ഇന്ദ്രാക്ഷീ സ്തോത്രമ്

ഇന്ദ്രാക്ഷീ സ്തോത്രമ്

ശ്ലോക 1

നാരദ ഉവാച ।

ഇന്ദ്രാക്ഷീസ്തോത്രമാഖ്യാഹി നാരായണ ഗുണാര്ണവ ।

പാര്വത്യൈ ശിവസമ്പ്രോക്തം പരം കൌതൂഹലം ഹി മേ ॥

നാരായണ ഉവാച ।

ഇന്ദ്രാക്ഷീ സ്തോത്ര മന്ത്രസ്യ മാഹാത്മ്യം കേന വോച്യതേ ।

ഇന്ദ്രേണാദൌ കൃതം സ്തോത്രം സര്വാപദ്വിനിവാരണമ് ॥

തദേവാഹം ബ്രവീമ്യദ്യ പൃച്ഛതസ്തവ നാരദ ।

അസ്യ ശ്രീ ഇന്ദ്രാക്ഷീസ്തോത്രമഹാമന്ത്രസ്യ, ശചീപുരന്ദര ഋഷിഃ, അനുഷ്ടുപ്ഛന്ദഃ, ഇന്ദ്രാക്ഷീ ദുര്ഗാ ദേവതാ, ലക്ഷ്മീര്ബീജം, ഭുവനേശ്വരീ ശക്തിഃ, ഭവാനീ കീലകം, മമ ഇന്ദ്രാക്ഷീ പ്രസാദ സിദ്ധ്യര്ഥേ ജപേ വിനിയോഗഃ ।

കരന്യാസഃ

ഇന്ദ്രാക്ഷ്യൈ അങ്ഗുഷ്ഠാഭ്യാം നമഃ ।

മഹാലക്ഷ്മ്യൈ തര്ജനീഭ്യാം നമഃ ।

മഹേശ്വര്യൈ മധ്യമാഭ്യാം നമഃ ।

അമ്ബുജാക്ഷ്യൈ അനാമികാഭ്യാം നമഃ ।

കാത്യായന്യൈ കനിഷ്ഠികാഭ്യാം നമഃ ।

കൌമാര്യൈ കരതലകരപൃഷ്ഠാഭ്യാം നമഃ ।

അങ്ഗന്യാസഃ

ഇന്ദ്രാക്ഷ്യൈ ഹൃദയായ നമഃ ।

മഹാലക്ഷ്മ്യൈ ശിരസേ സ്വാഹാ ।

മഹേശ്വര്യൈ ശിഖായൈ വഷട് ।

അമ്ബുജാക്ഷ്യൈ കവചായ ഹുമ് ।

കാത്യായന്യൈ നേത്രത്രയായ വൌഷട് ।

കൌമാര്യൈ അസ്ത്രായ ഫട് ।

ഭൂര്ഭുവസ്സുവരോമിതി ദിഗ്ബന്ധഃ ॥

ധ്യാനമ്

നേത്രാണാം ദശഭിശ്ശതൈഃ പരിവൃതാമത്യുഗ്രചര്മാമ്ബരാമ് ।

ഹേമാഭാം മഹതീം വിലമ്ബിതശിഖാമാമുക്തകേശാന്വിതാമ് ॥

ഘണ്ടാമണ്ഡിതപാദപദ്മയുഗലാം നാഗേന്ദ്രകുമ്ഭസ്തനീമ് ।

ഇന്ദ്രാക്ഷീം പരിചിന്തയാമി മനസാ കല്പോക്തസിദ്ധിപ്രദാമ്

ശ്ലോക 2

ഇന്ദ്രാക്ഷീം ദ്വിഭുജാം ദേവീം പീതവസ്ത്രദ്വയാന്വിതാമ് ।

വാമഹസ്തേ വജ്രധരാം ദക്ഷിണേന വരപ്രദാമ് ॥

ഇന്ദ്രാക്ഷീം സഹയുവതീം നാനാലങ്കാരഭൂഷിതാമ് ।

പ്രസന്നവദനാമ്ഭോജാമപ്സരോഗണസേവിതാമ്

॥ 1 ॥

ശ്ലോക 3

ദ്വിഭുജാം സൌമ്യവദാനാം പാശാങ്കുശധരാം പരാമ് ।

ത്രൈലോക്യമോഹിനീം ദേവീം ഇന്ദ്രാക്ഷീ നാമ കീര്തിതാമ്

॥ 2 ॥

ശ്ലോക 4

പീതാമ്ബരാം വജ്രധരൈകഹസ്താം

നാനാവിധാലങ്കരണാം പ്രസന്നാമ് ।

ത്വാമപ്സരസ്സേവിതപാദപദ്മാം

ഇന്ദ്രാക്ഷീം വന്ദേ ശിവധര്മപത്നീമ്

॥ 3 ॥

ശ്ലോക 5

പഞ്ചപൂജാ

ലം പൃഥിവ്യാത്മികായൈ ഗന്ധം സമര്പയാമി ।

ഹം ആകാശാത്മികായൈ പുഷ്പൈഃ പൂജയാമി ।

യം വായ്വാത്മികായൈ ധൂപമാഘ്രാപയാമി ।

രം അഗ്ന്യാത്മികായൈ ദീപം ദര്ശയാമി ।

വം അമൃതാത്മികായൈ അമൃതം മഹാനൈവേദ്യം നിവേദയാമി ।

സം സര്വാത്മികായൈ സര്വോപചാരപൂജാം സമര്പയാമി ॥

ദിഗ്ദേവതാ രക്ഷ

ഇന്ദ്ര ഉവാച ।

ഇന്ദ്രാക്ഷീ പൂര്വതഃ പാതു പാത്വാഗ്നേയ്യാം തഥേശ്വരീ ।

കൌമാരീ ദക്ഷിണേ പാതു നൈരൃത്യാം പാതു പാര്വതീ

॥ 4 ॥

ശ്ലോക 6

വാരാഹീ പശ്ചിമേ പാതു വായവ്യേ നാരസിംഹ്യപി ।

ഉദീച്യാം കാലരാത്രീ മാം ഐശാന്യാം സര്വശക്തയഃ

॥ 1 ॥

ശ്ലോക 7

ഭൈരവ്യോര്ധ്വം സദാ പാതു പാത്വധോ വൈഷ്ണവീ തഥാ ।

ഏവം ദശദിശോ രക്ഷേത്സര്വദാ ഭുവനേശ്വരീ

॥ 2 ॥

ശ്ലോക 8

ഓം ഹ്രീം ശ്രീം ഇന്ദ്രാക്ഷ്യൈ നമഃ ।

സ്തോത്രം

ഇന്ദ്രാക്ഷീ നാമ സാ ദേവീ ദേവതൈസ്സമുദാഹൃതാ ।

ഗൌരീ ശാകമ്ഭരീ ദേവീ ദുര്ഗാനാമ്നീതി വിശ്രുതാ

॥ 3 ॥

ശ്ലോക 9

നിത്യാനന്ദീ നിരാഹാരീ നിഷ്കലായൈ നമോഽസ്തു തേ ।

കാത്യായനീ മഹാദേവീ ചന്ദ്രഘണ്ടാ മഹാതപാഃ

॥ 1 ॥

ശ്ലോക 10

സാവിത്രീ സാ ച ഗായത്രീ ബ്രഹ്മാണീ ബ്രഹ്മവാദിനീ ।

നാരായണീ ഭദ്രകാലീ രുദ്രാണീ കൃഷ്ണപിങ്ഗലാ

॥ 2 ॥

ശ്ലോക 11

അഗ്നിജ്വാലാ രൌദ്രമുഖീ കാലരാത്രീ തപസ്വിനീ ।

മേഘസ്വനാ സഹസ്രാക്ഷീ വികടാങ്ഗീ (വികാരാങ്ഗീ) ജഡോദരീ

॥ 3 ॥

ശ്ലോക 12

മഹോദരീ മുക്തകേശീ ഘോരരൂപാ മഹാബലാ ।

അജിതാ ഭദ്രദാഽനന്താ രോഗഹന്ത്രീ ശിവപ്രിയാ

॥ 4 ॥

ശ്ലോക 13

ശിവദൂതീ കരാലീ ച പ്രത്യക്ഷപരമേശ്വരീ ।

ഇന്ദ്രാണീ ഇന്ദ്രരൂപാ ച ഇന്ദ്രശക്തിഃപരായണീ

॥ 5 ॥

ശ്ലോക 14

സദാ സമ്മോഹിനീ ദേവീ സുന്ദരീ ഭുവനേശ്വരീ ।

ഏകാക്ഷരീ പരാ ബ്രാഹ്മീ സ്ഥൂലസൂക്ഷ്മപ്രവര്ധനീ

॥ 6 ॥

ശ്ലോക 15

രക്ഷാകരീ രക്തദന്താ രക്തമാല്യാമ്ബരാ പരാ ।

മഹിഷാസുരസംഹര്ത്രീ ചാമുണ്ഡാ സപ്തമാതൃകാ

॥ 7 ॥

ശ്ലോക 16

വാരാഹീ നാരസിംഹീ ച ഭീമാ ഭൈരവവാദിനീ ।

ശ്രുതിസ്സ്മൃതിര്ധൃതിര്മേധാ വിദ്യാലക്ഷ്മീസ്സരസ്വതീ

॥ 8 ॥

ശ്ലോക 17

അനന്താ വിജയാഽപര്ണാ മാനസോക്താപരാജിതാ ।

ഭവാനീ പാര്വതീ ദുര്ഗാ ഹൈമവത്യമ്ബികാ ശിവാ

॥ 9 ॥

ശ്ലോക 18

ശിവാ ഭവാനീ രുദ്രാണീ ശങ്കരാര്ധശരീരിണീ ।

ഐരാവതഗജാരൂഢാ വജ്രഹസ്താ വരപ്രദാ

॥ 10 ॥

ശ്ലോക 19

ധൂര്ജടീ വികടീ ഘോരീ ഹ്യഷ്ടാങ്ഗീ നരഭോജിനീ ।

ഭ്രാമരീ കാഞ്ചി കാമാക്ഷീ ക്വണന്മാണിക്യനൂപുരാ

॥ 11 ॥

ശ്ലോക 20

ഹ്രീങ്കാരീ രൌദ്രഭേതാലീ ഹ്രുങ്കാര്യമൃതപാണിനീ ।

ത്രിപാദ്ഭസ്മപ്രഹരണാ ത്രിശിരാ രക്തലോചനാ

॥ 12 ॥

ശ്ലോക 21

നിത്യാ സകലകല്യാണീ സര്വൈശ്വര്യപ്രദായിനീ ।

ദാക്ഷായണീ പദ്മഹസ്താ ഭാരതീ സര്വമങ്ഗലാ

॥ 13 ॥

ശ്ലോക 22

കല്യാണീ ജനനീ ദുര്ഗാ സര്വദുഃഖവിനാശിനീ ।

ഇന്ദ്രാക്ഷീ സര്വഭൂതേശീ സര്വരൂപാ മനോന്മനീ

॥ 14 ॥

ശ്ലോക 23

മഹിഷമസ്തകനൃത്യവിനോദന-

സ്ഫുടരണന്മണിനൂപുരപാദുകാ ।

ജനനരക്ഷണമോക്ഷവിധായിനീ

ജയതു ശുമ്ഭനിശുമ്ഭനിഷൂദിനീ

॥ 15 ॥

ശ്ലോക 24

ശിവാ ച ശിവരൂപാ ച ശിവശക്തിപരായണീ ।

മൃത്യുഞ്ജയീ മഹാമായീ സര്വരോഗനിവാരിണീ

॥ 16 ॥

ശ്ലോക 25

ഐന്ദ്രീദേവീ സദാകാലം ശാന്തിമാശുകരോതു മേ ।

ഈശ്വരാര്ധാങ്ഗനിലയാ ഇന്ദുബിമ്ബനിഭാനനാ

॥ 17 ॥

ശ്ലോക 26

സര്വോരോഗപ്രശമനീ സര്വമൃത്യുനിവാരിണീ ।

അപവര്ഗപ്രദാ രമ്യാ ആയുരാരോഗ്യദായിനീ

॥ 18 ॥

ശ്ലോക 27

ഇന്ദ്രാദിദേവസംസ്തുത്യാ ഇഹാമുത്രഫലപ്രദാ ।

ഇച്ഛാശക്തിസ്വരൂപാ ച ഇഭവക്ത്രാദ്വിജന്മഭൂഃ

॥ 19 ॥

ശ്ലോക 28

ഭസ്മായുധായ വിദ്മഹേ രക്തനേത്രായ ധീമഹി തന്നോ ജ്വരഹരഃ പ്രചോദയാത്

॥ 20 ॥

ശ്ലോക 29

മന്ത്രഃ

ഓം ഐം ഹ്രീം ശ്രീം ക്ലീം ക്ലൂം ഇന്ദ്രാക്ഷ്യൈ നമഃ

॥ 21 ॥

ശ്ലോക 30

ഓം നമോ ഭഗവതീ ഇന്ദ്രാക്ഷീ സര്വജനസമ്മോഹിനീ കാലരാത്രീ നാരസിംഹീ സര്വശത്രുസംഹാരിണീ അനലേ അഭയേ അജിതേ അപരാജിതേ മഹാസിംഹവാഹിനീ മഹിഷാസുരമര്ദിനീ ഹന ഹന മര്ദയ മര്ദയ മാരയ മാരയ ശോഷയ ശോഷയ ദാഹയ ദാഹയ മഹാഗ്രഹാന് സംഹര സംഹര യക്ഷഗ്രഹ രാക്ഷസഗ്രഹ സ്കന്ദഗ്രഹ വിനായകഗ്രഹ ബാലഗ്രഹ കുമാരഗ്രഹ ചോരഗ്രഹ ഭൂതഗ്രഹ പ്രേതഗ്രഹ പിശാചഗ്രഹ കൂഷ്മാണ്ഡഗ്രഹാദീന് മര്ദയ മര്ദയ നിഗ്രഹ നിഗ്രഹ ധൂമഭൂതാന്സന്ത്രാവയ സന്ത്രാവയ ഭൂതജ്വര പ്രേതജ്വര പിശാചജ്വര ഉഷ്ണജ്വര പിത്തജ്വര വാതജ്വര ശ്ലേഷ്മജ്വര കഫജ്വര ആലാപജ്വര സന്നിപാതജ്വര മാഹേന്ദ്രജ്വര കൃത്രിമജ്വര കൃത്യാദിജ്വര ഏകാഹികജ്വര ദ്വയാഹികജ്വര ത്രയാഹികജ്വര ചാതുര്ഥികജ്വര പഞ്ചാഹികജ്വര പക്ഷജ്വര മാസജ്വര ഷണ്മാസജ്വര സംവത്സരജ്വര ജ്വരാലാപജ്വര സര്വജ്വര സര്വാങ്ഗജ്വരാന് നാശയ നാശയ ഹര ഹര ഹന ഹന ദഹ ദഹ പച പച താഡയ താഡയ ആകര്ഷയ ആകര്ഷയ വിദ്വേഷയ വിദ്വേഷയ സ്തമ്ഭയ സ്തമ്ഭയ മോഹയ മോഹയ ഉച്ചാടയ ഉച്ചാടയ ഹും ഫട് സ്വാഹാ

॥ 22 ॥

ശ്ലോക 31

ഓം ഹ്രീം ഓം നമോ ഭഗവതീ ത്രൈലോക്യലക്ഷ്മീ സര്വജനവശങ്കരീ സര്വദുഷ്ടഗ്രഹസ്തമ്ഭിനീ കങ്കാലീ കാമരൂപിണീ കാലരൂപിണീ ഘോരരൂപിണീ പരമന്ത്രപരയന്ത്ര പ്രഭേദിനീ പ്രതിഭടവിധ്വംസിനീ പരബലതുരഗവിമര്ദിനീ ശത്രുകരച്ഛേദിനീ ശത്രുമാംസഭക്ഷിണീ സകലദുഷ്ടജ്വരനിവാരിണീ ഭൂത പ്രേത പിശാച ബ്രഹ്മരാക്ഷസ യക്ഷ യമദൂത ശാകിനീ ഡാകിനീ കാമിനീ സ്തമ്ഭിനീ മോഹിനീ വശങ്കരീ കുക്ഷിരോഗ ശിരോരോഗ നേത്രരോഗ ക്ഷയാപസ്മാര കുഷ്ഠാദി മഹാരോഗനിവാരിണീ മമ സര്വരോഗം നാശയ നാശയ ഹ്രാം ഹ്രീം ഹ്രൂം ഹ്രൈം ഹ്രൌം ഹ്രഃ ഹും ഫട് സ്വാഹാ

॥ 23 ॥

ശ്ലോക 32

ഓം നമോ ഭഗവതീ മാഹേശ്വരീ മഹാചിന്താമണീ ദുര്ഗേ സകലസിദ്ധേശ്വരീ സകലജനമനോഹാരിണീ കാലകാലരാത്രീ മഹാഘോരരൂപേ പ്രതിഹതവിശ്വരൂപിണീ മധുസൂദനീ മഹാവിഷ്ണുസ്വരൂപിണീ ശിരശ്ശൂല കടിശൂല അങ്ഗശൂല പാര്ശ്വശൂല നേത്രശൂല കര്ണശൂല പക്ഷശൂല പാണ്ഡുരോഗ കാമാരാദീന് സംഹര സംഹര നാശയ നാശയ വൈഷ്ണവീ ബ്രഹ്മാസ്ത്രേണ വിഷ്ണുചക്രേണ രുദ്രശൂലേന യമദണ്ഡേന വരുണപാശേന വാസവവജ്രേണ സര്വാനരീം ഭഞ്ജയ ഭഞ്ജയ രാജയക്ഷ്മ ക്ഷയരോഗ താപജ്വരനിവാരിണീ മമ സര്വജ്വരം നാശയ നാശയ യ ര ല വ ശ ഷ സ ഹ സര്വഗ്രഹാന് താപയ താപയ സംഹര സംഹര ഛേദയ ഛേദയ ഉച്ചാടയ ഉച്ചാടയ ഹ്രാം ഹ്രീം ഹ്രൂം ഫട് സ്വാഹാ

॥ 24 ॥

ശ്ലോക 33

ഉത്തരന്യാസഃ

കരന്യാസഃ

ഇന്ദ്രാക്ഷ്യൈ അങ്ഗുഷ്ഠാഭ്യാം നമഃ ।

മഹാലക്ഷ്മ്യൈ തര്ജനീഭ്യാം നമഃ ।

മഹേശ്വര്യൈ മധ്യമാഭ്യാം നമഃ ।

അമ്ബുജാക്ഷ്യൈ അനാമികാഭ്യാം നമഃ ।

കാത്യായന്യൈ കനിഷ്ഠികാഭ്യാം നമഃ ।

കൌമാര്യൈ കരതലകരപൃഷ്ഠാഭ്യാം നമഃ ।

അങ്ഗന്യാസഃ

ഇന്ദ്രാക്ഷ്യൈ ഹൃദയായ നമഃ ।

മഹാലക്ഷ്മ്യൈ ശിരസേ സ്വാഹാ ।

മഹേശ്വര്യൈ ശിഖായൈ വഷട് ।

അമ്ബുജാക്ഷ്യൈ കവചായ ഹുമ് ।

കാത്യായന്യൈ നേത്രത്രയായ വൌഷട് ।

കൌമാര്യൈ അസ്ത്രായ ഫട് ।

ഭൂര്ഭുവസ്സുവരോമിതി ദിഗ്വിമോകഃ ॥

സമര്പണം

ഗുഹ്യാദി ഗുഹ്യ ഗോപ്ത്രീ ത്വം ഗൃഹാണാസ്മത്കൃതം ജപമ് ।

സിദ്ധിര്ഭവതു മേ ദേവീ ത്വത്പ്രസാദാന്മയി സ്ഥിരാന് ॥ 26

ഫലശ്രുതിഃ

നാരായണ ഉവാച ।

ഏതൈര്നാമശതൈര്ദിവ്യൈഃ സ്തുതാ ശക്രേണ ധീമതാ ।

ആയുരാരോഗ്യമൈശ്വര്യം അപമൃത്യുഭയാപഹമ്

॥ 25 ॥

ശ്ലോക 34

ക്ഷയാപസ്മാരകുഷ്ഠാദി താപജ്വരനിവാരണമ് ।

ചോരവ്യാഘ്രഭയം തത്ര ശീതജ്വരനിവാരണമ്

॥ 27 ॥

ശ്ലോക 35

മാഹേശ്വരമഹാമാരീ സര്വജ്വരനിവാരണമ് ।

ശീതപൈത്തകവാതാദി സര്വരോഗനിവാരണമ്

॥ 28 ॥

ശ്ലോക 36

സന്നിജ്വരനിവാരണം സര്വജ്വരനിവാരണമ് ।

സര്വരോഗനിവാരണം സര്വമങ്ഗലവര്ധനമ്

॥ 29 ॥

ശ്ലോക 37

ശതമാവര്തയേദ്യസ്തു മുച്യതേ വ്യാധിബന്ധനാത് ।

ആവര്തയന്സഹസ്രാത്തു ലഭതേ വാഞ്ഛിതം ഫലമ്

॥ 30 ॥

ശ്ലോക 38

ഏതത് സ്തോത്രം മഹാപുണ്യം ജപേദായുഷ്യവര്ധനമ് ।

വിനാശായ ച രോഗാണാമപമൃത്യുഹരായ ച

॥ 31 ॥

ശ്ലോക 39

ദ്വിജൈര്നിത്യമിദം ജപ്യം ഭാഗ്യാരോഗ്യാഭീപ്സുഭിഃ ।

നാഭിമാത്രജലേസ്ഥിത്വാ സഹസ്രപരിസങ്ഖ്യയാ

॥ 32 ॥

ശ്ലോക 40

ജപേത്സ്തോത്രമിമം മന്ത്രം വാചാം സിദ്ധിര്ഭവേത്തതഃ ।

അനേനവിധിനാ ഭക്ത്യാ മന്ത്രസിദ്ധിശ്ച ജായതേ

॥ 33 ॥

ശ്ലോക 41

സന്തുഷ്ടാ ച ഭവേദ്ദേവീ പ്രത്യക്ഷാ സമ്പ്രജായതേ ।

സായം ശതം പഠേന്നിത്യം ഷണ്മാസാത്സിദ്ധിരുച്യതേ

॥ 34 ॥

ശ്ലോക 42

ചോരവ്യാധിഭയസ്ഥാനേ മനസാഹ്യനുചിന്തയന് ।

സംവത്സരമുപാശ്രിത്യ സര്വകാമാര്ഥസിദ്ധയേ

॥ 35 ॥

ശ്ലോക 43

രാജാനം വശ്യമാപ്നോതി ഷണ്മാസാന്നാത്ര സംശയഃ ।

അഷ്ടദോര്ഭിസ്സമായുക്തേ നാനായുദ്ധവിശാരദേ

॥ 36 ॥

ശ്ലോക 44

ഭൂതപ്രേതപിശാചേഭ്യോ രോഗാരാതിമുഖൈരപി ।

നാഗേഭ്യഃ വിഷയന്ത്രേഭ്യഃ ആഭിചാരൈര്മഹേശ്വരീ

॥ 37 ॥

ശ്ലോക 45

രക്ഷ മാം രക്ഷ മാം നിത്യം പ്രത്യഹം പൂജിതാ മയാ ।

സര്വമങ്ഗലമാങ്ഗല്യേ ശിവേ സര്വാര്ഥസാധികേ ।

ശരണ്യേ ത്ര്യമ്ബകേ ദേവീ നാരായണീ നമോഽസ്തു തേ

॥ 38 ॥

ശ്ലോക 46

വരം പ്രദാദ്മഹേന്ദ്രായ ദേവരാജ്യം ച ശാശ്വതമ് ।

ഇന്ദ്രസ്തോത്രമിദം പുണ്യം മഹദൈശ്വര്യകാരണമ്

॥ 39 ॥

ശ്ലോക 47

ഇതി ഇന്ദ്രാക്ഷീ സ്തോത്രമ് ।