ലലിതാ പഞ്ച രത്നമ്

ലലിതാ പഞ്ച രത്നമ്

ശ്ലോക 1

പ്രാതഃ സ്മരാമി ലലിതാവദനാരവിന്ദം

ബിമ്ബാധരം പൃഥുലമൌക്തികശോഭിനാസമ് ।

ആകര്ണദീര്ഘനയനം മണികുണ്ഡലാഢ്യം

മന്ദസ്മിതം മൃഗമദോജ്ജ്വലഫാലദേശമ്

ശ്ലോക 2

പ്രാതര്ഭജാമി ലലിതാഭുജകല്പവല്ലീം

രക്താങ്ഗുലീയലസദങ്ഗുലിപല്ലവാഢ്യാമ് ।

മാണിക്യഹേമവലയാങ്ഗദശോഭമാനാം

പുണ്ഡ്രേക്ഷുചാപകുസുമേഷുസൃണീര്ദധാനാമ്

॥ 1 ॥

ശ്ലോക 3

പ്രാതര്നമാമി ലലിതാചരണാരവിന്ദം

ഭക്തേഷ്ടദാനനിരതം ഭവസിന്ധുപോതമ് ।

പദ്മാസനാദിസുരനായകപൂജനീയം

പദ്മാങ്കുശധ്വജസുദര്ശനലാഞ്ഛനാഢ്യമ്

॥ 2 ॥

ശ്ലോക 4

പ്രാതഃ സ്തുവേ പരശിവാം ലലിതാം ഭവാനീം

ത്രയ്യന്തവേദ്യവിഭവാം കരുണാനവദ്യാമ് ।

വിശ്വസ്യ സൃഷ്ടവിലയസ്ഥിതിഹേതുഭൂതാം

വിദ്യേശ്വരീം നിഗമവാങ്മമനസാതിദൂരാമ്

॥ 3 ॥

ശ്ലോക 5

പ്രാതര്വദാമി ലലിതേ തവ പുണ്യനാമ

കാമേശ്വരീതി കമലേതി മഹേശ്വരീതി ।

ശ്രീശാമ്ഭവീതി ജഗതാം ജനനീ പരേതി

വാഗ്ദേവതേതി വചസാ ത്രിപുരേശ്വരീതി

॥ 4 ॥

ശ്ലോക 6

യഃ ശ്ലോകപഞ്ചകമിദം ലലിതാമ്ബികായാഃ

സൌഭാഗ്യദം സുലലിതം പഠതി പ്രഭാതേ ।

തസ്മൈ ദദാതി ലലിതാ ഝടിതി പ്രസന്നാ

വിദ്യാം ശ്രിയം വിമലസൌഖ്യമനന്തകീര്തിമ് ॥