Indrakshi Stotram
Indrakshi Stotram
indrAkSI stotram
nArada uvAca |
indrAkSIstotramAkhyAhi nArAyaNa guNArNava |
pArvatyai zivasamproktaM paraM kautUhalaM hi me ||
nArAyaNa uvAca |
indrAkSI stotra mantrasya mAhAtmyaM kena vocyate |
indreNAdau kRtaM stotraM sarvApadvinivAraNam ||
tadevAhaM bravImyadya pRcchatastava nArada |
asya zrI indrAkSIstotramahAmantrasya, zacIpurandara RSiH, anuSTupchandaH, indrAkSI durgA devatA, lakSmIrbIjaM, bhuvanezvarI zaktiH, bhavAnI kIlakaM, mama indrAkSI prasAda siddhyarthe jape viniyogaH |
karanyAsaH
indrAkSyai aGguSThAbhyAM namaH |
mahAlakSmyai tarjanIbhyAM namaH |
mahezvaryai madhyamAbhyAM namaH |
ambujAkSyai anAmikAbhyAM namaH |
kAtyAyanyai kaniSThikAbhyAM namaH |
kaumAryai karatalakarapRSThAbhyAM namaH |
aGganyAsaH
indrAkSyai hRdayAya namaH |
mahAlakSmyai zirase svAhA |
mahezvaryai zikhAyai vaSaT |
ambujAkSyai kavacAya hum |
kAtyAyanyai netratrayAya vauSaT |
kaumAryai astrAya phaT |
bhUrbhuvassuvaromiti digbandhaH ||
dhyAnam
netrANAM dazabhizzataiH parivRtAmatyugracarmAmbarAm |
hemAbhAM mahatIM vilambitazikhAmAmuktakezAnvitAm ||
ghaNTAmaNDitapAdapadmayugalAM nAgendrakumbhastanIm |
indrAkSIM paricintayAmi manasA kalpoktasiddhipradAm || 1 ||
indrAkSIM dvibhujAM devIM pItavastradvayAnvitAm |
vAmahaste vajradharAM dakSiNena varapradAm ||
indrAkSIM sahayuvatIM nAnAlaGkArabhUSitAm |
prasannavadanAmbhojAmapsarogaNasevitAm || 2 ||
dvibhujAM saumyavadAnAM pAzAGkuzadharAM parAm |
trailokyamohinIM devIM indrAkSI nAma kIrtitAm || 3 ||
pItAmbarAM vajradharaikahastAM
nAnAvidhAlaGkaraNAM prasannAm |
tvAmapsarassevitapAdapadmAM
indrAkSIM vande zivadharmapatnIm || 4 ||
paJcapUjA
laM pRthivyAtmikAyai gandhaM samarpayAmi |
haM AkAzAtmikAyai puSpaiH pUjayAmi |
yaM vAyvAtmikAyai dhUpamAghrApayAmi |
raM agnyAtmikAyai dIpaM darzayAmi |
vaM amRtAtmikAyai amRtaM mahAnaivedyaM nivedayAmi |
saM sarvAtmikAyai sarvopacArapUjAM samarpayAmi ||
digdevatA rakSa
indra uvAca |
indrAkSI pUrvataH pAtu pAtvAgneyyAM tathezvarI |
kaumArI dakSiNe pAtu nairRtyAM pAtu pArvatI || 1 ||
vArAhI pazcime pAtu vAyavye nArasiMhyapi |
udIcyAM kAlarAtrI mAM aizAnyAM sarvazaktayaH || 2 ||
bhairavyordhvaM sadA pAtu pAtvadho vaiSNavI tathA |
evaM dazadizo rakSetsarvadA bhuvanezvarI || 3 ||
OM hrIM zrIM indrAkSyai namaH |
stotraM
indrAkSI nAma sA devI devataissamudAhRtA |
gaurI zAkambharI devI durgAnAmnIti vizrutA || 1 ||
nityAnandI nirAhArI niSkalAyai namo'stu te |
kAtyAyanI mahAdevI candraghaNTA mahAtapAH || 2 ||
sAvitrI sA ca gAyatrI brahmANI brahmavAdinI |
nArAyaNI bhadrakAlI rudrANI kRSNapiGgalA || 3 ||
agnijvAlA raudramukhI kAlarAtrI tapasvinI |
meghasvanA sahasrAkSI vikaTAGgI (vikArAGgI) jaDodarI || 4 ||
mahodarI muktakezI ghorarUpA mahAbalA |
ajitA bhadradA'nantA rogahantrI zivapriyA || 5 ||
zivadUtI karAlI ca pratyakSaparamezvarI |
indrANI indrarUpA ca indrazaktiHparAyaNI || 6 ||
sadA sammohinI devI sundarI bhuvanezvarI |
ekAkSarI parA brAhmI sthUlasUkSmapravardhanI || 7 ||
rakSAkarI raktadantA raktamAlyAmbarA parA |
mahiSAsurasaMhartrI cAmuNDA saptamAtRkA || 8 ||
vArAhI nArasiMhI ca bhImA bhairavavAdinI |
zrutissmRtirdhRtirmedhA vidyAlakSmIssarasvatI || 9 ||
anantA vijayA'parNA mAnasoktAparAjitA |
bhavAnI pArvatI durgA haimavatyambikA zivA || 10 ||
zivA bhavAnI rudrANI zaGkarArdhazarIriNI |
airAvatagajArUDhA vajrahastA varapradA || 11 ||
dhUrjaTI vikaTI ghorI hyaSTAGgI narabhojinI |
bhrAmarI kAJci kAmAkSI kvaNanmANikyanUpurA || 12 ||
hrIGkArI raudrabhetAlI hruGkAryamRtapANinI |
tripAdbhasmapraharaNA trizirA raktalocanA || 13 ||
nityA sakalakalyANI sarvaizvaryapradAyinI |
dAkSAyaNI padmahastA bhAratI sarvamaGgalA || 14 ||
kalyANI jananI durgA sarvaduHkhavinAzinI |
indrAkSI sarvabhUtezI sarvarUpA manonmanI || 15 ||
mahiSamastakanRtyavinodana-
sphuTaraNanmaNinUpurapAdukA |
jananarakSaNamokSavidhAyinI
jayatu zumbhanizumbhaniSUdinI || 16 ||
zivA ca zivarUpA ca zivazaktiparAyaNI |
mRtyuJjayI mahAmAyI sarvaroganivAriNI || 17 ||
aindrIdevI sadAkAlaM zAntimAzukarotu me |
IzvarArdhAGganilayA indubimbanibhAnanA || 18 ||
sarvorogaprazamanI sarvamRtyunivAriNI |
apavargapradA ramyA AyurArogyadAyinI || 19 ||
indrAdidevasaMstutyA ihAmutraphalapradA |
icchAzaktisvarUpA ca ibhavaktrAdvijanmabhUH || 20 ||
bhasmAyudhAya vidmahe raktanetrAya dhImahi tanno jvaraharaH pracodayAt || 21 ||
mantraH
OM aiM hrIM zrIM klIM klUM indrAkSyai namaH || 22 ||
OM namo bhagavatI indrAkSI sarvajanasammohinI kAlarAtrI nArasiMhI sarvazatrusaMhAriNI anale abhaye ajite aparAjite mahAsiMhavAhinI mahiSAsuramardinI hana hana mardaya mardaya mAraya mAraya zoSaya zoSaya dAhaya dAhaya mahAgrahAn saMhara saMhara yakSagraha rAkSasagraha skandagraha vinAyakagraha bAlagraha kumAragraha coragraha bhUtagraha pretagraha pizAcagraha kUSmANDagrahAdIn mardaya mardaya nigraha nigraha dhUmabhUtAnsantrAvaya santrAvaya bhUtajvara pretajvara pizAcajvara uSNajvara pittajvara vAtajvara zleSmajvara kaphajvara AlApajvara sannipAtajvara mAhendrajvara kRtrimajvara kRtyAdijvara ekAhikajvara dvayAhikajvara trayAhikajvara cAturthikajvara paJcAhikajvara pakSajvara mAsajvara SaNmAsajvara saMvatsarajvara jvarAlApajvara sarvajvara sarvAGgajvarAn nAzaya nAzaya hara hara hana hana daha daha paca paca tADaya tADaya AkarSaya AkarSaya vidveSaya vidveSaya stambhaya stambhaya mohaya mohaya uccATaya uccATaya huM phaT svAhA || 23 ||
OM hrIM OM namo bhagavatI trailokyalakSmI sarvajanavazaGkarI sarvaduSTagrahastambhinI kaGkAlI kAmarUpiNI kAlarUpiNI ghorarUpiNI paramantraparayantra prabhedinI pratibhaTavidhvaMsinI parabalaturagavimardinI zatrukaracchedinI zatrumAMsabhakSiNI sakaladuSTajvaranivAriNI bhUta preta pizAca brahmarAkSasa yakSa yamadUta zAkinI DAkinI kAminI stambhinI mohinI vazaGkarI kukSiroga ziroroga netraroga kSayApasmAra kuSThAdi mahAroganivAriNI mama sarvarogaM nAzaya nAzaya hrAM hrIM hrUM hraiM hrauM hraH huM phaT svAhA || 24 ||
OM namo bhagavatI mAhezvarI mahAcintAmaNI durge sakalasiddhezvarI sakalajanamanohAriNI kAlakAlarAtrI mahAghorarUpe pratihatavizvarUpiNI madhusUdanI mahAviSNusvarUpiNI zirazzUla kaTizUla aGgazUla pArzvazUla netrazUla karNazUla pakSazUla pANDuroga kAmArAdIn saMhara saMhara nAzaya nAzaya vaiSNavI brahmAstreNa viSNucakreNa rudrazUlena yamadaNDena varuNapAzena vAsavavajreNa sarvAnarIM bhaJjaya bhaJjaya rAjayakSma kSayaroga tApajvaranivAriNI mama sarvajvaraM nAzaya nAzaya ya ra la va za Sa sa ha sarvagrahAn tApaya tApaya saMhara saMhara chedaya chedaya uccATaya uccATaya hrAM hrIM hrUM phaT svAhA || 25 ||
uttaranyAsaH
karanyAsaH
indrAkSyai aGguSThAbhyAM namaH |
mahAlakSmyai tarjanIbhyAM namaH |
mahezvaryai madhyamAbhyAM namaH |
ambujAkSyai anAmikAbhyAM namaH |
kAtyAyanyai kaniSThikAbhyAM namaH |
kaumAryai karatalakarapRSThAbhyAM namaH |
aGganyAsaH
indrAkSyai hRdayAya namaH |
mahAlakSmyai zirase svAhA |
mahezvaryai zikhAyai vaSaT |
ambujAkSyai kavacAya hum |
kAtyAyanyai netratrayAya vauSaT |
kaumAryai astrAya phaT |
bhUrbhuvassuvaromiti digvimokaH ||
samarpaNaM
guhyAdi guhya goptrI tvaM gRhANAsmatkRtaM japam |
siddhirbhavatu me devI tvatprasAdAnmayi sthirAn || 26
phalazrutiH
nArAyaNa uvAca |
etairnAmazatairdivyaiH stutA zakreNa dhImatA |
AyurArogyamaizvaryaM apamRtyubhayApaham || 27 ||
kSayApasmArakuSThAdi tApajvaranivAraNam |
coravyAghrabhayaM tatra zItajvaranivAraNam || 28 ||
mAhezvaramahAmArI sarvajvaranivAraNam |
zItapaittakavAtAdi sarvaroganivAraNam || 29 ||
sannijvaranivAraNaM sarvajvaranivAraNam |
sarvaroganivAraNaM sarvamaGgalavardhanam || 30 ||
zatamAvartayedyastu mucyate vyAdhibandhanAt |
AvartayansahasrAttu labhate vAJchitaM phalam || 31 ||
etat stotraM mahApuNyaM japedAyuSyavardhanam |
vinAzAya ca rogANAmapamRtyuharAya ca || 32 ||
dvijairnityamidaM japyaM bhAgyArogyAbhIpsubhiH |
nAbhimAtrajalesthitvA sahasraparisaGkhyayA || 33 ||
japetstotramimaM mantraM vAcAM siddhirbhavettataH |
anenavidhinA bhaktyA mantrasiddhizca jAyate || 34 ||
santuSTA ca bhaveddevI pratyakSA samprajAyate |
sAyaM zataM paThennityaM SaNmAsAtsiddhirucyate || 35 ||
coravyAdhibhayasthAne manasAhyanucintayan |
saMvatsaramupAzritya sarvakAmArthasiddhaye || 36 ||
rAjAnaM vazyamApnoti SaNmAsAnnAtra saMzayaH |
aSTadorbhissamAyukte nAnAyuddhavizArade || 37 ||
bhUtapretapizAcebhyo rogArAtimukhairapi |
nAgebhyaH viSayantrebhyaH AbhicArairmahezvarI || 38 ||
rakSa mAM rakSa mAM nityaM pratyahaM pUjitA mayA |
sarvamaGgalamAGgalye zive sarvArthasAdhike |
zaraNye tryambake devI nArAyaNI namo'stu te || 39 ||
varaM pradAdmahendrAya devarAjyaM ca zAzvatam |
indrastotramidaM puNyaM mahadaizvaryakAraNam || 40 ||
iti indrAkSI stotram |
About This Stotram
Overview
The Indrakshi Stotram is a 46-verse Sanskrit hymn dedicated to Indrakshi, a form of the Divine Mother described in the Skanda Purana. The text is framed as a dialogue in which Narayana reveals the stotram to Narada, attributing its original composition to Indra, who recited it to overcome defeat and fear. The hymn invokes Indrakshi's protective and fierce aspects to ward off all forms of calamity, and belongs to the Shakta devotional tradition.
What are the benefits of chanting Indrakshi Stotram?
- Traditionally recited for protection against calamities, illness, and enemies
- Said to remove all forms of fear and bestow strength and courage
- Associated with Navaratri practice as a protective hymn to the Goddess
- Described within the text itself as conferring moksha on sincere devotees
When is the best time to recite this?
Morning and evening recitation are standard. Navaratri is the most auspicious period for this stotram, given its Shakta context. It is also recited in times of illness, danger, or acute difficulty as a protective appeal to the Goddess.
What is the historical and traditional background?
The Skanda Purana is a large Puranic compilation with multiple recensions, generally dated between the 7th and 12th centuries CE, though individual sections vary in age. The Indrakshi Stotram appears within the Skanda Purana's section on Goddess worship and follows the standard Puranic convention of presenting a hymn within a mythological frame (here, Indra's original recitation). The name "Indrakshi" — meaning "she whose eyes are like those of Indra" or "the eyes of Indra" — connects the Goddess to Vedic imagery. The actual authorship of this composition is unknown, and the Puranic attribution to Indra is part of the text's narrative framing rather than a historical claim.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Devi Mahatmyam — the foundational Shakta text from the Markandeya Purana describing the Goddess's battles and forms
- Annapurna Stotram — another Sanskrit Goddess hymn associated with abundance and the removal of suffering