Maha Mrutyunjaya Stotram (Rudram Pasupatim)

mahāmṛtyuñjaya stotram (rudraṃ paśupatim)

Śloka 1

śrīgaṇeśāya namaḥ |

oṃ asya śrīmahāmṛtyuñjayastotramantrasya śrī mārkaṇḍeya ṛṣiḥ,

anuṣṭupchandaḥ, śrīmṛtyuñjayo devatā, gaurī śaktiḥ,

mama sarvāriṣṭasamastamṛtyuśāntyarthaṃ sakalaiśvaryaprāptyarthaṃ

jape vinoyogaḥ |

dhyānam

candrārkāgnivilocanaṃ smitamukhaṃ padmadvayāntasthitaṃ

mudrāpāśamṛgākṣasatravilasatpāṇiṃ himāṃśuprabham |

koṭīndupragalatsudhāplutatamuṃ hārādibhūṣojjvalaṃ

kāntaṃ viśvavimohanaṃ paśupatiṃ mṛtyuñjayaṃ bhāvayet ||

rudraṃ paśupatiṃ sthāṇuṃ nīlakaṇṭhamumāpatim |

namāmi śirasā devaṃ kiṃ no mṛtyuḥ kariṣyati || 1||

nīlakaṇṭhaṃ kālamūrttiṃ kālajñaṃ kālanāśanam |

namāmi śirasā devaṃ kiṃ no mṛtyuḥ kariṣyati || 2||

nīlakaṇṭhaṃ virūpākṣaṃ nirmalaṃ nilayapradam |

namāmi śirasā devaṃ kiṃ no mṛtyuḥ kariṣyati || 3||

vāmadevaṃ mahādevaṃ lokanāthaṃ jagadgurum |

namāmi śirasā devaṃ kiṃ no mṛtyuḥ kariṣyati || 4||

devadevaṃ jagannāthaṃ deveśaṃ vṛṣabhadhvajam |

namāmi śirasā devaṃ kiṃ no mṛtyuḥ kariṣyati || 5||

tryakṣaṃ caturbhujaṃ śāntaṃ jaṭāmakuṭadhāriṇam |

namāmi śirasā devaṃ kiṃ no mṛtyuḥ kariṣyati || 6||

bhasmoddhūlitasarvāṅgaṃ nāgābharaṇabhūṣitam |

namāmi śirasā devaṃ kiṃ no mṛtyuḥ kariṣyati || 7||

anantamavyayaṃ śāntaṃ akṣamālādharaṃ haram |

namāmi śirasā devaṃ kiṃ no mṛtyuḥ kariṣyati || 8||

ānandaṃ paramaṃ nityaṃ kaivalyapadadāyinam |

namāmi śirasā devaṃ kiṃ no mṛtyuḥ kariṣyati || 9||

arddhanārīśvaraṃ devaṃ pārvatīprāṇanāyakam |

namāmi śirasā devaṃ kiṃ no mṛtyuḥ kariṣyati || 10||

pralayasthitikarttāramādikarttāramīśvaram |

namāmi śirasā devaṃ kiṃ no mṛtyuḥ kariṣyati || 11||

vyomakeśaṃ virūpākṣaṃ candrārddhakṛtaśekharam |

namāmi śirasā devaṃ kiṃ no mṛtyuḥ kariṣyati || 12||

gaṅgādharaṃ śaśidharaṃ śaṅkaraṃ śūlapāṇinam |

(pāṭhabhedaḥ) gaṅgādharaṃ mahādevaṃ sarvābharaṇabhūṣitam |

namāmi śirasā devaṃ kiṃ no mṛtyuḥ kariṣyati || 13||

anāthaḥ paramānantaṃ kaivalyapadagāmini |

namāmi śirasā devaṃ kiṃ no mṛtyuḥ kariṣyati || 14||

svargāpavargadātāraṃ sṛṣṭisthityantakāraṇam |

namāmi śirasā devaṃ kiṃ no mṛtyuḥ kariṣyati || 15||

kalpāyurddehi me puṇyaṃ yāvadāyurarogatām |

namāmi śirasā devaṃ kiṃ no mṛtyuḥ kariṣyati || 16||

śiveśānāṃ mahādevaṃ vāmadevaṃ sadāśivam |

namāmi śirasā devaṃ kiṃ no mṛtyuḥ kariṣyati || 17||

utpattisthitisaṃhārakartāramīśvaraṃ gurum |

namāmi śirasā devaṃ kiṃ no mṛtyuḥ kariṣyati || 18||

phalaśruti

mārkaṇḍeyakṛtaṃ stotraṃ yaḥ paṭhecchivasannidhau |

tasya mṛtyubhayaṃ nāsti nāgnicaurabhayaṃ kvacit || 19||

śatāvarttaṃ prakartavyaṃ saṅkaṭe kaṣṭanāśanam |

śucirbhūtvā pathetstotraṃ sarvasiddhipradāyakam || 20||

mṛtyuñjaya mahādeva trāhi māṃ śaraṇāgatam |

janmamṛtyujarārogaiḥ pīḍitaṃ karmabandhanaiḥ || 21||

tāvakastvadgataḥ prāṇastvaccitto'haṃ sadā mṛḍa |

iti vijñāpya deveśaṃ tryambakākhyamanuṃ japet || 23||

namaḥ śivāya sāmbāya haraye paramātmane |

praṇatakleśanāśāya yogināṃ pataye namaḥ || 24||

śatāṅgāyurmantraḥ |

oṃ hrīṃ śrīṃ hrīṃ hraiṃ hraḥ

hana hana daha daha paca paca gṛhāṇa gṛhāṇa

māraya māraya mardaya mardaya mahāmahābhairava bhairavarūpeṇa

dhunaya dhunaya kampaya kampaya vighnaya vighnaya viśveśvara

kṣobhaya kṣobhaya kaṭukaṭu mohaya mohaya huṃ phaṭ

svāhā iti mantramātreṇa samābhīṣṭo bhavati ||

|| iti śrīmārkaṇḍeyapurāṇe mārkaṇḍeyakṛta mahāmṛtyuñjayastotraṃ

sampūrṇam ||