Kalabhairava Ashtakam

କାଲଭୈରଵାଷ୍ଟକମ୍

ଶ୍ଲୋକ 1

ଦେଵରାଜ-ସେଵ୍ଯମାନ-ପାଵନାଙ୍ଘ୍ରି-ପଙ୍କଜଂ

ଵ୍ଯାଲଯଜ୍ଞ-ସୂତ୍ରମିନ୍ଦୁ-ଶେଖରଂ କୃପାକରମ୍ ।

ନାରଦାଦି-ଯୋଗିବୃନ୍ଦ-ଵନ୍ଦିତଂ ଦିଗମ୍ବରଂ

କାଶିକାପୁରାଧିନାଥ କାଲଭୈରଵଂ ଭଜେ

ଶ୍ଲୋକ 2

ଭାନୁକୋଟି-ଭାସ୍ଵରଂ ଭଵବ୍ଧିତାରକଂ ପରଂ

ନୀଲକଣ୍ଠ-ମୀପ୍ସିତାର୍ଥ-ଦାଯକଂ ତ୍ରିଲୋଚନମ୍ ।

କାଲକାଲ-ମମ୍ବୁଜାକ୍ଷ-ମକ୍ଷଶୂଲ-ମକ୍ଷରଂ

କାଶିକାପୁରାଧିନାଥ କାଲଭୈରଵଂ ଭଜେ

॥ 1 ॥

ଶ୍ଲୋକ 3

ଶୂଲଟଙ୍କ-ପାଶଦଣ୍ଡ-ପାଣିମାଦି-କାରଣଂ

ଶ୍ଯାମକାଯ-ମାଦିଦେଵ-ମକ୍ଷରଂ ନିରାମଯମ୍ ।

ଭୀମଵିକ୍ରମଂ ପ୍ରଭୁଂ ଵିଚିତ୍ର ତାଣ୍ଡଵ ପ୍ରିଯଂ

କାଶିକାପୁରାଧିନାଥ କାଲଭୈରଵଂ ଭଜେ

॥ 2 ॥

ଶ୍ଲୋକ 4

ଭୁକ୍ତି-ମୁକ୍ତି-ଦାଯକଂ ପ୍ରଶସ୍ତଚାରୁ-ଵିଗ୍ରହଂ

ଭକ୍ତଵତ୍ସଲଂ ସ୍ଥିରଂ ସମସ୍ତଲୋକ-ଵିଗ୍ରହମ୍ । [ସ୍ଥିତଂ]

ନିକ୍ଵଣନ୍-ମନୋଜ୍ଞ-ହେମ-କିଙ୍କିଣୀ-ଲସତ୍କଟିଂ [ଵିନିକ୍ଵଣନ୍]

କାଶିକାପୁରାଧିନାଥ କାଲଭୈରଵଂ ଭଜେ

॥ 3 ॥

ଶ୍ଲୋକ 5

ଧର୍ମସେତୁ-ପାଲକଂ ତ୍ଵଧର୍ମମାର୍ଗ ନାଶକଂ [ନାଶନଂ]

କର୍ମପାଶ-ମୋଚକଂ ସୁଶର୍ମ-ଦାଯକଂ ଵିଭୁମ୍ ।

ସ୍ଵର୍ଣଵର୍ଣ-କେଶପାଶ-ଶୋଭିତାଙ୍ଗ-ମଣ୍ଡଲଂ [ଶॆଷପାଶ, ନିର୍ମଲଂ]

କାଶିକାପୁରାଧିନାଥ କାଲଭୈରଵଂ ଭଜେ

॥ 4 ॥

ଶ୍ଲୋକ 6

ରତ୍ନ-ପାଦୁକା-ପ୍ରଭାଭିରାମ-ପାଦଯୁଗ୍ମକଂ

ନିତ୍ଯ-ମଦ୍ଵିତୀଯ-ମିଷ୍ଟ-ଦୈଵତଂ ନିରଞ୍ଜନମ୍ ।

ମୃତ୍ଯୁଦର୍ପ-ନାଶନଂ କରାଲଦଂଷ୍ଟ୍ର-ମୋକ୍ଷଦଂ [ଭୂଷଣଂ]

କାଶିକାପୁରାଧିନାଥ କାଲଭୈରଵଂ ଭଜେ

॥ 5 ॥

ଶ୍ଲୋକ 7

ଅଟ୍ଟହାସ-ଭିନ୍ନ-ପଦ୍ମଜାଣ୍ଡକୋଶ-ସନ୍ତତିଂ

ଦୃଷ୍ଟିପାତ-ନଷ୍ଟପାପ-ଜାଲମୁଗ୍ର-ଶାସନମ୍ ।

ଅଷ୍ଟସିଦ୍ଧି-ଦାଯକଂ କପାଲମାଲିକା-ଧରଂ

କାଶିକାପୁରାଧିନାଥ କାଲଭୈରଵଂ ଭଜେ

॥ 6 ॥

ଶ୍ଲୋକ 8

ଭୂତସଙ୍ଘ-ନାଯକଂ ଵିଶାଲକୀର୍ତି-ଦାଯକଂ

କାଶିଵାସି-ଲୋକ-ପୁଣ୍ଯପାପ-ଶୋଧକଂ ଵିଭୁମ୍ । [କଶିଵାସ]

ନୀତିମାର୍ଗ-କୋଵିଦଂ ପୁରାତନଂ ଜଗତ୍ପତିଂ

କାଶିକାପୁରାଧିନାଥ କାଲଭୈରଵଂ ଭଜେ

॥ 7 ॥

ଶ୍ଲୋକ 9

କାଲଭୈରଵାଷ୍ଟକଂ ପଠନ୍ତି ଯେ ମନୋହରଂ

ଜ୍ଞାନମୁକ୍ତି-ସାଧକଂ ଵିଚିତ୍ର-ପୁଣ୍ଯ-ଵର୍ଧନମ୍ ।

ଶୋକମୋହ-ଲୋଭଦୈନ୍ଯ-କୋପତାପ-ନାଶନଂ [ଦୈନ୍ଯଲୋଭ]

ତେ ପ୍ରଯାନ୍ତି କାଲଭୈରଵାଙ୍ଘ୍ରି-ସନ୍ନିଧିଂ ଧ୍ରୁଵମ୍ ॥

ଇତି ଶ୍ରୀମତ୍ପରମହଂସପରିଵ୍ରାଜକାଚର୍ଯସ୍ଯ

ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ

ଶ୍ରୀମଚ୍ଛଙ୍କରଭଗଵତଃ କୃତୌ

ଶ୍ରୀ କାଲଭୈରଵାଷ୍ଟକଂ ସମ୍ପୂର୍ଣମ୍ ।