কেতু অষ্টোত্তর শত নাম স্তোত্রম্

কেতু অষ্টোত্তর শত নাম স্তোত্রম্

শ্লোক 1

শৃণু নামানি জপ্যানি কেতো রথ মহামতে ।

কেতুঃ স্থূলশিরাশ্চৈব শিরোমাত্রো ধ্বজাকৃতিঃ

শ্লোক 2

নবগ্রহযুতঃ সিংহিকাসুরীগর্ভসম্ভবঃ ।

মহাভীতিকরশ্চিত্রবর্ণো বৈ পিঙ্গলাক্ষকঃ

॥ 1 ॥

শ্লোক 3

স ফলোধূম্রসঙ্কাশঃ তীক্ষ্ণদংষ্ট্রো মহোরগঃ ।

রক্তনেত্রশ্চিত্রকারী তীব্রকোপো মহাসুরঃ

॥ 2 ॥

শ্লোক 4

ক্রূরকণ্ঠঃ ক্রোধনিধিশ্ছাযাগ্রহবিশেষকঃ ।

অন্ত্যগ্রহো মহাশীর্ষো সূর্যারিঃ পুষ্পবদ্গ্রহী

॥ 3 ॥

শ্লোক 5

বরহস্তো গদাপাণিশ্চিত্রবস্ত্রধরস্তথা ।

চিত্রধ্বজপতাকশ্চ ঘোরশ্চিত্ররথঃ শিখী

॥ 4 ॥

শ্লোক 6

কুলুত্থভক্ষকশ্চৈব বৈডূর্যাভরণস্তথা ।

উত্পাতজনকঃ শুক্রমিত্রং মন্দসখস্তথা

॥ 5 ॥

শ্লোক 7

গদাধরঃ নাকপতিঃ অন্তর্বেদীশ্বরস্তথা ।

জৈমিনীগোত্রজশ্চিত্রগুপ্তাত্মা দক্ষিণামুখঃ

॥ 6 ॥

শ্লোক 8

মুকুন্দবরপাত্রং চ মহাসুরকুলোদ্ভবঃ ।

ঘনবর্ণো লম্বদেহো মৃত্যুপুত্রস্তথৈব চ

॥ 7 ॥

শ্লোক 9

উত্পাতরূপধারী চাঽদৃশ্যঃ কালাগ্নিসন্নিভঃ ।

নৃপীডো গ্রহকারী চ সর্বোপদ্রবকারকঃ

॥ 8 ॥

শ্লোক 10

চিত্রপ্রসূতো হ্যনলঃ সর্বব্যাধিবিনাশকঃ ।

অপসব্যপ্রচারী চ নবমে পাপদাযকঃ

॥ 9 ॥

শ্লোক 11

পঞ্চমে শোকদশ্চোপরাগখেচর এব চ ।

অতিপুরুষকর্মা চ তুরীযে (তু) সুখপ্রদঃ

॥ 10 ॥

শ্লোক 12

তৃতীযে বৈরদঃ পাপগ্রহশ্চ স্ফোটকারকঃ ।

প্রাণনাথঃ পঞ্চমে তু শ্রমকারক এব চ

॥ 11 ॥

শ্লোক 13

দ্বিতীযেঽস্ফুটবাগ্দাতা বিষাকুলিতবক্ত্রকঃ ।

কামরূপী সিংহদন্তঃ সত্যেপ্যনৃতবানপি

॥ 12 ॥

শ্লোক 14

চতুর্থে মাতৃনাশশ্চ নবমে পিতৃনাশকঃ ।

অন্ত্যে বৈরপ্রদশ্চৈব সুতানন্দনবন্ধকঃ

॥ 13 ॥

শ্লোক 15

সর্পাক্ষিজাতোঽনঙ্গশ্চ কর্মরাশ্যুদ্ভবস্তথা ।

উপান্তে কীর্তিদশ্চৈব সপ্তমে কলহপ্রদঃ

॥ 14 ॥

শ্লোক 16

অষ্টমে ব্যাধিকর্তা চ ধনে বহুসুখপ্রদঃ ।

জননে রোগদশ্চোর্ধ্বমূর্ধজো গ্রহনাযকঃ

॥ 15 ॥

শ্লোক 17

পাপদৃষ্টিঃ খেচরশ্চ শাম্ভবোঽশেষপূজিতঃ ।

শাশ্বতশ্চ নটশ্চৈব শুভাঽশুভফলপ্রদঃ

॥ 16 ॥

শ্লোক 18

ধূম্রশ্চৈব সুধাপাযী হ্যজিতো ভক্তবত্সলঃ ।

সিংহাসনঃ কেতুমূর্তী রবীন্দুদ্যুতিনাশকঃ

॥ 17 ॥

শ্লোক 19

অমরঃ পীডকোঽমর্ত্যো বিষ্ণুদৃষ্টোঽসুরেশ্বরঃ ।

ভক্তরক্ষোঽথ বৈচিত্র্যকপটস্যন্দনস্তথা

॥ 18 ॥

শ্লোক 20

বিচিত্রফলদাযী চ ভক্তাভীষ্টফলপ্রদঃ ।

এতত্কেতুগ্রহস্যোক্তং নাম্নামষ্টোত্তরং শতম্

॥ 19 ॥

শ্লোক 21

যো ভক্ত্যেদং জপেত্কেতুর্নাম্নামষ্টোত্তরং শতম্ ।

স তু কেতোঃ প্রসাদেন সর্বাভীষ্টং সমাপ্নুযাত্

॥ 20 ॥

শ্লোক 22

ইতি শ্রী কেতু অষ্টোত্তরশতনাম স্তোত্রম্ ।