Lakshmi Nrusimha Karavalamba Stotram

lakShmI nRRisiMha karAvalamba stotram

shloka 1

shrImatpayonidhiniketana chakrapANe bhogIndrabhogamaNirAjita puNyamUrte |

yogIsha shAshvata sharaNya bhavAbdhipota lakShmInRRisiMha mama dehi karAvalambam || 1 ||

brahmendrarudramarudarkakirITakoTi saNghaTTitANghrikamalAmalakAntikAnta |

lakShmIlasatkuchasaroruharAjahaMsa lakShmInRRisiMha mama dehi karAvalambam || 2 ||

saMsAradAvadahanAkarabhIkaroru-jvAlAvalIbhiratidagdhatanUruhasya |

tvatpAdapadmasarasIruhamAgatasya lakShmInRRisiMha mama dehi karAvalambam || 3 ||

saMsArajAlapatitatasya jagannivAsa sarvendriyArtha baDishAgra jhaShopamasya |

protkampita prachuratAluka mastakasya lakShmInRRisiMha mama dehi karAvalambam || 4 ||

saMsArakUmapatighoramagAdhamUlaM samprApya duHkhashatasarpasamAkulasya |

dInasya deva kRRipayA padamAgatasya lakShmInRRisiMha mama dehi karAvalambam || 5 ||

saMsArabhIkarakarIndrakarAbhighAta niShpIDyamAnavapuShaH sakalArtinAsha |

prANaprayANabhavabhItisamAkulasya lakShmInRRisiMha mama dehi karAvalambam || 6 ||

saMsArasarpaviShadigdhamahogratIvra daMShTrAgrakoTiparidaShTavinaShTamUrteH |

nAgArivAhana sudhAbdhinivAsa shaure lakShmInRRisiMha mama dehi karAvalambam || 7 ||

saMsAravRRikShabIjamanantakarma-shAkhAyutaM karaNapatramana~NgapuShpam |

Aruhya duHkhaphalitaH chakitaH dayAlo lakShmInRRisiMha mama dehi karAvalambam || 8 ||

saMsArasAgaravishAlakarAlakAla nakragrahagrasitanigrahavigrahasya |

vyagrasya rAganichayorminipIDitasya lakShmInRRisiMha mama dehi karAvalambam || 9 ||

saMsArasAgaranimajjanamuhyamAnaM dInaM vilokaya vibho karuNAnidhe mAm |

prahlAdakhedaparihAraparAvatAra lakShmInRRisiMha mama dehi karAvalambam || 10 ||

saMsAraghoragahane charato murAre mArograbhIkaramRRigaprachurArditasya |

Artasya matsaranidAghasuduHkhitasya lakShmInRRisiMha mama dehi karAvalambam || 11 ||

baddhvA gale yamabhaTA bahu tarjayanta karShanti yatra bhavapAshashatairyutaM mAm |

ekAkinaM paravashaM chakitaM dayAlo lakShmInRRisiMha mama dehi karAvalambam || 12 ||

lakShmIpate kamalanAbha suresha viShNo yajnesha yajna madhusUdana vishvarUpa |

brahmaNya keshava janArdana vAsudeva lakShmInRRisiMha mama dehi karAvalambam || 13 ||

ekena chakramapareNa kareNa sha~Nkha-manyena sindhutanayAmavalambya tiShThan |

vAmetareNa varadAbhayapadmachihnaM lakShmInRRisiMha mama dehi karAvalambam || 14 ||

andhasya me hRRitavivekamahAdhanasya chorairmahAbalibhirindriyanAmadheyaiH |

mohAndhakArakuhare vinipAtitasya lakShmInRRisiMha mama dehi karAvalambam || 15 ||

prahlAdanAradaparAsharapuNDarIka-vyAsAdibhAgavatapu~NgavahRRinnivAsa |

bhaktAnuraktaparipAlanapArijAta lakShmInRRisiMha mama dehi karAvalambam || 16 ||

lakShmInRRisiMhacharaNAbjamadhuvratena stotraM kRRitaM shubhakaraM bhuvi sha~NkareNa |

ye tatpaThanti manujA haribhaktiyuktA-ste yAnti tatpadasarojamakhaNDarUpam || 17 ||