Kanakadhara Stotram
কনকধারা স্তোত্রম্
Kanakadhara Stotram
কনকধারা স্তোত্রম্
বন্দে বন্দারু মন্দারমিন্দিরানন্দকন্দলম্ ।
অমন্দানন্দসন্দোহ বন্ধুরং সিন্ধুরাননম্ ॥
অঙ্গং হরেঃ পুলকভূষণমাশ্রযন্তী
ভৃঙ্গাঙ্গনেব মুকুলাভরণং তমালম্ ।
অঙ্গীকৃতাখিলবিভূতিরপাঙ্গলীলা
মাঙ্গল্যদাস্তু মম মঙ্গলদেবতাযাঃ ॥ 1 ॥
মুগ্ধা মুহুর্বিদধতী বদনে মুরারেঃ
প্রেমত্রপাপ্রণিহিতানি গতাগতানি ।
মালা দৃশোর্মধুকরীব মহোত্পলে যা
সা মে শ্রিযং দিশতু সাগরসম্ভবাযাঃ ॥ 2 ॥
আমীলিতাক্ষমধিগম্য মুদা মুকুন্দম্-
আনন্দকন্দমনিমেষমনঙ্গতন্ত্রম্ ।
আকেকরস্থিতকনীনিকপক্ষ্মনেত্রং
ভূত্যৈ ভবেন্মম ভুজঙ্গশযাঙ্গনাযাঃ ॥ 3 ॥
বাহ্বন্তরে মধুজিতঃ শ্রিতকৌস্তুভে যা
হারাবলীব হরিনীলমযী বিভাতি ।
কামপ্রদা ভগবতোঽপি কটাক্ষমালা
কল্যাণমাবহতু মে কমলালযাযাঃ ॥ 4 ॥
কালাম্বুদালিললিতোরসি কৈটভারেঃ
ধারাধরে স্ফুরতি যা তটিদঙ্গনেব ।
মাতুস্সমস্তজগতাং মহনীযমূর্তিঃ
ভদ্রাণি মে দিশতু ভার্গবনন্দনাযাঃ ॥ 5 ॥
প্রাপ্তং পদং প্রথমতঃ খলু যত্প্রভাবাত্
মাঙ্গল্যভাজি মধুমাথিনি মন্মথেন ।
ময্যাপতেত্তদিহ মন্থরমীক্ষণার্ধং
মন্দালসং চ মকরালযকন্যকাযাঃ ॥ 6 ॥
বিশ্বামরেন্দ্রপদবিভ্রমদানদক্ষং
আনন্দহেতুরধিকং মুরবিদ্বিষোঽপি ।
ঈষন্নিষীদতু মযি ক্ষণমীক্ষণার্থং
ইন্দীবরোদরসহোদরমিন্দিরাযাঃ ॥ 7 ॥
ইষ্টা বিশিষ্টমতযোঽপি যযা দযার্দ্র
দৃষ্ট্যা ত্রিবিষ্টপপদং সুলভং লভন্তে ।
দৃষ্টিঃ প্রহৃষ্ট কমলোদরদীপ্তিরিষ্টাং
পুষ্টিং কৃষীষ্ট মম পুষ্করবিষ্টরাযাঃ ॥ 8 ॥
দদ্যাদ্দযানুপবনো দ্রবিণাম্বুধারা-
মস্মিন্ন কিঞ্চন বিহঙ্গশিশৌ বিষণ্ণে ।
দুষ্কর্মঘর্মমপনীয চিরায দূরং
নারাযণপ্রণযিনীনযনাম্বুবাহঃ ॥ 9 ॥
গীর্দেবতেতি গরুডধ্বজসুন্দরীতি
শাকম্ভরীতি শশিশেখরবল্লভেতি ।
সৃষ্টিস্থিতিপ্রলযকেলিষু সংস্থিতাযৈ
তস্যৈ নমস্ত্রিভুবনৈকগুরোস্তরুণ্যৈ ॥ 10 ॥
শ্রুত্যৈ নমোঽস্তু শুভকর্মফলপ্রসূত্যৈ
রত্যৈ নমোঽস্তু রমণীযগুণার্ণবাযৈ ।
শক্ত্যৈ নমোঽস্তু শতপত্রনিকেতনাযৈ
পুষ্ট্যৈ নমোঽস্তু পুরুষোত্তমবল্লভাযৈ ॥ 11 ॥
নমোঽস্তু নালীকনিভাননাযৈ
নমোঽস্তু দুগ্ধোদধিজন্মভূম্যৈ ।
নমোঽস্তু সোমামৃতসোদরাযৈ
নমোঽস্তু নারাযণবল্লভাযৈ ॥ 12 ॥
নমোঽস্তু হেমাম্বুজপীঠিকাযৈ
নমোঽস্তু ভূমণ্ডলনাযিকাযৈ ।
নমোঽস্তু দেবাদিদযাপরাযৈ
নমোঽস্তু শার্ঙ্গাযুধবল্লভাযৈ ॥ 13 ॥
নমোঽস্তু দেব্যৈ ভৃগুনন্দনাযৈ
নমোঽস্তু বিষ্ণোরুরসিস্থিতাযৈ ।
নমোঽস্তু লক্ষ্ম্যৈ কমলালযাযৈ
নমোঽস্তু দামোদরবল্লভাযৈ ॥ 14 ॥
নমোঽস্তু কান্ত্যৈ কমলেক্ষণাযৈ
নমোঽস্তু ভূত্যৈ ভুবনপ্রসূত্যৈ ।
নমোঽস্তু দেবাদিভিরর্চিতাযৈ
নমোঽস্তু নন্দাত্মজবল্লভাযৈ ॥ 15 ॥
সম্পত্করাণি সকলেন্দ্রিযনন্দনানি
সাম্রাজ্যদানবিভবানি সরোরুহাক্ষি ।
ত্বদ্বন্দনানি দুরিতোদ্ধরণোদ্যতানি
মামেব মাতরনিশং কলযন্তু মান্যে ॥ 16 ॥
যত্কটাক্ষসমুপাসনাবিধিঃ
সেবকস্য সকলার্থসম্পদঃ ।
সন্তনোতি বচনাঙ্গমানসৈঃ
ত্বাং মুরারিহৃদযেশ্বরীং ভজে ॥ 17 ॥
সরসিজনিলযে সরোজহস্তে [সরসিজনযনॆ]
ধবলতমাংশুকগন্ধমাল্যশোভে ।
ভগবতি হরিবল্লভে মনোজ্ঞে
ত্রিভুবনভূতিকরি প্রসীদ মহ্যম্ ॥ 18 ॥
দিগ্ঘস্তিভিঃ কনককুম্ভমুখাবসৃষ্ট
স্বর্বাহিনী বিমলচারুজলপ্লুতাঙ্গীম্ ।
প্রাতর্নমামি জগতাং জননীমশেষ
লোকাধিনাথ-গৃহিণীম্-অমৃতাব্ধিপুত্রীম্ ॥ 19 ॥
কমলে কমলাক্ষবল্লভে ত্বং
করুণাপূরতরঙ্গিতৈরপাঙ্গৈঃ ।
অবলোকয মামকিঞ্চনানাং
প্রথমং পাত্রমকৃত্রিমং দযাযাঃ ॥ 20 ॥
স্তুবন্তি যে স্তুতিভিরমূভিরন্বহং
ত্রযীমযীং ত্রিভুবনমাতরং রমাম্ ।
গুণাধিকা গুরুতর-ভাগ্য-ভাগিনো [ভাগিনহ্]
ভবন্তি তে ভুবি বুধভাবিতাশযাঃ ॥ 21 ॥
সুবর্ণধারাস্তোত্রং যচ্ছঙ্করাচার্য নির্মিতম্ ।
ত্রিসন্ধ্যং যঃ পঠেন্নিত্যং স কুবেরসমো ভবেত্ ॥
ইতি শ্রীমত্পরমহংসপরিব্রাজকাচার্যস্য শ্রীগোবিন্দভগবত্পূজ্যপাদশিষ্যস্য শ্রীমচ্ছঙ্করভগবতঃ কৃতৌ কনকধারাস্তোত্রং সম্পূর্ণম্ ।
About This Stotram
Overview
The Kanakadhara Stotram is a 21-verse Sanskrit hymn dedicated to Goddess Lakshmi, composed by Adi Shankaracharya. The text is notable for the legend associated with its composition: Shankaracharya is said to have composed it to invoke Lakshmi's grace for a destitute Brahmin woman, resulting in a shower of golden amla fruits. "Kanakadhara" means "stream of gold." The hymn belongs to the Vaishnava devotional tradition and is one of the most widely recited Lakshmi stotrams.
What are the benefits of chanting Kanakadhara Stotram?
- Invokes the blessings of Goddess Lakshmi for wealth and prosperity
- Removes poverty and financial obstacles
- Fulfills sincere material and spiritual desires
- Purifies the mind and deepens devotion
When is the best time to recite this?
Recitation is recommended on Fridays, during Diwali, on auspicious occasions such as new business ventures or weddings, and during morning prayers. It is a standard practice to recite it daily for a fixed period when seeking Lakshmi's blessings.
What is the historical and traditional background?
Adi Shankaracharya (c. 788–820 CE), the Advaita Vedanta philosopher and saint, is the attributed author. The stotram is not extracted from any Vedic or Puranic scripture but is an independent composition. Its associated legend — in which compassion for a poor woman prompts the composition — is recounted in multiple hagiographies of Shankaracharya. The hymn uses imagery of Lakshmi seated on a lotus, adorned with gold, and surrounded by divine splendor, drawing on descriptions of the Goddess found in the Sri Suktam and Vishnu Purana. Its continued use across centuries attests to its established place in Lakshmi puja traditions throughout India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Sri Suktam — the foundational Vedic hymn to Goddess Lakshmi, which shares much of the imagery found in the Kanakadhara Stotram
- Kamala 1000 Names — a longer thousand-name compilation for Goddess Kamala (Lakshmi)