Maha Narayana Upanishad

মহানারাযণ উপনিষদ্

শ্লোক 1

তৈত্তিরীয অরণ্যক - চতুর্থঃ প্রশ্নঃ

ওঁ স॒হ না॑ ববতু । স॒হ নৌ॑ ভুনক্তু ।

স॒হ বী॒র্য॑-ঙ্করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥

ওঁ শান্তি॒-শ্শান্তি॒-শ্শান্তিঃ॑ ॥

অম্ভস্যপারে (4.1)

অম্ভ॑স্য পা॒রে ভুব॑নস্য॒ মদ্ধ্যে॒ নাক॑স্য পৃ॒ষ্ঠে ম॑হ॒তো মহী॑যান্ ।

শু॒ক্রেণ॒ জ্যোতীগ্ং॑ষি সমনু॒প্রবি॑ষ্টঃ প্র॒জাপ॑তিশ্চরতি॒ গর্ভে॑ অ॒ন্তঃ ।

যস্মি॑ন্নি॒দগ্ং সঞ্চ॒ বিচৈতি॒ সর্বং॒-যঁস্মি॑-ন্দে॒বা অধি॒ বিশ্বে॑ নিষে॒দুঃ ।

তদে॒ব ভূ॒ত-ন্তদু॒ ভব্য॑মা ই॒দ-ন্তদ॒ক্ষরে॑ পর॒মে ব্যো॑মন্ন্ ।

যেনা॑ বৃ॒ত-ঙ্খঞ্চ॒ দিব॑-ম্ম॒হীঞ্চ॒ যেনা॑দি॒ত্য-স্তপ॑তি॒ তেজ॑সা॒ ভ্রাজ॑সা চ ।

যম॒ন্ত-স্স॑মু॒দ্রে ক॒বযো॒ বয॑ন্তি॒ যদ॒ক্ষরে॑ পর॒মে প্র॒জাঃ ।

যতঃ॑ প্রসূ॒তা জ॒গতঃ॑ প্রসূতী॒ তোযে॑ন জী॒বান্ ব্যচ॑সর্জ॒ (ব্যস॑সর্জ॒) ভূম্যা᳚ম্ ।

যদোষ॑ধীভিঃ পু॒রুষা᳚-ন্প॒শূগ্​শ্চ॒ বিবে॑শ ভূ॒তানি॑ চরাচ॒রাণি॑ ।

অতঃ॑ পর॒-ন্নান্য॒-দণী॑যসহি॒ পরা᳚-ত্পরং॒-যঁ-ন্মহ॑তো ম॒হান্ত᳚ম্ ।

যদে॑ক-ম॒ব্যক্ত॒-মন॑ন্তরূপং॒-বিঁশ্ব॑-ম্পুরা॒ণ-ন্তম॑সঃ॒ পর॑স্তাত্ ॥ 1.5 (তৈ. অর. 6.1.1)

তদে॒বর্ত-ন্তদু॑ স॒ত্যমা॑হু॒-স্তদে॒ব ব্রহ্ম॑ পর॒ম-ঙ্ক॑বী॒নাম্ ।

ই॒ষ্টা॒পূ॒র্ত-ম্ব॑হু॒ধা জা॒ত-ঞ্জায॑মানং-বিঁ॒শ্ব-ম্বি॑ভর্তি॒ ভুব॑নস্য॒ নাভিঃ॑ ।

তদে॒বাগ্নি-স্তদ্বা॒যু-স্তথ্সূর্য॒স্তদু॑ চ॒ন্দ্রমাঃ᳚ ।

তদে॒ব শু॒ক্রম॒মৃত॒-ন্তদ্ব্রহ্ম॒ তদাপ॒-স্স প্র॒জাপ॑তিঃ ।

সর্বে॑ নিমে॒ষা জ॒জ্ঞিরে॑ বি॒দ্যুতঃ॒ পুরু॑ষা॒দধি॑ ।

ক॒লা মু॑হূ॒র্তাঃ কাষ্ঠা᳚শ্চাহো-রা॒ত্রাশ্চ॑ সর্ব॒শঃ ।

অ॒র্ধ॒মা॒সা মাসা॑ ঋ॒তবঃ॑ সং​বঁথ্স॒রশ্চ॑ কল্পন্তাম্ ।

স আপঃ॑ প্রদু॒ঘে উ॒ভে ই॒মে অ॒ন্তরি॑ক্ষ॒-মথো॒ সুবঃ॑ ।

নৈন॑-মূ॒র্ধ্ব-ন্ন তি॒র্য-ঞ্চ॒ ন মদ্ধ্যে॒ পরি॑জগ্রভত্ ।

ন তস্যে॑শে॒ কশ্চ॒ন তস্য॑ নাম ম॒হদ্যশঃ॑ ॥ 1.10 (তৈ. অর. 6.1.2)

ন স॒দৃংশে॑ তিষ্ঠতি॒ রূপ॑মস্য॒ ন চক্ষু॑ষা পশ্যতি॒ কশ্চ॒নৈন᳚ম্ ।

হৃ॒দা ম॑নী॒ষা মন॑সা॒-ঽভি ক্লৃ॑প্তো॒ য এ॑নং-বিঁ॒দু-রমৃ॑তা॒স্তে ভ॑বন্তি ।

অ॒দ্ভ্য-স্সম্ভূ॑তো হিরণ্যগ॒র্ভ ইত্য॒ষ্টৌ ।

এ॒ষ হি দে॒বঃ প্র॒দিশো-ঽনু॒ সর্বাঃ॒ পূর্বো॑ হি জা॒ত-স্স উ॒ গর্ভে॑ অ॒ন্তঃ ।

স বি॒জায॑মান-স্সজনি॒ষ্যমা॑ণঃ প্র॒ত্যং-মুখা᳚ স্তিষ্ঠতি বি॒শ্বতো॑মুখঃ ।

বি॒শ্বত॑শ্চ-ক্ষুরু॒ত বি॒শ্বতো॑ মুখো বি॒শ্বতো॑ হস্ত উ॒ত বি॒শ্বত॑স্পাত্ ।

স-ম্বা॒হুভ্যা॒-ন্নম॑তি॒ স-ম্পত॑ত্রৈ॒-র্দ্যাবা॑ পৃথি॒বী জ॒নয॑-ন্দে॒ব একঃ॑ ।

বে॒নস্ত-ত্পশ্য॒ন্. বিশ্বা॒ ভুব॑নানি বি॒দ্বান্. যত্র॒ বিশ্ব॒-ম্ভব॒ত্যেক॑-নীলম্ ।

যস্মি॑ন্নি॒দগ্ং সঞ্চ॒ বিচৈক॒গ্ং॒ স ওতঃ॒ প্রোত॑শ্চ বি॒ভুঃ প্র॒জাসু॑ ।

প্রতদ্বো॑চে অ॒মৃত॒ন্নু বি॒দ্বা-ন্গ॑ন্ধ॒র্বো নাম॒ নিহি॑ত॒-ঙ্গুহা॑সু ॥ 1.15 (তৈ. অর. 6.1.3)

ত্রীণি॑ প॒দা নিহি॑তা॒ গুহা॑সু॒ যস্তদ্বেদ॑ সবি॒তুঃ পি॒তা-ঽস॑ত্ ।

স নো॒ বন্ধু॑-র্জনি॒তা স বি॑ধা॒তা ধামা॑নি॒ বেদ॒ ভুব॑নানি॒ বিশ্বা᳚ ।

যত্র॑ দে॒বা অ॒মৃত॑মান-শা॒নাস্তৃ॒তীযে॒ ধামা᳚ন্য॒-ভ্যৈর॑যন্ত ।

পরি॒ দ্যাবা॑পৃথি॒বী য॑ন্তি স॒দ্যঃ পরি॑ লো॒কা-ন্পরি॒ দিশঃ॒ পরি॒ সুবঃ॑ ।

ঋ॒তস্য॒ তন্তুং॑-বিঁততং-বিঁ॒চৃত্য॒ তদ॑পশ্য॒-ত্তদ॑ভব-ত্প্র॒জাসু॑ ।

প॒রীত্য॑ লো॒কা-ন্প॒রীত্য॑ ভূ॒তানি॑ প॒রীত্য॒ সর্বাঃ᳚ প্র॒দিশো॒ দিশ॑শ্চ ।

প্র॒জাপ॑তিঃ প্রথম॒জা ঋ॒তস্যা॒ত্মনা॒-ঽঽত্মান॑-ম॒ভি-সম্ব॑ভূব ।

সদ॑স॒স্পতি॒-মদ্ভু॑ত-ম্প্রি॒যমিন্দ্র॑স্য॒ কাম্য᳚ম্ ।

সনি॑-ম্মে॒ধা ম॑যাসিষম্ ।

উদ্দী᳚প্যস্ব জাতবেদো ঽপ॒ঘ্নন্নির্-ঋ॑তি॒-ম্মম॑ ॥ 1.19 (তৈ. অর. 6.1.4)

প॒শূগ্​শ্চ॒ মহ্য॒মাব॑হ॒ জীব॑নঞ্চ॒ দিশো॑ দিশ ।

মানো॑ হিগ্ংসী জ্জাতবেদো॒ গামশ্ব॒-ম্পুরু॑ষ॒-ঞ্জগ॑ত্ ।

অবি॑ভ্র॒দগ্ন॒ আগ॑হি শ্রি॒যা মা॒ পরি॑পাতয ॥ 1.21 (তৈ. অর. 6.1.5)

গাযত্রী মন্ত্রাঃ (4.2)

পুরু॑ষস্য বিদ্ম সহস্রা॒ক্ষস্য॑ মহাদে॒বস্য॑ ধীমহি । তন্নো॑ রুদ্রঃ প্রচো॒দযা᳚ত্ ॥

তত্পুরু॑ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচো॒দযা᳚ত্ ॥

তত্পুরু॑ষায বি॒দ্মহে॑ বক্রতু॒ণ্ডায॑ ধীমহি । তন্নো॑ দন্তিঃ প্রচো॒দযা᳚ত্ ॥

তত্পুরু॑ষায বি॒দ্মহে॑ চক্রতু॒ণ্ডায॑ ধীমহি । তন্নো॑ নন্দিঃ প্রচো॒দযা᳚ত্ ॥

তত্পুরু॑ষায বি॒দ্মহে॑ মহাসে॒নায॑ ধীমহি । তন্নঃ॑ ষণ্মুখঃ প্রচো॒দযা᳚ত্ ॥

তত্পুরু॑ষায বি॒দ্মহে॑ সুবর্ণপ॒ক্ষায॑ ধীমহি । তন্নো॑ গরুডঃ প্রচো॒দযা᳚ত্ ॥

বে॒দা॒ত্ম॒নায॑ বি॒দ্মহে॑ হিরণ্যগ॒র্ভায॑ ধীমহি । তন্নো᳚ ব্রহ্ম প্রচো॒দযা᳚ত্ ॥

না॒রা॒য॒ণায॑ বি॒দ্মহে॑ বাসুদে॒বায॑ ধীমহি । তন্নো॑ বিষ্ণুঃ প্রচো॒দযা᳚ত্ ॥

ব॒জ্র॒ন॒খায॑ বি॒দ্মহে॑ তীক্ষ্ণ-দ॒গ্গ্॒ষ্ট্রায॑ ধীমহি । তন্নো॑ নারসিগ্ংহঃ প্রচো॒দযা᳚ত্ ॥

ভা॒স্ক॒রায॑ বি॒দ্মহে॑ মহদ্দ্যুতিক॒রায॑ ধীমহি । তন্নো॑ আদিত্যঃ প্রচো॒দযা᳚ত্ ॥

বৈ॒শ্বা॒ন॒রায॑ বি॒দ্মহে॑ লালী॒লায॑ ধীমহি । তন্নো॑ অগ্নিঃ প্রচো॒দযা᳚ত্ ॥

কা॒ত্যা॒য॒নায॑ বি॒দ্মহে॑ কন্যকু॒মারি॑ ধীমহি । তন্নো॑ দুর্গিঃ প্রচো॒দযা᳚ত্ ॥ 1.33 (তৈ. অর. 6.1.5-7)

দূর্বা সূক্তং (4.3)

স॒হ॒স্র॒পর॑মা দে॒বী॒ শ॒তমূ॑লা শ॒তাঙ্কু॑রা ।

সর্বগ্ং॑ হরতু॑ মে পা॒প॒-ন্দূ॒র্বা দুঃ॑স্বপ্ন॒ নাশ॑নী ।

কাণ্ডা᳚-ত্কাণ্ডা-ত্প্র॒রোহ॑ন্তী॒ পরু॑ষঃ পরুষঃ॒ পরি॑ ।

এ॒বা নো॑ দূর্বে॒ প্রত॑নু স॒হস্রে॑ণ শ॒তেন॑ চ ।

যা শ॒তেন॑ প্রত॒নোষি॑ স॒হস্রে॑ণ বি॒রোহ॑সি ।

তস্যা᳚স্তে দেবীষ্টকে বি॒ধেম॑ হ॒বিষা॑ ব॒যম্ ।

অশ্ব॑ক্রা॒ন্তে র॑থক্রা॒ন্তে॒ বি॒ষ্ণুক্রা᳚ন্তে ব॒সুন্ধ॑রা ।

শিরসা॑ ধার॑যিষ্যা॒মি॒ র॒ক্ষ॒স্ব মা᳚-ম্পদে॒ পদে ॥ 1.37 (তৈ. অর. 6.1.8)

মৃত্তিকা সূক্তম্ (4.4)

ভূমি-র্ধেনু-র্ধরণী লো॑কধা॒রিণী ।

উ॒ধৃতা॑-ঽসি ব॑রাহে॒ণ॒ কৃ॒ষ্ণে॒ন শ॑ত বা॒হুনা ।

মৃ॒ত্তিকে॑ হন॑ মে পা॒পং॒-যঁ॒ন্ম॒যা দু॑ষ্কৃত॒-ঙ্কৃতম্ ।

মৃ॒ত্তিকে᳚ ব্রহ্ম॑দত্তা॒-ঽসি॒ কা॒শ্যপে॑নাভি॒মন্ত্রি॑তা ।

মৃ॒ত্তিকে॑ দেহি॑ মে পু॒ষ্টি॒-ন্ত্ব॒যি স॑র্ব-ম্প্র॒তিষ্ঠি॑তম্ ॥ 1.39

মৃ॒ত্তিকে᳚ প্রতিষ্ঠি॑তে স॒র্ব॒-ন্ত॒ন্মে নি॑র্ণুদ॒ মৃত্তি॑কে ।

তযা॑ হ॒তেন॑ পাপে॒ন॒ গ॒চ্ছা॒মি প॑রমা॒-ঙ্গতিম্ ॥ 1.40 (তৈ. অর. 6.1.9)

শত্রুজয মন্ত্রাঃ (4.5)

যত॑ ইন্দ্র॒ ভযা॑মহে॒ ততো॑ নো॒ অভ॑য-ঙ্কৃধি ।

মঘ॑বন্ ছ॒গ্ধি তব॒ তন্ন॑ ঊ॒তযে॒ বিদ্বিষো॒ বিমৃধো॑ জহি ।

স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী ।

বৃষেন্দ্রঃ॑ পু॒র এ॑তু ন-স্স্বস্তি॒দা অ॑ভযঙ্ক॒রঃ ।

স্ব॒স্তি ন॒ ইন্দ্রো॑ বৃ॒দ্ধশ্র॑বা-স্স্ব॒স্তি নঃ॑ পূ॒ষা বি॒শ্ববে॑দাঃ ।

স্ব॒স্তি ন॒স্তার্ক্ষ্যো॒ অরি॑ষ্টনেমি-স্স্ব॒স্তি নো॒ বৃহ॒স্পতি॑-র্দধাতু ।

আপা᳚ন্ত-মন্যুস্তৃ॒পল॑প্রভর্মা॒ ধুনি॒-শ্শিমী॑বাং॒-ছরু॑মাগ্ং ঋজী॒ষী ।

সোমো॒ বিশ্বা᳚ন্যত॒সা বনা॑নি॒ নার্বাগিন্দ্র॑-ম্প্রতি॒মানা॑নি দেভুঃ ॥ 1.44

ব্রহ্ম॑ জজ্ঞা॒ন-ম্প্র॑থ॒ম-ম্পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।

স বু॒ধ্নিযা॑ উপ॒মা অ॑স্য বি॒ষ্ঠা-স্স॒তশ্চ॒ যোনি॒-মস॑তশ্চ॒ বিবঃ॑ ।

স্যো॒না পৃ॑থিবি॒ ভবা॑ নৃক্ষ॒রা নি॒বেশ॑নী । যচ্ছা॑ ন॒-শ্শর্ম॑ স॒প্রথাঃ᳚ ।

গ॒ন্ধ॒দ্বা॒রা-ন্দু॑রাধ॒র্​ষা॒-ন্নি॒ত্যপু॑ষ্টা-ঙ্করী॒ষিণী᳚ম্ ।

ঈ॒শ্বরীগ্ং॑ সর্ব॑ভূতা॒না॒-ন্তামি॒হোপ॑হ্বযে॒ শ্রিযম্ ।

শ্রী᳚র্মে ভ॒জতু । অলক্ষ্মী᳚র্মে ন॒শ্যতু ।

বিষ্ণু॑মুখা॒ বৈ দে॒বা-শ্ছন্দো॑-ভিরি॒মাং​ল্লোঁ॒কা-ন॑নপজ॒য্য-ম॒ভ্য॑জযন্ন্ ।

ম॒হাগ্ং ইন্দ্রো॒ বজ্র॑বাহু-ষ্ষোড॒শী শর্ম॑ যচ্ছতু ॥ 1.48 (তৈ. অর. 6.1.10)

স্ব॒স্তি নো॑ ম॒ঘবা॑ করোতু॒ হন্তু॑ পা॒প্মানং॒-যোঁ᳚-ঽস্মা-ন্দ্বেষ্টি॑ ।

সো॒মান॒গ্গ্॒ স্বর॑ণ-ঙ্কৃণু॒হি ব্র॑হ্মণস্পতে ।

ক॒ক্ষীব॑ন্তং॒-যঁ ঔ॑শি॒জম্ ।

শরী॑রং-যঁজ্ঞশম॒ল-ঙ্কুসী॑দ॒-ন্তস্মি᳚-ন্থ্সীদতু॒ যো᳚-ঽস্মা-ন্দ্বেষ্টি॑ ।

চর॑ণ-ম্প॒বিত্রং॒-বিঁত॑ত-ম্পুরা॒ণং-যেঁন॑ পূ॒ত-স্তর॑তি দুষ্কৃ॒তানি॑ ।

তেন॑ প॒বিত্রে॑ণ শু॒দ্ধেন॑ পূ॒তা অতি॑ পা॒প্মান॒-মরা॑তি-ন্তরেম ।

স॒জোষা॑ ইন্দ্র॒ সগ॑ণো ম॒রুদ্ভি॒-স্সোম॑-ম্পিব বৃত্রহঞ্ছূর বি॒দ্বান্ ।

জ॒হি শত্রূ॒গ্ং॒ রপ॒ মৃধো॑ নুদ॒স্বাথাভ॑য-ঙ্কৃণুহি বি॒শ্বতো॑ নঃ ।

সু॒মি॒ত্রা ন॒ আপ॒ ওষ॑ধয-স্সন্তু দুর্মি॒ত্রাস্তস্মৈ॑ ভূযাসু॒-র্যা᳚-ঽস্মা-ন্দ্বেষ্টি॒ যঞ্চ॑ ব॒য-ন্দ্বি॒ষ্মঃ । 1.53 (তৈ. অর. 6.1.11)

আপো॒ হিষ্ঠা ম॑যো॒ ভুব॒স্তা ন॑ ঊ॒র্জে দ॑ধাতন ।

ম॒হেরণা॑য॒ চক্ষ॑সে ।

যো বঃ॑ শি॒বত॑মো॒ রস॒-স্তস্য॑ ভাজযতে॒ হ নঃ॑ ।

উ॒শ॒তী-রি॑ব মা॒তরঃ॑ ।

তস্মা॒ অর॑ঙ্গমামবো॒ যস্য॒ ক্ষযা॑য॒ জিন্ব॑থ ।

আপো॑ জ॒নয॑থা চ নঃ ॥ 1.54 (তৈ. অর. 6.1.12)

অঘমর্​ষণ সূক্তম্ (4.6)

হির॑ণ্যশৃঙ্গং॒-বঁরু॑ণ॒-ম্প্রপ॑দ্যে তী॒র্থ-ম্মে॑ দেহি॒ যাচি॑তঃ ।

য॒ন্মযা॑ ভু॒ক্ত-ম॒সাধূ॑না-ম্পা॒পেভ্য॑শ্চ প্র॒তিগ্র॑হঃ ।

যন্মে॒ মন॑সা বা॒চা॒ ক॒র্ম॒ণা বা দু॑ষ্কৃত॒-ঙ্কৃতম্ ।

তন্ন॒ ইন্দ্রো॒ বরু॑ণো॒ বৃহ॒স্পতিঃ॑ সবি॒তা চ॑ পুনন্তু॒ পুনঃ॑ পুনঃ ।

নমো॒-ঽগ্নযে᳚-ঽফ্সু॒মতে॒ নম॒ ইন্দ্রা॑য॒ নমো॒ বরু॑ণায॒ নমো বারুণ্যৈ॑ নমো॒-ঽদ্ভ্যঃ ॥ 1.57

যদ॒পা-ঙ্ক্রূ॒রং-যঁদ॑মে॒দ্ধ্যং-যঁদ॑শা॒ন্ত-ন্তদপ॑গচ্ছতাত্ ।

অ॒ত্যা॒শ॒না-দ॑তীপা॒না॒-দ্য॒চ্চ উ॒গ্রা-ত্প্র॑তি॒গ্রহা᳚ত্ ।

তন্নো॒ বরু॑ণো রা॒জা॒ পা॒ণিনা᳚ হ্যব॒মর্​শ॑তু ।

সো॑-ঽহম॑পা॒পো বি॒রজো॒ নির্মু॒ক্তো মু॑ক্তকি॒ল্বিষঃ ।

নাক॑স্য পৃ॒ষ্ঠমারু॑হ্য॒ গচ্ছে॒-দ্ব্রহ্ম॑সলো॒কতাম্ ।

যশ্চা॒॑ফ্সু বরু॑ণ॒-স্স পু॒নাত্ব॑ঘমর্​ষ॒ণঃ ।

ই॒ম-ম্মে॑ গঙ্গে যমুনে সরস্বতি॒ শুতু॑দ্রি॒ স্তোমগ্ং॑ সচতা॒ পরু॒ষ্ণিযা ।

অ॒সি॒ক্নি॒যা ম॑রুদ্বৃধে বি॒তস্ত॒যা-ঽঽর্জী॑কীযে শৃণু॒হ্যা সু॒ষোম॑যা ।

ঋ॒তঞ্চ॑ স॒ত্যঞ্চা॒-ভী᳚দ্ধা॒ ত্তপ॒সো-ঽদ্ধ্য॑জাযত ।

ততো॒ রাত্রি॑-রজাযত॒ ততঃ॑ সমু॒দ্রো অ॑র্ণ॒বঃ ॥ 1.63 (তৈ. অর. 6.1.13)

স॒মু॒দ্রা-দ॑র্ণ॒বা-দধি॑ সং​বঁথ্স॒রো অ॑জাযত ।

অ॒হো॒রা॒ত্রাণি॑ বি॒দধ॒-দ্(মি॒দধ॒দ্) বিশ্ব॑স্য মিষ॒তো ব॒শী ।

ঊ॒র্যা॒চ॒ন্দ্র॒মসৌ॑ ধা॒তা য॑থা পূ॒র্ব ম॑কল্পযত্ ।

দিব॑ঞ্চ পৃথি॒বী-ঞ্চা॒ন্তরি॑ক্ষ॒ মথো॒ সুবঃ॑ ।

য-ত্পৃ॑থি॒ব্যাগ্ং রজ॑স্স্ব॒ মান্তরি॑ক্ষে বি॒রোদ॑সী ।

ই॒মাগ্​ স্তদা॒পো ব॑রুণঃ পু॒নাত্ব॑ঘমর্​ষ॒ণঃ ।

পু॒নন্তু॒ বস॑বঃ পু॒নাতু॒ বরু॑ণঃ পু॒নাত্ব॑ঘমর্​ষ॒ণঃ ।

এ॒ষ ভূ॒তস্য॑ ম॒দ্ধ্যে ভুব॑নস্য গো॒প্তা ।

এ॒ষ পু॒ণ্যকৃ॑তাং-লোঁ॒কা॒নে॒ষ মৃ॒ত্যোর্-হি॑র॒ণ্ময᳚ম্ ।

দ্যাবা॑পৃথি॒ব্যোর্-হি॑র॒ণ্ময॒গ্ং॒ সগ্গ্​শ্রি॑ত॒গ্ং॒ সুবঃ॑ । 1.66 (তৈ. অর. 6.1.14)

স ন॒-স্সুব॒-স্সগ্ং শি॑শাধি ।

আর্দ্র॒-ঞ্জ্বল॑তি॒ জ্যোতি॑-র॒হম॑স্মি ।

জ্যোতি॒-র্জ্বল॑তি॒ ব্রহ্মা॒হম॑স্মি ।

যো॑-ঽহম॑স্মি॒ ব্রহ্মা॒হম॑স্মি ।

অ॒হম॑স্মি॒ ব্রহ্মা॒হম॑স্মি ।

অ॒হমে॒বাহ-ম্মা-ঞ্জু॑হোমি॒ স্বাহা᳚ ।

অ॒কা॒র্য॒-কা॒র্য॑ব কী॒র্ণী স্তে॒নো ভ্রূ॑ণ॒হা গু॑রুত॒ল্পগঃ ।

বরু॑ণো॒-ঽপাম॑ঘমর্​ষ॒ণ-স্তস্মা᳚-ত্পা॒পা-ত্প্রমু॑চ্যতে ।

র॒জোভূমি॑স্ত্ব॒মাগ্ং রোদ॑যস্ব॒ প্রব॑দন্তি॒ ধীরাঃ᳚ ।

আক্রা᳚ন্-থ্সমু॒দ্রঃ প্র॑থ॒মে বিধ॑র্ম-ঞ্জ॒নয॑-ন্প্র॒জা ভুব॑নস্য॒ রাজা᳚ ।

বৃষা॑ প॒বিত্রে॒ অধি॒সানো॒ অব্যে॑ বৃ॒হ-থ্সোমো॑ বাবৃধে সুবা॒ন ইন্দুঃ॑ ॥ 1.70

(পুর॑স্তা॒--দ্যশো॒ - গুহা॑সু॒ - মম॑ - চক্রতু॒ণ্ডায॑ ধীমহি - তীক্ষদ॒গ্গ্॒ষ্ঠ্রায॑ ধীমহি॒ - পরি॑ - প্র॒তিষ্ঠি॑তং - দেভু--র্ যচ্ছতু - দধাতনা॒- দ্ভ্যো᳚ - ঽর্ণ॒বঃ - সুবো॒ - রাজৈক॑-ঞ্চ) (আ1)

দুর্গা সূক্তম্ (4.7)

জা॒তবে॑দসে সুনবাম॒ সোম॑-মরাতীয॒তো নিদ॑হাতি॒ বেদঃ॑ ।

স নঃ॑ পর্​ষ॒দতি॑ দু॒র্গাণি॒ বিশ্বা॑ না॒বেব॒ সিন্ধু॑-ন্দুরি॒তা-ঽত্য॒গ্নিঃ ।

তাম॒গ্নিব॑র্ণা॒-ন্তপ॑সা জ্বল॒ন্তীং-বৈঁ॑রোচ॒নী-ঙ্ক॑র্মফ॒লেষু॒ জুষ্টা᳚ম্ ।

দু॒র্গা-ন্দে॒বীগ্ং শর॑ণম॒হ-ম্প্রপ॑দ্যে সু॒তর॑সি তরসে॒ নমঃ॑ ।

অগ্নে॒ ত্ব-ম্পা॑রযা॒ নব্যো॑ অ॒স্মান্-থ্স্ব॒স্তি-ভি॒রতি॑ দু॒র্গাণি॒ বিশ্বা᳚ ।

পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায॒ তন॑যায॒ শং​যোঁঃ ।

বিশ্বা॑নি নো দু॒র্গহা॑ জাতবেদ॒-স্সিন্ধু॒-ন্ন না॒বা দু॑রি॒তা-ঽতি॑পর্​ষি ।

অগ্নে॑ অত্রি॒ব-ন্মন॑সা গৃণা॒নো᳚-ঽস্মাক॑-ম্বোদ্ধ্যবি॒তা ত॒নূনা᳚ম্ ।

পৃ॒ত॒না॒জিত॒গ্ং॒ সহ॑মান-মু॒গ্রম॒গ্নিগ্ং হু॑বেম পর॒মা-থ্স॒ধস্থা᳚ত্ ।

স নঃ॑ পর্​ষ॒দতি॑ দু॒র্গাণি॒ বিশ্বা॒ ক্ষাম॑দ্দে॒বো অতি॑ দুরি॒তা-ঽত্য॒গ্নিঃ ।

প্র॒ত্নোষি॑-ক॒মীড্যো॑ অদ্ধ্ব॒রেষু॑ স॒নাচ্চ॒ হোতা॒ নব্য॑শ্চ॒ সথ্সি॑ ।

স্বাঞ্চা᳚গ্নে ত॒নুব॑-ম্পি॒প্রয॑স্বা॒স্মভ্য॑ঞ্চ॒ সৌভ॑গ॒মায॑জস্ব ।

গোভি॒-র্জুষ্ট॑ম॒যুজো॒ নিষি॑ক্ত॒-ন্তবে᳚ন্দ্র বিষ্ণো॒-রনু॒সঞ্চ॑রেম ।

নাক॑স্য পৃ॒ষ্ঠম॒ভি সং॒​বঁসা॑নো॒ বৈষ্ণ॑বীং-লোঁ॒ক ই॒হ মা॑দযন্তাম্ ॥ 2.7 (দু॒রি॒তা-ঽত্য॒গ্নিশ্চ॒ত্বারি॑ চ) (তৈ. অর. 6.2.1)

ব্যাহৃতি হোম মন্ত্রাঃ (4.8)

ভূ-রন্ন॑-ম॒গ্নযে॑ পৃথি॒ব্যৈ স্বাহা॒, ভুবো-ঽন্নং॑-বাঁ॒যবে॒-ঽন্তরি॑ক্ষায॒ স্বাহা॒, সুব॒রন্ন॑-মাদি॒ত্যায॑ দি॒বে স্বাহা॒, ভূর্ভুব॒স্সুব॒-রন্ন॑-ঞ্চ॒ন্দ্রম॑সে দি॒গ্ভ্য-স্স্বাহা॒, নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-রন্ন॒মোম্ ॥ 3.1 (তৈ. অর. 6.3.1)

ভূ-র॒গ্নযে॑ পৃথি॒ব্যৈ স্বাহা॒, ভুবো॑ বা॒যবে॒-ঽন্তরি॑ক্ষায॒ স্বাহা॒ ,

সুব॑রাদি॒ত্যায॑ দি॒বে স্বাহা॒, ভূ-র্ভুব॒স্সুব॑-শ্চ॒ন্দ্রম॑সে দি॒গ্ভ্য-স্স্বাহা॒,

নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-রগ্ন॒ ওম্ ॥ 4.1

ভূ-র॒গ্নযে॑ চ পৃথি॒ব্যৈ চ॑ মহ॒তে চ॒ স্বাহা॒,

ভুবো॑ বা॒যবে॑ চা॒ন্তরি॑ক্ষায চ মহ॒তে চ॒ স্বাহা॒,

সুব॑রাদি॒ত্যায॑ চ দি॒বে চ॑ মহ॒তে চ॒ স্বাহা॒,

ভূ-র্ভুব॒স্সুব॑-শ্চ॒ন্দ্রম॑সে চ॒ নক্ষ॑ত্রেভ্যশ্চ দি॒গ্ভ্যশ্চ॑ মহ॒তে চ॒ স্বাহা॒,

নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-র্মহ॒রোম্ ॥ 5.1 (তৈ. অর. 6.4.1)

জ্ঞানপ্রাপ্ত্যর্থা হোমমন্ত্রাঃ (4.9)

পাহি নো অগ্ন এন॑সে স্বা॒হা ।

পাহি নো বিশ্ববেদ॑সে স্বা॒হা ।

যজ্ঞ-ম্পাহি বিভাব॑সো স্বা॒হা ।

সর্ব-ম্পাহি শতক্র॑তো স্বা॒হা ॥ 6.1 (তৈ. অর. 6.7.1)

পা॒হি নো॑ অগ্ন॒ এক॑যা ।

পা॒হ্যু॑ত দ্বি॒তীয॑যা ।

পা॒হ্যূর্জ॑-ন্তৃ॒তীয॑যা ।

পা॒হি গী॒র্ভি-শ্চ॑ত॒সৃভি॑-র্বসো॒ স্বাহা᳚ ॥ 7.1 (তৈ. অর. 6.6.1)

বেদাবিস্মরণায জপমন্ত্রাঃ (4.10)

য-শ্ছন্দ॑সা-মৃষ॒ভো বি॒শ্বরূ॑প॒-শ্ছন্দো᳚ভ্য॒-শ্ছন্দাগ্॑স্যা বি॒বেশ॑ ।

সচাগ্ং শিক্যঃ পুরো বাচো॑পনি॒ষ-দিন্দ্রো᳚ জ্যে॒ষ্ঠ ই॑ন্দ্রি॒যায॒ ঋষি॑ভ্যো॒ নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-শ্ছন্দ॒ ওম্ ॥ 8.1 (তৈ. অর. 6.8.1)

নমো॒ ব্রহ্ম॑ণে ধা॒রণ॑-ম্মে অ॒স্ত্ব-নি॑রাকরণং-ধা॒রযি॑তা ভূযাস॒-ঙ্কর্ণ॑যো-শ্শ্রু॒ত-ম্মাচ্যো᳚ঢ্ব॒-ম্মমা॒মুষ্য॒ ওম্ ॥ 9.1 (তৈ. অর. 6.9.1)

তপঃ প্রশংসা (4.11)

ঋ॒ত-ন্তপঃ॑ স॒ত্য-ন্তপঃ॑ শ্রু॒ত-ন্তপঃ॑ শা॒ন্ত-ন্তপো॒ দম॒ স্তপ॒-শ্শম॒স্তপো॒ দান॒-ন্তপো॒ যজ্ঞ॒-ন্তপো॒ ভূর্ভুব॒স্সুব॒-র্ব্রহ্মৈ॒-তদুপা᳚স্যৈ॒-তত্তপঃ॑ ॥ 10.1 (তৈ. অর. 6.10.1)

বিহিতাচরণ প্রশংসা নিষিদ্ধাচরণ নিন্দা চ (4.12)

যথা॑ বৃ॒ক্ষস্য॑ স॒পুংষ্পি॑তস্য দূ॒রা-দ্গ॒ন্ধো বা᳚ত্যে॒ব-ম্পুণ্য॑স্য ক॒র্মণো॑ দূ॒রা-দ্গ॒ন্ধো বা॑তি॒ যথা॑-ঽসিধা॒রা-ঙ্ক॒র্তে-ঽব॑হিতা-মব॒ক্রামে॒ যদ্যুবে॒ যুবে॒ হবা॑ বি॒হ্বযি॑ষ্যামি ক॒র্ত-ম্প॑তিষ্যা॒মীত্যে॒ব-ম॒মৃতা॑-দা॒ত্মান॑-ঞ্জু॒গুফ্সে᳚ত্ ॥ 11.1 (তৈ. অর. 6.11.1)

দহর বিদ্যা (4.13)

অ॒ণো-রণী॑যা-ন্মহ॒তো মহী॑যা-না॒ত্মা গুহা॑যা॒-ন্নিহি॑তো-ঽস্য জ॒ন্তোঃ ।

তম॑ক্রতু-ম্পশ্যতি বীতশো॒কো ধা॒তুঃ প্র॒সাদা᳚-ন্মহি॒মান॑মীশম্ ।

স॒প্ত প্রা॒ণাঃ প্র॒ভব॑ন্তি॒ তস্মা᳚-থ্স॒প্তার্চিষঃ॑ স॒মিধঃ॑ স॒প্ত জি॒হ্বাঃ ।

স॒প্ত ই॒মে লো॒কা যেষু॒ চর॑ন্তি প্রা॒ণা গু॒হাশ॑যা॒-ন্নিহি॑তা-স্স॒প্ত স॑প্ত ।

অতঃ॑ সমু॒দ্রা গি॒রয॑শ্চ॒ সর্বে॒-ঽস্মা-থ্স্যন্দ॑ন্তে॒ সিন্ধ॑ব॒-স্সর্ব॑রূপাঃ ।

অত॑শ্চ॒ বিশ্বা॒ ওষ॑ধযো॒ রসা᳚চ্চ॒ যেনৈ॑ষ ভূ॒ত-স্তি॑ষ্ঠত্যন্তরা॒ত্মা ।

ব্র॒হ্মা দে॒বানা᳚-ম্পদ॒বীঃ ক॑বী॒না-মৃষি॒-র্বিপ্রা॑ণা-ম্মহি॒ষো মৃ॒গাণা᳚ম্ ।

শ্যে॒নো গৃধ্রা॑ণা॒গ্॒ স্বধি॑তি॒-র্বনা॑না॒গ্ং॒ সোমঃ॑ প॒বিত্র॒ মত্যে॑তি॒ রেভন্ন্॑ ।

অ॒জা মেকাং॒-লোঁহি॑ত-শুক্ল-কৃ॒ষ্ণা-ম্ব॒হ্বী-ম্প্র॒জা-ঞ্জ॒নয॑ন্তী॒গ্ং॒ সরূ॑পাম্ ।

অ॒জো হ্যেকো॑ জু॒ষমা॑ণো-ঽনু॒শেতে॒ জহা᳚ত্যেনা-ম্ভু॒ক্ত-ভো॑গা॒মজো᳚-ঽন্যঃ ॥ 12.5 (তৈ. অর. 6.12.1)

হ॒গ্ং॒স-শ্শু॑চি॒ষ-দ্বসু॑-রন্তরিক্ষ॒-সদ্ধোতা॑ বেদি॒ষ-দতি॑থি-র্দুরোণ॒সত্ ।

নৃ॒ষ-দ্ব॑র॒স-দৃ॑ত॒স-দ্ব্যো॑ম॒স-দ॒ব্জা গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ।

ঘৃ॒ত-ম্মি॑মিক্ষিরে ঘৃ॒তম॑স্য॒ যোনি॑-র্ঘৃ॒তে শ্রি॒তো ঘৃ॒তমু॑বস্য॒ ধাম॑ ।

অ॒নু॒ষ্ব॒ধমাব॑হ মা॒দয॑স্ব॒ স্বাহা॑ কৃতং-বৃঁষভ বক্ষি হ॒ব্যম্ ।

স॒মু॒দ্রা দূ॒র্মি-র্মধু॑মা॒গ্ং॒ উদা॑র-দুপা॒গ্ং॒শুনা॒ সম॑মৃত॒ত্ব মা॑নট্ ।

ঘৃ॒তস্য॒ নাম॒ গুহ্যং॒-যঁদস্তি॑ জি॒হ্বা দে॒বানা॑-ম॒মৃত॑স্য॒ নাভিঃ॑ ।

ব॒য-ন্নাম॒ প্রব্র॑বামা ঘৃ॒তেনা॒স্মিন্. য॒জ্ঞে ধা॑রযামা॒ নমো॑ভিঃ ।

উপ॑ ব্র॒হ্মা শৃ॑ণবচ্ছ॒স্যমা॑ন॒-ঞ্চতুঃ॑ শৃঙ্গো ঽবমী-দ্গৌ॒র এ॒তত্ ।

চ॒ত্বারি॒ শৃঙ্গা॒ ত্রযো॑ অস্য॒ পাদা॒ দ্বে শী॒র॒.ষে স॒প্ত হস্তা॑সো অ॒স্য ।

ত্রিধা॑ ব॒দ্ধো বৃ॑ষ॒ভো রো॑রবীতি ম॒হো দে॒বো মর্ত্যা॒গ্ং॒ আবি॑বেশ ॥ 12.10 (তৈ. অর. 6.12.2)

ত্রিধা॑ হি॒ত-ম্প॒ণিভি॑-র্গু॒হ্যমা॑ন॒-ঙ্গবি॑-দে॒বাসো॑ ঘৃ॒তমন্ব॑বিন্দন্ন্ ।

ইন্দ্র॒ এক॒গ্ং॒ সূর্য॒ এক॑-ঞ্জজান বে॒না দেকগ্গ্॑ স্ব॒ধযা॒ নিষ্ট॑তক্ষুঃ ।

যো দে॒বানা᳚-ম্প্রথ॒ম-ম্পু॒রস্তা॒-দ্বিশ্বা॒ধিযো॑ রু॒দ্রো ম॒হর্​ষিঃ॑ ।

হি॒র॒ণ্য॒গ॒র্ভ-ম্প॑শ্যত॒ জায॑মান॒গ্ং॒ সনো॑ দে॒ব-শ্শু॒ভযা॒ স্মৃত্যা॒ সং​যুঁ॑নক্তু ।

যস্মা॒ত্পর॒-ন্নাপ॑র॒ মস্তি॒ কিঞ্চি॒দ্যস্মা॒-ন্নাণী॑যো॒ ন জ্যাযো᳚-ঽস্তি॒ কশ্চি॑ত্ ।

বৃ॒ক্ষ ই॑ব স্তব্ধো দি॒বি তি॑ষ্ঠ॒-ত্যেক॒স্তেনে॒দ-ম্পূ॒র্ণ-ম্পুরু॑ষেণ॒ সর্ব᳚ম্ ॥ 12.13

(সন্যাস সূক্তম্)

ন কর্ম॑ণা ন প্র॒জযা॒ ধনে॑ন॒ ত্যাগে॑নৈকে অমৃত॒ত্ব-মা॑ন॒শুঃ ।

পরে॑ণ॒ নাক॒-ন্নিহি॑ত॒-ঙ্গুহা॑যাং-বিঁ॒ভ্রাজ॑দে॒ত-দ্যত॑যো বি॒শন্তি॑ ॥

বে॒দা॒ন্ত॒ বি॒জ্ঞান॒-সুনি॑শ্চিতা॒র্থা-স্সন্যা॑স যো॒গাদ্যত॑য-শ্শুদ্ধ॒ সত্ত্বাঃ᳚ ।

তে ব্র॑হ্মলো॒কে তু॒ পরা᳚ন্তকালে॒ পরা॑মৃতা॒-ত্পরি॑মুচ্যন্তি॒ সর্বে᳚ ।

দ॒হ্রং॒-বিঁ॒পা॒প-ম্প॒রমে᳚শ্ম ভূতং॒-যঁ-ত্পু॑ণ্ডরী॒ক-ম্পু॒রম॑দ্ধ্য স॒গ্গ্॒স্থম্ ।

ত॒ত্রা॒পি॒ দ॒হ্র-ঙ্গ॒গনং॑-বিঁশোক॒-স্তস্মি॑ন্. যদ॒ন্তস্ত-দুপা॑সিত॒ব্যম্ ॥

যো বেদাদৌ স্ব॑রঃ প্রো॒ক্তো॒ বে॒দান্তে॑ চ প্র॒তিষ্ঠি॑তঃ ।

তস্য॑ প্র॒কৃতি॑-লীন॒স্য॒ যঃ॒ পরঃ॑ স॒ ম॒হেশ্ব॑রঃ ॥ 12.17 (তৈ. অর. 6.12.3)

(অজো᳚-ঽন্য॒ - আবি॑বেশ॒ - সর্বে॑ চ॒ত্বারি॑ চ)

নারাযণ সূক্তং (4.14)

স॒হ॒স্র॒শীর্​ষ॑-ন্দে॒বং॒-বিঁ॒শ্বাক্ষং॑-বিঁ॒শ্ব শ॑-ম্ভুবম্ ।

বিশ্ব॑-ন্না॒রায॑ণ-ন্দে॒ব॒ম॒ক্ষর॑-ম্পর॒ম-ম্প॒দম্ ।

বি॒শ্বতঃ॒ পর॑মান্নি॒ত্যং॒-বিঁ॒শ্ব-ন্না॑রায॒ণগ্ং হ॑রিম্ ।

বিশ্ব॑মে॒বেদ-ম্পুরু॑ষ॒-স্ত-দ্বিশ্ব॒মুপ॑জীবতি ।

পতিং॒-বিঁশ্ব॑স্যা॒ত্মেশ্ব॑র॒গ্ং॒ শাশ্ব॑তগ্ং শি॒বম॑চ্যুতম্ ।

না॒রায॒ণ-ম্ম॑হাজ্ঞে॒যং॒-বিঁ॒শ্বাত্মা॑ন-ম্প॒রায॑ণম্ ।

না॒রায॒ণ প॑রো জ্যো॒তি॒রা॒ত্মা না॑রয॒ণঃ প॑রঃ ।

না॒রায॒ণ প॑র-ম্ব্র॒হ্ম॒ ত॒ত্ত্ব-ন্না॑রায॒ণঃ প॑রঃ ।

না॒রায॒ণ প॑রো ধ্যা॒তা॒ ধ্যা॒ন-ন্না॑রায॒ণঃ প॑রঃ ।

যচ্চ॑ কি॒ঞ্চিজ্-জ॑গ-থ্স॒র্ব॒-ন্দৃ॒শ্যতে᳚ শ্রূয॒তে-ঽপি॑ বা । 13.4 (তৈ. অর. 6.13.1)

অন্ত॑-র্ব॒হিশ্চ॑ ত-থ্স॒র্বং॒-ব্যাঁ॒প্য না॑রায॒ণ-স্স্থি॑তঃ ।

অন॑ন্ত॒ মব্য॑য-ঙ্ক॒বিগ্ং স॑মু॒দ্রে-ঽন্তং॑-বিঁ॒শ্ব শ॑ভুং​বঁম্ ।

প॒দ্ম॒কো॒শ-প্র॑তীকা॒শ॒গ্ং॒ হৃ॒দয॑-ঞ্চাপ্য॒ধোমু॑খম্ ।

অধো॑ নি॒ষ্ট্যা বি॑তস্ত্যা॒ন্তে॒ না॒ভ্যামু॑পরি॒ তিষ্ঠ॑তি ।

জ্বা॒ল॒মা॒লা কু॑ল-ম্ভা॒তী॒ বি॒শ্বস্যা॑যত॒ন-ম্ম॑হত্ ।

সন্ত॑তগ্ং শি॒লাভি॑স্তু॒ লম্ব॑ত্যা কোশ॒সন্নি॑ভম্ ।

তস্যান্তে॑ সুষি॒রগ্ং সূ॒ক্ষ্ম-ন্তস্মি᳚ন্-থ্স॒র্ব-ম্প্রতি॑ষ্ঠিতম্ ।

তস্য॒ মদ্ধ্যে॑ ম॒হান॑গ্নি-র্বি॒শ্বার্চি॑-র্বি॒শ্বতো॑ মুখঃ ।

সো-ঽগ্র॑ভু॒গ্ বিভ॑জ-ন্তি॒ষ্ঠ॒-ন্নাহা॑র-মজ॒রঃ ক॒বিঃ ।

তি॒র্য॒গূ॒র্ধ্ব ম॑ধ-শ্শা॒যী॒ র॒শ্ময॑স্তস্য॒ সন্ত॑তা ।

স॒ন্তা॒পয॑তি স্ব-ন্দে॒হমাপা॑দতল॒ মস্ত॑কঃ ।

তস্য॒ মদ্ধ্যে॒ বহ্নি॑শিখা অ॒ণীযো᳚র্ধ্বা ব্য॒বস্থি॑তঃ ।

নী॒লতো॑ যদ॑ মদ্ধ্য॒স্থা॒-দ্বি॒দ্যুল্লে॑খেব॒ ভাস্ব॑রা ।

নী॒বার॒ শূক॑বত্ত॒ন্বী॒ পী॒তা ভা᳚স্বত্য॒ণূপ॑মা ।

তস্যা᳚-শ্শিখা॒যা ম॑দ্ধ্যে প॒রমা᳚ত্মা ব্য॒বস্থি॑তঃ ।

স ব্রহ্ম॒ স শিব॒-স্স হরি॒-স্সেন্দ্র॒-স্সো-ঽক্ষ॑রঃ পর॒ম-স্স্ব॒রাট্ ॥ 13.12 (তৈ. অর. 6.13.2)

(অপি॑ বা॒ - সন্ত॑তা॒ ষট্ চ॑)

আদিত্য মণ্ডলে পরব্রহ্মোপাসনং (4.15)

আ॒দি॒ত্যো বা এ॒ষ এ॒ত-ন্ম॒ণ্ডল॒-ন্তপ॑তি॒ তত্র॒ তা ঋচ॒স্তদৃ॒চা ম॑ণ্ডল॒গ্ং॒ স ঋ॒চাং-লোঁ॒কো-ঽথ॒য এ॒ষ এ॒তস্মি॑-ন্ম॒ণ্ডলে॒-ঽর্​চি-র্দী॒প্যতে॒ তানি॒ সামা॑নি॒ স সা॒ম্নাং-লোঁ॒কো-ঽথ॒ য এ॒ষ এ॒তস্মি॑-ন্ম॒ণ্ডলে॒-ঽর্চিষি॒ পুরু॑ষ॒স্তানি॒ যজূগ্ং॑ষি॒ স যজু॑ষা মণ্ডল॒গ্ং॒ স যজু॑ষাং-লোঁ॒ক-স্সৈষা ত্র॒য্যেব॑ বি॒দ্যা ত॑পতি॒ য এ॒ষো᳚-ঽন্ত-রা॑দি॒ত্যে হি॑র॒ণ্মযঃ॒ পুরু॑ষঃ ॥ 14.1 (তৈ. অর. 6.14.1)

আদিত্যপুরুষস্য সর্বাত্মকত্ব প্রদর্​শনং (4.16)

আ॒দি॒ত্যো বৈ তেজ॒ ওজো॒ বলং॒-যঁশ॒-শ্চক্ষু॒-শ্শ্রোত্র॑মা॒ত্মা মনো॑ ম॒ন্যু-র্মনু॑-র্মৃ॒ত্যু-স্স॒ত্যো মি॒ত্রো বা॒যুরা॑কা॒শঃ প্রা॒ণো লো॑কপা॒লঃ কঃ কি-ঙ্ক-ন্ত-থ্স॒ত্যমন্ন॑-ম॒মৃতা॑ জী॒বো বিশ্বঃ॑ কত॒ম-স্স্ব॑য॒ভু-ম্ব্রহ্মৈ॒ তদমৃ॑ত এ॒ষ পুরু॑ষ এ॒ষ ভূ॒তানা॒-মধি॑পতি॒-র্ব্রহ্ম॑ণ॒-স্সাযু॑জ্যগ্ং সলো॒কতা॑-মাপ্নো-ত্যে॒তাসা॑মে॒ব দে॒বতা॑না॒গ্ং॒ সাযু॑জ্যগ্ং সা॒র্​ষ্টিতাগ্ং॑ সমান লো॒কতা॑-মাপ্নোতি॒ য এ॒বং-বেঁদে᳚ত্যুপ॒নিষত্ ॥ 15.1 (তৈ. অর. 6.15.1)

শিবোপাসন মন্ত্রাঃ (4.17)

নিধ॑নপতযে॒ নমঃ । নিধ॑নপতান্তিকায॒ নমঃ ।

ঊর্ধ্বায॒ নমঃ । ঊর্ধ্বলিঙ্গায॒ নমঃ ।

হিরণ্যায॒ নমঃ । হিরণ্যলিঙ্গায॒ নমঃ ।

সুবর্ণায॒ নমঃ । সুবর্ণলিঙ্গায॒ নমঃ ।

দিব্যায॒ নমঃ । দিব্যলিঙ্গায॒ নমঃ । 16.1 (তৈ. অর. 6.16.1)

ভবায॒ নমঃ । ভবলিঙ্গায॒ নমঃ ।

শর্বায॒ নমঃ । শর্বলিঙ্গায॒ নমঃ ।

শিবায॒ নমঃ । শিবলিঙ্গায॒ নমঃ ।

জ্বলায॒ নমঃ । জ্বললিঙ্গায॒ নমঃ ।

আত্মায॒ নমঃ । আত্মলিঙ্গায॒ নমঃ ।

পরমায॒ নমঃ । পরমলিঙ্গায॒ নমঃ ।

এতথ্সোমস্য॑ সূর্য॒স্য॒ সর্বলিঙ্গগ্গ্॑ স্থাপ॒য॒তি॒ পাণিমন্ত্র॑-ম্পবি॒ত্রম্ ॥ 16.1 (তৈ. অর. 6.16.2)

পশ্চিমবক্ত্র প্রতিপাদক মন্ত্রঃ (4.18)

তৈ. অর. 6.17.1

স॒দ্যোজা॒ত-ম্প্র॑পদ্যা॒মি॒ স॒দ্যোজা॒তায॒ বৈ নমো॒ নমঃ॑ ।

ভ॒বে ভ॑বে॒ নাতি॑ভবে ভবস্ব॒ মাম্ । ভ॒বোদ্ভ॑বায॒ নমঃ॑ ॥ 17.1

উত্তর বক্ত্র প্রতিপাদক মন্ত্রঃ (4.19)

বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নম॒-স্সর্ব॑ভূতদমনায॒ নমো॑ ম॒নোন্ম॑নায॒ নমঃ॑ ॥ 18.1 (তৈ. অর. 6.18.1)

দক্ষিণ বক্ত্র প্রতিপাদক মন্ত্রঃ (4.20)

অ॒ঘোরে᳚ভ্যো-ঽথ॒ ঘোরে᳚ভ্যো॒ ঘোর॒ঘোর॑তরেভ্যঃ ।

সর্বে᳚ভ্য-স্সর্ব॒ শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥ 19.1 (তৈ. অর. 6.19.1)

প্রাগ্বক্ত্র প্রতিপাদক মন্ত্রঃ (4.21)

তত্পুরু॑ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচো॒দযা᳚ত্ ॥ 20.1 (তৈ. অর. 6.20.1)

ঊর্ধ্ব বক্ত্র প্রতিপাদক মন্ত্রঃ (4.22)

ঈশান-স্সর্ব॑বিদ্যা॒না॒- মীশ্বর-স্সর্ব॑ভূতা॒না॒-ম্ব্রহ্মাধি॑পতি॒-র্ব্রহ্ম॒ণো-ঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥ 21.1 (তৈ. অর. 6.21.1)

নমস্কারার্থ মন্ত্রাঃ (4.23)

নমো হিরণ্যবাহবে হিরণ্যবর্ণায হিরণ্যরূপায হিরণ্যপতযে ঽবিঙ্কাপতয উমাপতযে পশুপতযে॑ নমো॒ নমঃ ॥ 22.1 (তৈ. অর. 6.22.1)

ঋ॒তগ্ং স॒ত্য-ম্প॑র-ম্ব্র॒হ্ম॒ পু॒রুষ॑-ঙ্কৃষ্ণ॒পিঙ্গ॑লম্ ।

ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥ 23.1 (তৈ. অর. 6.23.1)

সর্বো॒ বৈ রু॒দ্রস্তস্মৈ॑ রু॒দ্রায॒ নমো॑ অস্তু ।

পুরু॑ষো॒ বৈ রু॒দ্র-স্সন্ম॒হো নমো॒ নমঃ॑ ।

বিশ্ব॑-ম্ভূ॒ত-ম্ভুব॑ন-ঞ্চি॒ত্র-ম্ব॑হু॒ধা জা॒ত-ঞ্জায॑মান-ঞ্চ॒ যত্ ।

সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু ॥ 24.1 (তৈ. অর. 6.24.1)

কদ্রু॒দ্রায॒ প্রচে॑তসে মী॒ঢুষ্ট॑মায॒ তব্য॑সে ।

বো॒চেম॒ শন্ত॑মগ্ং হৃ॒দে ॥

সর্বো॒হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু ॥ 25.1 (তৈ. অর. 6.25.1)

অগ্নিহোত্র হবণ্যাঃ উপযুক্তস্য বৃক্ষ বিশেষ-স্যাভিধানম্ (4.24-25)

যস্য॒ বৈ ক॑ঙ্কত্যগ্নি-হোত্র॒হব॑ণী ভবতি॒ প্রত্যে॒বা-স্যাহু॑তয-স্তিষ্ঠ॒ন্ত্যথো॒ প্রতি॑ষ্ঠিত্যৈ ॥ 26.1 (তৈ. অর. 6.26.1)

ভূদেবতাক মন্ত্রঃ (4.26)

ক্R॒ণু॒ষ্ব পাজ॒ ইতি॒ পঞ্চ॑ ।

অদি॑তি-র্দে॒বা গ॑ন্ধ॒র্বা ম॑নু॒ষ্যাঃ᳚ পি॒তরো-ঽসু॑রা॒-স্তেষাগ্ং॑ সর্ব ভূ॒তানা᳚-ম্মা॒তা মে॒দিনী॑ মহ॒তা ম॒হী সা॑বি॒ত্রী গা॑য॒ত্রী জগ॑ত্যু॒র্বী পৃ॒থ্বী ব॑হু॒লা বিশ্বা॑ ভূ॒তা ক॑ত॒মা কাযা সা স॒ত্যে-ত্য॒মৃতেতি॑ বসি॒ষ্ঠঃ ॥ 28.1 (তৈ. অর. 6.28.1)

সর্বা দেবতা আপঃ (4.27)

আপো॒ বা ই॒দগ্ং সর্বং॒-বিঁশ্বা॑ ভূ॒তান্যাপঃ॑ প্রা॒ণা বা আপঃ॑ প॒শব॒ আপো-ঽন্ন॒মাপো -ঽমৃ॑ত॒মাপঃ॑ স॒ম্রাডাপো॑ বি॒রাডাপঃ॑ স্ব॒রাডাপঃ॒

ছন্দা॒গ্॒স্যাপো॒ জ্যোতী॒গ্॒ষ্যাপো॒ যজূ॒গ্॒ষ্যাপঃ॑ স॒ত্যমাপ॒-স্সর্বা॑ দে॒বতা॒ আপো॒ ভূর্ভুব॒স্সুব॒রাপ॒ ওম্ ॥ 29.1 (তৈ. অর. 6.29.1)

সন্ধ্যাবন্দন মন্ত্রাঃ (4.28)

আপঃ॑ পুনন্তু পৃথি॒বী-ম্পৃ॑থি॒বী পূ॒তা পু॑নাতু॒ মাম্ ।

পু॒নন্তু॒ ব্রহ্ম॑ণ॒স্পতি॒-র্ব্রহ্ম॑ পূ॒তা পু॑নাতু॒ মাম্ ।

যদুচ্ছি॑ষ্ট॒-মভো᳚জ্যং॒-যঁদ্বা॑ দু॒শ্চরি॑ত॒-ম্মম॑ ।

সর্ব॑-ম্পুনন্তু॒ মামাপো॑-ঽস॒তাঞ্চ॑ প্রতি॒গ্রহ॒গ্গ্॒ স্বাহা᳚ ॥ 30.2 (তৈ. অর. 6.30.1)

অগ্নিশ্চ মা মন্যুশ্চ মন্যুপতযশ্চ মন্যু॑কৃতে॒ভ্যঃ ।

পাপেভ্যো॑ রক্ষ॒ন্তাম্ । যদহ্না পাপ॑মকা॒র্॒ষম্ ।

মনসা বাচা॑ হস্তা॒ভ্যাম্ । পদ্ভ্যা-মুদরে॑ণ শি॒শ্না ।

অহ॒স্তদ॑বলু॒পন্তু । যত্কিঞ্চ॑ দুরি॒ত-ম্মযি॑ ।

ইদমহ-মামমৃ॑ত যো॒নৌ । সত্যে জ্যোতিষি জুহো॑মি স্বা॒হা ॥ 31.1 (তৈ. অর. 6.31.1)

সূর্যশ্চ মা মন্যুশ্চ মন্যুপতযশ্চ মন্যু॑কৃতে॒ভ্যঃ ।

পাপেভ্যো॑ রক্ষ॒ন্তাম্ । যদ্রাত্রিযা পাপ॑মকা॒র্॒ষম্ ।

মনসা বাচা॑ হস্তা॒ভ্যাম্ । পদ্ভ্যা-মুদরে॑ণ শি॒শ্না ।

রাত্রি॒-স্তদ॑বলু॒পন্তু । যত্কিঞ্চ॑ দুরি॒ত-ম্মযি॑ ।

ইদমহ-মামমৃ॑ত যো॒নৌ । সূর্যে জ্যোতিষি জুহো॑মি স্বা॒হা ॥ 32.1 (তৈ. অর. 6.32.1)

প্রণবস্য ঋষ্যাদি বিবরণং (4.29)

ওমিত্যেকাক্ষ॑র-ম্ব্র॒হ্ম । অগ্নির্দেবতা ব্রহ্ম॑ ইত্যা॒র্​ষম্ ।

গাযত্র-ঞ্ছন্দ-ম্পরমাত্মং॑ সরূ॒পম্ । সাযুজ্যং-বিঁ॑নিযো॒গম্ ॥ 33.1 (তৈ. অর. 6.33.1)

গাযত্র্যাবাহন মন্ত্রাঃ (4.30)

আযা॑তু॒ বর॑দা দে॒বী॒ অ॒ক্ষর॑-ম্ব্রহ্ম॒ সম্মি॑তম্ ।

গা॒য॒ত্রী᳚-ঞ্ছন্দ॑সা-ম্মা॒তেদ-ম্ব্র॑হ্ম জু॒ষস্ব॑ মে ।

যদহ্না᳚-ত্কুরু॑তে পা॒প॒-ন্তদহ্না᳚-ত্প্রতি॒মুচ্য॑তে ।

য-দ্রাত্রিযা᳚-ত্কুরু॑তে পা॒প॒-ন্ত-দ্রাত্রিযা᳚-ত্প্রতি॒মুচ্য॑তে ।

সর্ব॑ ব॒র্ণে ম॑হাদে॒বি॒ স॒ন্ধ্যা বি॑দ্যে স॒রস্ব॑তি ॥ 34.2 (তৈ. অর. 6.34.1)

ওজো॑-ঽসি॒ সহো॑-ঽসি॒ বল॑মসি॒ ভ্রাজো॑-ঽসি দে॒বানা॒-ন্ধাম॒নামা॑॑-ঽসি॒ বিশ্ব॑মসি বি॒শ্বাযু॒-স্সর্ব॑মসি স॒র্বাযু-রভিভূরোং-গাযত্রী-মাবা॑হযা॒মি॒ সাবিত্রী-মাবা॑হযা॒মি॒ সরস্বতী-মাবা॑হযা॒মি॒ ছন্দর্​ষী-নাবা॑হযা॒মি॒ শ্রিয-মাবা॑হযা॒মি॒ গাযত্রিযা গাযত্রী ছন্দো বিশ্বামিত্র ঋষি-স্সবিতা দেবতা-ঽগ্নির্মুখ-ম্ব্রহ্মা শিরো বিষ্ণুর্​হৃদযগ্ং রুদ্র-শ্শিখা পৃথিবীযোনিঃ প্রাণাপান-ব্যানোদান-সমানা সপ্রাণা শ্বেতবর্ণা সাঙ্খ্যাযন-সগোত্রা গাযত্রী চতুর্বিগ্ংশত্যক্ষরা ত্রিপদা॑ ষট্কু॒ক্ষিঃ॒ পঞ্চ শীর্​ষোপনযনে বি॑নিযো॒গঃ॒-

ও-ম্ভূঃ । ও-ম্ভুবঃ । ওগ্ং সুবঃ । ও-ম্মহঃ । ও-ঞ্জনঃ । ও-ন্তপঃ । ওগ্ং স॒ত্যম্ । ও-ন্ত-থ্স॑বি॒তুর্বরে᳚ণ্য॒-ম্ভর্গো॑ দে॒বস্য॑ ধীমহি । ধিযো॒ যো নঃ॑ প্রচো॒দযা᳚ত্ । ওমাপো॒ জ্যোতী॒ রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥ 35.2 (তৈ. অর. 6.35.1)

গাযত্রী উপস্থান মন্ত্রাঃ (4.31)

উ॒ত্তমে॑ শিখ॑রে জা॒তে॒ ভূ॒ম্যা-ম্প॑র্বত॒ মূর্ধ॑নি ।

ব্রা॒হ্মণে᳚ভ্যো-ঽভ্য॑নুজ্ঞা॒তা॒ গ॒চ্ছ দে॑বি য॒থাসু॑খম্ ।

স্তুতো মযা বরদা বে॑দমা॒তা॒ প্রচোদযন্তী পবনে᳚ দ্বিজা॒তা ।

আযুঃ পৃথিব্যাং-দ্রবিণ-ম্ব্র॑হ্মব॒র্চ॒স॒-ম্মহ্য-ন্দত্বা প্রজাতু-ম্ব্র॑হ্মলো॒কম্ ॥ 36.2 (তৈ. অর. 6.36.1)

আদিত্যদেবতা মন্ত্রঃ (4.32)

ঘৃণি॒-স্সূর্য॑ আদি॒ত্যো ন প্রভা॑-বা॒ত্যক্ষ॑রম্ ।

মধু॑ক্ষরন্তি॒ ত-দ্র॑সম্ ।

স॒ত্যং-বৈঁ ত-দ্রস॒-মাপো॒ জ্যোতী॒রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥ 37.1 (তৈ. অর. 6.37.1)

ত্রিসুপর্ণমন্ত্রাঃ (4.33)

ব্রহ্ম॑ মেতু॒ মাম্ । মধু॑ মেতু॒ মাম্ । ব্রহ্ম॑-মে॒ব মধু॑ মেতু॒ মাম্ ।

যাস্তে॑ সোম প্র॒জাব॒থ্সো-ঽভি॒সো অ॒হম্ । দুস্ষ্ব॑প্ন॒হ-ন্দু॑রুষ্বহ ।

যাস্তে॑ সোম প্রা॒ণাগ্​স্তা-ঞ্জু॑হোমি । ত্রিসু॑পর্ণ॒ মযা॑চিত-ম্ব্রাহ্ম॒ণায॑ দদ্যাত্ ।

ব্র॒হ্ম॒হ॒ত্যাং-বাঁ এ॒তে ঘ্ন॑ন্তি । যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি ।

তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ক্তি-ম্পুন॑ন্তি । ওম্ ॥ 38.1 (তৈ. অর. 6.38.1)

ব্রহ্ম॑ মে॒ধযা᳚ । মধু॑ মে॒ধযা᳚ ।

ব্রহ্ম॑মে॒ব মধু॑ মে॒ধযা᳚ । অ॒দ্যা নো॑ দেব সবিতঃ প্র॒জাব॑থ্সাবী॒-স্সৌভ॑গম্ ।

পরা॑ দু॒স্ষ্বপ্নি॑যগ্ং সুব । বিশ্বা॑নি দেব সবিত-র্দুরি॒তানি॒ পরা॑সুব ।

য-দ্ভ॒দ্র-ন্তন্ম॒ আসু॑ব । মধু॒বাতা॑ ঋতায॒তে মধু॑ক্ষরন্তি॒ সিন্ধ॑বঃ ।

মাদ্ধ্বী᳚র্ন-স্স॒ন্ত্বোষ॑ধীঃ । মধু॒নক্ত॑ মু॒তোষসি॒ মধু॑ম॒-ত্পার্থি॑ব॒গ্ং॒ রজঃ॑ ।

মধু॒দ্যৌর॑স্তু নঃ পি॒তা । মধু॑মান্নো॒ বন॒স্পতি॒-র্মধু॑মাগ্ং অস্তু॒ সূর্যঃ॑ ।

মাদ্ধ্বী॒ র্গাবো॑ ভবন্তু নঃ । য ই॒ম-ন্ত্রিসু॑পর্ণ॒-মযা॑চিত-ম্ব্রাহ্ম॒ণায॑ দদ্যাত্ ।

ভ্রূ॒ণ॒হ॒ত্যাং-বাঁ এ॒তে ঘ্ন॑ন্তি । যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি ।

তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ক্তি-ম্পুন॑ন্তি । ওম্ ॥ 39.7 (তৈ. অর. 6.39.1)

ব্রহ্ম॑ মে॒ধবা᳚ । মধু॑ মে॒ধবা᳚ । ব্রহ্ম॑মে॒ব মধু॑ মে॒ধবা᳚ ।

ব্র॒হ্মা দে॒বানা᳚-ম্পদ॒বীঃ ক॑বী॒না-মৃষি॒-র্বিপ্রা॑ণা-ম্মহি॒ষো মৃ॒গাণা᳚ম্ ।

শ্যে॒নো গৃদ্ধ্রা॑ণা॒গ্॒ স্বধি॑তি॒-র্বনা॑না॒গ্ং॒ সোমঃ॑ প॒বিত্র॒-মত্যে॑তি॒ রেভন্ন্॑ ।

হ॒গ্ং॒স-শ্শু॑চি॒ষ-দ্বসু॑রন্তরিক্ষ॒ সদ্ধোতা॑- বেদি॒ষ-দতি॑থি-র্দুরোণ॒সত্ ।

নৃ॒ষদ্ব॑র॒-সদৃ॑ত॒-স-দ্ব্যো॑ম॒-সদ॒ব্জা- গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ।

ঋ॒চেত্বা॑ রু॒চেত্বা॒ সমি-থ্স্র॑বন্তি স॒রিতো॒ ন ধেনাঃ᳚ ।

অ॒ন্তর্-হৃ॒দা মন॑সা পূ॒যমা॑নাঃ ।

ঘৃ॒তস্য॒ ধারা॑ অ॒ভিচা॑কশীমি ।

হি॒র॒ণ্যযো॑ বেত॒সো মদ্ধ্য॑ আসাম্ ।

তস্মি᳚ন্-থ্সুপ॒র্ণো ম॑ধু॒কৃ-ত্কু॑লা॒যী ভজ॑ন্নাস্তে॒ মধু॑ দে॒বতা᳚ভ্যঃ ।

তস্যা॑ সতে॒ হর॑য-স্স॒প্ততীরে᳚ স্ব॒ধা-ন্দুহা॑না অ॒মৃত॑স্য॒ ধারা᳚ম্ ।

য ই॒দ-ন্ত্রিসু॑পর্ণ॒-মযা॑চিত-ম্ব্রাহ্ম॒ণায॑ দদ্যাত্ ।

বী॒র॒হ॒ত্যাং-বাঁ এ॒তে ঘ্ন॑ন্তি । যে ব্রা᳚হ্ম॒ণা-স্ত্রিসু॑পর্ণ॒-ম্পঠ॑ন্তি ।

তে সোম॒-ম্প্রাপ্নু॑বন্তি । আ॒স॒হ॒স্রা-ত্প॒ঙ্ক্তি-ম্পুন॑ন্তি । ওম্ ॥ 40.6 (তৈ. অর. 6.40.1)

মেধা সূক্তং (4.34)

মে॒ধাদে॒বী জু॒ষমা॑ণা ন॒ আগা᳚-দ্বি॒শ্বাচী॑ ভ॒দ্রা সু॑মন॒স্য মা॑না ।

ত্বযা॒ জুষ্টা॑ নু॒দমা॑না দু॒রুক্তা᳚-ন্বৃ॒হদ্ব॑দেম বি॒দথে॑ সু॒বীরাঃ᳚ ।

ত্বযা॒ জুষ্ট॑ ঋ॒ষি-র্ভ॑বতি দেবি॒ ত্বযা॒ ব্রহ্মা॑-ঽঽগ॒তশ্রী॑ রু॒ত ত্বযা᳚ ।

ত্বযা॒ জুষ্ট॑শ্চি॒ত্রং-বিঁ॑ন্দতে বসু॒ সা নো॑ জুষস্ব॒ দ্রবি॑ণো নমেধে ॥ 41.1 (তৈ. অর. 6.41.1)

মে॒ধা-ম্ম॒ ইন্দ্রো॑ দদাতু মে॒ধা-ন্দে॒বী সর॑স্বতী ।

মে॒ধা-ম্মে॑ অ॒শ্বিনা॑-বু॒ভাবাধ॑ত্তা॒-ম্পুষ্ক॑রস্রজা ॥

অ॒ফ্স॒রাসু॑ চ॒ যা মে॒ধা গ॑ন্ধ॒র্বেষু॑ চ॒ যন্মনঃ॑ ।

দৈবী᳚-ম্মে॒ধা সর॑স্বতী॒ সা মা᳚-ম্মে॒ধা সু॒রভি॑-র্জুষতা॒গ্॒ স্বাহা᳚ ॥ 42.1 (তৈ. অর. 6.42.1)

আমা᳚-ম্মে॒ধা সু॒রভি॑-র্বি॒শ্বরূ॑পা॒ হির॑ণ্যবর্ণা॒ জগ॑তী জগ॒ম্যা ।

ঊর্জ॑স্বতী॒ পয॑সা॒ পিন্ব॑মানা॒ সা মা᳚-ম্মে॒ধা সু॒প্রতী॑কা জুষন্তাম্ ॥ 43.1 (তৈ. অর. 6.43.1)

মযি॑ মে॒ধা-ম্মযি॑ প্র॒জা-ম্ময্য॒গ্নিস্তেজো॑ দধাতু॒ মযি॑ মে॒ধা-ম্মযি॑ প্র॒জা-ম্মযীন্দ্র॑ ইন্দ্রি॒য-ন্দ॑ধাতু॒ মযি॑ মে॒ধা-ম্মযি॑ প্র॒জা-ম্মযি॒ সূর্যো॒ ভ্রাজো॑ দধাতু ॥ 44.1 (তৈ. অর. 6.44.1)

মৃত্যুনিবারণ মন্ত্রাঃ (4.35)

অপৈ॑তু মৃ॒ত্যু-র॒মৃত॑ন্ন॒ আগ॑ন্. বৈবস্ব॒তো নো॒ অভ॑যঙ্কৃণোতু ।

প॒র্ণং-বঁন॒স্পতে॑ রিবা॒ভিনঃ॑ শীযতাগ্ং র॒যি-স্সচ॑তান্ন॒-শ্শচী॒পতিঃ॑ ॥ 45.1 (তৈ. অর. 6.45.1)

পর॑-ম্মৃত্যো॒ অনু॒ পরে॑হি॒ পন্থাং॒-যঁস্তে॒স্ব ইত॑রো দেব॒যানা᳚ত্ ।

চক্ষু॑ষ্মতে শৃণ্ব॒তে তে᳚ ব্রবীমি॒ মানঃ॑ প্র॒জাগ্ং রী॑রিষো॒ মোত বী॒রান্ ॥ 46.1 (তৈ. অর. 6.46.1)

বাত॑-ম্প্রা॒ণ-ম্মন॑সা॒ ন্বার॑ভামহে প্র॒জাপ॑তিং॒-যোঁ ভুব॑নস্য গো॒পাঃ ।

সনো॑ মৃ॒ত্যো স্ত্রা॑যতা॒-ম্পাত্বগ্ংহ॑সো॒ জ্যোগ্ জী॒বা জ॒রাম॑শীমহি ॥ 47.1 (তৈ. অর. 6.47.1)

অ॒মু॒ত্র॒ ভূযা॒দধ॒ যদ্য॒মস্য॒ বৃহ॑স্পতে অ॒ভিশ॑স্তে॒র মু॑ঞ্চঃ ।

প্রত্যৌ॑হতা ম॒শ্বিনা॑ মৃ॒ত্যু ম॑স্মা-দ্দে॒বানা॑মগ্নে ভি॒ষজা॒ শচী॑ভিঃ ॥ 48.1 (তৈ. অর. 6.48.1)

হরি॒গ্ং॒ হর॑ন্ত॒- মনু॑যন্তি দে॒বা বিশ্ব॒স্যেশা॑নং-বৃঁষ॒ভ-ম্ম॑তী॒নাম্ ।

ব্রহ্ম॒ সরূ॑প॒-মনু॑মে॒দমা॑গা॒-দয॑ন॒-ম্মা বিব॑ধী॒-র্বিক্র॑মস্ব ॥ 49.1 (তৈ. অর. 6.49.1)

শল্কৈ॑র॒গ্নি-মি॑ন্ধা॒ন উ॒ভৌ লো॒কৌ স॑নেম॒হম্ ।

উ॒ভযো᳚ র্লো॒কযা॑র্-ঋ॒ধ্দ্বা-ঽতি॑ মৃ॒ত্যু-ন্ত॑রাম্য॒হম্ ॥ 50.1 (তৈ. অর. 6.50.1)

মা ছি॑দো মৃত্যো॒ মা ব॑ধী॒র্​মা মে॒ বলং॒-বিঁবৃ॑হো॒ মা প্রমো॑ষীঃ ।

প্র॒জা-ম্মা মে॑ রীরিষ॒ আযু॑রুগ্র নৃ॒চক্ষ॑স-ন্ত্বা হ॒বিষা॑ বিধেম ॥ 51.1 (তৈ. অর. 6.51.1)

মা নো॑ ম॒হান্ত॑মু॒ত মা নো॑ অর্ভ॒ক-ম্মা ন॒ উক্ষ॑ন্তমু॒ত মা ন॑ উক্ষি॒তম্ ।

মা নো॑ বধীঃ পি॒তর॒-ম্মোত মা॒তর॑-ম্প্রি॒যা মা ন॑স্ত॒নুবো॑ রুদ্র রীরিষঃ ॥ 52.1 (তৈ. অর. 6.52.1)

মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।

বী॒রান্মা নো॑ রুদ্র ভামি॒তোব॑ধীর্-হ॒বিষ্ম॑ন্তো॒ নম॑সা বিধেম তে ॥ 53.1 (তৈ. অর. 6.53.1)

প্রজাপতি-প্রার্থনা মন্ত্রঃ (4.36)

প্রজা॑পতে॒ ন ত্বদে॒তা-ন্য॒ন্যো বিশ্বা॑ জা॒তানি॒ পরি॒তা ব॑ভূব ।

য-ত্কা॑মাস্তে জুহু॒মস্তন্নো॑ অস্তু ব॒যগ্গ্​ স্যা॑ম॒ পত॑যো রযী॒ণাম্ ॥ 54.1 (তৈ. অর. 6.54.1)

ইন্দ্রপ্রার্থনা মন্ত্রঃ (4.37)

স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী ।

বৃষেন্দ্রঃ॑ পু॒র এ॑তু নস্স্বস্তি॒দা অ॑ভয-ঙ্ক॒রঃ ॥ 55.1 (তৈ. অর. 6.55.1)

মৃত্যুঞ্জয মন্ত্রাঃ (4.38)

ত্র্য॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ ।

উ॒র্বা॒রু॒কমি॑ব॒ বন্ধ॑না-ন্মৃ॒ত্যো-র্মু॑ক্ষীয॒ মা-ঽমৃতা᳚ত্ ॥ 56.1 (তৈ. অর. 6.56.1)

যে তে॑ স॒হস্র॑ম॒যুত॒-ম্পাশা॒ মৃত্যো॒ মর্ত্যা॑য॒ হন্ত॑বে ।

তান্. য॒জ্ঞস্য॑ মা॒যযা॒ সর্বা॒নব॑ যজামহে । মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ॥ 58.1 (তৈ. অর. 6.57-58)

পাপনিবারকা মন্ত্রাঃ (4.39)

দে॒বকৃ॑ত॒স্যৈন॑সো-ঽব॒যজ॑নমসি॒ স্বাহা᳚ ।

ম॒নু॒ষ্য॑কৃত॒স্যৈন॑সো ঽব॒যজ॑নমসি॒ স্বাহা᳚ ।

পি॒তৃকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।

আ॒ত্মকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।

অ॒ন্যকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।

অ॒স্মত্কৃ॑ত॒স্যৈন॑সো ঽব॒যজ॑নমসি॒ স্বাহা᳚ ।

যদ্দি॒বা চ॒ নক্ত॒-ঞ্চৈন॑শ্চকৃ॒ম তস্যা॑ ব॒যজ॑নমসি॒ স্বাহা᳚ ।

য-থ্স্ব॒পন্ত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।

য-থ্সু॒ষুপ্ত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।

য-দ্বি॒দ্বাগ্ংস॒শ্চা বি॑দ্বাগ্ংস॒শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।

এনস এনসো বযজনম॑সি স্বা॒হা ॥ 59.1 (তৈ. অর. 6.59.1)

বসু-প্রার্থনা মন্ত্রঃ (4.40)

যদ্বো॑ দেবাশ্চকৃ॒ম জি॒হ্বযা॑ গু॒রুমন॑সো বা॒ প্রযু॑তী দেব॒ হেড॑নম্ ।

অরা॑বা॒যো নো॑ অ॒ভিদু॑চ্ছুনা॒যতে॒ তস্মি॒-ন্তদেনো॑ বসবো॒ নিধে॑তন॒ স্বাহা᳚ ॥ 60.1 (তৈ. অর. 6.60.1)

কামো-ঽকার্​ষীত্ - মন্যুরকার্​ষীত্ মন্ত্রঃ (4.41)

কামো-ঽকার্​ষী᳚-ন্নমো॒ নমঃ ।

কামো-ঽকার্​ষী-ত্কামঃ করোতি নাহ-ঙ্করোমি কামঃ কর্তা নাহ-ঙ্কর্তা কামঃ॑ কার॒যিতা নাহ॑-ঙ্কার॒যিতা এষ তে কাম কামা॑য স্বা॒হা ॥ 61.1 (তৈ. অর. 6.61.1)

মন্যুরকার্​ষী᳚-ন্নমো॒ নমঃ ।

মন্যুরকার্​ষী-ন্মন্যুঃ করোতি নাহ-ঙ্করোমি মন্যুঃ কর্তা নাহ-ঙ্কর্তা মন্যুঃ॑ কার॒যিতা নাহ॑-ঙ্কার॒যিতা এষ তে মন্যো মন্য॑বে স্বা॒হা ॥ 62.1 (তৈ. অর. 6.62.1)

বিরজা হোম মন্ত্রাঃ (4.42)

তিলাঞ্জুহোমি সরসাগ্ং সপিষ্টা-ন্গন্ধার মম চিত্তে রম॑ন্তু স্বা॒হা ।

গাবো হিরণ্য-ন্ধনমন্নপানগ্ং সর্বেষাগ্​ শ্রি॑যৈ স্বা॒হা ।

শ্রিযঞ্চ লক্ষ্মিঞ্চ পুষ্টিঞ্চ কীর্তি॑-ঞ্চা নৃ॒ণ্যতাম্ । ব্রহ্মণ্য-ম্ব॑হুপু॒ত্রতাম্ ।

শ্রদ্ধামেধে প্রজা-স্সন্দদা॑তু স্বা॒হা ॥ 63.3 (তৈ. অর. 6.63.1)

তিলাঃ কৃষ্ণা-স্তি॑লা-শ্শ্বে॒তা॒-স্তিলা-স্সৌম্যা ব॑শানু॒গাঃ ।

তিলাঃ পুনন্তু॑ মে পা॒পং॒-যঁত্কিঞ্চি-দ্দুরিত-ম্ম॑যি স্বা॒হা ।

চোর॒স্যান্ন-ন্ন॑বশ্রা॒দ্ধ॒-ম্ব্র॒হ্ম॒হা গু॑রুত॒ল্পগঃ ।

গোস্তেযগ্ং স॑রাপা॒ন॒-ম্ভ্রূণহত্যা তিলা শান্তিগ্ং শময॑ন্তু স্বা॒হা ।

শ্রীশ্চ লক্ষ্মীশ্চ পুষ্টীশ্চ কীর্তি॑-ঞ্চা নৃ॒ণ্যতাম্ ।

ব্রহ্মণ্য-ম্ব॑হুপু॒ত্রতাম্ ।

শ্রদ্ধামেধে প্রজ্ঞাতু জাতবেদ-স্সন্দদা॑তু স্বা॒হা ॥ 64.3 (তৈ. অর. 6.64.1)

প্রাণাপান-ব্যানোদান-সমানা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

বাং-মন-শ্চক্ষুঃ-শ্রোত্র-জিহ্বা-ঘ্রাণ-রেতো-বুদ্ধ্যাকূতি-স্সঙ্কল্পা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

ত্বক্-চর্ম-মাগ্ংস-রুধির-মেদো-মজ্জা-স্নাযবো-ঽস্থীনি মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

শিরঃ পাণি পাদ পার্​শ্ব পৃষ্ঠো-রূদর-জঙ্ঘ-শিশ্র্নোপস্থ পাযবো মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

উত্তিষ্ঠ পুরুষ হরিত-পিঙ্গল লোহিতাক্ষি দেহি দেহি দদাপযিতা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ॥ 65.5 (তৈ. অর. 6.65.1)

পৃথিব্যাপ স্তেজো বাযু-রাকাশা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

শব্দ-স্পর্​শ-রূপরস-গন্ধা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

মনো-বাক্-কায-কর্মাণি মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

অব্যক্তভাবৈ-র॑হঙ্কা॒র॒-র্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

আত্মা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

অন্তরাত্মা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

পরমাত্মা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ।

ক্ষু॒ধে স্বাহা᳚ । ক্ষুত্পি॑পাসায॒ স্বাহা᳚ । বিবি॑ট্যৈ॒ স্বাহা᳚ ।

ঋগ্বি॑ধানায॒ স্বাহা᳚ । ক॒ষো᳚ত্কায॒ স্বাহা᳚ ।

ক্ষু॒ত্পি॒পা॒সাম॑ল-ঞ্জ্যে॒ষ্ঠা॒ম॒ল॒ক্ষ্মী-র্না॑শযা॒ম্যহম্ ।

অভূ॑তি॒-মস॑মৃদ্ধি॒ঞ্চ॒ সর্বাং (সর্বা) নির্ণুদ মে পাপ্মা॑নগ্গ্​ স্বা॒হা ।

অন্নময-প্রাণময-মনোময-বিজ্ঞানময-মানন্দময-মাত্মা মে॑ শুদ্ধ্য॒ন্তা॒-ঞ্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ॥ 66.10 (তৈ. অর. 6.66.1)

বৈশ্বদেব মন্ত্রাঃ (4.43)

অ॒গ্নযে॒ স্বাহা᳚ । বিশ্বে᳚ভ্যো দে॒বেভ্য॒-স্স্বাহা᳚ ।

ধ্রু॒বায॑ ভূ॒মায॒ স্বাহা᳚ । ধ্রু॒ব॒ক্ষিত॑যে॒ স্বাহা᳚ ।

অ॒চ্যু॒ত॒ক্ষিত॑যে॒ স্বাহা᳚ । অ॒গ্নযে᳚ স্বিষ্ট॒কৃতে॒ স্বাহা᳚ ।

ধর্মা॑য॒ স্বাহা᳚ । অধ॑র্মায॒ স্বাহা᳚ ।

অ॒দ্ভ্য-স্স্বাহা᳚ । ও॒ষ॒ধি॒ব॒ন॒স্প॒তিভ্য॒-স্স্বাহা᳚ । 67.1 (তৈ. অর. 6.67.1)

র॒ক্ষো॒দে॒ব॒জ॒নেভ্য॒-স্স্বাহা᳚ ।

গৃহ্যা᳚ভ্য॒-স্স্বাহা᳚ । অ॒ব॒সানে᳚ভ্য॒-স্স্বাহা᳚ ।

অ॒ব॒সান॑পতিভ্য॒-স্স্বাহা᳚ । স॒র্ব॒ভূ॒তেভ্য॒-স্স্বাহা᳚ ।

আমা॑য॒ স্বাহা᳚ । অ॒ন্তরি॑ক্ষায॒ স্বাহা᳚ ।

যদেজ॑তি॒ জগ॑তি॒ যচ্চ॒ চেষ্ট॑তি॒ নাম্নো॑ ভা॒গো-ঽয-ন্নাম্নে॒ স্বাহা᳚ ।

পৃ॒থি॒ব্যৈ স্বাহা᳚ । অ॒ন্তরি॑ক্ষায॒ স্বাহা᳚ । 67.2 (তৈ. অর. 6.67.2)

দি॒বে স্বাহা᳚ । সূর্যা॑য॒ স্বাহা᳚ ।

চ॒ন্দ্রম॑সে॒ স্বাহা᳚ । নক্ষ॑ত্রেভ্য॒-স্স্বাহা᳚ ।

ইন্দ্রা॑য॒ স্বাহা᳚ । বৃহ॒স্পত॑যে॒ স্বাহা᳚ ।

প্র॒জাপ॑তযে॒ স্বাহা᳚ । ব্রহ্ম॑ণে॒ স্বাহা᳚ ।

স্ব॒ধা পি॒তৃভ্য॒-স্স্বাহা᳚ । নমো॑ রু॒দ্রায॑ পশু॒পত॑যে॒ স্বাহা᳚ । 67.3 (তৈ. অর. 6.67.3)

দে॒বেভ্য॒-স্স্বাহা᳚ । পি॒তৃভ্যঃ॑ স্ব॒ধা-ঽস্তু॑ ।

ভূ॒তেভ্যো॒ নমঃ॑ । ম॒নু॒ষ্যে᳚ভ্যো॒ হন্তা᳚ ।

প্র॒জাপ॑তযে॒ স্বাহা᳚ । প॒র॒মে॒ষ্ঠিনে॒ স্বাহা᳚ ।

যথা কূ॑প-শ্শ॒তধা॑র-স্স॒হস্র॑ধারো॒ অক্ষি॑তঃ ।

এ॒বা মে॑ অস্তু ধা॒ন্যগ্ং স॒হস্র॑ধার॒-মক্ষি॑তম্ ।

ধন॑ধান্যৈ॒ স্বাহা᳚ ॥ যে ভূ॒তাঃ প্র॒চর॑ন্তি॒ দিবা॒নক্ত॒-ম্বলি॑-মি॒চ্ছন্তো॑ বি॒তুদ॑স্য॒ প্রেষ্যাঃ᳚ ।

তেভ্যো॑ ব॒লি-ম্পু॑ষ্টি॒কামো॑ হরামি॒ মযি॒ পুষ্টি॒-ম্পুষ্টি॑পতি-র্দধাতু॒ স্বাহা᳚ ॥ 67.4 (তৈ. অর. 6.67.4)

(ও॒ষ॒ধি॒ব॒ন॒স্প॒তিভ্য॒-স্স্বাহা॒ - ঽন্তরি॑ক্ষায॒ স্বাহা॒ - নমো॑ রু॒দ্রায॑ পশু॒পত॑যে॒ স্বাহা॑ - বি॒তুদ॑স্য॒ প্রেষ্যা॒ এক॑-ঞ্চ)

ও᳚-ন্ত-দ্ব্র॒হ্ম । ও᳚-ন্ত-দ্বা॒যুঃ ।

ও᳚-ন্তদা॒ত্মা । ও᳚-ন্ত-থ্স॒ত্যম্ ।

ও᳚-ন্ত-থ্সর্ব᳚ম্ । ও᳚-ন্ত-ত্পুরো॒-র্নমঃ ।

অন্তশ্চরতি॑ ভূতে॒ষু॒ গুহাযাং-বিঁ॑শ্ব মূ॒র্তিষু ।

ত্বং-যঁজ্ঞস্ত্বং-বঁষট্কারস্ত্ব-মিদ্রস্ত্বগ্ং রুদ্রস্ত্বং​বিঁষ্ণুস্ত্ব-ম্ব্রহ্মত্ব॑-ম্প্রজা॒পতিঃ ।

ত্ব-ন্ত॑দাপ॒ আপো॒ জ্যোতী॒ রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥ 68.2 (তৈ. অর. 6.68.1)

4.44 প্রাণাহুতি মন্ত্রাঃ

শ্র॒দ্ধাযা᳚-ম্প্রা॒ণে নিবি॑ষ্টো॒-ঽমৃত॑-ঞ্জুহোমি ।

শ্র॒দ্ধাযা॑মপা॒নে নিবি॑ষ্টো॒-ঽমৃত॑-ঞ্জুহোমি ।

শ্র॒দ্ধাযাং᳚-ব্যাঁ॒নে নিবি॑ষ্টো॒-ঽমৃত॑-ঞ্জুহোমি ।

শ্র॒দ্ধাযা॑মুদা॒নে নিবি॑ষ্টো॒-ঽমৃত॑-ঞ্জুহোমি ।

শ্র॒দ্ধাযাগ্ং॑ সমা॒নে নিবি॑ষ্টো॒-ঽমৃত॑-ঞ্জুহোমি ।

ব্রহ্ম॑ণি ম আ॒ত্মা-ঽমৃ॑ত॒ত্বায॑ ॥

অ॒মৃ॒তো॒প॒স্তর॑ণমসি ॥

শ্র॒দ্ধাযা᳚-ম্প্রা॒ণে নিবি॑ষ্টো॒-ঽমৃত॑-ঞ্জুহোমি ।

শি॒বো মা॑ বি॒শাপ্র॑দাহায । প্রা॒ণায॒ স্বাহা᳚ ।

শ্র॒দ্ধাযা॑মপা॒নে নিবি॑ষ্টো॒-ঽমৃত॑-ঞ্জুহোমি ।

শি॒বো মা॑ বি॒শাপ্র॑দাহায । অ॒পা॒নায॒ স্বাহা᳚ ।

শ্র॒দ্ধাযাং᳚-ব্যাঁ॒নে নিবি॑ষ্টো॒-ঽমৃত॑-ঞ্জুহোমি ।

শি॒বো মা॑ বি॒শাপ্র॑দাহায । ব্যা॒নায॒ স্বাহা᳚ ।

শ্র॒দ্ধাযা॑-মুদা॒নে নিবি॑ষ্টো॒-ঽমৃত॑-ঞ্জুহোমি ।

শি॒বো মা॑ বি॒শাপ্র॑দাহায । উ॒দা॒নায॒ স্বাহা᳚ ।

শ্র॒দ্ধাযাগ্ং॑ সমা॒নে নিবি॑ষ্টো॒-ঽমৃত॑-ঞ্জুহোমি ।

শি॒বো মা॑ বি॒শাপ্র॑দাহায । স॒মা॒নায॒ স্বাহা᳚ ।

ব্রহ্ম॑ণি ম আ॒ত্মা-ঽমৃ॑ত॒ত্বায॑ ॥

অ॒মৃ॒তা॒পি॒ধা॒নম॑সি ॥ 69.4 (তৈ. অর. 6.69.1)

ভুক্তান্নাভিমন্ত্রণ মন্ত্রাঃ (4.45)

শ্র॒দ্ধাযা᳚-ম্প্রা॒ণে নিবি॑শ্যা॒-ঽমৃতগ্ং॑ হু॒তম্ । প্রা॒ণ মন্নে॑নাপ্যাযস্ব ।

শ্র॒দ্ধাযা॑মপা॒নে নিবি॑শ্যা॒-ঽমৃতগ্ং॑ হু॒তম্ । অ॒পা॒ন মন্নে॑নাপ্যাযস্ব ।

শ্র॒দ্ধাযাং᳚-ব্যাঁ॒নে নিবি॑শ্যা॒-ঽমৃতগ্ং॑ হু॒তম্ । ব্যা॒ন মন্নে॑নাপ্যাযস্ব ।

শ্র॒দ্ধাযা॑-মুদা॒নে নিবি॑শ্যা॒-ঽমৃতগ্ং॑ হু॒তম্ । উ॒দা॒ন মন্নে॑নাপ্যাযস্ব ।

শ্র॒দ্ধাযাগ্ং॑ সমা॒নে নিবি॑শ্যা॒-ঽমৃতগ্ং॑ হু॒তম্ । স॒মান॒ মন্নে॑নাপ্যাযস্ব ॥ 70.1 (তৈ. অর0.1)

ভোজনান্তে আত্মানুসন্ধান মন্ত্রাঃ (4.46)

অঙ্গুষ্ঠমাত্রঃ পুরুষো-ঽঙ্গুষ্ঠঞ্চ॑ সমা॒শ্রিতঃ । ঈশ-স্সর্বস্য জগতঃ প্রভুঃ প্রীণাতি॑ বিশ্ব॒ভুক্ ॥ 71.1 (তৈ. অর. 6.71.1)

অবযবস্বস্থতা প্রার্থনা মন্ত্রঃ (4.47)

বাম্ম॑ আ॒সন্ন্ । ন॒সোঃ প্রা॒ণঃ । অ॒ক্ষ্যো-শ্চক্ষুঃ॑ ।

কর্ণ॑যো॒-শ্শ্রোত্র᳚ম্ । বা॒হু॒বো-র্বল᳚ম্ । ঊ॒রু॒বো রোজঃ॑ ।

অরি॑ষ্টা॒ বিশ্বা॒ন্যঙ্গা॑নি ত॒নূঃ । ত॒নুবা॑ মে স॒হ নম॑স্তে অস্তু॒ মা মা॑ হিগ্ংসীঃ ॥ 72.1 (তৈ. অর. 6.72.1)

ইন্দ্র সপ্তর্​ষি সং​বাঁদ মন্ত্রঃ (4.48)

বযঃ॑ সুপ॒র্ণা উপ॑সেদু॒রিন্দ্র॑-ম্প্রি॒য মে॑ধা॒ ঋষ॑যো॒ নাধ॑মানাঃ ।

অপ॑দ্ধ্বা॒ন্ত মূ᳚র্ণু॒হি পূ॒র্ধি চক্ষু॑-র্মুমু॒গ্ধ্য॑স্মা-ন্নি॒ধযে॑ ঽবব॒দ্ধান্ ॥ 73.1 (তৈ. অর. 6.73.1)

হৃদযালম্ভন মন্ত্রঃ (4.49)

প্রাণানা-ঙ্গ্রন্থিরসি রুদ্রো মা॑ বিশা॒ন্তকঃ । তেনান্নেনা᳚-প্যায॒স্ব ॥ 74.1 (তৈ. অর. 6.74.1)

দেবতা প্রাণনিরূপণ মন্ত্রঃ (4.50)

নমো রুদ্রায বিষ্ণবে মৃত্যু॑র্মে পা॒হি ॥ 75.1 (তৈ. অর. 6.75.1)

অগ্নি স্তুতি মন্ত্রঃ (4.51)

ত্বম॑গ্নে॒ দ্যুভি॒-স্ত্বমা॑শু-শু॒ক্ষণি॒-স্ত্বম॒দ্ভ্য-স্ত্বমশ্ম॑ন॒স্পরি॑ ।

ত্বং-বঁনে᳚ভ্য॒-স্ত্বমোষ॑ধীভ্য॒-স্ত্ব-ন্নৃ॒ণা-ন্নৃ॑পতে জাযসে॒ শুচিঃ॑ ॥ 76.1 (তৈ. অর. 6.76.1)

অভীষ্ট যাচনা মন্ত্রঃ (4.52)

শি॒বেন॑ মে॒ সন্তি॑ষ্ঠস্ব স্যো॒নেন॑ মে॒ সন্তি॑ষ্ঠস্ব সুভূ॒তেন॑ মে॒ সন্তি॑ষ্ঠস্ব ব্রহ্মবর্চ॒সেন॑ মে॒ সন্তি॑ষ্ঠস্ব য॒জ্ঞস্যর্ধি॒ মনু॒ সন্তি॑ষ্ঠ॒ স্বোপ॑ তে যজ্ঞ॒ নম॒ উপ॑ তে॒ নম॒ উপ॑ তে॒ নমঃ॑ ॥ 77.1 (তৈ. অর. 6.77.1)

পর তত্ত্ব নিরূপণং (4.53)

স॒ত্য-ম্পর॒-ম্পরগ্ং॑ স॒ত্যগ্ং স॒ত্যেন॒ ন সু॑ব॒র্গা-ল্লো॒কাচ্চ্য॑বন্তে ক॒দাচ॒ন স॒তাগ্ং হি স॒ত্য-ন্তস্মা᳚-থ্স॒ত্যে র॑মন্তে॒,

তপ॒ ইতি॒ তপো॒ নানশ॑না॒-ত্পরং॒-যঁদ্ধি পর॒-ন্তপ॒স্ত-দ্দুধ॑র্​ষ॒-ন্ত-দ্দুরা॑ধর্​ষ॒-ন্তস্মা॒-ত্তপ॑সি রমন্তে॒,

দম॒ ইতি॒ নিয॑ত-ম্ব্রহ্মচা॒রিণ॒-স্তস্মা॒-দ্দমে॑ রমন্তে॒,

শম॒ ইত্যর॑ণ্যে মু॒নয॒-স্তস্মা॒চ্ছমে॑ রমন্তে,

দা॒নমিতি॒ সর্বা॑ণি ভূ॒তানি॑ প্র॒শগ্ংস॑ন্তি দা॒নান্নাতি॑ দু॒শ্চর॒-ন্তস্মা᳚-দ্দা॒নে র॑মন্তে,

ধ॒র্ম ইতি॒ ধর্মে॑ণ॒ সর্ব॑মি॒দ-ম্পরি॑গৃহীত-ন্ধ॒র্মান্নাতি॑-দু॒ষ্কর॒-ন্তস্মা᳚--দ্ধ॒র্মে র॑মন্তে,

প্র॒জন॒ ইতি॒ ভূযাগ্ং॑॑স॒-স্তস্মা॒-দ্ভূযি॑ষ্ঠাঃ॒ প্রজা॑যন্তে॒ তস্মা॒-দ্ভূযি॑ষ্ঠাঃ ॑নে রমন্তে॒,

-ঽগ্নয॒ ইত্যা॑হ॒ তস্মা॑-দ॒গ্নয॒ আধা॑তব্যা অগ্নিহো॒ত্র-মিত্যা॑হ॒ তস্মা॑-দগ্নিহো॒ত্রে র॑মন্তে,

য॒জ্ঞ ইতি॑ য॒জ্ঞো হি দে॒বা স্তস্মা᳚-দ্য॒জ্ঞে র॑মন্তে,

মান॒স-মিতি॑ বি॒দ্বাগ্ংস॒-স্তস্মা᳚-দ্বি॒দ্বাগ্ংস॑ এ॒ব মা॑ন॒সে র॑মন্তে,

ন্যা॒স ইতি॑ ব্র॒হ্মা ব্র॒হ্মা হি পরঃ॒ পরো॑ হি ব্র॒হ্মা তানি॒ বা এ॒তান্যব॑রাণি॒ পরাগ্ং॑সি ন্যা॒স এ॒বাত্য॑রেচয॒-দ্য এ॒বং-বেঁদে᳚ত্যুপ॒নিষত্ ॥ 78.11 (তৈ. অর. 6.78.1)

4.54 জ্ঞান সাধন নিরূপণং

প্রা॒জা॒প॒ত্যো হারু॑ণি-স্সুপ॒র্ণেযঃ॑ প্র॒জাপ॑তি-ম্পি॒তর॒-মুপ॑সসার॒ কি-ম্ভ॑গব॒ন্তঃ প॑র॒মং-বঁ॑দ॒ন্তীতি॒ তস্মৈ॒ প্রো॑বাচ,

স॒ত্যেন॑ বা॒যুরাবা॑তি স॒ত্যে-না॑দি॒ত্যো রো॑চতে দি॒বি স॒ত্যং-বাঁ॒চঃ প্র॑তি॒ষ্ঠা স॒ত্যে স॒র্ব-ম্প্রতি॑ষ্ঠিত॒-ন্তস্মা᳚-থ্স॒ত্য-ম্প॑র॒মং-বঁদ॑ন্তি॒,

তপ॑সা দে॒বা দে॒বতা॒-মগ্র॑ আয॒-ন্তপ॒সর্​ষ॑য॒-স্সুব॒রন্ব॑-বিন্দ॒-ন্তপ॑সা স॒পত্না॒-ন্প্রণু॑দা॒-মারা॑তী॒ স্তপ॑সি স॒র্ব-ম্প্রতি॑ষ্ঠিত॒-ন্তস্মা॒-ত্তপঃ॑ পর॒মং-বঁদ॑ন্তি॒,

দমে॑ন দা॒ন্তাঃ কি॒ল্বিষ॑-মবধূ॒ন্বন্তি॒ দমে॑ন ব্রহ্মচা॒রিণ॒-স্সুব॑রগচ্ছ॒-ন্দমো॑ ভূ॒তানা᳚-ন্দুরা॒ধর্​ষ॒-ন্দমে॑ স॒র্ব-ম্প্রতি॑ষ্ঠিত॒-ন্তস্মা॒-দ্দমঃ॑ পর॒মং-বঁদ॑ন্তি॒,

শমে॑ন শা॒ন্তা-শ্শি॒ব-মা॒চর॑ন্তি॒ শমে॑ন না॒ক-ম্মু॒নযো॒-ঽন্ববি॑ন্দ॒ন্ ছমো॑ ভূ॒তানা᳚-ন্দুরা॒ধর্​ষ॒-ঞ্ছমে॑ স॒র্ব-ম্প্রতি॑ষ্ঠিত॒-ন্তস্মা॒চ্ছমঃ॑ পর॒মং-বঁদ॑ন্তি,

দা॒নং-যঁ॒জ্ঞানাং॒-বঁরূ॑থ॒-ন্দক্ষি॑ণা লো॒কে দা॒তারগ্ং॑ সর্ব ভূ॒তান্যু॑পজী॒বন্তি॑ দা॒নেনারা॑তী॒-রপা॑নুদন্ত দা॒নেন॑ দ্বিষ॒ন্তো মি॒ত্রা ভ॑বন্তি দা॒নে স॒র্ব-ম্প্রতি॑ষ্ঠিত॒-ন্তস্মা᳚-দ্দা॒ন-ম্প॑র॒মং-বঁদ॑ন্তি,

ধ॒র্মো বিশ্ব॑স্য॒ জগ॑তঃ প্রতি॒ষ্ঠা লো॒কে ধ॒র্মিষ্ঠ॑-ম্প্র॒জা উ॑পস॒র্পন্তি॑ ধ॒র্মেণ॑ পা॒প-ম॑প॒নুদ॑তি ধ॒র্মে স॒র্ব-ম্প্রতি॑ষ্ঠিত॒-ন্তস্মা᳚-দ্ধ॒র্ম-ম্প॑র॒মং-বঁদ॑ন্তি,

প্র॒জন॑নং॒-বৈঁ প্র॑তি॒ষ্ঠা লো॒কে সা॒ধু প্র॒জাযা᳚ স্ত॒ন্তুন্-ত॑ন্বা॒নঃ পি॑তৃ॒ণা ম॑নৃ॒ণো ভব॑তি॒ তদে॑ব ত॒স্যা অনৃ॑ণ॒-ন্তস্মা᳚-ত্প্র॒জন॑ন-ম্পর॒মং-বঁদ॑ন্ত্য॒,

গ্নযো॒ বৈ ত্রযী॑ বি॒দ্যা দে॑ব॒যানঃ॒ পন্থা॑ গার্​হপ॒ত্য ঋক্-পৃ॑থি॒বী র॑থন্ত॒র-ম॑ন্বাহা-র্য॒পচ॑নং॒-যঁজু॑র॒ন্তরি॑ক্ষং-বাঁমদে॒ব্য মা॑হব॒নীয॒-স্সাম॑সুব॒র্গো লো॒কো বৃ॒হত্-তস্মা॑-দ॒গ্নী-ন্প॑র॒মং-বঁদ॑ন্ত্য,

গ্নিহো॒ত্রগ্ং সা॑য-ম্প্রা॒ত-র্গৃ॒হাণাং॒-নিষ্কৃ॑তি॒-স্স্বি॑ষ্টগ্ং সুহু॒তং-যঁ॑জ্ঞক্রতূ॒না-ম্প্রায॑ণগ্ং সুব॒র্গস্য॑ লো॒কস্য॒ জ্যোতি॒-স্তস্মা॑-দগ্নিহো॒ত্র-ম্প॑র॒মং-বঁদ॑ন্তি,

য॒জ্ঞ ইতি॑ য॒জ্ঞেন॒ হি দে॒বা দিব॑-ঙ্গ॒তা য॒জ্ঞেনাসু॑রা॒-নপা॑নুদন্ত য॒জ্ঞেন॑ দ্বিষ॒ন্তো মি॒ত্রা ভ॑বন্তি য॒জ্ঞে স॒র্ব-ম্প্রতি॑ষ্ঠিত॒-ন্তস্মা᳚-দ্য॒জ্ঞ-ম্প॑র॒মং-বঁদ॑ন্তি,

মান॒সং-বৈঁ প্রা॑জাপ॒ত্য-ম্প॒বিত্র॑-ম্মান॒সেন॒ মন॑সা সা॒ধু প॑শ্যতি মান॒সা ঋষ॑যঃ প্র॒জা অ॑সৃজন্ত মান॒সে স॒র্ব-ম্প্রতি॑ষ্ঠিত॒-ন্তস্মা᳚-ন্মান॒স-ম্প॑র॒মং-বঁদ॑ন্তি,

ন্যা॒স ই॒ত্যাহু॑-র্মনী॒ষিণো᳚ ব্র॒হ্মাণ॑-ম্ব্র॒হ্মা বিশ্বঃ॑ কত॒ম-স্স্ব॑য॒ভুংঃ প্র॒জাপ॑তি-স্সং​বঁথ্সর॒ ইতি॑, সং​বঁথ্স॒রো॑ ঽসাবা॑দি॒ত্যো য এ॒ষ আ॑দি॒ত্যে পুরু॑ষ॒-স্স প॑রমে॒ষ্ঠী ব্রহ্মা॒ত্মা,

যাভি॑রাদি॒ত্য-স্তপ॑তি র॒শ্মিভি॒স্তাভিঃ॑ প॒র্জন্যো॑ বর্​ষতি প॒র্জন্যে॑-নৌষধি-বনস্প॒তযঃ॒ প্রজা॑যন্ত ওষধি-বনস্প॒তিভি॒-রন্ন॑-ম্ভব॒ত্যন্নে॑ন প্রা॒ণাঃ প্রা॒ণৈ-র্বল॒-ম্বলে॑ন॒ তপ॒-স্তপ॑সা শ্র॒দ্ধা শ্র॒দ্ধযা॑ মে॒ধা মে॒ধযা॑ মনী॒ষা ম॑নী॒ষযা॒ মনো॒ মন॑সা॒ শান্তি॒-শ্শান্ত্যা॑ চি॒ত্ত-ঞ্চি॒ত্তেন॒ স্মৃতি॒গ্গ্॒ স্মৃত্যা॒ স্মার॒গ্গ্॒ স্মারে॑ণ বি॒জ্ঞানং॑-বিঁ॒জ্ঞানে॑-না॒ত্মানং॑-বেঁদযতি॒ তস্মা॑দ॒ন্ন-ন্দদ॒ন্-থ্সর্বা᳚ণ্যে॒তানি॑ দদা॒-ত্যন্না᳚-ত্প্রা॒ণা ভ॑বন্তি,

ভূ॒তানা᳚-ম্প্রা॒ণৈ-র্মনো॒ মন॑সশ্চ বি॒জ্ঞানং॑-বিঁ॒জ্ঞানা॑-দান॒ন্দো ব্র॑হ্ম যো॒নি-স্স বা এ॒ষ পুরু॑ষঃ পঞ্চ॒ধা প॑ঞ্চা॒ত্মা যেন॒ সর্ব॑মি॒দ-ম্প্রোত॑-ম্পৃথি॒বী চা॒ন্তরি॑ক্ষ-ঞ্চ॒ দ্যৌশ্চ॒ দিশ॑শ্চাবান্তরদি॒শাশ্চ॒ স বৈ সর্ব॑মি॒দ-ঞ্জগ॒থ্স স॒ভূতগ্ং॑ স ভ॒ব্য-ঞ্জি॑জ্ঞাস ক্লৃ॒প্ত ঋ॑ত॒জা রযি॑ষ্ঠা,

শ্র॒দ্ধা স॒ত্যো মহ॑স্বা-ন্ত॒পসো॒ পরি॑ষ্ঠা॒দ্ (বরি॑ষ্ঠা॒দ্) জ্ঞাত্বা॑ তমে॒ব-ম্মন॑সা হৃ॒দা চ॒ ভূযো॑ ন মৃ॒ত্যু-মুপ॑যাহি বি॒দ্বা-ন্তস্মা᳚-ন্ন্যা॒স-মে॒ষা-ন্তপ॑সা-মতিরিক্ত॒মাহু॑-র্বসুর॒ণ্বো॑ বি॒ভূর॑সি প্রা॒ণে ত্বমসি॑ সন্ধা॒তা

ব্রহ্ম॑-ন্ত্বমসি॑ বিশ্ব॒ধৃত্তে॑-জো॒দাস্ ত্বম॑স্য॒গ্নি-র॑সি বর্চো॒দা-স্ত্বম॑সি॒ সূর্য॑স্য দ্যুম্নো॒দা স্ত্বম॑সি চ॒ন্দ্রম॑স উপযা॒মগৃ॑হীতো-ঽসি ব্র॒হ্মণে᳚ ত্বা॒ মহস॒,

ওমিত্যা॒ত্মানং॑-যুঁঞ্জীতৈ॒তদ্বৈ ম॑হোপ॒নিষ॑দ-ন্দে॒বানা॒-ঙ্গুহ্যং॒-যঁ এ॒বং-বেঁদ॑ ব্র॒হ্মণো॑ মহি॒মান॑-মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্যুপ॒নিষত্ ॥ 79.20 (তৈ. অর. 6.79.1)

জ্ঞানযজ্ঞঃ (4.55)

তস্যৈ॒বং-বিঁ॒দুষো॑ য॒জ্ঞস্যা॒ত্মা যজ॑মানঃ-শ্র॒ধ্দাপত্নী॒ শরী॑র-মি॒দ্ধ্মমুরো॒ বেদি॒-র্লোমা॑নি

ব॒র॒ঃই-র্বে॒দঃ-শিখা॒ হৃদ॑যং॒-যূঁপঃ॒ কাম॒ আজ্য॑-ম্ম॒ন্যুঃ প॒শু-স্তপো॒-ঽগ্নি-র্দমঃ॑ শমযি॒তা দক্ষি॑ণা॒-বাঘোতা᳚ প্রা॒ণ উ॑দ্গ॒তা

চক্ষু॑রধ্ব॒র্যু-র্মনো॒ ব্রহ্মা॒ শ্রোত্র॑ম॒গ্নী-ধ্যাব॒ধ্দ্রিয॑তে॒

সা দী॒ক্ষা যদশ্র্না॑তি॒ তধ্দবি॒-র্যত্পিব॑তি॒ তদ॑স্য সোমপা॒নং-যঁদ্রম॑তে॒

তদু॑প॒সদো॒ য-থ্স॒ঞ্চর॑-ত্যুপ॒বিশ॑-ত্যু॒ত্তিষ্ঠ॑তে চ॒ সপ্র॑ব॒র্গ্যো॑

যন্মুখ॒-ন্তদা॑হব॒নীযো॒ যা ব্যাহৃ॑তি-রাহু॒তি-র্যদ॑স্য বি॒জ্ঞান॒-ন্তজ্জু॒হোতি॒ যথ্সা॒য-ম্প্রা॒তর॑ত্তি॒ তথ্স॒মিধং॒-যঁত্প্রা॒ত-র্ম॒দ্ধ্যন্দি॑নগ্ং সা॒য-ঞ্চ॒ তানি॒ সব॑নানি॒ যে

অ॑হোরা॒ত্রে তে দ॑র্​শপূর্ণমা॒সৌ যে᳚-ঽর্ধমা॒সাশ্চ॒ মাসা᳚শ্চ॒ তে চা॑তুর্মা॒স্যানি॒ য ঋ॒তব॒স্তে প॑শুব॒ন্ধা যে সং॑​বঁথ্স॒রাশ্চ॑ পরিবথ্স॒রাশ্চ॒ তে-ঽহ॑র্​গ॒ণা-স্স॑র্ব বেদ॒সং-বাঁ

এ॒ত-থ্স॒ত্রং-যঁন্মর॑ণ॒-ন্তদ॑ব॒ভৃথ॑ এ॒তদ্বৈ জ॑রামর্য-মগ্নিহো॒ত্রগ্ং স॒ত্রং-যঁ এ॒বং-বিঁ॒দ্বা-নু॑দ॒গয॑নে প্র॒মীয॑তে

দে॒বানা॑মে॒ব ম॑হি॒মান॑-ঙ্গ॒ত্বা-ঽঽদি॒ত্যস্য॒ সাযু॑জ্য-ঙ্গচ্ছ॒ত্যথ॒ যো দ॑ক্ষি॒ণে প্র॒মীয॑তে

পিতৃ॒ণা-মে॒ব ম॑হি॒মান॑-ঙ্গ॒ত্বা চ॒ন্দ্রম॑স॒-স্সাযু॑জ্যগ্ং সলো॒কতা॑-মাপ্নোত্যে॒তৌ বৈ সূ᳚র্যা চন্দ্র॒মসৌ᳚-র্মহি॒মানৌ᳚ ব্রাহ্ম॒ণো

বি॒দ্বা-ন॒ভিজ॑যতি॒ তস্মা᳚-দ্ব্র॒হ্মণো॑ মহি॒মান॑মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্যুপ॒নিষত্ ॥ 80.1 (তৈ. অর. 6.80.1)

স॒হ না॑ ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥

॥ ওঁ শান্তি॒-শ্শান্তি॒-শ্শান্তিঃ॑ ॥

হরিঃ॒ ওম্ ।

ইতি মহানারাযণোপনিষ-থ্সমাপ্তা

(অম্ভ॒স্যৈক॑পঞ্চা॒শচ্ছ॒তং - জা॒তবে॑দসে॒ চতু॑র্দশ॒ - ভূরন্নং॒ - ভূর॒গ্নযে॒ - ভূর॒গ্নযে॒ চৈক॑মেকং - পাহি - পা॒হি চ॒ত্বারি॑ চত্বারি॒ - য-শ্ছন্দ॑সা॒-ন্দ্বে - নমো॒ ব্রহ্ম॑ণে - ঋ॒ত-ন্তপো॒ - যথা॑ বৃ॒ক্ষস্যৈক॑ মেক - ম॒ণোরণী॑যা॒গ্॒ শ্চতু॑স্ত্রিগ্ংশথ্ - সহস্র॒শী॑ষ॒গ্ং॒ ষট্বি॑গ্ংশতি - রাদি॒ত্যো বা এ॒ষ - আ॑দি॒ত্যো বৈ তেজ॒ এক॑মেকং॒ - নিধ॑নপতযে॒ ত্রযো॑বিগ্ংশতিঃ - স॒দ্যোজা॒ত-ন্ত্রীণি॑ - বামদে॒বাযৈক॑ - ম॒ঘোরে᳚ভ্য॒ - স্তত্পুরু॑ষায॒ দ্বে দ্বে॒ - ঈশানো - নমো হিরণ্যবাহব॒ এক॑মেক - মৃ॒তগ্ং স॒ত্য-ন্দ্বে - সর্বো॒ বৈ চ॒ত্বারি॒ - কদ্রু॒দ্রায॒ ত্রীণি॒ - যস্য॒ বৈ কঙ্ক॑তী - কৃণু॒ষ্ব পাজো - ঽদি॑তি॒ - রাপো॒ বা ই॒দগ্ং সর্ব॒ মেক॑মেক॒ - মাপঃ॑ পুনন্তু চ॒ত্বা - র্যগ্নিশ্চ - সূর্যশ্চ নব॑ - ন॒বোমিতি॑ চ॒ত্বা - র্যাযা॑তু॒ পচৌ - জো॑-ঽসি॒ দশো॒ - ত্তমে॑ চ॒ত্বারি॒ - ঘৃণি॒স্ত্রীণি॒ - ব্রহ্ম॑মেতু॒ মাং-যাঁস্তে᳚ ব্রহ্মহ॒ত্যা-ন্দ্বাদ॑শ॒ - ব্রহ্ম॑ মে॒ধযা॒-ঽদ্যা ন॑ ই॒ম-ম্ভ্রূ॑ষহ॒ত্যাং - ব্রহ্ম॑ মে॒ধবা᳚ ব্র॒হ্মা দে॒বানা॑মি॒দং-বীঁ॑রহ॒ত্যামেকা॒ন্ন বি॑গ্ংশতি॒ রেকা॒ন্নবি॑গ্ংশতি--র্ মে॒ধা দে॒বী - মে॒ধা-ম্ম॒ ইন্দ্র॑শ্চ॒ত্বারি॑ চত্বা॒র্যা - মা᳚-ম্মে॒ধা দ্বে - মযি॑ মে॒ধা মেক॒- মপৈ॑তু॒ - পরং॒ - ঁবাত॑-ম্প্রা॒ণ - ম॑মুত্র॒ভূযা॒-দ্- দ্ধরি॒গ্ং॒ - শল্কৈ॑র॒গ্নিং - মা ছি॑দো মৃত্যো॒ - মা নো॑ ম॒হান্তং॒ - মান॑স্তো॒কে - প্রজা॑পতে - স্বস্তি॒দা - ত্র্য॑ম্বকং॒ - ঁযে তে॑ স॒হস্র॒-ন্দ্বে দ্বে - মৃ॒ত্যবে॒ স্বাহৈকং॑ - দে॒বকৃ॑ত॒স্যৈকা॑দশ॒ - যদ্বো॑ দেবাঃ॒ - কামো-ঽকার্​ষী॒ন্ - মন্যুরকার্​ষী॒-দ্দ্বে দ্বে॒ - তিলাঞ্জুহোমি গাব-শ্শ্রিয-ম্প্র॑জাঃ পঞ্চ॒ - তিলাঃ কৃণ্ষাশ্চোর॑স্য॒ শ্রীঃ প্রজ্ঞাতু জাতবে॑দ-স্স॒প্ত - প্রাণ বা-ক্ত্বক্ ছির উত্তিষ্ঠ পুরুষ॑ পঞ্চ॒ - পৃথিবী শব্দ মনো বাগ্ ব্যক্তা-ঽঽত্মা-ঽন্তরাত্মা পরমাত্মা মে᳚ ক্ষু॒ধে-ঽন্নময॒ পঞ্চ॑দশা॒ - গ্নযে॒ স্বাহৈক॑চত্বারি॒গ্ং॒শ - র্দো᳚ ন্তদ্ব্র॒হ্ম নব॑ - শ্র॒দ্ধাযা᳚-ম্প্রা॒ণে নিবিষ্ট॒ শ্চতু॑র্বিগ্ংশতিঃ - শ্র॒দ্ধাযা॒-ন্দশা - ঙ্গুষ্ঠ মাত্রঃ পুরুষো দ্বে - বাম্ম॑ আ॒সন্ন॒ষ্টৌ - বযঃ॑ সুপ॒র্​ষাঃ - প্রাণানা-ঙ্গ্রন্থিরসি দ্বে দ্বে - নমো রুদ্রাযৈকং॒ - ত্বম॑গ্নে॒ দ্যুভির্॒ দ্বে - শি॒বেন॑ মে॒ সন্তি॑ষ্ঠস্ব - স॒ত্যং - প্রা॑জাপ॒ত্য - স্তস্যৈ॒ব মেক॑ মেক॒ মশতিঃ)