Maha Lakshmi Ashtakam

mahA lakShmyaShTakam

shloka 1

indra uvAcha -

namaste.astu mahAmAye shrIpIThe surapUjite |

sha~Nkhachakra gadAhaste mahAlakShmi namo.astu te || 1 ||

namaste garuDArUDhe kolAsura bhaya~Nkari |

sarvapApahare devi mahAlakShmi namo.astu te || 2 ||

sarvajne sarvavarade sarva duShTa bhayaNkari |

sarvaduHkha hare devi mahAlakShmi namo.astu te || 3 ||

siddhi buddhi prade devi bhukti mukti pradAyini |

mantra mUrte sadA devi mahAlakShmi namo.astu te || 4 ||

Adyanta rahite devi Adishakti maheshvari |

yogaj~ne yoga sambhUte mahAlakShmi namo.astu te || 5 ||

sthUla sUkShma mahAraudre mahAshakti mahodare |

mahA pApa hare devi mahAlakShmi namo.astu te || 6 ||

padmAsana sthite devi parabrahma svarUpiNi |

parameshi jaganmAtaH mahAlakShmi namo.astu te || 7 ||

shvetAmbaradhare devi nAnAla~NkAra bhUShite |

jagasthite jaganmAtaH mahAlakShmi namo.astu te || 8 ||

mahAlakShmaShTakaM stotraM yaH paThed bhaktimAn naraH |

sarva siddhi mavApnoti rAjyaM prApnoti sarvadA ||

ekakAle paThennityaM mahApApa vinAshanam |

dvikAlaM yaH paThennityaM dhana dhAnya samanvitaH ||

trikAlaM yaH paThennityaM mahAshatru vinAshanam |

mahAlakShmI rbhaven-nityaM prasannA varadA shubhA ||