Kanakadhara Stotram

কনকধারা স্তোত্রম্

শ্লোক 1

বন্দে বন্দারু মন্দারমিন্দিরানন্দকন্দলম্ ।

অমন্দানন্দসন্দোহ বন্ধুরং সিন্ধুরাননম্ ॥

অঙ্গং হরেঃ পুলকভূষণমাশ্রযন্তী

ভৃঙ্গাঙ্গনেব মুকুলাভরণং তমালম্ ।

অঙ্গীকৃতাখিলবিভূতিরপাঙ্গলীলা

মাঙ্গল্যদাস্তু মম মঙ্গলদেবতাযাঃ

শ্লোক 2

মুগ্ধা মুহুর্বিদধতী বদনে মুরারেঃ

প্রেমত্রপাপ্রণিহিতানি গতাগতানি ।

মালা দৃশোর্মধুকরীব মহোত্পলে যা

সা মে শ্রিযং দিশতু সাগরসম্ভবাযাঃ

॥ 1 ॥

শ্লোক 3

আমীলিতাক্ষমধিগম্য মুদা মুকুন্দম্-

আনন্দকন্দমনিমেষমনঙ্গতন্ত্রম্ ।

আকেকরস্থিতকনীনিকপক্ষ্মনেত্রং

ভূত্যৈ ভবেন্মম ভুজঙ্গশযাঙ্গনাযাঃ

॥ 2 ॥

শ্লোক 4

বাহ্বন্তরে মধুজিতঃ শ্রিতকৌস্তুভে যা

হারাবলীব হরিনীলমযী বিভাতি ।

কামপ্রদা ভগবতোঽপি কটাক্ষমালা

কল্যাণমাবহতু মে কমলালযাযাঃ

॥ 3 ॥

শ্লোক 5

কালাম্বুদালিললিতোরসি কৈটভারেঃ

ধারাধরে স্ফুরতি যা তটিদঙ্গনেব ।

মাতুস্সমস্তজগতাং মহনীযমূর্তিঃ

ভদ্রাণি মে দিশতু ভার্গবনন্দনাযাঃ

॥ 4 ॥

শ্লোক 6

প্রাপ্তং পদং প্রথমতঃ খলু যত্প্রভাবাত্

মাঙ্গল্যভাজি মধুমাথিনি মন্মথেন ।

ময্যাপতেত্তদিহ মন্থরমীক্ষণার্ধং

মন্দালসং চ মকরালযকন্যকাযাঃ

॥ 5 ॥

শ্লোক 7

বিশ্বামরেন্দ্রপদবিভ্রমদানদক্ষং

আনন্দহেতুরধিকং মুরবিদ্বিষোঽপি ।

ঈষন্নিষীদতু মযি ক্ষণমীক্ষণার্থং

ইন্দীবরোদরসহোদরমিন্দিরাযাঃ

॥ 6 ॥

শ্লোক 8

ইষ্টা বিশিষ্টমতযোঽপি যযা দযার্দ্র

দৃষ্ট্যা ত্রিবিষ্টপপদং সুলভং লভন্তে ।

দৃষ্টিঃ প্রহৃষ্ট কমলোদরদীপ্তিরিষ্টাং

পুষ্টিং কৃষীষ্ট মম পুষ্করবিষ্টরাযাঃ

॥ 7 ॥

শ্লোক 9

দদ্যাদ্দযানুপবনো দ্রবিণাম্বুধারা-

মস্মিন্ন কিঞ্চন বিহঙ্গশিশৌ বিষণ্ণে ।

দুষ্কর্মঘর্মমপনীয চিরায দূরং

নারাযণপ্রণযিনীনযনাম্বুবাহঃ

॥ 8 ॥

শ্লোক 10

গীর্দেবতেতি গরুডধ্বজসুন্দরীতি

শাকম্ভরীতি শশিশেখরবল্লভেতি ।

সৃষ্টিস্থিতিপ্রলযকেলিষু সংস্থিতাযৈ

তস্যৈ নমস্ত্রিভুবনৈকগুরোস্তরুণ্যৈ

॥ 9 ॥

শ্লোক 11

শ্রুত্যৈ নমোঽস্তু শুভকর্মফলপ্রসূত্যৈ

রত্যৈ নমোঽস্তু রমণীযগুণার্ণবাযৈ ।

শক্ত্যৈ নমোঽস্তু শতপত্রনিকেতনাযৈ

পুষ্ট্যৈ নমোঽস্তু পুরুষোত্তমবল্লভাযৈ

॥ 10 ॥

শ্লোক 12

নমোঽস্তু নালীকনিভাননাযৈ

নমোঽস্তু দুগ্ধোদধিজন্মভূম্যৈ ।

নমোঽস্তু সোমামৃতসোদরাযৈ

নমোঽস্তু নারাযণবল্লভাযৈ

॥ 11 ॥

শ্লোক 13

নমোঽস্তু হেমাম্বুজপীঠিকাযৈ

নমোঽস্তু ভূমণ্ডলনাযিকাযৈ ।

নমোঽস্তু দেবাদিদযাপরাযৈ

নমোঽস্তু শার্ঙ্গাযুধবল্লভাযৈ

॥ 12 ॥

শ্লোক 14

নমোঽস্তু দেব্যৈ ভৃগুনন্দনাযৈ

নমোঽস্তু বিষ্ণোরুরসিস্থিতাযৈ ।

নমোঽস্তু লক্ষ্ম্যৈ কমলালযাযৈ

নমোঽস্তু দামোদরবল্লভাযৈ

॥ 13 ॥

শ্লোক 15

নমোঽস্তু কান্ত্যৈ কমলেক্ষণাযৈ

নমোঽস্তু ভূত্যৈ ভুবনপ্রসূত্যৈ ।

নমোঽস্তু দেবাদিভিরর্চিতাযৈ

নমোঽস্তু নন্দাত্মজবল্লভাযৈ

॥ 14 ॥

শ্লোক 16

সম্পত্করাণি সকলেন্দ্রিযনন্দনানি

সাম্রাজ্যদানবিভবানি সরোরুহাক্ষি ।

ত্বদ্বন্দনানি দুরিতোদ্ধরণোদ্যতানি

মামেব মাতরনিশং কলযন্তু মান্যে

॥ 15 ॥

শ্লোক 17

যত্কটাক্ষসমুপাসনাবিধিঃ

সেবকস্য সকলার্থসম্পদঃ ।

সন্তনোতি বচনাঙ্গমানসৈঃ

ত্বাং মুরারিহৃদযেশ্বরীং ভজে

॥ 16 ॥

শ্লোক 18

সরসিজনিলযে সরোজহস্তে [সরসিজনযনॆ]

ধবলতমাংশুকগন্ধমাল্যশোভে ।

ভগবতি হরিবল্লভে মনোজ্ঞে

ত্রিভুবনভূতিকরি প্রসীদ মহ্যম্

॥ 17 ॥

শ্লোক 19

দিগ্ঘস্তিভিঃ কনককুম্ভমুখাবসৃষ্ট

স্বর্বাহিনী বিমলচারুজলপ্লুতাঙ্গীম্ ।

প্রাতর্নমামি জগতাং জননীমশেষ

লোকাধিনাথ-গৃহিণীম্-অমৃতাব্ধিপুত্রীম্

॥ 18 ॥

শ্লোক 20

কমলে কমলাক্ষবল্লভে ত্বং

করুণাপূরতরঙ্গিতৈরপাঙ্গৈঃ ।

অবলোকয মামকিঞ্চনানাং

প্রথমং পাত্রমকৃত্রিমং দযাযাঃ

॥ 19 ॥

শ্লোক 21

স্তুবন্তি যে স্তুতিভিরমূভিরন্বহং

ত্রযীমযীং ত্রিভুবনমাতরং রমাম্ ।

গুণাধিকা গুরুতর-ভাগ্য-ভাগিনো [ভাগিনহ্]

ভবন্তি তে ভুবি বুধভাবিতাশযাঃ

॥ 20 ॥

শ্লোক 22

সুবর্ণধারাস্তোত্রং যচ্ছঙ্করাচার্য নির্মিতম্ ।

ত্রিসন্ধ্যং যঃ পঠেন্নিত্যং স কুবেরসমো ভবেত্ ॥

ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ কনকধারাস্তোত্রং সম্পূর্ণম্ ।