Kanakadhara Stotram

କନକଧାରା ସ୍ତୋତ୍ରମ୍

ଶ୍ଲୋକ 1

ଵନ୍ଦେ ଵନ୍ଦାରୁ ମନ୍ଦାରମିନ୍ଦିରାନନ୍ଦକନ୍ଦଲମ୍ ।

ଅମନ୍ଦାନନ୍ଦସନ୍ଦୋହ ବନ୍ଧୁରଂ ସିନ୍ଧୁରାନନମ୍ ॥

ଅଙ୍ଗଂ ହରେଃ ପୁଲକଭୂଷଣମାଶ୍ରଯନ୍ତୀ

ଭୃଙ୍ଗାଙ୍ଗନେଵ ମୁକୁଲାଭରଣଂ ତମାଲମ୍ ।

ଅଙ୍ଗୀକୃତାଖିଲଵିଭୂତିରପାଙ୍ଗଲୀଲା

ମାଙ୍ଗଲ୍ଯଦାସ୍ତୁ ମମ ମଙ୍ଗଲଦେଵତାଯାଃ

ଶ୍ଲୋକ 2

ମୁଗ୍ଧା ମୁହୁର୍ଵିଦଧତୀ ଵଦନେ ମୁରାରେଃ

ପ୍ରେମତ୍ରପାପ୍ରଣିହିତାନି ଗତାଗତାନି ।

ମାଲା ଦୃଶୋର୍ମଧୁକରୀଵ ମହୋତ୍ପଲେ ଯା

ସା ମେ ଶ୍ରିଯଂ ଦିଶତୁ ସାଗରସମ୍ଭଵାଯାଃ

॥ 1 ॥

ଶ୍ଲୋକ 3

ଆମୀଲିତାକ୍ଷମଧିଗମ୍ଯ ମୁଦା ମୁକୁନ୍ଦମ୍-

ଆନନ୍ଦକନ୍ଦମନିମେଷମନଙ୍ଗତନ୍ତ୍ରମ୍ ।

ଆକେକରସ୍ଥିତକନୀନିକପକ୍ଷ୍ମନେତ୍ରଂ

ଭୂତ୍ଯୈ ଭଵେନ୍ମମ ଭୁଜଙ୍ଗଶଯାଙ୍ଗନାଯାଃ

॥ 2 ॥

ଶ୍ଲୋକ 4

ବାହ୍ଵନ୍ତରେ ମଧୁଜିତଃ ଶ୍ରିତକୌସ୍ତୁଭେ ଯା

ହାରାଵଲୀଵ ହରିନୀଲମଯୀ ଵିଭାତି ।

କାମପ୍ରଦା ଭଗଵତୋଽପି କଟାକ୍ଷମାଲା

କଲ୍ଯାଣମାଵହତୁ ମେ କମଲାଲଯାଯାଃ

॥ 3 ॥

ଶ୍ଲୋକ 5

କାଲାମ୍ବୁଦାଲିଲଲିତୋରସି କୈଟଭାରେଃ

ଧାରାଧରେ ସ୍ଫୁରତି ଯା ତଟିଦଙ୍ଗନେଵ ।

ମାତୁସ୍ସମସ୍ତଜଗତାଂ ମହନୀଯମୂର୍ତିଃ

ଭଦ୍ରାଣି ମେ ଦିଶତୁ ଭାର୍ଗଵନନ୍ଦନାଯାଃ

॥ 4 ॥

ଶ୍ଲୋକ 6

ପ୍ରାପ୍ତଂ ପଦଂ ପ୍ରଥମତଃ ଖଲୁ ଯତ୍ପ୍ରଭାଵାତ୍

ମାଙ୍ଗଲ୍ଯଭାଜି ମଧୁମାଥିନି ମନ୍ମଥେନ ।

ମଯ୍ଯାପତେତ୍ତଦିହ ମନ୍ଥରମୀକ୍ଷଣାର୍ଧଂ

ମନ୍ଦାଲସଂ ଚ ମକରାଲଯକନ୍ଯକାଯାଃ

॥ 5 ॥

ଶ୍ଲୋକ 7

ଵିଶ୍ଵାମରେନ୍ଦ୍ରପଦଵିଭ୍ରମଦାନଦକ୍ଷଂ

ଆନନ୍ଦହେତୁରଧିକଂ ମୁରଵିଦ୍ଵିଷୋଽପି ।

ଈଷନ୍ନିଷୀଦତୁ ମଯି କ୍ଷଣମୀକ୍ଷଣାର୍ଥଂ

ଇନ୍ଦୀଵରୋଦରସହୋଦରମିନ୍ଦିରାଯାଃ

॥ 6 ॥

ଶ୍ଲୋକ 8

ଇଷ୍ଟା ଵିଶିଷ୍ଟମତଯୋଽପି ଯଯା ଦଯାର୍ଦ୍ର

ଦୃଷ୍ଟ୍ଯା ତ୍ରିଵିଷ୍ଟପପଦଂ ସୁଲଭଂ ଲଭନ୍ତେ ।

ଦୃଷ୍ଟିଃ ପ୍ରହୃଷ୍ଟ କମଲୋଦରଦୀପ୍ତିରିଷ୍ଟାଂ

ପୁଷ୍ଟିଂ କୃଷୀଷ୍ଟ ମମ ପୁଷ୍କରଵିଷ୍ଟରାଯାଃ

॥ 7 ॥

ଶ୍ଲୋକ 9

ଦଦ୍ଯାଦ୍ଦଯାନୁପଵନୋ ଦ୍ରଵିଣାମ୍ବୁଧାରା-

ମସ୍ମିନ୍ନ କିଞ୍ଚନ ଵିହଙ୍ଗଶିଶୌ ଵିଷଣ୍ଣେ ।

ଦୁଷ୍କର୍ମଘର୍ମମପନୀଯ ଚିରାଯ ଦୂରଂ

ନାରାଯଣପ୍ରଣଯିନୀନଯନାମ୍ବୁଵାହଃ

॥ 8 ॥

ଶ୍ଲୋକ 10

ଗୀର୍ଦେଵତେତି ଗରୁଡଧ୍ଵଜସୁନ୍ଦରୀତି

ଶାକମ୍ଭରୀତି ଶଶିଶେଖରଵଲ୍ଲଭେତି ।

ସୃଷ୍ଟିସ୍ଥିତିପ୍ରଲଯକେଲିଷୁ ସଂସ୍ଥିତାଯୈ

ତସ୍ଯୈ ନମସ୍ତ୍ରିଭୁଵନୈକଗୁରୋସ୍ତରୁଣ୍ଯୈ

॥ 9 ॥

ଶ୍ଲୋକ 11

ଶ୍ରୁତ୍ଯୈ ନମୋଽସ୍ତୁ ଶୁଭକର୍ମଫଲପ୍ରସୂତ୍ଯୈ

ରତ୍ଯୈ ନମୋଽସ୍ତୁ ରମଣୀଯଗୁଣାର୍ଣଵାଯୈ ।

ଶକ୍ତ୍ଯୈ ନମୋଽସ୍ତୁ ଶତପତ୍ରନିକେତନାଯୈ

ପୁଷ୍ଟ୍ଯୈ ନମୋଽସ୍ତୁ ପୁରୁଷୋତ୍ତମଵଲ୍ଲଭାଯୈ

॥ 10 ॥

ଶ୍ଲୋକ 12

ନମୋଽସ୍ତୁ ନାଲୀକନିଭାନନାଯୈ

ନମୋଽସ୍ତୁ ଦୁଗ୍ଧୋଦଧିଜନ୍ମଭୂମ୍ଯୈ ।

ନମୋଽସ୍ତୁ ସୋମାମୃତସୋଦରାଯୈ

ନମୋଽସ୍ତୁ ନାରାଯଣଵଲ୍ଲଭାଯୈ

॥ 11 ॥

ଶ୍ଲୋକ 13

ନମୋଽସ୍ତୁ ହେମାମ୍ବୁଜପୀଠିକାଯୈ

ନମୋଽସ୍ତୁ ଭୂମଣ୍ଡଲନାଯିକାଯୈ ।

ନମୋଽସ୍ତୁ ଦେଵାଦିଦଯାପରାଯୈ

ନମୋଽସ୍ତୁ ଶାର୍ଙ୍ଗାଯୁଧଵଲ୍ଲଭାଯୈ

॥ 12 ॥

ଶ୍ଲୋକ 14

ନମୋଽସ୍ତୁ ଦେଵ୍ଯୈ ଭୃଗୁନନ୍ଦନାଯୈ

ନମୋଽସ୍ତୁ ଵିଷ୍ଣୋରୁରସିସ୍ଥିତାଯୈ ।

ନମୋଽସ୍ତୁ ଲକ୍ଷ୍ମ୍ଯୈ କମଲାଲଯାଯୈ

ନମୋଽସ୍ତୁ ଦାମୋଦରଵଲ୍ଲଭାଯୈ

॥ 13 ॥

ଶ୍ଲୋକ 15

ନମୋଽସ୍ତୁ କାନ୍ତ୍ଯୈ କମଲେକ୍ଷଣାଯୈ

ନମୋଽସ୍ତୁ ଭୂତ୍ଯୈ ଭୁଵନପ୍ରସୂତ୍ଯୈ ।

ନମୋଽସ୍ତୁ ଦେଵାଦିଭିରର୍ଚିତାଯୈ

ନମୋଽସ୍ତୁ ନନ୍ଦାତ୍ମଜଵଲ୍ଲଭାଯୈ

॥ 14 ॥

ଶ୍ଲୋକ 16

ସମ୍ପତ୍କରାଣି ସକଲେନ୍ଦ୍ରିଯନନ୍ଦନାନି

ସାମ୍ରାଜ୍ଯଦାନଵିଭଵାନି ସରୋରୁହାକ୍ଷି ।

ତ୍ଵଦ୍ଵନ୍ଦନାନି ଦୁରିତୋଦ୍ଧରଣୋଦ୍ଯତାନି

ମାମେଵ ମାତରନିଶଂ କଲଯନ୍ତୁ ମାନ୍ଯେ

॥ 15 ॥

ଶ୍ଲୋକ 17

ଯତ୍କଟାକ୍ଷସମୁପାସନାଵିଧିଃ

ସେଵକସ୍ଯ ସକଲାର୍ଥସମ୍ପଦଃ ।

ସନ୍ତନୋତି ଵଚନାଙ୍ଗମାନସୈଃ

ତ୍ଵାଂ ମୁରାରିହୃଦଯେଶ୍ଵରୀଂ ଭଜେ

॥ 16 ॥

ଶ୍ଲୋକ 18

ସରସିଜନିଲଯେ ସରୋଜହସ୍ତେ [ସରସିଜନଯନॆ]

ଧଵଲତମାଂଶୁକଗନ୍ଧମାଲ୍ଯଶୋଭେ ।

ଭଗଵତି ହରିଵଲ୍ଲଭେ ମନୋଜ୍ଞେ

ତ୍ରିଭୁଵନଭୂତିକରି ପ୍ରସୀଦ ମହ୍ଯମ୍

॥ 17 ॥

ଶ୍ଲୋକ 19

ଦିଗ୍ଘସ୍ତିଭିଃ କନକକୁମ୍ଭମୁଖାଵସୃଷ୍ଟ

ସ୍ଵର୍ଵାହିନୀ ଵିମଲଚାରୁଜଲପ୍ଲୁତାଙ୍ଗୀମ୍ ।

ପ୍ରାତର୍ନମାମି ଜଗତାଂ ଜନନୀମଶେଷ

ଲୋକାଧିନାଥ-ଗୃହିଣୀମ୍-ଅମୃତାବ୍ଧିପୁତ୍ରୀମ୍

॥ 18 ॥

ଶ୍ଲୋକ 20

କମଲେ କମଲାକ୍ଷଵଲ୍ଲଭେ ତ୍ଵଂ

କରୁଣାପୂରତରଙ୍ଗିତୈରପାଙ୍ଗୈଃ ।

ଅଵଲୋକଯ ମାମକିଞ୍ଚନାନାଂ

ପ୍ରଥମଂ ପାତ୍ରମକୃତ୍ରିମଂ ଦଯାଯାଃ

॥ 19 ॥

ଶ୍ଲୋକ 21

ସ୍ତୁଵନ୍ତି ଯେ ସ୍ତୁତିଭିରମୂଭିରନ୍ଵହଂ

ତ୍ରଯୀମଯୀଂ ତ୍ରିଭୁଵନମାତରଂ ରମାମ୍ ।

ଗୁଣାଧିକା ଗୁରୁତର-ଭାଗ୍ଯ-ଭାଗିନୋ [ଭାଗିନହ୍]

ଭଵନ୍ତି ତେ ଭୁଵି ବୁଧଭାଵିତାଶଯାଃ

॥ 20 ॥

ଶ୍ଲୋକ 22

ସୁଵର୍ଣଧାରାସ୍ତୋତ୍ରଂ ଯଚ୍ଛଙ୍କରାଚାର୍ଯ ନିର୍ମିତମ୍ ।

ତ୍ରିସନ୍ଧ୍ଯଂ ଯଃ ପଠେନ୍ନିତ୍ଯଂ ସ କୁବେରସମୋ ଭଵେତ୍ ॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ କନକଧାରାସ୍ତୋତ୍ରଂ ସମ୍ପୂର୍ଣମ୍ ।