Govindashtakam

ଗୋଵିନ୍ଦାଷ୍ଟକମ୍

ଶ୍ଲୋକ 1

ସତ୍ଯଂ ଜ୍ଞାନମନନ୍ତଂ ନିତ୍ଯମନାକାଶଂ ପରମାକାଶମ୍ ।

ଗୋଷ୍ଠପ୍ରାଙ୍ଗଣରିଙ୍ଖଣଲୋଲମନାଯାସଂ ପରମାଯାସମ୍ ।

ମାଯାକଲ୍ପିତନାନାକାରମନାକାରଂ ଭୁଵନାକାରମ୍ ।

କ୍ଷ୍ମାମାନାଥମନାଥଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

ଶ୍ଲୋକ 2

ମୃତ୍ସ୍ନାମତ୍ସୀହେତି ଯଶୋଦାତାଡନଶୈଶଵ ସନ୍ତ୍ରାସମ୍ ।

ଵ୍ଯାଦିତଵକ୍ତ୍ରାଲୋକିତଲୋକାଲୋକଚତୁର୍ଦଶଲୋକାଲିମ୍ ।

ଲୋକତ୍ରଯପୁରମୂଲସ୍ତମ୍ଭଂ ଲୋକାଲୋକମନାଲୋକମ୍ ।

ଲୋକେଶଂ ପରମେଶଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 1 ॥

ଶ୍ଲୋକ 3

ତ୍ରୈଵିଷ୍ଟପରିପୁଵୀରଘ୍ନଂ କ୍ଷିତିଭାରଘ୍ନଂ ଭଵରୋଗଘ୍ନମ୍ ।

କୈଵଲ୍ଯଂ ନଵନୀତାହାରମନାହାରଂ ଭୁଵନାହାରମ୍ ।

ଵୈମଲ୍ଯସ୍ଫୁଟଚେତୋଵୃତ୍ତିଵିଶେଷାଭାସମନାଭାସମ୍ ।

ଶୈଵଂ କେଵଲଶାନ୍ତଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 2 ॥

ଶ୍ଲୋକ 4

ଗୋପାଲଂ ପ୍ରଭୁଲୀଲାଵିଗ୍ରହଗୋପାଲଂ କୁଲଗୋପାଲମ୍ ।

ଗୋପୀଖେଲନଗୋଵର୍ଧନଧୃତିଲୀଲାଲାଲିତଗୋପାଲମ୍ ।

ଗୋଭିର୍ନିଗଦିତ ଗୋଵିନ୍ଦସ୍ଫୁଟନାମାନଂ ବହୁନାମାନମ୍ ।

ଗୋପୀଗୋଚରଦୂରଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 3 ॥

ଶ୍ଲୋକ 5

ଗୋପୀମଣ୍ଡଲଗୋଷ୍ଠୀଭେଦଂ ଭେଦାଵସ୍ଥମଭେଦାଭମ୍ ।

ଶଶ୍ଵଦ୍ଗୋଖୁରନିର୍ଧୂତୋଦ୍ଗତ ଧୂଲୀଧୂସରସୌଭାଗ୍ଯମ୍ ।

ଶ୍ରଦ୍ଧାଭକ୍ତିଗୃହୀତାନନ୍ଦମଚିନ୍ତ୍ଯଂ ଚିନ୍ତିତସଦ୍ଭାଵମ୍ ।

ଚିନ୍ତାମଣିମହିମାନଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 4 ॥

ଶ୍ଲୋକ 6

ସ୍ନାନଵ୍ଯାକୁଲଯୋଷିଦ୍ଵସ୍ତ୍ରମୁପାଦାଯାଗମୁପାରୂଢମ୍ ।

ଵ୍ଯାଦିତ୍ସନ୍ତୀରଥ ଦିଗ୍ଵସ୍ତ୍ରା ଦାତୁମୁପାକର୍ଷନ୍ତଂ ତାଃ

ନିର୍ଧୂତଦ୍ଵଯଶୋକଵିମୋହଂ ବୁଦ୍ଧଂ ବୁଦ୍ଧେରନ୍ତସ୍ଥମ୍ ।

ସତ୍ତାମାତ୍ରଶରୀରଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 5 ॥

ଶ୍ଲୋକ 7

କାନ୍ତଂ କାରଣକାରଣମାଦିମନାଦିଂ କାଲଧନାଭାସମ୍ ।

କାଲିନ୍ଦୀଗତକାଲିଯଶିରସି ସୁନୃତ୍ଯନ୍ତଂ ମୁହୁରତ୍ଯନ୍ତମ୍ ।

କାଲଂ କାଲକଲାତୀତଂ କଲିତାଶେଷଂ କଲିଦୋଷଘ୍ନମ୍ ।

କାଲତ୍ରଯଗତିହେତୁଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 6 ॥

ଶ୍ଲୋକ 8

ବୃନ୍ଦାଵନଭୁଵି ବୃନ୍ଦାରକଗଣବୃନ୍ଦାରାଧିତଵନ୍ଦେହମ୍ ।

କୁନ୍ଦାଭାମଲମନ୍ଦସ୍ମେରସୁଧାନନ୍ଦଂ ସୁହୃଦାନନ୍ଦମ୍ ।

ଵନ୍ଦ୍ଯାଶେଷ ମହାମୁନି ମାନସ ଵନ୍ଦ୍ଯାନନ୍ଦପଦଦ୍ଵନ୍ଦ୍ଵମ୍ ।

ଵନ୍ଦ୍ଯାଶେଷଗୁଣାବ୍ଧିଂ ପ୍ରଣମତ ଗୋଵିନ୍ଦଂ ପରମାନନ୍ଦମ୍

॥ 7 ॥

ଶ୍ଲୋକ 9

ଗୋଵିନ୍ଦାଷ୍ଟକମେତଦଧୀତେ ଗୋଵିନ୍ଦାର୍ପିତଚେତା ଯଃ ।

ଗୋଵିନ୍ଦାଚ୍ଯୁତ ମାଧଵ ଵିଷ୍ଣୋ ଗୋକୁଲନାଯକ କୃଷ୍ଣେତି ।

ଗୋଵିନ୍ଦାଙ୍ଘ୍ରି ସରୋଜଧ୍ଯାନସୁଧାଜଲଧୌତସମସ୍ତାଘଃ ।

ଗୋଵିନ୍ଦଂ ପରମାନନ୍ଦାମୃତମନ୍ତସ୍ଥଂ ସ ତମଭ୍ଯେତି ॥

ଇତି ଶ୍ରୀ ଶଙ୍କରାଚାର୍ଯ ଵିରଚିତ ଶ୍ରୀଗୋଵିନ୍ଦାଷ୍ଟକଂ ସମାପ୍ତଂ