Maha Ganapati Mula Mantra Pada Mala Stotram

ମହା ଗଣପତି ମୂଲ ମନ୍ତ୍ରାଃ (ପାଦ ମାଲା ସ୍ତୋତ୍ରମ୍)

ଶ୍ଲୋକ 1

॥ ମୂଲମନ୍ତ୍ରମ୍ ॥

॥ ଓଁ ହ୍ରୀଂ ଶ୍ରୀଂ କ୍ଲୀଂ ଗ୍ଲୌଂ ଗଂ ଗଣପତଯେ ଵରଵରଦ

ସର୍ଵଜନଂ ମେ ଵଶମାନଯ ସ୍ଵାହା ॥

॥ ଅଥ ସ୍ତୋତ୍ରମ୍॥

ଓଁ ଇତ୍ଯେତଦଜସ୍ଯ କଣ୍ଠଵିଵରଂ ଭିତ୍ଵା ବହିର୍ନିର୍ଗତଂ

ହ୍ଯୋମିତ୍ଯେଵ ସମସ୍ତକର୍ମ ଋଷିଭିଃ ପ୍ରାରଭ୍ଯତେ ମାନୁଷୈଃ ।

ଓମିତ୍ଯେଵ ସଦା ଜପନ୍ତି ଯତଯଃ ସ୍ଵାତମୈକନିଷ୍ଠାଃ ପରଂ

ହ୍ଯୋଙ୍କାରାକୃତିଵକ୍ତ୍ରମିନ୍ଦୁନିଟିଲଂ ଵିଘ୍ନେଶ୍ଵରଂ ଭଵାଯେ

ଶ୍ଲୋକ 2

ଶ୍ରୀମ୍ବୀଜଂ ଶ୍ରମଦୁଃଖଜନ୍ମମରଣଵ୍ଯାଧ୍ଯାଧିଭୀନାଶକଂ

ମୃତ୍ଯୁକ୍ରୋଧନଶାନ୍ତିବିନ୍ଦୁଵିଲସଦ୍ଵର୍ଣାକୃତିଶ୍ରୀପ୍ରଦମ୍ ।

ସ୍ଵାନ୍ତଃସ୍ଵାତ୍ମଶରସ୍ଯ ଲକ୍ଷ୍ଯମଜରସ୍ଵାତ୍ମାଵବୋଧପ୍ରଦଂ

ଶ୍ରୀଶ୍ରୀନାଯକସେଵିତେ ଭଵଦନପ୍ରେମାସ୍ପଦଂ ଭାଵଯେ

॥ 1॥

ଶ୍ଲୋକ 3

ହ୍ରୀମ୍ବୀଜଂ ହୃଦଯତ୍ରିକୋଣଵିଲସନ୍ମଧ୍ଯାସନସ୍ଥଂ ସଦା

ଚାକାଶାନଲଵାମଲୋଚନନିଶାନାଥାର୍ଧଵର୍ଣାତ୍ମକମ୍ ।

ମାଯାକାର୍ଯଜଗତ୍ପ୍ରକାଶକମୁମାରୂପଂ ସ୍ଵଶକ୍ତିପ୍ରଦଂ

ମାଯାତୀତପଦପ୍ରଦଂ ହୃଦି ଭଜେ ଲୋକେଶ୍ଵରାରାଧିତମ୍

॥ 2॥

ଶ୍ଲୋକ 4

କ୍ଲୀମ୍ବୀଜଂ କଲିଧାତୁଵତ୍କଲଯତାଂ ସର୍ଵେଷ୍ଟଦଂ ଦେହିନାଂ

ଧାତୃକ୍ଷ୍ମାଯୁତଶାନ୍ତିବିନ୍ଦୁଵିଲସଦ୍ଵର୍ଣାତ୍ମକଂ କାମଦମ୍ ।

ଶ୍ରୀକୃଷ୍ଣପ୍ରିଯମିନ୍ଦିରାସୁତମନଃପ୍ରୀତ୍ଯେକହେତୁଂ ପରଂ

ହୃତ୍ପଦ୍ମେ କଲଯେ ସଦା କଲିହରଂ କାଲାରିପୁତ୍ରପ୍ରିଯମ୍

॥ 3॥

ଶ୍ଲୋକ 5

ଗ୍ଲୌମ୍ବୀଜଂ ଗୁଣରୂପନିର୍ଗୁଣପରବ୍ରହ୍ମାଦିଶକ୍ତେର୍ମହା-

ହଙ୍କାରାକୃତିଦଣ୍ଡିନୀପ୍ରିଯମଜଶ୍ରୀନାଥରୁଦ୍ରେଷ୍ଟଦମ୍ ।

ସର୍ଵାକର୍ଷିଣିଦେଵରାଜଭୁଵନାର୍ଣେନ୍ଦ୍ଵାତ୍ମକଂ ଶ୍ରୀକରଂ

ଚିତ୍ତେ ଵିଘ୍ନନିଵାରଣାଯ ଗିରିଜଜାତପ୍ରିଯଂ ଭାଵଯେ

॥ 4॥

ଶ୍ଲୋକ 6

ଗଙ୍ଗାସୁତଂ ଗନ୍ଧମୁଖୋପଚାରପ୍ରିଯଂ ଖଗାରୋହଣଭାଗିନେଯମ୍ ।

ଗଙ୍ଗାସୁତାଦ୍ଯଂ ଵରଗନ୍ଧତତ୍ତ୍ଵମୂଲାମ୍ବୁଜସ୍ଥଂ ହୃଦି ଭାଵଯେଽହମ୍

॥ 5॥

ଶ୍ଲୋକ 7

ଗଣପତଯେ ଵରଗୁଣନିଧଯେ ସୁରଗଣପତଯେ ନତଜନତତଯେ ।

ମଣିଗଣଭୂଷିତଚରଣଯୁଗାଶ୍ରିତମଲହରଣେ ଚଣ ତେ ନମଃ

॥ 6॥

ଶ୍ଲୋକ 8

ଵରାଭଯେ ମୋଦକମେକଦନ୍ତଂ କରାମ୍ବୁଜାତୈଃ ସତତଂ ଧରନ୍ତମ୍ ।

ଵରାଙ୍ଗଚନ୍ଦ୍ରଂ ପରଭକ୍ତିସାନ୍ଦ୍ରୈର୍ଜନୈର୍ଭଜନ୍ତଂ କଲଯେ ସଦାଽନ୍ତଃ

॥ 7॥

ଶ୍ଲୋକ 9

ଵରଦ ନତଜନାନାଂ ସନ୍ତତଂ ଵକ୍ରତୁଣ୍ଡ

ସ୍ଵରମଯନିଜଗାତ୍ର ସ୍ଵାତ୍ମବୋଧୈକହେତୋ ।

କରଲସଦମୃତାମ୍ଭୋପୂର୍ଣପତ୍ରାଦ୍ଯ ମହ୍ଯଂ

ଗରଗଲସୁତ ଶୀଘ୍ରଂ ଦେହି ମଦ୍ବୋଧମୀଡ୍ଯମ୍

॥ 8॥

ଶ୍ଲୋକ 10

ସର୍ଵଜନଂ ପରିପାଲଯ ଶର୍ଵଜ

ପର୍ଵସୁଧାକରଗର୍ଵହର ।

ପର୍ଵତନାଥସୁତାସୁତ ପାଲଯ

ଖର୍ଵଂ ମା କୁରୁ ଦୀନମିମମ୍

॥ 9॥

ଶ୍ଲୋକ 11

ମେଦୋଽସ୍ଥିମାଂସରୁଧିରାନ୍ତ୍ରମଯେ ଶରୀରେ

ମେଦିନ୍ଯବଗ୍ନିମରୁଦମ୍ବରଲାସ୍ଯମାନେ ।

ମେ ଦାରୁଣଂ ମଦମୁଖାଘମୁମାଜ ହୃତ୍ଵା

ମେଧାହ୍ଵଯାସନଵରେ ଵସ ଦନ୍ତିଵକ୍ତ୍ର

॥ 10 ॥

ଶ୍ଲୋକ 12

ଵଶଂ କୁରୁ ତ୍ଵଂ ଶିଵଜାତ ମାଂ ତେ ଵଶୀକୃତାଶେଷସମସ୍ତଲୋକ ।

ଵସାର୍ଣସଂଶୋଭିତମୂଲପଦ୍ମଲସଚ୍ଛ୍ରିଯାଽଲିଙ୍ତଵାରଣାସ୍ଯ

॥ 11॥

ଶ୍ଲୋକ 13

ଆନଯାଶୁପଦଵାରିଜାନ୍ତିକଂ ମାଂ ନଯାଦିଗୁଣଵର୍ଜିତଂ ତଵ ।

ହାନିହୀନପଦଜାମୃତସ୍ଯ ତେ ପାନଯୋଗ୍ଯମିଭଵକ୍ତ୍ର ମାଂ କୁରୁ

॥ 12॥

ଶ୍ଲୋକ 14

ସ୍ଵାହାସ୍ଵରୂପେଣ ଵିରାଜସେ ତ୍ଵଂ ସୁଧାଶନାନାଂ ପ୍ରିଯକର୍ମଣୀଡ୍ଯମ୍ ।

ସ୍ଵଧାସ୍ଵରୂପେଣ ତୁ ପିତ୍ର୍ଯକର୍ମଣ୍ଯୁମାସୁତେଜ୍ଯାମଯଵିଶ୍ଵମୂର୍ତେ

॥ 13॥

ଶ୍ଲୋକ 15

ଅଷ୍ଟାଵିଂଶତିଵର୍ଣପତ୍ରଲସିତଂ ହାରଂ ଗଣେଶପ୍ରିଯଂ

କଷ୍ଟାଽନିଷ୍ଟହରଂ ଚତୁର୍ଦଶପଦୈଃ ପୁଷ୍ପୈର୍ମନୋହାରକମ୍ ।

ତୁଷ୍ଟ୍ଯାଦିପ୍ରଦସଦ୍ଗୁରୁତ୍ତମପଦାମ୍ଭୋଜେ ଚିଦାନନ୍ଦଦଂ

ଶିଷ୍ଟେଷ୍ଟୋଽହମନନ୍ତସୂତ୍ରହୃଦଯାଽଽବଦ୍ଧଂ ସୁଭକ୍ତ୍ଯାଽର୍ପଯେ

॥ 14॥

ଶ୍ଲୋକ 16

॥ ଇତି ଶ୍ରୀଅନନ୍ତାନନ୍ଦକୃତଂ ଶ୍ରୀଗୁରୁଚିଦାନନ୍ଦନାଥସମର୍ପିତଂ

ଶ୍ରୀମହାଗଣପତିମୂଲମନ୍ତ୍ରମାଲାସ୍ତୋତ୍ରମ୍ ॥