Jagannatha Ashtakam

jagannAthAShTakam

shloka 1

kadAchit-kAlindI taTavipina sa~NgItakaravo

mudAbhIrI nArIvadana kamalAsvAdamadhupaH |

ramA shambhu brahmAmarapati gaNeshArchita pado

jagannAthaH svAmI nayanapathagAmI bhavatu me || 1 ||

bhuje savye veNuM shirasi shikhipi~nChaM kaTitaTe

dukUlaM netrAnte sahacharakaTAkShaM vidadhate |

sadA shrImadvRRindAvanavasatilIlAparichayo

jagannAthaH svAmI nayanapathagAmI bhavatu me || 2 ||

mahAmbhodhestIre kanakaruchire nIlashikhare

vasan prAsAdAntassahaja balabhadreNa balinA |

subhadrA madhyasthassakalasura sevAvasarado

jagannAthaH svAmI nayanapathagAmI bhavatu me || 3 ||

kRRipA pArAvArAssajala jalada shreNiruchiro

ramAvANI rAmasphuradamala pa~NkèruhamukhaH |

surendrairArAdhyaH shrutigaNashikhA gIta charito

jagannAthaH svAmI nayanapathagAmI bhavatu me || 4 ||

rathArUDho gachChan pathi milita bhUdevapaTalaiH

stuti prAdurbhAvaM pratipadamupAkarNya sadayaH |

dayAsindhurbandhussakala jagatA sindhusutayA

jagannAthaH svAmI nayanapathagAmI bhavatu me || 5 ||

parabrahmApIDaH kuvalaya-dalotphullanayano

nivAsI nIlAdrau nihita-charaNo.ananta-shirasi |

rasAnando rAdhA-sarasa-vapurAli~Ngana-sakho

jagannAthaH svAmI nayanapathagAmI bhavatu me || 6 ||

na vai yAche rAjyaM na cha kanaka mANikya vibhavaM

na yAche.ahaM ramyAM nikhilajana-kAmyAM varavadhUm |

sadA kAle kAle pramatha-patinA gItacharito

jagannAthaH svAmI nayanapathagAmI bhavatu me || 7 ||

hara tvaM saMsAraM drutataramasAraM surapate

hara tvaM pApAnAM vitatimaparAM yAdavapate |

aho dIno.anAthe nihitacharaNo nishchitamidaM

jagannAthaH svAmI nayanapathagAmI bhavatu me || 8 ||

jagannAthAShTakaM puNyaM yaH paThet prayataH shuchiH |

sarvapApa vishuddhAtmA viShNulokaM sa gachChati ||

iti shrImad sha~NkarAchAryavirachitaM jagannAthAShTakaM sampUrNaM||