Kalabhairava Ashtakam

kAlabhairavASTakam

zloka 1

devarAja-sevyamAna-pAvanAGghri-paGkajaM

vyAlayajJa-sUtramindu-zekharaM kRpAkaram |

nAradAdi-yogibRnda-vanditaM digambaraM

kAzikApurAdhinAtha kAlabhairavaM bhaje || 1 ||

bhAnukoTi-bhAsvaraM bhavabdhitArakaM paraM

nIlakaNTha-mIpsitArtha-dAyakaM trilocanam |

kAlakAla-mambujAkSa-makSazUla-makSaraM

kAzikApurAdhinAtha kAlabhairavaM bhaje || 2 ||

zUlaTaGka-pAzadaNDa-pANimAdi-kAraNaM

zyAmakAya-mAdideva-makSaraM nirAmayam |

bhImavikramaM prabhuM vicitra tANDava priyaM

kAzikApurAdhinAtha kAlabhairavaM bhaje || 3 ||

bhukti-mukti-dAyakaM prazastacAru-vigrahaM

bhaktavatsalaM sthiraM samastaloka-vigraham | [sthitaM]

nikvaNan-manojJa-hema-kiGkiNI-lasatkaTiM [vinikvaNan]

kAzikApurAdhinAtha kAlabhairavaM bhaje || 4 ||

dharmasetu-pAlakaM tvadharmamArga nAzakaM [nAzanaM]

karmapAza-mocakaM suzarma-dAyakaM vibhum |

svarNavarNa-kezapAza-zobhitAGga-maNDalaM [zèSapAza, nirmalaM]

kAzikApurAdhinAtha kAlabhairavaM bhaje || 5 ||

ratna-pAdukA-prabhAbhirAma-pAdayugmakaM

nitya-madvitIya-miSTa-daivataM niraJjanam |

mRtyudarpa-nAzanaM karAladaMSTra-mokSadaM [bhUSaNaM]

kAzikApurAdhinAtha kAlabhairavaM bhaje || 6 ||

aTTahAsa-bhinna-padmajANDakoza-santatiM

dRSTipAta-naSTapApa-jAlamugra-zAsanam |

aSTasiddhi-dAyakaM kapAlamAlikA-dharaM

kAzikApurAdhinAtha kAlabhairavaM bhaje || 7 ||

bhUtasaGgha-nAyakaM vizAlakIrti-dAyakaM

kAzivAsi-loka-puNyapApa-zodhakaM vibhum | [kazivAsa]

nItimArga-kovidaM purAtanaM jagatpatiM

kAzikApurAdhinAtha kAlabhairavaM bhaje || 8 ||

kAlabhairavASTakaM paThanti ye manoharaM

jJAnamukti-sAdhakaM vicitra-puNya-vardhanam |

zokamoha-lobhadainya-kopatApa-nAzanaM [dainyalobha]

te prayAnti kAlabhairavAGghri-sannidhiM dhruvam ||

iti zrImatparamahaMsaparivrAjakAcaryasya

zrIgovindabhagavatpUjyapAdaziSyasya

zrImacchaGkarabhagavataH kRtau

zrI kAlabhairavASTakaM sampUrNam |