లలితా పఞ్చ రత్నమ్

లలితా పఞ్చ రత్నమ్

శ్లోక 1

ప్రాతః స్మరామి లలితావదనారవిన్దం

బిమ్బాధరం పృథులమౌక్తికశోభినాసమ్ ।

ఆకర్ణదీర్ఘనయనం మణికుణ్డలాఢ్యం

మన్దస్మితం మృగమదోజ్జ్వలఫాలదేశమ్

శ్లోక 2

ప్రాతర్భజామి లలితాభుజకల్పవల్లీం

రక్తాఙ్గులీయలసదఙ్గులిపల్లవాఢ్యామ్ ।

మాణిక్యహేమవలయాఙ్గదశోభమానాం

పుణ్డ్రేక్షుచాపకుసుమేషుసృణీర్దధానామ్

॥ 1 ॥

శ్లోక 3

ప్రాతర్నమామి లలితాచరణారవిన్దం

భక్తేష్టదాననిరతం భవసిన్ధుపోతమ్ ।

పద్మాసనాదిసురనాయకపూజనీయం

పద్మాఙ్కుశధ్వజసుదర్శనలాఞ్ఛనాఢ్యమ్

॥ 2 ॥

శ్లోక 4

ప్రాతః స్తువే పరశివాం లలితాం భవానీం

త్రయ్యన్తవేద్యవిభవాం కరుణానవద్యామ్ ।

విశ్వస్య సృష్టవిలయస్థితిహేతుభూతాం

విద్యేశ్వరీం నిగమవాఙ్మమనసాతిదూరామ్

॥ 3 ॥

శ్లోక 5

ప్రాతర్వదామి లలితే తవ పుణ్యనామ

కామేశ్వరీతి కమలేతి మహేశ్వరీతి ।

శ్రీశామ్భవీతి జగతాం జననీ పరేతి

వాగ్దేవతేతి వచసా త్రిపురేశ్వరీతి

॥ 4 ॥

శ్లోక 6

యః శ్లోకపఞ్చకమిదం లలితామ్బికాయాః

సౌభాగ్యదం సులలితం పఠతి ప్రభాతే ।

తస్మై దదాతి లలితా ఝటితి ప్రసన్నా

విద్యాం శ్రియం విమలసౌఖ్యమనన్తకీర్తిమ్ ॥