Govinda Damodara Stotram (Selected Verses)

ගෝවින්ද දාමෝදර ස්තෝත්රම් (ලඝු)

ශ්ලොක 1

කරාරවින්දේන පදාරවින්දං

මුඛාරවින්දේ විනිවේශයන්තම් .

වටස්ය පත්රස්ය පුටේ ශයානං

බාලං මුකුන්දං මනසා ස්මරාමි ..

ශ්රීකෘෂ්ණ ගෝවින්ද හරේ මුරාරේ

හේ නාථ නාරායණ වාසුදේව .

ජිහ්වේ පිබස්වාමෘතමේතදේව

ගෝවින්ද දාමෝදර මාධවේති .. 1

වික්රේතුකාමාඛිලගෝපකන්යා

මුරාරිපාදාර්පිතචිත්තවෘත්තිඃ .

දධ්යාදිකං මෝහවශාදවෝචත්

ගෝවින්ද දාමෝදර මාධවේති .. 2

ගෘහේ ගෘහේ ගෝපවධූකදම්බාඃ

සර්වේ මිලිත්වා සමවාප්ය යෝගම් .

පුණ්යානි නාමානි පඨන්ති නිත්යං

ගෝවින්ද දාමෝදර මාධවේති .. 3

සුඛං ශයානා නිලයේ නිජේ(අ)පි

නාමානි විෂ්ණෝඃ ප්රවදන්ති මර්ත්යාඃ .

තේ නිශ්චිතං තන්මයතාං ව්රජන්ති

ගෝවින්ද දාමෝදර මාධවේති .. 4

ජිහ්වේ සදෛවං භජ සුන්දරාණි

නාමානි කෘෂ්ණස්ය මනෝහරාණි .

සමස්ත භක්තාර්තිවිනාශනානි

ගෝවින්ද දාමෝදර මාධවේති .. 5

සුඛාවසානේ ඉදමේව සාරං

දුඃඛාවසානේ ඉදමේව ජ්ඤේයම් .

දේහාවසානේ ඉදමේව ජාප්යං

ගෝවින්ද දාමෝදර මාධවේති .. 6

ජිහ්වේ රසජ්ඤේ මධුරප්රියේ ත්වං

සත්යං හිතං ත්වාං පරමං වදාමි .

අවර්ණයේථා මධුරාක්ෂරාණි

ගෝවින්ද දාමෝදර මාධවේති .. 7

ත්වාමේව යාචේ මම දේහි ජිහ්වේ

සමාගතේ දණ්ඩධරේ කෘතාන්තේ .

වක්තව්යමේවං මධුරං සුභක්ත්යා

ගෝවින්ද දාමෝදර මාධවේති .. 8

ශ්රීකෘෂ්ණ රාධාවර ගෝකුලේශ

ගෝපාල ගෝවර්ධනනාථ විෂ්ණෝ .

ජිහ්වේ පිබස්වාමෘතමේතදේව

ගෝවින්ද දාමෝදර මාධවේති .. 9