Hiranya Garbha Suktam
Hiranya Garbha Suktam
Hiranya Garbha Suktam
hiraNya garbha sUktam
shloka 1
(RRi.10.121)
hi_ra_Nya_ga_rbha-ssama'varta_tAgre' bhU_tasya' jA_taH pati_reka' AsIt |
sa dA'dhAra pRRithi_vI-ndyAmu_temA-~Nkasmai' de_vAya' ha_viShA' vidhema || 1
ya A'tma_dA ba'la_dA yasya_ vishva' u_pAsa'te pra_shiShaM_-ya.Nsya' de_vAH |
yasya' ChA_yAmRRitaM_-ya.Nsya' mRRi_tyuH kasmai' de_vAya' ha_viShA' vidhema || 2
yaH prA'Na_to ni'miSha_to ma'hi_tvaika_ idrAjA_ jaga'to ba_bhUva' |
ya Ishe' a_sya dvi_pada_shchatu'ShpadaH_ kasmai' de_vAya' ha_viShA' vidhema || 3
yasye_me hi_mava'nto mahi_tvA yasya' samu_draM ra_sayA' sa_hAhuH |
yasye_mAH pra_disho_ yasya' bA_hU kasmai' de_vAya' ha_viShA' vidhema || 4
yena_ dyauru_grA pRRi'thi_vI cha' dRRi_lhA yena_ svaH' stabhi_taM-ye.Nna_ nAkaH' |
yo a_ntari'kShe_ raja'so vi_mAnaH_ kasmai' de_vAya' ha_viShA' vidhema || 5
ya-~Nkranda'sI_ ava'sA tastabhA_ne a_bhyaikShe'tA_-mmana'sA_ reja'mAne |
yatrAdhi_ sUra_ udi'to vi_bhAti_ kasmai' de_vAya' ha_viShA' vidhema || 6
Apo' ha_ yadbRRi'ha_tIrvishva_mAya_-ngarbha_-ndadhA'nA ja_naya'ntIra_gnim |
tato' de_vAnAM_ sama'varta_tAsu_rekaH_ kasmai' de_vAya' ha_viShA' vidhema || 7
yashchi_dApo' mahi_nA pa_ryapa'shya_ddakSha_-ndadhA'nA ja_naya'ntIrya_j~nam |
yo de_veShvidhi' de_va eka_ AsI_tkasmai' de_vAya' ha_viShA' vidhema || 8
mA no' hiMsIjjani_tA yaH pRRi'thi_vyA yo vA_ divaM' sa_tyadha'rmA ja_jAna' |
yashchA_pashcha_ndrA bRRi'ha_tIrja_jAna_ kasmai' de_vAya' ha_viShA' vidhema || 9
prajA'pate_ na tvade_tAnya_nyo vishvA' jA_tAni_ pari_ tA ba'bhUva |
yatkA'mAste juhu_mastanno' astu va_yaM syA'ma_ pata'yo rayI_NAm || 10