Lakshmi Narasimha Ashtottara Sata Nama Stotram

lakṣmī narasiṃha aṣṭottara śata nāma stotram

Śloka 1

nārasiṃho mahāsiṃho divyasiṃho mahābalaḥ |

ugrasiṃho mahādevasstambhajaścogralocanaḥ || 1 ||

raudrassarvādbhutaḥ śrīmān yogānandastrivikramaḥ |

hariḥ kolāhalaścakrī vijayo jayavardhanaḥ || 2 ||

pañcānanaḥ parabrahma cā'ghoro ghoravikramaḥ |

jvalanmukho jvālamālī mahājvālo mahāprabhuḥ || 3 ||

niṭilākṣassahasrākṣo durnirīkṣaḥ pratāpanaḥ |

mahādaṃṣṭrāyudhaḥ prājñaścaṇḍakopī sadāśivaḥ || 4 ||

hiraṇyakaśipudhvaṃsī daityadānavabhañjanaḥ |

guṇabhadro mahābhadro balabhadrassubhadrakaḥ || 5 ||

karālo vikarālaśca vikartā sarvakartṛkaḥ |

śiṃśumārastrilokātmā īśassarveśvaro vibhuḥ || 6 ||

bhairavāḍambaro divyaścā'cyutaḥ kavi mādhavaḥ |

adhokṣajo'kṣaraśśarvo vanamālī varapradaḥ || 7 ||

viśvambharo'dbhuto bhavyaḥ śrīviṣṇuḥ puruṣottamaḥ |

anaghāstro nakhāstraśca sūryajyotissureśvaraḥ || 8 ||

sahasrabāhuḥssarvajñassarvasiddhipradāyakaḥ |

vajradaṃṣṭro vajranakho mahānandaḥ parantapaḥ || 9 ||

sarvamantraikarūpaśca sarvayantravidāraṇaḥ |

sarvatantrātmako'vyaktassuvyakto bhaktavatsalaḥ || 10 ||

vaiśākhaśuklabhūtotthaḥ śaraṇāgatavatsalaḥ |

udārakīrtiḥ puṇyātmā mahātmā caṇḍavikramaḥ || 11 ||

vedatrayaprapūjyaśca bhagavānparameśvaraḥ |

śrīvatsāṅkaḥ śrīnivāso jagadvyāpī jaganmayaḥ || 12 ||

jagatpālo jagannātho mahākāyo dvirūpabhṛt |

paramātmā parañjyotirnirguṇaśca nṛkesarī || 13 ||

paratattvaḥ parandhāma saccidānandavigrahaḥ |

lakṣmīnṛsiṃhassarvātmā dhīraḥ prahlādapālakaḥ || 14 ||

idaṃ śrīmannṛsiṃhasya nāmnāmaṣṭottaraṃ śatam |

trisandhyaṃ yaḥ paṭhedbhaktyā sarvābhīṣṭamavāpnuyāt || 15 ||

iti śrīnṛsiṃhapūjākalpe śrī lakṣmīnṛsiṃhāṣṭottaraśatanāma stotram |