Maha Ganapati Mula Mantra Pada Mala Stotram

মহা গণপতি মূল মন্ত্রাঃ (পাদ মালা স্তোত্রম্)

শ্লোক 1

॥ মূলমন্ত্রম্ ॥

॥ ওঁ হ্রীং শ্রীং ক্লীং গ্লৌং গং গণপতযে বরবরদ

সর্বজনং মে বশমানয স্বাহা ॥

॥ অথ স্তোত্রম্॥

ওঁ ইত্যেতদজস্য কণ্ঠবিবরং ভিত্বা বহির্নির্গতং

হ্যোমিত্যেব সমস্তকর্ম ঋষিভিঃ প্রারভ্যতে মানুষৈঃ ।

ওমিত্যেব সদা জপন্তি যতযঃ স্বাতমৈকনিষ্ঠাঃ পরং

হ্যোঙ্কারাকৃতিবক্ত্রমিন্দুনিটিলং বিঘ্নেশ্বরং ভবাযে

শ্লোক 2

শ্রীম্বীজং শ্রমদুঃখজন্মমরণব্যাধ্যাধিভীনাশকং

মৃত্যুক্রোধনশান্তিবিন্দুবিলসদ্বর্ণাকৃতিশ্রীপ্রদম্ ।

স্বান্তঃস্বাত্মশরস্য লক্ষ্যমজরস্বাত্মাববোধপ্রদং

শ্রীশ্রীনাযকসেবিতে ভবদনপ্রেমাস্পদং ভাবযে

॥ 1॥

শ্লোক 3

হ্রীম্বীজং হৃদযত্রিকোণবিলসন্মধ্যাসনস্থং সদা

চাকাশানলবামলোচননিশানাথার্ধবর্ণাত্মকম্ ।

মাযাকার্যজগত্প্রকাশকমুমারূপং স্বশক্তিপ্রদং

মাযাতীতপদপ্রদং হৃদি ভজে লোকেশ্বরারাধিতম্

॥ 2॥

শ্লোক 4

ক্লীম্বীজং কলিধাতুবত্কলযতাং সর্বেষ্টদং দেহিনাং

ধাতৃক্ষ্মাযুতশান্তিবিন্দুবিলসদ্বর্ণাত্মকং কামদম্ ।

শ্রীকৃষ্ণপ্রিযমিন্দিরাসুতমনঃপ্রীত্যেকহেতুং পরং

হৃত্পদ্মে কলযে সদা কলিহরং কালারিপুত্রপ্রিযম্

॥ 3॥

শ্লোক 5

গ্লৌম্বীজং গুণরূপনির্গুণপরব্রহ্মাদিশক্তের্মহা-

হঙ্কারাকৃতিদণ্ডিনীপ্রিযমজশ্রীনাথরুদ্রেষ্টদম্ ।

সর্বাকর্ষিণিদেবরাজভুবনার্ণেন্দ্বাত্মকং শ্রীকরং

চিত্তে বিঘ্ননিবারণায গিরিজজাতপ্রিযং ভাবযে

॥ 4॥

শ্লোক 6

গঙ্গাসুতং গন্ধমুখোপচারপ্রিযং খগারোহণভাগিনেযম্ ।

গঙ্গাসুতাদ্যং বরগন্ধতত্ত্বমূলাম্বুজস্থং হৃদি ভাবযেঽহম্

॥ 5॥

শ্লোক 7

গণপতযে বরগুণনিধযে সুরগণপতযে নতজনততযে ।

মণিগণভূষিতচরণযুগাশ্রিতমলহরণে চণ তে নমঃ

॥ 6॥

শ্লোক 8

বরাভযে মোদকমেকদন্তং করাম্বুজাতৈঃ সততং ধরন্তম্ ।

বরাঙ্গচন্দ্রং পরভক্তিসান্দ্রৈর্জনৈর্ভজন্তং কলযে সদাঽন্তঃ

॥ 7॥

শ্লোক 9

বরদ নতজনানাং সন্ততং বক্রতুণ্ড

স্বরমযনিজগাত্র স্বাত্মবোধৈকহেতো ।

করলসদমৃতাম্ভোপূর্ণপত্রাদ্য মহ্যং

গরগলসুত শীঘ্রং দেহি মদ্বোধমীড্যম্

॥ 8॥

শ্লোক 10

সর্বজনং পরিপালয শর্বজ

পর্বসুধাকরগর্বহর ।

পর্বতনাথসুতাসুত পালয

খর্বং মা কুরু দীনমিমম্

॥ 9॥

শ্লোক 11

মেদোঽস্থিমাংসরুধিরান্ত্রমযে শরীরে

মেদিন্যবগ্নিমরুদম্বরলাস্যমানে ।

মে দারুণং মদমুখাঘমুমাজ হৃত্বা

মেধাহ্বযাসনবরে বস দন্তিবক্ত্র

॥ 10 ॥

শ্লোক 12

বশং কুরু ত্বং শিবজাত মাং তে বশীকৃতাশেষসমস্তলোক ।

বসার্ণসংশোভিতমূলপদ্মলসচ্ছ্রিযাঽলিঙ্তবারণাস্য

॥ 11॥

শ্লোক 13

আনযাশুপদবারিজান্তিকং মাং নযাদিগুণবর্জিতং তব ।

হানিহীনপদজামৃতস্য তে পানযোগ্যমিভবক্ত্র মাং কুরু

॥ 12॥

শ্লোক 14

স্বাহাস্বরূপেণ বিরাজসে ত্বং সুধাশনানাং প্রিযকর্মণীড্যম্ ।

স্বধাস্বরূপেণ তু পিত্র্যকর্মণ্যুমাসুতেজ্যামযবিশ্বমূর্তে

॥ 13॥

শ্লোক 15

অষ্টাবিংশতিবর্ণপত্রলসিতং হারং গণেশপ্রিযং

কষ্টাঽনিষ্টহরং চতুর্দশপদৈঃ পুষ্পৈর্মনোহারকম্ ।

তুষ্ট্যাদিপ্রদসদ্গুরুত্তমপদাম্ভোজে চিদানন্দদং

শিষ্টেষ্টোঽহমনন্তসূত্রহৃদযাঽঽবদ্ধং সুভক্ত্যাঽর্পযে

॥ 14॥

শ্লোক 16

॥ ইতি শ্রীঅনন্তানন্দকৃতং শ্রীগুরুচিদানন্দনাথসমর্পিতং

শ্রীমহাগণপতিমূলমন্ত্রমালাস্তোত্রম্ ॥