Govindashtakam

ගෝවින්දාෂ්ටකම්

ශ්ලොක 1

සත්යං ජ්ඤානමනන්තං නිත්යමනාකාශං පරමාකාශම් .

ගෝෂ්ඨප්රාඞ්ගණරිඞ්ඛණලෝලමනායාසං පරමායාසම් .

මායාකල්පිතනානාකාරමනාකාරං භුවනාකාරම් .

ක්ෂ්මාමානාථමනාථං ප්රණමත ගෝවින්දං පරමානන්දම් .. 1 ..

මෘත්ස්නාමත්සීහේති යශෝදාතාඩනශෛශව සන්ත්රාසම් .

ව්යාදිතවක්ත්රාලෝකිතලෝකාලෝකචතුර්දශලෝකාලිම් .

ලෝකත්රයපුරමූලස්තම්භං ලෝකාලෝකමනාලෝකම් .

ලෝකේශං පරමේශං ප්රණමත ගෝවින්දං පරමානන්දම් .. 2 ..

ත්රෛවිෂ්ටපරිපුවීරඝ්නං ක්ෂිතිභාරඝ්නං භවරෝගඝ්නම් .

කෛවල්යං නවනීතාහාරමනාහාරං භුවනාහාරම් .

වෛමල්යස්ඵුටචේතෝවෘත්තිවිශේෂාභාසමනාභාසම් .

ශෛවං කේවලශාන්තං ප්රණමත ගෝවින්දං පරමානන්දම් .. 3 ..

ගෝපාලං ප්රභුලීලාවිග්රහගෝපාලං කුලගෝපාලම් .

ගෝපීඛේලනගෝවර්ධනධෘතිලීලාලාලිතගෝපාලම් .

ගෝභිර්නිගදිත ගෝවින්දස්ඵුටනාමානං බහුනාමානම් .

ගෝපීගෝචරදූරං ප්රණමත ගෝවින්දං පරමානන්දම් .. 4 ..

ගෝපීමණ්ඩලගෝෂ්ඨීභේදං භේදාවස්ථමභේදාභම් .

ශශ්වද්ගෝඛුරනිර්ධූතෝද්ගත ධූලීධූසරසෞභාග්යම් .

ශ්රද්ධාභක්තිගෘහීතානන්දමචින්ත්යං චින්තිතසද්භාවම් .

චින්තාමණිමහිමානං ප්රණමත ගෝවින්දං පරමානන්දම් .. 5 ..

ස්නානව්යාකුලයෝෂිද්වස්ත්රමුපාදායාගමුපාරූඪම් .

ව්යාදිත්සන්තීරථ දිග්වස්ත්රා දාතුමුපාකර්ෂන්තං තාඃ

නිර්ධූතද්වයශෝකවිමෝහං බුද්ධං බුද්ධේරන්තස්ථම් .

සත්තාමාත්රශරීරං ප්රණමත ගෝවින්දං පරමානන්දම් .. 6 ..

කාන්තං කාරණකාරණමාදිමනාදිං කාලධනාභාසම් .

කාලින්දීගතකාලියශිරසි සුනෘත්යන්තං මුහුරත්යන්තම් .

කාලං කාලකලාතීතං කලිතාශේෂං කලිදෝෂඝ්නම් .

කාලත්රයගතිහේතුං ප්රණමත ගෝවින්දං පරමානන්දම් .. 7 ..

බෘන්දාවනභුවි බෘන්දාරකගණබෘන්දාරාධිතවන්දේහම් .

කුන්දාභාමලමන්දස්මේරසුධානන්දං සුහෘදානන්දම් .

වන්ද්යාශේෂ මහාමුනි මානස වන්ද්යානන්දපදද්වන්ද්වම් .

වන්ද්යාශේෂගුණාබ්ධිං ප්රණමත ගෝවින්දං පරමානන්දම් .. 8 ..

ගෝවින්දාෂ්ටකමේතදධීතේ ගෝවින්දාර්පිතචේතා යඃ .

ගෝවින්දාච්යුත මාධව විෂ්ණෝ ගෝකුලනායක කෘෂ්ණේති .

ගෝවින්දාඞ්ඝ්රි සරෝජධ්යානසුධාජලධෞතසමස්තාඝඃ .

ගෝවින්දං පරමානන්දාමෘතමන්තස්ථං ස තමභ්යේති ..

ඉති ශ්රී ශඞ්කරාචාර්ය විරචිත ශ්රීගෝවින්දාෂ්ටකං සමාප්තං