଦେ॒ଵତା॒ ଆପୋ॒ ଭୂର୍ଭୁଵ॒ସ୍ସୁଵ॒ରାପ॒ ଓମ୍ ॥ 29.1 (ତୈ. ଅର. 6.29.1)
ସନ୍ଧ୍ଯାଵନ୍ଦନ ମନ୍ତ୍ରାଃ (4.28)
ଆପଃ॑ ପୁନନ୍ତୁ ପୃଥି॒ଵୀ-ମ୍ପୃ॑ଥି॒ଵୀ ପୂ॒ତା ପୁ॑ନାତୁ॒ ମାମ୍ ।
ପୁ॒ନନ୍ତୁ॒ ବ୍ରହ୍ମ॑ଣ॒ସ୍ପତି॒-ର୍ବ୍ରହ୍ମ॑ ପୂ॒ତା ପୁ॑ନାତୁ॒ ମାମ୍ ।
ଯଦୁଚ୍ଛି॑ଷ୍ଟ॒-ମଭୋ᳚ଜ୍ଯଂ॒-ଯଁଦ୍ଵା॑ ଦୁ॒ଶ୍ଚରି॑ତ॒-ମ୍ମମ॑ ।
ସର୍ଵ॑-ମ୍ପୁନନ୍ତୁ॒ ମାମାପୋ॑-ଽସ॒ତାଞ୍ଚ॑ ପ୍ରତି॒ଗ୍ରହ॒ଗ୍ଗ୍॒ ସ୍ଵାହା᳚ ॥ 30.2 (ତୈ. ଅର. 6.30.1)
ଅଗ୍ନିଶ୍ଚ ମା ମନ୍ଯୁଶ୍ଚ ମନ୍ଯୁପତଯଶ୍ଚ ମନ୍ଯୁ॑କୃତେ॒ଭ୍ଯଃ ।
ପାପେଭ୍ଯୋ॑ ରକ୍ଷ॒ନ୍ତାମ୍ । ଯଦହ୍ନା ପାପ॑ମକା॒ର୍॒ଷମ୍ ।
ମନସା ଵାଚା॑ ହସ୍ତା॒ଭ୍ଯାମ୍ । ପଦ୍ଭ୍ଯା-ମୁଦରେ॑ଣ ଶି॒ଶ୍ନା ।
ଅହ॒ସ୍ତଦ॑ଵଲୁ॒ପନ୍ତୁ । ଯତ୍କିଞ୍ଚ॑ ଦୁରି॒ତ-ମ୍ମଯି॑ ।
ଇଦମହ-ମାମମୃ॑ତ ଯୋ॒ନୌ । ସତ୍ଯେ ଜ୍ଯୋତିଷି ଜୁହୋ॑ମି ସ୍ଵା॒ହା ॥ 31.1 (ତୈ. ଅର. 6.31.1)
ସୂର୍ଯଶ୍ଚ ମା ମନ୍ଯୁଶ୍ଚ ମନ୍ଯୁପତଯଶ୍ଚ ମନ୍ଯୁ॑କୃତେ॒ଭ୍ଯଃ ।
ପାପେଭ୍ଯୋ॑ ରକ୍ଷ॒ନ୍ତାମ୍ । ଯଦ୍ରାତ୍ରିଯା ପାପ॑ମକା॒ର୍॒ଷମ୍ ।
ମନସା ଵାଚା॑ ହସ୍ତା॒ଭ୍ଯାମ୍ । ପଦ୍ଭ୍ଯା-ମୁଦରେ॑ଣ ଶି॒ଶ୍ନା ।
ରାତ୍ରି॒-ସ୍ତଦ॑ଵଲୁ॒ପନ୍ତୁ । ଯତ୍କିଞ୍ଚ॑ ଦୁରି॒ତ-ମ୍ମଯି॑ ।
ଇଦମହ-ମାମମୃ॑ତ ଯୋ॒ନୌ । ସୂର୍ଯେ ଜ୍ଯୋତିଷି ଜୁହୋ॑ମି ସ୍ଵା॒ହା ॥ 32.1 (ତୈ. ଅର. 6.32.1)
ପ୍ରଣଵସ୍ଯ ଋଷ୍ଯାଦି ଵିଵରଣଂ (4.29)
ଓମିତ୍ଯେକାକ୍ଷ॑ର-ମ୍ବ୍ର॒ହ୍ମ । ଅଗ୍ନିର୍ଦେଵତା ବ୍ରହ୍ମ॑ ଇତ୍ଯା॒ର୍ଷମ୍ ।
ଗାଯତ୍ର-ଞ୍ଛନ୍ଦ-ମ୍ପରମାତ୍ମଂ॑ ସରୂ॒ପମ୍ । ସାଯୁଜ୍ଯଂ-ଵିଁ॑ନିଯୋ॒ଗମ୍ ॥ 33.1 (ତୈ. ଅର. 6.33.1)
ଗାଯତ୍ର୍ଯାଵାହନ ମନ୍ତ୍ରାଃ (4.30)
ଆଯା॑ତୁ॒ ଵର॑ଦା ଦେ॒ଵୀ॒ ଅ॒କ୍ଷର॑-ମ୍ବ୍ରହ୍ମ॒ ସମ୍ମି॑ତମ୍ ।
ଗା॒ଯ॒ତ୍ରୀ᳚-ଞ୍ଛନ୍ଦ॑ସା-ମ୍ମା॒ତେଦ-ମ୍ବ୍ର॑ହ୍ମ ଜୁ॒ଷସ୍ଵ॑ ମେ ।
ଯଦହ୍ନା᳚-ତ୍କୁରୁ॑ତେ ପା॒ପ॒-ନ୍ତଦହ୍ନା᳚-ତ୍ପ୍ରତି॒ମୁଚ୍ଯ॑ତେ ।
ଯ-ଦ୍ରାତ୍ରିଯା᳚-ତ୍କୁରୁ॑ତେ ପା॒ପ॒-ନ୍ତ-ଦ୍ରାତ୍ରିଯା᳚-ତ୍ପ୍ରତି॒ମୁଚ୍ଯ॑ତେ ।
ସର୍ଵ॑ ଵ॒ର୍ଣେ ମ॑ହାଦେ॒ଵି॒ ସ॒ନ୍ଧ୍ଯା ଵି॑ଦ୍ଯେ ସ॒ରସ୍ଵ॑ତି ॥ 34.2 (ତୈ. ଅର. 6.34.1)
ଓଜୋ॑-ଽସି॒ ସହୋ॑-ଽସି॒ ବଲ॑ମସି॒ ଭ୍ରାଜୋ॑-ଽସି ଦେ॒ଵାନା॒-ନ୍ଧାମ॒ନାମା॑॑-ଽସି॒ ଵିଶ୍ଵ॑ମସି ଵି॒ଶ୍ଵାଯୁ॒-ସ୍ସର୍ଵ॑ମସି ସ॒ର୍ଵାଯୁ-ରଭିଭୂରୋଂ-ଗାଯତ୍ରୀ-ମାଵା॑ହଯା॒ମି॒ ସାଵିତ୍ରୀ-ମାଵା॑ହଯା॒ମି॒ ସରସ୍ଵତୀ-ମାଵା॑ହଯା॒ମି॒ ଛନ୍ଦର୍ଷୀ-ନାଵା॑ହଯା॒ମି॒ ଶ୍ରିଯ-ମାଵା॑ହଯା॒ମି॒ ଗାଯତ୍ରିଯା ଗାଯତ୍ରୀ ଛନ୍ଦୋ ଵିଶ୍ଵାମିତ୍ର ଋଷି-ସ୍ସଵିତା ଦେଵତା-ଽଗ୍ନିର୍ମୁଖ-ମ୍ବ୍ରହ୍ମା ଶିରୋ ଵିଷ୍ଣୁର୍ହୃଦଯଗ୍ଂ ରୁଦ୍ର-ଶ୍ଶିଖା ପୃଥିଵୀଯୋନିଃ ପ୍ରାଣାପାନ-ଵ୍ଯାନୋଦାନ-ସମାନା ସପ୍ରାଣା ଶ୍ଵେତଵର୍ଣା ସାଙ୍ଖ୍ଯାଯନ-ସଗୋତ୍ରା ଗାଯତ୍ରୀ ଚତୁର୍ଵିଗ୍ଂଶତ୍ଯକ୍ଷରା ତ୍ରିପଦା॑ ଷଟ୍କୁ॒କ୍ଷିଃ॒ ପଞ୍ଚ ଶୀର୍ଷୋପନଯନେ ଵି॑ନିଯୋ॒ଗଃ॒-
ଓ-ମ୍ଭୂଃ । ଓ-ମ୍ଭୁଵଃ । ଓଗ୍ଂ ସୁଵଃ । ଓ-ମ୍ମହଃ । ଓ-ଞ୍ଜନଃ । ଓ-ନ୍ତପଃ । ଓଗ୍ଂ ସ॒ତ୍ଯମ୍ । ଓ-ନ୍ତ-ଥ୍ସ॑ଵି॒ତୁର୍ଵରେ᳚ଣ୍ଯ॒-ମ୍ଭର୍ଗୋ॑ ଦେ॒ଵସ୍ଯ॑ ଧୀମହି । ଧିଯୋ॒ ଯୋ ନଃ॑ ପ୍ରଚୋ॒ଦଯା᳚ତ୍ । ଓମାପୋ॒ ଜ୍ଯୋତୀ॒ ରସୋ॒-ଽମୃତ॒-ମ୍ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥ 35.2 (ତୈ. ଅର. 6.35.1)
ଗାଯତ୍ରୀ ଉପସ୍ଥାନ ମନ୍ତ୍ରାଃ (4.31)
ଉ॒ତ୍ତମେ॑ ଶିଖ॑ରେ ଜା॒ତେ॒ ଭୂ॒ମ୍ଯା-ମ୍ପ॑ର୍ଵତ॒ ମୂର୍ଧ॑ନି ।
ବ୍ରା॒ହ୍ମଣେ᳚ଭ୍ଯୋ-ଽଭ୍ଯ॑ନୁଜ୍ଞା॒ତା॒ ଗ॒ଚ୍ଛ ଦେ॑ଵି ଯ॒ଥାସୁ॑ଖମ୍ ।
ସ୍ତୁତୋ ମଯା ଵରଦା ଵେ॑ଦମା॒ତା॒ ପ୍ରଚୋଦଯନ୍ତୀ ପଵନେ᳚ ଦ୍ଵିଜା॒ତା ।
ଆଯୁଃ ପୃଥିଵ୍ଯାଂ-ଦ୍ରଵିଣ-ମ୍ବ୍ର॑ହ୍ମଵ॒ର୍ଚ॒ସ॒-ମ୍ମହ୍ଯ-ନ୍ଦତ୍ଵା ପ୍ରଜାତୁ-ମ୍ବ୍ର॑ହ୍ମଲୋ॒କମ୍ ॥ 36.2 (ତୈ. ଅର. 6.36.1)
ଆଦିତ୍ଯଦେଵତା ମନ୍ତ୍ରଃ (4.32)
ଘୃଣି॒-ସ୍ସୂର୍ଯ॑ ଆଦି॒ତ୍ଯୋ ନ ପ୍ରଭା॑-ଵା॒ତ୍ଯକ୍ଷ॑ରମ୍ ।
ମଧୁ॑କ୍ଷରନ୍ତି॒ ତ-ଦ୍ର॑ସମ୍ ।
ସ॒ତ୍ଯଂ-ଵୈଁ ତ-ଦ୍ରସ॒-ମାପୋ॒ ଜ୍ଯୋତୀ॒ରସୋ॒-ଽମୃତ॒-ମ୍ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥ 37.1 (ତୈ. ଅର. 6.37.1)
ତ୍ରିସୁପର୍ଣମନ୍ତ୍ରାଃ (4.33)
ବ୍ରହ୍ମ॑ ମେତୁ॒ ମାମ୍ । ମଧୁ॑ ମେତୁ॒ ମାମ୍ । ବ୍ରହ୍ମ॑-ମେ॒ଵ ମଧୁ॑ ମେତୁ॒ ମାମ୍ ।
ଯାସ୍ତେ॑ ସୋମ ପ୍ର॒ଜାଵ॒ଥ୍ସୋ-ଽଭି॒ସୋ ଅ॒ହମ୍ । ଦୁସ୍ଷ୍ଵ॑ପ୍ନ॒ହ-ନ୍ଦୁ॑ରୁଷ୍ଵହ ।
ଯାସ୍ତେ॑ ସୋମ ପ୍ରା॒ଣାଗ୍ସ୍ତା-ଞ୍ଜୁ॑ହୋମି । ତ୍ରିସୁ॑ପର୍ଣ॒ ମଯା॑ଚିତ-ମ୍ବ୍ରାହ୍ମ॒ଣାଯ॑ ଦଦ୍ଯାତ୍ ।
ବ୍ର॒ହ୍ମ॒ହ॒ତ୍ଯାଂ-ଵାଁ ଏ॒ତେ ଘ୍ନ॑ନ୍ତି । ଯେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି ।
ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒କ୍ତି-ମ୍ପୁନ॑ନ୍ତି । ଓମ୍ ॥ 38.1 (ତୈ. ଅର. 6.38.1)
ବ୍ରହ୍ମ॑ ମେ॒ଧଯା᳚ । ମଧୁ॑ ମେ॒ଧଯା᳚ ।
ବ୍ରହ୍ମ॑ମେ॒ଵ ମଧୁ॑ ମେ॒ଧଯା᳚ । ଅ॒ଦ୍ଯା ନୋ॑ ଦେଵ ସଵିତଃ ପ୍ର॒ଜାଵ॑ଥ୍ସାଵୀ॒-ସ୍ସୌଭ॑ଗମ୍ ।
ପରା॑ ଦୁ॒ସ୍ଷ୍ଵପ୍ନି॑ଯଗ୍ଂ ସୁଵ । ଵିଶ୍ଵା॑ନି ଦେଵ ସଵିତ-ର୍ଦୁରି॒ତାନି॒ ପରା॑ସୁଵ ।
ଯ-ଦ୍ଭ॒ଦ୍ର-ନ୍ତନ୍ମ॒ ଆସୁ॑ଵ । ମଧୁ॒ଵାତା॑ ଋତାଯ॒ତେ ମଧୁ॑କ୍ଷରନ୍ତି॒ ସିନ୍ଧ॑ଵଃ ।
ମାଦ୍ଧ୍ଵୀ᳚ର୍ନ-ସ୍ସ॒ନ୍ତ୍ଵୋଷ॑ଧୀଃ । ମଧୁ॒ନକ୍ତ॑ ମୁ॒ତୋଷସି॒ ମଧୁ॑ମ॒-ତ୍ପାର୍ଥି॑ଵ॒ଗ୍ଂ॒ ରଜଃ॑ ।
ମଧୁ॒ଦ୍ଯୌର॑ସ୍ତୁ ନଃ ପି॒ତା । ମଧୁ॑ମାନ୍ନୋ॒ ଵନ॒ସ୍ପତି॒-ର୍ମଧୁ॑ମାଗ୍ଂ ଅସ୍ତୁ॒ ସୂର୍ଯଃ॑ ।
ମାଦ୍ଧ୍ଵୀ॒ ର୍ଗାଵୋ॑ ଭଵନ୍ତୁ ନଃ । ଯ ଇ॒ମ-ନ୍ତ୍ରିସୁ॑ପର୍ଣ॒-ମଯା॑ଚିତ-ମ୍ବ୍ରାହ୍ମ॒ଣାଯ॑ ଦଦ୍ଯାତ୍ ।
ଭ୍ରୂ॒ଣ॒ହ॒ତ୍ଯାଂ-ଵାଁ ଏ॒ତେ ଘ୍ନ॑ନ୍ତି । ଯେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି ।
ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒କ୍ତି-ମ୍ପୁନ॑ନ୍ତି । ଓମ୍ ॥ 39.7 (ତୈ. ଅର. 6.39.1)
ବ୍ରହ୍ମ॑ ମେ॒ଧଵା᳚ । ମଧୁ॑ ମେ॒ଧଵା᳚ । ବ୍ରହ୍ମ॑ମେ॒ଵ ମଧୁ॑ ମେ॒ଧଵା᳚ ।
ବ୍ର॒ହ୍ମା ଦେ॒ଵାନା᳚-ମ୍ପଦ॒ଵୀଃ କ॑ଵୀ॒ନା-ମୃଷି॒-ର୍ଵିପ୍ରା॑ଣା-ମ୍ମହି॒ଷୋ ମୃ॒ଗାଣା᳚ମ୍ ।
ଶ୍ଯେ॒ନୋ ଗୃଦ୍ଧ୍ରା॑ଣା॒ଗ୍॒ ସ୍ଵଧି॑ତି॒-ର୍ଵନା॑ନା॒ଗ୍ଂ॒ ସୋମଃ॑ ପ॒ଵିତ୍ର॒-ମତ୍ଯେ॑ତି॒ ରେଭନ୍ନ୍॑ ।
ହ॒ଗ୍ଂ॒ସ-ଶ୍ଶୁ॑ଚି॒ଷ-ଦ୍ଵସୁ॑ରନ୍ତରିକ୍ଷ॒ ସଦ୍ଧୋତା॑- ଵେଦି॒ଷ-ଦତି॑ଥି-ର୍ଦୁରୋଣ॒ସତ୍ ।
ନୃ॒ଷଦ୍ଵ॑ର॒-ସଦୃ॑ତ॒-ସ-ଦ୍ଵ୍ଯୋ॑ମ॒-ସଦ॒ବ୍ଜା- ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତ-ମ୍ବୃ॒ହତ୍ ।
ଋ॒ଚେତ୍ଵା॑ ରୁ॒ଚେତ୍ଵା॒ ସମି-ଥ୍ସ୍ର॑ଵନ୍ତି ସ॒ରିତୋ॒ ନ ଧେନାଃ᳚ ।
ଅ॒ନ୍ତର୍-ହୃ॒ଦା ମନ॑ସା ପୂ॒ଯମା॑ନାଃ ।
ଘୃ॒ତସ୍ଯ॒ ଧାରା॑ ଅ॒ଭିଚା॑କଶୀମି ।
ହି॒ର॒ଣ୍ଯଯୋ॑ ଵେତ॒ସୋ ମଦ୍ଧ୍ଯ॑ ଆସାମ୍ ।
ତସ୍ମି᳚ନ୍-ଥ୍ସୁପ॒ର୍ଣୋ ମ॑ଧୁ॒କୃ-ତ୍କୁ॑ଲା॒ଯୀ ଭଜ॑ନ୍ନାସ୍ତେ॒ ମଧୁ॑ ଦେ॒ଵତା᳚ଭ୍ଯଃ ।
ତସ୍ଯା॑ ସତେ॒ ହର॑ଯ-ସ୍ସ॒ପ୍ତତୀରେ᳚ ସ୍ଵ॒ଧା-ନ୍ଦୁହା॑ନା ଅ॒ମୃତ॑ସ୍ଯ॒ ଧାରା᳚ମ୍ ।
ଯ ଇ॒ଦ-ନ୍ତ୍ରିସୁ॑ପର୍ଣ॒-ମଯା॑ଚିତ-ମ୍ବ୍ରାହ୍ମ॒ଣାଯ॑ ଦଦ୍ଯାତ୍ ।
ଵୀ॒ର॒ହ॒ତ୍ଯାଂ-ଵାଁ ଏ॒ତେ ଘ୍ନ॑ନ୍ତି । ଯେ ବ୍ରା᳚ହ୍ମ॒ଣା-ସ୍ତ୍ରିସୁ॑ପର୍ଣ॒-ମ୍ପଠ॑ନ୍ତି ।
ତେ ସୋମ॒-ମ୍ପ୍ରାପ୍ନୁ॑ଵନ୍ତି । ଆ॒ସ॒ହ॒ସ୍ରା-ତ୍ପ॒ଙ୍କ୍ତି-ମ୍ପୁନ॑ନ୍ତି । ଓମ୍ ॥ 40.6 (ତୈ. ଅର. 6.40.1)
ମେଧା ସୂକ୍ତଂ (4.34)
ମେ॒ଧାଦେ॒ଵୀ ଜୁ॒ଷମା॑ଣା ନ॒ ଆଗା᳚-ଦ୍ଵି॒ଶ୍ଵାଚୀ॑ ଭ॒ଦ୍ରା ସୁ॑ମନ॒ସ୍ଯ ମା॑ନା ।
ତ୍ଵଯା॒ ଜୁଷ୍ଟା॑ ନୁ॒ଦମା॑ନା ଦୁ॒ରୁକ୍ତା᳚-ନ୍ବୃ॒ହଦ୍ଵ॑ଦେମ ଵି॒ଦଥେ॑ ସୁ॒ଵୀରାଃ᳚ ।
ତ୍ଵଯା॒ ଜୁଷ୍ଟ॑ ଋ॒ଷି-ର୍ଭ॑ଵତି ଦେଵି॒ ତ୍ଵଯା॒ ବ୍ରହ୍ମା॑-ଽଽଗ॒ତଶ୍ରୀ॑ ରୁ॒ତ ତ୍ଵଯା᳚ ।
ତ୍ଵଯା॒ ଜୁଷ୍ଟ॑ଶ୍ଚି॒ତ୍ରଂ-ଵିଁ॑ନ୍ଦତେ ଵସୁ॒ ସା ନୋ॑ ଜୁଷସ୍ଵ॒ ଦ୍ରଵି॑ଣୋ ନମେଧେ ॥ 41.1 (ତୈ. ଅର. 6.41.1)
ମେ॒ଧା-ମ୍ମ॒ ଇନ୍ଦ୍ରୋ॑ ଦଦାତୁ ମେ॒ଧା-ନ୍ଦେ॒ଵୀ ସର॑ସ୍ଵତୀ ।
ମେ॒ଧା-ମ୍ମେ॑ ଅ॒ଶ୍ଵିନା॑-ଵୁ॒ଭାଵାଧ॑ତ୍ତା॒-ମ୍ପୁଷ୍କ॑ରସ୍ରଜା ॥
ଅ॒ଫ୍ସ॒ରାସୁ॑ ଚ॒ ଯା ମେ॒ଧା ଗ॑ନ୍ଧ॒ର୍ଵେଷୁ॑ ଚ॒ ଯନ୍ମନଃ॑ ।
ଦୈଵୀ᳚-ମ୍ମେ॒ଧା ସର॑ସ୍ଵତୀ॒ ସା ମା᳚-ମ୍ମେ॒ଧା ସୁ॒ରଭି॑-ର୍ଜୁଷତା॒ଗ୍॒ ସ୍ଵାହା᳚ ॥ 42.1 (ତୈ. ଅର. 6.42.1)
ଆମା᳚-ମ୍ମେ॒ଧା ସୁ॒ରଭି॑-ର୍ଵି॒ଶ୍ଵରୂ॑ପା॒ ହିର॑ଣ୍ଯଵର୍ଣା॒ ଜଗ॑ତୀ ଜଗ॒ମ୍ଯା ।
ଊର୍ଜ॑ସ୍ଵତୀ॒ ପଯ॑ସା॒ ପିନ୍ଵ॑ମାନା॒ ସା ମା᳚-ମ୍ମେ॒ଧା ସୁ॒ପ୍ରତୀ॑କା ଜୁଷନ୍ତାମ୍ ॥ 43.1 (ତୈ. ଅର. 6.43.1)
ମଯି॑ ମେ॒ଧା-ମ୍ମଯି॑ ପ୍ର॒ଜା-ମ୍ମଯ୍ଯ॒ଗ୍ନିସ୍ତେଜୋ॑ ଦଧାତୁ॒ ମଯି॑ ମେ॒ଧା-ମ୍ମଯି॑ ପ୍ର॒ଜା-ମ୍ମଯୀନ୍ଦ୍ର॑ ଇନ୍ଦ୍ରି॒ଯ-ନ୍ଦ॑ଧାତୁ॒ ମଯି॑ ମେ॒ଧା-ମ୍ମଯି॑ ପ୍ର॒ଜା-ମ୍ମଯି॒ ସୂର୍ଯୋ॒ ଭ୍ରାଜୋ॑ ଦଧାତୁ ॥ 44.1 (ତୈ. ଅର. 6.44.1)
ମୃତ୍ଯୁନିଵାରଣ ମନ୍ତ୍ରାଃ (4.35)
ଅପୈ॑ତୁ ମୃ॒ତ୍ଯୁ-ର॒ମୃତ॑ନ୍ନ॒ ଆଗ॑ନ୍. ଵୈଵସ୍ଵ॒ତୋ ନୋ॒ ଅଭ॑ଯଙ୍କୃଣୋତୁ ।
ପ॒ର୍ଣଂ-ଵଁନ॒ସ୍ପତେ॑ ରିଵା॒ଭିନଃ॑ ଶୀଯତାଗ୍ଂ ର॒ଯି-ସ୍ସଚ॑ତାନ୍ନ॒-ଶ୍ଶଚୀ॒ପତିଃ॑ ॥ 45.1 (ତୈ. ଅର. 6.45.1)
ପର॑-ମ୍ମୃତ୍ଯୋ॒ ଅନୁ॒ ପରେ॑ହି॒ ପନ୍ଥାଂ॒-ଯଁସ୍ତେ॒ସ୍ଵ ଇତ॑ରୋ ଦେଵ॒ଯାନା᳚ତ୍ ।
ଚକ୍ଷୁ॑ଷ୍ମତେ ଶୃଣ୍ଵ॒ତେ ତେ᳚ ବ୍ରଵୀମି॒ ମାନଃ॑ ପ୍ର॒ଜାଗ୍ଂ ରୀ॑ରିଷୋ॒ ମୋତ ଵୀ॒ରାନ୍ ॥ 46.1 (ତୈ. ଅର. 6.46.1)
ଵାତ॑-ମ୍ପ୍ରା॒ଣ-ମ୍ମନ॑ସା॒ ନ୍ଵାର॑ଭାମହେ ପ୍ର॒ଜାପ॑ତିଂ॒-ଯୋଁ ଭୁଵ॑ନସ୍ଯ ଗୋ॒ପାଃ ।
ସନୋ॑ ମୃ॒ତ୍ଯୋ ସ୍ତ୍ରା॑ଯତା॒-ମ୍ପାତ୍ଵଗ୍ଂହ॑ସୋ॒ ଜ୍ଯୋଗ୍ ଜୀ॒ଵା ଜ॒ରାମ॑ଶୀମହି ॥ 47.1 (ତୈ. ଅର. 6.47.1)
ଅ॒ମୁ॒ତ୍ର॒ ଭୂଯା॒ଦଧ॒ ଯଦ୍ଯ॒ମସ୍ଯ॒ ବୃହ॑ସ୍ପତେ ଅ॒ଭିଶ॑ସ୍ତେ॒ର ମୁ॑ଞ୍ଚଃ ।
ପ୍ରତ୍ଯୌ॑ହତା ମ॒ଶ୍ଵିନା॑ ମୃ॒ତ୍ଯୁ ମ॑ସ୍ମା-ଦ୍ଦେ॒ଵାନା॑ମଗ୍ନେ ଭି॒ଷଜା॒ ଶଚୀ॑ଭିଃ ॥ 48.1 (ତୈ. ଅର. 6.48.1)
ହରି॒ଗ୍ଂ॒ ହର॑ନ୍ତ॒- ମନୁ॑ଯନ୍ତି ଦେ॒ଵା ଵିଶ୍ଵ॒ସ୍ଯେଶା॑ନଂ-ଵୃଁଷ॒ଭ-ମ୍ମ॑ତୀ॒ନାମ୍ ।
ବ୍ରହ୍ମ॒ ସରୂ॑ପ॒-ମନୁ॑ମେ॒ଦମା॑ଗା॒-ଦଯ॑ନ॒-ମ୍ମା ଵିଵ॑ଧୀ॒-ର୍ଵିକ୍ର॑ମସ୍ଵ ॥ 49.1 (ତୈ. ଅର. 6.49.1)
ଶଲ୍କୈ॑ର॒ଗ୍ନି-ମି॑ନ୍ଧା॒ନ ଉ॒ଭୌ ଲୋ॒କୌ ସ॑ନେମ॒ହମ୍ ।
ଉ॒ଭଯୋ᳚ ର୍ଲୋ॒କଯା॑ର୍-ଋ॒ଧ୍ଦ୍ଵା-ଽତି॑ ମୃ॒ତ୍ଯୁ-ନ୍ତ॑ରାମ୍ଯ॒ହମ୍ ॥ 50.1 (ତୈ. ଅର. 6.50.1)
ମା ଛି॑ଦୋ ମୃତ୍ଯୋ॒ ମା ଵ॑ଧୀ॒ର୍ମା ମେ॒ ବଲଂ॒-ଵିଁଵୃ॑ହୋ॒ ମା ପ୍ରମୋ॑ଷୀଃ ।
ପ୍ର॒ଜା-ମ୍ମା ମେ॑ ରୀରିଷ॒ ଆଯୁ॑ରୁଗ୍ର ନୃ॒ଚକ୍ଷ॑ସ-ନ୍ତ୍ଵା ହ॒ଵିଷା॑ ଵିଧେମ ॥ 51.1 (ତୈ. ଅର. 6.51.1)
ମା ନୋ॑ ମ॒ହାନ୍ତ॑ମୁ॒ତ ମା ନୋ॑ ଅର୍ଭ॒କ-ମ୍ମା ନ॒ ଉକ୍ଷ॑ନ୍ତମୁ॒ତ ମା ନ॑ ଉକ୍ଷି॒ତମ୍ ।
ମା ନୋ॑ ଵଧୀଃ ପି॒ତର॒-ମ୍ମୋତ ମା॒ତର॑-ମ୍ପ୍ରି॒ଯା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷଃ ॥ 52.1 (ତୈ. ଅର. 6.52.1)
ମା ନ॑ସ୍ତୋ॒କେ ତନ॑ଯେ॒ ମା ନ॒ ଆଯୁ॑ଷି॒ ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ ।
ଵୀ॒ରାନ୍ମା ନୋ॑ ରୁଦ୍ର ଭାମି॒ତୋଵ॑ଧୀର୍-ହ॒ଵିଷ୍ମ॑ନ୍ତୋ॒ ନମ॑ସା ଵିଧେମ ତେ ॥ 53.1 (ତୈ. ଅର. 6.53.1)
ପ୍ରଜାପତି-ପ୍ରାର୍ଥନା ମନ୍ତ୍ରଃ (4.36)
ପ୍ରଜା॑ପତେ॒ ନ ତ୍ଵଦେ॒ତା-ନ୍ଯ॒ନ୍ଯୋ ଵିଶ୍ଵା॑ ଜା॒ତାନି॒ ପରି॒ତା ବ॑ଭୂଵ ।
ଯ-ତ୍କା॑ମାସ୍ତେ ଜୁହୁ॒ମସ୍ତନ୍ନୋ॑ ଅସ୍ତୁ ଵ॒ଯଗ୍ଗ୍ ସ୍ଯା॑ମ॒ ପତ॑ଯୋ ରଯୀ॒ଣାମ୍ ॥ 54.1 (ତୈ. ଅର. 6.54.1)
ଇନ୍ଦ୍ରପ୍ରାର୍ଥନା ମନ୍ତ୍ରଃ (4.37)
ସ୍ଵ॒ସ୍ତି॒ଦା ଵି॒ଶସ୍ପତି॑-ର୍ଵୃତ୍ର॒ହା ଵିମୃଧୋ॑ ଵ॒ଶୀ ।
ଵୃଷେନ୍ଦ୍ରଃ॑ ପୁ॒ର ଏ॑ତୁ ନସ୍ସ୍ଵସ୍ତି॒ଦା ଅ॑ଭଯ-ଙ୍କ॒ରଃ ॥ 55.1 (ତୈ. ଅର. 6.55.1)
ମୃତ୍ଯୁଞ୍ଜଯ ମନ୍ତ୍ରାଃ (4.38)
ତ୍ର୍ଯ॑ମ୍ବକଂ-ଯଁଜାମହେ ସୁଗ॒ନ୍ଧି-ମ୍ପୁ॑ଷ୍ଟି॒ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବନ୍ଧ॑ନା-ନ୍ମୃ॒ତ୍ଯୋ-ର୍ମୁ॑କ୍ଷୀଯ॒ ମା-ଽମୃତା᳚ତ୍ ॥ 56.1 (ତୈ. ଅର. 6.56.1)
ଯେ ତେ॑ ସ॒ହସ୍ର॑ମ॒ଯୁତ॒-ମ୍ପାଶା॒ ମୃତ୍ଯୋ॒ ମର୍ତ୍ଯା॑ଯ॒ ହନ୍ତ॑ଵେ ।
ତାନ୍. ଯ॒ଜ୍ଞସ୍ଯ॑ ମା॒ଯଯା॒ ସର୍ଵା॒ନଵ॑ ଯଜାମହେ । ମୃ॒ତ୍ଯଵେ॒ ସ୍ଵାହା॑ ମୃ॒ତ୍ଯଵେ॒ ସ୍ଵାହା᳚ ॥ 58.1 (ତୈ. ଅର. 6.57-58)
ପାପନିଵାରକା ମନ୍ତ୍ରାଃ (4.39)
ଦେ॒ଵକୃ॑ତ॒ସ୍ଯୈନ॑ସୋ-ଽଵ॒ଯଜ॑ନମସି॒ ସ୍ଵାହା᳚ ।
ମ॒ନୁ॒ଷ୍ଯ॑କୃତ॒ସ୍ଯୈନ॑ସୋ ଽଵ॒ଯଜ॑ନମସି॒ ସ୍ଵାହା᳚ ।
ପି॒ତୃକୃ॑ତ॒ସ୍ଯୈନ॑ସୋ ଽଵ॒ଯଜ॑ନମସି॒ ସ୍ଵାହା᳚ ।
ଆ॒ତ୍ମକୃ॑ତ॒ସ୍ଯୈନ॑ସୋ ଽଵ॒ଯଜ॑ନମସି॒ ସ୍ଵାହା᳚ ।
ଅ॒ନ୍ଯକୃ॑ତ॒ସ୍ଯୈନ॑ସୋ ଽଵ॒ଯଜ॑ନମସି॒ ସ୍ଵାହା᳚ ।
ଅ॒ସ୍ମତ୍କୃ॑ତ॒ସ୍ଯୈନ॑ସୋ ଽଵ॒ଯଜ॑ନମସି॒ ସ୍ଵାହା᳚ ।
ଯଦ୍ଦି॒ଵା ଚ॒ ନକ୍ତ॒-ଞ୍ଚୈନ॑ଶ୍ଚକୃ॒ମ ତସ୍ଯା॑ ଵ॒ଯଜ॑ନମସି॒ ସ୍ଵାହା᳚ ।
ଯ-ଥ୍ସ୍ଵ॒ପନ୍ତ॑ଶ୍ଚ॒ ଜାଗ୍ର॑ତ॒-ଶ୍ଚୈନ॑ଶ୍ଚ-କୃ॒ମ ତସ୍ଯା॑ ଵ॒ଯଜ॑ନମସି॒ ସ୍ଵାହା᳚ ।
ଯ-ଥ୍ସୁ॒ଷୁପ୍ତ॑ଶ୍ଚ॒ ଜାଗ୍ର॑ତ॒-ଶ୍ଚୈନ॑ଶ୍ଚ-କୃ॒ମ ତସ୍ଯା॑ ଵ॒ଯଜ॑ନମସି॒ ସ୍ଵାହା᳚ ।
ଯ-ଦ୍ଵି॒ଦ୍ଵାଗ୍ଂସ॒ଶ୍ଚା ଵି॑ଦ୍ଵାଗ୍ଂସ॒ଶ୍ଚୈନ॑ଶ୍ଚ-କୃ॒ମ ତସ୍ଯା॑ ଵ॒ଯଜ॑ନମସି॒ ସ୍ଵାହା᳚ ।
ଏନସ ଏନସୋ ଵଯଜନମ॑ସି ସ୍ଵା॒ହା ॥ 59.1 (ତୈ. ଅର. 6.59.1)
ଵସୁ-ପ୍ରାର୍ଥନା ମନ୍ତ୍ରଃ (4.40)
ଯଦ୍ଵୋ॑ ଦେଵାଶ୍ଚକୃ॒ମ ଜି॒ହ୍ଵଯା॑ ଗୁ॒ରୁମନ॑ସୋ ଵା॒ ପ୍ରଯୁ॑ତୀ ଦେଵ॒ ହେଡ॑ନମ୍ ।
ଅରା॑ଵା॒ଯୋ ନୋ॑ ଅ॒ଭିଦୁ॑ଚ୍ଛୁନା॒ଯତେ॒ ତସ୍ମି॒-ନ୍ତଦେନୋ॑ ଵସଵୋ॒ ନିଧେ॑ତନ॒ ସ୍ଵାହା᳚ ॥ 60.1 (ତୈ. ଅର. 6.60.1)
କାମୋ-ଽକାର୍ଷୀତ୍ - ମନ୍ଯୁରକାର୍ଷୀତ୍ ମନ୍ତ୍ରଃ (4.41)
କାମୋ-ଽକାର୍ଷୀ᳚-ନ୍ନମୋ॒ ନମଃ ।
କାମୋ-ଽକାର୍ଷୀ-ତ୍କାମଃ କରୋତି ନାହ-ଙ୍କରୋମି କାମଃ କର୍ତା ନାହ-ଙ୍କର୍ତା କାମଃ॑ କାର॒ଯିତା ନାହ॑-ଙ୍କାର॒ଯିତା ଏଷ ତେ କାମ କାମା॑ଯ ସ୍ଵା॒ହା ॥ 61.1 (ତୈ. ଅର. 6.61.1)
ମନ୍ଯୁରକାର୍ଷୀ᳚-ନ୍ନମୋ॒ ନମଃ ।
ମନ୍ଯୁରକାର୍ଷୀ-ନ୍ମନ୍ଯୁଃ କରୋତି ନାହ-ଙ୍କରୋମି ମନ୍ଯୁଃ କର୍ତା ନାହ-ଙ୍କର୍ତା ମନ୍ଯୁଃ॑ କାର॒ଯିତା ନାହ॑-ଙ୍କାର॒ଯିତା ଏଷ ତେ ମନ୍ଯୋ ମନ୍ଯ॑ଵେ ସ୍ଵା॒ହା ॥ 62.1 (ତୈ. ଅର. 6.62.1)
ଵିରଜା ହୋମ ମନ୍ତ୍ରାଃ (4.42)
ତିଲାଞ୍ଜୁହୋମି ସରସାଗ୍ଂ ସପିଷ୍ଟା-ନ୍ଗନ୍ଧାର ମମ ଚିତ୍ତେ ରମ॑ନ୍ତୁ ସ୍ଵା॒ହା ।
ଗାଵୋ ହିରଣ୍ଯ-ନ୍ଧନମନ୍ନପାନଗ୍ଂ ସର୍ଵେଷାଗ୍ ଶ୍ରି॑ଯୈ ସ୍ଵା॒ହା ।
ଶ୍ରିଯଞ୍ଚ ଲକ୍ଷ୍ମିଞ୍ଚ ପୁଷ୍ଟିଞ୍ଚ କୀର୍ତି॑-ଞ୍ଚା ନୃ॒ଣ୍ଯତାମ୍ । ବ୍ରହ୍ମଣ୍ଯ-ମ୍ବ॑ହୁପୁ॒ତ୍ରତାମ୍ ।
ଶ୍ରଦ୍ଧାମେଧେ ପ୍ରଜା-ସ୍ସନ୍ଦଦା॑ତୁ ସ୍ଵା॒ହା ॥ 63.3 (ତୈ. ଅର. 6.63.1)
ତିଲାଃ କୃଷ୍ଣା-ସ୍ତି॑ଲା-ଶ୍ଶ୍ଵେ॒ତା॒-ସ୍ତିଲା-ସ୍ସୌମ୍ଯା ଵ॑ଶାନୁ॒ଗାଃ ।
ତିଲାଃ ପୁନନ୍ତୁ॑ ମେ ପା॒ପଂ॒-ଯଁତ୍କିଞ୍ଚି-ଦ୍ଦୁରିତ-ମ୍ମ॑ଯି ସ୍ଵା॒ହା ।
ଚୋର॒ସ୍ଯାନ୍ନ-ନ୍ନ॑ଵଶ୍ରା॒ଦ୍ଧ॒-ମ୍ବ୍ର॒ହ୍ମ॒ହା ଗୁ॑ରୁତ॒ଲ୍ପଗଃ ।
ଗୋସ୍ତେଯଗ୍ଂ ସ॑ରାପା॒ନ॒-ମ୍ଭ୍ରୂଣହତ୍ଯା ତିଲା ଶାନ୍ତିଗ୍ଂ ଶମଯ॑ନ୍ତୁ ସ୍ଵା॒ହା ।
ଶ୍ରୀଶ୍ଚ ଲକ୍ଷ୍ମୀଶ୍ଚ ପୁଷ୍ଟୀଶ୍ଚ କୀର୍ତି॑-ଞ୍ଚା ନୃ॒ଣ୍ଯତାମ୍ ।
ବ୍ରହ୍ମଣ୍ଯ-ମ୍ବ॑ହୁପୁ॒ତ୍ରତାମ୍ ।
ଶ୍ରଦ୍ଧାମେଧେ ପ୍ରଜ୍ଞାତୁ ଜାତଵେଦ-ସ୍ସନ୍ଦଦା॑ତୁ ସ୍ଵା॒ହା ॥ 64.3 (ତୈ. ଅର. 6.64.1)
ପ୍ରାଣାପାନ-ଵ୍ଯାନୋଦାନ-ସମାନା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଵାଂ-ମନ-ଶ୍ଚକ୍ଷୁଃ-ଶ୍ରୋତ୍ର-ଜିହ୍ଵା-ଘ୍ରାଣ-ରେତୋ-ବୁଦ୍ଧ୍ଯାକୂତି-ସ୍ସଙ୍କଲ୍ପା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ତ୍ଵକ୍-ଚର୍ମ-ମାଗ୍ଂସ-ରୁଧିର-ମେଦୋ-ମଜ୍ଜା-ସ୍ନାଯଵୋ-ଽସ୍ଥୀନି ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଶିରଃ ପାଣି ପାଦ ପାର୍ଶ୍ଵ ପୃଷ୍ଠୋ-ରୂଦର-ଜଙ୍ଘ-ଶିଶ୍ର୍ନୋପସ୍ଥ ପାଯଵୋ ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଉତ୍ତିଷ୍ଠ ପୁରୁଷ ହରିତ-ପିଙ୍ଗଲ ଲୋହିତାକ୍ଷି ଦେହି ଦେହି ଦଦାପଯିତା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ॥ 65.5 (ତୈ. ଅର. 6.65.1)
ପୃଥିଵ୍ଯାପ ସ୍ତେଜୋ ଵାଯୁ-ରାକାଶା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଶବ୍ଦ-ସ୍ପର୍ଶ-ରୂପରସ-ଗନ୍ଧା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ମନୋ-ଵାକ୍-କାଯ-କର୍ମାଣି ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଅଵ୍ଯକ୍ତଭାଵୈ-ର॑ହଙ୍କା॒ର॒-ର୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଆତ୍ମା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ଅନ୍ତରାତ୍ମା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
ପରମାତ୍ମା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ।
କ୍ଷୁ॒ଧେ ସ୍ଵାହା᳚ । କ୍ଷୁତ୍ପି॑ପାସାଯ॒ ସ୍ଵାହା᳚ । ଵିଵି॑ଟ୍ଯୈ॒ ସ୍ଵାହା᳚ ।
ଋଗ୍ଵି॑ଧାନାଯ॒ ସ୍ଵାହା᳚ । କ॒ଷୋ᳚ତ୍କାଯ॒ ସ୍ଵାହା᳚ ।
କ୍ଷୁ॒ତ୍ପି॒ପା॒ସାମ॑ଲ-ଞ୍ଜ୍ଯେ॒ଷ୍ଠା॒ମ॒ଲ॒କ୍ଷ୍ମୀ-ର୍ନା॑ଶଯା॒ମ୍ଯହମ୍ ।
ଅଭୂ॑ତି॒-ମସ॑ମୃଦ୍ଧି॒ଞ୍ଚ॒ ସର୍ଵାଂ (ସର୍ଵା) ନିର୍ଣୁଦ ମେ ପାପ୍ମା॑ନଗ୍ଗ୍ ସ୍ଵା॒ହା ।
ଅନ୍ନମଯ-ପ୍ରାଣମଯ-ମନୋମଯ-ଵିଜ୍ଞାନମଯ-ମାନନ୍ଦମଯ-ମାତ୍ମା ମେ॑ ଶୁଦ୍ଧ୍ଯ॒ନ୍ତା॒-ଞ୍ଜ୍ଯୋତି॑ ର॒ହଂ-ଵିଁ॒ରଜା॑ ଵିପା॒ପ୍ମା ଭୂ॑ଯାସ॒ଗ୍ଗ୍॒ ସ୍ଵାହା᳚ ॥ 66.10 (ତୈ. ଅର. 6.66.1)
ଵୈଶ୍ଵଦେଵ ମନ୍ତ୍ରାଃ (4.43)
ଅ॒ଗ୍ନଯେ॒ ସ୍ଵାହା᳚ । ଵିଶ୍ଵେ᳚ଭ୍ଯୋ ଦେ॒ଵେଭ୍ଯ॒-ସ୍ସ୍ଵାହା᳚ ।
ଧ୍ରୁ॒ଵାଯ॑ ଭୂ॒ମାଯ॒ ସ୍ଵାହା᳚ । ଧ୍ରୁ॒ଵ॒କ୍ଷିତ॑ଯେ॒ ସ୍ଵାହା᳚ ।
ଅ॒ଚ୍ଯୁ॒ତ॒କ୍ଷିତ॑ଯେ॒ ସ୍ଵାହା᳚ । ଅ॒ଗ୍ନଯେ᳚ ସ୍ଵିଷ୍ଟ॒କୃତେ॒ ସ୍ଵାହା᳚ ।
ଧର୍ମା॑ଯ॒ ସ୍ଵାହା᳚ । ଅଧ॑ର୍ମାଯ॒ ସ୍ଵାହା᳚ ।
ଅ॒ଦ୍ଭ୍ଯ-ସ୍ସ୍ଵାହା᳚ । ଓ॒ଷ॒ଧି॒ଵ॒ନ॒ସ୍ପ॒ତିଭ୍ଯ॒-ସ୍ସ୍ଵାହା᳚ । 67.1 (ତୈ. ଅର. 6.67.1)
ର॒କ୍ଷୋ॒ଦେ॒ଵ॒ଜ॒ନେଭ୍ଯ॒-ସ୍ସ୍ଵାହା᳚ ।
ଗୃହ୍ଯା᳚ଭ୍ଯ॒-ସ୍ସ୍ଵାହା᳚ । ଅ॒ଵ॒ସାନେ᳚ଭ୍ଯ॒-ସ୍ସ୍ଵାହା᳚ ।
ଅ॒ଵ॒ସାନ॑ପତିଭ୍ଯ॒-ସ୍ସ୍ଵାହା᳚ । ସ॒ର୍ଵ॒ଭୂ॒ତେଭ୍ଯ॒-ସ୍ସ୍ଵାହା᳚ ।
ଆମା॑ଯ॒ ସ୍ଵାହା᳚ । ଅ॒ନ୍ତରି॑କ୍ଷାଯ॒ ସ୍ଵାହା᳚ ।
ଯଦେଜ॑ତି॒ ଜଗ॑ତି॒ ଯଚ୍ଚ॒ ଚେଷ୍ଟ॑ତି॒ ନାମ୍ନୋ॑ ଭା॒ଗୋ-ଽଯ-ନ୍ନାମ୍ନେ॒ ସ୍ଵାହା᳚ ।
ପୃ॒ଥି॒ଵ୍ଯୈ ସ୍ଵାହା᳚ । ଅ॒ନ୍ତରି॑କ୍ଷାଯ॒ ସ୍ଵାହା᳚ । 67.2 (ତୈ. ଅର. 6.67.2)
ଦି॒ଵେ ସ୍ଵାହା᳚ । ସୂର୍ଯା॑ଯ॒ ସ୍ଵାହା᳚ ।
ଚ॒ନ୍ଦ୍ରମ॑ସେ॒ ସ୍ଵାହା᳚ । ନକ୍ଷ॑ତ୍ରେଭ୍ଯ॒-ସ୍ସ୍ଵାହା᳚ ।
ଇନ୍ଦ୍ରା॑ଯ॒ ସ୍ଵାହା᳚ । ବୃହ॒ସ୍ପତ॑ଯେ॒ ସ୍ଵାହା᳚ ।
ପ୍ର॒ଜାପ॑ତଯେ॒ ସ୍ଵାହା᳚ । ବ୍ରହ୍ମ॑ଣେ॒ ସ୍ଵାହା᳚ ।
ସ୍ଵ॒ଧା ପି॒ତୃଭ୍ଯ॒-ସ୍ସ୍ଵାହା᳚ । ନମୋ॑ ରୁ॒ଦ୍ରାଯ॑ ପଶୁ॒ପତ॑ଯେ॒ ସ୍ଵାହା᳚ । 67.3 (ତୈ. ଅର. 6.67.3)
ଦେ॒ଵେଭ୍ଯ॒-ସ୍ସ୍ଵାହା᳚ । ପି॒ତୃଭ୍ଯଃ॑ ସ୍ଵ॒ଧା-ଽସ୍ତୁ॑ ।
ଭୂ॒ତେଭ୍ଯୋ॒ ନମଃ॑ । ମ॒ନୁ॒ଷ୍ଯେ᳚ଭ୍ଯୋ॒ ହନ୍ତା᳚ ।
ପ୍ର॒ଜାପ॑ତଯେ॒ ସ୍ଵାହା᳚ । ପ॒ର॒ମେ॒ଷ୍ଠିନେ॒ ସ୍ଵାହା᳚ ।
ଯଥା କୂ॑ପ-ଶ୍ଶ॒ତଧା॑ର-ସ୍ସ॒ହସ୍ର॑ଧାରୋ॒ ଅକ୍ଷି॑ତଃ ।
ଏ॒ଵା ମେ॑ ଅସ୍ତୁ ଧା॒ନ୍ଯଗ୍ଂ ସ॒ହସ୍ର॑ଧାର॒-ମକ୍ଷି॑ତମ୍ ।
ଧନ॑ଧାନ୍ଯୈ॒ ସ୍ଵାହା᳚ ॥ ଯେ ଭୂ॒ତାଃ ପ୍ର॒ଚର॑ନ୍ତି॒ ଦିଵା॒ନକ୍ତ॒-ମ୍ବଲି॑-ମି॒ଚ୍ଛନ୍ତୋ॑ ଵି॒ତୁଦ॑ସ୍ଯ॒ ପ୍ରେଷ୍ଯାଃ᳚ ।
ତେଭ୍ଯୋ॑ ବ॒ଲି-ମ୍ପୁ॑ଷ୍ଟି॒କାମୋ॑ ହରାମି॒ ମଯି॒ ପୁଷ୍ଟି॒-ମ୍ପୁଷ୍ଟି॑ପତି-ର୍ଦଧାତୁ॒ ସ୍ଵାହା᳚ ॥ 67.4 (ତୈ. ଅର. 6.67.4)
(ଓ॒ଷ॒ଧି॒ଵ॒ନ॒ସ୍ପ॒ତିଭ୍ଯ॒-ସ୍ସ୍ଵାହା॒ - ଽନ୍ତରି॑କ୍ଷାଯ॒ ସ୍ଵାହା॒ - ନମୋ॑ ରୁ॒ଦ୍ରାଯ॑ ପଶୁ॒ପତ॑ଯେ॒ ସ୍ଵାହା॑ - ଵି॒ତୁଦ॑ସ୍ଯ॒ ପ୍ରେଷ୍ଯା॒ ଏକ॑-ଞ୍ଚ)
ଓ᳚-ନ୍ତ-ଦ୍ବ୍ର॒ହ୍ମ । ଓ᳚-ନ୍ତ-ଦ୍ଵା॒ଯୁଃ ।
ଓ᳚-ନ୍ତଦା॒ତ୍ମା । ଓ᳚-ନ୍ତ-ଥ୍ସ॒ତ୍ଯମ୍ ।
ଓ᳚-ନ୍ତ-ଥ୍ସର୍ଵ᳚ମ୍ । ଓ᳚-ନ୍ତ-ତ୍ପୁରୋ॒-ର୍ନମଃ ।
ଅନ୍ତଶ୍ଚରତି॑ ଭୂତେ॒ଷୁ॒ ଗୁହାଯାଂ-ଵିଁ॑ଶ୍ଵ ମୂ॒ର୍ତିଷୁ ।
ତ୍ଵଂ-ଯଁଜ୍ଞସ୍ତ୍ଵଂ-ଵଁଷଟ୍କାରସ୍ତ୍ଵ-ମିଦ୍ରସ୍ତ୍ଵଗ୍ଂ ରୁଦ୍ରସ୍ତ୍ଵଂଵିଁଷ୍ଣୁସ୍ତ୍ଵ-ମ୍ବ୍ରହ୍ମତ୍ଵ॑-ମ୍ପ୍ରଜା॒ପତିଃ ।
ତ୍ଵ-ନ୍ତ॑ଦାପ॒ ଆପୋ॒ ଜ୍ଯୋତୀ॒ ରସୋ॒-ଽମୃତ॒-ମ୍ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥ 68.2 (ତୈ. ଅର. 6.68.1)
4.44 ପ୍ରାଣାହୁତି ମନ୍ତ୍ରାଃ
ଶ୍ର॒ଦ୍ଧାଯା᳚-ମ୍ପ୍ରା॒ଣେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାଯା॑ମପା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାଯାଂ᳚-ଵ୍ଯାଁ॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାଯା॑ମୁଦା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶ୍ର॒ଦ୍ଧାଯାଗ୍ଂ॑ ସମା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ବ୍ରହ୍ମ॑ଣି ମ ଆ॒ତ୍ମା-ଽମୃ॑ତ॒ତ୍ଵାଯ॑ ॥
ଅ॒ମୃ॒ତୋ॒ପ॒ସ୍ତର॑ଣମସି ॥
ଶ୍ର॒ଦ୍ଧାଯା᳚-ମ୍ପ୍ରା॒ଣେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାଯ । ପ୍ରା॒ଣାଯ॒ ସ୍ଵାହା᳚ ।
ଶ୍ର॒ଦ୍ଧାଯା॑ମପା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାଯ । ଅ॒ପା॒ନାଯ॒ ସ୍ଵାହା᳚ ।
ଶ୍ର॒ଦ୍ଧାଯାଂ᳚-ଵ୍ଯାଁ॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାଯ । ଵ୍ଯା॒ନାଯ॒ ସ୍ଵାହା᳚ ।
ଶ୍ର॒ଦ୍ଧାଯା॑-ମୁଦା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାଯ । ଉ॒ଦା॒ନାଯ॒ ସ୍ଵାହା᳚ ।
ଶ୍ର॒ଦ୍ଧାଯାଗ୍ଂ॑ ସମା॒ନେ ନିଵି॑ଷ୍ଟୋ॒-ଽମୃତ॑-ଞ୍ଜୁହୋମି ।
ଶି॒ଵୋ ମା॑ ଵି॒ଶାପ୍ର॑ଦାହାଯ । ସ॒ମା॒ନାଯ॒ ସ୍ଵାହା᳚ ।
ବ୍ରହ୍ମ॑ଣି ମ ଆ॒ତ୍ମା-ଽମୃ॑ତ॒ତ୍ଵାଯ॑ ॥
ଅ॒ମୃ॒ତା॒ପି॒ଧା॒ନମ॑ସି ॥ 69.4 (ତୈ. ଅର. 6.69.1)
ଭୁକ୍ତାନ୍ନାଭିମନ୍ତ୍ରଣ ମନ୍ତ୍ରାଃ (4.45)
ଶ୍ର॒ଦ୍ଧାଯା᳚-ମ୍ପ୍ରା॒ଣେ ନିଵି॑ଶ୍ଯା॒-ଽମୃତଗ୍ଂ॑ ହୁ॒ତମ୍ । ପ୍ରା॒ଣ ମନ୍ନେ॑ନାପ୍ଯାଯସ୍ଵ ।
ଶ୍ର॒ଦ୍ଧାଯା॑ମପା॒ନେ ନିଵି॑ଶ୍ଯା॒-ଽମୃତଗ୍ଂ॑ ହୁ॒ତମ୍ । ଅ॒ପା॒ନ ମନ୍ନେ॑ନାପ୍ଯାଯସ୍ଵ ।
ଶ୍ର॒ଦ୍ଧାଯାଂ᳚-ଵ୍ଯାଁ॒ନେ ନିଵି॑ଶ୍ଯା॒-ଽମୃତଗ୍ଂ॑ ହୁ॒ତମ୍ । ଵ୍ଯା॒ନ ମନ୍ନେ॑ନାପ୍ଯାଯସ୍ଵ ।
ଶ୍ର॒ଦ୍ଧାଯା॑-ମୁଦା॒ନେ ନିଵି॑ଶ୍ଯା॒-ଽମୃତଗ୍ଂ॑ ହୁ॒ତମ୍ । ଉ॒ଦା॒ନ ମନ୍ନେ॑ନାପ୍ଯାଯସ୍ଵ ।
ଶ୍ର॒ଦ୍ଧାଯାଗ୍ଂ॑ ସମା॒ନେ ନିଵି॑ଶ୍ଯା॒-ଽମୃତଗ୍ଂ॑ ହୁ॒ତମ୍ । ସ॒ମାନ॒ ମନ୍ନେ॑ନାପ୍ଯାଯସ୍ଵ ॥ 70.1 (ତୈ. ଅର0.1)
ଭୋଜନାନ୍ତେ ଆତ୍ମାନୁସନ୍ଧାନ ମନ୍ତ୍ରାଃ (4.46)
ଅଙ୍ଗୁଷ୍ଠମାତ୍ରଃ ପୁରୁଷୋ-ଽଙ୍ଗୁଷ୍ଠଞ୍ଚ॑ ସମା॒ଶ୍ରିତଃ । ଈଶ-ସ୍ସର୍ଵସ୍ଯ ଜଗତଃ ପ୍ରଭୁଃ ପ୍ରୀଣାତି॑ ଵିଶ୍ଵ॒ଭୁକ୍ ॥ 71.1 (ତୈ. ଅର. 6.71.1)
ଅଵଯଵସ୍ଵସ୍ଥତା ପ୍ରାର୍ଥନା ମନ୍ତ୍ରଃ (4.47)
ଵାମ୍ମ॑ ଆ॒ସନ୍ନ୍ । ନ॒ସୋଃ ପ୍ରା॒ଣଃ । ଅ॒କ୍ଷ୍ଯୋ-ଶ୍ଚକ୍ଷୁଃ॑ ।
କର୍ଣ॑ଯୋ॒-ଶ୍ଶ୍ରୋତ୍ର᳚ମ୍ । ବା॒ହୁ॒ଵୋ-ର୍ବଲ᳚ମ୍ । ଊ॒ରୁ॒ଵୋ ରୋଜଃ॑ ।
ଅରି॑ଷ୍ଟା॒ ଵିଶ୍ଵା॒ନ୍ଯଙ୍ଗା॑ନି ତ॒ନୂଃ । ତ॒ନୁଵା॑ ମେ ସ॒ହ ନମ॑ସ୍ତେ ଅସ୍ତୁ॒ ମା ମା॑ ହିଗ୍ଂସୀଃ ॥ 72.1 (ତୈ. ଅର. 6.72.1)
ଇନ୍ଦ୍ର ସପ୍ତର୍ଷି ସଂଵାଁଦ ମନ୍ତ୍ରଃ (4.48)
ଵଯଃ॑ ସୁପ॒ର୍ଣା ଉପ॑ସେଦୁ॒ରିନ୍ଦ୍ର॑-ମ୍ପ୍ରି॒ଯ ମେ॑ଧା॒ ଋଷ॑ଯୋ॒ ନାଧ॑ମାନାଃ ।
ଅପ॑ଦ୍ଧ୍ଵା॒ନ୍ତ ମୂ᳚ର୍ଣୁ॒ହି ପୂ॒ର୍ଧି ଚକ୍ଷୁ॑-ର୍ମୁମୁ॒ଗ୍ଧ୍ଯ॑ସ୍ମା-ନ୍ନି॒ଧଯେ॑ ଽଵବ॒ଦ୍ଧାନ୍ ॥ 73.1 (ତୈ. ଅର. 6.73.1)
ହୃଦଯାଲମ୍ଭନ ମନ୍ତ୍ରଃ (4.49)
ପ୍ରାଣାନା-ଙ୍ଗ୍ରନ୍ଥିରସି ରୁଦ୍ରୋ ମା॑ ଵିଶା॒ନ୍ତକଃ । ତେନାନ୍ନେନା᳚-ପ୍ଯାଯ॒ସ୍ଵ ॥ 74.1 (ତୈ. ଅର. 6.74.1)
ଦେଵତା ପ୍ରାଣନିରୂପଣ ମନ୍ତ୍ରଃ (4.50)
ନମୋ ରୁଦ୍ରାଯ ଵିଷ୍ଣଵେ ମୃତ୍ଯୁ॑ର୍ମେ ପା॒ହି ॥ 75.1 (ତୈ. ଅର. 6.75.1)
ଅଗ୍ନି ସ୍ତୁତି ମନ୍ତ୍ରଃ (4.51)
ତ୍ଵମ॑ଗ୍ନେ॒ ଦ୍ଯୁଭି॒-ସ୍ତ୍ଵମା॑ଶୁ-ଶୁ॒କ୍ଷଣି॒-ସ୍ତ୍ଵମ॒ଦ୍ଭ୍ଯ-ସ୍ତ୍ଵମଶ୍ମ॑ନ॒ସ୍ପରି॑ ।
ତ୍ଵଂ-ଵଁନେ᳚ଭ୍ଯ॒-ସ୍ତ୍ଵମୋଷ॑ଧୀଭ୍ଯ॒-ସ୍ତ୍ଵ-ନ୍ନୃ॒ଣା-ନ୍ନୃ॑ପତେ ଜାଯସେ॒ ଶୁଚିଃ॑ ॥ 76.1 (ତୈ. ଅର. 6.76.1)
ଅଭୀଷ୍ଟ ଯାଚନା ମନ୍ତ୍ରଃ (4.52)
ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ ସ୍ଯୋ॒ନେନ॑ ମେ॒ ସନ୍ତି॑ଷ୍ଠସ୍ଵ ସୁଭୂ॒ତେନ॑ ମେ॒ ସନ୍ତି॑ଷ୍ଠସ୍ଵ ବ୍ରହ୍ମଵର୍ଚ॒ସେନ॑ ମେ॒ ସନ୍ତି॑ଷ୍ଠସ୍ଵ ଯ॒ଜ୍ଞସ୍ଯର୍ଧି॒ ମନୁ॒ ସନ୍ତି॑ଷ୍ଠ॒ ସ୍ଵୋପ॑ ତେ ଯଜ୍ଞ॒ ନମ॒ ଉପ॑ ତେ॒ ନମ॒ ଉପ॑ ତେ॒ ନମଃ॑ ॥ 77.1 (ତୈ. ଅର. 6.77.1)
ପର ତତ୍ତ୍ଵ ନିରୂପଣଂ (4.53)
ସ॒ତ୍ଯ-ମ୍ପର॒-ମ୍ପରଗ୍ଂ॑ ସ॒ତ୍ଯଗ୍ଂ ସ॒ତ୍ଯେନ॒ ନ ସୁ॑ଵ॒ର୍ଗା-ଲ୍ଲୋ॒କାଚ୍ଚ୍ଯ॑ଵନ୍ତେ କ॒ଦାଚ॒ନ ସ॒ତାଗ୍ଂ ହି ସ॒ତ୍ଯ-ନ୍ତସ୍ମା᳚-ଥ୍ସ॒ତ୍ଯେ ର॑ମନ୍ତେ॒,
ତପ॒ ଇତି॒ ତପୋ॒ ନାନଶ॑ନା॒-ତ୍ପରଂ॒-ଯଁଦ୍ଧି ପର॒-ନ୍ତପ॒ସ୍ତ-ଦ୍ଦୁଧ॑ର୍ଷ॒-ନ୍ତ-ଦ୍ଦୁରା॑ଧର୍ଷ॒-ନ୍ତସ୍ମା॒-ତ୍ତପ॑ସି ରମନ୍ତେ॒,
ଦମ॒ ଇତି॒ ନିଯ॑ତ-ମ୍ବ୍ରହ୍ମଚା॒ରିଣ॒-ସ୍ତସ୍ମା॒-ଦ୍ଦମେ॑ ରମନ୍ତେ॒,
ଶମ॒ ଇତ୍ଯର॑ଣ୍ଯେ ମୁ॒ନଯ॒-ସ୍ତସ୍ମା॒ଚ୍ଛମେ॑ ରମନ୍ତେ,
ଦା॒ନମିତି॒ ସର୍ଵା॑ଣି ଭୂ॒ତାନି॑ ପ୍ର॒ଶଗ୍ଂସ॑ନ୍ତି ଦା॒ନାନ୍ନାତି॑ ଦୁ॒ଶ୍ଚର॒-ନ୍ତସ୍ମା᳚-ଦ୍ଦା॒ନେ ର॑ମନ୍ତେ,
ଧ॒ର୍ମ ଇତି॒ ଧର୍ମେ॑ଣ॒ ସର୍ଵ॑ମି॒ଦ-ମ୍ପରି॑ଗୃହୀତ-ନ୍ଧ॒ର୍ମାନ୍ନାତି॑-ଦୁ॒ଷ୍କର॒-ନ୍ତସ୍ମା᳚--ଦ୍ଧ॒ର୍ମେ ର॑ମନ୍ତେ,
ପ୍ର॒ଜନ॒ ଇତି॒ ଭୂଯାଗ୍ଂ॑॑ସ॒-ସ୍ତସ୍ମା॒-ଦ୍ଭୂଯି॑ଷ୍ଠାଃ॒ ପ୍ରଜା॑ଯନ୍ତେ॒ ତସ୍ମା॒-ଦ୍ଭୂଯି॑ଷ୍ଠାଃ ॑ନେ ରମନ୍ତେ॒,
-ଽଗ୍ନଯ॒ ଇତ୍ଯା॑ହ॒ ତସ୍ମା॑-ଦ॒ଗ୍ନଯ॒ ଆଧା॑ତଵ୍ଯା ଅଗ୍ନିହୋ॒ତ୍ର-ମିତ୍ଯା॑ହ॒ ତସ୍ମା॑-ଦଗ୍ନିହୋ॒ତ୍ରେ ର॑ମନ୍ତେ,
ଯ॒ଜ୍ଞ ଇତି॑ ଯ॒ଜ୍ଞୋ ହି ଦେ॒ଵା ସ୍ତସ୍ମା᳚-ଦ୍ଯ॒ଜ୍ଞେ ର॑ମନ୍ତେ,
ମାନ॒ସ-ମିତି॑ ଵି॒ଦ୍ଵାଗ୍ଂସ॒-ସ୍ତସ୍ମା᳚-ଦ୍ଵି॒ଦ୍ଵାଗ୍ଂସ॑ ଏ॒ଵ ମା॑ନ॒ସେ ର॑ମନ୍ତେ,
ନ୍ଯା॒ସ ଇତି॑ ବ୍ର॒ହ୍ମା ବ୍ର॒ହ୍ମା ହି ପରଃ॒ ପରୋ॑ ହି ବ୍ର॒ହ୍ମା ତାନି॒ ଵା ଏ॒ତାନ୍ଯଵ॑ରାଣି॒ ପରାଗ୍ଂ॑ସି ନ୍ଯା॒ସ ଏ॒ଵାତ୍ଯ॑ରେଚଯ॒-ଦ୍ଯ ଏ॒ଵଂ-ଵେଁଦେ᳚ତ୍ଯୁପ॒ନିଷତ୍ ॥ 78.11 (ତୈ. ଅର. 6.78.1)
4.54 ଜ୍ଞାନ ସାଧନ ନିରୂପଣଂ
ପ୍ରା॒ଜା॒ପ॒ତ୍ଯୋ ହାରୁ॑ଣି-ସ୍ସୁପ॒ର୍ଣେଯଃ॑ ପ୍ର॒ଜାପ॑ତି-ମ୍ପି॒ତର॒-ମୁପ॑ସସାର॒ କି-ମ୍ଭ॑ଗଵ॒ନ୍ତଃ ପ॑ର॒ମଂ-ଵଁ॑ଦ॒ନ୍ତୀତି॒ ତସ୍ମୈ॒ ପ୍ରୋ॑ଵାଚ,
ସ॒ତ୍ଯେନ॑ ଵା॒ଯୁରାଵା॑ତି ସ॒ତ୍ଯେ-ନା॑ଦି॒ତ୍ଯୋ ରୋ॑ଚତେ ଦି॒ଵି ସ॒ତ୍ଯଂ-ଵାଁ॒ଚଃ ପ୍ର॑ତି॒ଷ୍ଠା ସ॒ତ୍ଯେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଥ୍ସ॒ତ୍ଯ-ମ୍ପ॑ର॒ମଂ-ଵଁଦ॑ନ୍ତି॒,
ତପ॑ସା ଦେ॒ଵା ଦେ॒ଵତା॒-ମଗ୍ର॑ ଆଯ॒-ନ୍ତପ॒ସର୍ଷ॑ଯ॒-ସ୍ସୁଵ॒ରନ୍ଵ॑-ଵିନ୍ଦ॒-ନ୍ତପ॑ସା ସ॒ପତ୍ନା॒-ନ୍ପ୍ରଣୁ॑ଦା॒-ମାରା॑ତୀ॒ ସ୍ତପ॑ସି ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒-ତ୍ତପଃ॑ ପର॒ମଂ-ଵଁଦ॑ନ୍ତି॒,
ଦମେ॑ନ ଦା॒ନ୍ତାଃ କି॒ଲ୍ବିଷ॑-ମଵଧୂ॒ନ୍ଵନ୍ତି॒ ଦମେ॑ନ ବ୍ରହ୍ମଚା॒ରିଣ॒-ସ୍ସୁଵ॑ରଗଚ୍ଛ॒-ନ୍ଦମୋ॑ ଭୂ॒ତାନା᳚-ନ୍ଦୁରା॒ଧର୍ଷ॒-ନ୍ଦମେ॑ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒-ଦ୍ଦମଃ॑ ପର॒ମଂ-ଵଁଦ॑ନ୍ତି॒,
ଶମେ॑ନ ଶା॒ନ୍ତା-ଶ୍ଶି॒ଵ-ମା॒ଚର॑ନ୍ତି॒ ଶମେ॑ନ ନା॒କ-ମ୍ମୁ॒ନଯୋ॒-ଽନ୍ଵଵି॑ନ୍ଦ॒ନ୍ ଛମୋ॑ ଭୂ॒ତାନା᳚-ନ୍ଦୁରା॒ଧର୍ଷ॒-ଞ୍ଛମେ॑ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା॒ଚ୍ଛମଃ॑ ପର॒ମଂ-ଵଁଦ॑ନ୍ତି,
ଦା॒ନଂ-ଯଁ॒ଜ୍ଞାନାଂ॒-ଵଁରୂ॑ଥ॒-ନ୍ଦକ୍ଷି॑ଣା ଲୋ॒କେ ଦା॒ତାରଗ୍ଂ॑ ସର୍ଵ ଭୂ॒ତାନ୍ଯୁ॑ପଜୀ॒ଵନ୍ତି॑ ଦା॒ନେନାରା॑ତୀ॒-ରପା॑ନୁଦନ୍ତ ଦା॒ନେନ॑ ଦ୍ଵିଷ॒ନ୍ତୋ ମି॒ତ୍ରା ଭ॑ଵନ୍ତି ଦା॒ନେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ଦା॒ନ-ମ୍ପ॑ର॒ମଂ-ଵଁଦ॑ନ୍ତି,
ଧ॒ର୍ମୋ ଵିଶ୍ଵ॑ସ୍ଯ॒ ଜଗ॑ତଃ ପ୍ରତି॒ଷ୍ଠା ଲୋ॒କେ ଧ॒ର୍ମିଷ୍ଠ॑-ମ୍ପ୍ର॒ଜା ଉ॑ପସ॒ର୍ପନ୍ତି॑ ଧ॒ର୍ମେଣ॑ ପା॒ପ-ମ॑ପ॒ନୁଦ॑ତି ଧ॒ର୍ମେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ଧ॒ର୍ମ-ମ୍ପ॑ର॒ମଂ-ଵଁଦ॑ନ୍ତି,
ପ୍ର॒ଜନ॑ନଂ॒-ଵୈଁ ପ୍ର॑ତି॒ଷ୍ଠା ଲୋ॒କେ ସା॒ଧୁ ପ୍ର॒ଜାଯା᳚ ସ୍ତ॒ନ୍ତୁନ୍-ତ॑ନ୍ଵା॒ନଃ ପି॑ତୃ॒ଣା ମ॑ନୃ॒ଣୋ ଭଵ॑ତି॒ ତଦେ॑ଵ ତ॒ସ୍ଯା ଅନୃ॑ଣ॒-ନ୍ତସ୍ମା᳚-ତ୍ପ୍ର॒ଜନ॑ନ-ମ୍ପର॒ମଂ-ଵଁଦ॑ନ୍ତ୍ଯ॒,
ଗ୍ନଯୋ॒ ଵୈ ତ୍ରଯୀ॑ ଵି॒ଦ୍ଯା ଦେ॑ଵ॒ଯାନଃ॒ ପନ୍ଥା॑ ଗାର୍ହପ॒ତ୍ଯ ଋକ୍-ପୃ॑ଥି॒ଵୀ ର॑ଥନ୍ତ॒ର-ମ॑ନ୍ଵାହା-ର୍ଯ॒ପଚ॑ନଂ॒-ଯଁଜୁ॑ର॒ନ୍ତରି॑କ୍ଷଂ-ଵାଁମଦେ॒ଵ୍ଯ ମା॑ହଵ॒ନୀଯ॒-ସ୍ସାମ॑ସୁଵ॒ର୍ଗୋ ଲୋ॒କୋ ବୃ॒ହତ୍-ତସ୍ମା॑-ଦ॒ଗ୍ନୀ-ନ୍ପ॑ର॒ମଂ-ଵଁଦ॑ନ୍ତ୍ଯ,
ଗ୍ନିହୋ॒ତ୍ରଗ୍ଂ ସା॑ଯ-ମ୍ପ୍ରା॒ତ-ର୍ଗୃ॒ହାଣାଂ॒-ନିଷ୍କୃ॑ତି॒-ସ୍ସ୍ଵି॑ଷ୍ଟଗ୍ଂ ସୁହୁ॒ତଂ-ଯଁ॑ଜ୍ଞକ୍ରତୂ॒ନା-ମ୍ପ୍ରାଯ॑ଣଗ୍ଂ ସୁଵ॒ର୍ଗସ୍ଯ॑ ଲୋ॒କସ୍ଯ॒ ଜ୍ଯୋତି॒-ସ୍ତସ୍ମା॑-ଦଗ୍ନିହୋ॒ତ୍ର-ମ୍ପ॑ର॒ମଂ-ଵଁଦ॑ନ୍ତି,
ଯ॒ଜ୍ଞ ଇତି॑ ଯ॒ଜ୍ଞେନ॒ ହି ଦେ॒ଵା ଦିଵ॑-ଙ୍ଗ॒ତା ଯ॒ଜ୍ଞେନାସୁ॑ରା॒-ନପା॑ନୁଦନ୍ତ ଯ॒ଜ୍ଞେନ॑ ଦ୍ଵିଷ॒ନ୍ତୋ ମି॒ତ୍ରା ଭ॑ଵନ୍ତି ଯ॒ଜ୍ଞେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ଦ୍ଯ॒ଜ୍ଞ-ମ୍ପ॑ର॒ମଂ-ଵଁଦ॑ନ୍ତି,
ମାନ॒ସଂ-ଵୈଁ ପ୍ରା॑ଜାପ॒ତ୍ଯ-ମ୍ପ॒ଵିତ୍ର॑-ମ୍ମାନ॒ସେନ॒ ମନ॑ସା ସା॒ଧୁ ପ॑ଶ୍ଯତି ମାନ॒ସା ଋଷ॑ଯଃ ପ୍ର॒ଜା ଅ॑ସୃଜନ୍ତ ମାନ॒ସେ ସ॒ର୍ଵ-ମ୍ପ୍ରତି॑ଷ୍ଠିତ॒-ନ୍ତସ୍ମା᳚-ନ୍ମାନ॒ସ-ମ୍ପ॑ର॒ମଂ-ଵଁଦ॑ନ୍ତି,
ନ୍ଯା॒ସ ଇ॒ତ୍ଯାହୁ॑-ର୍ମନୀ॒ଷିଣୋ᳚ ବ୍ର॒ହ୍ମାଣ॑-ମ୍ବ୍ର॒ହ୍ମା ଵିଶ୍ଵଃ॑ କତ॒ମ-ସ୍ସ୍ଵ॑ଯ॒ଭୁଂଃ ପ୍ର॒ଜାପ॑ତି-ସ୍ସଂଵଁଥ୍ସର॒ ଇତି॑, ସଂଵଁଥ୍ସ॒ରୋ॑ ଽସାଵା॑ଦି॒ତ୍ଯୋ ଯ ଏ॒ଷ ଆ॑ଦି॒ତ୍ଯେ ପୁରୁ॑ଷ॒-ସ୍ସ ପ॑ରମେ॒ଷ୍ଠୀ ବ୍ରହ୍ମା॒ତ୍ମା,
ଯାଭି॑ରାଦି॒ତ୍ଯ-ସ୍ତପ॑ତି ର॒ଶ୍ମିଭି॒ସ୍ତାଭିଃ॑ ପ॒ର୍ଜନ୍ଯୋ॑ ଵର୍ଷତି ପ॒ର୍ଜନ୍ଯେ॑-ନୌଷଧି-ଵନସ୍ପ॒ତଯଃ॒ ପ୍ରଜା॑ଯନ୍ତ ଓଷଧି-ଵନସ୍ପ॒ତିଭି॒-ରନ୍ନ॑-ମ୍ଭଵ॒ତ୍ଯନ୍ନେ॑ନ ପ୍ରା॒ଣାଃ ପ୍ରା॒ଣୈ-ର୍ବଲ॒-ମ୍ବଲେ॑ନ॒ ତପ॒-ସ୍ତପ॑ସା ଶ୍ର॒ଦ୍ଧା ଶ୍ର॒ଦ୍ଧଯା॑ ମେ॒ଧା ମେ॒ଧଯା॑ ମନୀ॒ଷା ମ॑ନୀ॒ଷଯା॒ ମନୋ॒ ମନ॑ସା॒ ଶାନ୍ତି॒-ଶ୍ଶାନ୍ତ୍ଯା॑ ଚି॒ତ୍ତ-ଞ୍ଚି॒ତ୍ତେନ॒ ସ୍ମୃତି॒ଗ୍ଗ୍॒ ସ୍ମୃତ୍ଯା॒ ସ୍ମାର॒ଗ୍ଗ୍॒ ସ୍ମାରେ॑ଣ ଵି॒ଜ୍ଞାନଂ॑-ଵିଁ॒ଜ୍ଞାନେ॑-ନା॒ତ୍ମାନଂ॑-ଵେଁଦଯତି॒ ତସ୍ମା॑ଦ॒ନ୍ନ-ନ୍ଦଦ॒ନ୍-ଥ୍ସର୍ଵା᳚ଣ୍ଯେ॒ତାନି॑ ଦଦା॒-ତ୍ଯନ୍ନା᳚-ତ୍ପ୍ରା॒ଣା ଭ॑ଵନ୍ତି,
ଭୂ॒ତାନା᳚-ମ୍ପ୍ରା॒ଣୈ-ର୍ମନୋ॒ ମନ॑ସଶ୍ଚ ଵି॒ଜ୍ଞାନଂ॑-ଵିଁ॒ଜ୍ଞାନା॑-ଦାନ॒ନ୍ଦୋ ବ୍ର॑ହ୍ମ ଯୋ॒ନି-ସ୍ସ ଵା ଏ॒ଷ ପୁରୁ॑ଷଃ ପଞ୍ଚ॒ଧା ପ॑ଞ୍ଚା॒ତ୍ମା ଯେନ॒ ସର୍ଵ॑ମି॒ଦ-ମ୍ପ୍ରୋତ॑-ମ୍ପୃଥି॒ଵୀ ଚା॒ନ୍ତରି॑କ୍ଷ-ଞ୍ଚ॒ ଦ୍ଯୌଶ୍ଚ॒ ଦିଶ॑ଶ୍ଚାଵାନ୍ତରଦି॒ଶାଶ୍ଚ॒ ସ ଵୈ ସର୍ଵ॑ମି॒ଦ-ଞ୍ଜଗ॒ଥ୍ସ ସ॒ଭୂତଗ୍ଂ॑ ସ ଭ॒ଵ୍ଯ-ଞ୍ଜି॑ଜ୍ଞାସ କ୍ଲୃ॒ପ୍ତ ଋ॑ତ॒ଜା ରଯି॑ଷ୍ଠା,
ଶ୍ର॒ଦ୍ଧା ସ॒ତ୍ଯୋ ମହ॑ସ୍ଵା-ନ୍ତ॒ପସୋ॒ ପରି॑ଷ୍ଠା॒ଦ୍ (ଵରି॑ଷ୍ଠା॒ଦ୍) ଜ୍ଞାତ୍ଵା॑ ତମେ॒ଵ-ମ୍ମନ॑ସା ହୃ॒ଦା ଚ॒ ଭୂଯୋ॑ ନ ମୃ॒ତ୍ଯୁ-ମୁପ॑ଯାହି ଵି॒ଦ୍ଵା-ନ୍ତସ୍ମା᳚-ନ୍ନ୍ଯା॒ସ-ମେ॒ଷା-ନ୍ତପ॑ସା-ମତିରିକ୍ତ॒ମାହୁ॑-ର୍ଵସୁର॒ଣ୍ଵୋ॑ ଵି॒ଭୂର॑ସି ପ୍ରା॒ଣେ ତ୍ଵମସି॑ ସନ୍ଧା॒ତା
ବ୍ରହ୍ମ॑-ନ୍ତ୍ଵମସି॑ ଵିଶ୍ଵ॒ଧୃତ୍ତେ॑-ଜୋ॒ଦାସ୍ ତ୍ଵମ॑ସ୍ଯ॒ଗ୍ନି-ର॑ସି ଵର୍ଚୋ॒ଦା-ସ୍ତ୍ଵମ॑ସି॒ ସୂର୍ଯ॑ସ୍ଯ ଦ୍ଯୁମ୍ନୋ॒ଦା ସ୍ତ୍ଵମ॑ସି ଚ॒ନ୍ଦ୍ରମ॑ସ ଉପଯା॒ମଗୃ॑ହୀତୋ-ଽସି ବ୍ର॒ହ୍ମଣେ᳚ ତ୍ଵା॒ ମହସ॒,
ଓମିତ୍ଯା॒ତ୍ମାନଂ॑-ଯୁଁଞ୍ଜୀତୈ॒ତଦ୍ଵୈ ମ॑ହୋପ॒ନିଷ॑ଦ-ନ୍ଦେ॒ଵାନା॒-ଙ୍ଗୁହ୍ଯଂ॒-ଯଁ ଏ॒ଵଂ-ଵେଁଦ॑ ବ୍ର॒ହ୍ମଣୋ॑ ମହି॒ମାନ॑-ମାପ୍ନୋତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑-ମିତ୍ଯୁପ॒ନିଷତ୍ ॥ 79.20 (ତୈ. ଅର. 6.79.1)
ଜ୍ଞାନଯଜ୍ଞଃ (4.55)
ତସ୍ଯୈ॒ଵଂ-ଵିଁ॒ଦୁଷୋ॑ ଯ॒ଜ୍ଞସ୍ଯା॒ତ୍ମା ଯଜ॑ମାନଃ-ଶ୍ର॒ଧ୍ଦାପତ୍ନୀ॒ ଶରୀ॑ର-ମି॒ଦ୍ଧ୍ମମୁରୋ॒ ଵେଦି॒-ର୍ଲୋମା॑ନି
ବ॒ର॒ଃଇ-ର୍ଵେ॒ଦଃ-ଶିଖା॒ ହୃଦ॑ଯଂ॒-ଯୂଁପଃ॒ କାମ॒ ଆଜ୍ଯ॑-ମ୍ମ॒ନ୍ଯୁଃ ପ॒ଶୁ-ସ୍ତପୋ॒-ଽଗ୍ନି-ର୍ଦମଃ॑ ଶମଯି॒ତା ଦକ୍ଷି॑ଣା॒-ଵାଘୋତା᳚ ପ୍ରା॒ଣ ଉ॑ଦ୍ଗ॒ତା
ଚକ୍ଷୁ॑ରଧ୍ଵ॒ର୍ଯୁ-ର୍ମନୋ॒ ବ୍ରହ୍ମା॒ ଶ୍ରୋତ୍ର॑ମ॒ଗ୍ନୀ-ଧ୍ଯାଵ॒ଧ୍ଦ୍ରିଯ॑ତେ॒
ସା ଦୀ॒କ୍ଷା ଯଦଶ୍ର୍ନା॑ତି॒ ତଧ୍ଦଵି॒-ର୍ଯତ୍ପିବ॑ତି॒ ତଦ॑ସ୍ଯ ସୋମପା॒ନଂ-ଯଁଦ୍ରମ॑ତେ॒
ତଦୁ॑ପ॒ସଦୋ॒ ଯ-ଥ୍ସ॒ଞ୍ଚର॑-ତ୍ଯୁପ॒ଵିଶ॑-ତ୍ଯୁ॒ତ୍ତିଷ୍ଠ॑ତେ ଚ॒ ସପ୍ର॑ଵ॒ର୍ଗ୍ଯୋ॑
ଯନ୍ମୁଖ॒-ନ୍ତଦା॑ହଵ॒ନୀଯୋ॒ ଯା ଵ୍ଯାହୃ॑ତି-ରାହୁ॒ତି-ର୍ଯଦ॑ସ୍ଯ ଵି॒ଜ୍ଞାନ॒-ନ୍ତଜ୍ଜୁ॒ହୋତି॒ ଯଥ୍ସା॒ଯ-ମ୍ପ୍ରା॒ତର॑ତ୍ତି॒ ତଥ୍ସ॒ମିଧଂ॒-ଯଁତ୍ପ୍ରା॒ତ-ର୍ମ॒ଦ୍ଧ୍ଯନ୍ଦି॑ନଗ୍ଂ ସା॒ଯ-ଞ୍ଚ॒ ତାନି॒ ସଵ॑ନାନି॒ ଯେ
ଅ॑ହୋରା॒ତ୍ରେ ତେ ଦ॑ର୍ଶପୂର୍ଣମା॒ସୌ ଯେ᳚-ଽର୍ଧମା॒ସାଶ୍ଚ॒ ମାସା᳚ଶ୍ଚ॒ ତେ ଚା॑ତୁର୍ମା॒ସ୍ଯାନି॒ ଯ ଋ॒ତଵ॒ସ୍ତେ ପ॑ଶୁବ॒ନ୍ଧା ଯେ ସଂ॑ଵଁଥ୍ସ॒ରାଶ୍ଚ॑ ପରିଵଥ୍ସ॒ରାଶ୍ଚ॒ ତେ-ଽହ॑ର୍ଗ॒ଣା-ସ୍ସ॑ର୍ଵ ଵେଦ॒ସଂ-ଵାଁ
ଏ॒ତ-ଥ୍ସ॒ତ୍ରଂ-ଯଁନ୍ମର॑ଣ॒-ନ୍ତଦ॑ଵ॒ଭୃଥ॑ ଏ॒ତଦ୍ଵୈ ଜ॑ରାମର୍ଯ-ମଗ୍ନିହୋ॒ତ୍ରଗ୍ଂ ସ॒ତ୍ରଂ-ଯଁ ଏ॒ଵଂ-ଵିଁ॒ଦ୍ଵା-ନୁ॑ଦ॒ଗଯ॑ନେ ପ୍ର॒ମୀଯ॑ତେ
ଦେ॒ଵାନା॑ମେ॒ଵ ମ॑ହି॒ମାନ॑-ଙ୍ଗ॒ତ୍ଵା-ଽଽଦି॒ତ୍ଯସ୍ଯ॒ ସାଯୁ॑ଜ୍ଯ-ଙ୍ଗଚ୍ଛ॒ତ୍ଯଥ॒ ଯୋ ଦ॑କ୍ଷି॒ଣେ ପ୍ର॒ମୀଯ॑ତେ
ପିତୃ॒ଣା-ମେ॒ଵ ମ॑ହି॒ମାନ॑-ଙ୍ଗ॒ତ୍ଵା ଚ॒ନ୍ଦ୍ରମ॑ସ॒-ସ୍ସାଯୁ॑ଜ୍ଯଗ୍ଂ ସଲୋ॒କତା॑-ମାପ୍ନୋତ୍ଯେ॒ତୌ ଵୈ ସୂ᳚ର୍ଯା ଚନ୍ଦ୍ର॒ମସୌ᳚-ର୍ମହି॒ମାନୌ᳚ ବ୍ରାହ୍ମ॒ଣୋ
ଵି॒ଦ୍ଵା-ନ॒ଭିଜ॑ଯତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑ମାପ୍ନୋତି॒ ତସ୍ମା᳚-ଦ୍ବ୍ର॒ହ୍ମଣୋ॑ ମହି॒ମାନ॑-ମିତ୍ଯୁପ॒ନିଷତ୍ ॥ 80.1 (ତୈ. ଅର. 6.80.1)
ସ॒ହ ନା॑ ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ଯ॑-ଙ୍କରଵାଵହୈ । ତେ॒ଜ॒ସ୍ଵିନା॒ ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
॥ ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
ହରିଃ॒ ଓମ୍ ।
ଇତି ମହାନାରାଯଣୋପନିଷ-ଥ୍ସମାପ୍ତା
(ଅମ୍ଭ॒ସ୍ଯୈକ॑ପଞ୍ଚା॒ଶଚ୍ଛ॒ତଂ - ଜା॒ତଵେ॑ଦସେ॒ ଚତୁ॑ର୍ଦଶ॒ - ଭୂରନ୍ନଂ॒ - ଭୂର॒ଗ୍ନଯେ॒ - ଭୂର॒ଗ୍ନଯେ॒ ଚୈକ॑ମେକଂ - ପାହି - ପା॒ହି ଚ॒ତ୍ଵାରି॑ ଚତ୍ଵାରି॒ - ଯ-ଶ୍ଛନ୍ଦ॑ସା॒-ନ୍ଦ୍ଵେ - ନମୋ॒ ବ୍ରହ୍ମ॑ଣେ - ଋ॒ତ-ନ୍ତପୋ॒ - ଯଥା॑ ଵୃ॒କ୍ଷସ୍ଯୈକ॑ ମେକ - ମ॒ଣୋରଣୀ॑ଯା॒ଗ୍॒ ଶ୍ଚତୁ॑ସ୍ତ୍ରିଗ୍ଂଶଥ୍ - ସହସ୍ର॒ଶୀ॑ଷ॒ଗ୍ଂ॒ ଷଟ୍ଵି॑ଗ୍ଂଶତି - ରାଦି॒ତ୍ଯୋ ଵା ଏ॒ଷ - ଆ॑ଦି॒ତ୍ଯୋ ଵୈ ତେଜ॒ ଏକ॑ମେକଂ॒ - ନିଧ॑ନପତଯେ॒ ତ୍ରଯୋ॑ଵିଗ୍ଂଶତିଃ - ସ॒ଦ୍ଯୋଜା॒ତ-ନ୍ତ୍ରୀଣି॑ - ଵାମଦେ॒ଵାଯୈକ॑ - ମ॒ଘୋରେ᳚ଭ୍ଯ॒ - ସ୍ତତ୍ପୁରୁ॑ଷାଯ॒ ଦ୍ଵେ ଦ୍ଵେ॒ - ଈଶାନୋ - ନମୋ ହିରଣ୍ଯବାହଵ॒ ଏକ॑ମେକ - ମୃ॒ତଗ୍ଂ ସ॒ତ୍ଯ-ନ୍ଦ୍ଵେ - ସର୍ଵୋ॒ ଵୈ ଚ॒ତ୍ଵାରି॒ - କଦ୍ରୁ॒ଦ୍ରାଯ॒ ତ୍ରୀଣି॒ - ଯସ୍ଯ॒ ଵୈ କଙ୍କ॑ତୀ - କୃଣୁ॒ଷ୍ଵ ପାଜୋ - ଽଦି॑ତି॒ - ରାପୋ॒ ଵା ଇ॒ଦଗ୍ଂ ସର୍ଵ॒ ମେକ॑ମେକ॒ - ମାପଃ॑ ପୁନନ୍ତୁ ଚ॒ତ୍ଵା - ର୍ଯଗ୍ନିଶ୍ଚ - ସୂର୍ଯଶ୍ଚ ନଵ॑ - ନ॒ଵୋମିତି॑ ଚ॒ତ୍ଵା - ର୍ଯାଯା॑ତୁ॒ ପଚୌ - ଜୋ॑-ଽସି॒ ଦଶୋ॒ - ତ୍ତମେ॑ ଚ॒ତ୍ଵାରି॒ - ଘୃଣି॒ସ୍ତ୍ରୀଣି॒ - ବ୍ରହ୍ମ॑ମେତୁ॒ ମାଂ-ଯାଁସ୍ତେ᳚ ବ୍ରହ୍ମହ॒ତ୍ଯା-ନ୍ଦ୍ଵାଦ॑ଶ॒ - ବ୍ରହ୍ମ॑ ମେ॒ଧଯା॒-ଽଦ୍ଯା ନ॑ ଇ॒ମ-ମ୍ଭ୍ରୂ॑ଷହ॒ତ୍ଯାଂ - ବ୍ରହ୍ମ॑ ମେ॒ଧଵା᳚ ବ୍ର॒ହ୍ମା ଦେ॒ଵାନା॑ମି॒ଦଂ-ଵୀଁ॑ରହ॒ତ୍ଯାମେକା॒ନ୍ନ ଵି॑ଗ୍ଂଶତି॒ ରେକା॒ନ୍ନଵି॑ଗ୍ଂଶତି--ର୍ ମେ॒ଧା ଦେ॒ଵୀ - ମେ॒ଧା-ମ୍ମ॒ ଇନ୍ଦ୍ର॑ଶ୍ଚ॒ତ୍ଵାରି॑ ଚତ୍ଵା॒ର୍ଯା - ମା᳚-ମ୍ମେ॒ଧା ଦ୍ଵେ - ମଯି॑ ମେ॒ଧା ମେକ॒- ମପୈ॑ତୁ॒ - ପରଂ॒ - ଁଵାତ॑-ମ୍ପ୍ରା॒ଣ - ମ॑ମୁତ୍ର॒ଭୂଯା॒-ଦ୍- ଦ୍ଧରି॒ଗ୍ଂ॒ - ଶଲ୍କୈ॑ର॒ଗ୍ନିଂ - ମା ଛି॑ଦୋ ମୃତ୍ଯୋ॒ - ମା ନୋ॑ ମ॒ହାନ୍ତଂ॒ - ମାନ॑ସ୍ତୋ॒କେ - ପ୍ରଜା॑ପତେ - ସ୍ଵସ୍ତି॒ଦା - ତ୍ର୍ଯ॑ମ୍ବକଂ॒ - ଁଯେ ତେ॑ ସ॒ହସ୍ର॒-ନ୍ଦ୍ଵେ ଦ୍ଵେ - ମୃ॒ତ୍ଯଵେ॒ ସ୍ଵାହୈକଂ॑ - ଦେ॒ଵକୃ॑ତ॒ସ୍ଯୈକା॑ଦଶ॒ - ଯଦ୍ଵୋ॑ ଦେଵାଃ॒ - କାମୋ-ଽକାର୍ଷୀ॒ନ୍ - ମନ୍ଯୁରକାର୍ଷୀ॒-ଦ୍ଦ୍ଵେ ଦ୍ଵେ॒ - ତିଲାଞ୍ଜୁହୋମି ଗାଵ-ଶ୍ଶ୍ରିଯ-ମ୍ପ୍ର॑ଜାଃ ପଞ୍ଚ॒ - ତିଲାଃ କୃଣ୍ଷାଶ୍ଚୋର॑ସ୍ଯ॒ ଶ୍ରୀଃ ପ୍ରଜ୍ଞାତୁ ଜାତଵେ॑ଦ-ସ୍ସ॒ପ୍ତ - ପ୍ରାଣ ଵା-କ୍ତ୍ଵକ୍ ଛିର ଉତ୍ତିଷ୍ଠ ପୁରୁଷ॑ ପଞ୍ଚ॒ - ପୃଥିଵୀ ଶବ୍ଦ ମନୋ ଵାଗ୍ ଵ୍ଯକ୍ତା-ଽଽତ୍ମା-ଽନ୍ତରାତ୍ମା ପରମାତ୍ମା ମେ᳚ କ୍ଷୁ॒ଧେ-ଽନ୍ନମଯ॒ ପଞ୍ଚ॑ଦଶା॒ - ଗ୍ନଯେ॒ ସ୍ଵାହୈକ॑ଚତ୍ଵାରି॒ଗ୍ଂ॒ଶ - ର୍ଦୋ᳚ ନ୍ତଦ୍ବ୍ର॒ହ୍ମ ନଵ॑ - ଶ୍ର॒ଦ୍ଧାଯା᳚-ମ୍ପ୍ରା॒ଣେ ନିଵିଷ୍ଟ॒ ଶ୍ଚତୁ॑ର୍ଵିଗ୍ଂଶତିଃ - ଶ୍ର॒ଦ୍ଧାଯା॒-ନ୍ଦଶା - ଙ୍ଗୁଷ୍ଠ ମାତ୍ରଃ ପୁରୁଷୋ ଦ୍ଵେ - ଵାମ୍ମ॑ ଆ॒ସନ୍ନ॒ଷ୍ଟୌ - ଵଯଃ॑ ସୁପ॒ର୍ଷାଃ - ପ୍ରାଣାନା-ଙ୍ଗ୍ରନ୍ଥିରସି ଦ୍ଵେ ଦ୍ଵେ - ନମୋ ରୁଦ୍ରାଯୈକଂ॒ - ତ୍ଵମ॑ଗ୍ନେ॒ ଦ୍ଯୁଭିର୍॒ ଦ୍ଵେ - ଶି॒ଵେନ॑ ମେ॒ ସନ୍ତି॑ଷ୍ଠସ୍ଵ - ସ॒ତ୍ଯଂ - ପ୍ରା॑ଜାପ॒ତ୍ଯ - ସ୍ତସ୍ଯୈ॒ଵ ମେକ॑ ମେକ॒ ମଶତିଃ)