Indrakshi Stotram
Indrakshi Stotram
Indrakshi Stotram
indrAkShI stotram
shloka 1
nArada uvAcha |
indrAkShIstotramAkhyAhi nArAyaNa guNArNava |
pArvatyai shivasamproktaM paraM kautUhalaM hi me ||
nArAyaNa uvAcha |
indrAkShI stotra mantrasya mAhAtmyaM kena vochyate |
indreNAdau kRRitaM stotraM sarvApadvinivAraNam ||
tadevAhaM bravImyadya pRRichChatastava nArada |
asya shrI indrAkShIstotramahAmantrasya, shachIpurandara RRiShiH, anuShTupChandaH, indrAkShI durgA devatA, lakShmIrbIjaM, bhuvaneshvarI shaktiH, bhavAnI kIlakaM, mama indrAkShI prasAda siddhyarthe jape viniyogaH |
karanyAsaH
indrAkShyai a~NguShThAbhyAM namaH |
mahAlakShmyai tarjanIbhyAM namaH |
maheshvaryai madhyamAbhyAM namaH |
ambujAkShyai anAmikAbhyAM namaH |
kAtyAyanyai kaniShThikAbhyAM namaH |
kaumAryai karatalakarapRRiShThAbhyAM namaH |
a~NganyAsaH
indrAkShyai hRRidayAya namaH |
mahAlakShmyai shirase svAhA |
maheshvaryai shikhAyai vaShaT |
ambujAkShyai kavachAya hum |
kAtyAyanyai netratrayAya vauShaT |
kaumAryai astrAya phaT |
bhUrbhuvassuvaromiti digbandhaH ||
dhyAnam
netrANAM dashabhishshataiH parivRRitAmatyugracharmAmbarAm |
hemAbhAM mahatIM vilambitashikhAmAmuktakeshAnvitAm ||
ghaNTAmaNDitapAdapadmayugalAM nAgendrakumbhastanIm |
indrAkShIM parichintayAmi manasA kalpoktasiddhipradAm || 1 ||
indrAkShIM dvibhujAM devIM pItavastradvayAnvitAm |
vAmahaste vajradharAM dakShiNena varapradAm ||
indrAkShIM sahayuvatIM nAnAla~NkArabhUShitAm |
prasannavadanAmbhojAmapsarogaNasevitAm || 2 ||
dvibhujAM saumyavadAnAM pAshA~NkushadharAM parAm |
trailokyamohinIM devIM indrAkShI nAma kIrtitAm || 3 ||
pItAmbarAM vajradharaikahastAM
nAnAvidhAla~NkaraNAM prasannAm |
tvAmapsarassevitapAdapadmAM
indrAkShIM vande shivadharmapatnIm || 4 ||
pa~nchapUjA
laM pRRithivyAtmikAyai gandhaM samarpayAmi |
haM AkAshAtmikAyai puShpaiH pUjayAmi |
yaM vAyvAtmikAyai dhUpamAghrApayAmi |
raM agnyAtmikAyai dIpaM darshayAmi |
vaM amRRitAtmikAyai amRRitaM mahAnaivedyaM nivedayAmi |
saM sarvAtmikAyai sarvopachArapUjAM samarpayAmi ||
digdevatA rakSha
indra uvAcha |
indrAkShI pUrvataH pAtu pAtvAgneyyAM tatheshvarI |
kaumArI dakShiNe pAtu nairRRityAM pAtu pArvatI || 1 ||
vArAhI pashchime pAtu vAyavye nArasiMhyapi |
udIchyAM kAlarAtrI mAM aishAnyAM sarvashaktayaH || 2 ||
bhairavyordhvaM sadA pAtu pAtvadho vaiShNavI tathA |
evaM dashadisho rakShetsarvadA bhuvaneshvarI || 3 ||
OM hrIM shrIM indrAkShyai namaH |
stotraM
indrAkShI nAma sA devI devataissamudAhRRitA |
gaurI shAkambharI devI durgAnAmnIti vishrutA || 1 ||
nityAnandI nirAhArI niShkalAyai namo.astu te |
kAtyAyanI mahAdevI chandraghaNTA mahAtapAH || 2 ||
sAvitrI sA cha gAyatrI brahmANI brahmavAdinI |
nArAyaNI bhadrakAlI rudrANI kRRiShNapi~NgalA || 3 ||
agnijvAlA raudramukhI kAlarAtrI tapasvinI |
meghasvanA sahasrAkShI vikaTANgI (vikArANgI) jaDodarI || 4 ||
mahodarI muktakeshI ghorarUpA mahAbalA |
ajitA bhadradA.anantA rogahantrI shivapriyA || 5 ||
shivadUtI karAlI cha pratyakShaparameshvarI |
indrANI indrarUpA cha indrashaktiHparAyaNI || 6 ||
sadA sammohinI devI sundarI bhuvaneshvarI |
ekAkSharI parA brAhmI sthUlasUkShmapravardhanI || 7 ||
rakShAkarI raktadantA raktamAlyAmbarA parA |
mahiShAsurasaMhartrI chAmuNDA saptamAtRRikA || 8 ||
vArAhI nArasiMhI cha bhImA bhairavavAdinI |
shrutissmRRitirdhRRitirmedhA vidyAlakShmIssarasvatI || 9 ||
anantA vijayA.aparNA mAnasoktAparAjitA |
bhavAnI pArvatI durgA haimavatyambikA shivA || 10 ||
shivA bhavAnI rudrANI sha~NkarArdhasharIriNI |
airAvatagajArUDhA vajrahastA varapradA || 11 ||
dhUrjaTI vikaTI ghorI hyaShTA~NgI narabhojinI |
bhrAmarI kA~nchi kAmAkShI kvaNanmANikyanUpurA || 12 ||
hrINkArI raudrabhetAlI hruNkAryamRRitapANinI |
tripAdbhasmapraharaNA trishirA raktalochanA || 13 ||
nityA sakalakalyANI sarvaishvaryapradAyinI |
dAkShAyaNI padmahastA bhAratI sarvama~NgalA || 14 ||
kalyANI jananI durgA sarvaduHkhavinAshinI |
indrAkShI sarvabhUteshI sarvarUpA manonmanI || 15 ||
mahiShamastakanRRityavinodana-
sphuTaraNanmaNinUpurapAdukA |
jananarakShaNamokShavidhAyinI
jayatu shumbhanishumbhaniShUdinI || 16 ||
shivA cha shivarUpA cha shivashaktiparAyaNI |
mRRityu~njayI mahAmAyI sarvaroganivAriNI || 17 ||
aindrIdevI sadAkAlaM shAntimAshukarotu me |
IshvarArdhA~NganilayA indubimbanibhAnanA || 18 ||
sarvorogaprashamanI sarvamRRityunivAriNI |
apavargapradA ramyA AyurArogyadAyinI || 19 ||
indrAdidevasaMstutyA ihAmutraphalapradA |
ichChAshaktisvarUpA cha ibhavaktrAdvijanmabhUH || 20 ||
bhasmAyudhAya vidmahe raktanetrAya dhImahi tanno jvaraharaH prachodayAt || 21 ||
mantraH
OM aiM hrIM shrIM klIM klUM indrAkShyai namaH || 22 ||
OM namo bhagavatI indrAkShI sarvajanasammohinI kAlarAtrI nArasiMhI sarvashatrusaMhAriNI anale abhaye ajite aparAjite mahAsiMhavAhinI mahiShAsuramardinI hana hana mardaya mardaya mAraya mAraya shoShaya shoShaya dAhaya dAhaya mahAgrahAn saMhara saMhara yakShagraha rAkShasagraha skandagraha vinAyakagraha bAlagraha kumAragraha choragraha bhUtagraha pretagraha pishAchagraha kUShmANDagrahAdIn mardaya mardaya nigraha nigraha dhUmabhUtAnsantrAvaya santrAvaya bhUtajvara pretajvara pishAchajvara uShNajvara pittajvara vAtajvara shleShmajvara kaphajvara AlApajvara sannipAtajvara mAhendrajvara kRRitrimajvara kRRityAdijvara ekAhikajvara dvayAhikajvara trayAhikajvara chAturthikajvara panchAhikajvara pakShajvara mAsajvara ShaNmAsajvara saMvatsarajvara jvarAlApajvara sarvajvara sarvANgajvarAn nAshaya nAshaya hara hara hana hana daha daha pacha pacha tADaya tADaya AkarShaya AkarShaya vidveShaya vidveShaya stambhaya stambhaya mohaya mohaya uchchATaya uchchATaya huM phaT svAhA || 23 ||
OM hrIM OM namo bhagavatI trailokyalakShmI sarvajanavashaNkarI sarvaduShTagrahastambhinI kaNkAlI kAmarUpiNI kAlarUpiNI ghorarUpiNI paramantraparayantra prabhedinI pratibhaTavidhvaMsinI parabalaturagavimardinI shatrukarachChedinI shatrumAMsabhakShiNI sakaladuShTajvaranivAriNI bhUta preta pishAcha brahmarAkShasa yakSha yamadUta shAkinI DAkinI kAminI stambhinI mohinI vasha~NkarI kukShiroga shiroroga netraroga kShayApasmAra kuShThAdi mahAroganivAriNI mama sarvarogaM nAshaya nAshaya hrAM hrIM hrUM hraiM hrauM hraH huM phaT svAhA || 24 ||
OM namo bhagavatI mAheshvarI mahAchintAmaNI durge sakalasiddheshvarI sakalajanamanohAriNI kAlakAlarAtrI mahAghorarUpe pratihatavishvarUpiNI madhusUdanI mahAviShNusvarUpiNI shirashshUla kaTishUla aNgashUla pArshvashUla netrashUla karNashUla pakShashUla pANDuroga kAmArAdIn saMhara saMhara nAshaya nAshaya vaiShNavI brahmAstreNa viShNuchakreNa rudrashUlena yamadaNDena varuNapAshena vAsavavajreNa sarvAnarIM bhanjaya bha~njaya rAjayakShma kShayaroga tApajvaranivAriNI mama sarvajvaraM nAshaya nAshaya ya ra la va sha Sha sa ha sarvagrahAn tApaya tApaya saMhara saMhara Chedaya Chedaya uchchATaya uchchATaya hrAM hrIM hrUM phaT svAhA || 25 ||
uttaranyAsaH
karanyAsaH
indrAkShyai a~NguShThAbhyAM namaH |
mahAlakShmyai tarjanIbhyAM namaH |
maheshvaryai madhyamAbhyAM namaH |
ambujAkShyai anAmikAbhyAM namaH |
kAtyAyanyai kaniShThikAbhyAM namaH |
kaumAryai karatalakarapRRiShThAbhyAM namaH |
a~NganyAsaH
indrAkShyai hRRidayAya namaH |
mahAlakShmyai shirase svAhA |
maheshvaryai shikhAyai vaShaT |
ambujAkShyai kavachAya hum |
kAtyAyanyai netratrayAya vauShaT |
kaumAryai astrAya phaT |
bhUrbhuvassuvaromiti digvimokaH ||
samarpaNaM
guhyAdi guhya goptrI tvaM gRRihANAsmatkRRitaM japam |
siddhirbhavatu me devI tvatprasAdAnmayi sthirAn || 26
phalashrutiH
nArAyaNa uvAcha |
etairnAmashatairdivyaiH stutA shakreNa dhImatA |
AyurArogyamaishvaryaM apamRRityubhayApaham || 27 ||
kShayApasmArakuShThAdi tApajvaranivAraNam |
choravyAghrabhayaM tatra shItajvaranivAraNam || 28 ||
mAheshvaramahAmArI sarvajvaranivAraNam |
shItapaittakavAtAdi sarvaroganivAraNam || 29 ||
sannijvaranivAraNaM sarvajvaranivAraNam |
sarvaroganivAraNaM sarvama~Ngalavardhanam || 30 ||
shatamAvartayedyastu muchyate vyAdhibandhanAt |
AvartayansahasrAttu labhate vA~nChitaM phalam || 31 ||
etat stotraM mahApuNyaM japedAyuShyavardhanam |
vinAshAya cha rogANAmapamRRityuharAya cha || 32 ||
dvijairnityamidaM japyaM bhAgyArogyAbhIpsubhiH |
nAbhimAtrajalesthitvA sahasraparisa~NkhyayA || 33 ||
japetstotramimaM mantraM vAchAM siddhirbhavettataH |
anenavidhinA bhaktyA mantrasiddhishcha jAyate || 34 ||
santuShTA cha bhaveddevI pratyakShA samprajAyate |
sAyaM shataM paThennityaM ShaNmAsAtsiddhiruchyate || 35 ||
choravyAdhibhayasthAne manasAhyanuchintayan |
saMvatsaramupAshritya sarvakAmArthasiddhaye || 36 ||
rAjAnaM vashyamApnoti ShaNmAsAnnAtra saMshayaH |
aShTadorbhissamAyukte nAnAyuddhavishArade || 37 ||
bhUtapretapishAchebhyo rogArAtimukhairapi |
nAgebhyaH viShayantrebhyaH AbhichArairmaheshvarI || 38 ||
rakSha mAM rakSha mAM nityaM pratyahaM pUjitA mayA |
sarvamaNgalamANgalye shive sarvArthasAdhike |
sharaNye tryambake devI nArAyaNI namo.astu te || 39 ||
varaM pradAdmahendrAya devarAjyaM cha shAshvatam |
indrastotramidaM puNyaM mahadaishvaryakAraNam || 40 ||
iti indrAkShI stotram |