લક્ષ્મી નૃસિંહ કરાવલમ્બ સ્તોત્રમ્

લક્ષ્મી નૃસિંહ કરાવલમ્બ સ્તોત્રમ્

શ્લોક 1

શ્રીમત્પયોનિધિનિકેતન ચક્રપાણે ભોગીન્દ્રભોગમણિરાજિત પુણ્યમૂર્તે ।

યોગીશ શાશ્વત શરણ્ય ભવાબ્ધિપોત લક્ષ્મીનૃસિંહ મમ દેહિ કરાવલમ્બમ્

શ્લોક 2

બ્રહ્મેન્દ્રરુદ્રમરુદર્કકિરીટકોટિ સઙ્ઘટ્ટિતાઙ્ઘ્રિકમલામલકાન્તિકાન્ત ।

લક્ષ્મીલસત્કુચસરોરુહરાજહંસ લક્ષ્મીનૃસિંહ મમ દેહિ કરાવલમ્બમ્

॥ 1 ॥

શ્લોક 3

સંસારદાવદહનાકરભીકરોરુ-જ્વાલાવલીભિરતિદગ્ધતનૂરુહસ્ય ।

ત્વત્પાદપદ્મસરસીરુહમાગતસ્ય લક્ષ્મીનૃસિંહ મમ દેહિ કરાવલમ્બમ્

॥ 2 ॥

શ્લોક 4

સંસારજાલપતિતતસ્ય જગન્નિવાસ સર્વેન્દ્રિયાર્થ બડિશાગ્ર ઝષોપમસ્ય ।

પ્રોત્કમ્પિત પ્રચુરતાલુક મસ્તકસ્ય લક્ષ્મીનૃસિંહ મમ દેહિ કરાવલમ્બમ્

॥ 3 ॥

શ્લોક 5

સંસારકૂમપતિઘોરમગાધમૂલં સમ્પ્રાપ્ય દુઃખશતસર્પસમાકુલસ્ય ।

દીનસ્ય દેવ કૃપયા પદમાગતસ્ય લક્ષ્મીનૃસિંહ મમ દેહિ કરાવલમ્બમ્

॥ 4 ॥

શ્લોક 6

સંસારભીકરકરીન્દ્રકરાભિઘાત નિષ્પીડ્યમાનવપુષઃ સકલાર્તિનાશ ।

પ્રાણપ્રયાણભવભીતિસમાકુલસ્ય લક્ષ્મીનૃસિંહ મમ દેહિ કરાવલમ્બમ્

॥ 5 ॥

શ્લોક 7

સંસારસર્પવિષદિગ્ધમહોગ્રતીવ્ર દંષ્ટ્રાગ્રકોટિપરિદષ્ટવિનષ્ટમૂર્તેઃ ।

નાગારિવાહન સુધાબ્ધિનિવાસ શૌરે લક્ષ્મીનૃસિંહ મમ દેહિ કરાવલમ્બમ્

॥ 6 ॥

શ્લોક 8

સંસારવૃક્ષબીજમનન્તકર્મ-શાખાયુતં કરણપત્રમનઙ્ગપુષ્પમ્ ।

આરુહ્ય દુઃખફલિતઃ ચકિતઃ દયાલો લક્ષ્મીનૃસિંહ મમ દેહિ કરાવલમ્બમ્

॥ 7 ॥

શ્લોક 9

સંસારસાગરવિશાલકરાલકાલ નક્રગ્રહગ્રસિતનિગ્રહવિગ્રહસ્ય ।

વ્યગ્રસ્ય રાગનિચયોર્મિનિપીડિતસ્ય લક્ષ્મીનૃસિંહ મમ દેહિ કરાવલમ્બમ્

॥ 8 ॥

શ્લોક 10

સંસારસાગરનિમજ્જનમુહ્યમાનં દીનં વિલોકય વિભો કરુણાનિધે મામ્ ।

પ્રહ્લાદખેદપરિહારપરાવતાર લક્ષ્મીનૃસિંહ મમ દેહિ કરાવલમ્બમ્

॥ 9 ॥

શ્લોક 11

સંસારઘોરગહને ચરતો મુરારે મારોગ્રભીકરમૃગપ્રચુરાર્દિતસ્ય ।

આર્તસ્ય મત્સરનિદાઘસુદુઃખિતસ્ય લક્ષ્મીનૃસિંહ મમ દેહિ કરાવલમ્બમ્

॥ 10 ॥

શ્લોક 12

બદ્ધ્વા ગલે યમભટા બહુ તર્જયન્ત કર્ષન્તિ યત્ર ભવપાશશતૈર્યુતં મામ્ ।

એકાકિનં પરવશં ચકિતં દયાલો લક્ષ્મીનૃસિંહ મમ દેહિ કરાવલમ્બમ્

॥ 11 ॥

શ્લોક 13

લક્ષ્મીપતે કમલનાભ સુરેશ વિષ્ણો યજ્ઞેશ યજ્ઞ મધુસૂદન વિશ્વરૂપ ।

બ્રહ્મણ્ય કેશવ જનાર્દન વાસુદેવ લક્ષ્મીનૃસિંહ મમ દેહિ કરાવલમ્બમ્

॥ 12 ॥

શ્લોક 14

એકેન ચક્રમપરેણ કરેણ શઙ્ખ-મન્યેન સિન્ધુતનયામવલમ્બ્ય તિષ્ઠન્ ।

વામેતરેણ વરદાભયપદ્મચિહ્નં લક્ષ્મીનૃસિંહ મમ દેહિ કરાવલમ્બમ્

॥ 13 ॥

શ્લોક 15

અન્ધસ્ય મે હૃતવિવેકમહાધનસ્ય ચોરૈર્મહાબલિભિરિન્દ્રિયનામધેયૈઃ ।

મોહાન્ધકારકુહરે વિનિપાતિતસ્ય લક્ષ્મીનૃસિંહ મમ દેહિ કરાવલમ્બમ્

॥ 14 ॥

શ્લોક 16

પ્રહ્લાદનારદપરાશરપુણ્ડરીક-વ્યાસાદિભાગવતપુઙ્ગવહૃન્નિવાસ ।

ભક્તાનુરક્તપરિપાલનપારિજાત લક્ષ્મીનૃસિંહ મમ દેહિ કરાવલમ્બમ્

॥ 15 ॥

શ્લોક 17

લક્ષ્મીનૃસિંહચરણાબ્જમધુવ્રતેન સ્તોત્રં કૃતં શુભકરં ભુવિ શઙ્કરેણ ।

યે તત્પઠન્તિ મનુજા હરિભક્તિયુક્તા-સ્તે યાન્તિ તત્પદસરોજમખણ્ડરૂપમ્

॥ 16 ॥

શ્લોક 18