Jagannatha Ashtakam

ଜଗନ୍ନାଥାଷ୍ଟକମ୍

ଶ୍ଲୋକ 1

କଦାଚିତ୍-କାଲିନ୍ଦୀ ତଟଵିପିନ ସଙ୍ଗୀତକରଵୋ

ମୁଦାଭୀରୀ ନାରୀଵଦନ କମଲାସ୍ଵାଦମଧୁପଃ ।

ରମା ଶମ୍ଭୁ ବ୍ରହ୍ମାମରପତି ଗଣେଶାର୍ଚିତ ପଦୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

ଶ୍ଲୋକ 2

ଭୁଜେ ସଵ୍ଯେ ଵେଣୁଂ ଶିରସି ଶିଖିପିଞ୍ଛଂ କଟିତଟେ

ଦୁକୂଲଂ ନେତ୍ରାନ୍ତେ ସହଚରକଟାକ୍ଷଂ ଵିଦଧତେ ।

ସଦା ଶ୍ରୀମଦ୍ଵୃନ୍ଦାଵନଵସତିଲୀଲାପରିଚଯୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 1 ॥

ଶ୍ଲୋକ 3

ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ

ଵସନ୍ ପ୍ରାସାଦାନ୍ତସ୍ସହଜ ବଲଭଦ୍ରେଣ ବଲିନା ।

ସୁଭଦ୍ରା ମଧ୍ଯସ୍ଥସ୍ସକଲସୁର ସେଵାଵସରଦୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 2 ॥

ଶ୍ଲୋକ 4

କୃପା ପାରାଵାରାସ୍ସଜଲ ଜଲଦ ଶ୍ରେଣିରୁଚିରୋ

ରମାଵାଣୀ ରାମସ୍ଫୁରଦମଲ ପଙ୍କॆରୁହମୁଖଃ ।

ସୁରେନ୍ଦ୍ରୈରାରାଧ୍ଯଃ ଶ୍ରୁତିଗଣଶିଖା ଗୀତ ଚରିତୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 3 ॥

ଶ୍ଲୋକ 5

ରଥାରୂଢୋ ଗଚ୍ଛନ୍ ପଥି ମିଲିତ ଭୂଦେଵପଟଲୈଃ

ସ୍ତୁତି ପ୍ରାଦୁର୍ଭାଵଂ ପ୍ରତିପଦମୁପାକର୍ଣ୍ଯ ସଦଯଃ ।

ଦଯାସିନ୍ଧୁର୍ବନ୍ଧୁସ୍ସକଲ ଜଗତା ସିନ୍ଧୁସୁତଯା

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 4 ॥

ଶ୍ଲୋକ 6

ପରବ୍ରହ୍ମାପୀଡଃ କୁଵଲଯ-ଦଲୋତ୍ଫୁଲ୍ଲନଯନୋ

ନିଵାସୀ ନୀଲାଦ୍ରୌ ନିହିତ-ଚରଣୋଽନନ୍ତ-ଶିରସି ।

ରସାନନ୍ଦୋ ରାଧା-ସରସ-ଵପୁରାଲିଙ୍ଗନ-ସଖୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 5 ॥

ଶ୍ଲୋକ 7

ନ ଵୈ ଯାଚେ ରାଜ୍ଯଂ ନ ଚ କନକ ମାଣିକ୍ଯ ଵିଭଵଂ

ନ ଯାଚେଽହଂ ରମ୍ଯାଂ ନିଖିଲଜନ-କାମ୍ଯାଂ ଵରଵଧୂମ୍ ।

ସଦା କାଲେ କାଲେ ପ୍ରମଥ-ପତିନା ଗୀତଚରିତୋ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 6 ॥

ଶ୍ଲୋକ 8

ହର ତ୍ଵଂ ସଂସାରଂ ଦ୍ରୁତତରମସାରଂ ସୁରପତେ

ହର ତ୍ଵଂ ପାପାନାଂ ଵିତତିମପରାଂ ଯାଦଵପତେ ।

ଅହୋ ଦୀନୋଽନାଥେ ନିହିତଚରଣୋ ନିଶ୍ଚିତମିଦଂ

ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ

॥ 7 ॥

ଶ୍ଲୋକ 9

ଜଗନ୍ନାଥାଷ୍ଟକଂ ପୁଣ୍ଯଂ ଯଃ ପଠେତ୍ ପ୍ରଯତଃ ଶୁଚିଃ ।

ସର୍ଵପାପ ଵିଶୁଦ୍ଧାତ୍ମା ଵିଷ୍ଣୁଲୋକଂ ସ ଗଚ୍ଛତି ॥

ଇତି ଶ୍ରୀମଦ୍ ଶଙ୍କରାଚାର୍ଯଵିରଚିତଂ ଜଗନ୍ନାଥାଷ୍ଟକଂ ସମ୍ପୂର୍ଣଂ॥