Ketu Ashtottara Sata Nama Stotram

ketu aShTottara shata nAma stotram

shloka 1

shRRiNu nAmAni japyAni keto ratha mahAmate |

ketuH sthUlashirAshchaiva shiromAtro dhvajAkRRitiH || 1 ||

navagrahayutaH siMhikAsurIgarbhasambhavaH |

mahAbhItikarashchitravarNo vai pi~NgalAkShakaH || 2 ||

sa phalodhUmrasa~NkAshaH tIkShNadaMShTro mahoragaH |

raktanetrashchitrakArI tIvrakopo mahAsuraH || 3 ||

krUrakaNThaH krodhanidhishChAyAgrahavisheShakaH |

antyagraho mahAshIrSho sUryAriH puShpavadgrahI || 4 ||

varahasto gadApANishchitravastradharastathA |

chitradhvajapatAkashcha ghorashchitrarathaH shikhI || 5 ||

kulutthabhakShakashchaiva vaiDUryAbharaNastathA |

utpAtajanakaH shukramitraM mandasakhastathA || 6 ||

gadAdharaH nAkapatiH antarvedIshvarastathA |

jaiminIgotrajashchitraguptAtmA dakShiNAmukhaH || 7 ||

mukundavarapAtraM cha mahAsurakulodbhavaH |

ghanavarNo lambadeho mRRityuputrastathaiva cha || 8 ||

utpAtarUpadhArI chA.adRRishyaH kAlAgnisannibhaH |

nRRipIDo grahakArI cha sarvopadravakArakaH || 9 ||

chitraprasUto hyanalaH sarvavyAdhivinAshakaH |

apasavyaprachArI cha navame pApadAyakaH || 10 ||

pa~nchame shokadashchoparAgakhechara eva cha |

atipuruShakarmA cha turIye (tu) sukhapradaH || 11 ||

tRRitIye vairadaH pApagrahashcha sphoTakArakaH |

prANanAthaH pa~nchame tu shramakAraka eva cha || 12 ||

dvitIye.asphuTavAgdAtA viShAkulitavaktrakaH |

kAmarUpI siMhadantaH satyepyanRRitavAnapi || 13 ||

chaturthe mAtRRinAshashcha navame pitRRinAshakaH |

antye vairapradashchaiva sutAnandanabandhakaH || 14 ||

sarpAkShijAto.ana~Ngashcha karmarAshyudbhavastathA |

upAnte kIrtidashchaiva saptame kalahapradaH || 15 ||

aShTame vyAdhikartA cha dhane bahusukhapradaH |

janane rogadashchordhvamUrdhajo grahanAyakaH || 16 ||

pApadRRiShTiH khecharashcha shAmbhavo.asheShapUjitaH |

shAshvatashcha naTashchaiva shubhA.ashubhaphalapradaH || 17 ||

dhUmrashchaiva sudhApAyI hyajito bhaktavatsalaH |

siMhAsanaH ketumUrtI ravIndudyutinAshakaH || 18 ||

amaraH pIDako.amartyo viShNudRRiShTo.asureshvaraH |

bhaktarakSho.atha vaichitryakapaTasyandanastathA || 19 ||

vichitraphaladAyI cha bhaktAbhIShTaphalapradaH |

etatketugrahasyoktaM nAmnAmaShTottaraM shatam || 20 ||

yo bhaktyedaM japetketurnAmnAmaShTottaraM shatam |

sa tu ketoH prasAdena sarvAbhIShTaM samApnuyAt || 21 ||

iti shrI ketu aShTottarashatanAma stotram |