Hiranya Garbha Suktam

hiraNya garbha sUktam

zloka 1

(R.10.121)

hi॒ra॒Nya॒ga॒rbha-ssama॑varta॒tAgre॑ bhU॒tasya॑ jA॒taH pati॒reka॑ AsIt |

sa dA॑dhAra pRthi॒vI-ndyAmu॒temA-Gkasmai॑ de॒vAya॑ ha॒viSA॑ vidhema || 1

ya A॑tma॒dA ba॑la॒dA yasya॒ vizva॑ u॒pAsa॑te pra॒ziSaM॒-ya~sya॑ de॒vAH |

yasya॑ chA॒yAmRtaM॒-ya~sya॑ mR॒tyuH kasmai॑ de॒vAya॑ ha॒viSA॑ vidhema || 2

yaH prA॑Na॒to ni॑miSa॒to ma॑hi॒tvaika॒ idrAjA॒ jaga॑to ba॒bhUva॑ |

ya Ize॑ a॒sya dvi॒pada॒zcatu॑SpadaH॒ kasmai॑ de॒vAya॑ ha॒viSA॑ vidhema || 3

yasye॒me hi॒mava॑nto mahi॒tvA yasya॑ samu॒draM ra॒sayA॑ sa॒hAhuH |

yasye॒mAH pra॒dizo॒ yasya॑ bA॒hU kasmai॑ de॒vAya॑ ha॒viSA॑ vidhema || 4

yena॒ dyauru॒grA pR॑thi॒vI ca॑ dR॒l​hA yena॒ svaH॑ stabhi॒taM-ye~na॒ nAkaH॑ |

yo a॒ntari॑kSe॒ raja॑so vi॒mAnaH॒ kasmai॑ de॒vAya॑ ha॒viSA॑ vidhema || 5

ya-Gkranda॑sI॒ ava॑sA tastabhA॒ne a॒bhyaikSe॑tA॒-mmana॑sA॒ reja॑mAne |

yatrAdhi॒ sUra॒ udi॑to vi॒bhAti॒ kasmai॑ de॒vAya॑ ha॒viSA॑ vidhema || 6

Apo॑ ha॒ yadbR॑ha॒tIrvizva॒mAya॒-ngarbha॒-ndadhA॑nA ja॒naya॑ntIra॒gnim |

tato॑ de॒vAnAM॒ sama॑varta॒tAsu॒rekaH॒ kasmai॑ de॒vAya॑ ha॒viSA॑ vidhema || 7

yazci॒dApo॑ mahi॒nA pa॒ryapa॑zya॒ddakSa॒-ndadhA॑nA ja॒naya॑ntIrya॒jJam |

yo de॒veSvidhi॑ de॒va eka॒ AsI॒tkasmai॑ de॒vAya॑ ha॒viSA॑ vidhema || 8

mA no॑ hiMsIjjani॒tA yaH pR॑thi॒vyA yo vA॒ divaM॑ sa॒tyadha॑rmA ja॒jAna॑ |

yazcA॒pazca॒ndrA bR॑ha॒tIrja॒jAna॒ kasmai॑ de॒vAya॑ ha॒viSA॑ vidhema || 9

prajA॑pate॒ na tvade॒tAnya॒nyo vizvA॑ jA॒tAni॒ pari॒ tA ba॑bhUva |

yatkA॑mAste juhu॒mastanno॑ astu va॒yaM syA॑ma॒ pata॑yo rayI॒NAm || 10