Maha Lakshmi Ashtakam

ମହା ଲକ୍ଷ୍ମ୍ଯଷ୍ଟକମ୍

ଶ୍ଲୋକ 1

ଇନ୍ଦ୍ର ଉଵାଚ -

ନମସ୍ତେଽସ୍ତୁ ମହାମାଯେ ଶ୍ରୀପୀଠେ ସୁରପୂଜିତେ ।

ଶଙ୍ଖଚକ୍ର ଗଦାହସ୍ତେ ମହାଲକ୍ଷ୍ମି ନମୋଽସ୍ତୁ ତେ

ଶ୍ଲୋକ 2

ନମସ୍ତେ ଗରୁଡାରୂଢେ କୋଲାସୁର ଭଯଙ୍କରି ।

ସର୍ଵପାପହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ

॥ 1 ॥

ଶ୍ଲୋକ 3

ସର୍ଵଜ୍ଞେ ସର୍ଵଵରଦେ ସର୍ଵ ଦୁଷ୍ଟ ଭଯଙ୍କରି ।

ସର୍ଵଦୁଃଖ ହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ

॥ 2 ॥

ଶ୍ଲୋକ 4

ସିଦ୍ଧି ବୁଦ୍ଧି ପ୍ରଦେ ଦେଵି ଭୁକ୍ତି ମୁକ୍ତି ପ୍ରଦାଯିନି ।

ମନ୍ତ୍ର ମୂର୍ତେ ସଦା ଦେଵି ମହାଲକ୍ଷ୍ମି ନମୋଽସ୍ତୁ ତେ

॥ 3 ॥

ଶ୍ଲୋକ 5

ଆଦ୍ଯନ୍ତ ରହିତେ ଦେଵି ଆଦିଶକ୍ତି ମହେଶ୍ଵରି ।

ଯୋଗଜ୍ଞେ ଯୋଗ ସମ୍ଭୂତେ ମହାଲକ୍ଷ୍ମି ନମୋଽସ୍ତୁ ତେ

॥ 4 ॥

ଶ୍ଲୋକ 6

ସ୍ଥୂଲ ସୂକ୍ଷ୍ମ ମହାରୌଦ୍ରେ ମହାଶକ୍ତି ମହୋଦରେ ।

ମହା ପାପ ହରେ ଦେଵି ମହାଲକ୍ଷ୍ମି ନମୋଽସ୍ତୁ ତେ

॥ 5 ॥

ଶ୍ଲୋକ 7

ପଦ୍ମାସନ ସ୍ଥିତେ ଦେଵି ପରବ୍ରହ୍ମ ସ୍ଵରୂପିଣି ।

ପରମେଶି ଜଗନ୍ମାତଃ ମହାଲକ୍ଷ୍ମି ନମୋଽସ୍ତୁ ତେ

॥ 6 ॥

ଶ୍ଲୋକ 8

ଶ୍ଵେତାମ୍ବରଧରେ ଦେଵି ନାନାଲଙ୍କାର ଭୂଷିତେ ।

ଜଗସ୍ଥିତେ ଜଗନ୍ମାତଃ ମହାଲକ୍ଷ୍ମି ନମୋଽସ୍ତୁ ତେ

॥ 7 ॥

ଶ୍ଲୋକ 9

ମହାଲକ୍ଷ୍ମଷ୍ଟକଂ ସ୍ତୋତ୍ରଂ ଯଃ ପଠେଦ୍ ଭକ୍ତିମାନ୍ ନରଃ ।

ସର୍ଵ ସିଦ୍ଧି ମଵାପ୍ନୋତି ରାଜ୍ଯଂ ପ୍ରାପ୍ନୋତି ସର୍ଵଦା ॥

ଏକକାଲେ ପଠେନ୍ନିତ୍ଯଂ ମହାପାପ ଵିନାଶନମ୍ ।

ଦ୍ଵିକାଲଂ ଯଃ ପଠେନ୍ନିତ୍ଯଂ ଧନ ଧାନ୍ଯ ସମନ୍ଵିତଃ ॥

ତ୍ରିକାଲଂ ଯଃ ପଠେନ୍ନିତ୍ଯଂ ମହାଶତ୍ରୁ ଵିନାଶନମ୍ ।

ମହାଲକ୍ଷ୍ମୀ ର୍ଭଵେନ୍-ନିତ୍ଯଂ ପ୍ରସନ୍ନା ଵରଦା ଶୁଭା ॥