Govinda Damodara Stotram (Selected Verses)

ଗୋଵିନ୍ଦ ଦାମୋଦର ସ୍ତୋତ୍ରମ୍ (ଲଘୁ)

ଶ୍ଲୋକ 1

କରାରଵିନ୍ଦେନ ପଦାରଵିନ୍ଦଂ

ମୁଖାରଵିନ୍ଦେ ଵିନିଵେଶଯନ୍ତମ୍ ।

ଵଟସ୍ଯ ପତ୍ରସ୍ଯ ପୁଟେ ଶଯାନଂ

ବାଲଂ ମୁକୁନ୍ଦଂ ମନସା ସ୍ମରାମି ॥

ଶ୍ରୀକୃଷ୍ଣ ଗୋଵିନ୍ଦ ହରେ ମୁରାରେ

ହେ ନାଥ ନାରାଯଣ ଵାସୁଦେଵ ।

ଜିହ୍ଵେ ପିବସ୍ଵାମୃତମେତଦେଵ

ଗୋଵିନ୍ଦ ଦାମୋଦର ମାଧଵେତି ॥ 1

ଵିକ୍ରେତୁକାମାଖିଲଗୋପକନ୍ଯା

ମୁରାରିପାଦାର୍ପିତଚିତ୍ତଵୃତ୍ତିଃ ।

ଦଧ୍ଯାଦିକଂ ମୋହଵଶାଦଵୋଚତ୍

ଗୋଵିନ୍ଦ ଦାମୋଦର ମାଧଵେତି ॥ 2

ଗୃହେ ଗୃହେ ଗୋପଵଧୂକଦମ୍ବାଃ

ସର୍ଵେ ମିଲିତ୍ଵା ସମଵାପ୍ଯ ଯୋଗମ୍ ।

ପୁଣ୍ଯାନି ନାମାନି ପଠନ୍ତି ନିତ୍ଯଂ

ଗୋଵିନ୍ଦ ଦାମୋଦର ମାଧଵେତି ॥ 3

ସୁଖଂ ଶଯାନା ନିଲଯେ ନିଜେଽପି

ନାମାନି ଵିଷ୍ଣୋଃ ପ୍ରଵଦନ୍ତି ମର୍ତ୍ଯାଃ ।

ତେ ନିଶ୍ଚିତଂ ତନ୍ମଯତାଂ ଵ୍ରଜନ୍ତି

ଗୋଵିନ୍ଦ ଦାମୋଦର ମାଧଵେତି ॥ 4

ଜିହ୍ଵେ ସଦୈଵଂ ଭଜ ସୁନ୍ଦରାଣି

ନାମାନି କୃଷ୍ଣସ୍ଯ ମନୋହରାଣି ।

ସମସ୍ତ ଭକ୍ତାର୍ତିଵିନାଶନାନି

ଗୋଵିନ୍ଦ ଦାମୋଦର ମାଧଵେତି ॥ 5

ସୁଖାଵସାନେ ଇଦମେଵ ସାରଂ

ଦୁଃଖାଵସାନେ ଇଦମେଵ ଜ୍ଞେଯମ୍ ।

ଦେହାଵସାନେ ଇଦମେଵ ଜାପ୍ଯଂ

ଗୋଵିନ୍ଦ ଦାମୋଦର ମାଧଵେତି ॥ 6

ଜିହ୍ଵେ ରସଜ୍ଞେ ମଧୁରପ୍ରିଯେ ତ୍ଵଂ

ସତ୍ଯଂ ହିତଂ ତ୍ଵାଂ ପରମଂ ଵଦାମି ।

ଅଵର୍ଣଯେଥା ମଧୁରାକ୍ଷରାଣି

ଗୋଵିନ୍ଦ ଦାମୋଦର ମାଧଵେତି ॥ 7

ତ୍ଵାମେଵ ଯାଚେ ମମ ଦେହି ଜିହ୍ଵେ

ସମାଗତେ ଦଣ୍ଡଧରେ କୃତାନ୍ତେ ।

ଵକ୍ତଵ୍ଯମେଵଂ ମଧୁରଂ ସୁଭକ୍ତ୍ଯା

ଗୋଵିନ୍ଦ ଦାମୋଦର ମାଧଵେତି ॥ 8

ଶ୍ରୀକୃଷ୍ଣ ରାଧାଵର ଗୋକୁଲେଶ

ଗୋପାଲ ଗୋଵର୍ଧନନାଥ ଵିଷ୍ଣୋ ।

ଜିହ୍ଵେ ପିବସ୍ଵାମୃତମେତଦେଵ

ଗୋଵିନ୍ଦ ଦାମୋଦର ମାଧଵେତି ॥ 9