Kanakadhara Stotram

කනකධාරා ස්තෝත්රම්

ශ්ලොක 1

වන්දේ වන්දාරු මන්දාරමින්දිරානන්දකන්දලම් .

අමන්දානන්දසන්දෝහ බන්ධුරං සින්ධුරානනම් ..

අඞ්ගං හරේඃ පුලකභූෂණමාශ්රයන්තී

භෘඞ්ගාඞ්ගනේව මුකුලාභරණං තමාලම් .

අඞ්ගීකෘතාඛිලවිභූතිරපාඞ්ගලීලා

මාඞ්ගල්යදාස්තු මම මඞ්ගලදේවතායාඃ .. 1 ..

මුග්ධා මුහුර්විදධතී වදනේ මුරාරේඃ

ප්රේමත්රපාප්රණිහිතානි ගතාගතානි .

මාලා දෘශෝර්මධුකරීව මහෝත්පලේ යා

සා මේ ශ්රියං දිශතු සාගරසම්භවායාඃ .. 2 ..

ආමීලිතාක්ෂමධිගම්ය මුදා මුකුන්දම්-

ආනන්දකන්දමනිමේෂමනඞ්ගතන්ත්රම් .

ආකේකරස්ථිතකනීනිකපක්ෂ්මනේත්රං

භූත්යෛ භවේන්මම භුජඞ්ගශයාඞ්ගනායාඃ .. 3 ..

බාහ්වන්තරේ මධුජිතඃ ශ්රිතකෞස්තුභේ යා

හාරාවලීව හරිනීලමයී විභාති .

කාමප්රදා භගවතෝ(අ)පි කටාක්ෂමාලා

කල්යාණමාවහතු මේ කමලාලයායාඃ .. 4 ..

කාලාම්බුදාලිලලිතෝරසි කෛටභාරේඃ

ධාරාධරේ ස්ඵුරති යා තටිදඞ්ගනේව .

මාතුස්සමස්තජගතාං මහනීයමූර්තිඃ

භද්රාණි මේ දිශතු භාර්ගවනන්දනායාඃ .. 5 ..

ප්රාප්තං පදං ප්රථමතඃ ඛලු යත්ප්රභාවාත්

මාඞ්ගල්යභාජි මධුමාථිනි මන්මථේන .

මය්යාපතේත්තදිහ මන්ථරමීක්ෂණාර්ධං

මන්දාලසං ච මකරාලයකන්යකායාඃ .. 6 ..

විශ්වාමරේන්ද්රපදවිභ්රමදානදක්ෂං

ආනන්දහේතුරධිකං මුරවිද්විෂෝ(අ)පි .

ඊෂන්නිෂීදතු මයි ක්ෂණමීක්ෂණාර්ථං

ඉන්දීවරෝදරසහෝදරමින්දිරායාඃ .. 7 ..

ඉෂ්ටා විශිෂ්ටමතයෝ(අ)පි යයා දයාර්ද්ර

දෘෂ්ට්යා ත්රිවිෂ්ටපපදං සුලභං ලභන්තේ .

දෘෂ්ටිඃ ප්රහෘෂ්ට කමලෝදරදීප්තිරිෂ්ටාං

පුෂ්ටිං කෘෂීෂ්ට මම පුෂ්කරවිෂ්ටරායාඃ .. 8 ..

දද්යාද්දයානුපවනෝ ද්රවිණාම්බුධාරා-

මස්මින්න කිඤ්චන විහඞ්ගශිශෞ විෂණ්ණේ .

දුෂ්කර්මඝර්මමපනීය චිරාය දූරං

නාරායණප්රණයිනීනයනාම්බුවාහඃ .. 9 ..

ගීර්දේවතේති ගරුඩධ්වජසුන්දරීති

ශාකම්භරීති ශශිශේඛරවල්ලභේති .

සෘෂ්ටිස්ථිතිප්රලයකේලිෂු සංස්ථිතායෛ

තස්යෛ නමස්ත්රිභුවනෛකගුරෝස්තරුණ්යෛ .. 10 ..

ශ්රුත්යෛ නමෝ(අ)ස්තු ශුභකර්මඵලප්රසූත්යෛ

රත්යෛ නමෝ(අ)ස්තු රමණීයගුණාර්ණවායෛ .

ශක්ත්යෛ නමෝ(අ)ස්තු ශතපත්රනිකේතනායෛ

පුෂ්ට්යෛ නමෝ(අ)ස්තු පුරුෂෝත්තමවල්ලභායෛ .. 11 ..

නමෝ(අ)ස්තු නාලීකනිභානනායෛ

නමෝ(අ)ස්තු දුග්ධෝදධිජන්මභූම්යෛ .

නමෝ(අ)ස්තු සෝමාමෘතසෝදරායෛ

නමෝ(අ)ස්තු නාරායණවල්ලභායෛ .. 12 ..

නමෝ(අ)ස්තු හේමාම්බුජපීඨිකායෛ

නමෝ(අ)ස්තු භූමණ්ඩලනායිකායෛ .

නමෝ(අ)ස්තු දේවාදිදයාපරායෛ

නමෝ(අ)ස්තු ශාර්ඞ්ගායුධවල්ලභායෛ .. 13 ..

නමෝ(අ)ස්තු දේව්යෛ භෘගුනන්දනායෛ

නමෝ(අ)ස්තු විෂ්ණෝරුරසිස්ථිතායෛ .

නමෝ(අ)ස්තු ලක්ෂ්ම්යෛ කමලාලයායෛ

නමෝ(අ)ස්තු දාමෝදරවල්ලභායෛ .. 14 ..

නමෝ(අ)ස්තු කාන්ත්යෛ කමලේක්ෂණායෛ

නමෝ(අ)ස්තු භූත්යෛ භුවනප්රසූත්යෛ .

නමෝ(අ)ස්තු දේවාදිභිරර්චිතායෛ

නමෝ(අ)ස්තු නන්දාත්මජවල්ලභායෛ .. 15 ..

සම්පත්කරාණි සකලේන්ද්රියනන්දනානි

සාම්රාජ්යදානවිභවානි සරෝරුහාක්ෂි .

ත්වද්වන්දනානි දුරිතෝද්ධරණෝද්යතානි

මාමේව මාතරනිශං කලයන්තු මාන්යේ .. 16 ..

යත්කටාක්ෂසමුපාසනාවිධිඃ

සේවකස්ය සකලාර්ථසම්පදඃ .

සන්තනෝති වචනාඞ්ගමානසෛඃ

ත්වාං මුරාරිහෘදයේශ්වරීං භජේ .. 17 ..

සරසිජනිලයේ සරෝජහස්තේ [සරසිජනයනෙ]

ධවලතමාංශුකගන්ධමාල්යශෝභේ .

භගවති හරිවල්ලභේ මනෝජ්ඤේ

ත්රිභුවනභූතිකරි ප්රසීද මහ්යම් .. 18 ..

දිග්ඝස්තිභිඃ කනකකුම්භමුඛාවසෘෂ්ට

ස්වර්වාහිනී විමලචාරුජලප්ලුතාඞ්ගීම් .

ප්රාතර්නමාමි ජගතාං ජනනීමශේෂ

ලෝකාධිනාථ-ගෘහිණීම්-අමෘතාබ්ධිපුත්රීම් .. 19 ..

කමලේ කමලාක්ෂවල්ලභේ ත්වං

කරුණාපූරතරඞ්ගිතෛරපාඞ්ගෛඃ .

අවලෝකය මාමකිඤ්චනානාං

ප්රථමං පාත්රමකෘත්රිමං දයායාඃ .. 20 ..

ස්තුවන්ති යේ ස්තුතිභිරමූභිරන්වහං

ත්රයීමයීං ත්රිභුවනමාතරං රමාම් .

ගුණාධිකා ගුරුතර-භාග්ය-භාගිනෝ [භාගිනහ්]

භවන්ති තේ භුවි බුධභාවිතාශයාඃ .. 21 ..

සුවර්ණධාරාස්තෝත්රං යච්ඡඞ්කරාචාර්ය නිර්මිතම් .

ත්රිසන්ධ්යං යඃ පඨේන්නිත්යං ස කුබේරසමෝ භවේත් ..

ඉති ශ්රීමත්පරමහංසපරිව්රාජකාචාර්යස්ය ශ්රීගෝවින්දභගවත්පූජ්යපාදශිෂ්යස්ය ශ්රීමච්ඡඞ්කරභගවතඃ කෘතෞ කනකධාරාස්තෝත්රං සම්පූර්ණම් .