Madhurashtakam

मधुराष्टकम्

श्लोक 1

अधरं मधुरं वदनं मधुरं

नयनं मधुरं हसितं मधुरम् ।

हृदयं मधुरं गमनं मधुरं

मधुराधिपतेरखिलं मधुरम्

श्लोक 2

वचनं मधुरं चरितं मधुरं

वसनं मधुरं वलितं मधुरम् ।

चलितं मधुरं भ्रमितं मधुरं

मधुराधिपतेरखिलं मधुरम्

॥ 1 ॥

श्लोक 3

वेणु-र्मधुरो रेणु-र्मधुरः

पाणि-र्मधुरः पादौ मधुरौ ।

नृत्यं मधुरं सख्यं मधुरं

मधुराधिपतेरखिलं मधुरम्

॥ 2 ॥

श्लोक 4

गीतं मधुरं पीतं मधुरं

भुक्तं मधुरं सुप्तं मधुरम् ।

रूपं मधुरं तिलकं मधुरं

मधुराधिपतेरखिलं मधुरम्

॥ 3 ॥

श्लोक 5

करणं मधुरं तरणं मधुरं

हरणं मधुरं स्मरणं मधुरम् ।

वमितं मधुरं शमितं मधुरं

मधुराधिपतेरखिलं मधुरम्

॥ 4 ॥

श्लोक 6

गुञ्जा मधुरा माला मधुरा

यमुना मधुरा वीची मधुरा ।

सलिलं मधुरं कमलं मधुरं

मधुराधिपतेरखिलं मधुरम्

॥ 5 ॥

श्लोक 7

गोपी मधुरा लीला मधुरा

युक्तं मधुरं मुक्तं मधुरम् ।

दृष्टं मधुरं शिष्टं मधुरं

मधुराधिपतेरखिलं मधुरम्

॥ 6 ॥

श्लोक 8

गोपा मधुरा गावो मधुरा

यष्टि र्मधुरा सृष्टि र्मधुरा ।

दलितं मधुरं फलितं मधुरं

मधुराधिपतेरखिलं मधुरम्

॥ 7 ॥

श्लोक 9

॥ इति श्रीमद्वल्लभाचार्यविरचितं मधुराष्टकं सम्पूर्णम् ॥