Maha Lakshmi Ashtakam

mahA lakSmyaSTakam

zloka 1

indra uvAca -

namaste'stu mahAmAye zrIpIThe surapUjite |

zaGkhacakra gadAhaste mahAlakSmi namo'stu te || 1 ||

namaste garuDArUDhe kolAsura bhayaGkari |

sarvapApahare devi mahAlakSmi namo'stu te || 2 ||

sarvajJe sarvavarade sarva duSTa bhayaGkari |

sarvaduHkha hare devi mahAlakSmi namo'stu te || 3 ||

siddhi buddhi prade devi bhukti mukti pradAyini |

mantra mUrte sadA devi mahAlakSmi namo'stu te || 4 ||

Adyanta rahite devi Adizakti mahezvari |

yogajJe yoga sambhUte mahAlakSmi namo'stu te || 5 ||

sthUla sUkSma mahAraudre mahAzakti mahodare |

mahA pApa hare devi mahAlakSmi namo'stu te || 6 ||

padmAsana sthite devi parabrahma svarUpiNi |

paramezi jaganmAtaH mahAlakSmi namo'stu te || 7 ||

zvetAmbaradhare devi nAnAlaGkAra bhUSite |

jagasthite jaganmAtaH mahAlakSmi namo'stu te || 8 ||

mahAlakSmaSTakaM stotraM yaH paThed bhaktimAn naraH |

sarva siddhi mavApnoti rAjyaM prApnoti sarvadA ||

ekakAle paThennityaM mahApApa vinAzanam |

dvikAlaM yaH paThennityaM dhana dhAnya samanvitaH ||

trikAlaM yaH paThennityaM mahAzatru vinAzanam |

mahAlakSmI rbhaven-nityaM prasannA varadA zubhA ||