ಲಲಿತಾ ಪಞ್ಚ ರತ್ನಮ್

ಲಲಿತಾ ಪಞ್ಚ ರತ್ನಮ್

ಶ್ಲೋಕ 1

ಪ್ರಾತಃ ಸ್ಮರಾಮಿ ಲಲಿತಾವದನಾರವಿನ್ದಂ

ಬಿಮ್ಬಾಧರಂ ಪೃಥುಲಮೌಕ್ತಿಕಶೋಭಿನಾಸಮ್ ।

ಆಕರ್ಣದೀರ್ಘನಯನಂ ಮಣಿಕುಣ್ಡಲಾಢ್ಯಂ

ಮನ್ದಸ್ಮಿತಂ ಮೃಗಮದೋಜ್ಜ್ವಲಫಾಲದೇಶಮ್

ಶ್ಲೋಕ 2

ಪ್ರಾತರ್ಭಜಾಮಿ ಲಲಿತಾಭುಜಕಲ್ಪವಲ್ಲೀಂ

ರಕ್ತಾಙ್ಗುಲೀಯಲಸದಙ್ಗುಲಿಪಲ್ಲವಾಢ್ಯಾಮ್ ।

ಮಾಣಿಕ್ಯಹೇಮವಲಯಾಙ್ಗದಶೋಭಮಾನಾಂ

ಪುಣ್ಡ್ರೇಕ್ಷುಚಾಪಕುಸುಮೇಷುಸೃಣೀರ್ದಧಾನಾಮ್

॥ 1 ॥

ಶ್ಲೋಕ 3

ಪ್ರಾತರ್ನಮಾಮಿ ಲಲಿತಾಚರಣಾರವಿನ್ದಂ

ಭಕ್ತೇಷ್ಟದಾನನಿರತಂ ಭವಸಿನ್ಧುಪೋತಮ್ ।

ಪದ್ಮಾಸನಾದಿಸುರನಾಯಕಪೂಜನೀಯಂ

ಪದ್ಮಾಙ್ಕುಶಧ್ವಜಸುದರ್ಶನಲಾಞ್ಛನಾಢ್ಯಮ್

॥ 2 ॥

ಶ್ಲೋಕ 4

ಪ್ರಾತಃ ಸ್ತುವೇ ಪರಶಿವಾಂ ಲಲಿತಾಂ ಭವಾನೀಂ

ತ್ರಯ್ಯನ್ತವೇದ್ಯವಿಭವಾಂ ಕರುಣಾನವದ್ಯಾಮ್ ।

ವಿಶ್ವಸ್ಯ ಸೃಷ್ಟವಿಲಯಸ್ಥಿತಿಹೇತುಭೂತಾಂ

ವಿದ್ಯೇಶ್ವರೀಂ ನಿಗಮವಾಙ್ಮಮನಸಾತಿದೂರಾಮ್

॥ 3 ॥

ಶ್ಲೋಕ 5

ಪ್ರಾತರ್ವದಾಮಿ ಲಲಿತೇ ತವ ಪುಣ್ಯನಾಮ

ಕಾಮೇಶ್ವರೀತಿ ಕಮಲೇತಿ ಮಹೇಶ್ವರೀತಿ ।

ಶ್ರೀಶಾಮ್ಭವೀತಿ ಜಗತಾಂ ಜನನೀ ಪರೇತಿ

ವಾಗ್ದೇವತೇತಿ ವಚಸಾ ತ್ರಿಪುರೇಶ್ವರೀತಿ

॥ 4 ॥

ಶ್ಲೋಕ 6

ಯಃ ಶ್ಲೋಕಪಞ್ಚಕಮಿದಂ ಲಲಿತಾಮ್ಬಿಕಾಯಾಃ

ಸೌಭಾಗ್ಯದಂ ಸುಲಲಿತಂ ಪಠತಿ ಪ್ರಭಾತೇ ।

ತಸ್ಮೈ ದದಾತಿ ಲಲಿತಾ ಝಟಿತಿ ಪ್ರಸನ್ನಾ

ವಿದ್ಯಾಂ ಶ್ರಿಯಂ ವಿಮಲಸೌಖ್ಯಮನನ್ತಕೀರ್ತಿಮ್ ॥