Indrakshi Stotram
ఇన్ద్రాక్షీ స్తోత్రమ్
Indrakshi Stotram
ఇన్ద్రాక్షీ స్తోత్రమ్
నారద ఉవాచ ।
ఇన్ద్రాక్షీస్తోత్రమాఖ్యాహి నారాయణ గుణార్ణవ ।
పార్వత్యై శివసమ్ప్రోక్తం పరం కౌతూహలం హి మే ॥
నారాయణ ఉవాచ ।
ఇన్ద్రాక్షీ స్తోత్ర మన్త్రస్య మాహాత్మ్యం కేన వోచ్యతే ।
ఇన్ద్రేణాదౌ కృతం స్తోత్రం సర్వాపద్వినివారణమ్ ॥
తదేవాహం బ్రవీమ్యద్య పృచ్ఛతస్తవ నారద ।
అస్య శ్రీ ఇన్ద్రాక్షీస్తోత్రమహామన్త్రస్య, శచీపురన్దర ఋషిః, అనుష్టుప్ఛన్దః, ఇన్ద్రాక్షీ దుర్గా దేవతా, లక్ష్మీర్బీజం, భువనేశ్వరీ శక్తిః, భవానీ కీలకం, మమ ఇన్ద్రాక్షీ ప్రసాద సిద్ధ్యర్థే జపే వినియోగః ।
కరన్యాసః
ఇన్ద్రాక్ష్యై అఙ్గుష్ఠాభ్యాం నమః ।
మహాలక్ష్మ్యై తర్జనీభ్యాం నమః ।
మహేశ్వర్యై మధ్యమాభ్యాం నమః ।
అమ్బుజాక్ష్యై అనామికాభ్యాం నమః ।
కాత్యాయన్యై కనిష్ఠికాభ్యాం నమః ।
కౌమార్యై కరతలకరపృష్ఠాభ్యాం నమః ।
అఙ్గన్యాసః
ఇన్ద్రాక్ష్యై హృదయాయ నమః ।
మహాలక్ష్మ్యై శిరసే స్వాహా ।
మహేశ్వర్యై శిఖాయై వషట్ ।
అమ్బుజాక్ష్యై కవచాయ హుమ్ ।
కాత్యాయన్యై నేత్రత్రయాయ వౌషట్ ।
కౌమార్యై అస్త్రాయ ఫట్ ।
భూర్భువస్సువరోమితి దిగ్బన్ధః ॥
ధ్యానమ్
నేత్రాణాం దశభిశ్శతైః పరివృతామత్యుగ్రచర్మామ్బరామ్ ।
హేమాభాం మహతీం విలమ్బితశిఖామాముక్తకేశాన్వితామ్ ॥
ఘణ్టామణ్డితపాదపద్మయుగలాం నాగేన్ద్రకుమ్భస్తనీమ్ ।
ఇన్ద్రాక్షీం పరిచిన్తయామి మనసా కల్పోక్తసిద్ధిప్రదామ్ ॥ 1 ॥
ఇన్ద్రాక్షీం ద్విభుజాం దేవీం పీతవస్త్రద్వయాన్వితామ్ ।
వామహస్తే వజ్రధరాం దక్షిణేన వరప్రదామ్ ॥
ఇన్ద్రాక్షీం సహయువతీం నానాలఙ్కారభూషితామ్ ।
ప్రసన్నవదనామ్భోజామప్సరోగణసేవితామ్ ॥ 2 ॥
ద్విభుజాం సౌమ్యవదానాం పాశాఙ్కుశధరాం పరామ్ ।
త్రైలోక్యమోహినీం దేవీం ఇన్ద్రాక్షీ నామ కీర్తితామ్ ॥ 3 ॥
పీతామ్బరాం వజ్రధరైకహస్తాం
నానావిధాలఙ్కరణాం ప్రసన్నామ్ ।
త్వామప్సరస్సేవితపాదపద్మాం
ఇన్ద్రాక్షీం వన్దే శివధర్మపత్నీమ్ ॥ 4 ॥
పఞ్చపూజా
లం పృథివ్యాత్మికాయై గన్ధం సమర్పయామి ।
హం ఆకాశాత్మికాయై పుష్పైః పూజయామి ।
యం వాయ్వాత్మికాయై ధూపమాఘ్రాపయామి ।
రం అగ్న్యాత్మికాయై దీపం దర్శయామి ।
వం అమృతాత్మికాయై అమృతం మహానైవేద్యం నివేదయామి ।
సం సర్వాత్మికాయై సర్వోపచారపూజాం సమర్పయామి ॥
దిగ్దేవతా రక్ష
ఇన్ద్ర ఉవాచ ।
ఇన్ద్రాక్షీ పూర్వతః పాతు పాత్వాగ్నేయ్యాం తథేశ్వరీ ।
కౌమారీ దక్షిణే పాతు నైరృత్యాం పాతు పార్వతీ ॥ 1 ॥
వారాహీ పశ్చిమే పాతు వాయవ్యే నారసింహ్యపి ।
ఉదీచ్యాం కాలరాత్రీ మాం ఐశాన్యాం సర్వశక్తయః ॥ 2 ॥
భైరవ్యోర్ధ్వం సదా పాతు పాత్వధో వైష్ణవీ తథా ।
ఏవం దశదిశో రక్షేత్సర్వదా భువనేశ్వరీ ॥ 3 ॥
ఓం హ్రీం శ్రీం ఇన్ద్రాక్ష్యై నమః ।
స్తోత్రం
ఇన్ద్రాక్షీ నామ సా దేవీ దేవతైస్సముదాహృతా ।
గౌరీ శాకమ్భరీ దేవీ దుర్గానామ్నీతి విశ్రుతా ॥ 1 ॥
నిత్యానన్దీ నిరాహారీ నిష్కలాయై నమోఽస్తు తే ।
కాత్యాయనీ మహాదేవీ చన్ద్రఘణ్టా మహాతపాః ॥ 2 ॥
సావిత్రీ సా చ గాయత్రీ బ్రహ్మాణీ బ్రహ్మవాదినీ ।
నారాయణీ భద్రకాలీ రుద్రాణీ కృష్ణపిఙ్గలా ॥ 3 ॥
అగ్నిజ్వాలా రౌద్రముఖీ కాలరాత్రీ తపస్వినీ ।
మేఘస్వనా సహస్రాక్షీ వికటాఙ్గీ (వికారాఙ్గీ) జడోదరీ ॥ 4 ॥
మహోదరీ ముక్తకేశీ ఘోరరూపా మహాబలా ।
అజితా భద్రదాఽనన్తా రోగహన్త్రీ శివప్రియా ॥ 5 ॥
శివదూతీ కరాలీ చ ప్రత్యక్షపరమేశ్వరీ ।
ఇన్ద్రాణీ ఇన్ద్రరూపా చ ఇన్ద్రశక్తిఃపరాయణీ ॥ 6 ॥
సదా సమ్మోహినీ దేవీ సున్దరీ భువనేశ్వరీ ।
ఏకాక్షరీ పరా బ్రాహ్మీ స్థూలసూక్ష్మప్రవర్ధనీ ॥ 7 ॥
రక్షాకరీ రక్తదన్తా రక్తమాల్యామ్బరా పరా ।
మహిషాసురసంహర్త్రీ చాముణ్డా సప్తమాతృకా ॥ 8 ॥
వారాహీ నారసింహీ చ భీమా భైరవవాదినీ ।
శ్రుతిస్స్మృతిర్ధృతిర్మేధా విద్యాలక్ష్మీస్సరస్వతీ ॥ 9 ॥
అనన్తా విజయాఽపర్ణా మానసోక్తాపరాజితా ।
భవానీ పార్వతీ దుర్గా హైమవత్యమ్బికా శివా ॥ 10 ॥
శివా భవానీ రుద్రాణీ శఙ్కరార్ధశరీరిణీ ।
ఐరావతగజారూఢా వజ్రహస్తా వరప్రదా ॥ 11 ॥
ధూర్జటీ వికటీ ఘోరీ హ్యష్టాఙ్గీ నరభోజినీ ।
భ్రామరీ కాఞ్చి కామాక్షీ క్వణన్మాణిక్యనూపురా ॥ 12 ॥
హ్రీఙ్కారీ రౌద్రభేతాలీ హ్రుఙ్కార్యమృతపాణినీ ।
త్రిపాద్భస్మప్రహరణా త్రిశిరా రక్తలోచనా ॥ 13 ॥
నిత్యా సకలకల్యాణీ సర్వైశ్వర్యప్రదాయినీ ।
దాక్షాయణీ పద్మహస్తా భారతీ సర్వమఙ్గలా ॥ 14 ॥
కల్యాణీ జననీ దుర్గా సర్వదుఃఖవినాశినీ ।
ఇన్ద్రాక్షీ సర్వభూతేశీ సర్వరూపా మనోన్మనీ ॥ 15 ॥
మహిషమస్తకనృత్యవినోదన-
స్ఫుటరణన్మణినూపురపాదుకా ।
జననరక్షణమోక్షవిధాయినీ
జయతు శుమ్భనిశుమ్భనిషూదినీ ॥ 16 ॥
శివా చ శివరూపా చ శివశక్తిపరాయణీ ।
మృత్యుఞ్జయీ మహామాయీ సర్వరోగనివారిణీ ॥ 17 ॥
ఐన్ద్రీదేవీ సదాకాలం శాన్తిమాశుకరోతు మే ।
ఈశ్వరార్ధాఙ్గనిలయా ఇన్దుబిమ్బనిభాననా ॥ 18 ॥
సర్వోరోగప్రశమనీ సర్వమృత్యునివారిణీ ।
అపవర్గప్రదా రమ్యా ఆయురారోగ్యదాయినీ ॥ 19 ॥
ఇన్ద్రాదిదేవసంస్తుత్యా ఇహాముత్రఫలప్రదా ।
ఇచ్ఛాశక్తిస్వరూపా చ ఇభవక్త్రాద్విజన్మభూః ॥ 20 ॥
భస్మాయుధాయ విద్మహే రక్తనేత్రాయ ధీమహి తన్నో జ్వరహరః ప్రచోదయాత్ ॥ 21 ॥
మన్త్రః
ఓం ఐం హ్రీం శ్రీం క్లీం క్లూం ఇన్ద్రాక్ష్యై నమః ॥ 22 ॥
ఓం నమో భగవతీ ఇన్ద్రాక్షీ సర్వజనసమ్మోహినీ కాలరాత్రీ నారసింహీ సర్వశత్రుసంహారిణీ అనలే అభయే అజితే అపరాజితే మహాసింహవాహినీ మహిషాసురమర్దినీ హన హన మర్దయ మర్దయ మారయ మారయ శోషయ శోషయ దాహయ దాహయ మహాగ్రహాన్ సంహర సంహర యక్షగ్రహ రాక్షసగ్రహ స్కన్దగ్రహ వినాయకగ్రహ బాలగ్రహ కుమారగ్రహ చోరగ్రహ భూతగ్రహ ప్రేతగ్రహ పిశాచగ్రహ కూష్మాణ్డగ్రహాదీన్ మర్దయ మర్దయ నిగ్రహ నిగ్రహ ధూమభూతాన్సన్త్రావయ సన్త్రావయ భూతజ్వర ప్రేతజ్వర పిశాచజ్వర ఉష్ణజ్వర పిత్తజ్వర వాతజ్వర శ్లేష్మజ్వర కఫజ్వర ఆలాపజ్వర సన్నిపాతజ్వర మాహేన్ద్రజ్వర కృత్రిమజ్వర కృత్యాదిజ్వర ఏకాహికజ్వర ద్వయాహికజ్వర త్రయాహికజ్వర చాతుర్థికజ్వర పఞ్చాహికజ్వర పక్షజ్వర మాసజ్వర షణ్మాసజ్వర సంవత్సరజ్వర జ్వరాలాపజ్వర సర్వజ్వర సర్వాఙ్గజ్వరాన్ నాశయ నాశయ హర హర హన హన దహ దహ పచ పచ తాడయ తాడయ ఆకర్షయ ఆకర్షయ విద్వేషయ విద్వేషయ స్తమ్భయ స్తమ్భయ మోహయ మోహయ ఉచ్చాటయ ఉచ్చాటయ హుం ఫట్ స్వాహా ॥ 23 ॥
ఓం హ్రీం ఓం నమో భగవతీ త్రైలోక్యలక్ష్మీ సర్వజనవశఙ్కరీ సర్వదుష్టగ్రహస్తమ్భినీ కఙ్కాలీ కామరూపిణీ కాలరూపిణీ ఘోరరూపిణీ పరమన్త్రపరయన్త్ర ప్రభేదినీ ప్రతిభటవిధ్వంసినీ పరబలతురగవిమర్దినీ శత్రుకరచ్ఛేదినీ శత్రుమాంసభక్షిణీ సకలదుష్టజ్వరనివారిణీ భూత ప్రేత పిశాచ బ్రహ్మరాక్షస యక్ష యమదూత శాకినీ డాకినీ కామినీ స్తమ్భినీ మోహినీ వశఙ్కరీ కుక్షిరోగ శిరోరోగ నేత్రరోగ క్షయాపస్మార కుష్ఠాది మహారోగనివారిణీ మమ సర్వరోగం నాశయ నాశయ హ్రాం హ్రీం హ్రూం హ్రైం హ్రౌం హ్రః హుం ఫట్ స్వాహా ॥ 24 ॥
ఓం నమో భగవతీ మాహేశ్వరీ మహాచిన్తామణీ దుర్గే సకలసిద్ధేశ్వరీ సకలజనమనోహారిణీ కాలకాలరాత్రీ మహాఘోరరూపే ప్రతిహతవిశ్వరూపిణీ మధుసూదనీ మహావిష్ణుస్వరూపిణీ శిరశ్శూల కటిశూల అఙ్గశూల పార్శ్వశూల నేత్రశూల కర్ణశూల పక్షశూల పాణ్డురోగ కామారాదీన్ సంహర సంహర నాశయ నాశయ వైష్ణవీ బ్రహ్మాస్త్రేణ విష్ణుచక్రేణ రుద్రశూలేన యమదణ్డేన వరుణపాశేన వాసవవజ్రేణ సర్వానరీం భఞ్జయ భఞ్జయ రాజయక్ష్మ క్షయరోగ తాపజ్వరనివారిణీ మమ సర్వజ్వరం నాశయ నాశయ య ర ల వ శ ష స హ సర్వగ్రహాన్ తాపయ తాపయ సంహర సంహర ఛేదయ ఛేదయ ఉచ్చాటయ ఉచ్చాటయ హ్రాం హ్రీం హ్రూం ఫట్ స్వాహా ॥ 25 ॥
ఉత్తరన్యాసః
కరన్యాసః
ఇన్ద్రాక్ష్యై అఙ్గుష్ఠాభ్యాం నమః ।
మహాలక్ష్మ్యై తర్జనీభ్యాం నమః ।
మహేశ్వర్యై మధ్యమాభ్యాం నమః ।
అమ్బుజాక్ష్యై అనామికాభ్యాం నమః ।
కాత్యాయన్యై కనిష్ఠికాభ్యాం నమః ।
కౌమార్యై కరతలకరపృష్ఠాభ్యాం నమః ।
అఙ్గన్యాసః
ఇన్ద్రాక్ష్యై హృదయాయ నమః ।
మహాలక్ష్మ్యై శిరసే స్వాహా ।
మహేశ్వర్యై శిఖాయై వషట్ ।
అమ్బుజాక్ష్యై కవచాయ హుమ్ ।
కాత్యాయన్యై నేత్రత్రయాయ వౌషట్ ।
కౌమార్యై అస్త్రాయ ఫట్ ।
భూర్భువస్సువరోమితి దిగ్విమోకః ॥
సమర్పణం
గుహ్యాది గుహ్య గోప్త్రీ త్వం గృహాణాస్మత్కృతం జపమ్ ।
సిద్ధిర్భవతు మే దేవీ త్వత్ప్రసాదాన్మయి స్థిరాన్ ॥ 26
ఫలశ్రుతిః
నారాయణ ఉవాచ ।
ఏతైర్నామశతైర్దివ్యైః స్తుతా శక్రేణ ధీమతా ।
ఆయురారోగ్యమైశ్వర్యం అపమృత్యుభయాపహమ్ ॥ 27 ॥
క్షయాపస్మారకుష్ఠాది తాపజ్వరనివారణమ్ ।
చోరవ్యాఘ్రభయం తత్ర శీతజ్వరనివారణమ్ ॥ 28 ॥
మాహేశ్వరమహామారీ సర్వజ్వరనివారణమ్ ।
శీతపైత్తకవాతాది సర్వరోగనివారణమ్ ॥ 29 ॥
సన్నిజ్వరనివారణం సర్వజ్వరనివారణమ్ ।
సర్వరోగనివారణం సర్వమఙ్గలవర్ధనమ్ ॥ 30 ॥
శతమావర్తయేద్యస్తు ముచ్యతే వ్యాధిబన్ధనాత్ ।
ఆవర్తయన్సహస్రాత్తు లభతే వాఞ్ఛితం ఫలమ్ ॥ 31 ॥
ఏతత్ స్తోత్రం మహాపుణ్యం జపేదాయుష్యవర్ధనమ్ ।
వినాశాయ చ రోగాణామపమృత్యుహరాయ చ ॥ 32 ॥
ద్విజైర్నిత్యమిదం జప్యం భాగ్యారోగ్యాభీప్సుభిః ।
నాభిమాత్రజలేస్థిత్వా సహస్రపరిసఙ్ఖ్యయా ॥ 33 ॥
జపేత్స్తోత్రమిమం మన్త్రం వాచాం సిద్ధిర్భవేత్తతః ।
అనేనవిధినా భక్త్యా మన్త్రసిద్ధిశ్చ జాయతే ॥ 34 ॥
సన్తుష్టా చ భవేద్దేవీ ప్రత్యక్షా సమ్ప్రజాయతే ।
సాయం శతం పఠేన్నిత్యం షణ్మాసాత్సిద్ధిరుచ్యతే ॥ 35 ॥
చోరవ్యాధిభయస్థానే మనసాహ్యనుచిన్తయన్ ।
సంవత్సరముపాశ్రిత్య సర్వకామార్థసిద్ధయే ॥ 36 ॥
రాజానం వశ్యమాప్నోతి షణ్మాసాన్నాత్ర సంశయః ।
అష్టదోర్భిస్సమాయుక్తే నానాయుద్ధవిశారదే ॥ 37 ॥
భూతప్రేతపిశాచేభ్యో రోగారాతిముఖైరపి ।
నాగేభ్యః విషయన్త్రేభ్యః ఆభిచారైర్మహేశ్వరీ ॥ 38 ॥
రక్ష మాం రక్ష మాం నిత్యం ప్రత్యహం పూజితా మయా ।
సర్వమఙ్గలమాఙ్గల్యే శివే సర్వార్థసాధికే ।
శరణ్యే త్ర్యమ్బకే దేవీ నారాయణీ నమోఽస్తు తే ॥ 39 ॥
వరం ప్రదాద్మహేన్ద్రాయ దేవరాజ్యం చ శాశ్వతమ్ ।
ఇన్ద్రస్తోత్రమిదం పుణ్యం మహదైశ్వర్యకారణమ్ ॥ 40 ॥
ఇతి ఇన్ద్రాక్షీ స్తోత్రమ్ ।
About This Stotram
Overview
The Indrakshi Stotram is a 46-verse Sanskrit hymn dedicated to Indrakshi, a form of the Divine Mother described in the Skanda Purana. The text is framed as a dialogue in which Narayana reveals the stotram to Narada, attributing its original composition to Indra, who recited it to overcome defeat and fear. The hymn invokes Indrakshi's protective and fierce aspects to ward off all forms of calamity, and belongs to the Shakta devotional tradition.
What are the benefits of chanting Indrakshi Stotram?
- Traditionally recited for protection against calamities, illness, and enemies
- Said to remove all forms of fear and bestow strength and courage
- Associated with Navaratri practice as a protective hymn to the Goddess
- Described within the text itself as conferring moksha on sincere devotees
When is the best time to recite this?
Morning and evening recitation are standard. Navaratri is the most auspicious period for this stotram, given its Shakta context. It is also recited in times of illness, danger, or acute difficulty as a protective appeal to the Goddess.
What is the historical and traditional background?
The Skanda Purana is a large Puranic compilation with multiple recensions, generally dated between the 7th and 12th centuries CE, though individual sections vary in age. The Indrakshi Stotram appears within the Skanda Purana's section on Goddess worship and follows the standard Puranic convention of presenting a hymn within a mythological frame (here, Indra's original recitation). The name "Indrakshi" — meaning "she whose eyes are like those of Indra" or "the eyes of Indra" — connects the Goddess to Vedic imagery. The actual authorship of this composition is unknown, and the Puranic attribution to Indra is part of the text's narrative framing rather than a historical claim.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Devi Mahatmyam — the foundational Shakta text from the Markandeya Purana describing the Goddess's battles and forms
- Annapurna Stotram — another Sanskrit Goddess hymn associated with abundance and the removal of suffering