Hiranya Garbha Suktam

හිරණ්ය ගර්භ සූක්තම්

ශ්ලොක 1

(ඍ.10.121)

හි॒ර॒ණ්ය॒ග॒ර්භ-ස්සම॑වර්ත॒තාග්රේ॑ භූ॒තස්ය॑ ජා॒තඃ පති॒රේක॑ ආසීත් .

ස දා॑ධාර පෘථි॒වී-න්ද්යාමු॒තේමා-ඞ්කස්මෛ॑ දේ॒වාය॑ හ॒විෂා॑ විධේම .. 1

ය ආ॑ත්ම॒දා බ॑ල॒දා යස්ය॒ විශ්ව॑ උ॒පාස॑තේ ප්ර॒ශිෂං॒-යँස්ය॑ දේ॒වාඃ .

යස්ය॑ ඡා॒යාමෘතං॒-යँස්ය॑ මෘ॒ත්යුඃ කස්මෛ॑ දේ॒වාය॑ හ॒විෂා॑ විධේම .. 2

යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ .

ය ඊශේ॑ අ॒ස්ය ද්වි॒පද॒ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම .. 3

යස්යේ॒මේ හි॒මව॑න්තෝ මහි॒ත්වා යස්ය॑ සමු॒ද්රං ර॒සයා॑ ස॒හාහුඃ .

යස්යේ॒මාඃ ප්ර॒දිශෝ॒ යස්ය॑ බා॒හූ කස්මෛ॑ දේ॒වාය॑ හ॒විෂා॑ විධේම .. 4

යේන॒ ද්යෞරු॒ග්රා පෘ॑ථි॒වී ච॑ දෘ॒ල්​හා යේන॒ ස්වඃ॑ ස්තභි॒තං-යේँන॒ නාකඃ॑ .

යෝ අ॒න්තරි॑ක්ෂේ॒ රජ॑සෝ වි॒මානඃ॒ කස්මෛ॑ දේ॒වාය॑ හ॒විෂා॑ විධේම .. 5

ය-ඞ්ක්රන්ද॑සී॒ අව॑සා තස්තභා॒නේ අ॒භ්යෛක්ෂේ॑තා॒-ම්මන॑සා॒ රේජ॑මානේ .

යත්රාධි॒ සූර॒ උදි॑තෝ වි॒භාති॒ කස්මෛ॑ දේ॒වාය॑ හ॒විෂා॑ විධේම .. 6

ආපෝ॑ හ॒ යද්බෘ॑හ॒තීර්විශ්ව॒මාය॒-න්ගර්භ॒-න්දධා॑නා ජ॒නය॑න්තීර॒ග්නිම් .

තතෝ॑ දේ॒වානාං॒ සම॑වර්ත॒තාසු॒රේකඃ॒ කස්මෛ॑ දේ॒වාය॑ හ॒විෂා॑ විධේම .. 7

යශ්චි॒දාපෝ॑ මහි॒නා ප॒ර්යප॑ශ්ය॒ද්දක්ෂ॒-න්දධා॑නා ජ॒නය॑න්තීර්ය॒ජ්ඤම් .

යෝ දේ॒වේෂ්විධි॑ දේ॒ව ඒක॒ ආසී॒ත්කස්මෛ॑ දේ॒වාය॑ හ॒විෂා॑ විධේම .. 8

මා නෝ॑ හිංසීජ්ජනි॒තා යඃ පෘ॑ථි॒ව්යා යෝ වා॒ දිවං॑ ස॒ත්යධ॑ර්මා ජ॒ජාන॑ .

යශ්චා॒පශ්ච॒න්ද්රා බෘ॑හ॒තීර්ජ॒ජාන॒ කස්මෛ॑ දේ॒වාය॑ හ॒විෂා॑ විධේම .. 9

ප්රජා॑පතේ॒ න ත්වදේ॒තාන්ය॒න්යෝ විශ්වා॑ ජා॒තානි॒ පරි॒ තා බ॑භූව .

යත්කා॑මාස්තේ ජුහු॒මස්තන්නෝ॑ අස්තු ව॒යං ස්යා॑ම॒ පත॑යෝ රයී॒ණාම් .. 10