Govinda Damodara Stotram (Selected Verses)

govinda dAmodara stotram (laghu)

zloka 1

karAravindena padAravindaM

mukhAravinde vinivezayantam |

vaTasya patrasya puTe zayAnaM

bAlaM mukundaM manasA smarAmi ||

zrIkRSNa govinda hare murAre

he nAtha nArAyaNa vAsudeva |

jihve pibasvAmRtametadeva

govinda dAmodara mAdhaveti || 1

vikretukAmAkhilagopakanyA

murAripAdArpitacittavRttiH |

dadhyAdikaM mohavazAdavocat

govinda dAmodara mAdhaveti || 2

gRhe gRhe gopavadhUkadambAH

sarve militvA samavApya yogam |

puNyAni nAmAni paThanti nityaM

govinda dAmodara mAdhaveti || 3

sukhaM zayAnA nilaye nije'pi

nAmAni viSNoH pravadanti martyAH |

te nizcitaM tanmayatAM vrajanti

govinda dAmodara mAdhaveti || 4

jihve sadaivaM bhaja sundarANi

nAmAni kRSNasya manoharANi |

samasta bhaktArtivinAzanAni

govinda dAmodara mAdhaveti || 5

sukhAvasAne idameva sAraM

duHkhAvasAne idameva jJeyam |

dehAvasAne idameva jApyaM

govinda dAmodara mAdhaveti || 6

jihve rasajJe madhurapriye tvaM

satyaM hitaM tvAM paramaM vadAmi |

avarNayethA madhurAkSarANi

govinda dAmodara mAdhaveti || 7

tvAmeva yAce mama dehi jihve

samAgate daNDadhare kRtAnte |

vaktavyamevaM madhuraM subhaktyA

govinda dAmodara mAdhaveti || 8

zrIkRSNa rAdhAvara gokuleza

gopAla govardhananAtha viSNo |

jihve pibasvAmRtametadeva

govinda dAmodara mAdhaveti || 9