Kanakadhara Stotram
కనకధారా స్తోత్రమ్
Kanakadhara Stotram
కనకధారా స్తోత్రమ్
వన్దే వన్దారు మన్దారమిన్దిరానన్దకన్దలమ్ ।
అమన్దానన్దసన్దోహ బన్ధురం సిన్ధురాననమ్ ॥
అఙ్గం హరేః పులకభూషణమాశ్రయన్తీ
భృఙ్గాఙ్గనేవ ముకులాభరణం తమాలమ్ ।
అఙ్గీకృతాఖిలవిభూతిరపాఙ్గలీలా
మాఙ్గల్యదాస్తు మమ మఙ్గలదేవతాయాః ॥ 1 ॥
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని ।
మాలా దృశోర్మధుకరీవ మహోత్పలే యా
సా మే శ్రియం దిశతు సాగరసమ్భవాయాః ॥ 2 ॥
ఆమీలితాక్షమధిగమ్య ముదా ముకున్దమ్-
ఆనన్దకన్దమనిమేషమనఙ్గతన్త్రమ్ ।
ఆకేకరస్థితకనీనికపక్ష్మనేత్రం
భూత్యై భవేన్మమ భుజఙ్గశయాఙ్గనాయాః ॥ 3 ॥
బాహ్వన్తరే మధుజితః శ్రితకౌస్తుభే యా
హారావలీవ హరినీలమయీ విభాతి ।
కామప్రదా భగవతోఽపి కటాక్షమాలా
కల్యాణమావహతు మే కమలాలయాయాః ॥ 4 ॥
కాలామ్బుదాలిలలితోరసి కైటభారేః
ధారాధరే స్ఫురతి యా తటిదఙ్గనేవ ।
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనన్దనాయాః ॥ 5 ॥
ప్రాప్తం పదం ప్రథమతః ఖలు యత్ప్రభావాత్
మాఙ్గల్యభాజి మధుమాథిని మన్మథేన ।
మయ్యాపతేత్తదిహ మన్థరమీక్షణార్ధం
మన్దాలసం చ మకరాలయకన్యకాయాః ॥ 6 ॥
విశ్వామరేన్ద్రపదవిభ్రమదానదక్షం
ఆనన్దహేతురధికం మురవిద్విషోఽపి ।
ఈషన్నిషీదతు మయి క్షణమీక్షణార్థం
ఇన్దీవరోదరసహోదరమిన్దిరాయాః ॥ 7 ॥
ఇష్టా విశిష్టమతయోఽపి యయా దయార్ద్ర
దృష్ట్యా త్రివిష్టపపదం సులభం లభన్తే ।
దృష్టిః ప్రహృష్ట కమలోదరదీప్తిరిష్టాం
పుష్టిం కృషీష్ట మమ పుష్కరవిష్టరాయాః ॥ 8 ॥
దద్యాద్దయానుపవనో ద్రవిణామ్బుధారా-
మస్మిన్న కిఞ్చన విహఙ్గశిశౌ విషణ్ణే ।
దుష్కర్మఘర్మమపనీయ చిరాయ దూరం
నారాయణప్రణయినీనయనామ్బువాహః ॥ 9 ॥
గీర్దేవతేతి గరుడధ్వజసున్దరీతి
శాకమ్భరీతి శశిశేఖరవల్లభేతి ।
సృష్టిస్థితిప్రలయకేలిషు సంస్థితాయై
తస్యై నమస్త్రిభువనైకగురోస్తరుణ్యై ॥ 10 ॥
శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై ।
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై ॥ 11 ॥
నమోఽస్తు నాలీకనిభాననాయై
నమోఽస్తు దుగ్ధోదధిజన్మభూమ్యై ।
నమోఽస్తు సోమామృతసోదరాయై
నమోఽస్తు నారాయణవల్లభాయై ॥ 12 ॥
నమోఽస్తు హేమామ్బుజపీఠికాయై
నమోఽస్తు భూమణ్డలనాయికాయై ।
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై ॥ 13 ॥
నమోఽస్తు దేవ్యై భృగునన్దనాయై
నమోఽస్తు విష్ణోరురసిస్థితాయై ।
నమోఽస్తు లక్ష్మ్యై కమలాలయాయై
నమోఽస్తు దామోదరవల్లభాయై ॥ 14 ॥
నమోఽస్తు కాన్త్యై కమలేక్షణాయై
నమోఽస్తు భూత్యై భువనప్రసూత్యై ।
నమోఽస్తు దేవాదిభిరర్చితాయై
నమోఽస్తు నన్దాత్మజవల్లభాయై ॥ 15 ॥
సమ్పత్కరాణి సకలేన్ద్రియనన్దనాని
సామ్రాజ్యదానవిభవాని సరోరుహాక్షి ।
త్వద్వన్దనాని దురితోద్ధరణోద్యతాని
మామేవ మాతరనిశం కలయన్తు మాన్యే ॥ 16 ॥
యత్కటాక్షసముపాసనావిధిః
సేవకస్య సకలార్థసమ్పదః ।
సన్తనోతి వచనాఙ్గమానసైః
త్వాం మురారిహృదయేశ్వరీం భజే ॥ 17 ॥
సరసిజనిలయే సరోజహస్తే [సరసిజనయనె]
ధవలతమాంశుకగన్ధమాల్యశోభే ।
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యమ్ ॥ 18 ॥
దిగ్ఘస్తిభిః కనకకుమ్భముఖావసృష్ట
స్వర్వాహినీ విమలచారుజలప్లుతాఙ్గీమ్ ।
ప్రాతర్నమామి జగతాం జననీమశేష
లోకాధినాథ-గృహిణీమ్-అమృతాబ్ధిపుత్రీమ్ ॥ 19 ॥
కమలే కమలాక్షవల్లభే త్వం
కరుణాపూరతరఙ్గితైరపాఙ్గైః ।
అవలోకయ మామకిఞ్చనానాం
ప్రథమం పాత్రమకృత్రిమం దయాయాః ॥ 20 ॥
స్తువన్తి యే స్తుతిభిరమూభిరన్వహం
త్రయీమయీం త్రిభువనమాతరం రమామ్ ।
గుణాధికా గురుతర-భాగ్య-భాగినో [భాగినహ్]
భవన్తి తే భువి బుధభావితాశయాః ॥ 21 ॥
సువర్ణధారాస్తోత్రం యచ్ఛఙ్కరాచార్య నిర్మితమ్ ।
త్రిసన్ధ్యం యః పఠేన్నిత్యం స కుబేరసమో భవేత్ ॥
ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ కనకధారాస్తోత్రం సమ్పూర్ణమ్ ।
About This Stotram
Overview
The Kanakadhara Stotram is a 21-verse Sanskrit hymn dedicated to Goddess Lakshmi, composed by Adi Shankaracharya. The text is notable for the legend associated with its composition: Shankaracharya is said to have composed it to invoke Lakshmi's grace for a destitute Brahmin woman, resulting in a shower of golden amla fruits. "Kanakadhara" means "stream of gold." The hymn belongs to the Vaishnava devotional tradition and is one of the most widely recited Lakshmi stotrams.
What are the benefits of chanting Kanakadhara Stotram?
- Invokes the blessings of Goddess Lakshmi for wealth and prosperity
- Removes poverty and financial obstacles
- Fulfills sincere material and spiritual desires
- Purifies the mind and deepens devotion
When is the best time to recite this?
Recitation is recommended on Fridays, during Diwali, on auspicious occasions such as new business ventures or weddings, and during morning prayers. It is a standard practice to recite it daily for a fixed period when seeking Lakshmi's blessings.
What is the historical and traditional background?
Adi Shankaracharya (c. 788–820 CE), the Advaita Vedanta philosopher and saint, is the attributed author. The stotram is not extracted from any Vedic or Puranic scripture but is an independent composition. Its associated legend — in which compassion for a poor woman prompts the composition — is recounted in multiple hagiographies of Shankaracharya. The hymn uses imagery of Lakshmi seated on a lotus, adorned with gold, and surrounded by divine splendor, drawing on descriptions of the Goddess found in the Sri Suktam and Vishnu Purana. Its continued use across centuries attests to its established place in Lakshmi puja traditions throughout India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Sri Suktam — the foundational Vedic hymn to Goddess Lakshmi, which shares much of the imagery found in the Kanakadhara Stotram
- Kamala 1000 Names — a longer thousand-name compilation for Goddess Kamala (Lakshmi)