Kalabhairava Ashtakam

kAlabhairavAShTakam

shloka 1

devarAja-sevyamAna-pAvanANghri-paNkajaM

vyAlayaj~na-sUtramindu-shekharaM kRRipAkaram |

nAradAdi-yogibRRinda-vanditaM digambaraM

kAshikApurAdhinAtha kAlabhairavaM bhaje || 1 ||

bhAnukoTi-bhAsvaraM bhavabdhitArakaM paraM

nIlakaNTha-mIpsitArtha-dAyakaM trilochanam |

kAlakAla-mambujAkSha-makShashUla-makSharaM

kAshikApurAdhinAtha kAlabhairavaM bhaje || 2 ||

shUlaTa~Nka-pAshadaNDa-pANimAdi-kAraNaM

shyAmakAya-mAdideva-makSharaM nirAmayam |

bhImavikramaM prabhuM vichitra tANDava priyaM

kAshikApurAdhinAtha kAlabhairavaM bhaje || 3 ||

bhukti-mukti-dAyakaM prashastachAru-vigrahaM

bhaktavatsalaM sthiraM samastaloka-vigraham | [sthitaM]

nikvaNan-manojna-hema-kiNkiNI-lasatkaTiM [vinikvaNan]

kAshikApurAdhinAtha kAlabhairavaM bhaje || 4 ||

dharmasetu-pAlakaM tvadharmamArga nAshakaM [nAshanaM]

karmapAsha-mochakaM susharma-dAyakaM vibhum |

svarNavarNa-keshapAsha-shobhitA~Nga-maNDalaM [shèShapAsha, nirmalaM]

kAshikApurAdhinAtha kAlabhairavaM bhaje || 5 ||

ratna-pAdukA-prabhAbhirAma-pAdayugmakaM

nitya-madvitIya-miShTa-daivataM nira~njanam |

mRRityudarpa-nAshanaM karAladaMShTra-mokShadaM [bhUShaNaM]

kAshikApurAdhinAtha kAlabhairavaM bhaje || 6 ||

aTTahAsa-bhinna-padmajANDakosha-santatiM

dRRiShTipAta-naShTapApa-jAlamugra-shAsanam |

aShTasiddhi-dAyakaM kapAlamAlikA-dharaM

kAshikApurAdhinAtha kAlabhairavaM bhaje || 7 ||

bhUtasa~Ngha-nAyakaM vishAlakIrti-dAyakaM

kAshivAsi-loka-puNyapApa-shodhakaM vibhum | [kashivAsa]

nItimArga-kovidaM purAtanaM jagatpatiM

kAshikApurAdhinAtha kAlabhairavaM bhaje || 8 ||

kAlabhairavAShTakaM paThanti ye manoharaM

j~nAnamukti-sAdhakaM vichitra-puNya-vardhanam |

shokamoha-lobhadainya-kopatApa-nAshanaM [dainyalobha]

te prayAnti kAlabhairavA~Nghri-sannidhiM dhruvam ||

iti shrImatparamahaMsaparivrAjakAcharyasya

shrIgovindabhagavatpUjyapAdashiShyasya

shrImachCha~NkarabhagavataH kRRitau

shrI kAlabhairavAShTakaM sampUrNam |