Lakshmi Narasimha Ashtottara Sata Nama Stotram

lakShmI narasiMha aShTottara shata nAma stotram

shloka 1

nArasiMho mahAsiMho divyasiMho mahAbalaH |

ugrasiMho mahAdevasstambhajashchogralochanaH || 1 ||

raudrassarvAdbhutaH shrImAn yogAnandastrivikramaH |

hariH kolAhalashchakrI vijayo jayavardhanaH || 2 ||

pa~nchAnanaH parabrahma chA.aghoro ghoravikramaH |

jvalanmukho jvAlamAlI mahAjvAlo mahAprabhuH || 3 ||

niTilAkShassahasrAkSho durnirIkShaH pratApanaH |

mahAdaMShTrAyudhaH prAj~nashchaNDakopI sadAshivaH || 4 ||

hiraNyakashipudhvaMsI daityadAnavabha~njanaH |

guNabhadro mahAbhadro balabhadrassubhadrakaH || 5 ||

karAlo vikarAlashcha vikartA sarvakartRRikaH |

shiMshumArastrilokAtmA Ishassarveshvaro vibhuH || 6 ||

bhairavADambaro divyashchA.achyutaH kavi mAdhavaH |

adhokShajo.akSharashsharvo vanamAlI varapradaH || 7 ||

vishvambharo.adbhuto bhavyaH shrIviShNuH puruShottamaH |

anaghAstro nakhAstrashcha sUryajyotissureshvaraH || 8 ||

sahasrabAhuHssarvaj~nassarvasiddhipradAyakaH |

vajradaMShTro vajranakho mahAnandaH parantapaH || 9 ||

sarvamantraikarUpashcha sarvayantravidAraNaH |

sarvatantrAtmako.avyaktassuvyakto bhaktavatsalaH || 10 ||

vaishAkhashuklabhUtotthaH sharaNAgatavatsalaH |

udArakIrtiH puNyAtmA mahAtmA chaNDavikramaH || 11 ||

vedatrayaprapUjyashcha bhagavAnparameshvaraH |

shrIvatsA~NkaH shrInivAso jagadvyApI jaganmayaH || 12 ||

jagatpAlo jagannAtho mahAkAyo dvirUpabhRRit |

paramAtmA para~njyotirnirguNashcha nRRikesarI || 13 ||

paratattvaH parandhAma sachchidAnandavigrahaH |

lakShmInRRisiMhassarvAtmA dhIraH prahlAdapAlakaH || 14 ||

idaM shrImannRRisiMhasya nAmnAmaShTottaraM shatam |

trisandhyaM yaH paThedbhaktyA sarvAbhIShTamavApnuyAt || 15 ||

iti shrInRRisiMhapUjAkalpe shrI lakShmInRRisiMhAShTottarashatanAma stotram |