Goda Devi Ashtottara Sata Nama Stotram

godA devI aShTottara shata stotram

shloka 1

dhyAnam |

shatamakhamaNi nIlA chArukalhArahastA

stanabharanamitA~NgI sAndravAtsalyasindhuH |

alakavinihitAbhiH sragbhirAkRRiShTanAthA

vilasatu hRRidi godA viShNuchittAtmajA naH ||

atha stotram |

shrIra~NganAyakI godA viShNuchittAtmajA satI |

gopIveShadharA devI bhUsutA bhogashAlinI || 1 ||

tulasIkAnanodbhUtA shrIdhanvipuravAsinI |

bhaTTanAthapriyakarI shrIkRRiShNahitabhoginI || 2 ||

AmuktamAlyadA bAlA ra~NganAthapriyA parA |

vishvambharA kalAlApA yatirAjasahodarI || 3 ||

kRRiShNAnuraktA subhagA sulabhashrIH sulakShaNA |

lakShmIpriyasakhI shyAmA dayAnchitadRRiganchalA || 4 ||

phalgunyAvirbhavA ramyA dhanurmAsakRRitavratA |

champakAshokapunnAgamAlatIvilasatkachA || 5 ||

AkAratrayasampannA nArAyaNapadAshritA |

shrImadaShTAkSharImantrarAjasthitamanorathA || 6 ||

mokShapradAnanipuNA manuratnAdhidevatA |

brahmaNyA lokajananI lIlAmAnuSharUpiNI || 7 ||

brahmaj~nAnapradA mAyA sachchidAnandavigrahA |

mahApativratA viShNuguNakIrtanalolupA || 8 ||

prapannArtiharA nityA vedasaudhavihAriNI |

shrIraNganAthamANikyamanjarI ma~njubhAShiNI || 9 ||

padmapriyA padmahastA vedAntadvayabodhinI |

suprasannA bhagavatI shrIjanArdanadIpikA || 10 ||

sugandhAvayavA chAruraNgamaNgaladIpikA |

dhvajavajrANkushAbjANkamRRidupAdalatA~nchitA || 11 ||

tArakAkAranakharA pravAlamRRidulA~NgulI |

kUrmopameyapAdordhvabhAgA shobhanapArShNikA || 12 ||

vedArthabhAvatattvajnA lokArAdhyANghripa~NkajA |

AnandabudbudAkArasugulphA paramANukA || 13 ||

tejaHshriyojjvaladhRRitapAdA~NgulisubhUShitA |

mInaketanatUNIrachAruja~NghAvirAjitA || 14 ||

kakudvajjAnuyugmADhyA svarNarambhAbhasakthikA |

vishAlajaghanA pInasushroNI maNimekhalA || 15 ||

AnandasAgarAvartagambhIrAmbhojanAbhikA |

bhAsvadvalitrikA chArujagatpUrNamahodarI || 16 ||

navavallIromarAjI sudhAkumbhAyitastanI |

kalpamAlAnibhabhujA chandrakhaNDanakhA~nchitA || 17 ||

supravAshANgulInyastamahAratnANgulIyakA |

navAruNapravAlAbhapANideshasama~nchitA || 18 ||

kambukaNThI suchubukA bimboShThI kundadantayuk |

kAruNyarasaniShyandanetradvayasushobhitA || 19 ||

muktAshuchismitA chAruchAmpeyanibhanAsikA |

darpaNAkAravipulakapoladvitayA~nchitA || 20 ||

anantArkaprakAshodyanmaNitATa~NkashobhitA |

koTisUryAgnisa~NkAshanAnAbhUShaNabhUShitA || 21 ||

sugandhavadanA subhrU ardhachandralalATikA |

pUrNachandrAnanA nIlakuTilAlakashobhitA || 22 ||

saundaryasImA vilasatkastUrItilakojjvalA |

dhagaddhagAyamAnodyanmaNisImantabhUShaNA || 23 ||

jAjvalyamAnasadratnadivyachUDAvataMsakA |

sUryArdhachandravilasat bhUShaNA~nchitaveNikA || 24 ||

atyarkAnalatejodhimaNika~nchukadhAriNI |

sadratnAnchitavidyotavidyutkunjAbhashATikA || 25 ||

nAnAmaNigaNAkIrNahemA~NgadasubhUShitA |

ku~NkumAgarukastUrIdivyachandanacharchitA || 26 ||

svochitaujjvalyavividhavichitramaNihAriNI |

asa~NkhyeyasukhasparshasarvAtishayabhUShaNA || 27 ||

mallikApArijAtAdidivyapuShpasraga~nchitA |

shrIra~NganilayA pUjyA divyadeshasushobhitA || 28 ||

iti shrIgodAShTottarashatanAmastotram |