Kanakadhara Stotram
കനകധാരാ സ്തോത്രമ്
Kanakadhara Stotram
കനകധാരാ സ്തോത്രമ്
വന്ദേ വന്ദാരു മന്ദാരമിന്ദിരാനന്ദകന്ദലമ് ।
അമന്ദാനന്ദസന്ദോഹ ബന്ധുരം സിന്ധുരാനനമ് ॥
അങ്ഗം ഹരേഃ പുലകഭൂഷണമാശ്രയന്തീ
ഭൃങ്ഗാങ്ഗനേവ മുകുലാഭരണം തമാലമ് ।
അങ്ഗീകൃതാഖിലവിഭൂതിരപാങ്ഗലീലാ
മാങ്ഗല്യദാസ്തു മമ മങ്ഗലദേവതായാഃ ॥ 1 ॥
മുഗ്ധാ മുഹുര്വിദധതീ വദനേ മുരാരേഃ
പ്രേമത്രപാപ്രണിഹിതാനി ഗതാഗതാനി ।
മാലാ ദൃശോര്മധുകരീവ മഹോത്പലേ യാ
സാ മേ ശ്രിയം ദിശതു സാഗരസമ്ഭവായാഃ ॥ 2 ॥
ആമീലിതാക്ഷമധിഗമ്യ മുദാ മുകുന്ദമ്-
ആനന്ദകന്ദമനിമേഷമനങ്ഗതന്ത്രമ് ।
ആകേകരസ്ഥിതകനീനികപക്ഷ്മനേത്രം
ഭൂത്യൈ ഭവേന്മമ ഭുജങ്ഗശയാങ്ഗനായാഃ ॥ 3 ॥
ബാഹ്വന്തരേ മധുജിതഃ ശ്രിതകൌസ്തുഭേ യാ
ഹാരാവലീവ ഹരിനീലമയീ വിഭാതി ।
കാമപ്രദാ ഭഗവതോഽപി കടാക്ഷമാലാ
കല്യാണമാവഹതു മേ കമലാലയായാഃ ॥ 4 ॥
കാലാമ്ബുദാലിലലിതോരസി കൈടഭാരേഃ
ധാരാധരേ സ്ഫുരതി യാ തടിദങ്ഗനേവ ।
മാതുസ്സമസ്തജഗതാം മഹനീയമൂര്തിഃ
ഭദ്രാണി മേ ദിശതു ഭാര്ഗവനന്ദനായാഃ ॥ 5 ॥
പ്രാപ്തം പദം പ്രഥമതഃ ഖലു യത്പ്രഭാവാത്
മാങ്ഗല്യഭാജി മധുമാഥിനി മന്മഥേന ।
മയ്യാപതേത്തദിഹ മന്ഥരമീക്ഷണാര്ധം
മന്ദാലസം ച മകരാലയകന്യകായാഃ ॥ 6 ॥
വിശ്വാമരേന്ദ്രപദവിഭ്രമദാനദക്ഷം
ആനന്ദഹേതുരധികം മുരവിദ്വിഷോഽപി ।
ഈഷന്നിഷീദതു മയി ക്ഷണമീക്ഷണാര്ഥം
ഇന്ദീവരോദരസഹോദരമിന്ദിരായാഃ ॥ 7 ॥
ഇഷ്ടാ വിശിഷ്ടമതയോഽപി യയാ ദയാര്ദ്ര
ദൃഷ്ട്യാ ത്രിവിഷ്ടപപദം സുലഭം ലഭന്തേ ।
ദൃഷ്ടിഃ പ്രഹൃഷ്ട കമലോദരദീപ്തിരിഷ്ടാം
പുഷ്ടിം കൃഷീഷ്ട മമ പുഷ്കരവിഷ്ടരായാഃ ॥ 8 ॥
ദദ്യാദ്ദയാനുപവനോ ദ്രവിണാമ്ബുധാരാ-
മസ്മിന്ന കിഞ്ചന വിഹങ്ഗശിശൌ വിഷണ്ണേ ।
ദുഷ്കര്മഘര്മമപനീയ ചിരായ ദൂരം
നാരായണപ്രണയിനീനയനാമ്ബുവാഹഃ ॥ 9 ॥
ഗീര്ദേവതേതി ഗരുഡധ്വജസുന്ദരീതി
ശാകമ്ഭരീതി ശശിശേഖരവല്ലഭേതി ।
സൃഷ്ടിസ്ഥിതിപ്രലയകേലിഷു സംസ്ഥിതായൈ
തസ്യൈ നമസ്ത്രിഭുവനൈകഗുരോസ്തരുണ്യൈ ॥ 10 ॥
ശ്രുത്യൈ നമോഽസ്തു ശുഭകര്മഫലപ്രസൂത്യൈ
രത്യൈ നമോഽസ്തു രമണീയഗുണാര്ണവായൈ ।
ശക്ത്യൈ നമോഽസ്തു ശതപത്രനികേതനായൈ
പുഷ്ട്യൈ നമോഽസ്തു പുരുഷോത്തമവല്ലഭായൈ ॥ 11 ॥
നമോഽസ്തു നാലീകനിഭാനനായൈ
നമോഽസ്തു ദുഗ്ധോദധിജന്മഭൂമ്യൈ ।
നമോഽസ്തു സോമാമൃതസോദരായൈ
നമോഽസ്തു നാരായണവല്ലഭായൈ ॥ 12 ॥
നമോഽസ്തു ഹേമാമ്ബുജപീഠികായൈ
നമോഽസ്തു ഭൂമണ്ഡലനായികായൈ ।
നമോഽസ്തു ദേവാദിദയാപരായൈ
നമോഽസ്തു ശാര്ങ്ഗായുധവല്ലഭായൈ ॥ 13 ॥
നമോഽസ്തു ദേവ്യൈ ഭൃഗുനന്ദനായൈ
നമോഽസ്തു വിഷ്ണോരുരസിസ്ഥിതായൈ ।
നമോഽസ്തു ലക്ഷ്മ്യൈ കമലാലയായൈ
നമോഽസ്തു ദാമോദരവല്ലഭായൈ ॥ 14 ॥
നമോഽസ്തു കാന്ത്യൈ കമലേക്ഷണായൈ
നമോഽസ്തു ഭൂത്യൈ ഭുവനപ്രസൂത്യൈ ।
നമോഽസ്തു ദേവാദിഭിരര്ചിതായൈ
നമോഽസ്തു നന്ദാത്മജവല്ലഭായൈ ॥ 15 ॥
സമ്പത്കരാണി സകലേന്ദ്രിയനന്ദനാനി
സാമ്രാജ്യദാനവിഭവാനി സരോരുഹാക്ഷി ।
ത്വദ്വന്ദനാനി ദുരിതോദ്ധരണോദ്യതാനി
മാമേവ മാതരനിശം കലയന്തു മാന്യേ ॥ 16 ॥
യത്കടാക്ഷസമുപാസനാവിധിഃ
സേവകസ്യ സകലാര്ഥസമ്പദഃ ।
സന്തനോതി വചനാങ്ഗമാനസൈഃ
ത്വാം മുരാരിഹൃദയേശ്വരീം ഭജേ ॥ 17 ॥
സരസിജനിലയേ സരോജഹസ്തേ [സരസിജനയനെ]
ധവലതമാംശുകഗന്ധമാല്യശോഭേ ।
ഭഗവതി ഹരിവല്ലഭേ മനോജ്ഞേ
ത്രിഭുവനഭൂതികരി പ്രസീദ മഹ്യമ് ॥ 18 ॥
ദിഗ്ഘസ്തിഭിഃ കനകകുമ്ഭമുഖാവസൃഷ്ട
സ്വര്വാഹിനീ വിമലചാരുജലപ്ലുതാങ്ഗീമ് ।
പ്രാതര്നമാമി ജഗതാം ജനനീമശേഷ
ലോകാധിനാഥ-ഗൃഹിണീമ്-അമൃതാബ്ധിപുത്രീമ് ॥ 19 ॥
കമലേ കമലാക്ഷവല്ലഭേ ത്വം
കരുണാപൂരതരങ്ഗിതൈരപാങ്ഗൈഃ ।
അവലോകയ മാമകിഞ്ചനാനാം
പ്രഥമം പാത്രമകൃത്രിമം ദയായാഃ ॥ 20 ॥
സ്തുവന്തി യേ സ്തുതിഭിരമൂഭിരന്വഹം
ത്രയീമയീം ത്രിഭുവനമാതരം രമാമ് ।
ഗുണാധികാ ഗുരുതര-ഭാഗ്യ-ഭാഗിനോ [ഭാഗിനഹ്]
ഭവന്തി തേ ഭുവി ബുധഭാവിതാശയാഃ ॥ 21 ॥
സുവര്ണധാരാസ്തോത്രം യച്ഛങ്കരാചാര്യ നിര്മിതമ് ।
ത്രിസന്ധ്യം യഃ പഠേന്നിത്യം സ കുബേരസമോ ഭവേത് ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതൌ കനകധാരാസ്തോത്രം സമ്പൂര്ണമ് ।
About This Stotram
Overview
The Kanakadhara Stotram is a 21-verse Sanskrit hymn dedicated to Goddess Lakshmi, composed by Adi Shankaracharya. The text is notable for the legend associated with its composition: Shankaracharya is said to have composed it to invoke Lakshmi's grace for a destitute Brahmin woman, resulting in a shower of golden amla fruits. "Kanakadhara" means "stream of gold." The hymn belongs to the Vaishnava devotional tradition and is one of the most widely recited Lakshmi stotrams.
What are the benefits of chanting Kanakadhara Stotram?
- Invokes the blessings of Goddess Lakshmi for wealth and prosperity
- Removes poverty and financial obstacles
- Fulfills sincere material and spiritual desires
- Purifies the mind and deepens devotion
When is the best time to recite this?
Recitation is recommended on Fridays, during Diwali, on auspicious occasions such as new business ventures or weddings, and during morning prayers. It is a standard practice to recite it daily for a fixed period when seeking Lakshmi's blessings.
What is the historical and traditional background?
Adi Shankaracharya (c. 788–820 CE), the Advaita Vedanta philosopher and saint, is the attributed author. The stotram is not extracted from any Vedic or Puranic scripture but is an independent composition. Its associated legend — in which compassion for a poor woman prompts the composition — is recounted in multiple hagiographies of Shankaracharya. The hymn uses imagery of Lakshmi seated on a lotus, adorned with gold, and surrounded by divine splendor, drawing on descriptions of the Goddess found in the Sri Suktam and Vishnu Purana. Its continued use across centuries attests to its established place in Lakshmi puja traditions throughout India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Sri Suktam — the foundational Vedic hymn to Goddess Lakshmi, which shares much of the imagery found in the Kanakadhara Stotram
- Kamala 1000 Names — a longer thousand-name compilation for Goddess Kamala (Lakshmi)