Maha Ganapati Mula Mantra Pada Mala Stotram
Maha Ganapati Mula Mantra Pada Mala Stotram
Maha Ganapati Mula Mantra Pada Mala Stotram
mahA gaNapati mUla mantrAH (pAda mAlA stotram)
shloka 1
|| mUlamantram ||
|| OM hrIM shrIM klIM glauM gaM gaNapataye varavarada
sarvajanaM me vashamAnaya svAhA ||
|| atha stotram||
OM ityetadajasya kaNThavivaraM bhitvA bahirnirgataM
hyomityeva samastakarma RRiShibhiH prArabhyate mAnuShaiH |
omityeva sadA japanti yatayaH svAtamaikaniShThAH paraM
hyo~NkArAkRRitivaktraminduniTilaM vighneshvaraM bhavAye || 1||
shrImbIjaM shramaduHkhajanmamaraNavyAdhyAdhibhInAshakaM
mRRityukrodhanashAntibinduvilasadvarNAkRRitishrIpradam |
svAntaHsvAtmasharasya lakShyamajarasvAtmAvabodhapradaM
shrIshrInAyakasevite bhavadanapremAspadaM bhAvaye || 2||
hrImbIjaM hRRidayatrikoNavilasanmadhyAsanasthaM sadA
chAkAshAnalavAmalochananishAnAthArdhavarNAtmakam |
mAyAkAryajagatprakAshakamumArUpaM svashaktipradaM
mAyAtItapadapradaM hRRidi bhaje lokeshvarArAdhitam || 3||
klImbIjaM kalidhAtuvatkalayatAM sarveShTadaM dehinAM
dhAtRRikShmAyutashAntibinduvilasadvarNAtmakaM kAmadam |
shrIkRRiShNapriyamindirAsutamanaHprItyekahetuM paraM
hRRitpadme kalaye sadA kaliharaM kAlAriputrapriyam || 4||
glaumbIjaM guNarUpanirguNaparabrahmAdishaktermahA-
ha~NkArAkRRitidaNDinIpriyamajashrInAtharudreShTadam |
sarvAkarShiNidevarAjabhuvanArNendvAtmakaM shrIkaraM
chitte vighnanivAraNAya girijajAtapriyaM bhAvaye || 5||
ga~NgAsutaM gandhamukhopachArapriyaM khagArohaNabhAgineyam |
ga~NgAsutAdyaM varagandhatattvamUlAmbujasthaM hRRidi bhAvaye.aham || 6||
gaNapataye varaguNanidhaye suragaNapataye natajanatataye |
maNigaNabhUShitacharaNayugAshritamalaharaNe chaNa te namaH || 7||
varAbhaye modakamekadantaM karAmbujAtaiH satataM dharantam |
varA~NgachandraM parabhaktisAndrairjanairbhajantaM kalaye sadA.antaH || 8||
varada natajanAnAM santataM vakratuNDa
svaramayanijagAtra svAtmabodhaikaheto |
karalasadamRRitAmbhopUrNapatrAdya mahyaM
garagalasuta shIghraM dehi madbodhamIDyam || 9||
sarvajanaM paripAlaya sharvaja
parvasudhAkaragarvahara |
parvatanAthasutAsuta pAlaya
kharvaM mA kuru dInamimam || 10 ||
medo.asthimAMsarudhirAntramaye sharIre
medinyabagnimarudambaralAsyamAne |
me dAruNaM madamukhAghamumAja hRRitvA
medhAhvayAsanavare vasa dantivaktra || 11||
vashaM kuru tvaM shivajAta mAM te vashIkRRitAsheShasamastaloka |
vasArNasaMshobhitamUlapadmalasachChriyA.ali~NtavAraNAsya || 12||
AnayAshupadavArijAntikaM mAM nayAdiguNavarjitaM tava |
hAnihInapadajAmRRitasya te pAnayogyamibhavaktra mAM kuru || 13||
svAhAsvarUpeNa virAjase tvaM sudhAshanAnAM priyakarmaNIDyam |
svadhAsvarUpeNa tu pitryakarmaNyumAsutejyAmayavishvamUrte || 14||
aShTAviMshativarNapatralasitaM hAraM gaNeshapriyaM
kaShTA.aniShTaharaM chaturdashapadaiH puShpairmanohArakam |
tuShTyAdipradasadguruttamapadAmbhoje chidAnandadaM
shiShTeShTo.ahamanantasUtrahRRidayA.a.abaddhaM subhaktyA.arpaye || 15||
|| iti shrIanantAnandakRRitaM shrIguruchidAnandanAthasamarpitaM
shrImahAgaNapatimUlamantramAlAstotram ||