જગન્નાથાષ્ટકમ્

જગન્નાથાષ્ટકમ્

શ્લોક 1

કદાચિત્-કાલિન્દી તટવિપિન સઙ્ગીતકરવો

મુદાભીરી નારીવદન કમલાસ્વાદમધુપઃ ।

રમા શમ્ભુ બ્રહ્મામરપતિ ગણેશાર્ચિત પદો

જગન્નાથઃ સ્વામી નયનપથગામી ભવતુ મે

શ્લોક 2

ભુજે સવ્યે વેણું શિરસિ શિખિપિઞ્છં કટિતટે

દુકૂલં નેત્રાન્તે સહચરકટાક્ષં વિદધતે ।

સદા શ્રીમદ્વૃન્દાવનવસતિલીલાપરિચયો

જગન્નાથઃ સ્વામી નયનપથગામી ભવતુ મે

॥ 1 ॥

શ્લોક 3

મહામ્ભોધેસ્તીરે કનકરુચિરે નીલશિખરે

વસન્ પ્રાસાદાન્તસ્સહજ બલભદ્રેણ બલિના ।

સુભદ્રા મધ્યસ્થસ્સકલસુર સેવાવસરદો

જગન્નાથઃ સ્વામી નયનપથગામી ભવતુ મે

॥ 2 ॥

શ્લોક 4

કૃપા પારાવારાસ્સજલ જલદ શ્રેણિરુચિરો

રમાવાણી રામસ્ફુરદમલ પઙ્કॆરુહમુખઃ ।

સુરેન્દ્રૈરારાધ્યઃ શ્રુતિગણશિખા ગીત ચરિતો

જગન્નાથઃ સ્વામી નયનપથગામી ભવતુ મે

॥ 3 ॥

શ્લોક 5

રથારૂઢો ગચ્છન્ પથિ મિલિત ભૂદેવપટલૈઃ

સ્તુતિ પ્રાદુર્ભાવં પ્રતિપદમુપાકર્ણ્ય સદયઃ ।

દયાસિન્ધુર્બન્ધુસ્સકલ જગતા સિન્ધુસુતયા

જગન્નાથઃ સ્વામી નયનપથગામી ભવતુ મે

॥ 4 ॥

શ્લોક 6

પરબ્રહ્માપીડઃ કુવલય-દલોત્ફુલ્લનયનો

નિવાસી નીલાદ્રૌ નિહિત-ચરણોઽનન્ત-શિરસિ ।

રસાનન્દો રાધા-સરસ-વપુરાલિઙ્ગન-સખો

જગન્નાથઃ સ્વામી નયનપથગામી ભવતુ મે

॥ 5 ॥

શ્લોક 7

ન વૈ યાચે રાજ્યં ન ચ કનક માણિક્ય વિભવં

ન યાચેઽહં રમ્યાં નિખિલજન-કામ્યાં વરવધૂમ્ ।

સદા કાલે કાલે પ્રમથ-પતિના ગીતચરિતો

જગન્નાથઃ સ્વામી નયનપથગામી ભવતુ મે

॥ 6 ॥

શ્લોક 8

હર ત્વં સંસારં દ્રુતતરમસારં સુરપતે

હર ત્વં પાપાનાં વિતતિમપરાં યાદવપતે ।

અહો દીનોઽનાથે નિહિતચરણો નિશ્ચિતમિદં

જગન્નાથઃ સ્વામી નયનપથગામી ભવતુ મે

॥ 7 ॥

શ્લોક 9

જગન્નાથાષ્ટકં પુણ્યં યઃ પઠેત્ પ્રયતઃ શુચિઃ ।

સર્વપાપ વિશુદ્ધાત્મા વિષ્ણુલોકં સ ગચ્છતિ ॥

ઇતિ શ્રીમદ્ શઙ્કરાચાર્યવિરચિતં જગન્નાથાષ્ટકં સમ્પૂર્ણં॥